300 mijë në shesh fitore spektakolare e PD-së

[REALIST]

Mbi 300 mijë qytetarë vërshuan dje në Sheshin "Skënderbej" për të festuar fitoren e sigurtë të Partisë Demokratike në zgjedhjet parlamentare të 28 qershorit. Madhështia e mitingut përmbyllës të fushatës elektorale të partisë më të madhe në vend i tejkalonte përmasat e tubimit, që i dha fitoren plebishitare Partisë Demokratike në vitin '92. Qytetarët tejmbushën, tejpërtej sheshin qendror të Tiranës në mitingun përmbyllës të Partisë Demokratike, në mbështetje të ëndrrës europiane, e cila është më afër se asnjëherë më parë. Prej orëve të para të mëngjesit kishin mbërritur autobusë nga të katër anët e Shqipërisë për të festuar fitoren e padiskutueshme të Partisë Demokratike. Shumë të rinj anembanë vendit nisën festimet që në orët e para të mëngjesit në sheshin para selisë së Partisë Demokratike dhe nëpër rrugët e kryeqytetit, me makina të mbuluara me flamujt e PD-së, flamuj amerikanë dhe europianë. Nën kujdesin e një DJ, i cili shpalosi hitet më të njohura të momentit, të rinjtë kanë festuar gjatë gjithë ditës së djeshme fitoren e 28 qershorit. Ndërkohë që për dekorin spektakolor të skenës u kujdesën specialistët më në zë të Shqipërisë. Nën reshjet e pandërprera të shiut, në të dy skajet e qendrës së Tiranës, u bë një punë intensive për të ndërtuar tribunën, ku u zhvillua mitingu përmbyllës i fushatës elektorale të Partisë Demokratike. Një grup prej 12 specialistësh, nën tingujt e muzikës, ngritën tribunën madhështore në Sheshin "Skënderbej". Përballë monumentit të Heroit Kombëtar Gjergj Kastrioti Skënderbeu, një podium me përmasa 10 me 8 metra, i mbështetur pas një baneri 6 me 8 metra, si dhe dy ekrane të mëdha 4 me 3 metra. Pas mesazheve të urimit të kryesuesve të listave për deputetë të Partisë Demokratike në të 12 qarqet, i gjithë sheshi ka shpërthyer në ovacione të pafundme, në momentin kulminant kur në podium është ngjitur arkitekti i reformave të thella e të gjithanshme të këtyre katër viteve, protagonisti i anëtarësimit të Shqipërisë në NATO, autori i aplikimit të Shqipërisë për statusin e vendit kandidat, politikani vizionar i të ardhmes së shqiptarëve, kryeministri Sali Berisha.

[morrison]

LOl i bie qe pjesa tjeter e popullsise te ket shkuar te mitingu i Rames hahahhahahaha

[REALIST]

pizeveni, ne fakt Edi Rama dhe tubimi i tij i ngjante me shume nje mini-mitingut ne krahasim me mitingun e PDs. Edhe gazetaret e TOp-ch qe jane plotesisht ne krahun e rames u cuditen nga nje miting kaq i madh dhe nuk dinin cfare te thonin.
Ishte me te veretete nje miting qe nuk kishte ndodhur me pare.

[limbo]

http://www.facebook.com/album.php?ai...id=43666091651

[morrison]

pizeveni, ne fakt Edi Rama dhe tubimi i tij i ngjante me shume nje mini-mitingut ne krahasim me mitingun e PDs. Edhe gazetaret e TOp-ch qe jane plotesisht ne krahun e rames u cuditen nga nje miting kaq i madh dhe nuk dinin cfare te thonin.
Ishte me te veretete nje miting qe nuk kishte ndodhur me pare.

Qe gazetaret e top-channelit jane nga krahu i rames ajo dihet si dhe ata te news24, sic eshte dhe klani nga krahu i PD.

Realiteti eshte qe shqiptaret ne shumice jane te djathte sepse kane vujt 45 vjet nga te majtet, por Sal komunisti i detyroi shume shqiptare qe te behen prap te majte, si dhe shume te tjere qe te behen asnjanes dhe indifirenta si puna ime qe nuk mund te votoj dot nje ish komuniste si pun e Sales i cili eshte dhe shok i Nanos, por jam i detyruar te pres diten kur do dali Sala ne pension dhe te votoj Bamirin se kte klyshin punist gjalle ne bote se e votoj, te pakten Bamiri eshte dhe qytetar o vlla i dashur dhe duket qe ka kultur komplet tjeter....

[limbo]

Ja dhe fjalimi --



Të dashur qytetare dhe qytetare të Tiranës dhe mbarë Shqipërisë,

Vëllezër dhe motra,

Zonja dhe zotërinj,

Sot, uragani i fitores është shndërruar në detin blu të fitores sonë. Uragani i fitores që vërshon në të katër e anët e këtij vendi, në kodrat, malet, qytetet, fshatrat, rrugët dhe sheshet e tyre, është sot në zemrat dhe shpirtin e bardhë të shqiptarëve, është sot në Tiranën blu, në Tiranën e fitores. Si të votojë Tirana, do të votojë Shqipëria. Si të fitojë Tirana, do të fitojë Shqipëria.

