PDI, shfaqet partia çame

[Xhuxhumaku]

o muaqe,

me meten kishte qe ne shkurt qe ishin bo gati muhabetet, po atyre sja merte menja se do merrnim 2 deputete ne.

ene edi e ksihte pre bileten me kohe...

po pare te modhe ka hudh, prandaj i ka ik petlla,...lol

[dp17ego]

Partia për Drejtësi dhe Integrim PDI, ka siguruar të paktën një deputet në radhët e Parlamentit Shqiptar.
Unë desha të përgëzoj këtë forcë të re politike, dhe tu uroj të gjithë Çamëve që ky të jetë një fillim i mbarë për një përfaqësim më dinjitoz në Parlamentin Shqiptar, dhe rrjedhimisht përmbushjen e aspiratave të tyre.
Desha ta përshëndes këtë shfaqjen e PDI në skenën politike, për arsye se në fushatat e këtyre 18 vjetëve, është folur shumë në emër të nacionalizmit apo të patriotizmit, por shumë pak është besuar nga elektorati Shqiptar, për arsye se ky nacionalizëm ka qënë fallso, i rremë, dhe për qëllime elektorale.
PDI që në emlemën e saj si parti u krijua mbi këto baza nacionale, dhe ishte e besueshme, dhe për këtë arsye ajo u besua nga elektorati i saj, dhe si rezultat kjo parti arriti të siguroj një deputet dhe ishte shumë pranë marrjes dhe 2 deputet të tjerë, njërin në Fier dhe tjetrin në Durrës, ndërkohë që ka patur shumë vota dhe në Tiranë, dhe shumë vënde të tjera ku komunitet jeton.

Unë jam shumë i gëzuar për këtë shfaqje të partisë së parë me drejtim Nacionalist, dhe mendoj se në zgjedhjet e ardhshme shumë vota të tjera do të drejtohen drejt kësaj force të re politike.
Unë personalisht do tia jepja votën time kësaj partie pa marë parasysh se me kë parti bën koalicion.
Duke qënë se unë pëlqej ta rreshtoj veten time në radhët e Nacionalistëve, pasi kjo është e vetmja parti në të cilën unë ndihem i përfaqësuar.
Për aq kohë sa PDI do të mbaj lart flamurin e Nacionalizmit Shqiptar, unë do të jem idhtari i saj më i flaktë.

Do tu ftoja të gjithë ju antarët e FSH të diskutoni rreth kësaj teme, dhe të shprehni mendimet tuaja në lidhje me PDI dhe kauzën për të cilën ata luftojnë.
Do tu lutesha gjithashtu ti përmbaheni temës dhe të jeni sa më të moderuar në diskutimet tuaja.

flory80

Flory, une jam kunder krijimit te partive nacionaliste. Nuk mendoj qe keto lloj partish kane te ardhme edhe pse kauza e tyre eshte shume e drejte. Do te desheroja qe kjo parti te ishte nje shoqate, apo nje lidhje camesh.

Nacionalizmi, kur merr forma te ashpra eshte demprures.
Pse duhen ndare aspiratat e cameve nga ato te shqiptareve? Mos valle camet nuk jane shqiptare? Pikerisht kjo gje pra, ndarja qe ata i bejne vetes nga trungu, mendoj se i demton me shume se sa t'i ndihmoje.

[Der_Kaiser5]

Flory, une jam kunder krijimit te partive nacionaliste. Nuk mendoj qe keto lloj partish kane te ardhme edhe pse kauza e tyre eshte shume e drejte. Do te desheroja qe kjo parti te ishte nje shoqate, apo nje lidhje camesh.

Nacionalizmi, kur merr forma te ashpra eshte demprures.
Pse duhen ndare aspiratat e cameve nga ato te shqiptareve? Mos valle camet nuk jane shqiptare? Pikerisht kjo gje pra, ndarja qe ata i bejne vetes nga trungu, mendoj se i demton me shume se sa t'i ndihmoje.

Mik i dashur,

Lexo kete fragment nga kretari i PDI, Tahir Muhedini:

Në media dëgjojë shpesh që thoni, çamët dhe çamët, partia e çamëve, por nuk thoni asnjëherë partia e grekëve. Madje PBDNJ-ja del haptaz pro shtetit grek, pro tezave të tyre. Nëse kjo forcë politike do të ishte vërtet mbrojtëse e të drejtave të njeriut gjithë komuniteti shqiptar çam duhet të anëtarësohej tek partia e PBDNJ-së. Ky grup që e derjton këtë parti nuk i shërben as vet minoritetit grek, është në shërbim të qarqeve të ndryshme i telekomanduar nga qarqet antishqiptare.

