Udheheqesit socialiste deshen te shkaterrojne LSI-ne

[REALIST]

Si mund ta kapërdijnë socialistët në Vlorë që mijëra votat e tyre nuk u përkthyen dot edhe në një mandat më shumë? Si mund të jenë të qetë socialistët e Fierit që pritën me zemër në dorë për të marrë edhe një mandat kur kishin dhënë aq shumë vota? Si mund të jenë entuziastë socialistët e Elbasanit, Korçës, Tiranës, Beratit, kur votat e tyre, qindra votat e tyre, mijëra votat e tyre, janë thjesht statistika dhe jo mandate përfaqësuese? Pas certifikimit të zgjedhjeve nga Komisioni Qendror Zgjedhor dhe qartësimit të formimit të qeverisë së re, e kujtdo qoftë ajo, Partia Socialiste duhet të kryejë një analizë të thellë. Duhet të dalin jo vetëm brenda strukturave të ngushta, por edhe në publikun e majtë, atje ku u bë fushata, atje ku u kërkua vota se ajo do të shpërblehej me qeverisjen e madhe socialiste, përgjegjësit e kësaj masakre të votës socialiste. Nuk mund të kalojë me fshehje apo me justifikime vjedhjesh kjo që ndodhi në 28 qershor e këtej. Të dalë kush e propozoi ligjin e ri zgjedhor? Kush e mbrojti? Kush e përkrahu? Kush siguroi se ai do rezultonte fitues mbi PD-në? Të dalë kush ishte ideatori i Kodit të ri Zgjedhor? Kush e mbrojti? Kush e përkrahu? Kush siguroi se ky kod ia hidhte PD-së dhe ia fuste LSI-së? Të dalin autorët e talljes me elektoratin socialist, prej katër vitesh i fshikulluar nga qeverisja e Berishës dhe në rrezik akut që këtë ta pësojë edhe për katër vite të tjera të gjata dhe të lodhshme. Nuk flitet këtu për linçime, për gjetje armiqsh e grupesh armiqësore, por për përgjegjësi dhe ndershmëri ndaj elektoratit tënd. Flitet për sinqeritet dhe pastërti ndaj mijëra e mijëra votuesve që kërkuan të ndryshonin qeverisje dhe që u ishte humbur vota ende pa e hedhur në kuti. Flitet edhe për moral politik.
Dhe sigurisht fajtorët duhen ndëshkuar. Nuk e di në e parashikon statuti i ndonjë partie se çfarë ndëshkimi i jepet atij, apo atyre që dëmtojnë mijëra vota, por realisht nuk duhet kaluar lehtë. Politikisht nga partia e tyre ata duhet të quhen “të djegur”. Mund të marrin atë rrogën e deputetit, si aparatçikë të emëruar, dhe asgjë më shumë se kaq. As mendje nuk duhet të japin më për punët e partisë e të elektoratit, për të Shqipërisë as që mund të bëhet fjalë. Që të jenë edhe në paqe me shpirtin e tyre politik, duhet edhe të shkojnë qytet më qytet e qark më qark e të kërkojnë ndjesë për këmbënguljen e tyre në ligjin më idiot që është bërë për zgjedhjet, duhet të kërkojnë falje për paditurinë e tyre dhe të pranojnë me kokën ulur se janë të paaftë. Sepse t’ia hedhësh vetes (për të mos përdorur ndonjë zhargon tavolinash) më e pakta është paaftësi. Nuk duhet më të shfaqen në konferenca e as në TV e gazeta. Janë ata vjedhësit dhe humbësit e votës së socialistëve. Duhet të ndëshkohen.
Eshtë koha edhe për ndjesë. Të vinte krupë teksa dëgjoje se në selinë e Partisë Socialiste u duartrokit fuqishëm kur u njoftua se Ilir Meta kapi pragun për deputet në Tiranë dhe me mbledhjet që u bënë në këtë seli, e majta (PS+LSI) bënte qeverinë. Për të qeshur, sepse një javë më parë një ish-kandidat i ri për deputet dhe tanimë deputet i pamandatuar ende, ftonte Metën të votonte LSI dhe nuk jepte përgjigje për ftesën për koordinim. Të vinte për të vjellë kur analistët, madje edhe gazetat që LSI dhe Metën prej një viti as nuk i zinin në gojë, i fusnin tani në llogaritë “e tyre” për qeverinë. Të vinte vërtet keq që pasi u përpoq ta shkatërronte, ta prishte, ta zhbënte, ta eliminonte, t’i bënte antifushatë, t’i zhdukte votat, së fundmi partia e madhe dhe ata pranë saj pranonin se LSI qenka realitet dhe duhet pranuar. Por nuk flitej askund për ndjesë. Nuk po dëgjohet askund apologjia e vërtetë. Por pasi e ke sakatuar si dhe ku ke dashur, pasi je bërë aleat me kundërshtarin e vërtetë për të spastruar kundërshtarin e brendshëm, tani fare lehtë i hedh dorën në qafë e i thua “hajde i harrojmë të gjitha”, kur një gjë të tillë nuk e bëre vetë atëherë kur duhej vërtet. Ka të dhëna se komisionerët e PS ndihmuan LSI në Tiranë gjatë numërimeve të votave me qëllim të nxirrnin deputetë nga kjo parti. Ndihma ishte e këtij lloji: nuk i shpallnin më të pavlefshme votat e LSI, por i numëronin. Dhe ky “nder” duhet të shpërblejë gjithë baltën e hedhur, një parti krijuar enkas vetëm për të goditur LSI dhe Metën, një makinë të tërë mediatike që nuk “punonte” për këtë parti. Si duhet të veprojë Meta dhe LSI? Të mbajë fjalën se aleancë ka vetëm me PS-në, kur ata edhe në ditën e zgjedhjeve dhe të numërimit bënë të pamundurën ta ç’figuronin këtë parti nga harta e deputetëve? Apo të mbajë vetëm përgjegjësitë që i takojnë, domethënë ato para elektoratit të saj, të cilit i premtoi se do të punojë për ta në qeverisje? Në fakt kush prej të majtëve, kush prej socialistëve do të mund t’i kërkojë llogari Metës dhe LSI për vendimin e tij, cilido qoftë ai? Aq më pak kur askush nuk i kërkon ndjesë. A duhet ai të jetë mbrojtësi i interesave të së majtës, kur e majta nuk e mbrojti atë për asnjë sekondë të vetme? Ky është një vendim që i takon LSI dhe Metës.
Por dikush duhet të marrë përgjegjësi nga Partia Socialiste për këto zgjedhje dhe për gjithë çka ndodhur me të majtën. Dhe më gjerë, duhet të dalë përgjegjësia edhe për standardet e këtyre zgjedhjeve; njerëzit votuan normalisht brenda standardeve, por vota u numërua jashtë standardeve dhe PS është brenda kësaj maskarade.

