Komentet tuaja mbi zgjedhjet parlamentare

[RaPSouL]

Analistët: PD-LSI koalicion i stabilitetit

Analistët në Kosovë vlerësojnë se koalicioni ndërmjet PD-së dhe LSI-së do të ofrojë qeverisje stabile, nga e cila nuk do të përfitojë vetëm Shqipëria, por edhe Kosova. Ata konsiderojnë se bashkimi i LSI-së me PD-në, ka shmangur krizën eventuale në vend.

Ujdia e arritur, ditë më parë, mes Partisë Demokratike të Sali Berishës dhe Lëvizjes Socialiste për Integrim, që në katër vjetët e ardhshëm ta qeverisin së bashku vendin, nga analistët kosovarë shihet si zgjidhje pragmatike, që i sjell stabilitet Shqipërisë.

Po ashtu, analistët kosovarë mendojnë se hapi i Ilir Metës ka shmangur një krizë eventuale, për shkak të rezultatit të ngushtë të zgjedhjeve të 28 qershorit.

Analisti Ramush Tahiri konsideron se marrëveshja e arritur tregon pjekurinë e shoqërisë shqiptare.
“Kjo është gjetje e mirë, sepse është rezultat i zgjedhjeve parlamentare në Shqipëri; doli fituese PD dhe PD ka mundur t’i fitojë numrat me LSI-në ose me PS-në. Duket se janë përcaktuar për LSI-në, sepse kanë orientim pak më liberal dhe me qëllim që të lihet një opozitë e fortë, e cila do të ishte një kritikuese e fortë e qeverisë”.

“Sido që të jetë çështja, është mirë që u tejkalua kriza, sepse Shqipëria nuk mund të hynte në zgjedhje të reja, e as në qeveri teknike. Pranimi i rezultateve e krijimi i qeverisë është ndihmesë për Shqipërinë”, tha Tahiri.

Edhe pse Komisioni Qendror Zgjedhor nuk i ka certifikuar ende rezultatet përfundimtare, mediat në Tiranë kanë nisur të spekulojnë madje edhe për ndarjen e posteve mes koalicionit Aleanca për Ndryshim dhe LSI-së.

Analisti tjetër politik, njëherësh drejtor i Institutit KIPRED, Lulzim Peci, e sheh pranimin e ofertës së PD-së nga ana e kreut të LSI-së, Ilir Meta, si një veprim të matur.

“Këtu do të ofrohet stabilitet i mjaftueshëm për qeverisje, por forma e qeverisjes së deritanishme do të ndryshojë, sepse kjo është eksperiencë unike për Shqipërinë, pasi që deri tash ka qenë në fuqi ose e majta, ose e djathta”, u shpreh Peci.

Në anën tjetër, të dy analistët pajtohen se karshi Kosovës, politika e Tiranës ka ndjekur pothuajse një kurs të njëjtë. Megjithatë, Ramush Tahiri mendon se mandati i dytë i Berishës do t’i mundësojë atij që të përfundojë projektet e nisura, përkatësisht rrugët, që, siç thotë ai, lidhin kombin shqiptar.

“Ky koalicion është i mirë, se është vazhdimësi e politikës 4 vjeçare dhe e investimeve ekonomike dhe rrugëve që lidhin kombin shqiptar. Gjithashtu është interes për Kosovën që Shqipëria ta kalojë këtë fazë pa ndonjë krizë dhe që të jetë shtet stabil, i cili u hyn proceseve të integrimeve evropiane dhe në këtë bazë i ndihmon Kosovës”.

“Stabiliteti në Shqipëri dhe angazhimi i Shqipërisë në arenën ndërkombëtare i ndihmon çështjes së Kosovës”, deklaroi Tahiri.

Ndërsa, Lulzim Peci mendon se edhe po të vinte në pushet Partia Socialiste, qasja karshi Kosovës nuk do të pësonte ndryshime.

“Shqipëria, sa i përket Kosovës, ka pasur një politikë stabile dhe nuk do të kishte refleksione kushedi çfarë, ose po të ishte njëra palë, ose pala tjetër“, tha Peci.