Me shqip se kaq nuk ka ku shkon. NQS e do greqisht thuji Ilia Spiridhonit ta perktheje ose beje nje vizite te kisha e Janullatosit

[shitesi]

Flory, une jam kunder krijimit te partive nacionaliste. Nuk mendoj qe keto lloj partish kane te ardhme edhe pse kauza e tyre eshte shume e drejte. Do te desheroja qe kjo parti te ishte nje shoqate, apo nje lidhje camesh.

Nacionalizmi, kur merr forma te ashpra eshte demprures.
Pse duhen ndare aspiratat e cameve nga ato te shqiptareve? Mos valle camet nuk jane shqiptare? Pikerisht kjo gje pra, ndarja qe ata i bejne vetes nga trungu, mendoj se i demton me shume se sa t'i ndihmoje.

po citoj veten lol

Te dy partit e medha e kan pasur dhe e kan frike ceshtjen came.Meqense politikanet tane bejne si prostituta para grekut u desh qe te krijohej nje parti qe te kete si misjon kryesor zgjidhjen e ceshtjes came.
Nese ndonje dite ps e pd do ta kene ceshtjen kombetare program real te tyre kjo parti vertete nuk do kishte kuptim.

[Xhuxhumaku]

PDI: Forcat e errëta po bllokojnë mandatin tonë

Partia për Drejtësi dhe Integrim (PDI) shprehu dje shqetësim se dora e gjatë e forcave të errëta po përpiqet të bllokojë vërtetimin e mandatit të dytë të PDI-së në Fier. PDI deklaron se do të përdorë të gjitha mjetet ligjore për të siguruar shpalljen e vullnetit të votuesve. "PDI do të marrë në shqyrtim çështjen administrative ende pezull, do të kërkojë anulimin e kutive të votimit ku ka pasur parregullsi në Fier dhe do të marrë në konsideratë rivotimin në zonat problematike", u shpreh kryetari Tahir Muhedini. Kjo çështje, vijoi ai, ka të bëjë me dinjitetin e njeriut dhe të ardhmen e demokracisë. "Rrallë ndodh që një çështje të nxjerrë në pah thelbin e zemrës së një kombi, siç ndodh gjatë fushatave elektorale. Kjo është një sfidë, jo për mirëqenien apo sigurinë tonë, por për vlerat, qëllimet dhe domethënien e një kombi. Kjo ka të bëjë me çështjen që çdo votë është e barabartë dhe të vlerësohet siç duhet ligjërisht", këmbënguli Muhedini. Sipas tij, edhe sikur të rrisim pa masë mirëqenien, të jemi anëtar të NATO-s, siç jemi, dhe të BE-s, siç aspirojmë të bëhemi, të lëvizim lirisht pa viza dhe prapë të mbetemi të pabarabartë në këtë çështje, atëherë ne do të kemi dështuar si njerëz dhe si komb. PDI i bën thirrje prezencës së OSBE-së në Shqipëri dhe Misionit Ndërkombëtar mbi Monitorimin e Zgjedhjeve për një monitorim sa më objektiv dhe të paanshëm të procesit zgjedhor për të siguruar që vullneti i votuesve të respektohet pa asnjë lloj diskriminimi.

shqip

[Xhuxhumaku]

PDI: Si na e vodhi PS-ja mandatin e Fierit

VALENTINA MADANI


Muhedini: PS, grabitje kriminale, ja tri akuzat tona

“Nuk ndalemi së denoncuari këtë grabitje”

