Berisha: Bilanci i 100 diteve qeverisje, kemi miratuar 360 ligje

[Albo]

Zhvillohet mbledhja e fundit e Këshillit të Ministrave për vitin 2009-të

Kryeministri Berisha u shpreh se “këto 100 ditë ishin sa 300 ditë. Në këto 100 ditë janë miratuar mbi 360 ligje dhe vendime dhe ky është treguesi i një performancë të madhe. Janë me dhjetëra e dhjetëra reforma të zbatuara që bënë të mundura vendimet historike”

Nën drejtimin e Kryeministrit Berisha u zhvillua sot mbledhja e fundit e Këshillit të Ministrave për vitin 2009-të.

Duke e cilësuar këtë mbledhje si finalen e një 100 ditshi të suksesshëm të kësaj qeverie, Kryeministri Berisha shprehu falënderime dhe mirënjohje për kabinetin e qeveritar, stafet e tyre dhe të gjithë Administratën Publike, pa ndihmën dhe përkushtimin e të cilëve reformat e ndërmarra do të kishin qenë të pa mundura.

Kryeministri Berisha theksoi se intensiteti i këtyre 100 ditëve ka qenë i paprecedentë, janë miratuar mbi 360 ligje dhe vendime, janë zbatuar dhjetëra e dhjetëra reforma që bënë të mundur vendimet historike. Të gjithë këto, - u shpreh Kryeministri, - janë tregues i një performance të madhe.

Fjala e Kryeministrit Berisha në mbledhjen e Këshillit të Ministrave:

“Kjo është mbledhja e fundit për këtë vit, e cila ka një seri vendimesh. Në këtë mbledhje unë dua t’ju falënderoj ju me shumë mirënjohje, sepse me përkushtimin tuaj i’a dolët që këto 100 ditë t’i shndërroni në 100 ditë të paprecedentë, të një suksesi të paprecedent për një qeveri shqiptare. 100 ditshi është një afat kohor ku vullneti dhe dëshirat janë të mëdha, por faktori kohë dhe faktorë të tjerë nuk korrespondojnë dhe nuk përputhen gjithnjë me vullnetin dhe dëshirat, por në këtë rast janë përputhur plotësisht. Mendoj se ky kabinet u angazhua me përkushtim të madh në shfrytëzimin maksimal të kohës, qëndroi në lartësinë e kërkesave dhe, realisht, ndërmori reformat më të thella se në çdo 100 ditësh tjetër. Në një analizë të përafërt rezulton se intensiteti këtij 100 ditshi ka qenë së paku 50 për qind më i lartë se sa intensiteti i 100 ditshi në vitin 2005 dhe për këtë unë dua t’ju falënderoj e t’ju përgëzoj.

Gjithashtu, dëshiroj t’ju shpreh një falënderim për të gjithë ekipet dhe stafet tuaja. Reformat e ndërmarra do të kishin qenë absolutisht të pa mundura pa përkushtimin e tyre, do të kishin qenë rudimentare dhe nuk do të mund të bënim kurrë ndonjëherë bilancin që bëmë. Ndaj, edhe ju do të paraqisni rezultatet e 100 ditëshit, sepse unë bëra një paraqitje të përgjithshme. Natyrisht, secila ministri do të bëjë bilancin e vetë të 100 ditëve, por e mendova t’a bëni pas Vitit të Ri. Mund t’a bënit edhe ju më parë, pastaj unë, por unë hapa siparin dhe ju, secila nga ministritë, sipas një programi do të paraqisni të gjitha arritjet dhe veprimtaritë 100 ditore.

Theksoj edhe një herë se 100 ditë ishin sa 300 ditë. Këto 100 ditë janë mbi 360 ligje dhe vendime të miratuara dhe ky është treguesi i një performancë të madhe. Janë me dhjetëra e dhjetëra reforma të zbatuara që bënë të mundura vendimet historike.

Ndaj, edhe një herë, unë me respektin më të madh dhe mirënjohjen më të thellë ndaj jush dhe ndaj punonjësve të administratës tuaj, dua t’ju uroj një vit të ardhshëm me suksese edhe më të mëdha.

Rendi i sotëm ka disa marrëveshje dhe vendime. Ka një vendim për të përparësuar në shpërblimin e të përndjekurve politikë, të përndjekurit që janë gjallë. Natyrisht, një përparësi nuk mund të jetë një përqendrim total, por një përparësi e qartë do të jetë sipas vendimit që ka sjellë Ministria e Drejtësisë.

