Aleksandër Meksi: PD nuk i fiton zgjedhjet, votoni "Polin e Lirise"

[toni007]

I rikthehet politikës, kryeministri i parë i Shqipërisë pas rënies së regjitmit komunist. Pas rreth 12 vjet shkeputje nga politika aktive, Aleksandër Meksi ka zgjedhur të pozicionohet tek koalicioni më i ri ai i Polit të Lirë dhe të kandidojë për deputet nën siglën e LZHK-së. Meksi bëri të ditur sot qëllimin pse u fut në politikë

TIRANE-Ish-kryeministri Aleksandër Meksi ka konfirmuar se do të jetë pjesë e koalicionit Polit i Lirisë, konkretisht kandidati për deputet i LZHK. Ish-kreu i qeverisë për vitet 1992-1996, pjesë e strukturave të Partisë Demokratike të tyre viteve pohoi sot për mediat se do të kandidojë për deputet nën siglën e LZHK-së së Dashamir Shehit. Në prononcimin për shtyp Meksi theksoi se do ti rikthehet jetës active politike me qëllimin e vetëm që parlamenti nesër të ketë një parti europiane. “Duke punuar për të patur një Shqipëri Europiane do të kemi një Shqipëri Europiane”, tha Meksi duke shtuar se tani është përqëndruar puna tek reformat konkrete që LZHK do të ndërmarrë në vetvete. “Synojmë që pas zgjedhjeve LZHK të jetë një parti e reformuar”, u shpreh Meksi.

Polit te Lirise është nje koalicion qe permbledh dy partite, PDK,LZHK si dhe disa shoqata te perndjekurve politike dhe te ish-pronareve. Paralajmërimi për Meksin në krye të Polit të Lirisë u bë dje nga kreu I PDK, Ndoka. Kryetari i Partise Demokristiane Nard Ndoka u shpreh dje ne Elbasan se ish-kryeministri, Aleksander Meksi, do te drejtoje grupimin politik "Poli i Lirise".
Aleksandër Meksi ka qënë kryeministri i parë pas përfundimit të regjimit komunist në Shqipëri. Ai drejtoi qeverinë në vitet 1992-1997. Ai ka qënë anëtar i Partisë Demokratike të drejtuar nga Sali Berisha.

Meksi dha doreheqjen ne 11 Mars të vitit 1997 në momentin kur vendi u fut ne nje kaos te pashoq te shkaktuar nga problemet financiare.

[[Perla]]

Ish-Kryeministri i Shqipërisë, Aleksandër Meksi, flet për arsyet e kthimit të tij në politikë, si ka qeverisur PD-ja dhe pse të djathtët duhet të votojnë për Polin e Lirisë.

Meksi: PD-ja nuk realizoi premtimet

"Nuk dua që ata, të cilët s'votojnë për PD-në, për faj të PD-së, vota e tyre të humbë".


Meksi tha se prurja në PD nuk solli asgjë të re. Në PD, sipas tij, duhet të zbatohet parimi i zgjedhjes, dhe jo importimit.


Meksi: Do të jem në Kuvend nëse me votojnë


TIRANË- Për ish-Kryeministrin e Shqipërisë, Aleksandër Meksi, dita e djeshme ka qenë e ngarkuar jo vetëm me takime, por edhe me telefonata. I rikthyer pas 12 vjetësh në politikën aktive, njeriu që drejtoi për 5 vjet qeverinë e demokratëve '92-'97, ka marrë dje shumë urime.

Por, i njohur edhe për batuta, Meksi u ka kërkuar miqve dhe mbështetësve, që e merrnin në telefon, që të mos e urojnë, por ta votojnë më 28 qershor.

Menjëherë pas prezantimit zyrtar si drejtues i Polit të Lirisë, por edhe si kandidat i parë i LZHK-së për deputet në Tiranë, Meksi tregon në një intervistë për "Shekulli"-n se përse u rikthye në politikën e ditës dhe çfarë synon ai dhe kolegët e këtij koalicioni të djathtë.


Z. Meksi, për një periudhe katërvjeçare keni vëzhguar qeverisjen aktuale dhe nuk keni qenë aktivë. Pra, në një farë mënyre, gjatë kësaj periudhe ju keni heshtur. Pse pikërisht tani e thyeni heshtjen?


Unë kam heshtur sipas atij rregulli, që njerëzit nuk kanë dëshirë të flasin jashtë shtëpie për defektet brenda shtëpisë. Unë kam folur për vite me radhë për nevojën për demokratizim, kam kritikuar në mënyrë mjaft të qartë që nuk ka demokraci, kam thënë që po shkërmoqet kjo demokraci.

