Rama pergatitet per protesta te dhunshme

[REALIST]

Humbja në zgjedhjet parlamentare të Partisë Socialiste ka nxjerrë jashtë kontrollit Edi Ramën, i cili ka planifikuar protesta masive në momentin e dhënies së rezultatit përfundimtar nga Komisioni Qendror i Zgjedhjeve. Ndonëse rezultati është kristalizuar në sytë e shqiptarëve, Edi Rama dhe bashkëpunëtorët e tij në lejet e ndërtimit u kanë bërë thirrje simpatizantëve të Partisë Socialiste të përgatiten për protesta masive në Tiranë, ditën kur KQZ-ja do të zyrtarizojë verdiktin e shqiptarëve në kutinë e votimit. Kryetari në ikje i Partisë Socialiste, Edi Rama, i kërkon militantëve të këtij subjekti me anë të mesazheve telefonike, ndërmarrjen e një revulucioni popullor për rrëzimin e qeverisë legjitime të shqiptarëve. Nëpërmjet mesazheve telefonike, Rama u ka bërë thirrje militantëve të Partisë së tij që të hidhen në protesta, duke risjellë në vëmendjen e opinionit publik revulucionet e kuqe të komunizmit. "Partia Socialiste e Shqipërisë nuk i ka humbur zgjedhjet dhe do të mbrojë së bashku me qytetarët çdo votë. Qytetarët janë gati të protestojnë kundër cënimit të vullnetit të tyre me anë të votës, bëhu dhe ti pjesë e ruajtjes së votës tënde". Ky mesazh i ka ardhur çdo socialisti nga Rama, i cili ka ftuar të gjithë simpatizantët që të protestojnë ditën që KQZ-ja do të shpallë rezultatin zyrtar. Situata e tensionuar në kampin rozë ka mobilizuar po ata njerëz që krijuan incidente ditën e mitingut të Partisë Socialiste, ata njerëz që krijuan incidentet në qytetin e Fierit për të destabilizuar vendin vetëm që Rama të jetë pjesë e politikës. Kreu i Partisë Socialiste kërkon të rrijë në pushtet duke destabilizuar situatën në qytetet e Shqipërisë. Kur kanë kaluar vetëm 12 vjet nga ngjarjet tragjike të vitit '97, arkitekti i tyre, Gramoz Ruçi, po inskenon një tjetër lëvizje të dhunshme në qytetet shqiptare. Strategjia për të destabilizuar qytetet shqiptare është konfirmuar nga vetë Rama, i cili mbështeti protestat e dhunshme të punëtorëve të Bashkisë së tij, të quajtur nga ai qytetarë fierakë. Ishte vetë Ruçi ai që drejtoi këtë protestë barbare, ku u godit dhe aktorja e njohur Raimonda Bulku. Gjatë gjithë ditës së djeshme, Edi Rama përmes mediave të kontrolluara nga selia rozë la të nënkuptohej se kishte vendosur të mos njohë rezultatin e këtyre zgjedhjeve. Gjithashtu, Rama gjatë konferencave të shpeshta për shtyp deklaroi qartë se ka vendosur të nxjerrë popullin në protesta për të prishur imazhin e Shqipërisë dhe standardet europiane të këtyre zgjedhjeve. Shqipëria është një vend i lirë dhe qytetarët janë të lirë të protestojnë, për çfarëdolloj arsyeje, sepse ky është standardi i demokracisë. Por Edi Rama nuk mund të ndryshojë dot me dhunë rezultatin e zgjedhjeve të një vendi anëtar të NATO-s. Me protesta Rama mund të mbrojë postin e kryetarit të Partisë Socialiste, por nuk mund të prishë ëndrrën e qytetarëve shqiptarë, për t`iu bashkuar Bashkimit Europian. Partia Demokratike ka një mbështetje popullore disa herë më të lartë se Partia Socialiste dhe kjo verifikohet nga sheshet e mbushura plot e përplot në fushatën elektorale. Asnjëherë kjo forcë politike, nuk i nxiti aktivistët e saj të dhunojnë qoftë dhe një numërues votash. Nga ana tjetër, përfaqësuesit më të lartë të Partisë Socialiste dhe deputetët e saj kanë dhunuar madje edhe fizikisht, komisionerë në detyrë. Në orët e para të mëngjesit të natës së parmbrëmshme, komisionerët e Edi Ramës refuzuan në Kurbin të numërojnë 6 kuti. Nuk u bë asnjë protestë, ndonëse qytetarët e Kurbinit ishin tepër të irrituar nga vendimi i KZAZ. Partia Demokratike ndoqi të gjitha procedurat ligjore të KQZ-së, e cila dërgoi mjetet e veta dhe i tërhoqi kutitë e votimit në Tiranë. Nuk u bë asnjë tentativë t'u imponohej komisionerëve socialistë qoftë dhe gjëja më e vogël. U firmos qetësisht mbi dokumentet se nuk do të numëroheshin në Kurbin. Edhe Partia Demokratike dëshironte që numërimi të bëhej në Kurbin, por kjo nuk u realizua dot për shkak të komisionerëve socialistë. Askush nuk e rrethoi godinën ku numëroheshin votat, askush nuk bëri presionin më të vogël, përkundrazi u zbatua një vendim, edhe pse nuk ishte i drejtë. Pavarësisht dhunës së ushtruar nga militantët e Partisë Socialiste të dirigjuar nga vetë kreu i kësaj partie, vota e shqiptarëve u numërua në mënyrë të ndershme dhe tepër transparente. Nuk mund të devijosh vullnetin e qytetarëve me protesta të dhunshme në një vend anëtar të NATO-s, i cili ka si mision të burojë sigurinë në mbarë globin. Pjesa e intelektualëve të Partisë Socialiste ka kërkuar dorëheqjen e Ramës si shkaktarin kryesor të humbjes së pushtetit nga Partia Socialiste. Besimi që të gjithë socialistët i dhanë Ramës për këto zgjedhje, tashmë është kthyer në urrejtje. Të gjithë socialistët e kuptuan që Rama nuk e ka merakun tek humbja e Partisë Socialiste, por tek humbja e karrierës së tij personale. Socialistët ndihen të zhgënjyer nga humbja në zgjedhjet parlamentare, por dhe nga keqpërdorimi që Rama po i bën atyre për qëllime të një karriere personale. I gjithë besimi që socialistët i dhanë Edi Ramës rezultoi dështim, sepse kreu i opozitës i shërbeu një grushti njerëzish në kartelin e lejeve të ndërtimit. Por në vend që të pranojë humbjen dhe të reflektojë me qytetari, Rama ka bërë të kundërtën, duke e faturuar gjetkë atë. Partia Socialiste dhe koalicioni i saj humbën, kundrejt Partië Demokratike dhe koalicionit të saj. Për të shuar presionin në rritje brenda Partisë Socialiste, Rama ka akuzuar direkt Kastriot Islamin, duke e cilësuar si "specialistin" e formulës së dështuar, në përgatitjen e ligjit proporcional rajonal. Rama, siç bëri me paketën një anëtar një votë, për të cilën u bë kurban Ruçi, edhe kësaj radhe ai kërkon të shmangë përgjegjësinë nga vetja për humbjen në zgjedhje. Vetë kreu socialist është surprizuar nga rezultati, pasi ai kishte parashikuar një humbje më të thellë, e cila e detyroi Ramën ta çonte PS-në në zgjedhjet parlamentare pa kryetarin e saj. Zëvendësimi i figurave me popullaritet në Partinë Socialiste me emra anonim nga G99 ishte dhe pika e ndarjes së socialistëve tradicionalë dhe socialistëve të rinj, të cilët nuk kishin lidhje me të majtën, por me zënien e një posti në Kuvend.
Rilindja demokratike