Me bindjen se nuk do të reshtin së denoncuari grabitjen që iu bë nga PS-ja mandatit të tyre në Qarkun e Fierit, PDI-ja zbardhi dje mekanizimin që e majta përdori për vjedhjen kriminale të votës së 28 qershorit. Duke e cilësuar si një grabitje kriminale të votës së 28 qershorit, PDI-ja ka tri argumente të forta si akuzë direkte ndaj PS-së për grabitjen e mandatit në Qarkun e Fierit. Sipas kryetarit të PDI-së, Tahir Muhedini, “Rama ka grabitur mandatin e dytë të PDI-së në Fier nëpërmjet bllokimit të zgjedhjeve në tri qendra votimi në Portëz, rrethimit të dhunshëm të vendit të numërimit të votave, si dhe kërcënimeve dhe shkeljeve flagrante në Qarkun e Fierit”. Nisur nga kjo, Partia për Drejtësi dhe Integrim denoncon edhe Kolegjin Zgjedhor për legjitimitetin që i bëri mandatit të vjedhur. Sipas Muhedinit, "këtë grabitje Rama e kreu edhe me ndihmën e Kolegjit Zgjedhor, i cili, ashtu si edhe në 2007-ën, u gjunjëzua nga presioni politik i Partisë Socialiste dhe nga deklaratat e kryetarit të saj”. Kreu i partisë që mbron interesat e popullsisë çame, z. Muhedini, shtoi se "ankimimi në Kolegjin Zgjedhor ishte shpresa e fundit për drejtësi për mijëra votues që votuan PDI-në”. “Por, - akuzoi Muhedini, - ky Kolegj legalizoi vjedhjen kriminale të fituar me vota të lira nga ne”. Kryetari i PDI-së siguroi se "nuk do të ndalemi asnjëherë së denoncuari këtë grabitje të votës së lirë të qytetarëve". Partia për Drejtësi dhe Integrim në zgjedhjet e 28 qershorit ishte pjesë e koalicionit "Aleanca e Ndryshimit", në sajë të një marrëveshjeje parazgjedhore me Partinë Demokratike. Nga zgjedhjet e 28 qershorit, PDI mundi të fitojë një mandat deputeti në Qarkun e Vlorës. Por asaj iu mohua mandati i dytë në Qarkun e Fierit. Kryetari i PDI-së, iu referua krahas të tjerave, procesit të munguar zgjedhor në disa qendra votimi, që sikundër tha, u bllokuan nga komisionerët socialistë. Por krahas Ramës, drejtuesit e PDI-së akuzuan dhe Kolegjin Zgjedhor si bashkëpunëtor në atë që Muhedini e cilësoi grabitje të mandatit të dytë të PDI-së. Përfundimi i procesit zgjedhor në Fier i solli PDI-së një mandat në këtë qark. Por depozitimi i ankimimit në KQZ nga Partia Socialiste i të paktën 9 qendrave të votimit, e kaloi këtë mandat në favor të PS-së. Një mandat që e zyrtarizoi më pas edhe Kolegji Zgjedhor, duke rrëzuar pretendimet e PDI-së dhe PD-së për disa qendra votimi.


26/07/2009

standart.

[Xhuxhumaku]

Kryetari i Partisë për Drejtësi dhe Integrim, Tahir Muhedini, flet për bashkëqeverisjen me PD-në


Eljona Ballhysa

Kryetari i Partisë për Drejtësi dhe Integrim, Tahir Muhedini, në një intervistë për gazetën “Albania”, tregon për projektin e kësaj partie për zgjidhjen e çështjes çame. PDI-ja është një parti që në zgjedhjet e 28 qershorit u fut si pjesë e koalicionit “Aleanca për ndryshim” dhe arriti të marrë një mandat deputeti, ndryshe nga shumë parti të vogla parlamentare që nuk arritën të merrnin asnjë mandat. Madje, Muhedini akuzon Partinë Socialiste për grabitjen e mandatit të dytë të PDI-së në qarkun e Fierit. Kreu i PDI-së tregon se është në pritje të telefonatës së kryeministrit Berisha për të biseduar për nivelin e bashkëpunimit në katër vitet e ardhshme, ndërsa shprehet se PDI-ja ka kapacitete intelektuale për të drejtuar jo një, por disa dikastere ministrore. Në këtë intervistë kryetari i PDI-së zbardh projektin e kësaj partie për zgjidhjen e çështjes çame.

Zoti Muhedini, partia juaj arriti të fitojë një mandat deputeti në zgjedhjet e 28 qershorit dhe kjo ju jep mundësinë për të bashkëqeverisur me PD-në. Cilat janë pretendimet e juaja për qeverinë e re?

Ne kemi nënshkruar një aktmarrëveshje parazgjedhore, e cila përfshin dhe bashkëqeverisjen paszgjedhore, sipas kontributeve që do të japë secila parti do të marrë pozicione në bashkëqeverisje. Ne kemi biseduar që, nëse nuk do të marrim mandat deputeti, do të marrim poste zëvendësministri dhe poste drejtorësh. Kjo ndoshta nuk ishte parashikuar nga Partia Demokratike, që ne do të fitonim mandat, por, siç e kam shprehur më parë, ne do të ishim partia surprizë. Është për të ardhur keq që gjithë kjo zhurmë që u bë nga Partia Socialiste duke akuzuar KQZ-në, gjithë kjo situatë u stabilizua, u qetësua. E gjitha kjo u bë për të na grabitur mandatin e dytë në qarkun e Fierit. Kjo u pa qartë edhe pas ankimimit që bëmë ne në Kolegjin Zgjedhor. Ky mandat u vodh nga PS-ja. Ky mandat i kaloi PS-së në mënyrë të padrejtë. PS-ja e krijoi protestën vetëm për të grabitur mandatin. Deri ditën që KQZ-ja hapi 9 kutitë, mandati ka qenë i PDI-së. Por edhe Kolegji Zgjedhor u ndikua nga presioni i PS-së.

Gjatë zgjedhjeve, a patët mbështetjen e PD-së?

