Topi e Moisiu: Ne listat e kandidateve, njerez me te shkuar komuniste

[BlooD_VenoM]

LETËR PA ZARF PËR ISH-PRESIDENTIN ALFRED MOISIU

Nga Rrapo Hajredin Danushi *

Në shumë gazeta të datës 22 Qershor 2009 lexuam deklarimin e ish presidentit z. Alfred Moisiu, dhe konkluzionin e koalicionit të shoqatave për “Parlament të Pastër” të drejtuar prej tij, që na paska analizuar kandidatët për deputetë. Ndër 21 kandidatët e seleksionuar si të papërshtshëm është emri i kandidatit të LZHK Gëzim Boçari. Sqarojmë publikisht zotin Alfred Moisiu, se ai dhe shoqatat që ai po drejton në rastin konkret po bëjnë një lojë tinzare dhe të ndyrë, dhe emri i shoqatave të koalicionit “Parlament të Pastër” po funksionon për të mënjanuar figurat e pastra dhe kombëtare siç është rasti i z. Gëzim Boçari, përfaqësues i Shoqatës “Pronësi me Drejtësi” dhe i shoqatës “Bregdeti”.
Po të analizojmë kriteret që gjoja paska shqyrtuar koalicioni i drejtuar nga z. Moisiu, do të vemë re se edukimi i kandidatëve, përvoja profesionale dhe ajo politike e nxjerrin kandidatin tonë ndër më të zgjedhurit e gjithë kandidatëve. Gëzim Boçari është profesor në Universitetin e Tiranës, në Fakultetin e Mjekësisë , rrjedh nga një familje që ka një emër historik. Mos vallë dikujt nuk i intereson që mbiemri Boçari të mos jetë një nga përfaqësuesit e këtij populli në Kuvendin e Shqipërisë ? Lidhur me eksperiencën dhe punën, personi i pa pëlqyer nga Z. Alfred Moisiu dhe ata që janë pas tij që po përdoren si mashë, sqarojmë se z. Boçari është nga pesonat e dedikuar dhe të përkushtuar që pas vitit 1991 po përpiqet për kthimin e pronës tek i zoti. Në vitin 1999 , me rastin e një vjetorit të Kushtetutës, ka përfaqësuar shoqatën tonë në Venecie (Konferenca për Liritë dhe të Drejtat e Njeriut,
demokracia nëpërmjet ligjit dhe Kushtetuta ) dhe ka protestuar për shkeljen e të drejtës së pronës së trashëguar, për shkeljen e nenit 181 dhe nenit 41 të Kushtetutës. Është ndër të parët pronarë që ka paditur në gjykatën e Strasburgut shtetin Shqiptar , duke fituar dhe duke u dhënë shembullin të gjithë pronarëve se krahas punës së shoqatës edhe Strasburgu është një dritë jeshile për të rifituar pronat e të parëve tanë . Sot z. Gëzim Boçari kandidon me nr 17, për faktin se LZHK pranoi platformën tonë për kthimin e pronës tek i zoti, se pa pronë nuk ka demokraci. Te jeni të sigurte se te gjithë pronarët por edhe votues te tjerë do votojnë për “Pronën tek I zoti” dhe ky është shkaku pse z. Boçari goditet pas krahëve nga koalicioni që kryeson ish-presidenti Moisiu
Deklarata e zotit Moisiu është një politikë e hollë që ndofta vetë Alfredi nuk e ka kuptuar. Por populli e kupton se kjo deklaratë pikërisht një javë para votimeve e botuar në bllok dhe pa arsyetime është mungesë e plotë ndershmërie, transparence dhe keqpërdorim komunist i medias. Unë si kryetar i shoqatës "Pronësi me Drejtësi" me miratim dhe të z. Boçari kërkoj nga që dosja e kandidatit tonë , dosja e Alfred Moisiut dhe e kryetarëve të shoqatave që ai po drejton, të bëhen publike dhe votuaesit të shikojnë e të gjykojnë vetë. Për ju zoti Moisiu do të thoja publikisht që t'ju vujë turp dhe t'ju vijë rëndë nga mosha jote dhe nga posti yt si ish president (GARANTI i KUSHTETUTËS) që nuk bëtë asgjë se Kushtetuta vazhdon të shkelet. Turp që bëni këtë akuzë të pabesë ndaj nesh të shpronësuarve, turp që bëheni vegël e politikës që kërkon të sabotojë demokracinë e vërtetë dhe të zgjasi jetën
e dhunës komuniste mbi pronat tona të marra padrejtësisht nga diktatura. Opozita e vërtetë antikomuniste në Shqipëri jemi ne shoqata e të shpronësuarve, dhe ky është shkaku që disa shqetësohen shumë nga prania e përfaqësuesve tanë në parlament. Nëse ju do të ndiheni të cenuar në sedrën tuaj qytetare për sa më sipër, për të diskutuar këto probleme ju ftojmë në një tryezë debat ballëpërballë në cilindo ekran që ju do të zgjidhni.