[Rugova]

Socialistët thonë se do t’i mbrojnë votat me gjak!

Bota Sot, Online, Tiraanë, 02. 07. 2009

Gramoz Ruçi, në mbamendjen e kronistëve të mediave të shkruara, po ai Gramozi i Revolucionit Bolshevik të vitit 1997, njëherë bëri kushtrim në mediat elektronike që të ngrihet “populli” dhe ta mbrojë votën me gjak, e pastaj organizoi me Kokadhimën, një prolog të “gjakderdhjes”.

Kjo është ftesë për luftë qytetare, për ta nxitur edhe një vëllavrasje si gjatë “revolucionit” të njohur që e dogji Shqipërinë.

A është e mundur që në skenën politike shqiptare, jo të përkatësive majtas e djathtas, por përgjithësisht në këtë skenë, të këtë ende struktura që pushtetin duan ta marrin me gjak duke mbrojtur “votën”, e jo në bazë të vërdiktit të popullit, i cili vullnetarisht përcaktohet ndaj orientimeve politike? Për Shqipërinë kjo nuk është një përvojë shumë e vjetër, e kemi parë pak dhe e kemi pasur këtë përvojë para 12 vjetëve, por përvoja e rrëmbimit të pushtetit “me gjak’ është e njohur (përveç Revolucionin Borgjez Francez), sidomos pas vitit 1917, në krye me bolshevikët e Leninit.