Unë kam dhënë një deklaratë për shtyp ditën e zgjedhjeve në qytetin e Fierit. I kërkova hapur PD-së, meqenëse ne nuk kemi as numërues dhe as komisioner, që të mbrojë votat tona. Por, të jem i sinqertë, unë kam rezervat e mia. Edhe në qytetin e Patosit ka pasur parregullsi, komisioneri i PS-së, Artan Laze, ka fyer komisionerët për të hapur dy kuti që ishin mbyllur. Këto janë arsyet që PS-ja i përdori të gjitha metodat për të marrë mandatin tonë, duke krijuar dhe imazh negativ. Unë personalisht, në emër të partisë, kam takuar ambasadorin amerikan, u kam bërë me dije të gjitha institucioneve, OSBE-së, ODIHR-it për këtë grabitje të mandatit që i është bërë partisë tonë. Mandati dytë i yni duket se i bëri xheloze edhe partitë e mëdha. Duket se këtu ka ndikuar dhe një faktor i jashtëm për të na hequr mandatin.

Që do të thotë...?

Që do të thotë se na u hoq mandati pasi PS-ja i ka shërbyer një force tjetër, siç është PBDNJ-ja. Duket pak absurde nga forcat e tjera që ne arritëm të merrnim 2 mandate.

Megjithatë, edhe ky mandat që ju keni ju jep mundësi të jeni në qeveri. Cilat poste do të kërkoni ju?

Nuk diskutohet që ne e kemi një mandat tani dhe jemi parti parlamentare, patjetër që do të marrim një post qeveritar. Ne si kryesi partie kemi bërë një analizë dhe kemi pikëpamjet tona për dikasteret dhe funksionet e ndryshme, por ato do t’i shohim kur të ulemi në tryezë me Berishën. Mund t’ju them se që nga dita që kemi nënshkruar marrëveshjen, që më datën 1 qershor deri sot, unë nuk kam biseduar me zotin Berisha. Tani presim telefonatën e tij që të bisedojmë. Ne kemi kapacitetet që të drejtojmë jo një ministri, por disa ministri. Ne kemi intelektualë, kemi të rinj dhe të reja të shkolluar në shkollat më të mira jashtë vendit, kemi ekspertë të fushave të ndryshme. Por ne do t’i bëjmë publike të gjitha këto në momentin kur do të bisedojmë me Berishën.

Kauza që ju mbroni është zgjidhja e çështjes çame. A keni një projekt që do ta zbatoni në katër vitet e ardhshme që do të jeni në pushtet për zgjidhjen e kësaj çështjeje?

Sigurisht që e kemi një projekt. Në Parlamentin shqiptar, ne, përveç kësaj çështjeje, do të japin kontributin tonë për të gjitha reformat me rëndësi për integrimin e vendit në Bashkimin Europian. Ne do ta bëjmë me dije në Parlamentin shqiptar çështjen çame. Do të kërkojmë miratimin e një rezolute për këtë çështje. Rezolutë që nuk u miratua në vitin 2004 për shkak se e pengoi Vangjel Dule, duke thënë se miratimi i kësaj rezolute do të prishë marrëdhëniet me shtetin grek. Përkundrazi, ne mendojmë se marrëdhëniet Shqipëri-Greqi do të forcohen edhe më shumë me zgjidhjen e çështjes çame. Nëse këtu në Shqipëri diskutohet vetëm problemi i minoritetit grek, ashtu edhe deputetët shqiptarë në Parlamentin Europian diskutojnë vetëm çështjen e minoritetit grek, në një kohë kur kemi të bëjmë me një popullsi shqiptare çame, së cilës i është mohuar një e drejtë njerëzore. Kjo çështje nuk diskutohet. Asnjëherë nuk është marrë seriozisht. Mandati ynë në Parlamentin shqiptar do të ndikojë pozitivisht për zgjidhjen e çështjes çame.

A keni diskutuar me zotin Berisha për këto pika që ju kërkoni të realizoni dhe a keni gjetur mbështetjen e tij për zgjidhjen e çështjes çame, duke pasur parasysh dhe deklaratat publike të Berishës se çështja çame do të zgjidhet midis dy qeverive në bazë të traktatit të miqësisë së nënshkruar në vitin 1996? A keni informacion nëse është zbatuar ky traktat?

Unë mund t’ju them që nga ndryshimi i sistemit nga diktaturë në demokraci ka pasur përmirësime në drejtim të respektimit të popullsisë çame. Nëse në diktaturë ka qenë inekzistente përfaqësimi i çamëve në shtetin shqiptar, në demokraci pjesëmarrja e popullsisë çame në strukturat e shtetit ka qenë aktive. Ka qenë një deputet që ka dhënë një kontribut për të kujtuar 26 qershorin e vitit 1944 si ditën e gjenocidit grek ndaj popullsisë çame dhe këtë datë e dekretoi presidenti i atëhershëm, Sali Berisha. Përsa i përket traktatit të miqësisë, ky traktat nuk ka funksionuar. Ai u bë për të zgjidhur problemet midis dy shteteve. Ky traktat nuk ka kryer funksionin e tij. Kështu që popullsia çame e kuptoi më së fundi duke i dhënë mbështetje të madhe partisë sonë duke na votuar. Dhe nuk i dha vota partive të vogla që nuk kanë ndikuar në zgjidhjen e kësaj çështjeje. Kërkesa jonë parësore është që popullsia çame të gëzojë të drejtat e njeriut. Sali Berisha, në aktmarrëveshjen e bërë, është shprehur se do të jetë një avokat i zgjidhjes së çështjes çame.