[limbo]

Pse nuk fitoi Edi Rama
Nga Armand Shkullaku / E Premte, 03 Korrik 2009

Edi Rama gjendet sot ne nje rruge pa krye, ne te cilen, me ndergjegje te plote, vendosi ta fuse Partine Socialiste. Ai sfidoi ligjet e politikes, gjithe logjiken e numrave dhe fakteve, ne emer te nje pushteti absolut. Ne fund te aventures se tij, Edi Rama, deshmoi se eshte shume larg te qenit nje politikan i regjur dhe se vendimet qe ai merr jane shprehje e frikerave te tij te brendshme dhe jo e pjekurise se nje lideri.

Megjithese e dinte rolin vendimtar te Levizjes Socialiste per Integrim, kryetari i ri i Partise Socialiste provoi ta shmangte ate, duke hedhur praktikisht ne kosh votat ne shumice per te majten shqiptare. Sot, ato vota jane te pavlefshme. Partia Socialiste ka deshperimisht nevoje per numrat e LSI, jo me per te qeverisur, por te pakten per te tentuar te pengoje krijimin e nje qeverie te djathte.

Kryetari i PS dhe i Bashkise se Tiranes veshtire te gjeje argumente per te justifikuar marrezine e madheshtise se tij. Ai ka qene deshmitar i 3 korrikut 2005, kur Fatos Nano (njesoj si ai sot) largoi nga partia kundershtaret politike me qellim qe ta gezonte i vetem dhe i qete mandatin e trete qeverises.

Goditja qe mori ishte e rende. LSI e Ilir Metes ishte vendimtare ne largimin e Nanos nga pushteti dhe daljen e se majtes ne opozite. Edi Rama e dinte kete, kur ne zgjedhjet vendore te vitit 2007 i zgjati doren Ilir Metes, u bashkua me te dhe brenda nje kohe te shkurter si kryetar i PS, korri nje fitore te madhe elektorale duke fituar jo vetem Tiranen por edhe shume qytete te tjera te Shqiperise. Kjo ishte nje tjeter prove se e majta e bashkuar funksiononte dhe mund te dilte fitimtare ne betejat elektorale. Kjo ishte nje prove e dyte edhe per Edi Ramen per te punuar fort ne kete drejtim.

Mirepo ai beri pikerisht te kunderten. Me arrogancen qe i dha fitorja e re dhe me friken permanente qe i shkakton ndarja e pushtetit ose ideja se nuk e ka ai gjithcka nen kontroll, Rama e vendosi Meten ne cepin e ringut: ose te pranonte pa kushte bashkepunimin me te ose te largohej. Ai nisi keshtu nje aventure te rrezikshme, vuri nje bast te forte, te llojit ose te gjitha, ose asgje.

