Poezi Islame

[biligoa]

Nënës sime

Nga krijesat më të nderuara
Janë edhe nënat e bekuara,
Në Kur'an ato janë urdhëruar
Fëmijët e tyre për t'i edukuar.

Ne si fëmijë jemi të obliguar
Nënat tona pë t'i rrespektuar
Nëse ne ato nuk i rrespektojm
Xhennetin nuk do ta fitojme.

Falë Allahut që nënën time e udhëzoi
Që kujdesin më të madh ajo ma kushtoi,
Sepse me mund më rriti dhe më edukoi
Në Medrese me kënaqësi ajo më dërgoi

Çdo natë pa gjumë asaj i ka kaluar
Për mua duke u kujdesur dhe gajluar
Çdo ditë duke u merzitë dhe derdh lot
Sepse pa mua nuk rrinte vetëm dot

Allahun pandërprerë duke e kujtuar
Duatë në çdo kohë duke ia dërguar,
Prej Atij nje kerkesë duke e kerkuar
Se evladin Atij amanet ia ka dorëzuar.

Në Medrese unë shumëçka mësova
Vlerën e nënës më shumë e kuptova,
Jetën e ndryshova, Atij iu Drejtova
Hifzin e Kur'anit në medrese e fillova.

Eh, një kohë e gjatë ka kaluar
Hifzin jamë duke e përfunduar,
Dëshirën e prinderve po e plotesoj
Kënaqesinë e Allahut dua që ta fitoj

Allahun unë shumë e falëndëroj
Që në këtë rrugë mua më udhëzoi,
Sepse çdo të mire Ai më mësoi
Hifzin e Kur'anit mua ma mundesoi.

Prandaj i lutem Atij duke qarë me lot
Që ta mëshiroi nënën time në atë botë,
Neve na bashkoft Allahu në Ahiret
Duke na shperblyer me Xhennet.

Samir ABAZIBRA
"Instituti I Hifzit" Gjakovë

[biligoa]

Zeri i rinisë

Ma hiqni barrën mbi supe me të ëmbëlin zë
Më ndillni revoltën ndaj kohës që vret
Ngrihuni më ndiqni e mos pritni më
Ngrihuni se s'ka më të mjerë se ai që pret

Ejani në një këngë një besë e një fjalë
T'ia themi bashk e ta dridhim malin me të
Të ngrihemi e zbresim me shpejtë e ngadalë
Ejani pas meje ejani,e mos rrini më!

Pse zbrapseni nga jeta,pse rrini të fjetur
Mos e vdisni veten,zgjohuni,bashkohuni
Se doni mirësinë apo s'jeni etur
Luftojeni të kotën,vriteni,krenohuni!

Argjend Xhelili

[biligoa]

Kam Ashk për Ty, ja All-llah!

Ohh…, ç’mu dogj ky shpirt flake…
për të Madhin Zot!
Nurin e Tij e dua pranë…,
e të tretem në lot…!
Ky ashk i madh që kam në zemër…,
më shkrinë të tërin,këmbë e kokë!
Të lutem Zot, për të Bukurin Emër!
Mos më lër gjatë të vuaj në këtë tokë!
Merrmë pranë Vetes, me Ashkin Tënd më shtrëngo!
Më krijove nga dashuria,me dashuri më mbulo!
Të bredh akoma në këtë tokë,
i përlyer, i zhytur e i mbytur në mëkate,
jo Zot, jo! Të lutem mos lejo!
Se tokë e qiell të bëhen bashkë,
s’di në I afrohen mëkatit tim…
por zemra ime,veç për Ty ka ashk,
edhe pse rreh në krahërorin tim!
Mjaftë u mundova, dashtë e pa dashtë,
që ta mbuloj këtë zemër,
t’a zhyt e t’a ndryshkë në mekat…!
Pa më thuaj të lutëm o I Madhi Zot,
vendi ku bie Shikimi Yt, a thua vallë ndryshket dot?!
Se Fjala e Pastërt dhe e Lartë, prej aty potë dalë
Tokë e Qiej I heq zvarrë e drejt Teje marshon!
E zemra shpirtin, o I Madhi Zot,
në vaj e dehje për Ty e fton…!
Për Ty e bëri të rahurën e parë,
për Ty edhe do t’a ndalon!
Pa më thuaj, ja All-llah,
që jam i zhytur në mëkat
nuk kam të drejtë Të të dua?
I përgjërohem Madhërisë Tënde të Lartë:
A s’vlejnë edhe për mua Sifatet e Tua?
Që Je Gaffar e Afuë, Kerijm, Rrahman e Rrahijm,
unë nuk dyshoj aspak!
Ndaj me bindje të plotë po them:
Dashurinë ndaj Teje e kam hak…!