Kjo do të shkojë përtej kërcënimeve që bën Greqia, që sa herë kujtohet çështja çame, ajo kërcënon me largimin e emigrantëve shqiptarë atje?

Këto janë spekulime që bëhen nga qarqe antishqiptare. Këto qarqe antishqiptare i shkojnë për shtat kryetarit të PBDNJ-së, Vangjel Dule, i cili, me qëndrimet e tij dhe me diskutimet e tij që mbajti dhe gjatë fushatës, e tregoi veten që është një kryetar partie që nuk mund ta gëzojë respektin e minoritarëve grekë. Është një kryetar partie që u shërben qarqeve antishqiptare, ai është një antishqiptar dhe punon që marrëdhëniet Shqipëri-Greqi të jenë jo në rrugën e bashkëpunimit dhe të miqësisë, por në rrugën e përçarjes. Unë mund t’ju them dhe një moment që ndoshta populli shqiptar nuk e di. Në kohën e fushatës së zgjedhjeve Dule ka dhënë një intervistë në një stacion televiziv grek ku ka shpifur dhe ka spekuluar për popullsinë shqiptare çame. Ai, me qëndrimin e tij në Parlament, nuk ka bërë gjë tjetër veçse ka mbajtur një rol servil ndaj shtetit grek. PDI-ja ka denoncuar Vangjel Dulen, ka denoncuar shtetin grek, që është një shtet që bën pjesë në Bashkimin Europian, për të gjitha mashtrimet që bëjnë për popullsinë shqiptare çame. Por, një përgjigje të mirë e dhanë historianët grekë, të cilët thanë hapur në mes të Athinës që gjatë Luftës së Dytë Botërore është ushtruar gjenocid ndaj popullsisë çame, kjo popullsi nuk ka bashkëpunuar me fashizmin dhe Vangjel Dulja është mirë që të mësojë nga historianët grekë dhe të mos shpifë dhe sajojë.

Është thënë se shteti shqiptar ka ndjekur deri diku një politikë servile ndaj shtetit grek. Cila është strategjia juaj që të ndryshohet kjo politikë dhe Shqipëria të kërkojë të drejtat e saj?

Unë nuk do të thosha se ka qenë servile, por marrëdhëniet Shqipëri-Greqi kanë ndryshuar gjatë kohërave. Është bërë një punë voluminoze për të krijuar marrëdhënie sa më të mira, saqë ne po dyshojmë që e tejkalon pak, qeveria shqiptare ka toleruar kërkesat e Greqisë në territorin e Shqipërisë. Flitet se do të ndërtohen 3 varreza të ushtarëve grekë në Shqipëri. Unë them publikisht se ky është spekulim. Në ato vende që do të bëhen varrezat janë vrarë ushtarë italianë, dhe jo ushtarë grekë. Ne i kemi bërë një kërkesë zyrtare Ministrisë së Jashtme dhe kryeministrit Berisha që t’i kërkojnë shtetit grek që të ndërtojë një varrezë masive dhe një memorial për të vrarët e popullsisë çame të fesë myslimane që nuk kanë as varre, që janë vrarë në mënyrë të pafajshme. Kjo do të ishte gjëja më e mirë që do të bënte shteti shqiptar, sesa të ndërtojë varreza imagjinare me ushtarët grekë. Unë kam mendimin se pas 50 vjetësh, pasi Greqia vepron me plane afatgjata, do të thotë që kufijtë e Greqisë janë në këto territore, pasi ja ku janë varrezat tona. Kjo është pjesë e qeverisë shqiptare, që duhet të jete e kujdesshme.

Cili është roli i faktorit ndërkombëtar për zgjidhjen e kësaj çështjeje dhe si do të veproni ju për të pasur mbështetjen e tij?

Roli i faktorit ndërkombëtar për këtë çështje ka qenë inekzistent për arsye se as në Parlamentin shqiptar, as në Parlamentin Europian nuk është bërë me dije një çështje e tillë, një padrejtësi që i është bërë popullsisë shqiptare çame. Ne po e ndërgjegjësojmë Parlamentin Europian dhe Këshillin e Europës për mohimin e të drejtave të njeriut për këtë popullsi. Ne jemi duke punuar për të hartuar një dosje tjetër që do ta dërgojmë në Departamentin e Amerikan të Shtetit për ta njohur për këtë tragjedi të popullit çam, që nuk është marrë në konsideratë nga shteti shqiptar. Aq më tepër që në sistemin e diktaturës ka qenë një çështje e kyçur, madje është ndjekur një politikë denigruese ndaj popullsisë çame.

