Reportazhi i dites se zgjedhjeve, 28 qershor 2009

[Egnatius]

KQZ: PS po krijon incidente me përdorimin e mikrokamerave



"Po përdoren llampa me ndricim ultravioleteë për identifikimin e kartave të identitetit dhe mikrokamera. Olli: Anëtarët e komisioneve të zbatojne rregulloren, ndryshe KQZ do të reagoje me ashpërsi.

TIRANE- Komisioni Qendror i Zgjedhjeve i kërkon Partisë Socialiste të udhëzojë komisionerët e saj të mos përdorin aparatura të cilat janë të ndaluara në qendrat e votimit.

Përmes një deklarate për mediat, zëdhënësi i KQZ-së, Leonard Olli theksoi se komisionerët e PS janë duke përdorur mikrokamera krejtesisht të paligjshme që po krijojnë incidente dhe po intimidojnë zgjedhësit.

"Po përdoren llampa me ndricim ultravioleteë për identifikimin e kartave të identitetit dhe mikrokamera. Nga informacionet që ne kemi, përdorimi i këtyre elementëve po krijon incidente të rënda. I kërkojmë anëtarëve në komisione të zbatojne rregulloren, ndryshe KQZ do të reagoje me ashpërsi” u shpreh Olli.

KQZ bën të ditur se në rast të moszbatimit të këtij urdhëri do të procedohet penalisht ndaj këtyre komisionerëve. (e.n/BalkanWeb)

[Egnatius]

Islami: Njerëzit e Nishanit goditën Tahirin se mbante mjete moderne për të kapur manipulim. Do filmojmë cdo manipulim. S’na e pengon ligji. Nishani të largojë njerëzit e armatosur nga QV-të. Reagon PD: Po tentojnë të manipulojnë procesin.

TIRANE- Sekretari për cështjet zgjedhore, Kastriot Islami denoncoi dhunën që sipas tij është ushtruar ndaj kandidatit për deputet të PS-së, Sajmir Tahiri në zonën e Kombinatit në Tiranë në qendrën e votimit 1862.
Sipas Islamit “shoqëruesi i Bujar Nishanit bashkë me një punojës të SHKB-së me armë kanë ndaluar e goditur Sajmir Tahirin sepse mban mjete moderne për të kapur manipulimin”.

Në një prononcim telefonik për tv. Neës 24 Sajmir Tahiri tha se “personeli shoqërues i ministrit Nishani kanë ushtruar dhunë fizike. Ata ushtruan dhunë mbi mua duke më tërhequr dhe duke më marrë objektet personale”. Vetë kandidati socialist nuk saktësoi objektin personal konkret të cilën i kishin sekuestruar. Ndërsa Majlinda Bregu në një prononcim për median, menjëherë pas denoncimit nga PS të rastit tha se Sajmir Tahirit I ishte sekuestruar një stilolaps me kamera që filmonte votën.

Sipas Islamit, në konferencën për shtyp nga selia rozë, në orën 10.30

“Ligji nuk pengon asnjë mjet modern për të vëzhguar manipulimet e zgjedhjeve” dhe u bëri thirrje Nishanit të distancohet nga këto ngjarje.

“Bujar Nishani urgjentisht të distancohet, dhe të largojë njerëzit e armatosur nga QV-të. Ligji nuk pengon asnjë mjet për të vëzhguar dhe regjistruar manipulimet e zgjedhjeve.”

Islami vazhdoi më tej se socialsitët nuk do të lejojnë asnjë votim me pasaportë falso apo kartë identiteti dhe se do të përdorin të gjitha mjetet për të faktuar dhe evidentuar fakte të tilla.

“Të jenë të sigurtë se janë të vëzhguar me kamera të dukshme, të pakdukshme dhe nga vëzhgues ndërkombtarë. Nuk do të lejojmë asnjë manipulim.
Duhet të tregojmë që procesi është transparent e kundërta do filmohet, faktohet dhe do evidentohet.”