Nuk dëgjuan. Një rastësi i solli në pushtet kur nuk i morën votat e shumicës së elektoratit. Morën më pak se gjysma. Bënë akrobacira që erdhën në pushtet. Dal pikërisht tani, sepse jam i bindur se nuk e marrin pushtetin sërish dhe nuk dua që ata, të cilët nuk votojnë për PD-në, për faj të PD-së, vota e tyre të humbë, por t'i marrë një forcë tjetër, që është e djathtë, që është pikërisht Poli i Lirisë.

Kjo forcë është krijuar për të grumbulluar të gjithë ata që nuk janë në një mendje, me ata që janë në krye të PD-së, dhe me idenë tjetër që këto vota të mund të përdoren në të mire të demokracisë dhe të rindërtimit të një partie realisht demokratike. Sepse PD nuk quhen ata që janë në godinën e PD-së, ata janë qiraxhinj dhe brenda vijës së verdhë nuk legalizohet nga qiraxhiu i godinës.


Në fakt, z. Meksi, ju keni kërkuar prej vitesh demokratizimin e partisë, ndryshimin e statutit të saj. Ju jeni edhe anëtar i Këshillit Kombëtar të PD-së. Por, tani jeni me LZHK-në. U dorëzuat në fund?


Nuk jam dorëzuar, por luftoj me të vetmen mënyrë që mund të luftohet.


Që është?


Të dalësh në publik, për të marrë votat e atyre që janë në një mendje me mua dhe më kolegët e mi dhe më të gjithë ata që janë pjesë e Polit të Lirisë.


Ju sot paraqitët një platformë. Folët për dëmshpërblimin e ish-të përndjekurve, kompensimin e ish-pronarëve, respektimin e ligjit, të gjithë këto tipare, në fakt, përbëjnë të djathtën. Keni folur gjithashtu për luftën kundër korrupsionit, tezë me të cilën PD-ja zhvilloi fushatën katër vite më parë, apo edhe për pavarësinë e institucioneve të pavarura. Të gjithë këto sa thashë, z. Meksi, nuk janë realizuar këto katër vite?


Unë kam thënë që janë zvarritur. Pra, nuk janë realizuar. Dhe nuk po shohim që të thuhet se si do të realizohen praktikisht dhe përmasat e detyrimit që ka shteti, veçanërisht për ish-të përndjekurit dhe ish-pronarët.

Dimë që ligji për drejtësinë nuk është bërë, që janë bërë ndryshime absurde në Kushtetutë brenda 24 orësh, ku në çdo vend të botës nuk bëhen në këtë mënyrë, e shumë gjëra të tjera që tregojnë se metodat nuk janë as transparente dhe as demokratike. Për këtë arsye unë nuk mund të jem dakord, dhe për të dalë tek ajo që thatë ju në fillim, heshtja ka qenë një formë për të treguar se nuk kam qenë dakord.


Z. Meksi, ku qëndron problemi kryesor i kësaj qeverisjeje dhe i vetë PD-së, tek njerëzit, mënyra e drejtimit...? Ju keni bërë një analizë, besoj, të kësaj qeverisjeje në këto katër vite.

Tek të gjitha bashkë.


Çfarë duhet të ndryshojë në PD?


Të kthehet në një parti të demokratizuar. Kjo do të thotë që, njerëzit të cilët janë aty, janë një minimum që u takojnë përgjegjësitë në PD, nisur nga postet që kanë pasur. Ndërsa të tjerët duhet të zgjidhen dhe jo të katapultohen, aq më tepër të importohen. Duhet të ketë meritokraci.


Në fakt, e keni prekur edhe gjatë fjalës suaj sot, që përfshirja juaj në politikë bëhet për të krijuar një parti evropiane, shtëpi e të gjithë demokratëve dhe antikomunistëve, jo vetëm të një klani dhe rrethit të tyre miqësor dhe klientelist, të bashkuar "pa dallim ideje". Kë keni parasysh? A ka ardhur koha që të flitet me emra konkretë?


Do të shprehem herë tjetër, kur t'i kem të qarta se si i kanë vendet e tjera këto norma dhe do t'i publikoj.


Duket se kemi pasur me shumë ndryshime njerëzish sesa realizime premtimesh, këto katër vite. A është humbur kohë, sipas këndvështrimit tuaj, me pazare karrigesh, gjatë kësaj periudhe?