Ka një seri vendimesh të tjera që kanë të bëjnë me leje, me licenca, me shpronësime. Pra, kjo është finalja e një 100 ditshi të suksesshëm.”

Kryeministria
29/12/2009

[Brari]

duhet ri-shikuar kushtetuta e shqiperise..

nuk shtyhet me keshtu..

duhet nji kushtetute e qarte e prere..

psh..

votojne shqiptaret per x parti.. e mendojne se me ate vote do behet i par i vendit dikush qe ata mendojne se do tu a veje pikat mbi i problemeve..

mirpo cndodh..

mbasi e votojne x-in e mbasi x-i benet kryeminister..na del se ky x-i ka vetem celsat e kashtes..

kurse celsat e verteta i ka nje krejt e/i panjohur..krejt e pa votuar qe se bashku me ca fehmira po ashtu te pavotuar jane ne fskt.. fuqi-mbajtesit ne vend..

psh kryezot ne shqiperi eshte ine ramaj.. krieprokurorja..
kurse zot i saje eshte edvini..

pra i rrofte miletit qe votoj berishen..

krejt kot..
edvinos i teket ti beje berishes cte doje.. deri dhe ti dh.jese mu posht penxheres e ai as koken ne dritare sguxon ta nxjerre se i thone.. po na provokon.. si ujku deles.. se ujet po ma trubullon..i thosh nje dizaj.. e delja pinte uj te lana ne qytet te nxensve.. e din tiranasit..ku bie.. kurse ujku te ura madhe e bulevardit shu.rronte e i thosh deles pse ma trubullon..

duhet nji kushtetute.. qe ai qe populli e voton.. i ka fuqite tu a fuse hallatet ne bige cdo krimineli..


kam suksese thot i ngrati berish..

suksese ka edvini a derbardhe qe dredh zinxhiret e te luan tu menc me ata zhapiket e vete..
e ne votojme profesorinm e shquar te mjekesise.. kurse frenat i kan bizhdilet e pocaqise..
sikurse edvin ine me ramo erion velinë..


..

[uj me gaz]

celesi i vertete eshte ne zemer or brar jo ne kushtetutera

[juanito02]

