Fillojne levizjet brenda PS per largimin e Rames

[REALIST]

Në PS shtohen zërat për largimin e Ramës


Kthjellimi i situatës paszgjedhore me numërimin e kutive të fundit në Komisionin Qendror të Zgjedhjeve pritet të sjellë një tronditje në selinë rozë, ku tashmë pavarësisht se jo në mënyrë zyrtare, sinjali i humbjes është mëse i dukshëm. Burime të brendshme nga selia rozë flasin për një rigjallërim të zërave kundër Edi Ramës, të cilët pritet të kërkojnë dorëheqjen e tij nga posti i kryetarit të PS-së, menjëherë pas konfirmimit të rezultatit nga institucioni qendror i administrimit të zgjedhjeve. Në korridoret e selisë rozë kanë filluar të lakohen emra të ndryshëm si pasues të Ramës, ndërkohë që nuk përjashtohet edhe mundësia e rikthimit të ish-kryetarit Fatos Nano për një rikonfigurim të së majtës. Është ende e paqartë, nëse Rama do ta mbajë fjalën e dhënë vetëm dy ditë para zgjedhjeve dhe do të largohet vetë nga posti i kryetarit të PS-së, të cilin e fitoi me aq mund në kongresin e jashtëzakonshëm të vjeshtës së 2005, kur flitej për korrupsion në shuma të mëdha të delegatëve socialistë. Duke folur në një nga debatet televizive me gazetarët, Rama tha se do të japë dorëheqjen nëse Partia Socialiste humbet në zgjedhjet e 28 qershorit. Burime të brendshme nga Partia Socialiste flasin, se Edi Rama po kalon ditët e fundit në selinë rozë, në të cilën duket se nuk do të ketë më shanse të rikthehet në krye të saj. Gazetarët e pranishëm në selinë rozë bëjnë të ditur se ai po shan e ofendon publikisht shqiptarët që nuk e votuan, ndërkohë që ka anatemuar përfaqësuesin socialist që zgjodhi kodin e ri elektoral që rrënoi PS-në. Por, shumica e socialistëve identifikojnë vetë Ramën si shkaktarin kryesor dhe të vetëm për humbjen e Partisë Sociualiste në këto zgjedhje, duke e akuzuar atë për një fushatë demagogjike, të distancuar nga socialistët dhe qytetarët dhe të lidhur me interesa të dyshimta me pronarë firmash ndërtimi dhe përfaqësues të G99. Gjithashtu ata akuzojnë Ramën, për klientelizëm të dukshëm me listat e kandidatëve, ku u përjashtuan figura me peshë në PS, të cilët u zëvendësuan me drejtues kompanish ndërtimi apo beniaminë të Ramës pa asnjë kontribut politik në Partinë Socialiste. Nga ana tjetër, Rama po përpiqet të justifikojë humbjen dhe të shtyjë sulmet ndaj tij, nëpërmjet organizimit të protestave me socialistët. Një debat i ashpër mes Ramës dhe deputetëve Islami e Xhafaj, ka nxjerrë në pah përplasjen e madhe që pritet në selinë rozë pas konfirmimit zyrtar të humbjes. Ndërkohë, emrat e parë që po lakohen për postin e kryetarit të selisë rozë janë Arben Malaj dhe Ben Blushi, të cilët njihen të dy si mbështetës të ish-kryetarit Fatos Nano. Ndërkohë duket, se vetë Rama po humbet gjithnjë e më tepër terren në drejtimin e selisë rozë, ku duket se ai tashmë po mbetet pa mbështetjen e drejtuesve me influencë në Partinë Socialiste. Në një situatë të brendshme aspak favorizuese dhe me aleatë tepër armiqësorë, për shkak të mbetjes së tyre jashtë Parlamentit, Rama duket se e ka pothuajse të pamundur të vazhdojë të qëndrojë në krye të PS-së, pavarësisht protestave që pritet të realizojë. Pretendimet se PS-së iu vodhën votat, në një kohë kur procesi është cilësuar si më transparenti nga komuniteti ndërkombëtar, ka pak gjasa të shpëtojnë Ramën nga përballja me kërkesën për të dhënë dorëheqjen. Nga ana tjetër, shumë figura socialiste të përjashtuara nga lista kanë filluar të zhvillojnë takime me pretendentët për kreun e PS-së në ambjente të ndryshme të kryeqytetit, duke dëshmuar mbështetjen e tyre ndaj largimit të Ramës. Dy ditë më parë ishte një nga zërat më kritikë për politikat klienteliste të Ramës, Petroi Koçi, i cili i kërkoi kryetarit të PS-së të japë dorëheqjen pas disfatës së thellë elektorale. Aktualisht, situata në selinë rozë i ngjan motit të qetë para shpërthimit të një shtrëngate, e cila kësaj radhe duket se nuk do të përmbytë makinat e qytetarëve të Tiranës, por vetë karrierën politike të kryetarit të Bashkisë.

