Poezi Islame

[biligoa]

Ju lutem, o të dashurit tanë!

Prindër të dashur
Allahu ju mëshiroftë ,
Ai ju begatoftë me devotshmëri,
Ju shpërbleft me mirësi.
o prindërit tanë,
o nënat dhe baballarët tanë na edukoni,
si na meson Kur’ani famëlart,
mos na lini të vetmuar në zgjedhje,
se do larejm rrugëve ,
duke humbur rastin e shpëtimit tone.
O të dashurit tanë,
nuk jua kërkojmë pasurinë trashëgimi,
o prindërit tanë na mësoni islamin,
fënë e shpëtimit,
na mësoni Kur’anin,
librin e udhëzimit.
Do ju kisha lutur diçka..
Mund t’ju pyes?
A doni ti shihni fëmijët tuaj të shpëtuar?
Padyshim do thoni po,po,po.
Atëher në zemrat e tyre mbjelleni islamin,
në shpirtin e tyre zgjeroni imanin,
po të isha prindër nuk kujtohesha të shkruaja,
po jam I ri dhe këtë gjë desha t’jua kujtoj.
Me pak fjalë ndoshta po flas,
Por me shumë mall po ju thërras.
Nuk do më hiqej malli,
po që nuk do shoh shokët e mi,
duke shkuar në xhami,
duke mare abdes në shadërvanin e xhamisë,
ku rrezon dielli,
ku për ç’do pike uji shpërblen i madhi Zot!
Ju lutem o të dashurit tanë!

Ilir SALII

[biligoa]

Kanë hapur krahët

Në karavanin e thirrjes
Për të pranuar njeriun e mëshirës,
Nga i Mëshirshmi Allah,
Përmes Engjullit Xhibril...

Kur qiejt u puthën me tokën,
E kodrat nuk pranuan emanetin,
Në errësirën e mbrëmjes,
Zbriti drita e Krijuesit tim..

Kanë hapur krahët,
Engjujt për ta pranuar Resulullahun,
Si bartës të mesazhit,
Nga errësirat e shumta në dritën e vetme...

Hamdi Nuhiju

[biligoa]

Pyes veten...

Shfletoj libra pa ndal'
Dhe ulem e mundohem me mall'
Mendoj për jetën që jetove ti
Për ata që të bënin shoqëri.
Nga e tërë ajo që unë lexova,
Me të vërtetë u pikëllova.
Krijesë më e ndershme
Nuk shkeli mbi këtë dhe,
Njeri më bujar,
Historia nuk njeh!
Me sinqeritet e flisje çdo fjalë
Me vullnet të zjarrtë thirrje në Islam,
Edhepse armiqtë asnjëherë
Të qetë s'të lanë.
Nuk frikoheshe fare,
Jepje çdo gjë për Islam,
E pyes veten: vallë, unë ku jam?
Vallë, çfarë dhashë unë për Islam,
Veprat e mia, a thua ku janë?
Mos vallë gjatë historisë u shuan,
Por, jo – ato kurrë nuk ekzistuan!

Sadete SULIMANI

[biligoa]

Pikëllim

U ndjeva e pikëlluar
Në këtë vend të huaj
Për ta larguar këtë mërzi,
Dola tek parku që të rri.

Sa shumë njerëz aty kishte,
Vendi i mbushur shumë ishte
Në një anë pleqtë kuvendonin,
Nga ana tjetër rinia jehonin.

Pyetje të shumta në kokën time,
Mendime të thella që s'kanë mbarim.
Para meje shfaqet një fëmijë,
Që qan e e kërkon prindin.

E shikoj, e e shikoj,
Lotët e tij s'munda t'i duroj,
Sapo desha t'i ndihmoj,
Erdhi prindi i tij,
Gjë që më ndaloj...

Fëmija kërkonte diçka,
Pyetesha se vallë çka i ka humbur,
Mendova se qaforja e tij,
Por ky ishte vetëm mendimi im.