Për zgjedhjet e fundit në Shqipëri (hiç paraqitjen e gjakpirësve), SHBA-ja dhe BE-ja e dhanë notën më superlative. Ishte kjo fitore e Shqipërisë (sipas Berishës) pikërisht për nivelin e lartë të disiplinës politike që tregoi populli shqiptar në këto zgjedhje. Disa herë na është nevojitur ta përdorim tezën se vetëm populli shqiptar është më i disiplinuar politikisht, sesa liderët e tij.

Por që ka edhe sot njerëz dhe parti politike që ngrihen e thërrasin “gjakderdhje” për vota, kjo i ndodh vetëm Shqipërisë, kjo është një dëshmi se majtizmi shqiptar në realitet është një relikte e trashëgimisë revolucionare, e cila e disiplinon popullin me burgje dhe me gjak, dëshmon se majtizmi shqiptar është trashëgimi e Partisë së Punës, e cila Shqipërinë e Enverit e shndërroi në burg dhe në repart pushkatimi. Një epsh kaq i madh ta denigrojnë Shqipërinë para syve të Evropës, e sidomos para syve të fqinjëve tanë që haptas shprehin armiqësi ndaj Shqipërisë, kjo nuk ngjet në një “pakt me djallin”, por me një non sens konceptual të të kuptuarit të modernizmit politik, kjo dëshmon se një pjesë e politikës në Shqipëri nuk e përdor si të dobishme përvojën e hidhur të së kaluarës dhe nuk do të heqë dorë nga kjo përvojë e hidhur.

Gramoz Ruçi, po ai në krye të turmave që shkelën mbi nëndetëset shqiptare, po ai që i priu bandave komuniste në vitin 1997, po ai tash tregon se është përmalluar për t’i vënë flakën Shqipërisë, tash kur Shqipëria avancoi në NATO dhe kur BE-ja përgatitët ta pranojë në gjirin e saj, tash kur Shqipëria u bë kantier ndërtimesh, jo vetëm të autostradave e godinave, por edhe e rritjes së standardeve në arsim, në shëndetësi, në kulturë, në bujqësi, etj.

etj. socialistët (trashëgimtarë) pa fije turpi thirrin popullin dhe bëjnë kushtrim të ngrihet e të derdhë gjak! Që të jemi precizë, mund të mendojë akëcili, se këtu bëjmë përgjithësime mbi një parti (socialiste) kurse fjala është se vetëm Gramoz Ruçi i saj ka kërkuar gjakderdhje, e jo partia.

Por partia nuk është distancuar nga kushtrimi për gjak i Gramoz Ruçit, po përkundrazi (parmbrëmë në Fier) në turmën demonstruesve nuk u pa vetëm Gramozë Ruçi, por edhe socialistë të tjerë! Shqipëria nuk është më Terra Inkognita e Perdes së Hekurt Komuniste që e kufizoi me krejt botën. Shqipëria sot është vend i hapur dhe gjithë bota mund të hyjë e të dalë, që të shohë ku ka arritur Shqipëria.

Kështu që, çfarë urrejtjeje antishqiptare është ajo e një partie, e cila provon (edhe me gjak qoftë) që ta fusë Shqipërinë në listat e zeza të vendeve të nivelit kolumbian? Zgjedhjet e fundit dëshmuan se nga politika u përjashtuan tipat si Gjinushi e Milo, u përjashtua Ilir Meta, me një fjalë këto zgjedhje e përjashtojnë edhe Edi Ramën.

Një pjesë e votuesve shqiptarë u pa se ende janë socialistë, dhe kjo është krejt në rregull, por u pa se votuesit shqiptarë e përjashtuan Milon, Gjinushin, Cekën, etj.

etj. Po pastrohet skena politike shqiptare nga konvertistët e Enverit.

Populli po i përjashton nga skena politike pasardhësit e Enverit, ata që politikën e kanë bërë me gjak dhe që ende thërrasin kushtrim për ta mbrojtur votën me gjak.

Votën të cilën nuk ua dha populli

[Anesti_55]

Perfundimisht socialistet e gegerise duhet te formatizohen ne nje grupim te ri, duke pase keshtu mundesine e nje ndikimi konsrtuktive ne jeten politike te vendit ,ne ruajtjen e interesave te gegerise, per te fituar ekulibret e humbura ndermjet veriut e jugut.

