Bostoni me xhami të re

[Vista]

Hapja zyrtare e Qendrës Kulturore të Shoqërisë Islame të Bostonit u bë ditën e djeshme.
E shtunë, 27 Qershor 2009 23:55

Inaugurimi u përshëndet nga qindra muslimanë të tubuar në xhaminë e madhe të ndërtuar në Udhëkryqin e Roxburit.

Kjo hapje zyrtare u prit me kënaqësi nga shumë muslimanë që kishin hasur në kundërshti të mëdha dhe krizë financiare që kishin zvarritur punët gati për dy dekada me radhë. Edhe pse ndërtesa mbetet e pakompletuar pasi pritët të ndërtohet shkolla dhe të bëhet dekorimi, udhëheqësit musliman vendosën se ishte koha për hapjen e kësaj qendre.

Në anën tjetër dhjetëra protestues qëndronin duke thënë "PO Lutjeve, JO Ekstremizmit".

Për muslimanët lokal ishte një ditë feste veçanërisht pas vështirësive të mëdha gjatë ndërtimit. Rreth 1800 adhurues u tubuan në xhami për faljen e namazit të xhumasë numër ky që zakonisht sillet rreth 600.

"Është një ngjarje e veçantë, pas tërë këtyre vështirësive," thotë Ahmed Jabran nga Bostoni Lindor, duke mbajtur një fëmijë në supet e tij. "Kjo tregon se çfarë është Amerika- pluralizmi dhe diverzitetin që e ka."

Siham Xhihad një grua me një fëmijë thotë se ajo tani ka një vend që mund ta quaj shtëpi.

"Përfundimisht unë mund ta quaj veten qytetare të Bostonit. Për ne kjo është shumë më rëndësi- është fundi i një epoke dhe fillimi i një epoke të re. Ne jemi këtu, jemi këtu për të qëndruar, dhe jemi këtu për të ndihmuar në ndërtimin e këtij komuniteti," thotë ajo.

Edhe përkundër kundërshtimeve një numër personalitetesh morën pjesë përfshirë aty Kryetarin e komunës Tomas Menino dhe disa këshilltarë të qytetit dhe ligjvënës shtetëror./boston.com