Ministrat ndryshojnë në gjithë botën, por programi realizohet. Kur me ndryshimin e ministrave ndryshon programi, atëherë është humbje kohe.


Pra, ju mendoni se e djathta jo vetëm që nuk ka përmbushur programin, por edhe ka devijuar nga përmbajtja e saj, këto katër vite?


Tani do të filloj të shoh këto gjëra që ju thoni, për të qenë më aktiv në të ardhmen.
Në fakt ju keni bërë një platformë, çka tregon se keni qenë tepër i vëmendshëm....
Unë kam thënë gjëra që dihen dhe mënyrën e zbatimit të tyre tek ne. Nuk kam thënë atë që thonë ata, por kam thënë atë që thotë e gjithë bota Perëndimore, e qytetëruar dhe jokomuniste.


A duhet të fitojë sërish PD-ja, z. Meksi, me këtë mënyrë qeverisjeje katërvjeçare?


Ketë pyetje duhet t'ia drejtoni elektoratit dhe jo mua, meqenëse jemi në fushatë.


Duke mbetur tek fushata, pse pikërisht me LZHK-në?


Poli i Lirisë është si një alternativë e qendrës së djathtë. Njerëzit që bëjnë pjesë në të, kanë treguar se duan të luftojnë për të djathtën e qendrës. Pra, për realizimin e atyre detyrave që janë të së djathtës.

Pra, vendosja rendit, mbrojtja familjes, realizimi i çështjes së të përndjekurve, pronarëve, që deri më tani po zvarriten, ekonomia e tregut, largimi i klientelizmit, i monopoleve, i evazionit fiskal, që nuk shohim që të bëhen.


Keni qenë prej 10 vitesh deputet dhe prej pesë vitesh Kryeministër. Tani, pas 12 vitesh, do të ktheheni sërish në Kuvend, sepse është thënë që ju jeni i pari në listën e deputetëve të LZHK-së në Tiranë?


Unë do të jem në Kuvend, nëse populli do të na japë votat. Kjo ishte arsyeja se pse ne dolëm sot, për t'u bërë thirrje shqiptarëve, që ndryshimi jemi ne. Votoni për ne!


Para katër vitesh, në PD u propaganduan së tepërmi hapja e dyerve dhe thithja e sa më shumë të rinjve. Në fakt, disa prej tyre, asaj që u quajt KOP, janë sot në qeverisje. A ndryshoi PD-ja me këtë prurje të re?


Për PD-në, solli plus votat e aq vetave sa ishte prurja.


Ju folët sot për alternativë të djathtë. Por nëse PD-ja do të kërkonte koalicion me ju, cili do të ishte qëndrimi juaj?


Jemi shpejt për të folur për çështje të tilla. Jemi ende në hapin e parë.


Çfarë do të bëni nesër, pasnesër e ditët në vijim...? Ku do të përqendroheni?


Do angazhohemi të sistemojmë programin dhe sigurisht do të shfrytëzojmë mediat vizive dhe të shkruara, për të sqaruar njerëzit për idetë tona, për programin tonë dhe, sigurisht, këto parti të veçanta dhe ne bashkërisht, do të kemi kontakte me njerëzit.


Kanë mbetur 2 muaj. A është kohë e mjaftueshme për të kërkuar votat e qytetarëve?


Dy muaj nuk janë shumë, por nuk janë as pak. Nuk kanë filluar fushatën ende partitë e mëdha.


Në fakt, PD-ja ka hyrë në fushatë. Po shohim prerje shiritash, inaugurime rrugësh, premtime për një mandat tjetër. Madje, thonë se kanë bërë shumë këto katër vite. Si ju duken këto deklarata?


Unë do bëja më shumë, them unë, sa herë që do të ballafaqohesha. Dua të sqaroj se, ne do të flasim me shifra konkrete, për gjithçka që lexuat në program.

Kjo është edhe arsyeja që po ecim më avash në këto momente të para. Në të ardhmen ne do të flasim konkretisht se si duhet të realizohen dhe pse duhet të bëhen pikërisht me atë mënyrë, që kemi thënë përmes programit.


Flasim pak për opozitën. Si ju duket politika e re që po lançohet së tepërmi nga Kryetari i opozitës, Edi Rama?

Kur ta shkruajë, do ta lexoj, për të kuptuar së përse e ka fjalën.


Shoh që ju bie shumë celulari. A keni pasur telefonata nga kolegë tuajt në PD, që mbani ende lidhje, deputetë apo edhe më lart për këtë angazhim tuajin?