[dias10]

Perfundimisht socialistet e gegerise duhet te formatizohen ne nje grupim te ri, duke pase keshtu mundesine e nje ndikimi konsrtuktive ne jeten politike te vendit ,ne ruajtjen e interesave te gegerise, per te fituar ekulibret e humbura ndermjet veriut e jugut.

Cilat jane keto "ekujlibra te humbura mes veriut dhe jugut"? Ceshte kjo thirrje per grupime politike veriore dhe jugore? Interesat politike nuk duhet te fusin frymen e percarjes mes shqiptareve. Mos harroni qe partite jane te perkohshme, kurse Shqiperia e perjetshme.

[darwin]

Perfundimisht socialistet e gegerise duhet te formatizohen ne nje grupim te ri, duke pase keshtu mundesine e nje ndikimi konsrtuktive ne jeten politike te vendit ,ne ruajtjen e interesave te gegerise, per te fituar ekulibret e humbura ndermjet veriut e jugut.

Çfarë është ky budallallëk -> socialistët e gegërisë?!

Kombi shqiptar është i ndarë në 4 shtete.

Shteti perëndimor me emërtim Shqipëria, shteti lindor quhet Maqedonia (40% e së cilës i përket shqiptarëve), shteti verior, Dardania ose Kosova, dhe Mali i Zi i cili ka trashëguar marrëveshjet e ndyra që janë bërë në kurriz të kombit tonë.

Ju lutem, qërojini këto koncepte (jug-socialist dhe veri-demokrat) se i kanë shumë qejf Musa Ulqinët dhe Gramoz Ruçët.

[Elonaa]

Ps gjithmone e ka veshtire te pranoj humbjen! Si nuk u shqetsua njehere kjo parti per demet qe i sjell shqiperis dhe shqiptareve me propoganden e saj neper bot!!Vetem interesat e karrigeve te tyre shikojne.

[RaPSouL]

Do të citoj diçka nga fjalët që i tha Sali Berisha dje në dark në një presskonferenc nga selia e PD-së në lidhje me këto protesta.

"...me protesta nuk ndryshohet rezultati i zgjedhjeve, me protesta nuk ndryshohet fituesi i këtyre zgjedhjeve, me protesta vetëm do të prishet imazhi i këtyre zgjedhjeve.." duke e përfunduar me fjalët "...me këto hapa vetëm tregohet se Edi Rama nuk e përballon dot humbjen në zgjedhje, dhe duan të manipulojnë, të manipulojnë rezultatin dhe të sigurojnë mandatin e lëkundshëm që e kan në Fier.."

[flory80]

Postuar më parë nga Anesti_55
Gegeria do te dije te orientohet ne te ardhmen dhe ska per ta lene politiken shqipetare ne fatin e nje komuniteti mediokerr komunist si Kucova, apo lidhjes se komunisteve te toskerise.

Ky është një koment tjetër të cilin e shkëputa nga një temë tjetër këtu në forum.
Jam shumë shumë, jashtzakonisht shumë i interesuar të di se cili është pozicioni yt, mbi Unitetin Kombëtar?
Kur e lexova këtë mendova se ishte një koment i bërë në një moment emocional, por duke lexuar nëpër forum postimet e tua, po më tmerron fakti që kjo ide nuk është spontane, por të ka shoqëruar ty qysh në postimet e tua të para.

[flory80]

Perfundimisht socialistet e gegerise duhet te formatizohen ne nje grupim te ri, duke pase keshtu mundesine e nje ndikimi konsrtuktive ne jeten politike te vendit ,ne ruajtjen e interesave te gegerise, per te fituar ekulibret e humbura ndermjet veriut e jugut.

Dhe këtu kemi dhe komentin tjetër, i cili bën fjalë për interesa të Gegërisë, a thua se Gegëria është një krahinë autonome, e cila nuk ka të drejta të barabarta me pjesën tjetër të popullsisë.
Nuk e di por këto lloj komentesh nuk më duken fare normale.
Kjo është shumë e rrezikshme.
Shqipëria është shumë herë më e shtrenjtë, sesa disa vota të ndyra të cilat sjellin në një parlament të ndyr, disa ndyrësira.

[Gjelosh PRekaj]

Ahh socialistat(komunistat) tone te dashur duan tia vene flaken Shqipnis adhe nje here.