Ja si e shikon opozita suksesin e 100 diteve

Ndërkohë që Krishtlindjet e Viti i Ri e kanë gjetur Shqipërinë nën renë e rëndë të një krize ekonomike që fryhet përditë mbi kokat e njerëzve, Sali Berisha u flet shqiptarëve për 100 ditët e një suksesi imagjinar.
Ndërkohë që dyqanet e mbytura në listat e borxheve kanë më pak blerës se asnjëherë në fund viti dhe biznesmenët e vegjël presin në dyqanet bosh janarin e tmerrshëm me faturën e re të TVSH-së e të energjisë së rritur 22% në kulmin e krizës ekonomike, Sali Berisha flet për lehtësirat imagjinare që i ka bërë biznesit të vogël.
Ndërkohë që 110 mijë rrogëtarë të këtij vendi nuk u blenë dot dhurata fëmijëve për Krishtlindje e Vit të Ri, sepse nuk e morën dot as rrogën e përmuajshme e as rrogën e shpërblimit të fundvitit, dhe kur çmimet janë rritur me shpejtësi marramendëse, Sali Berisha flet për rritjen imagjinare të rrogave.
Ndërkohë kur 540 mijë pensionistët e këtij vendi presin me drithërim janarin kur nën derë do t’u hyjë fatura e re e energjisë, Sali Berisha flet për një rritje pensionesh që është me plot gojën imagjinare në raport me rritjen reale të çmimit të jetesës.
Ndërkohë kur 800 mijë shqiptarëve të pasiguruar, për shkak se nuk gjejnë dot një punë, u ka prerë arbitrarisht një faturë të papërballueshme për një trokitje tek mjeku dhe kur spitalet janë katandisur keq e mos më keq, Sali Berisha flet për një luftë imagjinare të suksesshme me korrupsionin në shëndetësi.
Në fakt Shqipëria e vitit 2009 është më e korruptuar se vitet e tjera. Jo sipas opozitës po sipas organizatës më prestigjioze botërore në matjen e nivelit të korrupsionit, vendi ynë ka humbur plot shkallë në klasifikim dhe ka rënë poshtë Ruandës e Ugandës.
Ashtu sikundër jo sipas opozitës, po sipas vetë Institutit shtetëror të Statistikave, që është njësoj si Televizioni Shtetëror në raport me të vërtetën, ekonomia shqiptare ka pasur këtë vit rritjen më të ulët qysh prej vitit 1997. Edhe pse vetëm kaq mjafton për të treguar se parada e sukseseve të Sali Berishës, është vetëm pjellë e fantazisë së Pinokut tonë në qeveri, e vërteta është që ekonomia jonë ka hyrë në një krizë të pashoqe. Shumë më alarmante sesa çfarë thotë vetë INSTAT-i i Sali Berishës.
Marrëzia e tij për pushtet të përjetshëm e për para të madhe përmes korruptimit të pushtetit, ia ka shterur fuqitë ekonomisë shqiptare dhe ka provokuar një rënie agresive ekonomike, të cilën nuk e ndjen oborri i Familjes në Pushtet, po e vuajnë dhe do ta vuajnë përditë e më shumë familjet shqiptare që nuk kanë lidhje me atë oborr.
Viti 2009 po mbyllet si mos më keq, por si kurrë më keq në më shumë se dhjetë vjetët e fundit, po fillon Viti i Ri, ndërkohë që leku ka njohur zhvlerësimin më të madh pas më shumë se dhjetë vitesh, duke vepruar si një taksë e fshehtë mbi çdo njeri që fut dorën në xhep.
Ky zhvlerësim i lekut do të vazhdojë edhe në vitin 2010, kur shqiptarët do të ballafaqohen drejtpërdrejt me një rritje të mëtejshme të çmimit të jetesës, në çdo hap, në faturën e energjisë, në faturën e ushqimeve, në faturën e vizitave shëndetësore e të ilaçeve, në faturën e arsimimit të fëmijëve.
Rënia e hyrjeve të valutës paralajmëron kohë të zymta pas Vitit të Ri, sidomos për mbi gjysmën e familjeve te varfra, në fshat a në qytet, që kanë si mbështetje jetike, të pazëvendësueshme, dërgesat e emigrantëve, të cilat do të bien edhe më shumë vitin që vjen.
Jo sipas opozitës, po sipas Eurostatit, fuqia blerëse e shqiptarëve është sot më e ulëta në Europë, 26 %. Por, kjo, jo e krahasuar me Gjermaninë e me Francën, po më e ulëta krahasuar edhe me vetë Bosnjën, që e ka 30%.
Shqipëria nuk ka më para të paguajë për pushtetin e Sali Berishës dhe për shfaqjen poshtëruese të sukseseve imagjinare të kësaj qeverie të dalë nga zgjedhje të grabitura.
Kjo qeveri që qëndron mbi kutitë e mbyllura të krimit elektoral duke u mbajtur mbi gënjeshtrën e shpifjen, mbi shifra të manipuluara suksesesh të paqena që u serviren shqiptarëve si fitore të ngjashme me ato të Skënderbeut dhe mbi baltën e papërmbajtur të akuzave ndaj opozitës, e cila është shpallur rrezik kombëtar për përparimin e integrimin e vendit, nuk ka asgjë të përbashkët me një qeveri europiane të këtij shekulli.