* Kryetar i Shoqatës kombëtare të të Shpronësuarve “Pronësi me Drejtësi”
Tel 033 224883)

[Kanan]

E cfare mund te presesh nga ata qe i sherbyen me besnikeri regjimit komunist, si ushtari i bindur gjeneral Alfredua... na del e tani u ben analiza dosjeve te kandidateve
e kush, ai pensionisti i lodhur qe luante domino tere diten... lol

[Albo]

Topi: Kandidatë me dosje në listat e partive,e pafalshme për liderët që i kanë certifikuar

Presidenti Bamir Topi hedh dyshime se në listat e kandidatëve për deputetë ka ish-bashkëpunëtorë të Sigurimit të Shtetit. Në një intervistë në “Top Story” të gazetarit Sokol Balla në “Top Channel”, kreu i shtetit tha se nuk ishte i sigurt, nëse partitë politike i kanë pastruar radhët e tyre nga spiunët.Gjatë kësaj fushate nuk kanë munguar incidentet, thyerje zyrash, djegie flamurësh. Si do t’i komentoni?
Nuk mendoj se janë elementë të qytetarisë, shpresoj që të jenë raste të izoluara, shpresoj të jenë raste të amplifikuara përtej asaj që kanë ndodhur. Shpresoj të jenë raste që mund të konsiderohen të konkluduara. Zgjedhjet e vitit 2009 sikurse është thënë duhet të konsiderohen si festë të demokracisë, pasi ne jemi në mbyllje të tranzicionit, sepse Shqipëria sot është një vend i NATO-s, çka do të thotë që përgjegjësia dhe serioziteti për administrimin e zgjedhjeve duhet të jetë maksimal, por jemi edhe një vend që ka aplikuar për në BE, çka do të thotë se duhet të zbatojmë edhe standardet evropiane.
Si e përjetuat ngjarjen e Qerretit?
E përjetova sikurse çdo njeri, me ndjesi humane. Një ngjarje tragjike që ndodhi në metropolin Tiranë-Durrës, aty ku siguria mendohet të jetë maksimale, ndodhin në një moment kur të gjithë kanë mundësi të ndjekin fushatën nëpërmjet kanaleve televizive, kanë mundësi t’i arsyetojnë në mënyrë të qytetëruar dhe janë ngjarje që nuk i takojnë një vendi, që aspiron që pas pak kohësh të jetë vend anëtar i BE.
Kjo ngjarje nuk i shpëtoi politizimit...
Po sigurisht që do marrë nuancat e veta politike, sepse edhe sfondi në disa raste kur ndodhin incidentet është politik. Mos mendoni se inspirohen thjesht nga lidershipi politik. Kur flasim për një sfond politik kemi parasysh tërë strukturën vertikale që kalon deri te militanti i thjeshtë. Do ishte mirë që fjalimet politike, natyrisht është në vullnetin e çdo lideri politik dhe nuk mendoj se duhet të interferojë, por duhet të jenë të qeta, mesazhe vizionare. Nuk mendoj se gjuha e ashpër është ajo që realizon grumbullimin e votave.
Si e përjetuat politikisht, personalisht apo institucionalisht përjashtimin nga listat e deputetëve të PD të një pjesë emrash, që nuk u përpoqën të fshinin një farë afrie me ju, por që politikisht u përkufizuan si pakicë bllokuese?