Ne emer te eliminimit te cdo tentative qe mund t'ia rrezikonte pushtetin absolut brenda se majtes, Edi Rama i kerkoi votat Berishes per te miratuar nje ligj zgjedhor proporcional rajonal qe synonte te nxirrte nga loja nje konkurrim te mundshem te ndonje grupimi afer Fatos Nanos dhe ta ulte ne minimum peshen specifike elektorale te Ilir Metes. Packa se ky ligj mund t'i vinte per shtat Sali Berishes, packa se keshtu shembej cdo ure bashkepunimi me Ilir Meten, packa se e majta rrezikonte te ndahej. Per Edi Ramen keto nuk kishin rendesi.

Ne emer gjoja te "politikes se re" ai spastroi terrenin per t'i krijuar vetes gjithe hapesiren e duhur qe ne torten e madhe te pushtetit te neserm te ngulej vetem piruni i tij. Te tjeret, nese do te silleshin te bindur dhe kokulur, do te mblidhnin ndonje therrime prej dores se tij te gjate.

Ky ishte plani i Edi Rames: me mire nje pushtet i sigurt e nen kontroll se sa nje pushtet i varur nga aleanca me te tjeret. Kesaj rruge ai vendosi t'i shkoje deri ne fund. Por, oreksi i tij rezultoi me i madh se sa stomaku. I mesuar me intriga te vogla dhe jo me beteja te ketij kalibri, Edi Rama ndodhet sot ne meshiren e votave te LSI per ta quajtur veten, te pakten i barabarte me kundershtarin.

Duke pritur numerimin e votave ai po shijon frytet e hidhura te ambicies se vete politike. Me koken mes duarve ai ndoshta pyet veten se si ka mundesi qe me gjithe ato vota te majta, me gjithe konsumimin nga pushteti dhe skandalet te Sali Berishes, ai nuk arriti te jete fitues. Per kete pyetje ka vetem nje pergjigje: Edi Rama jo vetem ndermori nje sfide jashte natyres se tij te dominuar nga frika dhe ankthi, por provoi te thyeje ligjet e politikes, qe te pakten per te majten shqiptare duhej te ishin bere mesim.

Sa here lideret e Partise Socialiste kane ndare pushtetin, kane respektuar demokracine e brendshme, kane reflektuar te gjitha ndjeshmerite brenda tyre, ata kane qene superiore ne ndeshjet me Sali Berishen. Sa here kane tentuar te kunderten, si Ilir Meta pas vitit 2001 dhe Fatos Nano pas vitit 2002, jane rrezuar nga lidershipi dhe pushteti.

Edi Rama e kishte kete pervoje te vlefshme, por zgjodhi te mbylle syte dhe te beje te njejtin eksperiment. I dehur nga ideja e nje pushteti te gjithin per vete, ai beri hapin fatal: u leshua ne te njejten rruge. Perfundimi ishte ai qe parashikonin pothuajse te gjithe, qe i vetem ai nuk mund te fitonte. Por ne fund humbja nuk eshte vetem personale. Aventura e Edi Rames mund t'i kushtoje Partise Socialiste edhe kater vjet ne opozite, nje gjendje e veshtire, te cilen, kryetari i Bashkise se Tiranes, deri me sot, nuk e ka provuar asnje dite te vetme.

Tani, i mbyllur ne zyren e tij, duke pare shiun qe shpelan bojerat qe ai i ka hedhur siper Tiranes dhe qe po permbyt rruget e saj, Edi Rames nuk i mbetet shume per te bere. Ndoshta mendon nje lutje te deshperuar per Ilir Meten, "mikun" e tij qe dy vjet me pare i dha fitoren e me pas ai e hodhi "ne batakun e politikes se vjeter" ose po kerkon ne hard disk fjalimet qe dikur u shkruante kryeministrave socialiste. Ai vete nuk pati mundesi ta lexoje nje te tille.

http://www.kohajone.com/html/artikull_44326.html

[limbo]

duke lexu kto analizat e funit per shkaterrimin dhe dobesimin e bolshevikve dhe te majtes nga Edvini, jom duke ndryshu menim per ket tipin. biles po te ikte dhe nga kryetar bashkie i Tirones dhe te vazhdote punen e tij vetem mrena te majtes, do ishte perfekt fare :p

[Tir@nci]

Hej ktu ka gallate mer. Fillun kta tui qa hallim lsi. Mu mduket se kto tipat si realisti, dydrinsi ene anesti i morrin urdhnat direkt nga baca apo flamuri. Mos keni qene ene ju sekretara partie mer ******

[Guri i Kuq]