Debati i vazhdueshëm në Shqipëri në lidhje me atë nëse Meta bëri mirë ose jo që iu bashkua të djathtës, duke krijuar kështu një përvojë unike në periudhën 18-vjeçare të tranzicionit, ku e djathta qeveris bashkë me të majtën, në Prishtinë nuk perceptohet si diçka e jashtëzakonshme.

Ky fakt, ndërkohë, ka bërë që Edi Rama i Partisë Socialiste të reagojë ashpër, duke e quajtur marrëveshjen Berisha - Meta si “pazarin më të turpshëm të viteve të fundit".

Por, Ramush Tahiri thotë se shembuj të tillë ka pasur gjithandej, përfshirë edhe koalicionin PDK-LDK në Kosovë. Ai mendon se në raste të tilla, vënia e shtetit para ideologjisë partiake është parësore.

“Lufta nuk zhvillohet gjithmonë i majtë e i djathtë, por përpjekjet bëhen për ndërtimin e shtetit dhe votat janë ato që janë. Ne kemi shembullin në Austri e Gjermani. Kjo tregon pjekurinë e shoqërisë në Shqipëri dhe pjekurinë e forcave politike. Është mirë që pas 18 vjetësh u thye ky balast, të themi i majtë dhe i djathtë”, tha Tahiri.
Në anën tjetër, për Lulzim Pecin, çdo skenar tjetër, që do të përjashtonte koalicionin PD-LSI, do të prodhonte një qeverisje jostabile.

“Në rast se Meta nuk do të kalonte tani me zotin Berisha, në Shqipëri do të kishte një koalicion shumë fragjil, i cili do të kishte mundësi të dështonte shumë shpejt dhe nuk do të ofronte kurrfarë stabiliteti të qeverisjes“, theksoi Peci.

Analistët kosovarë lavdërojnë popullin shqiptar për maturinë e treguar në ditën e zgjedhjeve. Por, ata thonë se procesi i numërimit të votave, i përcjellë me incidente të herëpashershme, tregoi se standardet nuk mund të arrihen nëse edhe në proceset e rëndësishme, siç janë zgjedhjet, ndërhyn politika.

/rel/

[Tir@nci]

Po me pra mo po thuji kture analistave po per nji gjo smushet kaplloqja jeme. Meta nuk dul me kritiku PD per fushate, po i dul goja mrapa tu shajt salen personalitikisht. Si ti themi ksaj, qi Meta osht tu sakrifiku rondshem per Integriteta

[RaPSouL]

Skema e Berishës, PD-ja tentoi avantazhin me 25 deputetë në 4 qarqet e Veriut

Presioni mbi Shkodrën, Kukësin, Dibrën dhe Lezhën do të krijonin avantazhin. Në qarqet e Shqipërisë së Mesme Berisha luftoi për të ruajtur barazimin