Rilindja Demokratike

[REALIST]

Kryesocialisti po kalon dy ditët e fundit në korridoret e selisë, duke sharë shqiptarët që s’ia besuan gënjeshtrat, dhe duke akuzuar Islamin e Xhafajn që i propozuan kodin, por këta të fundit e bëjnë fajtor Edvinin se drejtoi fushatë të dobët e rrinte gjithë ditën me 99-shat e Erion Velisë. Dorëheqja del në rend të ditës, ndërkohë që Blushi e Majko janë vetëkandiduar për të marrë kreun e opozitës në katër vitet e ardhshme

Edi Rama, i cili gjithë këto ditë ka tentuar të shtyjë sulmet ndaj tij brenda PS-ës si shkaktarë të humbjes së zgjedhjeve, nuk ka mundur t’i shtyjë më tej këto sulme. Jo më larg se dje janë shfaqur zërat e parë brenda PS-së, që i kanë kërkuar dorëheqjen Edi Ramës, ndërsa kanë qarkulluar edhe emrat e parë të mundshëm për t’i zënë vendin atij.

Ka qenë një debat i nisur dje nga vetë Edi Rama, me Kastriot Islamin dhe Fatmir Xhafajn, që më pas i është kthyer në bumerang.

Ndërsa Edi Rama, si pjesë të strategjisë së tij për të mbajtur partinë, ka tentuar, që për të pasur një argument më shumë në funksion të këtij qëllimi, të fajësojë Kodin Zgjedhor dhe për më tepër “ideatorët” e tij brenda PS-së, Kastriot Islamin dhe Fatmir Xhafajn.

Nga ana e tyre, Islami dhe Xhafaj, jo aq për të mbrojtur veten, sesa për të përcaktuar sipas tyre, shkaktarin real të humbjes, i janë kthyer kryetarit të tyre, duke ia faturuar atij përgjegjësinë e humbjes.

Bashkë me këtë përcaktim si shkaktar të humbjes, Kastriot Islami dhe Fatmir Xhafaj mësohet se i kanë përmendur Edi Ramës, edhe arsyet që lidhen me humbjen. Sipas tyre mësohet se Islami dhe Xhafaj, kanë fajësuar Ramën për fushatën e dobët që ai drejtoi, për përfshirjen në koalicion të G 99-s, për klientelizmin e listave, etj.

Ndërkohë, mësohet se mes zërave që paralajmërojnë kërkesën për dorëheqje të Edi Ramës, korridoreve të selisë së PS-ës, janë hedhur “në treg” edhe emrat e mundshëm që mund të zëvendësojnë atë në krye të kësaj partie. Sipas burimeve nga selia e PS-së, mësohet se Ben Blushi dhe Pandeli Majko, janë emrat e parë të kandidatëve të mundshëm të përfolur për të zëvendësuar Edi Ramën në krye të PS-së.

[flory80]

Edi Rama nuk punoi për të fituar zgjedhjet, por gjatë gjithë kohës së tij në krye të PS punoi për të shktërruar LSI, por i bëri varrin vetes, sepse LSI nuk ka nevoj për votat e komunistëve të cilët janë antarë të PS që në vitin 1945.
LSI është partia e Sociolistëve Europian të Shqipërisë, kjo është një parti me program dhe orjentim të njëjtë me të gjitha partitë Social-Demokratike të Europës.
Edi Rama kujtoi se duke ndryshuar siglën e partisë, do të ndryshonte dhe mentalitetin e kalbur nga mbeturinat komuniste që i rrinë pranë.
Edi Rama nuk e shkatërroi dot LSI, por bëri një hap vendimtar në shkatërrimin e karjerës së tij politike...