Ta fusësh këtë bisedë në këto kanale, do të thotë të më fusësh në një pozicion të retrospektivës sime. Asnjëherë nuk më ka munguar kurajoja për të bërë analizën deri në qelizë të situatës politike, por të futem në këtë lloj bisede, mund të diskutoj për çështje në parim, pa individualizuar persona. Në karrierën time politike kam pasur rastin të njihem nga afër me personalitete të shumta që jo gjithmonë arrijnë të shkojnë deri në fund. Ndoshta e ndërpresin momentalisht karrierën e tyre edhe si pasojë e demonstrimit të një force karakteri. Nuk dëshiroj të merrem në mënyrë analitike me ndonjë rast të veçantë, por është thënë dhe stërthënë që politika është një biznes i vështirë. Politika kërkon maturinë dhe veprimin, edhe kompromisin, por edhe demonstrimin e forcës së karakterit. Janë disa elementë të cilët patjetër duhet të arrijnë në një kombinacion fitues, përndryshe rrezikon ose të mos jesh në sinkron me vendimmarrjen politike të një grupi të caktuar politik, ose presupozon njëlloj nënshtrimi edhe të një vije politike për të cilën ti nuk je i bindur. Kështu që unë respektoj vendimet individuale, sidomos për ata persona që kam admirim dhe kam vlerësimin tim për atë çka unë kam parë te ata. Ju u munduat ta fokusoni në një drejtim, unë mund të them se i kanë të gjitha krahët, edhe e majta, edhe e djathta. Asnjëherë këto vlera nuk mendoj se duhet të shuhen, këto vlera vetëm transformohen. Politika është e tillë që kur njeriu ka motivacionin dhe angazhimin për të vazhduar politikën, mund të gjejë fare mire vendin e vet për t’u ndjerë i lirë në prononcimin e ideve, ku në disa formate politike të ngurta nuk gjen forcën e shprehjes së lirive të veta.
Këto lloj figurash mund të ishin edhe pjesë e stafit të Presidentit?
Unë nuk kam bërë në llogaritjen e stafit, i kam pasur mundësitë pa fund për të zgjedhur dhe nuk i shkoj këtyre koniunkturave për të ekstraktuar këto vlera që dalin, gjithsesi ky treg është i hapur, tentoj që edhe në vazhdim mund të rris kualitetin e stafit që punon për Presidentin.
Si e shikoni faktin që emra “të vjetër”, që kanë pasur kontribut në këto 18 vjet, sot janë jashtë listave?
Është çështje e perceptimit të partive politike. S’do e bëj atë gabim që të futesha në vizion dhe vendimmarrjen e partive respektive në Shqipëri. Ndoshta për të diskutuar gjithmonë parimisht dhe për të mos u keqkuptuar, ka të bëjë me nivelin dhe shkallën e demokracisë së partive në Shqipëri. Unë do ta përmblidhja në këto 2-3 elementë, niveli i demokracisë së partive dhe stadi në të cilin interlokutorët politikë në një parti arrijnë të shprehen. Ndonjëherë krijojnë edhe bezdisje brenda grupeve politike dhe nuk u japin atyre shansin të jenë atraktivë për të vazhduar betejën së bashku.
Raste e tentativa për kontroll apo demagogji ka pasur edhe në krahun tjetër, mjafton të kujtoj ligjin e lustracionit, që edhe atë ju e kontestuat, pavarësisht se e kaluat në heshtje...
Është folur shumë dhe kam qenë një nga ata që kam dëshiruar që kjo çështje të marrë një zgjidhje definitive. Por “s’jam i sigurtë” nëse partitë politike te personat, që kanë katapultuar në garën elektorale i kanë pastruar radhët e tyre nga bashkëpunëtorët e Sigurimit të Shtetit. Kjo është një çështje që ka të bëjë me vullnetin e partive politike dhe kjo vlen më shumë për ata që kanë më shumë informacion.
Ata që janë në qeveri kanë më shumë informacion...