Habjon Hasani

Demokratët kanë punuar “me laps në dorë dhe me skema të sigurta” për të paktën në katër qarqe në Veri, ku krerët e PD-së prisnin të krijonin një superioritet prej afro 25 deputetësh. Kjo ka qenë dhe arsyeja e shumë shkeljeve të konstatuara në qarqet e Shkodrës, Kukësit, Dibrës dhe Lezhës. Avantazhi i synuar prej 25 deputetësh në këto 4 qarqe pranohet nën zë edhe nga funksionarë të PD-së. I vetëdijshëm për influencën e Partisë Demokratike në këto qarqe, Berisha kërkoi me çdo kusht maksimalizimin dhe fitoren thuajse neto në këto katër qarqe. Duket se plani ka filluar pikërisht atëherë kur ekspertët e Partisë Demokratike nuhatën faktin se Kodi Zgjedhor dhe mënyra e përllogaritjes së votave linte shumë shteg për të mos pasur një koalicion fitues me mbi 71 vota. Në këto kushte PD-ja nisi intensifikimin e fushatës dhe përpjekjeve në këto katër qarqe ku konkretisht synoi një fitore neto prej katër mandatesh në Kukës, e cila për pak sa nuk u arrit, synoi një rezultat 9-2 në Shkodër, një avantazh në shifrat 5-2 në Lezhë dhe një fitore 5-1 në Dibër. Ndoshta qarku i Shkodrës dhe mënyra se si precipituan ngjarjet atje është treguesi më i mirë se Partia Demokratike synonte një dominim absolut në këto zona. Një plan dhe një synim për sigurimin e një totali prej 25 votash “të sigurta dhe garantuese”, që do të certifikonte kapjen e mandatit të 74-t apo të 75-të të PD-së në rang vendi. Por rezultati tregoi se këto hesape të demokratëve nuk dolën ashtu si ata prisnin, megjithatë avantazhi në këto zona krijoi, sidoqoftë, një shtrat të mirë për të luftuar fort në qarqet e Shqipërisë së Mesme dhe ato të Jugut, pasi Kodi e maksimalizonte vlerën e votave të PD-së në qarqet e Jugut, për shkak se këto qarqe kishin një numër të madh popullsie dhe pragu për të kapur mandatin ishte më i ulët.
Arsyet
Partia Demokratike i kishte të gjitha arsyet që të krijonte një avantazh “paralizues” për socialistët në këto katër qarqe të Veriut, pasi të gjitha të dhënat për qarqet e Shqipërisë së Mesme dhe të Jugut ishin shpresëdhënëse, aty mund të sigurohej barazimi. Rastet më tipike ishin Tirana dhe Durrësi, ku kryeqytetit i ishin bashkëngjitur dhe votat e Kavajës, ndërsa Durrësit i ishin bashkëngjitur dhe votat e Krujës. Pra në këto dy qarqe të mëdha Partia Demokratike kishte shanse reale për të siguruar minimalisht balancën e mandateve, sidomos kur numri i madh i mandateve që ofronin këto dy qarqe ulnin vështirësitë për votat blu. Përllogaritja e votimit në qarqe i ktheu demokratët në rishikimin e rezultateve dhe numrit të votave të zgjedhjeve lokale vitit 2007, ku ndonëse demokratët humbën disa nga bashkitë më të mëdha të vendit, ata mundën të dominonin në fshatra dhe kryesisht këshillat e qarqeve pikërisht falë votave që kjo forcë politike ka mundur të sigurojë nëpër fshatra. Por, tani, në vitin 2009, këto potenciale votash të së djathtës merrnin një tjetër vlerë, pasi nga mënyra se si u ndanë qarqet dhe mandatet këto vota jepnin më shumë dobi dhe siguronin më tepër mandate. Me këtë Kod Zgjedhor PD-ja maksimalizonte frytet e punës së saj jo vetëm në Shqipërinë e Mesme, por edhe në disa qarqe të mëdha në Jug.
Strategjia
Sot duket qartësisht se edhe shpalljet apo zyrtarizimet paraprake të rezultateve zgjedhore nisën pikërisht në qarqet veriore. Kishte vetëm dy institucione të besueshme që ofronin rezultate të përditësuara. Ato ishin konferencat për shtyp të zëdhënësit të KQZ-së dhe rezultatet on-line të projektit “ECA”. Që të dyja këto institucione publike nisën raportimin e të dhënave pikërisht nga katër qarqet në Veri, ku demokratët prisnin fitoren e tyre neto dhe krijimin e një avantazhi të pakapërcyeshëm nga ana e kundërshtarëve të tyre politikë. Më tej raportimet zbritën në Shqipërinë e Mesme, ku situata ruajti një barazi thuajse të përpiktë, me përjashtim të qarkut të Durrësit, ndërsa Elbasani dhe Korça treguan një pozitë barazuese, e cila në rastin e Elbasanit mund të quhet edhe si një fitore e demokratëve. Por, nëse në Shqipërinë e Mesme PD-ja mundi të ruante një ekuilibër perfekt, në qarqet e Jugut kjo forcë politike thuajse arriti një rekord të sajin falë Kodit. Në qarkun e Fierit Partia Demokratike nuk ka mundur kurrë në 10 vitet e fundit që të sigurojë mbi 4 deputetë (shpeshherë mezi kapte 3 të tillë), ndërsa sot numëron gjashtë të tillë. E njëjta gjë ka vlejtur edhe me Gjirokastrën, ku PD-ja mundi të kapte 3 apo me Vlorën, ku PD-ja arriti të siguronte 4 mandate me forcat e saj dhe 1 mandat të pestë falë aleates së saj, PDI. Vlen për t’u kujtuar se në Vlorë socialistët nga ana e tyre pretendonin një rezultat 9-3, që nuk erdhi kurrë, pasi demokratët u investuan jashtëzakonisht në sigurimin e votave në fshatrat e Jugut, të cilat karakterizohen nga një numër i madh popullsie për shkak të veçorive natyrore dhe resurseve bujqësore. Megjithatë, sot shihet qartësisht se PD-ja, ndonëse nuk mori dot fitoren neto në 4 qarqet e Veriut, luftoi për të rikuperuar “mangësitë” në Fier apo Berat nëpërmjet “lojës” së komisionerëve. PD-ja, falë strategjisë së saj, mundi të dominonte me mandatet si koalicion, ndërsa forca e strategjisë së demokratëve duket se është shumëfishuar gjatë rrugës falë përçarjes që ekzistonte në kampin e majtë që më përpara.