Misteri i përgjigjes mua po më vret,
Çfarë kërkon ky fëmijë,
E s'mundet me gjet...!?

Gjurmonin me prindin
Në kopshtin e gjelbëruar,
Kur pashë prindi i tij,
Po vinte me një gjë në duar!

Çfarë ishte ajo?
A ishte qafore; dua ta shoh!
Gjëja që ata kishin kërkuar,
Ishte aparati i fëmijës,
Që e përdorte për të dëgjuar!

Sadete SULIMANI

[biligoa]

Pa mase dhuron

Kur pranvera hyn mes dyerve të qytetit
Lulëzimi i butë zgjohet si shpresë e re
Atëherë çdo natë lulevjollce ju ofrojë
E nga ju një buzëqeshje të ëmbël kërkoj

Në çdo anë era e ëmbël shkëlqen
Athua për ju paraja më shumë vlenë
Më shumë se lulevjollca me fatin në jetë
Që unë ua solla në këtë qytet

Çdo ditë jetojnë me erë e freski
Bëje edhe ti rend në shtëpi
Pesë here në ditë ujite që të jetojë
Se shumë pak kërkonë e pa masë dhuron.

Adnan Ameti

[biligoa]

Allahu është i Vetmi Krijues

Mëngjesi ishte i ndritur,
Por sa hapa sytë pashë
Para fjalët e dëgjuara mbrëmë.
U zgjova si trishtuar duke menduar,
Kalova rrugë e më në fund arrita në cakun,
Në një vend me gjelbërim,
Kishte shumë pemë, në pemë kishte gjethe,
Nga gjethet ushqeheshin shtazët,
Kurse shtazën jepnin lëndën ushqyese,
Duke menduar pyeta:
A nuk është Allahu i Plotfuqishëm?
A nuk është Allahi Ai i cili bëri
Që këtë drunjë të japin gjethet,
Nga gjethet të ushqehen shtazët?
Sigurisht që është Sundues,
Krijues i gjithësisë.
Allahu është Ai i Cili na dërgoi Pejgamber,
Pejgamberët na e mësuan fenë e ndritur – Islamin.
Ai është Krijues që çdo gjë ka krijuar,
Ai është Ndihmues që gjithkënd ndihmon,
Ai është Caktuesi i Ditës kur do përshëndetemi nga kjo botë.
Vëtëm Allahu është Krijues.
Ai ne na udhëzon,
Ai ne çdo të mirë na dhuron,
Ai padyshim është krijues i gjithësisë,
Krijues i kodrave, i çdo bukurie natyrore.
O ti që nuk beson në madhështinë e Allahut,
Unë e di të vërtetën ta kumtoj nëse do-
Dije se Allahu është i Vetëm – Ai nuk i përngjet askujt,
E askush nuk i përngjet Atij!
Kumtimi i shkurtër ka vlerën e shpëtimit,
E pas shpëtimit vjen rehatia,
Në këtë botë dhe në botën tjeter.
O Allah padyshim Ti je Krijues i çdo gjëje!

Ilir SALII

[biligoa]

Kujto...

Për ku je nis oj motra ime dashur..

Ulu dhe medito rreth qenies tënde


Mos vallë, të solli ndonjë valë e detit

Apo, rastësisht në mesin e njerëzve ndodhe


Nga erdhe, dhe ku po shkon,


Të lutem, më dëgjo, dhe mos më thuaj, mjaft!


A e din se, ka kohë te gjatë, që për ty mendoj

Për ty lutem, çdoherë që kokën në sexhde vendoj


Mos motra ime, trupin tënd gjithkujt mos ia zbulo


Se bukurinë e ke dhunti prej Zotit, mos e nënçmo


Kujtoi dhe dhuntitë tjera, dhe mendjen e shëndoshë


Thuaj o Zot i gjithësisë, veç ty të falënderoj


Pendimi për ty, asnjëherë nuk është vonë.


