PDI, shfaqet partia çame

[EDLIN]

PDI eshte nje parti e re ne spektrin e politikes shqiptare, parimet themelore te saj jane te drejtat e njeriut,integrimi dhe çeshtja kombetare.
Ketu poshte keni programin e kesaj partie, lexoni dhe gjykoni :

PROGRAMI I PARTISË PËR DREJTËSI DHE INTEGRIM


KAPITULLI I

PARIMET THEMELORE

1.

Partia për Drejtësi dhe Integrim (PDI) është një bashkim vullnetar, politik dhe krijohet nga grup intelektualësh (PATRIOTËSH) me Program zhvillimin demokratik të vendit dhe shoqërisë shqiptare duke luftuar padrejtësitë si ato ekonomike dhe ato Ndërkombëtare. Ajo është për integrim sa më të shpejtë në familjen Europiane.

1.1 PDI mbështetet në tërë aspektin e saj teorik dhe praktik, nga zbatimi i parimit të së drejtës. Ajo shpreh dhe mbron të drejtat dhe liritë themelore të njeriut, identitetin kombëtar të popullit tonë.

1.2 PDI është e ndërgjegjshme të marrë përsipër dhe zgjedh drejt e në përputhje me Konventat Ndërkombëtare problemet e Kombit. Të garantojë ndërtimin dhe zhvillimin e demokracisë vetëm nëpërmjet projektimit të ligjit dhe bërjes së një shteti ligjor. Ajo mbështetet gjithashtu në shfrytëzimin e përvojës demokratike bashkëkohore të vendeve Europiane , veçanërisht asaj Amerikane .

1.3 PDI mbështet të drejtën themelore të çdo populli për vetëvendosje. Ajo e quan detyrë themelore zgjedhjen në mënyrë demokratike të çështjes kombëtare.

1.4 PDI mbështet, respekton dhe mbron të drejtat themelore të njeriut të miratuara nga Konventat Ndërkombëtare, lirinë e mendimit të shtypit, të besimit fetar, të drejtën e individit për pronën, punësimin, arsimimin, për lëvizje të lirë brenda dhe jashtë vendit në përputhje me legjislacionin.

1.5 PDI e trajton pronën private të shenjtë dhe ka obsionet e saj për mënyrën e privatizimit të sektorëve të ekonomisë e veçanërisht të tokës dhe sektorëve strategjik. Ajo është për zhvillimin ekonomik të vendit që mbështetet në ekonominë e tregut, që në themel të saj ka pronën private, por pa përjashtuar segmente të veçanta të ekonomisë dhe pronës shtetërore. Vetëm individi i lirë që do të ketë në themel të tij pronën, punën dhe veprimtarinë kryesore do të çojë përpara zhvillimin ekonomik të vendit .

1.6 PDI mbështet zhvillimin e Programit të saj dhe ka besim se zhvillimi ynë ekonomik mbështetet te integrimi i vendit në Europë, që do të bëhet nga populli ynë dhe njerëzit tanë që kanë virtyte të pastra etike–morale në shekuj si dhe përvojën demokratike. Ajo i sheh ata si njerëz të lirë, aktiv të cilët kërkojnë vetëm drejtësi madje janë të gatshëm për të dhënë kontributin e tyre në zhvillimin e demokracisë .

1.7 PDI është për institucionalizimin dhe ndarjen e pushteteve. Ajo mbron dhe respekton organizimin e shtetit të bazuar në parimin e ndarjes së pushteteve dhe në kontrollin e ndërsjelltë sipas Standarteve Ndërkombëtare. Shteti nuk duhet të lerë vend për padrejtësi, Ai do ti trajtojë të gjithë njerëzit njësoj, të barabartë, pavarësisht nga pozita e tyre shoqërore e politike.

1.8 PDI e sheh zhvillimin ekonomiko-shoqëror dhe demokracinë në Shqipëri vetëm në përputhje me zhvillimin e ligjshmërisë Kombëtare e Ndërkombëtare si dhe alternativë të vetme për integrimin Europian . Ajo e sheh futjen dhe integrimin e Shqipërisë në familjen e madhe Europiane paralelisht dhe me ruatjen e identitetit kombëtar të vendit tonë.

1.9 PDI është Parti e lirive dhe të drejtave të njeriut. Ajo është për një shtet laik që nuk ndërhyn në çështjet e besimeve fetare, por i respekton njëlloj liritë dhe të drejtat e tyre fetare të cilat i garanton me ligj dhe i ndihmon komunitetet fetare.

1.10 PDI gjykon, mendon se rruga e transformimeve legjislative dhe institucionale e ndërtimit të shtetit ligjor në Shqipëri e zëvendësimit dhe rishikimit të herë pas hershëm të të gjitha ligjeve, duke pasur në qendër të vëmendjes mbrojtjen e të drejtave dhe lirive themelore të njeriut, përbëjnë bazën e Programit të saj .



KAPITULLI II

PARIMET DEMOKRATIKE

PDI është Parti që përfaqëson me Programin e saj qendrën e djathtë. Parimet e saj mbështeten në atë të parametrave Europiane me pikësynim: integrimin e plotë të shoqërisë e vendit në Europë. Ndërtimi dhe zhvillimi i një shoqërie demokratike do të bëhet gradualisht në përshtatje me nivelin dhe shkallën e europianizimit, sidomos nëpërmjet zhvillimit ekonomiko-shoqëror, zgjidhjen e problematikave për sot dhe në perspektivë, kjo mbi bazën e drejtësisë dhe respektimit të të Drejtave Ndërkombëtare.

2.1 PDI mbështetet në Kushtetutën e Shqipërisë. Kuvendin (Parlamentin) e respekton si organin më të lartë legjislativ të Republikës së Shqipërisë.

2.2 PDI është kundër çdo shfaqje autoritariste të kufizimit të lirisë. Ajo e quan vendimtare arritjet dhe parimet e Kushtetutës, pluralizmit ideo - politik dhe i mbështet ato për zhvillimin mëtejshëm të demokracisë në Shqipëri.

