Jehona

[Dita]

Jehona


Lajmi nisi të përhapej përmes valëve zanore e qytet pas qyteti mbërriti në qendrën e shpërndarjes së informacionit. Qendra përhapi lajmin për gazetat, televizionet, radiot e për të gjithë të huajt e akredituar. Lajmi nuk u shoqërua me asnjë lloj kundërlajmi. Se vdekjen nuk mund ta zhbëjë askush, as edhe Zoti vetë. Jehona e saj mbërriti me vonesë edhe tek unë duke mbajtur formë shkronjash e pak fotografish të gjetura në internet. Proçesioni, protestat, qëndrimet ndaj gjëmës përsëri në formë lajmesh të shkruara. Jehonë mijëra zërash të mbledhur në shenjë proteste, në shenjë urrejtjeje ndaj një krimi që ka vendosur të zhdukë pak nga pak trimërinë dhe vendosmërinë nga Kosova. Borë binte atë ditë aq dendur, sa më bëhej se jehona e lajmit po shkundte retë e po krijonte atmosferën e përmortshme, që i mungonte oborrit të brendshëm në pallatin tim. Nuk më shqitej nga mendja: “Si mund të vritet një njëzetvjeçar? Çfarë mundet të ketë bërë ai, që ka arritur të mbledhë një urrejtje kaq të madhe e i ka dhënë forcë dorës vrasatare për t’ia hequr dritën nga sytë njëherë e përgjithmonë?”
Sytë më dhimbnin nga ajo që më dilte përpara si një skenë e munguar.

Sot që po shkruaj është 15 janar. Katër vjet më parë në këtë datë serbët zhvilluan masakrën e Reçakut, eksperimentuan me trupat e vdekur të njerëzve, të cilët i vranë me dorën e vet. Në mendje nga ajo kohë më ka mbetur një foto interneti e një foshnjeje 6-muajshe me fytyrën e përçudnuar. Atë foto ia ktheva vetes asokohe në një dëshmi të makabritetit, dhe e sillja në mendje sa herë mendoja për pushtimin serb.
Këto ditë po më kalojnë në mendje tre vrasjet e datës 4 janar e veç tyre po kujtohem të numëroj dhe gjithë të tjerët që i kanë vrarë për këto tre vjet (jehona e shkrimeve po më ndërgjegjëson për to). Po mbetem si e gozhduar mbi vrasjen e djalit njëzetvjeçar të kolonelit e po më duket si një përsëritje e asaj fytyrës së përçudnuar të foshnjës e po pyes ata që mungojnë para meje: “A jeni shqiptarë o ju me armët në duart vrasatare?
Se tani prej më shumë se tre vjetësh drejtësia po vendoset e po kthehet në vend, se Kosova lirinë e vërtetë po e shijon, atë pa aromë serbi që i rrinte mbi krye dhe ia godiste shpirtin pa mëshirë, që ia vriste babën, vëllanë, ia niste e zhdukte njerëzit në kurbet. Se Kosova po lufton me rrugë institucionale për pavarësinë, e ju përse po luftoni?
Ndoshta veç për të mirën e atyre që fytyrën ia përçudnuan foshnjave, që kokat ia ndanë nga trupat pleqve, që familje të tëra i shuan me nam e me nishan për këto 100 vjet.”


Festimet në sofrat e armiqve të Kosovës vazhdojnë të zhvillohen nën zë, pa jehonë.

Në veshët e atyre që kudo në botë dëgjuan për gjëmën e 4 janarit vjen vetëm jehona e zërave shqiptarë që i përcollën trupat e vrarë në banesën e fundit, jehona e thirrjeve për t’i dhënë fund krimeve që po dënojnë përpjekjen e Kosovës për pavarësi.
Nuk mungojnë mes gjithë kësaj edhe ca pjesë jehone në formë shkrimesh, që mundohen ta zbehin protestën e një populli të tërë. Veç armët në duar iu mungojnë shkruesve të tyre.

Ngjan të jetë kjo rruga, që po shkelin të papushtetshmit.
Ndërkohë ai që po e kërkojnë me ngulm do të meritonte vetëm një emër, mjerim shpirtrash e kthim-legjitimim i më të pamëshirshmit pushtet, që ka njohur historia pas Luftës së Dytë Botërore, i atij me emrin Komunizëm dhe Gjak, të cilit në ditët e sotme janë duke i gjetur forma të përshtatshme për t’i dhënë fytyrë të pranueshme për shekullin e 21-të.