Reagon PD: Tahirit iu sekuestrua shpikja me e fundit për manipulimin e votes
Në një konferencë për shtyp menjëherë pas denoncimit të dhunës ndaj kandidatit për deputet të PS-së, zëdhënësja e fushatës së Partisë Demokratike ka përgënjeshtruar pretendimet e Partisë Socialiste . Majlinda Bregu deklaron se Tahirit i janë sekuestruar disa objekte të cilat nuk janë të lejuara brenda qendrave të votimit.

“Sajmir Tahiri është rikthyer me eksperiecat e vjetra të sigurimit të shtetit për të dëmtuar procesin zgjedhor. Stilolapsi që i është marrë Tahirit në Kombinat, përmes të cilit mund të fotografohen votat, bie në kundërshtim me ligjin për materialet e lejuara në qendrën e votimit. Stilolapsi është shpikja më e fundit për të manipuluar procesin” theksoi Bregu.

Sipas Bregut, materialet e teknologjisë së lartë, të bëra të ditura nga Kastriot Islami janë objekte me të cilat mund të bëhën foto, të regjistrohen fragmente dhe të ruajnë të dhënat në një USB, cka bie në kundërshtim të plotë me ligjin.
Bregu theksoi se materialet e sekuestruara do ti dërgohen KQZ-së për të marrë një vendim.
“Cdo parti mund të monitorojë procesin Brenda normave të lejuara” u shpreh Bregu.

Bregu nënvizoi se prcesi zgjedhor është dukë ecur me ritme normale, duke mos përjashtuar problematika të vogla në disa qendra.


Ballkanweb

[skampin]

NE KETE TEME MUND TE POSTONI LAJME NGA DITA E ZGJEDHJEVE.

JO KOMENTE PER ZGJEDHJET!
JO REZULTATE MBI ZGJEDHJET!

Ato mund ti beni ne temat e tjera te hapura per kete pune.

VETE LAJMET E DITES SE ZGJEDHJEVE.

[Egnatius]

Ja dhe nje tjeter rast klasik i PS ku verehet qarte nje skenar i tipit sigurim-shteti qe po implementohet me sukses nga djemt e spiunave te SSH per te manipuluar dhe bojkotuar zgjedhjet.PS po mundohet me te gjitha menyrat te krijoje trazira me qellim qe te njolloset dhe te kompromentohet procesi zgjedhor. Keto trazira te qellimshme pastaj do te sherbejne per te justifikuar humbjen e djemve te komunistave.

Sajmir Tahiri eshte qenia me e ndyre qe ecen rrugeve te shqiperise sepse ka prodhuar raporte fallco nga zyra e tij per te bojkotuar projektin durre- kukes dhe bashke me qenin tjeter ditmir bushatin kane prodhuar nje sere raportesh ku i behej thirrje nderkombetarve se shqiperia nuk i ploteson kushtet per hyrjen ne nato.

Kush ja jep te drejten ketij ndyrsire ti ofroje votuesve stilolaps me kamera kur rregullat thojne fare qarte se nuk lejohen mjete elektronike?

Ku e gjen autoritetn ky pis njeri qe kerkon te luaje rolin e policit apo gazetarit duke filmuar ilegalisht dhe duke thyer te gjitha rregullat e procesit?

Per cfare eshte policia apo vezhguesit nderkombetar? Pikerisht per te vezhguar procesin ateher ca m.utin ka ky plehre qe mban stilolapsa te tipit james bond dhe ua ofron votuesve per te fotografuar voten? Kush ja dha kete te drejte?
Te gjithe syte e Evropes jane mbi ne sot dhe ky esht nje test shume i rendesishem per te gjithe kombin por si gjithmone disa elemente te partise socialiste kerkojne te na nxijne faqen.