2.3 PDI respekton dhe zbaton parimin e ndarjes së pushteteve legjislative, ekzekutive dhe gjyqësore në përputhje me Kushtetutën e Shqipërisë. Ajo është për plotësimin e tëre kuadrit ligjor në fushën ekonomike, politike e shoqërore. Gjithashtu, PDI është për ndjekjen dhe zbatimin e ligjeve mbi bazën e barazisë përpara ligjit të të gjithë qytetarëve pa dallim race, kombësie, seksi, bindjet politike e ideologjike, fetare, profesioni, apo gjendja shoqërore.

2.4 PDI është për mbrojtjen dhe respektimin rigoroz të të gjitha të Drejtave dhe LiriveThemelore të njeriut të parashikuara në aktet ligjore Ndërkombëtare.

2.5 PDI e konsideron debatin e lirë publik, tubimet, manifestimet, peticionet e referendumet si element themelor të demokracisë, të cilat të mbrohen nga ligji dhe të zhvillohen brenda kuadrit ligjor, sepse ato shprehin vullnetin e lirë të shtetasve .

2.6 PDI është për mbrojtjen dhe respektimin e të drejtave të pakicave kombëtare, për t`u siguruar atyre barazinë me shtetasit shqiptar në të gjithë fushat, por njëherësh ajo është për mbrojtjen dhe respektimin e të drejtave të shqiptarëve kudo që ndodhen e sidomos në shtetet fqinje.
Vetëm mbi bazën e reciprocitetit, mirëkuptimit dhe barazisë do të zhvillohen lidhjet e miqësisë e bashkëpunimit me çdo vend rajonal Europian. Shteti Shqiptar duhet të jetë vazhdimisht i interesuar dhe i lidhur me Diasporën dhe emigracionin Shqiptar duke kërkuar që vendet përkatëse ku ata jetojnë e punojnë, të respektojnë të drejtat e tyre dhe të mbështen nga ligji .

2.7 PDI është për shtet laik që siguron lirinë e besimit fetar . Ajo është kundër përdorimit të fesë për qëllime politike dhe antikombëtare. Institucionet fetare të drejtohen nga shtetas me kombësi shqiptare. Ajo është kundër ndërhyrjes së shtetit në çështjen e besimit të shtetasve si dhe kundër institucionalizmimit politik të besimit fetar, i cili do të sillte destabilizim dhe përçarje.

2.8 PDI e vlerëson shtypin dhe median e lirë si tregues themelor të zhvillimeve demokratike. Ajo është për përforcimin e plotë e të saktë të afirmimit publik për çdo problem. Statusi i gazetarit të bazohet në ligjet e standarteve Europiane. Nga ana tjetër, shteti nuk duhet të lejoj që në emër të shtypit të spekullohet ose të bëhen thirrje për revolta, kryengritje të armatosura ose për përmbysje me dhunë të pushtetit.

2.9 PDI është për ndarjen e pushteteve duke u mbështëtur në barazpeshën dhe kontrollin e ndërsjelltë të tyre sipas Standarteve Europiane. Ajo është për pavarsinë e plotë të shtetit gjyqësor dhe kundër çdo ndikimi apo gjykimi politik apo partiak ndaj tij.

2.10 PDI është dhe përkrah plotësisht reformën në fushën e legjislacionit, me pikësynim plotësimin e boshllëkut legjislativ të trashëguar nga e kaluara. Në tërë fushat dhe aktivitetet ekonomike e shoqërore, rishikimin e tij në përputhje me zhvillimet e tanishme, por sidomos me aktet ligjore dhe Koventat Ndërkombëtare sidomos në fushën e të drejtave dhe lirive themelore të njeriut, të kodit administrativ, kodit familjar.

2.11 PDI e konsideron integrimin rajonal e atë Europian të vendit tonë si në BE si rrugë e vetme për zhvillimin dhe përparimin e vendit, mbi bazën e ruajtjes së indentitetit kombëtar e reciprocitetit dy palësh apo shumë palësh të ndihmës, bashkëpunimit si dhe zgjidhjes së problemeve.



KAPITULLI III

PARIMET EKONOMIKE

PDI vlerëson se Shqipëria i ka të gjitha burimet e nevojshme natyrore e njerëzore për një zhvillim të shpejtë ekonomik – shoqëror, me pikësynim sigurimin e një jete normale e të begatë për popullin, si për sot ashtu ashtu dhe në prespektivë.

3.1 Baza e zhvillimit ekonomik të vendit do të mbështetet në inisiativën e lirë të bizneseve e industrive dhe në ekonominë e tregut. Vetëm sipërmarrja e lirë private do të vërë në lëvizje me efektshmëri shfrytëzimin e burimeve materiale e njerëzore.

3.2 Privatizimi i sektorëve të ekonomisë e sidomos atyre strategjik të jetë gradual dhe me efektivitet maksimal, nëpërmjet përcaktimit të politikave ekonomike afat-mesme e afat-gjatë duke reduktuar ecurinë dhe funksionimin e shtetit si rregullator i ekonomisë. Ajo është për ndërtimin e mardhënieve ekonomike në përputhje me kërkesat e ligjeve të ekonomisë së tregut.

3.3 PDI është për zhvillimin ekonomik të vendit në kompleks dhe në harmoni të plotë të të gjithë faktorëve të brendshëm e sidomos atyre rajonal Europian, përhapjen dhe krijimin e prespektivave të qëndrueshme ekonomike, shfrytëzimin rajonal të burimeve materiale e njerëzore, zgjidhjen e problemit të papunësisë e përcaktimin e politikave sociale. Përparësi duhet t`i jepet zhvillimit të bujqësisë e industrisë, sidomos sektorit të shërbimeve si: turizmit , ndërtimit të infrastrukturës moderne, telekomunikacionit etj , kjo në mënyrë që të arrihet një angazhim maksimal dhe një rishpërndarje me efikasitet të burimeve njerëzore.