Jo, kanë qenë shumë në qeveri, janë ndërruar vazhdimisht. Kam përshtypjen që palët kryesore kanë informacion. Sot edhe nëse s’ke informacion, nëse je i motivuar që të pastrosh politikën nga bashkëpunëtorët duhet të kërkosh informacion, që mund të jetë konfidencial dhe të bën të parandalosh infektimin e politikës së re parlamentare me njerëz, që vijnë nga radhët e bashkëpunëtorëve të Sigurimit të Shtetit. I gjithë diskursi politik në funksion të pastrimit të ligjit të Lustracionit duhet të jetë kompatibël me vullnetin e brendshëm të çdo lideri politik, ndryshe pastaj, pavarësisht nga pengesat do vijë një ditë që gjithçka do jetë transparente, për cilindo i cili ka qenë dhe është fshehur për t’u bërë pjesë e garës politike. Kurrsesi nuk do t’i barazoja me ata që kanë zgjedhur të kenë fatin e tyre pa u bërë protagonistë në politikë, pa u bërë interpretë të fateve të njerëzve dhe pa u bërë vendimmarrës për fatet e popullit të tyre. Unë i konsideroj fatkëqinj ata që kanë qenë pjesë e infrastrukturës së Sigurimit të Shtetit. Por do t’i gjykoja me nota shumë negative, gati të ashpra ata që kanë qenë pjesë e infrastrukturës së Sigurimit të Shtetit dhe ende sot tentojnë të zhvillojnë garë elektorale në një kohë kur kanë bërë debat, kanë qenë pjesë e një debati të ashpër dhe sot janë me aspiratën për t’u futur në Parlament. Kjo do ishte e pafalshme jo vetëm për ata që marrin pjesë, por edhe për ata që i kanë certifikuar.
Sa është prokuroria përgjegjësie për çështjet Fazlliç, Rrëshen-Kalimash, Gërdecin?
Për shkak të ndjeshmërisë publike unë nuk dëshiroj të futem në asnjë element të veçantë. Kur flasim për prokurorinë dhe institucionet, të cilat janë kushtetuese dhe kanë një ligj organik mbi të cilin veprojnë, besoj se institucionet tona kanë nevojë të rriten profesionalisht. Pse jo të pastrohen nga njerëz që kanë pasur shumë pak profesionalizëm dhe shumë milintantizëm dhe kjo nuk vjen në një ditë, por të ketë një tendencë të qartë që këto institucione nuk do munden të vazhdojnë në hijen e politikës dhe të intimidohen nga politika. Ato do të jenë të fortë si institucione vetëm në momentin kur do kenë një strukturë të fortë, do kenë personalitete me integritet, përndryshe në rast se nuk je i aftë në profesion je i influencueshëm në të gjitha koniunkturat.
Edhe për çështjen e Gërdecit, për sa i parket hierarkisë së komandës, kontrollin e raporteve, informimin që duhet të kishit, është folur për përgjegjësinë tuaj...
Jam zgjedhur president në korrik 2007, ndërkohë që të gjitha procedurat për ngritjen e fabrikës në fjalë dhe të gjitha vendimet kanë qenë të marsit dhe prillit 2007. Besoj që u mjafton kaq për të analizuar dhe kuptuar se ku ekziston përgjegjësia personale. Kam qenë unë ai që në krye të mbledhjes së Këshillit të Sigurimit kam hedhur kritika, që kanë qenë shumë objektive për të gjitha ato institucione që do bënin punën e tyre dhe jo punën time. Punën e tyre mbi bazën e ligjeve respektive që kishte çdo institucion për të bërë të mundur dhënien e informacionit. Edhe sot në Shqipëri në zona të caktuara bëhet demontim. Ka informacion të vazhdueshëm që këtu bëhet demontim, puna është që kush ta jep informacionin për çrregullimet.

