Shqiperia: Krimi i larte, stresi dhe aksidentet pa fund - jeta e pasigurte!

[DeuS]

• Korçë, shtohen rastet e grabitjeve në rrugë

Fenomeni/ Viktimat më të "preferuara" të hajdutëve ordinerë janë vajzat dhe gratë. Dy muajt e fundit, 17 denoncime


Rriten frikshëm rastet e grabitjeve në rrugët e qytetit të Korçës gjatë dy muajve të fundit. Viktimat më të "preferuara" të hajdutëve ordinerë duket se janë vajzat dhe gratë, të cilave mund t‘ua rrëmbejnë lehtë bizhuteritë, varëset, orët e dorës apo portofolat. Hajdutët përdorin në të shumtën e rasteve të njëjtin stil dhe skenar: sulmojnë në rrugica gra të pashoqëruara, ku në mungesë të dëshmitarëve të tjerë, realizojnë edhe grabitjet e dhunshme që shoqërohen me rrahje dhe plagosje të viktimave të pafuqishme femra. Vendet më të preferuara mbeten rrugicat dhe rrugët dytësore të qytetit. Burime të policisë lokale konfirmojnë se në dy muaj e fundit ka pasur një shtim të denoncimeve nga gratë që sulmohen nga hajdutët në rrugë. Pranë Komisariatit të Policisë janë raportuar të paktën 17 raste të këtyre sulmeve për grabitjen e varëseve prej floriri, çantave nga supet e grave, telefonat që mbahen në duar apo edhe bizhuteritë. Sipas policisë lokale bëhet fjalë kryesisht për hajdutë në mosha të mitura që veprojnë të vetëm ose në grupe prej tre personash. Por nga hetimet e këtyre rasteve të denoncuara ka pasur edhe të rinj që njihen për precedentë penale ose si përdorues të lëndëve narkotike. Policia e Korçës ka mundur të shoqërojë për këto raste vjedhjesh me dhunë të paktën 5 persona, ndërkohë që një pjesë tjetër lihen në gjendje të lirë për shkak të moshës së mitur. Vetëm një ditë më parë, Policia e Korçës ka mundur të zbulojë dy autorë, një prej të cilëve 17 vjeç dhe një tjetër 22 vjeç, të cilët në bashkëpunim me njëri-tjetrin kanë sulmuar një shtetase në rrugë për t‘i rrëmbyer nga qafa një varëse floriri. Burimet e policisë kanë deklaruar zyrtarisht se kanë ndaluar gjatë 24 orëve dy shtetas. S.S., 17 vjeç, banor i lagjes 6 të qytetit është arrestuar bashkë me një shok të tij, 22-vjeçarin Armando Dule, pasi kishin sulmuar një shtetase në një nga rrugicat e lagjes 15 të Korçës. Këta dy shtetas i kanë këputur varësen e floririt nga qafa një gruaje rreth orës 17.30 minuta të së mërkurës, ndërkohë që pas denoncimit të të dëmtuarës, policia ka mundur të zbulojë autorët. Pasi e kishin grabitur gruan në moshë, dy autorët kishin shkuar në një dyqan bizhuterish në afërsi me vendin e ngjarjes për ta shitur varësen e floririt. Pak kohë më parë, Policia e Korçës arrestoi një tjetër 23-vjeçar, që njihej si përdorues droge, pasi grabiti një shtetase në afërsi të unazës së brendshme të qytetit, ndërsa kishte dalë për shëtitje.

• Trafikoi mbesën, burg tezes dhe të dashurit të saj

Detyroi mbesën të punojë si prostitutë në Greqi, dënohet me shtatë vjet heqje lirie, ndërkohë që i dashuri i saj është dënuar me nëntë vjet burg. Gjykata e Rrethit Gjyqësor të Beratit i ka dhënë fund dje gjykimit për Sara Cankon dhe të dashurit të saj Jani Mejdi, të cilët janë shpallur fajtorë dhe dënuar në total me 16 vjet heqje lirie për trafikimin e M.D., vajza e motrës së 24-vjeçares. Ka qenë kryetari i trupit gjykues Nazmi Troka, i cili, në seancën e fundit në ngarkim të këtij procesi, pasi ka shqyrtuar të gjitha faktet, ka deklaruar shpalljen fajtor të 24-vjeçares Canko dhe bashkëpunëtorit të saj, Mejdi. Tezja tutore, e cila e ka pritur vendimin në masën e "arrestit në shtëpi", u akuzua se trafikoi për disa muaj me rradhë në banesën e saj në Greqi mbesën e saj 18-vjeçare, me inicialet M. D. Së bashku me 24-vjeçaren, është gjykuar i dashuri i saj, me të cilin ajo bashkëjetonte, Jani Mejdi, nga Saranda. Ndërsa Canko është dënuar me 7 vjet burg, pasi është cilësuar fajtore për veprën penale të "trafikimit për qëllime prostitucioni në rrethana rënduese". Ndërsa 43-vjeçari Mejdi është shpallur fajtor dhe dënuar me nëntë vjet heqje lirie për veprën e "trafikimit të prostitucionit për qëllime përfitimi në rrethana rënduese" dhe "dhënien e ndihmës për kalim të paligjshëm të kufirit". Dy të akuzuarit u denoncuan në muajin prill të vitit të kaluar nga 18-vjeçarja me inicialet M. D., që është vajza e motrës së Cankos. Adoleshentja nga Berati ka akuzuar tezen dhe të dashurin e saj, se e kanë shfrytëzuar si prostitutë për disa muaj gjatë kohës që jetonte në shtëpinë e tyre në kryeqytetin grek, Athinë. Adoleshentja nga Berati, e cila braktisi shkollën për një jetë më të mirë që i kishte premtuar tezja e saj Sara Canko, deklaroi se është dhunuar dhe prostituuar për disa muaj nga tezja dhe i dashuri i saj, në banesën e tyre në kryeqytetin helen. Pas këtij denoncimi, Policia e Beratit prangosi më 25 prill të vitit të kaluar tezen e 18-vjeçares, ndaj të cilës gjykata vendosi masën e sigurisë "arrest shtëpie", ndërsa i dashuri i saj, pas arrestimit mori vlerësimin me "arrest në burg".