3.4 PDI zhvillimin ekonomik të vendit për sot e në prespektivë e sheh të lidhur organikisht jo vetëm nëpërmjet shfrytëzimit të burimeve financiare të brendshme, por edhe të krijimit të kushteve normale për tërheqjen dhe thithjen e investimeve e kapitaleve të huaja mbi bazën e pariteteve dhe leverdishmërisë dy - palëshe. Në këtë kontekst rëndësi duhet t`i kushtohet sidomos zhvillimit të sistemit bankar për kreditimin e individëve dhe bizneseve, funksionimin e bursës, vendosjen e kushteve lehtësuese e politikave fiskale të pranishme, kjo për një frymëmarrje të biznesit të vogël e të mesëm dhe veçanërisht për tërheqjen e kapitaleve të emigrantëve e Diasporës.

3.5 PDI është për një ecuri të shpejtë në zgjidhjen e problemeve të infrastukturës së përgjithshme të vendit tonë, duke zgjidhur perfundimisht për sot e në prespektivë, problemet që kanë të bëjnë me: energjinë elektrike, ujin, rikonstuksionin e ndërtimin e rrugëve e korridoreve të brendshme e rajonale, telekomunikacionin, transportin hekurudhor, automobilistik e ajror, kjo duke shfrytëzuar investimet e kapitalet e huaja.

3.6 PDI e konsideron bujqësinë e blektorinë si një burim tradicional e etik të zhvillimit ekonomik të vendit, nëpërmjet një ndihme efikase të kreditimit të fermerëve me pikësynim shfrytëzimin e kushteve klimatike e agrobiologjike të favorshme, plotësimin

e nevojave të popullatës dhe eksportet e prodhimeve në tregjet rajonale e Europiane. Veçanërisht zhvillimi i infrastukturës në fshat mbetet domosdoshmëri për zhvillimin e thithjen e prodhimeve. Krijimi i shoqatave të fermerëve e komplekseve agroindustrial si dhe forcimi i mëtejshëm të tyre që të krijojë mundësinë për rritjen e prodhimit , për angazhimin në punë të krahëve të aftë për punë , zhvillimin e bujqësisë e industrisë . Ajo do të mbështes në zhvillimin e një sistemi rural bankar të kreditimit të fermerëve, për t`i dhënë një frymëmarrje të re dhe mbështetje serioze fshatit .

3.7 PDI gjykon se sektori i turizmit dhe zhvillimi i tij mbetet një nga pikësynimet në ekonominë e vendit duke shfrytëzuar avantazhet si: pozita gjeografike, kushtet klimatike, relievi, bukuritë natyrore dhe pasuritë arkeologjike të cilat e bëjnë vendin tonë një perlë duke kërkuar një trajtim e vëmendje të veçantë të kapitalit të huaj e atij vendas për t`u bërë burim kryesor për rritjen e të ardhurave të ekonomisë .

3.8 PDI mbështet zhvillimin e industrisë e degëve të saj nëpërmjet shfrytëzimit dhe riaktivizimit e të gjitha resorseve natyrore, tërheqjes së kapitaleve të huaja sidomos në industrinë e lehtë ushqimore , veshjeve , materialeve të ndërtimit, mobiljeve, industrinë e mineraleve, burimeve hidroteknike e nëntokësore.

3.9 PDI është për një tregëti grosiste e me pakicë, kryesisht të lirë e private, me politika tregëtare të mbështetura në ligjet e ekonomisë së tregut, përhapjen e tregjeve dhe integrimin në OBT si dhe mbrojtjen e tregëtisë kombëtare .

3.10 PDI është për zhvillimin në sektorin e ndërtimeve duke marrë në konsideratë kushtet aktuale në zonat urbane e rurale të vendit, kufizimin e tyre në tokat bujqësore , ndërtimin e infrastrukturës në fshat e sidomos zbatimin e politikave të ndërtimit për zgjidhjen e çështjes së strehimit të një pjese të shoqërisë në nevojë, qoftë edhe me ndërhyrjen e bashkive. Veçanërisht ndërtimin e rrugëve e sidomos korridoret veri – jug e lindje – perëndim , të mbetën prioritete të integrimit tonë në rajon e Europë.



KAPITULLI IV

ARSIMI – KULTURA – SPORTI – SHËNDETËSIA

PDI e konsideron zhvillimin e arsimit si element për zhvillimin e shoqërisë dhe vendit tonë. Ai të jetë laik, shtetëror e privat me program të kualifikuar e të mbështetet në traditën e frymën kombëtare. Arsimi 9 – vjeçar të jetë i detyruar, arsimi i mesëm e i lartë i përgjithshëm ose profesional të përfshij arritjet botërore në pedagogjinë dhe shkencat bashkohore duke arritur njohjen dhe barazvlershmërinë e diplomave të arsimit të lartë brenda dhe jashtë vendit. Shteti Shqiptar të ndërhyjë e ti japë përkrahje përhapjes së shkollave të arsimit dhe diasporës dhe emigracionit.

4.1 PDI e konsideron zhvillimin e kulturës dhe arteve si element bazë që mbajnë gjallë dhe rifreskojnë jetën shpirtërore të kombit. Ajo është për ruajtjen me ligj të të gjitha vlerave artistike e kulturore, pasurive arkeologjike monumenteve të kulturës e te artit si dhe zhvillimin e pasurimin e tyre në traditën mijëvjeçare të kombit tonë .

4.2 PDI është për zhvillimin bashkëkohor të shërbimit shëndetsor, për një profilaksi dhe rrjet të institucionalizuar shëndetësor në të katër anët e vendit, me forma dhe mënyra të ndryshme private e shtetërore, por gjithmonë në interes të ruajtjes së shëndetit të popullit dhe duke aplikuar politika sociale e burime favorizuese për shtresat e popullatës në nevojë e sidomos të fëmijëve e pleqëve. Ajo është për një luftë sistematike e sensibilizuese që duhet bërë ndaj sëmundjeve ngjitëse, drogës, sidës, etj në kuadrin rajonal e Europian.