[DYDRINAS]

Majko, Mejdani dhe Malaj, kandidatë për kreun e PS


Konfirmohet lëvizja për largimin e Edi Ramës


Pas dështimit në zgjedhjet parlamentare 2009, socialistët përgatiten për zgjedhje të reja, tashmë brenda partisë së tyre. Kreu dështak i PS, Edi Rama pritet të zëvendësohet së shpejti. Kur ky i fundit mori drejtimin e Partisë Socialiste në vitin 2005, u premtoi socialistëve 2 prioritete të mëdha. Epokë të re për PS dhe rikthimin e saj në pushtet. Por realiteti tregoi se demagogjia e Ramës mbeti thjeshtë si e tillë dhe socialistët nuk mundën të preknin dot as epokën e re dhe as pushtetin e premtuar prej tij. Në këtë situatë, socialistët pohojnë se deri tani janë bërë gati 3 kandidatura për kreun e PS, Pandeli Majko, Rexhep Mejdani dhe Arben Malaj.Ky i fundit njihet si një ndër kontestuesit më të fortë të Ramës, nga ana tjetër si njeriu më i afërt i Fatos Nanos.
Me ta mësohet se janë bashkuar edhe një grup deputetësh, për shkak të humbjes që u serviri kreu i tyre, Edi Rama. Në këtë mënyrë, Ramës nuk i mbetet gjë tjetër veçse të japë dorëheqjen, ashtu siç pati deklaruar gjatë fushatës, nëse do të humbiste zgjedhjet, ose të presë largimin e dhunshëm nga vetë socialistët. Këta të fundit pohojnë se Rama mund të hipotezojë një kandidim tjetër të radhës për të qenë sërish kryetari i tyre, por ai në të vërtetë nuk mund të qëndrojë më në krye të PS sepse ka precedent Fatos Nanon. Në zgjedhjet e vitit 2005, Nano pati deklaruar se nëse do të humbiste zgjedhjet, do të jepte dorëheqjen si kryetar i PS. Dhe ashtu ndodhi.
Nano dha dorëheqjen, duke u bërë shembull edhe për pasardhësin e tij Rama, i cili në të vërtetë duket se nuk ka dëshirë ti përmbahet këtij realiteti. Një grup socialistësh pohojnë se pritet vetëm rezultati përfundimtar i zgjedhjeve, pas kalimit në kolegj zgjedhor dhe shpalljes përfundimtare nga KQZ, dhe brenda partisë së tyre do të nisë lëvizja institucionale për zgjedhje të reja brenda saj. Sipas tyre, zgjedhjet e reja do të bëhen duke respektuar rregullat demokratike dhe statutin e partisë. Ndërkaq, surprizë për socialistët do të jetë ardhja e liderit të tyre historik, Fatos Nano. Afrimi i tij në strukturat e Partisë Socialiste pas 4 viteve larg tyre, pritet të përcaktojë fatin e PS dhe Edi Ramës.

Tensioni në selinë rozë

Ndërkohë gjendja në kampin rozë vazhdon të jetë e tensionuar dhe socialistët kanë humbur besimin tek kreu në ikje Edi Rama. “Rama ik”, vazhdon të zhurmojë shkujdesshim nëpër korridoret e selisë rozë, drejtuar kreut të tyre dështak dhe kryeneç. Ata jo vetëm që ndihen të zhgënjyer nga humbja e zgjedhjeve, por për më tepër edhe nga loja e ndyrë që vetë Rama bëri në kurriz të tyre. I gjithë besimi që socialistët i dhanë Edi Ramës, u shpërdorua nga ky i fundit në bazë të interesave të tij vetiake, duke sjellë qëndrimin e tyre edhe për 4 vite të tjera në opozitë.
Ashtu siç e kishte deklaruar vetë Rama, që nuk është politikan, ashtu edhe rezultoi. Dështimi i tij në këto zgjedhje, tregoi qartë se kurthi i ngritur prej tij në bashkëpunim me Berishën për të eliminuar përfundimisht partitë e vogla, e zuri brenda vetë atë. Por nëse Rama rezultoi dështak në politikë, gjatë këtyre zgjedhjeve ai tregoi edhe anë të tjera negative të mbrujtura brenda tij si mashtruesin, mospërgjegjësin dhe intrigantin. Llogaritë e planifikuara si rezultateve nga PS, dolën gabim duke shkaktuar reaksion tek e majta, e më tepër vetë brenda PS, e cila humbi pushtetin. Por në vend që të pranojë humbjen dhe të reflektojë me qytetari përsa shkaktoi, Rama ka bërë të kundërtën.
PS dhe koalicioni i saj humbën në masën 53%, kundrejt PD dhe koalicionit të saj, dhe për këtë Rama ka akuzuar direkt Kastriot Islamin, duke e cilësuar si “specialistin” e formulës së dështuar, në përgatitjen e ligjit proporcional rajonal. Rama kërkon të shmangë përgjegjësinë nga vetja, për atë çka i bëri PS dhe të majtës shqiptare si forcë politike. Por Rama harron se tashmë dihet gjerësisht se ky ligji proporcional rajonal që fundosi partitë e vogla por edhe vetë PS, u hartua nga Edi Rama, Xhorxh Soros, Ilirjan Celibashi dhe përfaqësues të Sali Berishës në vitin 2007. Ishte kjo kupolë, ajo që hartoi ligjin e aq shumë lakmuar nga Rama, vetëm për të përjashtuar nga pushteti Lëvizjen Socialiste për Integrim.
Por egoizmi i tij i cili arriti deri në “gjithçka ose asgjë”, i theu hundët, duke e lënë me gisht në gojë përsa i përket ambicies së tij për të qeverisur vendin. Tashmë Rama jo vetëm që ra në gropën që i ndërtoi shokut, por madje është ai që do të detyrohet t’i kërkojë ndihmë shokut për të dalë që aty.