BOX
Votat sipas qarqeve dhe pretendimet e demokratëve

Qarku Tiranë
Gjithsej 32 mandate
PS - 15 mandate
PD - 15 mandate
LSI - 1 mandat
PR - 1 mandat

Qarku Shkodër
Gjithsej 11 mandate
PD - 7 mandate (kishte parashikuar 9 mandate)
PS - 4 mandate

Qarku Kukës
Gjithsej 4 mandate
PD - 3 mandate (luftoi për të katra mandatet)
PS - 1 mandat

Qarku Lezhë
Gjithsej 7 mandate
PD - 4 mandate (pretendoi 5 mandate)
PS - 3 mandate

Qarku Dibër
Gjithsej 6 mandate (pretendoi 5 mandate)
PD - 4 mandate
PS - 2 mandate

Qarku Elbasan
Gjithsej 14 mandate
PD - 7 mandate
PS -7 mandate

Qarku Fier
Gjithsej 16 mandate
PS - 8 mandate (pretendon 9)
PD - 6 mandate
PDI - 1 mandat
LSI - 1 mandat

Qarku Berat
Gjithsej 8 mandate
PS - 4 mandate
PD - 3 mandate
LSI - 1 mandat

Qarku Vlorë
Gjithsej 12 mandate
PS - 6 mandate
PD - 4 mandate
PDI - 1 mandat
PBDNJ - 1 mandat

Qarku Gjirokastër
Gjithsej 5 mandate
PS - 3 mandate
PD – 2 mandate

Qarku Durrës
Gjithsej 13 mandate
PD – 7 mandate
PS – 5 mandate
LSI - 1 mandat

Qarku Korçë
Gjithsej 12 mandate
PD - 6 mandate
PS - 6 mandate

Albania

[RaPSouL]

Negociatat me PD-në, paketa e propozimeve që do të bëjë LSI-ja

Çështjet programore ku do të përqendrohet LSI-ja në negociata. Dy variantet e përfolura për hapësirën e LSI-së në qeverisje

Shaban Sulçe
Pasi ka zyrtarizuar në Konventën e Jashtëzakonshme vendimin politik për t’i thënë “po” bashkëpunimit për bashkëqeverisje me Partinë Demokratike, Lëvizja Socialiste për Integrim pritet që shumë shpejt të nisë zyrtarisht negociatat me partinë fituese të zgjedhjeve të 28 qershorit. Kreu i LSI-së, Ilir Meta, është mandatuar nga Konventa Kombëtare e LSI-së për të zhvilluar negociata me kryeministrin dhe kryetarin e Partisë Demokratike, Sali Berisha. Takimi i parë Meta-Berisha pritet të ndodhë në ditët në vazhdim, ndërkohë që siç ka theksuar kreu i LSI-së, Ilir Meta, negociatat do të përqendrohen kryesisht në çështjet thelbësore të bashkëqeverisjes, të cilat kanë të bëjnë me programin qeverisës dhe përshpejtimin e hapave integruese të vendit. Çështjet kryesore në të cilat do të bazohen negociatat janë bërë publike dje nga kryetari i KDK-së së LSI-së, Edmond Haxhinasto. Ndërkaq pritet që të sqarohet edhe hapësira që do të ketë Lëvizja Socialiste për Integrim në qeverisjen e ardhshme, ku LSI-ja pritet të bëjë edhe propozimet e saj konkrete.