4.3 Subvencionimi i shtetit në sektorin e shëndetësisë e konsiderojmë prioritet kjo për vet kushtet aktuale social – ekonomike, pa hequr dorë nga tërheqja e kapitaleve të huaja dhe asistences së tyre ndaj nesh.

4.4 PDI është për mbrojtjen mbi baza ligjore të mjedisit e të ekologjisë së vendit si dhe ndaj ndotjeve të çfarëdolloj natyre qofshin. Mjedisi i pastër, ekologjia, ekosistemet dhe natyra e virgjër konsiderohen kritere bazë për sot e në prespektivë .

4.5 PDI mbështet dhe përkrah zhvillimin e kulturës fizike e sportive si pjesë e domosdoshme e edukimit fizik dhe estetik të popullit. Ajo është për mbështetje e subvencione nga shteti deri në privatizimin e këtij sektori si dhe tërheqjen e sporteve të fuqishëm për zhvillimin e tij.



KAPITULLI V

ÇËSHTJA KOMBËTARE

PDI respekton parimin e vetëvendosjes së popujve dhe ka në programin e saj zgjidhjen e konventave e marrëveshjeve ndërkombëtare të padrejtësisë së problemeve të mbetura , sidomos të problemit Çam .

5.1 PDI mendon se zgjidhja e problemit Çam ndihmon në krijimin e një klime normale për integrimin rajonal e Europian .

5.2 PDI në programin e saj ka shfrytëzimin e të gjitha rrugëve institucionale e paqësore për zgjidhjen e këtij problemi si brenda dhe jashtë vendit duke sensibilizuar opinionin e brendshëm për të rritur presionin mbi Qeverinë, Parlamentin si dhe institucionet ndërkombëtare si OKB , BE etj , nëpërmjet : protestave, shtypit, tubimeve, përvjetoreve , simpoziumeve, konferencave etj .

5.3 PDI mendon se rruga e zgjidhjes në kompleks për të gjitha padrejtësitë e problemeve të mbetura pezull në raport me çështjen Çame brenda akteve e konventave ndërkombëtare është rruga kryesore për:
a . njohjen e së drejtës së pronës, tokës e pasurive të rrëmbyera.
b . rikthimin e pronës dhe të drejtën për administrimin e saj nga pronarët legjitim .
Kjo do të shoqërohet me dy shtetësinë.
c . rikthimin e Çamëve në tokat e tyre.

5.4 PDI është për vetëvendosjen dhe pavarsinë e Kosovës, mbështet të drejtat e njohjes dhe respektimit të të drejtave njerëzore e kombëtare për Shqiptarët në Maqedoni e në Mal të Zi .

5.5 PDI mendon se është detyrë dhe obligim i qeverisë Shqiptare kujdesi i vazhdueshem ndaj emigrantëve Shqiptar duke u siguruar atyre mbrojtje ligjore e respektimin e të drejtave që lindin nga aktet ndërkombëtare dhe nga shtetet ku ata kanë emigruar .

5.6 PDI mendon se integrimi rajonal e Europian, heqja graduale e kufijve etj , do të bëj të mundur bashkimin e Shqiptarëve dhe zhvillimin e kombit .


KAPITULLI VI

POLITIKA E JASHTME

PDI është për një politik të jashtme paqësore, për mardhënie e mirëkuptim të ndihmës reciproke pa ndërhyrje në punët e brendshme. Ajo e sheh integrimin e Shqipërisë në familjen Europiane nëpërmjet një politike të jashtme funksionale në përputhje me interesat kombëtare të vendit tonë, si drejtimin kryesor të zhvillimeve demokratike .

6.1 PDI është për integrimin e Shqipërisë në stukturat Euro – Atlantike dhe e sheh këtë si garanci për mbrojtjen e vendit duke zbatuar me korrektësi detyrimet ndërkombëtare që rrjedhin nga autoritetet në NATO .

6.2 PDI do të përpiqet për forcimin e mardhënieve me shtetet fqinje e sidomos mardhënieve ekonomike e politike e në tërë fushat me SHBA, Austrinë , Turqinë, Italinë, Gjermaninë etj.

[Der_Kaiser5]

Me kunja nuk tu drejtova, sepse nuk kam arsye pse ta bej kete. Nuk eshte faji yt qe bie pre e dikujt tjetri qe hedh gurin dhe fsheh doren. Faji yt eshte qe idhnimin e mramjes nuk e le per n'mjes. Ato PBDNJ etj krahasuar me partine Came, per mua jane thjeshte dust in the wind. Ndersa lidhur me camet nuk kam absolutisht asnje shqetesim. Ama, kur ne kete teme diskutohet rreth partise Came, duke e quajtur partia Nacionaliste Shqiptare, ketu ja vlen te ndalojme pak hapin. E perseris prape dhe koha do ta tregoje, qe partia Came, nuk ka dhe nuk do kete prioritet ceshtjen kombetare dhe mbrojtjen e interesave shqiptare, por do kete prioritet themelor, mbrojtjen e interesave came shqiptare. Kete ta ka thene edhe deputeti juaj, me shkrim e kendim. Cfare ka ketu qe nuk kupton ti?

Ta thashe edhe me lart, ne momentin qe perdor termin 'cam' menjehere ke krijuar nje diferencim nga komuniteti i madh shqiptar. Psh, deputeti i pare cam, u zgjodh sepse u votua nga te gjithe camet dhe te gjithe camet bashke, votuan vetem per deputetin me origjine came. I njejti deputet, shprehet haptas qe prioritet do kem 'vetem' ceshtjen came. Pra shikoje ca formule, populli cam voton vetem per camin e tyre dhe cami i tyre mbron vetem te drejtat e tyre.

Ti akoma nuk e kupton qe ato toka jane SHQIPTARE. CAMET kerkojne tokat e tyre dhe te jene pjese e Republikes se Shqiperise. Koha do e tregoje ashtu sic ka tregu qe PKSH e formuar me kacanike serbe ne 1941 dhe PBDNJ kane bere perhere politike antikombetare. Le tja leme kohes.