E di që ndjehesh fajtore për atë që po bën


Po djalli i mallkuar, veprat po t'i zbukuron


Ruaje veten tënde vetëm për një person

Se të humbet vlera, mbetesh për askënd


Bëhu e fort, e largohu nga ai zakon

se me vepra të tilla asgjë nuk fiton


përveç zjarrit te xhehenemit, që dhimbshëm dënon.


Mos i mbyll sytë para realitetit


e më pas të thuash paskam vepruar si të verbëtit


Le të jetë për ty nesër një ditë, e botës së re


duke i thënë lamtumirë jetës pa fe


ke për t'i sjell vetes lumturi


kënaqësia e të cilës nuk ka kufi


pendohu sa më shpejt, se vdekja nuk garanton


ajo nuk ka mëshirë, dhe hallin nuk ta qan


Në momentin e vdekjes për ndihmë kë do ta kërkosh?!


Allahun e madhëruar apo ata që të shfrytëzuan?!


Fjalë arsye nuk të mbeten të më thuash


zgjatma dorën dhe eja me mua


drejt rrugës së Zotit tënd, që të gjithëve na ka krijuar




edhe zbukuruar...






Autorimu Hamza

[biligoa]

Më thuaj!

Shikon, lexon
E nuk flet.
Më duket ishe diku më parë,
Më thuaj rri në karar,
Më thuaj,
Pse humb diturinë
Duke solloitur si i huaj,
Më thuaj pse humb veten,
Pse le diturinë të ta mbulojë pluhuri
Në mendjen tënde,
Ringjallu në mendje dhe fillo,
Shprehe atë pasuri që posedon,
Më thuaj ende don të rrish në karar?
Të gjithë thonë se heshtja është ar për...
Por jo për ata që janë akil.
Frigë, ankth,
Emocione-ndien edhe për një fjalë,
Fjalë që nxjerr nga goja,
Apo duke e artikuluar në proceset e shpejta
Edhe një fonem të vetme.
Më thuaj,
Kumbise kokën dhe fillo,
Fillo të mendosh për këtë
Mu përgjigj:
Dituria është ar,
Po nëse nuk e përpunojmë, asaj i humb vlera.
Vallë, këtë që di ti për kur po e ruan?
O ti njeri që Allahu ta dha diturinë,
Konsumo nga ai ushqim frytdhënës,
Gabim e kisha që në fillim po them me vete,
Duke lexuar këtë poezi që më fishkëlleu thellë,
Në trurin tim si një sirenë.
Sirenë më të embël nuk kisha dëgjuar,
Në gjithë jetën time që kur linda.
Më përshpëriti fort sa më fryu në fytyrë,
Për të më zgjuar nga gjumi i trubulluar,
Nga pluhuri që ma mbuloi mendjen.
Kjo dritë që shoh po më ndrit syrin,
Nga malli që paska për të...

Ilir SALII

[biligoa]

Bindem

Bindem për fuqinë tënde, o Allah!
Me zemrën time të besoj,
Je krijuesi i çdo gjëje
Andaj ty të madhëroj.

Të madhëroj dhe dëshmoj, Allah!
Përveç Teje tjetër Zot nuk ka.
Ti je Zoti i vetmi qellim,
Për këtë kam ardhur në dynja.

Shikoj botën që më rrethon,
Për Allahun çdo gjë pohon
është i Gjallë e Kreator,
Krejt gjithësia këtë e dëshmon.

Ç'është shpirti pa besim?
Ç'është një trup pa adhurim?
Si rri mendja pa kujtuar,
Për Allahun që e ka krijuar?

Albulena BAJRAMI

[biligoa]

Për Krijuesin...!

Sa bukur është të jetosh...,
për Krijuesin e bukurisë!
Sa bukur është të buzëqeshësh...,
për Krijuesin e lumturisë!
Sa bukur është të flijosh...,
për Krijuesin e njerëzisë!
Sa bukur është të mos kesh punë,
që s’është vetëm për Të!
Sa bukur është të ngritesh tek Ai...,
Vetëm për Të...!

Semra HALILI