Ju kërkoni dhe pronat e popullsisë çame. A mund të flitet për një shifër konkrete se sa përfiton kjo popullsi?

Ky është një tjetër problem për popullsinë shqiptare çame. Partia për Drejtësi dhe Integrim po kërkon nga institucionet ndërkombëtare dhe nga Gjykata e Strasburgut të vendosë në vend dinjitetin e kësaj popullsie. Së pari, ne kërkojmë të mbahet një qëndrim për vrasjet që u janë bërë njerëzve të pafajshëm. Kjo është kërkesa kryesore që ne bëjmë. Ne nuk kemi kërkuar as prona dhe as para për shkak se popullsia shqiptare çame i ka me dokumente pronat dhe shtëpitë. Pra pronën nuk mund t’ia mohojë njeri. Popullsia çame erdhi në Shqipëri për shkak të gjenocidit. Mund të bëj një krahasim, siç erdhën kosovarët gjatë luftës dhe u kthyen sërish në tokat e tyre, kështu erdhën dhe çamët, për t’u kthyer sërish. Ne po përgatisim një paketë me të gjitha këto prona, si dhe për kohën prej 60 vjetësh që qeveria greke ka marrë qira nga shtëpitë e popullsisë çame. Unë mund t’ju them që edhe sot, në krahinën e Çamërisë në shtetin grek, çamët ortodoksë nuk i gëzojnë të drejtat e tyre. Imagjinoni çfarë presioni ushtrohet. Madje unë i kam bërë një pyetje Vangjel Dules: Si ka mundësi që pas 65 vitesh ende ajo popullsi flet shqip dhe atje nuk ka asnjë shkollë shqipe, ndërsa këtu tek ne janë ndërtuar një sërë shkollash greke, madje dhe në Sauk, që është një territor që s’ka asnjë lidhje me minoritetin grek. Pra kjo tregon që shteti shqiptar, pa dashje, bëhet servile që nuk merret me ndërtimin e shkollave për gjuhën shqipe, por plotëson kërkesat e Greqisë.
Gjatë pjesëmarrjes sonë në Parlament ne do t’i bëjmë me dije të gjithë popullit shqiptar, por dhe faktorit ndërkombëtar për këtë çështje. Deri dje ne i kemi bërë në mënyrë private. Kemi kontaktuar me znj. Doris Pak dhe me parlamentarin Samerberg. Tani do t’i bëjmë në mënyrë zyrtare. Dhe do të punojmë për të krijuar një lobing në Parlamentin Europian në mënyrë që kjo çështje të zgjidhet nga dy qeveritë, shqiptare dhe greke, por me ndërhyrjen e BE-së dhe të SHBA-ve. Pra çështja çame nuk zgjidhet pa qenë ndërhyrjen e faktorit ndërkombëtar. Dhe, për shkak të punës sonë, shteti grek ka ndryshuar qëndrim në vite. Para 5 vitesh presidenti grek i asaj kohe, Stefanopullos, deklaroi se nuk ekziston çështje çame gjatë një takimi me presidentin Moisiu. Ndërsa presidenti Moisiu tha se kjo çështje ekziston dhe duhet të zgjidhet nëpërmjet dialogut. Më vonë në Shqipëri vjen presidenti tjetër i Greqisë, Papulias, dhe shoqata “Çamëria” organizoi një ceremoni festive për pritjen e tij në Sarandë, pasi ai ka jetuar në krahinën e Çamërisë. Por vizita e tij u anulua dhe u aludua se shoqata “Çamëria” ishte agresive dhe mund të ndodhë ndonjë aksident, një spekulim pasi ceremonia ishte organizuar me lule e flamuj. Madje unë kam raportuar në Komisionin Eurpian për këtë dhe mediat greke e kishin filmuar gjithë këtë ceremoni. Por, ministrja e Jashtme, Bakojanis, e cila erdhi para ca kohësh, tha që shqiptarët çamë t’i drejtohen Strasburgut. Por në Strasburg nuk mund të drejtohet njeri pa u bërë një seancë gjyqësore në vendin ku është problemi, që është Greqia. Në vizitën e dytë që ka bërë Bakojanis tha se duhet t’i drejtohen gjykatave të Greqisë. Kjo deklaratë tregon se shteti grek ka filluar ta njohë si çështje dhe unë uroj se e gjithë shoqëria progresiste greke të ndikojë pozitivisht. Ne po punojmë për hapjen e një gjyqi në Greqi, në mënyrë që të kemi mundësi t’i drejtomi më pas Gjykatës së Strasburgut.

Zoti Muhedini, a do të vazhdoni të qëndroni në qeveri në rast se PBDNJ-ja i bashkohet koalicionit të PD-së?