[juanito02]

Cameria shqiperi eshte dhe do zoti zgjidhet po eshte shume e veshtire.
Hapi i pare eshte te kthehen camet ne pronat e tyre.
Hapi dyte te forcohen ekonomikisht.
Hapi trete te luftojne per autonomi.
Hapi4 eshte te kerkojne shkeputjen nga greqia.
Shume e gjate rruga duke pasur parasysh dhe kur kemi perballe Greqine qe ka bere me kohe lloj lloj pislleqesh per ta mbuluar edhe nderkombetarisht ceshtjen came.

[Xhuxhumaku]

PDI do të kërkojë përfaqësim në delegacionin shqiptar në KE


Kryetari i Partisë për Drejtësi dhe Integrim, Tafir Muhedini, ka deklaruar se një nga kërkesat parësore të kësaj partie në Kuvendin e ardhshëm do të jetë pjesëmarrja në delegacionin shqiptar në Asamblenë e Këshillit të Europës. Qëllimi kryesor i kësaj partie është ngritja për diskutim në Parlamentin Europian të çështjes çame.

“Deputetët e Parlamentit Shqiptar, sa herë që shkojnë në seanca plenare në Parlamentin Europian, diskutojnë çështje të minoritetit grek dhe asnjëherë nuk kanë diskutuar për këtë problem madhor që ka popullsia shqiptare çame. Edhe deputetët e Parlamentit Europian kanë mbetur të habitur se si ka mundësi që vijnë këta deputetë këtu në seancë plenare dhe diskutojnë vetëm për çështjen e minoritetit grek. Kështu që me hyrjen e partisë sonë në Parlamentin Shqiptar kjo do jetë pika numër një e jona, do të kërkojmë që në grupin që do të caktohet të përfaqësohemi dhe ne në mënyrë që të ngremë çështjen madhore, çështjen çame”, - është shprehur në një deklaratë kryetari i PD-së, Tahir Muhedini. Më tej ai tha se PDI-ja po harton edhe një rezolutë që do të miratohet në Kuvendin e ri. “Rezoluta do të përmbajë problematikën që ka popullsia shqiptare çame, të drejtat e njeriut në radhë të parë, atë gjenocid, atë dëbim, çfarë i takon kësaj popullsie”, - është shprehur Muhedini.



7 Korrik 2009

ALBANIA.

[Xhuxhumaku]

PDI: Duam rezolute per ceshtjen came

E Hene, 06 Korrik 2009

Partia per Drejtesi dhe Integrim, do te kerkoje miratimin e nje rezolute nga Kuvendi i ri ne mbrojtje te ceshtjes came. Kryetari i PDI-se, Tahir Muhedini ne nje prononcim per mediat diten e djeshme, thekson se partia e cameve po ben gati tekstin e nje rezolute e cila do te kerkohet te miratohet qe ne ditet e para te shtatorit, qe perkojne me hapjen e legjislatures se re Parlamentare. Sipas kryetarit te PDI-se, kjo rezolutat do te percaktoje edhe problematiken e vertet te kesaj ceshtjeje, qe qendron pezull prej vitesh, mes Shqiperise dhe Greqise. "Rezoluta do te kete problematiken qe ka popullsia shqiptare came, te drejtat e njeriut ne radhe te pare, gjenocidin, debimin, ate cfare realisht i takon", tha Muhedini, ne lidhje me pikat kyce te kesaj rezolute. Por sipas tij, rezoluta nuk ka si qellim te hyje ne lufte me shtetin grek. Kryetari i PDI-se deklaron se pas perfaqesimit me deputet ne Kuvend, kjo parti ka per detyre te shpalos mbrojtje per kete ceshtje e cila eshte lene ne harrese edhe nga partite, qe kane ne program mbrojtjen e te drejtave te pakicave. "Ketu eshte nje parti per te drejtat e njeriut, qe vetem ka emrin ne menyre simbolike, sepse ne qofte se ka ne te gjithe kufirin e Shqiperise popullsi qe i jane mohuar te drejtat elementare, eshte popullsia came", thekson Muhedini duke hedhur akuza, per Partine Bashkimi per te Drejtat e Njeriut. Ne kuader te mbrojtjes se kesaj ceshtje, kryetari i PDI-se deklaron se do te kerkohet nga mazhoranca dhe kryeministrit Berisha, edhe perfaqesimin i kesaj partie ne delegacionin parlamentar shqiptare ne Asamblene e Keshillit te Evropes. Sipas Muhedinit, eshte e domosdoshme qe kjo ceshtje te diskutohet ne kete asamble te rendesishme, gje e cila nuk ka ndodhur me pare. "Deputetet e Parlamentit shqiptare, sa here qe shkojne ne seanca plenare ne Parlamentin Evropian, diskutojne ceshtje te minoritetit grek dhe asnjehere nuk kane diskutuar per kete problem me pare", deklaroi Muhedini ne nje prononcim per mediat. Sipas tij, diskutimi per zgjidhjen e kesaj ceshtje te mprehte, do te jete ne krye te axhendes se Partise per Drejtesi dhe Integrim ne Parlamentin e ardhshem. PDI eshte nje parti e cila ne thelb te programit te saj, ka mbrojtjen e ceshtjes came. Zgjedhjet parlamentare te 2007, ishin edhe sfidat e para elektorale te kesaj partie, pas te cilave PDI, arriti te perfaqesohej me anetare ne Keshillat Bashkiak te Vlores, Fierit dhe Tiranes. Kjo parti ka lindur nga shoqata "Cameria", e cila ka nisur aktivitetin e saj qe ne fillimin e vitit 1990 ne mbrojten e ceshtjes came.