sot

[Jack Watson]

U konfirmua zyrtarisht që zgjedhjet i humbi dhe për 4 vitet e ardhshme Partia Socialiste do të jetë në opozitë, LSI-ja pranoi koalicionin me PD-në.

Jepni mendmin tuaj se cili është hapi i ardhshëm i Ramës? Do japë dorëheqjen (siç e kërkon statuti), do vazhdojë të jetë kreu i opozitës, do mbarojë ato dy vite që i kanë ngelur në bashki dhe do largohet fare?

[Gordon Freeman]

Do largohet prej qeveris qashtu qysh ka than!

[Scion]

Kam pershtypjen qe tani Rama po mendon ti meshoje me shume faktit qe Vota per LSI eshte vote per Berishen, me c'rast do mobilizonte PS'ne brenda per brenda dhe do ruante karrigen e Kryetarit te Partise Socialiste, si dhe 2 vitet e ngelura si Kryebashkiak.

Desha te shtoj qe, ne rast se ndodh kjo atehere perfundimisht prishet vlera e institucionit te Doreheqjes brenda PS. Por edhe sikur te mos ndodhe, nuk me ben pershtypje sepse z. Rama ushqen nje autoritet fashist si brenda bashkise ashtu edhe ne PS.

[DYDRINAS]

Me e mira do te ishte qe te rrinte serish ne krye te PSSH-se.

Ai duhet te provoje se c'do te thote te jesh lider ne opozite dhe gjate kesaj kohe te shqyrtoje qendrimet dhe marredheniet e tij me "sponsoret".

Ai duhet qe te shqyrtoje menyren e lidershipit qe zbatoi keto vite, sepse u provua se nuk ishte efektiv, duke i lene me shume hapesire forumeve te PS, duke rikrijuar forumin e eurosocialisteve, duke i shtrire doren atyre qe shkelmoi padrejtesisht, duke e pastruar partine nga mbeturinat e koherave te largeta dhe te aferta, duke krijuar nje imazh tjeter per veten dhe partine jo vetem permes mediave, por me teper permes aktiviteteve reale dhe te prekshme, ne menyre qe shqiptaret te kene nje alternative te besueshme etj.

Nese nuk merr persiper misionin e drejtimit te partise drejt liberalizmit dhe socialdemokracise perendimore, atehere ai me mire te dorehiqet dhe t'ja leshoje vendin nje figure qe e njeh mire PS dhe qe eshte i/e afte te krijoje kete alternative.

[juanito02]

Ma ha menja qe Rama do kerkoje vetebesim per krietar prape.
Po ja dhon ja dhon po sja dhon yrra bashkaja.
Rama hupi se kerkoi super ndryshime moderne qe shumica sja kuptun. Gjithsesi qe kundershtar i denje per Salen.

[REALIST]

juanito02, si po ndjehesh keto dite ore? Humbe katastrofe fare. Edhe 4 vite opozite se paku keni. Mbase per keto 4 vitet e ardhshme do te ndergjegjesoheni. Mos e perdorni me Gerdecin per propagande sepse Gerdeci votoi per Berishen.
Edhe largojeni Ramen sepse ai ju futi ne vrime te miut.