KQZ i tha se nuk lejohen mjete te tilla dhe i kerkoi policise qe tja hiqte stilolapsin. Forcat policore nen udhera te rrepta per te evituar cdo konfrontim i kerkuan Tahirit qe ta hiqte stilolapsin por ky refuzoi. si rrjedhoje del qe Tahiri po perpiqesh te krjonte ferkime me policine duke i provokuar ato hapur.

Sipas BallkanWeb(kjo mbetet per tu vertetuar) policia ja ka hequr stilolapsin por duke mos perdorur dhune kunder tahirit.
dmth policia thjesht i ka marre stilolapsin qe ky po e perdorte duke thyer rregullat dhe ligjin ndersa ky plehra del me vrap ne news 24 dhe thote se u dhunua nga policia.


jazik ju qofte mor horra

[BlerinaL]

Do bejne te pamunduren per te bere qimen tra, sepse sjane te aft te fitojne ne menyr te ndershme, vetem me kontestime. pf

[RaPSouL]

Topi- Withers-Bosch apel qytetarëve: Votoni pa frikë

TIRANE- Presidenti Bamir Topi zhvilloi një takim në një nga baret e kryeqytetit me ambasadorin amerikan John Withers dhe atë të OSBE-së, Robert Bosch.
Pas përfundimit të këtij takimi, presidenti dhe amabasadorët kanë dhënë një deklaratë të përbashkët për mediat.

Presidenti Bamir Topi ka ripërsëritur dhe njëhërë apelin drejtuar qytetarëve për të ushtruar të drejtën e tyre të votës, ndërsa nënvizoi faktin se vëmendja e partnerëve është përqëndruar në korrektësinë e këtyre zgjedhjeve.
“Gjithë vëmendja e partnerëve është si do të jetë korrektësia e zgjedhjeve. Partitë duhet të jenë shumë të vëmendshëm sepse sot duhet dhënë mesazhi për zhvillimin korrekt të zgjedhjeve” theksoi Topi duke shprehur besimin se zgjedhjet dhe rezultati do të jenë korrekt.
“Mesazhi im është, pjesëmarrje me qetësi. Të shprehim votën, të realizojmë ndoshta për herë të parë zgjedhje të lira, korrekte, transparente e të pakontestuara” u shpreh Presidenti.

Edhe ambasadori Withers ka ftuar të gjithë shqiptarët që kanë të drejtën e votës, ta ushtrojnë atë, duke mos patur frikë për të votuar.
I pyetur lidhur me cështjen e materialeve të përdorura nga komisionerët e Partisë Socialiste ambasadori amerikan theksoi se është e rëndësishme që cdo subject politik të respektojë ligjin dhe standardet e kërkuara.
“Mendoj se është e rëndësishme për të gjitha subjektet pjesëmarrëse në zgjedhje të respektojnë ligjin standartet europiane.” U shpreh Withers.
Ambasadori amerikan nuk ripërsëritur rëndësinë e këtyre zgjedhjeve duke theksuar se duhet të jenë të lira e të ndershme në mënyrë që të shprehin të drejtën e qytetarëve për të votuar dhe jo vullnetin e partive.

Ambasadori i OSBE-së, Robert Bosch ka deklaruar se sipas raportimeve të fundit nga të dërguarit e OSBE në Shqipëri, situata është e qetë në pjesën më të madhe të vendit.
Edhe Bosch ka bërë apel për tu drejtuar kutive të votimit si dhe për tërheqjen e kartave pë rata qyettarë që kanë aplikuar por ende nuk e kanë tërhequr atë.


(e.n/BalkanWeb)

[RaPSouL]

Berisha nga PD: Pjesëmarrja në votime 40 % deri në 12.30

Kryeministri ka bërë apel që qytetarët të votojnë për të vendosur epiketat për të ardhmen e tyre. Berisha i përgjigjet per mikrokamerat: "Ju garantoj se asnjë votë nuk është regjistruar pasi ka blerës stilolapsa pa bateri”

TIRANE- Kryeministri Sali Berisha, nga selia blu mbajti konferencën e parë për shtyp mbi procesin e votimit. Sipas kryetarit të Partisë Demokratike pjesëmarrja në votimeve këtë herë është më e lartë se në 13 vitet e fundit. “Gjer në orën 12.30 minuta rreth 40 % është pjesëmarrja e votuesve në këto zgjedhje”. Pjesëmarrja më e madhe sipas kryetarit të PD-së është në kryeqytet, Tiranë, në Shkodër, Durrës, Vlorë. Në qytete si Kukësi e Peshkopia pjesëmarrja është e kënaqshme tha Berisha.