Panorama

[Albo]

Moisiu: S'kane figure te paster per te qene deputete, gati 15% e kandidateve"

E Hene, 22 Qershor 2009

Jo pak, por 15 per qind e kandidateve per deputete te te gjithe forcave politike, rezultojne se nuk kane figure te paster per te qene perfaqesues te denje te popullit. Ky rezultat u be publik dje nga "Koalicioni per nje parlament te paster", qe drejtohet nga ish Presidenti i Republikes, Alfred Moisiu. Sipas kontrollit te kryer nga ky koalicion per 165 emra ne listat per kandidate te disa partive, rezulton se 15% e tyre nuk jane te pershtatshem per te qene ne Kuvend. Per te arritur ne nje konkluzion te tille, jane pare disa indikatore, si arsimimi, kontributi qe keta kandidate kane dhene ne politike, pastertia penale si dhe perfolja per ceshtje kontroversiale. "Secili kandidat iu nenshtrua nje analize te hollesishme vleresimi me pike, ku rol luajten te gjithe kriteret e mesiperm. Rreth 15% e kandidateve potenciale qe jane ofruar nga partite politike per te kerkuar voten e shqiptareve, rezultuan se nuk i permbushnin standardet kualifikuese dhe nuk jane te keshillueshem per t'u zgjedhur ne Kuvendin e ardhshem", u shpreh, ish kreu i shtetit, Moisiu. Sipas tij, nder figurat e padenja per ne Kuvendin e ri, tre prej tyre ndodhen ne listat e PS, 5 ne listat e PR, 2 ne listat e LSI, 3 ne listat e PD, 3 ne listat e PDK dhe nga 1 ne listat e G99, LDK, PDS, LZHK dhe PSV91. Ne keto kushte, ky koalicion i drejtuar nga Moisiu, u keshilloi forcave politike qe te rishikojne edhe nje here ne menyre konstruktive pjesemarrjen e tyre ne listat e kandidateve, ose qofte edhe ne renditjen e tyre brenda ketyre listave, per te kufizuar pjesemarrjen e tyre ne Kuvendin e ardhshem. Koalicioni "Parlament i Paster" perbehet nga nje numer organizatash te pavarura te cilat perfaqesohen publikisht nga ish-Presidenti i Republikes Alfred Moisiu. Qellimi i kesaj nisme ishte krijimi i nje presioni pozitiv brenda partive politike ne menyre qe ato te rrisin cilesite e kerkesave kualifikuese me ane te te cilave ato perzgjedhin kandidatet e tyre per deputete. Nder kriteret qe Koalicioni perfshiu ne hulumtimin e tij ishte, edukimi i kandidateve, pervoja e tyre profesionale dhe ajo politike, si dhe precedentet penale. Po keshtu edhe perfshirja e kandidateve ne ceshtje kontroversiale te ngritura kryesisht nga shtypi i pavarur vendas. R. Rapushi

Koha Jone

[Albo]

Listat, Moisiu: Emrat e 20 kandidatëve me probleme

ADI SHKEMBI

Koalicioni për Parlament të Pastër identifikon 20 kandidatë për deputetë, të cilët nuk janë të denjë të jenë në legjislaturën e ardhshme parlamentare. Pas një hulumtimi më shumë se një mujor, ky koalicion, i drejtuar nga ish-presidenti Alfred Moisiu, ka publikuar listën me emrat e kandidatëve në katër koalicione, të cilët nuk plotësojnë kriteret e vendosura. Në krye të listës është koalicioni i djathtë me 9 kandidatë, i ndjekur nga i PS-së me 5, Poli i Lirisë me katër kandidatë dhe ai i LSI-së me 2.

Emrat
“Nga verifikimi i kryer, mbi 140 kandidatë për deputetë, rezulton që 15% e deputeteve potencial, të paraqitur si kandidat në listat zyrtare të partive politike, të jenë të papërshtatshëm për të përfaqësuar qytetarët shqiptar në Parlament”, thuhet në raportin e publikuar nga Koalicioni. Në krye të listës është koalicioni i kryesuar nga Partia Demokratike, e cila ka nëntë kandidatë që, sipas Koalicionit për Parlament të Pastër, nuk duhet të jenë pjesë e parlamentit të ardhshëm. Partia Demokratike ka katër kandidatë, Paulin Sterkaj, Indrit Fortuzi, Spiro Ksera e Lefter Maliqi. Të njëjtin numër me emra “të padëshirueshëm” ka edhe Partia Republikane, në listën e të cilës janë Astrit Veliaj, Hajrulla Paturri, Mehmet Spahiu dhe Vasilika Caushi. Në të njëjtën kohë në listë është edhe Pashko Ujka, kandidat i Lidhjes Demokristiane të Nikollë Lesit. Koalicioni i kryesuar nga Partia Socialiste ka në listën “e zezë” pesë kandidatë, ku Asllan Dogjani, Tom Doshi e Vangjel Tavo janë nga PS, Artur Duçkollari nga PDS dhe Pilo Keri nga G99. Katër kandidatë që nuk duhet të jenë në Kuvend janë nga Poli i Lirisë, një bashkim i disa forcave të djathta dhe që drejtohet nga ish-kryeministri i Partisë Demokratike, Aleksandër Meksi. Në listë janë Frrok Gjini, Jak Ndokaj e Mark Kroqi nga PDK dhe Gëzim Bocari nga LZHK. Ndërsa koalicioni i drejtuar nga LSI ka në listën e tij 2 kandidatë, Viron Bezhani i LSI-së dhe Nazmir Bilani i PSV ’91.