Kriza ekonomike, që Sali Berisha vazhdon ta fshehë me fjalë, po nuk e fsheh dot më nga jeta shumë e vështirësuar e shqiptarëve, po thellohet në kushtet kur shteti i së drejtës praktikisht ka rënë, kur barazia para ligjit nuk ekziston dhe kur de facto jetojmë në kushtet e një grushti të përditshëm shteti për llogari të një qeverisje të kthyer në regjim.
Shqipëria është sot e mbërthyer nga një krizë demokratike që rëndohet prej mungesës së shtetit të së drejtës, rënies së institucioneve të drejtësisë, deformimit të pasqyrës së shtypit në funksion të pushtetit dhe refuzimit të kësaj maxhorance pa legjitimitet për të bërë transparencën e zgjedhjeve duke hapur kutitë e votimit të 28 qershorit.
Sali Berisha këmbëngul se kutitë nuk hapen sepse e pengon vendimi i gjykatës. Kjo është gënjeshtër dhe gjithë dynjaja e ka marrë vesh që kutitë nuk hapen sepse Sali Berisha e di të vërtetën që mban mbyllur në ato kuti në shkelje të ligjit e të vullnetit të popullit sovran që përmes parlamentit mund t’i hapë kutitë menjëherë.
Ne këmbëngulim për hapjen e kutive, sepse në këtë çështje nuk flitet për interesin tonë si palë, po për interesin tonë si shoqëri, për interesin madhor të lirisë e të demokracisë në këtë vend.
Sepse ajo që ne kërkojmë nuk ka të bëjë me rezultatin e zgjedhjeve të shkuara, po me fatin e zgjedhjeve të ardhshme dhe të të gjithë procesit demokratik në Shqipëri, me fatin e shtetit të së drejtës e të drejtësisë që çdo shqiptar kërkon e do të kërkojë në të ardhmen.
Dialog? Patjetër. Por dialog i barabartë, i vërtetë, i hapur për çdo zgjidhje të krizës së rëndë dhe në asnjë mënyrë mjet shpëtimi për një pushtet që hedh lumin e vret kalin, ashtu siç bëri me zgjedhjet, duke grisur paturpësisht dhe forcërisht ligjin e miratuar me konsensus që detyron hapjen e kutive me kërkesë të dy anëtarëve të KQZ-së.
Dhe ta harrojnë se e realizojnë dialogun duke bërë shfaqjen e përditshme banale të urtësisë për të larë gojën dhe për të thënë ja, ne duam dialog, po s’do opozita, dhe duke vazhduar nga ana tjetër luftën vulgare me baltë kundër opozitës.
Ashtu sikundër duhet ta harrojnë se mund të ekzistojë ndonjë dialog sa për të rikthyer opozitën në parlament e për të rifilluar farsën e demokracisë pa liri e të drejta të barabarta për të gjithë, pa institucione të pavarura, pa garanci kushtetuese e ligjore për çdo qytetar të kësaj Republike.
Edhe sot i përsëris Sali Berishës se e ka kot që përpiqet të mbulojë zullumet e veta, duke iu hakërryer opozitës si i marrë.
Nuk e ka fajin opozita për 26 viktimat e Gërdecit që kërkojnë drejtësi.
Nuk e ka fajin opozita për qindra miliona eurot e popullit shqiptar që janë varrosur nën gërmadhat e tunelit të shembur në Kalimash dhe kërkojnë përpara drejtësisë Sali Berishën, Sokol Olldashin, Lulëzim Bashën e tërë çetën që i mbështolli paratë e vjedhura të rrugës së kombit me flamurin kuqezi dhe e ktheu atë ide madhështore dhe strategjike për shqiptarët në një rrugë të korrupsionit shtetëror.
Nuk e ka fajin opozita për kapjen e shtetit e të tregjeve dhe kthimin e prioriteteve të ekonomisë familjare të Sali Berishës në prioritete të qeverisjes së këtij vendi.
Këto janë zullumet e njeriut që grabiti zgjedhjet për të grabitur Shqipërinë dhe që kurrë, asnjëherë, nuk do ta thyejë dot opozitën duke e goditur ultësisht me baltën e shpifjeve më të shëmtuara apo me forcën abuzive të shtetit të bërë vegël të pushtetit.
Janë dhjetëra e dhjetëra padi që presin Sali Berishën e shërbëtorët e tij në prokurori e në gjykatë. Për të gjitha akuzat që kanë bërë. Një për një. Le të çojnë provat që kanë për tërë atë lumë balte që kanë derdhur ndaj nesh. Por s’ka gjasë, sepse Sali Berisha nuk ka prova për ato që thotë.
Sali Berisha di vetëm të gënjejë. Megjithatë këtë herë asnjë padi nuk do të tërhiqet dhe asnjë gjyq nuk do të mbyllet me mirëkuptim. Gënjeshtrat, shpifjet e fyerjet për shkak të detyrës, Sali Berisha do t’i paguajë një më një, kurdoqoftë, sado t’i zgjasë hetimet e gjyqet tulatja e prokurorisë apo frika e gjykatave.
Ndërsa beteja jonë në sheshet e në rrugët e Shqipërisë do të rifillojë pas vitit të ri akoma më fuqishëm, me të gjithë opozitën e popullin opozitar.
Përderisa kutitë nuk hapen ne s’do presim që Shqipëria të ribjerë në greminë, po do protestojmë për të larguar qeverinë.
Deri në fund.
Deri në largimin e Sali Berishës nga detyra që shpërdoron prej kohësh, duke u faturuar padrejtësisht shqiptarëve çmimin e papërballueshëm të Vitit të Ri 2010.