Kryeministri ka bërë apel që qytetarët të votojnë për të vendosur epiketat për të ardhmen e tyre.

I pyetur nga një gazetar se nëse zgjedhjet do të shpallen jashtë standardeve cila do të ishte përgjegjësia e qeverisë, Berisha u përgjigj: Do bëjmë gjickca për të plotësuar standardet” por nënvizoi me vetëdije se “fjalën e fundit do ta kenë vëzhguesit dhe raportet e asamblesë së OSBE-së, KE-së dhe të NATO-s të cilët do të japin vlerësimet e tyre.

Berisha iu përgjigj dhe incidentit me stilolapsat me mikrokamerave, dhe duke iu referuar kryetarit të PS-së Edi Rama tha: ”Kur ju thosha unë që ai fuste cimka në cantat e basketbollistëve nuk më besonit. Ju garantoj se asnjë votë nuk është regjistruar pasi ka blerës stilolapsa pa bateri”.


(s.g/BalkanWeb)

[drague]

Shko voto Kushtrim.

vota ka me rendesi se komentet.

[RaPSouL]

ODIHR: Raporti do bazohet në pamjen e përgjithshme të procesit

TIRANE- Drejtori ODIHR, Janez Lenarcic ka inspektuar qendrën e votimit në shkollën “Hasan Prishtina” në kryeqytet. Gjatë një prononcimi të shkurtër për mediat Lenarcic ka theksuar se ODIHR nuk mund të japë asnjë vlerësim paraprak brenda ditës së sotme për arsye se gjithcka do të bazohet në informacionet e 400 vëzhguesve të shpërndarë në të gjithë vendin.
I pyetur për incidentet e sotme me konmisionerët e Partisë Socialiste, Lenarcic deklaroi se do të behën të gjitha verifikimet e informacioneve dhe më pas do të procedohet me një deklaratë zyrtare nga ana e ODIHR.

“Ajo cka është e rëndësishme është një pamje e përgjithshme dhe jo nga një apo dy vëzhgues. Nesër do të publikohet vlerësimi paraparak i cili do të bazohet në informacionet e 400 vëzhguesve” theksoi drejtori i ODIHR.
Raporti paraparak pritet të dalë gjatë ditës së nesërme ndërsa ai përfundimtar në ditët në vazhdim.
Lenarcic theksoi rëndësine e këtyre zgjedhjeve për shqipërinë dhe shqiptarët.


(e.n/BalkanWeb)

[RaPSouL]

Presidenti Topi hedh votën : Sot hapet rruga drejt Bashkimit Evropian

TIRANE- Presidenti i Republikës, Bamir Topi votoi para pak minutash në qendrën e votimit në shkollën “Servete Maci”.
Presidenti u ka bërë apel qyetarëve ta vlerësojnë këtë ditë të rëndësishme si një stad të ri të rëndësishëm.
“Është momenti më domethënës dhe duhet thënë se janë zgjedhje shumë të rëndësishme për Shqipërine që do t’i hapin vendit rrugën për në BE”, deklaroi Topi.

Ndër të tjera kreu i shtetit theksoi se të gjithë duhet të tregojmë se jemi një vend që kemi arritur në një stad të rëndësishëm të demokracisë dhe rruga drejt BE-së duhet të jetë e hapur.
“Njerëzit duhet të jenë të lirë dhe shumë shpejt duhet të jemi pjesë e familjes së madhe europiane”, përfundoi Topi.


(e.n/BalkanWeb)