Nuk besoj të kenë marrë në telefon, por edhe nëse ka ndodhur e kundërta, celulari im ka qenë me defekt dhe nuk jam në gjendje ta kontrolloj.


************************************************** *

Një ditë më parë, Aleksandër Meksi, ish-kryeministri i qeverisë demokratike në vitet 92-96, konfirmoi publikisht se do të jetë pjesë e koalicionit Poli i Lirisë dhe do të dalë në zgjedhje si kandidat i LZHK-së.
Në një konferencë për shtyp, Meksi ka deklaruar se do t'i rikthehet jetës politike për një Shqipëri Europiane dhe është angazhuar se do të punojë për reforma konkrete që do të shpien vendin përpara.
Ai shtoi se është përqendruar puna tek reformat konkrete që LZHK do të ndërmarrë në vetvete, duke synuar që pas zgjedhjeve LZHK të jetë një parti e reformuar.

"Dua të rikrijoj ëndrrën e dhjetorit. Qëllimi ynë është të vendosim të drejtën dhe të mos veprojmë në bazë të klientelizmit dhe nepotizmit", tha ai.
Faktin e pozicionimit të Meksin te Poli i Lirisë e bëri me dije dy ditë më parë kryetari i njërës prej forcave kryesore të këtij grupimi, Partisë Demokristiane, Nard Ndoka, gjatë një takimi elektoral në qytetin e Elbasanit, ku dhe ka prezantuar 14 kandidatët e tij për deputetë në këtë qark. Ndoka ka bërë të ditur gjatë fjalës së tij se Kryeministri i parë i djathtë i pluralizmit në Shqipëri do të do të drejtojë grupimin politik Poli i Lirisë, si dhe do të jetë pika e referimit e të gjithë fushatës elektorale që do të zhvillojë ky grupim në ditët e ardhshme, në kuadër të zgjedhjeve parlamentare të 28 qershorit.

NEVILA PERNDOI

Shekulli online

[[Perla]]

[juanito02]

Poli i lirise doli kunder polit te gerdecit udb e asfalise si edhe per trashegimine e djathte aq shume te perdhosur nga krye i"djathti" Berisha

[Astrit Kosturi]

Aleksandër Meksi: PD nuk i fiton zgjedhjet

[I]Ish-Kryeministri i Shqipërisë, Aleksandër Meksi, flet për arsyet e kthimit të tij në politikë, si ka qeverisur PD-ja dhe pse të djathtët duhet të votojnë për Polin e Lirisë.
Meksi: PD-ja nuk realizoi premtimet
"Nuk dua që ata, të cilët s'votojnë për PD-në, për faj të PD-së, vota e tyre të humbë".
Meksi tha se prurja në PD nuk solli asgjë të re. Në PD, sipas tij, duhet të zbatohet parimi i zgjedhjes, dhe jo importimit........................................ .................................................. ................................

Sa per titullin e temes, do thoja, se nuk e dime, qe PD nuk i fiton zgjedhjet, por NUK DUHET T'I FITOJE ZGJEDHJET!