[Edvin83]

Shqipëria e kryeministrit: 'Ndriçim, shkëlqim, hapat më të mëdha që nga 1912'
VOA News | 30/12/2009
Duke folur per bilancin e qeverisjes se tij kete vit, kryeministri Sali Berisha tha sot se "Unë mendoj se asgjë nuk mund të zbehë dritën, ndriçimin, shkëlqimin e vendimeve më të mëdha që bota e lirë ka marrë për Shqipërinë e shqiptarët nga viti 1912 deri më sot, sic është anëtarësimi i Shqipërisë në NATO".
Deklaratat Berisha i tha një një intervistë për VOA News. Me tonet e tij të zakonshme euforike kryeministri u është përgjigjur disa pyetjeve të radios Zëri i Amerikës, pjesë nga e cila mund të lexoni më poshtë:
Fillimisht ai u pyet rreth bojkotit të opozitës dhe u mbrojt me natyrën sipas tij antidemokratike dhe antikushtetuese të kërkesës së opozitës.

S.Berisha: Pse është antidemokratike? Sepse po kërkon që parlamenti të cilin procedura juridike e pengon nuk e lejon, të cilin kushtetua nuk e lejon, të cilin vetë komisioni nuk e lejon, të cilin vendimi i Gjykatës Kushtetuese nuk e lejon të merret me vendime gjykatash, të trajtojë një problem që e ka trajtuar gjykata. Unë të garantoj se po të mos ishte cështja e këtij parimi pranoja jo 100 herë por 500 herë hapjen dhe numërimin e kutive se cfarë më kushton mua. Këto janë gjëra tërësisht të pakonceptueshme. Por ama, ka 100 ditë që problemi i kutive është lakuar me 1 milion herë. A ke dëgjuar qoftë dhe një person të vetëm, qoftë dhe një zyrtarë të vetëm nga kongresi amerikan, nga parlamenti europian, nga institucionet ndërkombëtare që të kenë thënë: Le të hapen?


Zëri i Amerikës: A jeni i shqetësuar se kjo situatë mund të ndikojë në fazën në të cilën në jemi me BE. Do të plotësohet pyetësori dhe ka patur një deklaratë në këtë sens nga komisioneri Rehn se "nëse vazhdon kjo situatë politike ajo mund të bëhet pengesë, sepse janë kritere politike?

Sali Berisha: Ajo është një apel për opozitën sepse unë kam bërë një ofertë publike, prapë e ftoj të vij, prapë e ftoj të bëjmë komisionin hetimore, prapë garantoj t'i jap mazhorancën sic nuk e parashikon ligji, por është një çështje mes nesh dhe ka një mekanizëm për t'ja lënë atij mazhorancën në dorë. Të hetojmë cdo gjë tjetër për këto zgjedhje por jo vendimin e gjykatave. Të sjellë të formuluara të gjitha amendimet për sugjerimet që janë bërë dhe une ja pranoj sic m'i sjell. Testin zoti Rama duhet t'ja bëjë kësaj mazhorance te reforma, te ligjet, te debatet, te të gjithë por testin nuk mund t'ja bëjë duke i kërkuar një procedurë që zgjedh murin e qoshes së ndërtesës. S'mund ta marr unë atë, s'mund të them unë sot se sot unë mund të diskutoj me zotin Rama të kapërcej një vendim gjykate. Po pastaj? Nesër? Dhe ka një gjë. Ka një bojkot. Por ky bojkot ka zero mbështetje nga e gjithë piramida socialiste e zgjedhjeve që ka firmosur cdo procesverbal, ka zero mbështetje nga faktori ndërkombëtar. Atëherë nëse ne do të bëjmë pazare ky vend do të ketë ditë shumë të vështira. Çdo humbës i zgjedhjeve, pa asnjë shkak tjetër vec motiveve individuale personale do t'i pretendoj shumicës një, dy tre katër për të hyre në parlament.


Zoti Berisha ju jeni shprehur se do të zbatoni kushtetutën pikë për pikë, duke ju referuar momentit sipas të cilët kur kalojnë 6 muaj deputetët humbasin mandatin. Por nëse do vijnë 64 të tjerë, as këta nuk futen. Do vijmë në një moment kur praktikisht ky parlament nuk do të ketë më opozitë.

Jo, lexojeni mirë ligjin. Jo. Se, Kushtetua do të zbatohet. Dhe të jem i sinqertë. Në këtë cështje është bërë një interpretim shumë i gjerë i situatës. Kushtetuta thotë se mandate humbet kur deputeti nuk bën betimin. Eshtë shumë e qartë, shumë e prerë dhe është pika e parë kur deputeti humbet mandatin. Rregullorja e parlamentit e cila në vetvete është kushtetua e parlamentit ajo përcakton 6 muaj mungesë për t'u paraqitur dhe në këtë rast në opsionin më posibilist, është pranuar ky variant i dytë për t'u llogaritur. Por kushtetuta do të zbatohet.


