Reportazhi i dites se zgjedhjeve, 28 qershor 2009

[gjirfabe]

A mundet dikush te postoj ne kete faqe listat e kandidateve per deputet sipas subjekteve dhe rajoneve perkatese per ti pas parasysh per vazhdimin e metejshem te ecuris se zgjedhjeve per ne qe i ndjekim nga larg.

[Anesti_55]

Vetem nje fjale kisha per te then!

Ju lumte!!!!!!!!!!
Po ndigjojeni lalen keto jane horra, keto jen pjesa me e shetuar e shoqerise.Kote une nuk i kam quajtur "bashkesia e ligesie."

Stilolapsat i perdorin per te deklaruar voten e votueseve qe i kane premtuar ate ne kembim te privilegjit ose te pageses.

[extreme]

Shqiperia po ndryshoooonnn

[juanito02]

Lereni entuziazmin para kohe o njerez.
Fitoni njehere.

[RaPSouL]

KZAZ publikojnë % e pjesëmarrjeve në disa qarqe

TIRANE- Në qarkun e Korcës kanë marrë pjesë rreth 30 % e 286 mijë zgjedhësve të regjistruar në listat zgjedhore.
“ Ardian Maho, kryetar i KZAZ nr.28 në qytetin e Korçës, tha se "nga verifikimet në terren dhe qendrat e votimit, pjesëmarrja në votime në këtë qytet deri në orën 14.30 arrin në rreth 30%"- citon ATSH.

Ndërkohë, edhe Roland Gushi, kryetar i KZAZ nr. 29 dhe Kimet Mullalli, kryetar i KZAZ nr. 30, që përfshijnë komunat e rrethit të Korçës, u shprehën për një ecuri krejt normale të procesit zgjedhor dhe pjesëmarrje në afro 30% të zgjedhësve në votime.

Në qarkun e Elbasanit ka arritur rreth 40% pjesëmarrja e zgjedhësve në votime, ndërsa pritet që në orët në vijim, ajo të vijë në rritje.

Prefekti i Qarkut të Elbasanit, Shefqet Deliallisi tha sot për ATSH-në, se "sipas të dhënave zyrtare, deri në orën 13.30 vetëm në bashkinë e Elbasanit kanë votuar 22 mijë shtetas, ose 22%, në rrethin e Gramshit votuan 8000 zgjedhës ose 28%, në Peqin 30% dhe në Librazhd 20% e votuesve".

Proçesi zgjedhor ecën normalisht përjashtuar disa rasteve sporadike si ato të pajisjes së komisionerëve të PS me stilolapsa me mikrokamera.

Gjithsesi, që nga ora 13.30 në të gjitha qendrat e votimit të Bashkisë së Elbasanit vihet re masivitet qytetarësh, që presin të votojnë.

Në Vlorë shkalla e pjesëmarrjes së zgjedhësve në votimet e sotme, në disa zona të qarkut është e kënaqshme. Prefekti i këtij qarku, Hasan Halili, tha për ATSH-në se "në zona të veçanta, sikundër në ato që përfshihen në territorin e administruar nga komunat Qendër dhe Novoselë, pjesëmarrja në votime ka arritur në rreth 30 përqind.

Në Gjirokastër deri në orën 12.00 kanë votuar rreth 30%. Përfaqësuesit të KQZ-së për qarkun e Gjirokastrës Arjan Gjini, deklaroi se “deri në 12.00 të ditës së sotme nga 129.600 votues që janë regjistruar në listën përfundimtare kanë votuar 30 përqind e tyre”.
“Aktualisht situata e procesit zgjedhor paraqitet e qetë" është shprehur Gjini, duke shtuar më tej se "në shumë nga qendrat e votimit në qarkun e Gjirokastrës, janë vërejtuar radhë të gjata të zgjedhësve, të cilët presin të votojnë të ushtrojnë të drejtën e tyre kushtetuese."

Procesi i votimit në qarkun e Sarandës dhe Delvinës paraqitet i qetë dhe pa probleme serioze ndërkohë që pjesëmarrja në votime deri në orën 14:00 ka qënë në masën 32%.

Në qarkun e Dibrit procesi deri në orën 14.00 ka vijuar normalisht, me përjashtim të disa incidenteve që janë vërejtur si votimi familjar. Gazetarët e tv NEWS24 që ndodhen atje vërejnë një fluks votuesish në orët e drekës. Në rrethin e Matit pjesëmarrja ka shënuar mbi 50 % në Bulqizë pjesëmarrja 40-45 % në Peshkopi rreth 40 %.