Kriteret
Koalicioni për Parlament të Pastër, në prag të zgjedhjeve parlamentare të vitit 2009, u angazhua në nismën për verifikimin e përshtatshmërisë së kandidatëve për deputet, pra përfaqësuesve potencial të shqiptarëve në katër vitet e ardhshme, me vlerat dhe atributet që duhet të mbartë pozicioni i përfaqësuesit të vullnetit dhe interesit të qytetarëve. Kriteret mbi të cilat u bë verifikimi i figurave janë arsimimi; kontributi politik; kontributi publik; pastërtia ndaj precedentëve penal. Gjithashtu, një indikator tjetër, por pa peshë penalizuese apo favorizuese, ishte ai i përfoljes në media për çështje të ndryshme korrupsioni.


“Lista e zezë”

Koalicioni i PD
Astrit Veliaj PR 40 pikë
Hajrrulla Paturri PR 40 pikë
Mehmet Spahiu PR 35 pikë
Vasilika Caushi PR 40 pikë
Paulin Sterkaj PD 40 pikë
Lefter Maliqi PD 40 pikë
Indrit Fortuzi PD 25 pikë
Spiro Ksera PD 40 pikë
Pashk Ujka LDK 35 pikë

Koalicioni i PS
Asllan Dogjani PS 40 pikë
Tom Doshi PS 35 pikë
Vangjel Tavo PS 40 pikë
Artur Duckallari PDS 30 pikë
Pilo Keri G99 40 pikë

Koalicioni i LSI
Viron Bezhani LSI 40 pikë
Nazmir Bilani PSV ‘91 40 pikë

Poli i Lirisë
Frrok Gjini PDK 40 pikë
Jak Ndokaj PDK 40 pikë
Mark Kroqi PDK 40 pikë
Gëzim Bocari LZHK 40 pikë


Kriteret

Arsimimi
Kontributi Politik
Kontributi Publik
Pastërtia ndaj precedentëve penal

[Kanan]

REPLIKË E DETYRUAR ME ISH PRESIDENTIN Z.ALFRED MOISIU

Unë Gëzim Boçari, përfaqësues i Shoqatës “Pronësi me Drejtësi” dhe i Shoqatës A.K. “Bregdeti” që kandidoj në zonën Vlorë Sarandë me Partinë Lëvizja për Zhvillim Kombëtar LZHK, lexova deklaratën e koalicionit për “Parlament të Pastër” që u botua më datën 22 Qershor në shumë gazeta.

Futja e emrit tim në listën e këti grupimi O.J.Q.-sh (“Për Parlament të Pastër”) është një intrigë e kurdisur e cila ka synuar që emri im të përbaltet 5 ditë para votimeve që unë të mos kem mundësi dhe kohë që të bind elektoratin tim për pastërtinë e figurës time. Është turp që ky deklarim i firmosur nga ish presidenti Alfred Moisiu, i cili njeh personalisht si personin tim dhe familjen time bëhet publik vetem pak ditë përpara zgjedhjeve?!. Shpreh keqardhje qytetare për këtë grupim që ka vepruar në këtë mënyrë kaq bizantine dhe krejt të padenjë për shoqata që pretendojnë se përfaqësojnë shoqërinë civile shqiptare. Ky grupim O.J.Q.-sh, ka kryer një veprim të pamoralshëm, duke krijuar hije dyshimi, duke e keqpërdorur shtypin për të përbaltur emrin tim dhe grupimin që përfaqësoj. Kjo më bën të besoj se ka qarqe të interesuara që Shqipëria të vazhdojë në trasnzicion, në anarki dhe ekonomikisht në vend numuro dhe nga lidhur me pronat e trashëguara shqiptarët të kundër shqiptarëve. Kriteret që pretendohen se janë përdorur për të vlerësuar personat që kandidojnë në Kuvend për personin tim janë ku e ku më superiore se ato të vetë ish presidenti Moisiu. Unë nuk do t'a godas pas shpine Alfred Moisiun, atë le t'a vlerësojë populli vetëm për faktin se për katër vjet si president dhe garant i Kushtetutës ka shkelur nenin 181 të kushtetutës dhe sot përsëri intrigon kundër pronarëve. Unë shpreh dhimbje dhe neveri për këtë veprim të ulët dhe për fyerjen publike. Kryesia e Shoqatës pronësi me Drejtësi i dha ish-presidentit Moisiu përgjigjen publike që e botoi gazeta Tirana Observer e datës 23 Qershor 2009. Alfred Moisiu në këtë rast godit kauzën e pronarëve të ligjshëm, ai kërkon një Kuvend surrogato, dhe për t'i dhënë atij një mësim demokratik do të ndjek rrugën ligjore duke bërë kallëzimin penal në Prokurori me këtë përmbajtje .