Dritan Skenderi

[biligoa]

Aprililili – Dita e rrenave

poezi-islame.net

" Aprililili " është dita kur muslimanët u mundën
Ishte kështjella e Granadës, qëndresa e fundit që e humbën
800 vite muslimanët Spanjën e sunduan
Punuan me Islam dhe atë e lulëzuan

Kordova ishte vatër e diturisë
Pallati el-Hambra qe vepër e mjeshtrisë
Deshti vullneti i Zotit që kjo ende të jetojë
Që anekënd botës emri musliman të jehojë

Kur të krishterët e morrën atë në dorë
E shkatërruan të tërën ata mizorë
Nga arti Islam mbetën vetëm pak gjurmë të pashlyera
Xhamia e Kordovës, pallati el-Hambra, vepra të shkëlqyera

Gjithçka tjetër u fshi nga faqja e tokës
Andaj aprililili kujtohet sot anembanë botës
Shumica nuk e dinë dhe s'kanë njohuri
Por prapë gënjejnë, qoftë ai i vjetër apo i ri

Këmbët në tokë, një qime në flokë
Lloj-lloj rrenash, gënjeshtra me bollëk
Aprililili u afrua, a do të gënjesh?
Ke frikë Zotin, se do të dënohesh

Rrena i ka këmbët e shkurtëra, ka thënë mileti
Gënjeshtra është nëna e të këqijave, ka thënë profeti
Puno sipas dy traditave, fare nuk prish punë
Mos e shiko kalendarin s'e nuk i bie ditë e shtunë

Lutuni që të mos na ndodhë ndonjë fatkeqësi
Siç bëri vaki tek muslimanët bash për aprililili
Zot, ti je Falës, e do faljen, andaj na fal neve
Mos na dëno sikur të tjerët që i dënove

Na forco në Islam dhe na mbush zemrat me besim
Ti je Një, u bëftë Vullneti Yt e jo vullneti im. AMIN

Besmir ( Mexhid ) YVEJSI
Prishtinë, 31.03.2009

[biligoa]

Vajzës me shami

Mbretëreshë moj mbretëreshë
Shikim ulur, seç ecën me modesti
Krenare, me vello mbi supe lëshuar
Dritë e nur në fytyrë, të gjithë të kanë zili.

Robëreshë moj robëreshë e Krijuesit të Vetëm je ti
Keni mbërritur ndonjëherë në maje të maleve ?!
Mbulesa, ndjesia më e ëmbël e përjetuar ndonjëherë...
Le të na falin, se kjo nuk shpjegohet, motër ketë ti e di.

Me çka do që të përballesh, qëndro e fortë tani !
Ruaje atë qetësi, mos lejo të trazojë asgjë, asnjeri !
Edhe nëse e gjithë bota kundër të jetë
Do të mjaftojë Allahu ty.


Burbuqe Rexha
04.04.2009

[biligoa]

Në Gazë

Në Gazë

Yjet shndrrisin si në qiellin e shtatë,
Bukuritë fshehen si në zaman,
Era e lehtë e dashurisë,
E fton xhemmatin e Islamisë në adhurim...

Në Gazë

Bashkohen qiejt e toka puçitet,
Miliarda zemra veniten,
Të nënshtruara ndaj Allahut,
Presin Ditën e Llogarisë...