Se pari, sepse klika qeverisese eshte thjeshte nje klan njerezish te lidhur vetem nga dashuria e madhe per te sunduar dhe per te fitur dhe nuk perfaqeson më PD-ne. Ajo flet ne emer te PD-se dhe vetequhet qeveria e saj, por realisht kjo behet vetem per t'u legjitimuar si e tille. Realisht, më të fyerit, më te tallurit dhe më te neperkemburit jane demokratet. Kam parasysh ketu qe nga themeluesit dhe deri te të gjithe me pas, qe erdhen e kontribuan ne emer te ndjenjave te lirise dhe demokracise se vertete. Që ne fillimet e saj te brishta, tulla e pare ne themelet e demokracise u vu me hile dhe deri me sot, kush ka guxuar te thoje te verteten eshte goditur e persekutuar. Gjate gjithe kesaj periudhe 18 vjeçare ia pane hajrin nje demokracie te tille, vetem servilat, ata te oborrit te lidhur me Berishen, ata te lindurit per te qene vemje e sherbetore primitiv.
Se dyti, PD eshte nje grumbull amorf, ku nuk ka statut, nuk ka regjister antaresh dhe asnje lloje organizimi dhe komunikimi te hapur me antaret e jo më me publikun. Statuti i fundit, eshte ai i kongresit te fundit, qe çfar thuhet ne faqet e para kundershtohet me pas. Eshte statuti, qe ne krye te faqeve shkruhet akoma "projekt" dhe ka qedrim te hapur antidemokratik.
Se treti, ata qe ne opozite punonin me "baronet e krimit", "mamamuthet e korrupsionit", siç i quante Berisha, dhe ndanin parate me ta, sot jane DEMOKRATET me te medhenj dhe ata te korruptuarit jane bere miqte dhe konsulentet e tyre me te mire.
Se katerti, ku jane duart e pastra e çmontimi i korrupsionit, profesionalizmi dhe integriteti moral. Njerez anonimë, skutha, apatike dhe tmerresisht te paafte kane uzurpuar edhe pushtetin edhe partine. Nje parti shtet komplet tjeter, nje krijese e turpshme, qe te keqen e beri 2 fish (vete dhe miqte e tyre, qe quheshin te korruptuar deri dje).
Se pesti, e kane braktisur antaresine, nuk takohem me me te, por vetem skutave dhe pellenjeve me sojin e tyre. Me femijet e shkollave, mesuesit dhe punonjesit e tjere te shtetit.
Mund të numeroj pika pafund, duke permendur qe nga fushata e tanishme, duke marre kartolinen me kemba ure e male te blerta me vete, makuterine e pafre dhe kaosin, paperdjegjshmerine dhe paligjshmerine institucionale qe sundon sot kudo. Eshte emergjente qe PD, duhet te analizoje kete situate absurde: Zyrat e partise te mbyllura qe nga qendra deri ne baze, ku njerezit e tyre u turren drejt ndonje kocke te pushtetit.
Ne keto kushte, hidhen e ulerijne disa njerez qe vazhdojne e perfitojne dhe hiqen si demokrate te medhenj, teksa na akuzojne se jemi kunder. Realisht, asnje gje nuk u dhimbset ketyre njerezve, sepse edhe neser e gjejne mundesine te jene prap në pushtet, gjithnje me fituesin.
Flas qe nga kjo tribune, sepse mundesite e tjera kane qene te mbyllura Une e kam bere detyren ne vijimesi, por s'jam degjuar sepse nuk kane nevoje per te verteten.
Nese keni nevoje per me konkretisht, beni pyetje dhe tu them te pakten per Qarkun e Elbasanit, me fakte e prova, me emra konkrete. Se si u deformua misioni dhe premtimet e 2005 dhe se si u kap me dashje pushteti.

[baby_bù]

Ky eshte ai miu qe ka qene kryetar parlamenti ne '97 ? lol

Ca ben robi per pushtet, te thuash tiiiiiiiiiiiii u kane ardh mend ketyre, e tani do bejne shtet. Ne parim jane te drejte ca thote Meksi por per fushate ca nuk thuhet. NE kete pol te ri ishin ata qe Berisha zhgenjeu per postet ministrore, meksi po donte te futej prap ne sferen politike se po i jete sheshuar llogarija bankare.

Liderit te PD (ne 18 vjen vetem nje kryetar hehe ) mire ti behet , te ndjerit, me falni, nderuarit sal birisha

Po mire me vlla, do dali ndonje parti me surrate te rinj nga ky i mjer popull ????

[naqeta]

Flet Meksi qe ishte i pari qe themeloi firmat e ndertimit ,pallatet e para ishin te Meksit .
I shkathet djali kur ishte ne insitutin e Historis ,gjith diten rrinte tu lujt domino ,nejse si e ka grun dini gjo ,se e pas te majr......

[prenceedi]

Me kujtohet nje barcalete qe qarkullonte ne kohen qe A.Meksi ish kryeminister.
Vjen per vizite ne shqiperi kryeministri italian dhe ne nje bisede te lire qe kishin kryeministrat pyet Meksi kryeministrin Italian:
-Si ke arritur te behesh i pasur?????
-Po ja -thote kryeministri Italian-bera nje tender per nje segment te autostrades dhe nga 10 m qe duhej te ishte e gjere e bera 9,5 metra
Po ti - pyet italiani Meksin
-edhe une te njejten gje- thote Meksi- me te vetmin ndryshim se une nuk e bera fare rrugen
Dmth edhe keta ketej jashte shqiperise vjedhin por keta tanet te rruajne fare..................

[Jack Watson]

Fiton PD-ja edhe nje mandat.

[[Perla]]

Po si e ka lejuar Sala korrupsionin jo jo nuk na e mbush dot mendjen

Nuk jane bere keto pazare ne kohe te tij se hehe ua kepuste koken ai , siç edhe ua keput sot psh Bashes, Mediut filatin e fistekut