Kodra e Trimave me Xhami të re

[Vista]

Banorët e Kodrës së Trimave që nga nesër do të kenë mundësinë ti kryejnë adhurimet e tyre në xhaminë e re.


E enjte, 25 Qershor 2009 14:08

Xhamia e re e filluar në Pranverë të 2008-ës tanimë është në fazën e fundit të punimeve.

Nesër pritet të falët xhumaja e parë, që do të jetë edhe koha e hapjes jo-zyrtare të kësaj xhamie.

Xhamia është punuar me stil ballkanik të xhamisë por është dekoruar me kaligrafi Islame për dallim nga shumë xhami tjera të Kosovës.

Xhamia e re e Kodrës së Trimave është një objekt i madh që pritet të akomodojë një numër të madh të adhuruesve Islam, të cilët deri tani kanë kryer adhurimet në një shtëpi të lëshuar nga një prej banorëve aty për vite me radhë.



Xhamia është ndërtuar mu afër shkollës fillore "Zenel Hajdini" në pjesën më të populluar në Prishtinë.



"Mezi presim ta bëjmë hapjen e xhamisë", thonë disa të rinj që banojnë aty afër.



Xhumaja e nesërme do të jetë një ditë më shumë gëzim për banorët e kësaj ane, dhe pritet që pas faljes së namazit të behët një program mikpritës për pjesëmarrësit./mesazhi.com



Video incizim nga punimet e kaligrafistit Blerim Frangut në xhaminë e re

[Vista]

Shum xhami e bukur , dhasht Zoti qe Prishtina te ket edhe xhami te tjera , sic dihet muslimanet kerkojn xhami te reja , por disa personalitete ateisto-komuniste pengojn ndertimin e xhamive , por do te behen patjeter.

[Vista]

Hapet xhamia e re në Kodrën e Trimave

Gjatë ditës së sotme në Kodrën e Trimave u bë hapja e xhamisë së re ku predikimin e xhumasë e bëri myftiu i Kosovës Naim Tërnava.


E premte, 26 Qershor 2009 17:46

Pas falënderimeve qe shprehu për Zotin fuqiplotë myftiu falënderoi donatoret dhe ata të cilët e përkrahen hapjen e xhamisë

Me tej myftiu vazhdoi e tha :

"Me tërheqjen e forcave Osmane nga Kosova ne 1912 në Kosove dhe në trojet e tjera etnike u bë një gjenocid i pa parë mbi popullatën shqiptare ne veçanti mbi myslimanet."

"Ata për ta thyer moralin e muslinaneve zgjedhën metoda te natyrave te ndryshme, ndërsa me se tepërmi ne shkatërrimin e xhamive."
"Në Shqipërinë tone mbi 98 % e xhamive u rrënuan, te paret tanë ishin ata qe i ndërtuan ndërsa vjen një sistem komunist dhe ateist i cili i shkatërron , dhe shtëpitë e Allahut i shndërrojnë ne teatër, kinema filmi , WC publike etj."

"Me fuqizimin tone nga brenda erdhën ndryshimet ne Shqipëri, Kosovë e Maqedoni , e ne sot jemi duke shtuar numrin e xhamive."
"Ne vëllezër musliman duhet patjetër qe të krijojmë hapësire te mjaftueshme që muslimanet tanë te kenë vend ku ti kryejnë ibadetet ndaj Allahut xh.sh."

Me tej myftiu vazhdoi e tha "se regjimi i Millosheviqit shkatërroi 218 xhami dhe menduan se do ta shkatërrojnë ketë popull edhe fizikisht edhe fetarisht."
"Por sot dhjetë vjet pas luftës kemi riparuar 218 xhami dhe ja kemi dalë te ndërtojmë mbi 300 xhami te reja ne Kosovë. Ne vëllezër te nderuar do ta hijeshojmë Kosovën me ndërtimin e xhamive, shkollave, spitaleve e çerdheve dhe objekteve qe e çojnë përpara ketë shoqëri e kurrsesi ne te kundërtën."

"O ju musliman shikoni se çka po merrni me vete kur ju po varroseni kur ju po kaloni ne boten tjetër, keni frike Allahun gjithnjë".

"Ndërtimi i xhamive është lufte për mbrojtjen e fjalës se Zotit, këtu ne ketë xhami do behet namaz sot e deri ne ditën e kiametit, këtu do mësojnë fëmijët e juaj , fëmijët e fëmijëve tuaj këtu do te marrin edukatën islame këtu do edukohen brezni e brezni deri ne kiamet."
"Lufta e bijve dhe bijave tanë dhe gjaku i shehidëve beri qe me ndihmën e Zotit qe ne sot ti gëzojmë këto xhami "

Me tej myftiu vazhdoi e tha se kur te përfundon namazi i xhumasë , përvishuni punës , mos ja lejoni vetes qe te tjerët te jene me te forte se ju, mos lejoni qe te tjerët te jene me te zotet se ju, si ekonomikisht, në arsim dhe te tjera , por gjithmonë te jeni te paret se kjo është çka kërkon islami për ne vëllezër te nderuar

"Te nderuar vëllezër prej sot kjo xhami po i bashkëngjitet 23 xhamive tjera te Prishtinës dhe gjatë kësaj vere pritet te fillon ndërtimi edhe i tre xhamive të tjera ne Prishtinë" shtoi myftiu Tërnava.

Në xhumanë e sotme në xhami morrën pjesë përmbi 2000 persona, dhe përveç disa anëtarëve të Bashkësisë Islame të Kosovë dhe Shoqatave që kanë ndihmuar në ndërtimin e xhamisë aty rastisi të merr pjesë edhe personi që ka ndërmjetësuar qe shteti afrikan i Senegalit ta njohë Kosovën i cili edhe ua fali namazin e xhumasë xhematit.

mesazhi.com