Ministria e Transporteve: Bllokohet 4 ditë tuneli

[OO7]

Sipas njoftimit zyrtar, tuneli i Thirrës, pjesë e aksit Rrëshen- Kalimash të autostradës Durrës-Kukës, do të mbyllet për katër ditë, për shkak të punimeve elektromekanike dhe përforcuese në galerinë jugore të tij

TIRANE-Menjëherë pas shpalljes së re zultateve para prake të votimit për parlamentin shqiptar, Ministria e Transporteve njoftoi dje mbylljen e tunelit të Thirrës, pjesë e autostradës Durrës- Kukës. Hapja e tij vetëm në një drejtim, u përurua një ditë më parë nga kryeministri Berisha, ai kosovar Hashim Thaçi dhe kreu i Ekzekutivit turk, Erdogan, në dy ceremoni të ndryshme festive. Sipas njoftimit zyrtar, tuneli i Thirrës, pjesë e aksit Rrëshen- Kalimash të autostradës Durrës-Kukës, do të mbyllet për katër ditë, për shkak të punimeve elektromekanike dhe përforcuese në galerinë jugore të tij. Ministria e Punëve Publike, Transportit dhe Telekomunikacionit njoftoi se këto punime, për arsye teknike dhe sigurie, nuk mund të zhvillohen në prani të trafikut. Sipas burimeve zyrtare të këtij dikasteri, tuneli i Thirrës në autostradën Durrës-Kukës do të jetë i mbyllur prej ditës së hënë, deri në orën 07:00 të ditës së enjte. Kjo do të thotë se gjatë këtyre ditëve, qytetarët shqiptarë dhe ata kosovarë nuk do të mund të qarkullojnë në autostradë, por duhet të ndjekin rrugën e vjetër, që është gati totalisht e amortizuar. Ministria e Transportit u kërkon publikisht ndjesë qytetarëve vendas dhe të Kosovës për shqetësimin dhe njëkohësisht i falenderon për mirëkuptimin e tyre hipotetik.
Sezoni
Por, është e padiskutueshme që një ngjarje e tillë do të krijojë pështjellime jo të pakta ndër banorët e zonave verilindore të vendit, si dhe ndër turistët nga Kosova, që kanë prenotuar pushimet e tyre me agjenci të ndryshme turistike, duke llogaritur një udhëtim për rreth 3 orë deri në Durrës, duke u besuar premtimeve zyrtare.

(d.b/GSH/BalkanWeb)

[Besoja]

Nga ora 11 e ditës së hënë deri 07 të ditës së enjte,i bie 2 ditë e gjysëm dhe jo katër ditë.Sa qef keni t'i zmadhoni gjërat!

[Anti]

Nga ora 11 e ditës së hënë deri 07 të ditës së enjte,i bie 2 ditë e gjysëm dhe jo katër ditë.Sa qef keni t'i zmadhoni gjërat!

me mik e ke kaluar matematiken e fillores ti byrazer? LOL

Rruga do te perurohej nga Berisha e kushdo qe te ishte ne pushtet qe para zgjedhjeve, mbaruar apo pa mbaruar.
Keto rregullimet e vogla s'besoj te jene problem.

Por me habit fakti qe prishja e rruges ka shtyre gjyqin e Mediut.hmmm

[OO7]

Nga ora 11 e ditës së hënë deri 07 të ditës së enjte,i bie 2 ditë e gjysëm dhe jo katër ditë.Sa qef keni t'i zmadhoni gjërat!

Ta bëjmë me shprehje të thjeshta matematikore se ti na e nxore 2 fare

Tuneli do jetë i mbyllur Të Hënën (1) Të Martën (2) Të Mërkurën (3) Të Enjten deri 0700 (3.26)

I njeh numrat?

[Besoja]

Nuk besoj se në forum ka komosione për vlerësimin e lëndëve por megjithatë them se gjysma e ditës së hënë plus e marta dhe e mërkura bëjnë 2 ditë e gjysëm.Nuk po flas se ka mbaruar fare apo nuk ka filluar fare.E kisha fjalën tek qefi i zmadhimit të gjërave siç ndodh zakonisht kur bëhet fjala për të metat e qeverisë Berisha.

[Anti]

lol
sa te semure jane disa.

[OO7]

Nuk besoj se në forum ka komosione për vlerësimin e lëndëve por megjithatë them se gjysma e ditës së hënë plus e marta dhe e mërkura bëjnë 2 ditë e gjysëm.Nuk po flas se ka mbaruar fare apo nuk ka filluar fare.E kisha fjalën tek qefi i zmadhimit të gjërave siç ndodh zakonisht kur bëhet fjala për të metat e qeverisë Berisha.

Ti ke të drejtë në fakt se rrugët nuk quhen të hapura natën