Zëri i Amerikës: Z.Berisha, flitet në këtë rast se s'mund të dilet mbi vendimin e gjykatave. Megjithatë një projektligj i qeverisë që ka kaluar në parlament për disa ndryshime në Inspektoriatit të Ndërtimit, duke sikur i anashkalon gjykata kur thuhet se "Ankimi në gjykatë nuk pengon ekzekutimin e vendimit të Inspektoriatit"....

Sali Berisha: Të garantoj një gjë se titulli ekzekutiv është i përbotshëm. Po studiove për kuriozitet, ligiin tatimor, ligjin fiskal të Shteteve të Bashkuara është në shumë nene. Por titulli ekzekutiv nuk përjashton kategorikisht gjykatën. Dhe të gjitha pasojat, pas vendimit të gjykatës bien mbi atë që ka marrë vendimin arbitrar. Domethenë, tatimeve, doganave, inspektoriateve u është dhënë e drejta e titullit ekzekutiv, cka nuk është e policisë së shtetit, pra janë një formë e ndermjetme ku absolute është gjykata. Ky model ekziston në të gjithë vendet, përndryshe inspektoriatet nuk mund të funksionojnë. Por nëse ka dëmtuar me vendimin e tij ai përgjigjet një për një pas vendimit të gjykatës.


Zëri i Amerikës: Meqënëse jemi të Drejtësia. Zoti Berisha ka një ngërc të krijuar me konferencën gjyqësore, e cila duhet të emërojë anëtarë të Këshillit të Lartë të Drejtësisë. Në një deklarim tuajin, thate se ajo funskionon si NGO. Por si mund të bëhet një cilësim i tillë kur ajo është e përcaktuar në kushtetutë dhe përsa kohë ka patur dhe një ligj për të, është një institucion kushtetues?

Sali Berisha: Kushtetuta çfarë thotë? Propozohen nga konferenca gjyqësore. Por në kushtetutë nuk është institucion kushtetues konferenca gjyqësore. Sepse për të qenë e tillë duhet të kishte prerogative të tjera kushtetuese. Eshtë absolutisht identike sikundër ne themi në ligje me tre të pestat që propozohen nga shoqëria civile, borde të ndryshme. C'është shoqata. Nuk mund të konceptoj që një NGO, sepse ashtu është ajo, është shoqatë e komunitetit të gjyqtarëve. Kaq është. Nuk mund të konceptoj që ajo të rregullohet me ligj, domosdoshmërisht me ligj me tre të pestat, e drejta e saj. Me asgjë nuk mohohet që komuniteti i gjyqtarëve ta rregullojë atë sipas vullnetit të vet të padiktuar qoftë nga qeveria qoftë nga KLD qoftë nga askush tjetër. Unë këtë cështje e kam të konsultuar edhe me juristë shumë të shquar që kanë ndihmuar prej kaq vitesh drejtësinë shqiptare. Cfarë po bëjnë ata. Ata duhet të zgjedhin përfaqësuesit e tyre në KLD. Nuk ka diskutim se mbledhja e trupës së përgjithshme të tyre dhe vota e fsheshte është mënyra më demokratike e zgjedhjes. E përcakton këtë ligji apo statuti i funksionimit të saj kjo për mua nuk përbën një dallim. Ky është koncepti im dhe unë jam i bindur, thashë që e kam konsultuar me juristë me një eksperincë shumë të madhe në vendet e tyre. Nëse qeveria, KLD do i diktonte shoqatës, "Shiko se do i zgjedhësh në këtë mënyrë apo..." ajo do ishte ndërhyrje. Do mblidhen në formën më demokratike. Cila është ajo? Që nga lashtësia është që të mblidhen të gjithë e të votojnë. Janë 370 gjyqtarë., të votojnë..


Zëri i Amerikës: Duke u ndalur shkurtimisht në disa aspekte ekonomike. Ditët e fundit ka shkakatuar goxha debat rritja e cmimit të energjisë. Kam dëgjuar edhe kryetarin e ERE i cili është shprehur se kjo bëhët edhe për efekt të disa parregullsive në përllogaritjet e aseteve të CEZ, por edhe për shkak të rrjetit të amortizuar, arkëtimeve të munguara. Por nëse vazhdojmë me këtë lloj arsyetimi, rritje cmimi se nuk arkëtojmë dot, atëherë edhe kompania ceke mund të mos e shohë të arsyeshme të investojë se do i marrë me rritjen e cmimit vitin tjetër. Përse pjesa që paguan do të mbajë kusuret e pjesës që nuk paguan?