KALLEZIM PENAL

Kundër Koalicionit “Për Parlament të Pastër”

Përfaqësuar nga Z. Alfred Moisiu, Tiranë. Për veprën penale parashikuar nga neni 130 i Kodit Penal.

Prokurorisë - T i r a n ë

Në shtypin e datës 22 qershor 2009 u botua një Listë e kandidatëve të papërshtatshëm për të qenë deputetë të Kuvendit Popullor, në të cilën figuron edhe emri i kallëzuesit.

Sipas gazetave të datës 22.06.2009, koalicioni i paditur “pas hulumtimit të të dhënave të mbi 140 kandidatëve”, arriti të evidentojë një sërë rastesh midis kandidatëve, të cilët nuk plotësojnë kriteret bazë të vendosur nga ky koalicion. Këto kritere qenkan edukimi, i kandidatit, përvoja profesionale dhe politike, precedentët penalë dhe rasti i përfshirjes në çështje të diskutueshme, të ngritura kryesisht nga shtypi i pavarur vendas.

Kallëzuesi ka titullin Prof. As. pas vitit 1992 është shef i katedrës së farmakologjisë dhe aktualisht Shef i Departamentit të Lëndëve Biomjekësore dhe Eksperimentale në Fakultetitn e Mjekësisë. Ka publikime të shumta brenda dhe jashtë shtetit dhe jo vetëm për fushën e mjekësisë por dhe të historisë dhe për respektimin e të drejtës së pronësisë. Është, i vetmi që është kujdesur dhe ka kuruar grevistët e grevës së urisë, përfaqësues i shoqatës “Pronësi me Drejtësi” në Komisionin e Venecies, botues artikujsh të shumtë - që e sheh të panevojshme t’i rendisë në këtë Kallëzim - pjesëmarrës në emisione të shumta televizive dhe i angazhuar seriozisht në luftën për zgjidhjen e problemit të kthimit të pronave. Cilin prej kritereve të vendosura arbitrarisht prej koalicionit të sipërm, që ka marrë përsipër të dekretojë se cilët janë të përshtatshëm për deputetë apo jo, na paska shkelur Kallëzuesi?

Përfshirja e emrit tim në listën e personave të papërshtatshëm për t’u zgjedhur deputet dhe botimi i kësaj liste, krijon, natyrshëm, dyshime mbi personalitetin tim dhe cenon integritetin tim moral. Kryetari i koalicionit në fjalë është shprehur se “nuk është parë e dëgjuar që të flitet pa fakte” (“Shekulli”, po aty), por çfarë faktesh sjell koalicioni i tij për të cënuar integritetin moral të të nënshkruarit ? Vetëm nëse mund të shpiki ndonjë të paqenë !

Nga sa më sipër, koalicioni “Për Pastërtinë e Parlamentit” ka konsumuar veprën penale të shpifjes në rrethana rëndonjëse, parashikuar nga neni 130 i Kodi Penal. Objekti i botimit në fjalë është cënimi i nderit dhe dinjitetit të të nënshkruarit, ndryshimi për keq i vlerësimit që ka opinioni shoqëror për Gëzim Njazi Boçarin. Nga ana objektive kjo vepër është bërë me përhapjen botërisht, me anë të botimit, të një informacioni të rremë. “Dekretimi” se Kallëzuesi nuk është i përshtatshëm për të qenë kandidat për deputet, megjithëse nuk ekziston asnjë nga kriteret që ka pranuar vetë koalicioni, është diçka krejtësisht e rreme. Nga ana subjektive, ky cënim i nderit dhe i vlerësimit të Kallëzuesit është bërë me dashje të drejtpërdrejtë dhe kjo rezulton qartë nga deklarimi se lista në fjalë ishte përgatitur pas hulumtimit të të dhënave, pra nuk është botuar nga pakujdesia.

Për arsyet e sipërme kërkojmë që koalicioni “Për një Parlament të Pastër” të përgjigjet penalisht për veprën e kryer ndaj Kallëzuesit dhe të urdhërohet gjithashtu që të botojë një përgënjeshtrim duke pranuar gabimin e vet.

Prof. Asc. Gëzim Njazi Boçari

Kandidat për deputet i LZHK në Qarkun e Vlorës.