(s.g/BalkanWeb)

[RaPSouL]

Topalli: Pjesëmarrja e votuesve në Shkodër e lartë

Jozefina Topalli, e cila kryeson listën e kandidatëve për deputetë në Qarkun e Shkodrës thotë se deri në 15.00 pjesëmarrja në votime ka qenë

SHKODER- Procesi i votimit gjatë ditës së sotme në qytetin e Shkodrës është i qetë, ndërsa ka një pjesëmarrje të madhe, tha nënkryetarja e Partisë Demokratike, Jozefina Topalli, e cila kryeson listën e kandidatëve për deputetë në Qarkun e Shkodrës.

"Deri në orën 15.00, ka patur një pjesëmarrje rekord të votuesve në Bashkinë e Shkodës, që është më e lartë se në vitin 2005", tha znj. Topalli. Sipas saj, "e njëjta gjë, në 15.30, është dhe për komunat më të mëdha të këtij rrethi, si në Komunën e Rrethinave, e Anës së Malit, etj".


(s.g/BalkanWeb)

[RaPSouL]

Votimi i të dënuarve, procesi drejt përfundimit

Procesi zgjedhor nëpër qendrat e votimit në burgje po ecën me ritme normale ndërkohë që nuk është evidentuar asnjë incident. Votimi i të dënuarve është vëzhguar edhe nga organizma të ndryshme që kanë të bëjnë me shoqërinë civile, median etj.

TIRANË- Është duke përfunduar procesi i votimit në qendrat e paraburgimit në kryeqytet.
Burime nga Drejtoria e Përgjithshme e Burgjeve bëjnë të ditur se
në qendrën e paraburgimit "Jordan Misja" në Tiranë, tashmë kanë votuar 318 të paraburgosur. Mësohet se ky proces, është në përfundim edhe në qendrat e tjera të burgjeve në Tiranë.

Procesi zgjedhor nëpër qendrat e votimit në burgje po ecën me ritme normale ndërkohë që nuk është evidentuar asnjë incident. Votimi i të dënuarve është vëzhguar edhe nga organizma të ndryshme që kanë të bëjnë me shoqërinë civile, median etj. Rreth 5000 të dënuar pritet të hedhin votën e tyre në kutitë e votimit.


(e.n/ata/BalkanWeb)

[RaPSouL]

“Zgjedhjet” Kakavijë, në 12 orët e fundit hyjnë në Shqipëri 3505 persona

Vazhdon kthimi i emigrantëve për tu bërë pjesë e procesit zgjedhor. Vetëm gjatë 12 orëve të fundit nga pika kufitare e Kakavijës kanë hyrë në Shqipëri 3505 shtetas, 393 automjete dhe 37 autobuza.

KAKAVIJE- 3505 shtetas kanë hyrë në Shqipëri gjatë 12 orëve të fundit të ditës së sotme nëpërmjet vendkalimit kufitar të Kakavijes.

Drejtoria Rajonale e Kufirit dhe Migracionit bën të ditur se gjatë 12 orëve të fundit përmes pikës kufiatre të Kakavijës kanë hyrë në vendin tonë 3505 shtetas, 393 automjete dhe 37 autobuza.

Fluksi i emigrantëve që i janë drejtuar Shqipërisë për tu bërë pjesë e procesit zgjedhor ka ardhur duke u shtuar nga dita në ditë gjatë gjithë javës.

Në qarkun e Gjirokastrës në kufirin Shqipëri-Greqi, funksionojnë me kohë të plotë dy pika kufitare, e Kakavijës, që ndodhet rreth 30 kilometra larg qytetit të Gjirokastrës dhe "Tre Urat", rreth 22 kilometra larg qytetit të Përmetit.


(e.n/BalkanWeb)

[gjirfabe]

Shifrat e perqindjes se pjesmarjes se zgjedhesve ne Shqiperi jane llogaritur mbi shifren 3 miljon te deklaruar. Kjo jep nje pjesmarje deri tani ne rreth 1.2 miljon zgjedhes. Ne fakt realisht ne Shqiperi nuk ka me shume se 1.6 miljon zgjedhes (po te pastrohen listat nga te vdekurit e ketyre listave dhe neve qe jemi jashte). Praktikisht ne Shqiperi deri tani duket qe kane votuar rreth 75% e zgjedhesve te mundeshem, qe eshte nje shifer shume e larte pjesmarjeje krahasuar me çdo vend tjeter ne bote.


COUNTRY DETAILS:

POPULATION:

3.17 million as of January 2008, the Institute of Statistics reported.

http://www.eitb.com/news/internation...about-albania/

[Apollyon]

Praktikisht ne Shqiperi deri tani duket qe kane votuar rreth 75% e zgjedhesve te mundeshem, qe eshte nje shifer shume e larte pjesmarjeje krahasuar me çdo vend tjeter ne bote.

Lajm fantastik, nje arritje shum e madhe per gjith shqiptaret.