S.Berisha: Çdo vit është rritur çmimi i energjisë. Pse? Sepse ne kemi dalë në treg. Ne nuk kufizojmë më drita. Një pjesë e plotësojmë me prodhimin tonë. Pjesën tjetër e blejmë. Nuk ka asnjë lloj rruge tjetër për të përballuar kërkesat për energji vec rritjes së cmimit dhe madje me kujtohet se tremujorin e parë të këtij viti opozita kërkoi në mënyrë këmbëngulëse të rritej cmimi. Ne e shtymë. Edhe Banka Botërore e kërkoi. Nuk ishte gabim. U rrit cmimi 13 përqind. Sivjet është treg i favorshëm, por vjet e kemi blerë me 100 cent. Nëse do blihej me këtë cmim e do shisnim me 65-70 cent ku do i gjenim ato para?. Po i lëmë humbjet. Po vetëm ky fakt e imponon rritjen e cmimit.Enti rregullator është një lloj gjykate. Realisht është një lloj gjykate që i trajton këto...
Kjo rritje nuk ndikon në nivelin e jetesës e qytetarit. Por rritjet janë të domosdoshme. Tani si janë problemet mes CEZ dhe ERE nuk ndërhyj


Zëri i Amerikës: Zoti Berisha, rruga Durrës-Kukës.. Pak javë më parë pati një shembje ne njërën anë të tunelit. Cila është realisht situata dhe sa janë kostot e asaj që ka ndodhur atje?

Sali Berisha: E verteta është se ka patur një shembje të tunelit të pahapur. Një shembje jo e pa paralajmëruar, sepse u diktua ndoshta jo nga studimi gjeologjik por nga progresi në pune. Sepse shkembi ishte i shkërmoqur. Në këtë rast tuneli është shumë problematik. Ne kemi kontraktuar, në dijeninë tonë, ekspertin më të mirë të Europës, grupin më të mirë të Europës për tunelet. Një grup austruiako-gjerman, të cilët kanë ardh e kanë viztuar tunelin dhe kanë dhënë garanci se problemi zgjidhet. Kanë bërë projektin. Sipas parashikimeve tuneli do zgjidhet nga pranvera. Në gjeologji është si në mjekësi. Parashikimi është shumë i vështirë. Dhe këtu kemi të bëjmë me një formacion gjeologjik ... Sigurisht do ketë çmimin e saj por e para dhe kryesorja është që tuneli do të mbajë. Leverdia ekonomike e rrugës dhe e tunelit tejkalon cdo parashikim. Ata japin garanci se tuineli do të mbajë.


Zëri i Amerikës: Një tjetër çështje të cilën ju e keni mbrojtur me zjarr është lufta ndaj korrupsionit. Por në vlerësimin e sivjetshëm të Transaprency International Shqipëria ka humbur 10 vende. Si e shpjegoni këtë?

Sali Berisha: Si e shpjegoj faktin. Kjo qeveri është quajtur kampione në luftën ndaj korrupsionit po nga TIA. Cfarë unë marr për bazë? Unë marr për bazë një vullnet të hekurt për të luftuar korrupsionin. Në këto 100 ditë është bërë nje reformë jashtëzakonisht e rendësishme, cështja e transportit të zyrtarëve.. Një gjë është e sigurt në këtë luftë nuk mund të ketë kurrë armëpushim

[Brari]

nje qejf nuk ja plotsoj berisha "mikut" te tij edvin..
qe ti thote.. o kryeministri i erresires..

shqiperia me berishen kryeminister po llamburit nga kopliku ne konispol..

ore se cmu kujtua kopliku bashkim nashti..

nuk e shoh me bashkim koplikun te kurdiset kunder berishes..
cka ndodhur qe ka ra squk zoti kopliki..

??

[Duaje Siveten]

...

shqiperia me berishen kryeminister po llamburit nga kopliku ne konispol..
...
??

ke pas than qysh ne koh te dulles nga vermoshi ne konispol ... po vermoshin ku e le ...

a mos keni bo ndoni dallavere me belgradin, per me ia kalue serbis ...

qfar bizhdilash ...