Negociatat, pas rezultatit perfundimtar

Kryetari i PDI-se, Tahir Muhedini deklaroi se do te nise negociatat me Partine Demokratike te drejtuar nga kryeministri Berisha, menjehere pasi te shpallet nga Komisioni Qendror i Zgjedhjeve, rezultati perfundimtar. Ne nje prononcim per "Koha Jone", Muhedini deklaroi se PDI pritet te konfirmonte zyrtarisht edhe deputetin e dyte ne Qarkun e Fierit dhe me pas, do te mendonte per postet ne qeverine e ardhshme Berisha. "Rezultat perfundimtare do te na japin mundesine te kuptojme fillimisht hapesiren tone, ne Parlamentin e ardhshem dhe pastaj te nisim negociatat me PD-ne", deklaroi Tahir Muhedini. Sipas tij, marrja e dy deputeteve nga gara elektorale, normalisht do ta bente PDI-ne me kerkuese, per sa i perket ndarjes se pushtetit brenda koalicionit te djathte fitues.

F. Mejdini

koha jone.

[Gameness]

e për shembëll, çfar trajtimi meritojnë kta parlamentar? Njerez qe i paguan populli, dhe ata flasin per greket kurse jo per ne... keto veprime nuk jan te logjikshme. Tani paramendo ti n'çfare shkalle kemi ra: Europarlamentaret te na terheqin vemendjen sepse jane te habitur qe aktor te politikes shqiptare nuk i rruajne interesat e tyre por te tjereve. E, mbi keto baza, si mundet opinioni publik te na jap mundesin per tu bashkuar me njeri tjetrin? Ne (ata portokallat e parlamentit tane) veten po e mbytim. Kjo eshte HARAKIRI diplomatik.

[Xhuxhumaku]

Muhedini: “Në Parlamentin e ri do të ketë grup për çështjen çame ”
“Mandati i Fierit që ditën e parë deri sot që po flasim i takon PDI-së, nuk është i PS-së. Është spekulim mediatik nga mediat e majta”


Autori i Lajmit: Plarent Shehu
Intervista

Kreu i Partisë për Drejtësi dhe Intergim, Tahir Muhedini, ka bërë publike për herë të parë se në Kuvendin e ri të Shqipërisë do të ngrihet një grup parlamentar me deputetë të ndryshëm nga e majta dhe e djathta të cilët do të sensibilizojnë dhe njohin Parlamentin Evropianë dhe të Konisionit Evropianë mbi problemet e popullsisë shqiptare çame dhe pronat e tyre në greqi. Në një intervistë eksluzive për gazetën “Ballkan” kryetari I PDI-së Muhedini ka deklaruar hapur se mandati i qarkut të Fierit ka qënë dhe është i partisë së tij dhe koalicionit Alenaca e Ndrsyhimit , duke akuzuar PS-në se kanë dizinformaur opinionin publik me anë të mediave që kontrolon se ky mandat i përket socialistëve.

A ka psur nga kryetari I kolicionit Alenaca e Ndryshimit në prag të formimit të qevrisë së re, ofertë apo dhe kërkes nga PDI-ja zoti Tahiri?

Ne kemi bërë një aktmarrëveshje me zotin Berisha dhe PD-ja është udhëheqsja e kolicionit, por negociatat për të marrë pjesë në qeveri nuk kanë filluar akoma. Mesa duket zoti Berisha po zhvillon negociatat me LSI-në dhe zotin Meta. Shfrytëzoj rastin që ta përshëndes këtë bashkëpunim me LSI-në. përsa i përket hyrjes së tyre në kaolicion LSI-ja forcës tonë politike i shkon për shtat dhe nga ana programore por dhe ajo kombëtare. Ka qnë një nga ato forca që e ka ngritë zërin për çështjen “Çame”, dhe ka debatura për këtë problem. Eshte në të mirën e qevrisjes dhe integrmit në BE dhe të popullit shqiptarë pjesmarrja e LSI-së në koalicion. Vendi ynë nuk ka kohë që të krijojë anomali dhe të zhvillojmë zgjedhje të tjera dhe ky bashkëpunim është gjetja më e duhur që ka bërë kryeministri Berisha.

Në çafarë posti e shikoni veten zoti Muhedini, ku mund të japë maksimumin PDI-ja në qeverisje?

Ne si forcë politike kemi energji të mëdha që dhe një ministri të rëndësishme ta drejtojm. Kemi kapacitete intelektuale të të gjitha fushave, por unë nuk mund të shprehem pa negociuar me zotin Berisha.

A kanë filluar negociatat mes PDI-së dhe PD-së?

Jo nuk kanë filluar akoma. Ne jemi thjesht me një akmarrëvshje të bërë më datën 1 maj, ku jemi në bashkëqeverisje parazgjedhore dhe paszgjedhore. Dhe në bazë të kontributit që do të ketë çdo forcë politike në koalicion do të marrë pjesë dhe në qeveri. Nuk mund të shprehem pasi ne jemi dhe një forcë e re politike. Mund të them që ne do të jemi sensacioni i këtij parlamenti pasi jemi dhe forca më e re. Forca jonë politike tregoi që është një forcë e përfillshme, por që nuk mori atë që ne mendonim porn e hymë në parlament. Kemi tashmë një mandat dhe presim se si do të shkojë çështja me mandatin e qarkut të Fierit.

Përsa i përket mandatit të PDI-së që ka deri tani në qarkun e Fierit a ka shanse që ta fitoni përfundimisht këtë mandat?

Në rradhë të parë mandatet i vendos KQZ-ja. Sipas të dhënave që ne kemi deri më tani kemi një mandat. Sipas të dhënave që kam deri më sot mandate i kolicionit të djathtë dhe sipas formulave që kanë koalicionet na takon ne mandate i Fierit. Është spekulluar me këtë mandat në mediat vizive që iu dha në fillim PS-së dhe ku thuhej se: socialistët kanë marrë 9 mandate, ky ka qënë një spekullim. Kjo është bërë e qëllimshme me qëllim që krijoheshin ato anomali në qarkun e Fierit të cilat nuk ishte e nevojshme fare të krijoheshin. Ai mandat që ditën e parë deri sot që po flasim i takon Partisë për Drejtësi dhe Integrim.