Akoma më mjerueshëm e tmerrshëm njëkohësisht, kur e gjithë kjo dashur-padashur kënaq lutjet e përpjekjet e Beogradit duke mos i shpëtuar dot veshjes me mantelin serb.


Veç një pyetje më mbetet për në fund: A do duan ta ndiejnë jehonën mendjet e zemrat e të paemërve, që kanë guximin t'i japin fund jetës së njerëzve e t'ia heqin dritën nga sytë njëherë e përgjithmonë?

[Brari]

Te lumt pena Dita !

Sa bukur ke shkruar..rrofsh !

[Dita]

Te falenderoj Brar per ato qe shkruar. Por sa e rende eshte ajo qe qendron ne baze te shkrimit dhe sa e dhimbshme kur nje njeri ne jete, papritur, kthehet ne nje objekt procesioni, lajmesh e shkrimesh pa e patur kerkuar vete nje gje te tille.

Shendet!

[Brari]

Degjo Dita vajze e mire !

Ne kohen e Carit revolucionaret her mbas here i benin komplote ose atentate ose ndonji revolucion Carit e shtetit Carist.

Shteti carist natyrisht kunder vepronte.

Psh. i kapi disa qe i ben atentat carit dhe i denoj rende.
Mes te denuarve ishte dhe vllai i madh i Leninit.
Megjithse vellai u denua si atentator kunder nr 1 te perandorise RUSE..vet Lenini dhe motrat e tije u lejuan te vazhdojne studimet, u lejuan te shkruajne neper gazeta, u lejuan te shkojne nder miq e te dalin dhe jashte shtetit.
Babai i Leninit vete vazhdonte te punonte si inspektor arsimi dhe me ate rroge te ushqente Nenen e Leninit dhe gjithe familjen.
Pra shteti Carist kapte shkelsin e ligjit dhe mjaftohej me kete e nuk prekte familjen.

Kur Stalini me shoke internohej ne Siberi (ne kohen e Carit flas) askush nuk ja prekte Mamane atij krokodilit dhe as ja ngacmonte kush gruan ose te dashurat.

Revolucionaret i thirren mendjes.

Ku i ka Cari pikat e dobeta..?????? ...meditonin ata..

Hmmmm..ja psh thoshin ata me vehte..shtepine stalinit nuk ja morren..bahcen e pianon Leninit nuk ja sekuestruan..Tolstoit nuk ja moren cifligun ne jasn poljana ..Cehovi shkonte ne Detin e zi..me ngrof mullaqet.. Plehanovi bente artikuj ne gazeta etj etj..

Athere thane revolucionaret duke kruajtur koken me morra..si duhet bere qe kur merr pushtetin te te mos mundet me dikush te ta marre??

Ata nxorren mesimet..

Kundershtarit nuk i duhen lene gazetat..
kundershtarit nuk i duhet lene i gjalle asnji i afert.
Kundershtari duhet vrare me cdo lloj preteksi.

etj etj mesime te vlefshme marksiste-Leniniste sic u quajten..

Meqense ne Kosove sundon klika marksiste-Leniniste-Enveriste-Staliniste e Qose-Halit-Thacve athere eshte e qarte pse vriten Tahirat me gjith femije..pse vritet Uk Bytyci e Drini etj etj.
Prandaj Lista e atyre qe duhen vrare nga Klika staliniste eshte e gjate..
Ne kete liste jane Poete..shkrimtare..akademike e gazetare..
Ne kete liste (e faktuar kjo) ishte dhe profesori i madh Fehmi Agani.

Keshtu Dita po e mbyll sepse njiher tjeter do shkruaj me gjate per femomenin "GENOCIDI ENVERIST ne KOSOVE".