[Brari]

POLITIKË

Edvin kutia riciklon gjuhën e regjimit komunist
30-12-2009 /

Leonard Quku


Brezi i dytë i nomenklaturës komuniste realizon kacavjerrien e radhës në mënyrë të turpshme ndaj arritje të qeverisë “Berisha 2”, në 100 ditshin e parë të mandatit të dytë nën drejtimin e vendit. Kryesocialisti i kutinjtë Edi Rama, i mpleksur nga nihilizmi i tejskajshëm nuk mundi dot të përballojë dhe t’u besojë syve e veshëve ato që po shikonte dhe dëgjonte mbrëmë.
Në orët e para të mëngjesit të djeshëm, i xhindosur nga ajo me të cilën u ndesh vetëm pak orë më parë, Edvini i kutinjtë, iu drejtua përmes një konference për shtyp kryeministrit të vendit Sali Berisha, se nuk ka asnjë mundësi dialogu, për sa kohë nuk merren parasysh kërkesat e tij çmendurake që synojnë të hedhin në erë “godinën e fortifikuar” të demokracisë në këtë vend post komunist.
Edi Rama nuk u përmbajt dot që, shqiptarëve po bëhej me dije i gjithë progresi i çmuar në vetëm 100 ditë të qeverisë “Berisha 2”. Reformat e mëdha të realizuara në këto 100 ditë, besimin e jashtëzakonshëm që institucionet e Bashkimit Evropian i atribuuan qeverisë shqiptare dhe vetë përjashtimi i opozitës nga këto procese, përbëjnë për Edvinin e kutinjtë një dështim fatal që do t’i kushtojnë rëndë politikisht. Pikërisht për t’i shpëtuar këtij fataliteti të afërt që do të shënonte një hap akoma edhe më përpara në konsolidimin e demokracisë. Riciklimi i gjuhës së nomenklaturës komuniste ndaj standardeve të demokracisë në vend, përbën vërtet një rrezik permanent për këtë sistem qeverisës që po çon vendin të sigurt drejt kapjes së majave të zhvillimit të vendeve perëndimore.
Edi Rama është faktuar jo vetëm si një lustrator i regjimit dhe instrumenteve të tij si famëkeqi sigurimi i shtetit, por edhe të gjitha bëmave monstruoze të tij.
Sulmet e Edit të kutinjtë i përkasin domosdo trashëgimnisë së vjetër komuniste, duke sulmuar dialogun, konsensusin dhe çdo lloj kompromisi për interesat e vendit.
Me këtë, Edvin Rama ka shënuar një kapitull të mbyllur dhe fatalist për të dhe koalicionin e punistëve të rrezikshëm që kanë frikë nga ligji antimafia dhe ngrenë zërin ndaj zgjatjes së moratoriumit të skafeve. Kësisoj, ky binom i aleancës punisto-mafioze, po ndjen fundin e afërt dhe po përpiqet të shfrytëzojë në maksimum ditët e mbetura. Fati i keq i tyre, nuk mund të përcillet tek të gjithë qytetarët shqiptarë që janë të interesuar për sa më shumë mundësi standardesh të larta jetese, të lëvizin të lirë në hapësirën e vendeve të lira, paga dhe pensione si qytetarët evropianë, vende të reja pune dhe drita e ujë pa ndërprerje, të cilat qeveria “Berisha” i ka realizuar ose është në proces të pandalshëm. Rrugën e Shqipërisë drejt plotësimit të standardeve dhe integrimit në Bashkimin Evropian, nuk mund ta ndalë ky brez bllokmenësh i nomenklaturës së vjetër komuniste, të cilët meritojnë përjashtimin sa më parë nga rolet e tyre në këto procese.

...
55

[Duaje Siveten]

Neqoftese edveri eshte brezi i dytë i nomenklaturës komuniste, i takon qe salis te jete diqka midis brezit te pare dhe dhe brezit te dyte ... diqka midis reales dhe irreales ... ose me mire - rezil ...

[Brari]

kur tere rezilet me kuc e mac te te gjitha brezave e sojeve.. celnikosin dhembet e mprehin hanxharet qe te rrezojne berishen.. do te thot o dujruc.. se.. berisha eshte dikushi.. dikushi qe nuk e duan rezilet..
pra kuptonet..se eshte anti-rezili me i frikshem per rezilet.. keshtu o dujs-rezilash..


gezuar dhe ti i dad-lesko-rucve vitin e ri.. e vitin tjater ndoshta te realizohet endrra ta shoheshj edvin rucin padron te shqiperise e te biesh rehat bashke me shoket e birose.. e me shalset e mimit.. e xhackes spiropalle..