Nuk më shqetëson ardhja e PBDNJ-së në qeveri. Mendoj se do të ndikojë pozitivisht, pasi partia e grekëve ka si çështje kryesore minoritetin grek, ndërsa PDI-ja ka marrë përsipër zgjidhjen e çështjes së popullsisë shqiptare çame që ka me shtetin grek. Mendoj se Vangjel Dule duhet të hyjë në rrugë të drejtë dhe të ndikojë pozitivisht që të dyja këto çështje të ndikojnë si urë bashkëpunimi dhe t’i shërbejë forcimit të marrëdhënieve me shtetin grek. Vangjel Dule duhet të ndikojë pozitivisht te shteti grek për zgjidhjen e problemeve dhe të mos u shërbejë interesave të tij dhe të qarqeve që përfaqëson.



8 Gusht 2009


albania.

[Xhuxhumaku]

Muhedini: Mandati i PDI, jo kontribut i PR

E Hene, 10 Gusht 2009

Denis Dedej

Formimi i kabinetit te ri qeveritar sjell dhe perplasjet e radhes brenda koalicionit Aleanca per Ndryshim. Kryetari i Partise per Drejtesi dhe Integrim, Tahir Muhedini, i eshte kunderpergjigjur dje deklaratave te republikaneve se i kane dhene koalicionit 4 mandate, ku nje prej tyre eshte dhe ai i cameve, duke thene, se mandati i fituar nga PDI, nuk ka lidhje me kontributin republikan. "Ne nuk kemi bere fushate si forcat e tjera politike per te marre vota ne cdo qytet dhe cdo qark. Ne jemi e vetmja force politike qe ne cdo qark u kemi bere thirrje elektoratit qe te votojne Partine Demokratike", u shpreh lideri i partise came. Sipas tij, ata kane luftuar fort vetem ne qarkun e Vlores dhe te Fierit. Gjithashtu, Partia per Drejtesi dhe Integrim do te nise negociatat me Partine Demokratike per te kerkuar perfaqesimin ne Qeverine e re. Perfaqesuesi i komunitetit cam, gjate nje interviste televizive, pas sigurimit te nje vendi ne parlamentin e ri, ne qarkun e Vlores, kerkon perfaqesim ne qeveri me nje post ministror. Synimi i ketij posti do t'i behet i ditur dhe do t'i kerkohet kryeministrit Sali Berisha, njeheresh kryetar i Partise Demokratike, me fillimin e negociatave. Sipas kryetarit te PDI, jane parti te tjera te cilat jane ne koalicionin Aleanca per Ndryshim, te cilat nuk jane perfaqesuar ne parlament dhe kerkojne perfaqesim ne qeveri, ndersa partia e tij pretendon nje dikaster. "Partite pa mandate do te marrin poste te nje rangu me te ulet se sa ministrite kurse ne qe kemi mandate pretendojme qe te kemi nje dikaster dhe me te do te tregojme edhe vleren e elektoratit tone", ben te ditur Tahir Muhedini. Ai e konsideron si shume te rendesishem dhe te domosdoshem qe Partia Drejtesi dhe Integrim te kete nje post ne kabinetin e ri qeveritar. Per kete gje, kreu i PDI sqaron se jane disa ministri qe jane perzgjedhur per t'i drejtuar, por per momentin nuk mund te behet asgje e ditur pa u konsultuar me pare me kreun e koalicionit. "Jane disa ministri qe ne kemi piketuar, por nuk mund te deklarojme asnjeren prej tyre pa biseduar me pare me Berishen", sqaron Muhedini. Me afrimin e dates se krijimit te qeverises se re, kane nisur te shfaqen pretendime te ndryshme nga aleatet e Partise Demokratike. Megjithese nuk jane te perfaqesuar ne parlament, keto parti kerkojne per kontributin e tyre qe kane dhene ne zgjedhjet parlamentare te 28 qershorit, perfaqesim ne rangje te ndryshme te ekzekutivit. Pavaresisht se asnje qeveri deri tani nuk ka mundur t'i jape zgjidhje ceshtjes came, kryetari Muhedini, premton presion ndaj qeverise per zgjidhjen e ketij problemi historik. I pyetur per Kodin Zgjedhor, ai mbeshtet opinionin e partive te tjera te vogla se duhet t'i nenshtrohet ndryshimeve. Partia per Drejtesi dhe Integrim perfaqesohet per here te pare ne parlament.

koha jone.

[mesuesi_1]

do te kishte qene megjithmend interesante nqse do ti jepnin drejtimin e Ministrise se Jashtme ...

e di qe ka te tjere me te pergatitur por une nje mendim ashtu, hodha ...