Sonte me këtë miting, ne vendosim kurorën madhështore të fitores sonë të merituar. Sot me ne, në këtë miting, besojnë projektin tonë për Tiranën evropiane, për Shqipërinë evropiane. Por, unë këtu para jush dua të falënderoj ata miliona shqiptarë që gjatë kësaj fushate, më e bukura, më madhështorja dhe më e etikja e të gjitha fushatave tona, i takova në rrugë, në sheshe, në lokale, në sallat e këtij vendi. Mirënjohje më të thellë atyre, sepse ata më frymëzuan mua më shumë se kurrë, më inkurajuan mua më shumë se kurrë. Drita e fitores që buronte nga shpirti i tyre, nga zemra e tyre, nga sytë e tyre, ndriçoi fytyrën e fitores sonë, fytyrat e tyre, në sheshet dhe rrugët e qyteteve tona, në mbarë Shqipërinë, ndriçon sot Tiranën më bukur se kurrë.

Qytetare dhe qytetarë të Tiranës,

Ne mblidhemi sot në këtë miting, më madhështorin që ky shesh ka njohur në tërë historinë e tij, pasi në këtë fushatë jo vetëm në mitingje, jo vetëm në takime, por për herë të parë kam komunikuar me 1 milionë e 700 mijë shqiptarë me mesazhe, me telefonata, me e-mail. Atyre të gjithëve dua t’i shpreh mirënjohje për kohën që më kushtuan, mirënjohjen më të madhe atyre qindra mijërave që i’u përgjigjën mesazheve të mia me mendime, me mbështetje, me inkurajime. Kurrë ndonjëherë ne së bashku nuk kemi pasur një komunikim kaq njerëzor, kaq intim dhe kaq të bukur sa në këtë fushatë.

Qytetare dhe qytetarë të Tiranës,

Sot nga ky shesh dua t’i drejtoj një apel mbarë Shqiptarëve; të bashkohemi së bashku në ëndrrën tonë evropiane, të bashkohemi se ëndrra jonë i pranon të gjithë, se ëndrra jonë i fton të gjithë, se ëndrra jonë i mirëpret të gjithë. Projekti i Shqipërisë evropiane është projekti më i bukur, më madhështor i të ardhmes që meritojmë.

Qytetare dhe qytetarë të Tiranës,

Çdo burrë, çdo grua, çdo i ri, çdo e re, çdo i moshuar që bën një projekt ka aty një ëndërr dhe ëndrrën e bëjnë realitet vetëm ata që e besojnë atë. Ne jemi burrat dhe gratë, të rinjtë dhe të rejat që i besojmë Evropës, do ta bëjmë Shqipërinë evropiane. Ne jemi ata që në katër vjet ia dolëm t’i faktojmë mbarë shqiptarëve dhe botës se ëndrrat tona dimë t’i bëjmë realitet. Sot mblidhemi në këtë shesh si qytetarë të një vendi anëtar të NATO-s. Ne ëndrrën euroatlantike e bëmë realitet. Ne së bashku ëndërruam Kosovën e lirë dhe të pavarur. Kosova është sot e pavarur dhe ëndrra jonë u bë realitet. Ne së bashku ëndërruam bashkimin e kombit tonë, ne shembëm malet dhe bashkuam kombin. Ne dimë t’i shndërrojmë ëndrrat në realitet.

Katër vite më parë dyert e Shqipërisë për integrimin në Evropë po mbylleshin çdo ditë e më shumë nga muret e krimit dhe të korrupsionit. Ne arrestuam me qindra banda, shembën sistemin kleptokracisë, qeveria u njoh si kampione në luftën kundër korrupsionit dhe fituam. Lajmet dhe kronika të zeza që katër vjet më parë mbushin mediat evropiane dhe botërore për Shqipërinë, ne i rrëzuam ato me vlerësimin e Shqipërisë si vendi me rritjen më të lartë ekonomike në Evropë, si vendi që renditet i dyti në botë për klimën e biznesit, si vendi që dyfishoi rrogat dhe pensionet për qindra mijëra qytetarë shqiptarë, që punësoi mbi 80 mijë qytetarë dhe nxori nga varfëria 400 mijë të tjerë, si vendi që ndërtoi 6 000 kilometra rrugë dhe që me korridorin e kombit i faktoi shqiptarëve dhe botës se ky komb, se ky vend ka gjithë potencialin për të bërë të pamundurën të mundur.

Ndaj dhe sot le t’i ftojmë të gjithë shqiptarët të bashkohemi për të bërë realitet ëndrrën tjetër më të bukurën e shqiptarëve që nga rilindja kombëtare deri më sot, Shqipërinë Zonjë mes kombeve të Evropës. Të bashkohemi për të ndërtuar së bashku në Shqipëri sistemin modern rrugor, akset e shkurta, boshtin e jugut, rrugën e Arbrit dhe të gjitha rrugët e tjera të mëdha. Të vazhdojmë projektin tonë evropian, të punësojmë në katër vjet 160 mijë qytetarë shqiptarë, në parqe industriale, në fabrika, në uzina, në qindra e qindra hidrocentrale dhe vepra të tjera, në resorte magjepse turistike të brigjeve dhe maleve tona. Të bashkohemi në mënyrë që ne të vazhdojmë rrugën që nisëm, rrugën e demokracisë që nga vendi me rrogat dhe pensione më të ulëta se në Korenë e Veriut, të parakalojmë gjashtë vende anëtare të Bashkimit Evropian.