Hapësira

Dy janë variantet më të përfolura deri tani për hapësirën që do të ketë Lëvizja Socialiste për Integrim në qeverisjen e re. Varianti i parë bën fjalë që LSI-ja të përfaqësohet në qeverisjen e ardhshme me tri ministri dhe postin e kryetarit të Parlamentit. Në rast të realizimit të këtij varianti, me shumë mundësi kryetari i Parlamentit të ardhshëm do të jetë kreu i LSI-së, Ilir Meta. Ndërkaq, në variantin e dytë bëhet fjalë që LSI-ja të marrë drejtimin e dy ministrive në qeverinë e ardhshme si dhe të ketë postin e zëvendëskryeministrit. Ministritë që fliten se mund të kalojnë në drejtimin e LSI-së janë Ministria e Brendshme, Ministria e Drejtësisë dhe Ministria e Punës. Megjithatë, për momentin asgjë nuk është e konfirmuar. Të dyja këto variante shoqërohen gjithashtu edhe me propozime konkrete për poste zëvendësministrash, drejtorë drejtorish, si dhe prefektë në qarqet ku LSI-ja arriti rezultate shumë të mira zgjedhore.


Bashkëqeverisja

Sipas kryetarit të Komitetit Drejtues Kombëtar të LSI-së, Edmond Haxhinasto, prioritetet dhe objektivat e koalicionit të ardhshëm qeverisës kanë të bëjnë me marrjen e masave për daljen nga kriza ekonomike, realizimi i reformave të integrimit europian, garantimi i lëvizjes së lirë të shqiptarëve në Bashkimin Europian, realizimi i reformës zgjedhore dhe pavarësia e sistemit gjyqësor. “Konventa vlerësoi vendimin e LSI-së për pjesëmarrje në koalicionin qeverisës si alternativën e vetme për të garantuar stabilitet politik në vend dhe për të vazhduar proceset integruese. Gjithashtu, Konventa konkludoi se dalja nga kriza aktuale ekonomike, reformat e integrimit europian, lëvizja e lirë e shqiptarëve në BE, reforma zgjedhore dhe pavarësia e Gjyqësorit do të jenë objektivat kryesore për koalicionin e ardhshëm qeverisës”, - tha Haxhinasto.

Albania

[Brari]

ska jet nje qeverri qe del nga 70 deputet demokrat qe ne pergjithsi jan djem e vajza te mrekullueshem dhe nga 4 rrugace enveriste te llojit meta e m.utat e tjere te lsi-se..

smund te bej qeverri partia e azem hajdarit me banden qe e vrau azem hajdarin.. pra me klos meto m.utet..

nuk shkon kjo pune..

me sa e parashikoj une..kjo do sjelli shkermoqjen e pd-se.. sepse demokratet e vertete smund te pranojne nje qeveri me hajdutet e klos metes.. e enveristet e xhuf zabit tak brahos..

vendi do shkoj ne nje kriz te thelle..



..

[Apollyon]

vendi do shkoj ne nje kriz te thelle.

Po o Brar Po, derisa kta fryjn barkun edhe llogarite bankare, mendon ti se u plasi atyre per cipe e seder? Ja do e shohesh po se pe Ilir Meten si deputet te djathte zgjedhjet e ardhshme!

[OO7]

Po o Brar Po, derisa kta fryjn barkun edhe llogarite bankare, mendon ti se u plasi atyre per cipe e seder? Ja do e shohesh po se pe Ilir Meten si deputet te djathte zgjedhjet e ardhshme!

Si po shkon puna, ka mundësi ti zejë dhe vendin Salës në parti...