[Xhuxhumaku]

Muhedini: Berisha na premtoi ministri nëse merrnim deputet

» Vendosur: 12/08/2009 - 16:11
•

BLEDAR HOTI

Partia Drejtësi dhe Integrim i kërkon Kryeministrit Sali Berisha që të mos e lërë jashtë përfaqësimit në kabinetin e ardhshëm qeveritar. Kreu i PDI-së, Tahir Muhedini, në një intervistë për “Panorama” shprehet se lideri i PD-së, Berisha, duhet të zbatojë marrëveshjen për t’i dhënë një portofol ministror partisë së tij. Rezultatin e këtyre zgjedhjeve, Muhedini e cilëson historik për PDI dhe vetë atë.

Zoti Muhedini, për herë të parë Partia Drejtësi dhe Integrim futet në Parlament. Si e vlerësoni ju këtë moment?

Për PDI-në dhe për mua personalisht ky është një moment historik. Ne jemi një forcë e re politike, e krijuar katër vjet më parë, që marrim pjesë në spektrin politik shqiptar. Neve këtë rezultat e arritëm falë punës së madhe që kemi bërë këto katër vite, ne kemi marrë përsipër një çështje shumë të rëndësishme, shumë delikate, shumë madhore dhe shumë tragjike, siç është zgjidhja e çështjes së shqiptarëve të Çamërisë.

Tani që ju keni zërin tuaj institucional në Kuvend, si do të veproni në të ardhmen për sensibilizimin e kësaj çështjeje?

Deri dje ne jemi marrë në rrugë private për mbrojtjen e kësaj çështje. Tani do të kërkojmë që edhe nëpërmjet deputetëve tanë që shkojnë në seanca parlamentare në KE apo në institucione të tjera ndërkombëtare të ngrenë më të madhe këtë çështje dhe të mos flasin vetëm për respektimin e minoritetit grek. Duhet të dini se para tre vitesh nuk dihej nga KE dhe BE që ekzistonte një çështje e tillë. Fillimisht ne do të bëjmë një lobing, duke kërkuar mbështetjen e spektrit të majtë dhe të djathë për miratimin e një rezolute për çështjen çame.

A keni një marrëveshje pwr çështjen e qeverisjes me PD-në dhe ku konsiston ajo?

Siç dihet ne kemi bërë një akt marrëveshje, parazgjedhore me Kryeministrin Berisha për bashkëpunim dhe bashkëqeverisje, para dhe pas votimeve të 28 qershorit. Ka qenë një pakt xhentelmentësh, në të cilën ishte rënë dakord se nëse ne do të merrnim mandat në Kuvendin e ardhshëm, do të kishim portofol ministror në qeverisjen e ardhshme. Në rast se nuk do t’u përfaqësoheshim në Kuvend do të kishim poste në nivele të dyta dhe të treta, në rang drejtorësh. Deri më sot nuk kam biseduar ende me kreun e PD-së, Berisha, presim që të na thërrasë për të diskutuar për mënyrën e bashkëqeverisjes në këto katër vjet.

Ju si PDI insistoni që të merrni patjetër një portofol ministror në qeverinë e ardhshme?

Unë mendoj se forca jonë politike i ka të gjitha kapacitetet dhe mundësitë të marrë një vend në qeverinë e ardhshme, me një post ministror. Dhe për derisa ne kemi objekt një çështje kaq madhore, respektimi i të drejtave të njeriut, mendoj se është me vlerë të veçantë përfaqësimi jonë në Qeveri. PDI ka intelektualë nga shoqëria civile, të papërlyer nga problemet e diktaturës, të burgimeve apo vrasjeve. Kështu që prania jonë në kabinetin qeveritar i bën mirë edhe politikës shqiptare, por i bën mirë edhe njëkohësisht doktor Berishës. Neve si PDI i kemi të gjitha kapacitetet që jo të drejtojmë vetëm një ministri, por disa ministri po të na jepet mundësia. PDI është gatshme të japë kontributin e tij në të gjitha dikasteret.

Nëse ju kërkohet që mos keni post ministror, ju nuk do të bëheni pengesë për krijimin e qeverisë së re?

Unë mendoj se nuk ka asnjë lloj pengese, që PD-ja dhe lideri i saj, Berisha të mos na vlerësojë neve si PDI në formimin e kabinetit të ri qeveritar. Ne jemi e vetmja forcë politike që bëmë një fushatë korrekte, që i ka shërbyer koalicionit “Aleanca për Ndryshim”, nuk kemi dëmtuar PD-në, madje e kundërta ka ndodhur, aty ku nuk kemi pasur peshë në elektorat u kemi kërkuar që të votohet PD-ja. Kështu në qarkun e Vlorës, ne jemi dëmtuar pasi PS dhe PD kanë pasur kandidatë nga komuniteti çam, si Shpëtim Idrizi dhe Leonard Demi. Pra kjo u bë për të dëmtuar pikërisht partinë tonë.

PANORAMA.