Unë ju jap ju fjalën se sa herë të votoni, rrogat dhe pensionet tuaja do të rriten gjithnjë e më shumë. Të bashkohemi për t’i dhënë përgjigjen më të shkëlqyer problemeve të pronave dhe reformës së pronësisë. Pronarë shqiptarë, mos harroni kurrë se me ne u kthye prona, se ne bëjmë avokatinë tuaj, se ne bëmë pronarë mbi 8 qind mijë familje shqiptare, se ne qëndrojmë deri në momentin e fundit për t’i dhënë zgjidhjen më të shkëlqyer ligjore pronave tuaja. Ne do të përfundojmë në afatin dhe kohë legalizimet dhe kompletojmë e reformën e pronësisë. Fermerët shqiptarë, të të gjitha bindjeve, bashkohuni me ne, sepse ne qëndrojmë prapa jush, respektojmë dhe frymëzohemi nga djersa dhe krahët tuaja. Ne do të bëjmë që fermat tuaja të konkurrojnë me sukses me fermat evropiane. Premtimi ynë është për të barazuar pensionet tuaja sa ato në qytet, premtimi im është financim për çdo projekt tuajin, premtimi im është subvencionim i naftës dhe inputeve për sipërfaqe të mbjellë, 24 orë ujë për të gjithë familjet shqiptare. Fshatrat e të gjithë Shqipërisë në katër vjet do të llamburitin si lagjet e qyteteve tona.

Qytetare dhe qytetarë të Shqipërisë,

Le të bashkohemi ne me besimin e thellë se forca transformuese e lirisë do të na çojë ne drejt atij horizonti që ne sot nuk kapim dot me sy.

Të reja dhe të rinj shqiptarë,

Jeni ju që moshatarët e NATO-S, ju që s’njohët kurrë trysninë e diktaturës, nuk njohën ndonjëherë pasojat e tmerrshme të izolimit, skllavërinë e varfërisë dhe mjerimit, votoni, bashkohuni me ne. Ju jap ju fjalën për shkollim evropian dhe moshën dixhitale për ju. Secili prej jush do të ketë internetin dhe kompjuterin, sepse vetëm kështu Shqipëria do të kapë moshën tuaj të bukur.

Zoti President, Miku im i madh,

Është nder për mua dhe gjithë shqiptarët që në rast se ju u shprehët për këto ndryshime, dua të theksoj se parimet dhe vlerat që Partitë Popullore Evropiane ndajnë dhe besojnë, qëndrojmë në themel të tyre. Ne jemi frymëzuar nga ju, jemi mbështetur nga ju. Ju dhe mbarë partitë simotra kanë mirënjohjen tonë të thellë.

Ju uroj nga zemra e mbarë qytetarëve të Tiranës dhe Shqipërisë, sepse ne me vlerat që ndajmë si parti e qendrës së djathtë, me parimet e saj, do të bëjmë çdo reformë, do të marrim çdo vendim, do të bëjmë çdo përpjekje derisa në atë flamur krenar me yje, të shkëlqejë dhe ylli i shqiptarëve.

Më 28 qershor askush nuk humbet, do të fitojë çdo shqiptar, do të fitojë Shqipëria. Votoni si qytetarë të lirë, votoni për projektin tonë evropian. Votoni 10-ën, 10-a jeni ju, 10-a janë fëmijët tuaj të mrekullueshëm, 10-a është ideali juaj evropian, 10-ë është kryeqyteti ynë madhështor, 10-ë është Shqipëria blu, është Evropa blu që po pret me padurim fitoren tonë.

Rroftë Tirana!

Zoti ju bekoftë ju!

Zoti e bekoftë Shqipërinë, flamurin dhe fitoren e saj!

Rroftë Shqipëria!”

26/06/2009
http://km.gov.al/?fq=brenda&m=news&lid=11390

[morrison]

Po te iki Sala nga kryetar i PD atere ta jap te garantume qe PD e ke ne pushtet dhe per 20 vjet te tjera.....

[proscriptor]

Vallaj keto kater vjet, vec zhvillimit te infrastruktures, duhet te mendoje dhe ke te lere pas kryetar me vizion qe PD te konsolidohet dhe ti japim duret komunizmit qe ngeli duke na terheq drejt Azise e Afrikes. Ne sondazhet e diteve te fundit rinia ishte masivisht me PD, dhe kjo eshte shenja me e mire per zhvillim te PD-se.

PS t'i leje skenen LSI-se a nai force te majte jokomuniste, se nuk mundet ne vitin 2013 te vazhdoje te ekzistoje si force politike kalbesia e kuqe, dhe te shpife kunder Shqiperise, sic ka bere gjate gjithe historise se vet.