Si duhet të veproj Meta dhe LSI ?
-----------------
Ilir Meta,në këtë periudhë pas-zgjedhore ka treguar një figurë me integritet të lartë.Përkundër presionit të jashtzakonshëm që mund të ketë çdo njeri pas gjithë atyre manipulimeve,presioneve e shantazheve që i janë bërë kësaj partie dhe këmbëngusisë fanatike për ta eleminuar politikisht,ai ka dhënë pamjen e një burri e politkani mjaft gjakftoht dhe të mpreht.
Gjakftohët,sepse me asnjë fjalë,gjest ose veprim (edhe përkundër argumenteve të shumta që i përmendi Dritan Prifti),nuk cenoi imazhin e krijuar rreth zgjedhjeve të 28 qershorit.
Ishte urtësia e maturia e tij ajo që ndikoi që mos të kapërcehet rubikoni,pas gjithë asaj tirade akuzash , shpifjesh e manipulimi të anëtarëve të thjeshtë të PS, që bëri Ruçi me shokë e shoqe në Fier e gjetiu,me qellimin shumë qartë-kompremitimin ne tërësi të procesit zgjedhor si alibi të vetme për dështimin e Ramës e Ruçit dhe platformës së tyre në këto zgjedhje.
Me këto veprime, Meta ka dhënë sinjalin e qartë të shkëputjes nga mendësia dhe matrica e PS,e cila asesi nuk po mund të del nga lëkura e klisheve pseudo-revolucionare...
I mpreht,sepse nuk ra pre e emocioneve të çastit e kënaqësisë,që normalisht ndinë çdo njeri kur përmbushë një qellim dhe sidomos,kur kuptoi se do të ishte ai që do të përcaktonte kahet e rrjedhave politike shqiptare të një periudhë kritike për Shqipërinë.
Shumica prej nesh, pas një kalvari të këtillë cvilitës, çfarë është fushata elektorale e kësaj natyre dhe këtyre përmasave, që me rezultatet e para të KQZ,do të ndjente një shfryrje mllefi e inati dhe një ndjenjë triumfaliste përballë kundërshtarëve të majtë dhe të djathtë.Kjo,sidomos kur u bë publike, se në çdo kombinim të mundshëm pas-zgjedhor, PS nuk mund të bëjë asgjë pa votat e LSI,të cilën deri para ditësh, Edi Rama dhe klani i tij,jo vetëm se e injoronin,por edhe nënçmonin e luftonin me të gjitha mjetet e mundshme.
Pas deklaratës bombë të Dritan Priftit,e dhënë sigurisht nga mllefi dhe rezignimi i pafund,Ilir Meta mblodhi Kryesinë e partisë së tij dhe shumë gjakftohët dha disa mesazhe:e para,PS dhe zyrtarët e saj nuk mund të flasin në emër të LSI,nuk ka asnjë kombinatorikë koalicionesh pa përfunduar çertifikimi i mandatave ng KQZ (gjest për tu përshendetur),nuk abstarakoi asnjë mundësi kombinimesh pas -zgjedhore me asnjë nga forcat politike dhe çka është më qenësorja,dha një mesazh paqeje dhe qetësije për gjithë forcat politike dhe qytetarët.
Një nga mesazhet më të rëndësishme të Metës, drejtuar Ramës, që u dha përmes z. Vasilit,ishte se në asnjë mënyrë nuk do të bisedohet me z.Ramen për mundësinë e bashkëpunimit të këtyre dy partive....
Ky mesazh ishte ajo që ua bëri gjakun ujë krerëve të PS,sidomos z. Ramës,të cilit edhe ashtu iu kanë djegur qirinjët nga të gjitha anët dhe krahët.
Mesazhi ishte shumë i qartë:nëse doni koalicion me LSI-hiqni çafet së pari Ramën e pastaj shohim e bëjmë...
Jam i mendimit se kjo pistë e të vepruarit të z. Metës, korespondon edhe me zërat shumë kumbues që po dëgjohen aty-këtu nga ish aleatë të Ramës, dhe zërat ende të shurdhër nga selia rozë,për përgjegjësi të tij për humbjen ashiqare të PS në këto zgjedhje.
Pa marrë parasysh rezultatin final,Ilir Meta ka kaluar një nga sprovat madhore të një politikani,çfarë është sprova e lakmisë së qastit për pushtet dhe hakmarrje,dhe me këtë çertifikatë,ai do të jetë partner serioz dhe i pa anashkaluar, për çdokend që pretendon të qeverisë Shqipërinë këto katër vitet e ardhshme dhe se është lojtar i shtigjeve të gjata.

[SKRAPARI]

Iliri duhet te behet drejtor i policeve ne Tirane.

[Guri i Kuq]

Siç informon Express i Prishtinës,kryetari i LSI z. Ilir Meta,në një deklaratë të dhënë para pak çastesh,ka pranuar oferten e kryemisnistrit Berisha për fillimin e negociatave për formimin e koalicionit PD-LSI.