Si ishin për ju zoti Muhedini këto zgjedhje, cili është vlerësimi juaj?

Votime siç janë zhvilluar këtë herë nuk janë zhvilluar asnjëherë! Zgjedhje më të qeta nuk ka ku të shkojnë më! Ka probleme natyrisht me disa prej KZAZ-ve të numërimit, ndoshta këtu mund të ketë ndonjë deformim. Ku vota mund të shkojë dhe në ndonjë subject tjetër politik.

A jeni ju si PDI për ndyshim të ligjit aktual zgjedhor ose dhe për një ndryshim të pjesshëm të tij?

Jo. Nuk mendojë se duhet të bëhen ndryshime. Ky ligj është në rregull dhe ska asnjë problem. Tani pati probleme teknike jo nga ligji, përsa i përket personave të komisioneve të numërimit. Ku disa prej tyre pasi janë të zgjedhur nga partitë politike që përfaqsohen në komision duke qënë paksa militantë ndofta kanë dashë që vota të marrë një drejtim tjetër ose probleme teknike që mund të sjellin. Mendojë se vetëm këtu duket të kihet parasysh tek këta komisionerët. Ndoshta të jenë të gjithë nga shoqëria civile apo profesionistë të përhershëm. Këtu mendojë se mund të bëhet ndonjë korrigjim.

Deklaruat më lart se PDI-ja nuk mori atë rezultat që priste në këto zgjedhje, a to të ketë një analizë të thellë për të oarë se përse komuniteti Çam vazhdon të japë votën sa majtas dhe djathtas, I referohem këtu votuesve në Tiranë, Durrës, Rrogozhinë etj?

Unë mund ta them se në të gjithë qarqet që ne kemi pasë kandidatë kemi marrë votat më minimale nga komuniteti ynë. Këmi marrë më shumë vota në 2005-ën dhe 2007-ën. Do të zhvillojmë një analizë të thellë nëpër të gjitha strukturat tona. Ndofta ka qënë pak më mirë qarku i Fierit që kemi marë më shumë vota. Kurse të gjithë qarqet e tjera kanë dalë jo në lartësinë e duhur. Do të bëhet një analizë e thellë do të nxjerrim detyrat që në zgjedhjet locale që kemi përpara ne të shkojmë duke maksimizuar votat tona. Në 2011-ën do të përfaqsohemi denjësisht në zgjedhjet vendore, dhe në zgjedhjet parlamentare të 2013-ës të gjitha këto gabime që ne vumë re në këto zgjedhje do të bëjnë që të punojmë sa më shumë që të ngremë nivelin e votuasve për PDI-në. Megjithatë është një moment historik që ne për herë të parë hyjmë në Kuvendin e Republikës së Shqipërisë me deputet tonin. Një forcë politike që vetëm pesë vjet përpara ka marrë përsipër të zgjidhë çështjen Çame dhe hynë në parlament kur forca të tjera kanë 18 vjet dhe janë jashtë këtij parlamenti përsëri PDI nuk është e kënaqur me këtë rezultat.

Sa nga deputetë që janë tashmë në Parlamentin e ri janë me origjinë çame a keni një informacion? Kjo pasi është hedhur në media një tezë se ndofta PDI-ja krijon një grup parlamentar për çështjen çame” dhe zgjeron anëtarët e saj me deputetë nga e majta dhe e djathta…

Kemi dy deputetë; nga e majta Shpëtim Idrizi, dhe nga e djathta Leonard Demi. Të cilët janë me origjinë çame, por mund të ketë dhe ndonjë tjetër them unë që mund të jetë çam por ndoshta nuk e ka shpallë. Dua tiu deklarojë ndoashta dhe para kohe, por do të ngrihet një grup parlamentar, edhe me deputetë jo çam, që duan zgjidhjen e çështjes tonë si nga krahu I djathtë dhe nga I majti. Të jeni të sigurtë se do të ngrihet një grpu parlamentar vetëm për zgjidhjen e çështjes çame, kjo nuk është vetëm çështja jonë, kjo është çështje kombëtare. Në media dëgjojë shpesh që thoni, çamët dhe çamët, partia e çamëve, por nuk thoni asnjëherë partia e grekëve. Madje PBDNJ-ja del haptaz pro shtetit grek, pro tezave të tyre. Nëse kjo forcë politike do të ishte vërtet mbrojtëse e të drejtave të njeriut gjithë komuniteti shqiptar çam duhet të anëtarësohej tek partia e PBDNJ-së. Ky grup që e derjton këtë parti nuk i shërben as vet minoritetit grek, është në shërbim të qarqeve të ndryshme i telekomanduar nga qarqet antishqiptare. Të cilët nuk duna që marrëdhënjet Shqipëri-Greqi të jenë në lartësinë e duhur. Është për të arrdhë keq që deputetët e parlamentit shqiptarë në parlamentin e Këshillit të Evropës diskutojnë me zell për të drejtat e minoriteteve dhe asnjë herë për të drejtat e popullsisë shqiptare çame. Kësaj herë ky grpu parlamentar që do të ngrihet në Kuvendin e Shqipërisë do të merret me diskutimin dhe ngritje e problemeve të çështjes çame në parlamentin e Komisionit Evropian dhe atij të BE-së. Dë bëhet sensibilizimi i çështjes, të njihet faktori ndërkombëtar BE-ja, SHBA-të me çështjen, që shteti grek dhe ai shqiptar të marrëin përsipër zgjidhjen e problemit. Pa e marrë këtë çështje përsipër të dy shtetet me njëri tjetrin nuk ka zgjidhje kurrë.

A do ta prnonit ju vet zoti Muhedini postin një ministrie në qevrinë Berisha ?