[Zana Vizitorit]

e lexova shkrimin tend me shume interes.Nga kushdo qe te ishte shkruar,edhe i pa njohun qofte,nje shkrim qe trajton nje teme te tille kaq te dhimbeshme eshte me se i goditur.Dora vrastare nder shqiptar as nuk filloj e as nuk do te mbaroje me te ndjeret qe sapo u varrosen.Kjo dore vrastare erdh nga thellesit e shekujve e spo din te plaket.Ajo ka zene rrenje thelle nder trojet tona,e ne momente te voliteshme per te, nxjerr krye duke perpire jete njerezish,pra,jete shqiptaresh.E se kush e mbolli faren e saj nder shqipatr se mesova kurre.Ajo her kalon ne njerin krah e here ne tjetrin,here zhduket e here cfaqet si lubi.Ajo bredh lirshem neper te tera trojet shqipetare.Kur i bije rasti perdore te tjere,e kur keta nuk ndodhen gjen vete shqiptaret,te gatshem si per here
per te vrare vllajn e vet.Aq ma teper,kjo rendon ne Kosove.Ne qiellin e Kosoves ende nuk eshte hequr mire tymi qe percelloji ate,
ende enden neper ajer klithmat e foshnjeve te vrara e te masakruara ne gjirin e nenes,ku gjaku ende seshte thare mire neper pragjet e shtepive,ku gjurmet e perdhunimeve s`jane shlyer ende.Eshte nje e keqe e llahtareshme qe duhet ta heqim qafe sa me shpejt qe te jete e mundur.E ajo nuk hiqet qafe me etiketime kuq e blu.Ate duhet ta kerkojme me thelle,shume me thelle(se mos filloj ajo kur u cfaqen nghyrat).Ajo ka vetem nje emerore vrastare qe ha jete njerzish,pra jete shqiptaresh.

[Brari]

Zana !

Vrasja largohet kur te kemi guxim te themi qe Ai qe vret eshte vrases e ai qe vritet eshte Viktime.
Ne se nuk guxojme e flasim fjal ne hava athere i zgjasim jeten fenomenit te vrasjeve.

[Fiori]

Brari dhe ASD, duke qene se kishit dale pak si shume nga tema ne pergjigjet tuaja, dhe tema po kthehej me shume ne temen tuaj se shkrimin e Dites. Gjithashtu duke pasur parasysh se dhe ajo cfare po diskutonit ishte vertet dicka qe ja vlen per tu diskutuar, e ndava temen ne dy. Ne shkrimin letrar me lart (me komentet ne lidhje me te) si dhe ne diskutimin tuaj te cilin mund ta gjeni tek forumi i Temave Shoqerore ose fare thjesht duke shtypur ketu .

Shpresoj te vazhdoni te diskutoni atje dhe do ju lutesha te dyve te ishit me gjakftohte, pa ofenduar njeri tjetrin ne pergjigje!

Pershendetje!

[shigjeta]

Dita mjafte bukur. Zana urime dhe ty per postimin me lart

[Dita]

Ju falenderoj te gjitheve per nderhyrjet tuaja!



Zana!

Ne qiellin e Kosoves ende nuk eshte hequr mire tymi qe percelloji ate,
ende enden neper ajer klithmat e foshnjeve te vrara e te masakruara ne gjirin e nenes,ku gjaku ende seshte thare mire neper pragjet e shtepive,ku gjurmet e perdhunimeve s`jane shlyer ende.Eshte nje e keqe e llahtareshme qe duhet ta heqim qafe sa me shpejt qe te jete e mundur.

E nis me nje citim nga shkrimi yt, duke te falenderuar per nderhyrjen.
Ke shkruar drejt per ate qe po ndodh ne Kosove, por per mua nuk ka lekundje ne dicka, dhe ketu bashkohem me ate qe ka shkruar pak me poshte Brari (citoj):

Zana !

Vrasja largohet kur te kemi guxim te themi qe Ai qe vret eshte vrases e ai qe vritet eshte Viktime.
Ne se nuk guxojme e flasim fjal ne hava athere i zgjasim jeten fenomenit te vrasjeve.

Diskutim mbi vrasjet e fundit ne Kosove po behet edhe tek Temat e shtypit te dites dhe nje gje duhet ta theksoj pozicionimi eshte i pamundur te mos ndodhe ne mendjet e njerezve perballe krimesh te tilla. Cilit spekter politik i kane perkitur personat qe jane vrare gjate viteve te fundit ne Kosove????




Brar!

Keshtu Dita po e mbyll sepse njiher tjeter do shkruaj me gjate per femomenin "GENOCIDI ENVERIST ne KOSOVE.

Duke u nisur nga kjo qe ke shkruar ketu Brar, te them se do te pres per kete shkrim me te gjate tendin, nese mundesh e nese di, kushtoji vemendje viteve 1944-1950. Kjo eshte nje lutje nga ana ime.


Dita!