Në Gazë

Jehon zëri i Islamisë,
E gjithë bota në shpëtim,
Aty ku humbëm,
Prej aty do fillojmë...

Hamdi Nuhiju

[biligoa]

Të ngrihet një zë!

Një zë sot,një zë,ngado le të thërras
Ta çaj qiellin më dysh edhe lart të ngrihet
Të fryhet mëria,zemrën ta pëlcas
Zemrën e jehudit që si zemër njihet
Pa prite o,prite,këtë fjalë me shpatë
Si preve e ngrive fëmijtë o mizorë
Tu verbofshin sytë,dita tu bëftë natë!
Tu shkurtofshin kokë e këmbë e dorë!
Ehu ç'u ngrit tirani dhe humbi ndjesitë
Vrau,preu,ngriu jetëra fëmije
Po ti o botë qorre pse po i mbyll sytë
Ngrihe zërin kundër kësaj barbarie
Po s'do tjetër Palestina,veç lirisë
Në katër anë të gjëmoj ezani lart në qiell
T'i shoh qartë yje,hanë edhe diell
Mos ja vritni kaltërsinë në fëmijëri!
Edhe sot këtë tokë e bekoftë Zoti
E bekoftë ta duam se e deshën moti
Të ngrihen vëllezërit nga janë nëpër botë
Ta mbrojmë tokën tonë,mos ta humbim sotë...

Argjend Xhelili

[biligoa]

Pejgamberit tim,alejhi selam

Sikur të mundja të të afrohesha njëherë,
Do të ndjehesha si më i lumturi!
Shumë do të isha i falënderuar,përherë.
Do të kënaqesha së të kujtuari.

Sikur të mundsha të të shihja njëherë!
Të verbohesha pas atij shqimi,do’t doja.
Fytyrën tënde ta mbaja në kujtesë,përherë.
Asaj bukurie,itate madhështore t’i bëja!

Nder për mua do të ishte shumë,
Po t’ma thoje edhe një të vetme fjalë.
Në jetë t’më gurgullonte porsi një lum.
Me të të shuaja të madhin mall!

O ylli i bukur i bukurisë së Madhështorit,
Shtatë herë më urove,me Uratën tënde.
Dhe sa herë të tjera iu lute Mëshirëplotit!
T’më shihje mua,edhe ti e pate ëndje!

Mehas Alija

[biligoa]

Emri tjetër

Tërheq zvarrë kufomën time
Si Kain në një sfidë krenarie me shpezët
Trupin tim të blatuar
Për të ushqyer të vegjlit e mi

Ngjallem
Për të rindjerë dhimbjet e gjilpërta
Që vdekja m’i humb në tkurrjen e pluhurt të plazmës
Dhimbjet që më janë shenja jete

Ngjallem nga hiri im
Prej xhelozie të zogjve të mi
I dua të pagabueshëm
Shtegtarët e rinj të qiellit
Mbi retë shtroj dafina – eshtrat e mia
Me vdekjen time të pakëputur
Shtëpinë e lumturisë t’ju dëftej

Fshikulloj lëkurën time të bulëzuar
Nga avuj të pazakontë gënjeshtrash
Zakonesh të mbrapshta grabitqarësh
Që bëjnë ushqim zogjtë e tyre

Tërhiqem gjer në klithmë
Si një flok i padëshiruar
Mes rrënjës së fortë
Dhe duarsh të pashpresa

Dergjem i lumtur mes barishtesh
Në folenë e re të zogjve
Që sot e ndërtojnë vetë
Për të imituar fatin tim

Vehap S.Kola

[biligoa]

A nuk ju shohin sytë

Vijnë pëllumbat
Me Dashurinë e Madhe
Bartur mbi vetulla
Hë,thoni se nuk u ha hije
Urë i bëhen mes kësaj dhe asaj
Për të kaluar brezat
Shpirtrat e këndellur n’respekt
Themel i bëhen gjaqet e kryet
A nuk ju shohin sytë

Mehas Alija