[Rugova]

[QUOTE=Brari;2329962]ska jet nje qeverri qe del nga 70 deputet demokrat qe ne pergjithsi jan djem e vajza te mrekullueshem dhe nga 4 rrugace enveriste te llojit meta e m.utat e tjere te lsi-se..

smund te bej qeverri partia e azem hajdarit me banden qe e vrau azem hajdarin.. pra me klos meto m.utet..

nuk shkon kjo pune..

me sa e parashikoj une..kjo do sjelli shkermoqjen e pd-se.. sepse demokratet e vertete smund te pranojne nje qeveri me hajdutet e klos metes.. e enveristet e xhuf zabit tak brahos..

vendi do shkoj ne nje kriz te thelle..

Nuk pajtohem tërësisht me ty Brari rreth kësaj që thua më lartë.
Së pari, nëse 70 deputet demokrat janë vajza dhe djem të mrekullushëm, atëherë do të dinë të bëjnë edhe poltikë të mrekusllueshme. Meqë janë më shumë se numri i deputetëve të PS-së, ata do kenë përparësi të madhe në marrjen e vendimeve në Parlament, dhe sigurisht nuk do të lejojnë shkërmoqjen e PD-së. Përkundrazi do ta forcojnë atë edhe më shumë.
Së dyti, koalicioni me LSI-në ishte zgjidhja e vetme pas rezultatit të zgjedhjeve. Se pse PD nuk fitoi më shumë vota, kjo duhet ta shqetësoi PD-në dhe Berishën, por edhe gjithë demokratët shqiptarë. Shqipëria doli pas këtyre zgjedhjeve një vend ku forcë më e madhe politike qenkan socialistët, e jo demokratët, dhe këtë duhet të na e shpjegosh pak këtu, ngase procesi i demokratizimit të saj nuk paska shkuar as deri në gjysëm të rrugës, paska ngelë atje diku në vitet 1991/92dhe fjalën kryesore mjerisht ende e paskan ish komunistat, ish sigurimcat, ish proletarët bolshevik, etj.
Së treti, Shqipëria nuk qenka demokratizuar ende, dhe shih sot në fillim të mileniumit 21 komunistat e konvertuar në socialist gati sa nuk e fituan pushtetin me votën e popullit, ende i pa emancipuar dhe demokratizuar politikisht.
Kjo situatë në Shqipëri duhet të na shqetësojë seriozisht, e jo koalicioni që bëri PD me LSI-në, sepse Meta është një politikan dhelpër, dhe e dinë fare mirë se pse hyri në koalicion me të djathtët, gjë të cilën edhe Berisha në anën e tij duhet ta shfrytëzojë me mençuri të madhe politike, sidomos në aspektin e përfitimit të simpatisë nga të majtët, me shpresën se një ditë edhe ata do të këndellën nga gjumi i rënd i komunizmit enverist. Dhe, po ashtu fitorën e PD-së me rezultat kaq të ngusht ndaj PS-së duhet analizuar mirë dhe deri në fund, apo jo?

[davidd]

Po te vini re fleten e votimit PS eshte e vendosur ne fund te listes.
Votuesi dallohet lehte kur shkruan ne fund te listes dhe kompromentohet kollaj fshehtesia e votes.
Kjo ja kalon edhe filmimit te vote qe u perfol se do behej nga mazhoranca.
Kjo hile eshte me sigurte dhe me e kollajshme per tu pare.
Mjere administrata po ka votuar per ps kete here ose per ndonje tjeter.

ja fut kot ky. sali berisha i vodhi zgjedhjet. populli votoj per ps-ne

[davidd]

sali berisha dhe ilir meta, te dy duke bashkpunuar me njeri tjetrin duke vjedhur floririn e shteti ne kohen kur ilir meta ishte kryeminister. keta te dy jane miq te vjeter. i ka bashkuar vjedhja e pasurise se popullit dhe mirqenia e tyre dhe familjeve te tyre. ilir meta shiti electoratin e tij qe e kishte votuar per pushtet. c'fare shprese ka populli nga keta ndyresira qe vuajne vetem per pushtet