Pasi të kemë folë dhe biseduar me kryeministrin Berisha do të shprehem për këtë çështje. Besojë se me zotin Berisha çdo gjë do të shkojë mirë dhe gjërrat do të rrjedhin normalisht. Ai vet është i interesuar për këtë problematik të popullsisë shqiptare çame. Qëllimi ynë është që çështjen Çame ta kërkojmë sipas standarteve Evropiane, me mjete demokratike, me mjete paqsore larg incidenteve dhe polemikave. Çdo gjë do të zgjidhet në bazë të fakteve dhe dokumentave. Por nëse nuk bëmë këtë sensibilizim të opinionit mbarë botërore dhe organizmave përkatëse nuk mund të marrë zgjidhje çështja. Kjo çështje nuk zgjidhet menjëherë dhe duke shtypë një buton .

Ky lajm është publikuar: 13/07/2009

[Der_Kaiser5]

E mer xhuxhumak e kom thene edhe ke nje teme tjeter qe PDI do jete viktime e 2 partive te medhaja. Komunistet nuk heqein e nuk heqin dore pasi ate lloj morali kane, por edhe keta plehrat e tjera te PD mbasi bene marreveshjen me LSI sikur po ja varin me bashkepunim. LSI merrka 4 ministri + kryetarin e Parlamentit kurse PDI nuk merr as edhe nje zv. minister Jashtem ose Integrimi. E dija qe kur ja hoqen mandatin, dhe kur zagaret si Gramoz Ruci & CO u sulen per kryengritje. Shpresa vdes e fundit...

[Der_Kaiser5]

Muhedini: “Në Parlamentin e ri do të ketë grup për çështjen çame ”
“Mandati i Fierit që ditën e parë deri sot që po flasim i takon PDI-së, nuk është i PS-së. Është spekulim mediatik nga mediat e majta”


Autori i Lajmit: Plarent Shehu


Sa nga deputetë që janë tashmë në Parlamentin e ri janë me origjinë çame a keni një informacion? Kjo pasi është hedhur në media një tezë se ndofta PDI-ja krijon një grup parlamentar për çështjen çame” dhe zgjeron anëtarët e saj me deputetë nga e majta dhe e djathta…

Kemi dy deputetë; nga e majta Shpëtim Idrizi, dhe nga e djathta Leonard Demi. Të cilët janë me origjinë çame, por mund të ketë dhe ndonjë tjetër them unë që mund të jetë çam por ndoshta nuk e ka shpallë. Dua tiu deklarojë ndoashta dhe para kohe, por do të ngrihet një grup parlamentar, edhe me deputetë jo çam, që duan zgjidhjen e çështjes tonë si nga krahu I djathtë dhe nga I majti. Të jeni të sigurtë se do të ngrihet një grpu parlamentar vetëm për zgjidhjen e çështjes çame, kjo nuk është vetëm çështja jonë, kjo është çështje kombëtare. Në media dëgjojë shpesh që thoni, çamët dhe çamët, partia e çamëve, por nuk thoni asnjëherë partia e grekëve. Madje PBDNJ-ja del haptaz pro shtetit grek, pro tezave të tyre. Nëse kjo forcë politike do të ishte vërtet mbrojtëse e të drejtave të njeriut gjithë komuniteti shqiptar çam duhet të anëtarësohej tek partia e PBDNJ-së. Ky grup që e derjton këtë parti nuk i shërben as vet minoritetit grek, është në shërbim të qarqeve të ndryshme i telekomanduar nga qarqet antishqiptare. Të cilët nuk duna që marrëdhënjet Shqipëri-Greqi të jenë në lartësinë e duhur. Është për të arrdhë keq që deputetët e parlamentit shqiptarë në parlamentin e Këshillit të Evropës diskutojnë me zell për të drejtat e minoriteteve dhe asnjë herë për të drejtat e popullsisë shqiptare çame. Kësaj herë ky grpu parlamentar që do të ngrihet në Kuvendin e Shqipërisë do të merret me diskutimin dhe ngritje e problemeve të çështjes çame në parlamentin e Komisionit Evropian dhe atij të BE-së. Dë bëhet sensibilizimi i çështjes, të njihet faktori ndërkombëtar BE-ja, SHBA-të me çështjen, që shteti grek dhe ai shqiptar të marrëin përsipër zgjidhjen e problemit. Pa e marrë këtë çështje përsipër të dy shtetet me njëri tjetrin nuk ka zgjidhje kurrë.


Ky lajm është publikuar: 13/07/2009

Ja se cfare parti e paligjshme dhe antishqiptare eshte partia e grekve, PBDNJ!

[limbo]

PDI, Muhedini: Trysnia e PS-së grabiti mandatin e Fierit

Tiranë - Partia për Drejtësi dhe Integrim denoncoi “grabitjen e mandatit të dytë në Qarkun e Fierit”, i cili sipas tyre, “është realizuar nën trysninë e disa qarqeve të Partisë Socialiste”.
Kryetari i PDI-së, Tahir Muhedini, tha sot gjatë një konference për shtyp në Hotel "Tirana International", se "denoncojmë mandatin e grabitur të PDI-së në Qarkun e Fierit, mandat i cili që në fillim i takoi kandidatit të komunitetit çam në Fier, Nimet Musai, por, pas trynisë së padrejtë të qarqeve të Partisë Socialiste, ky mandat u sakrifikua qëllimisht".

Muhedini vlerësoi se "hyrja e Partisë për Drejtësi dhe Integrim për herë të parë në Parlamentin shqiptar është një moment shumë i rëndësishëm për komunitetin çam, pasi ne do të luftojmë për çështjen madhore të të drejtave të njeriut, sipas parimeve të demokracisë dhe integritetit europian”.

Sipas tij, "PDI angazhohet që me të gjitha mjetet ligjore të mbrojë votën e lirë të popullit të shprehur me qytetari të rrallë dhe fitimin e mandatit të dytë në qarkun e Fierit”.

Në zgjedhjet parlamentare të 28 Qershorit PDI ishte pjesë e koalicionit të djathtë “Aleanca për Ndryshim” si rezultat i një marrëveshjeje paraelektorale me Partinë Demokratike.

http://www.gazetastart.com/lajm.php?...litike&nr=2114