• Gjakmarrja, 35 mijë qytetarë nuk votuan

Shteti nuk u garantoi të drejtën e votës të ngujuarve dhe familjeve në konflikte


Nga ngujimet, hasmëritë dhe gjendja e tyre konfliktuale janë privuar nga e drejta dhe dëshira për të votuar rreth 35 000 qytetarë. Ka qenë ky konstatimi i Komitetit të Pajtimit Mbarëkombëtar në një raport të prezantuar dje gjatë mbledhjes së Asamblesë së Misionarëve dhe të Shoqatave të Pajtimit. Pas një

ekspedite 100-ditore të misionarëve të pajtimit 20 mars-30 qershor 2009, arrihet në përfundimin se asnjë parti nuk kishte hartuar në programet e saj eliminimin e hasmërive dhe të vrasjeve për hakmarrje e gjakmarrje apo mbështetjen ndaj procesit të pajtimit. Në këtë raport theksohet fakti se "ekspedita konstatoi se qeveria shqiptare dhe administrata lokale nuk kishin marrë asnjë masë për t‘u siguruar të drejtën e votës familjeve të ngujuara". Sipas Gjin Markut, kryetar i Komitetit të Pajtimit Mbarëkombëtar, nga e drejta e votës u privuan për shkak të hasmërive 1450 familje të ngujuara e të fshehura nga gjakësi. Po kështu, 12 500 familje që e kanë lejen e banimit në fshat dhe janë larguar për shkak të konfliktit për tokën në qytet, nuk shkuan për të votuar në qendrën ku janë regjistruar në fshat për të shmangur ballafaqimin dhe përplasjen me njerëzit e konfliktuar. Në 30 ditët e muajit qershor, puna u përqendrua edhe te sensibilizimi i qytetarëve për një pjesëmarrje sa më të kulturuar në fushatën elektorale e në votime. Por, sipas drejtuesve të shoqatave të pajtimit të gjaqeve, eksponentët e partive politike nxitën shpeshherë me fjalimet e kontaktet e tyre përplasje mes grupimeve dhe individëve të ndryshëm, duke stimuluar edhe vrasjet, numri i të cilave erdhi gjithnjë e në rritje, edhe pse Policia e Shtetit ishte në nivel të lartë përgjegjësie, si gjatë fushatës edhe në procesin e votimit dhe numërimit të votave.

Në raportet e misionarëve të ekspeditës është konstatuar se mbartja e mentalitetit kanunor është e njëjtë si në zonat rurale edhe në metropole, si në jug edhe në veri.

Ky raport, së bashku me të dhënat e sugjerimet e tjera, do t‘i dërgohet Parlamentit shqiptar, qeverisë dhe të gjitha institucioneve të tjera të shtetit, së bashku me propozimet për një vendimmarrje ligjore mbi bashkëpunimin e shtetit me misionarët. Përveç çështjes së pamundësisë së familjeve të ngujuara për të votuar në këtë raport, përfshihet edhe mungesa e planeve dhe strategjive për luftën kundër gjakmarrjes në programet elektorale të të gjitha partive politike, si edhe rritja e presionit mbi qeverinë dhe institucionet e tjera të shtetit për aprovimin e Strategjisë Kombëtare Kundër Gjakmarrjes e miratuar në Kongresin e Tretë të Misionarëve të Pajtimit.

[DeuS]

Artikujt e postimit te mesiperm, jane marre nga Gazeta Shqip.
Personalisht, mezi po pres te mbaroje muaji korrik. Teper i terset paska qene..
PS: Ah, se desh harrova, mezi po pres edhe te nderrohet qeveria. Jashte serbet e greket Berishiane..

[OO7]

Nuk më bëhet të hap më faqet e gazetave apo televizoneve për të parë se ca bëhet, sepse cdo 3 orësh që mund ta hapësh gjen nga një rast tjetër i humbjes së jetës. Aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident aksident. Vetëm këtë më ka parë syri cdo ditë.

A janë miza këta njerëz që se can kokën njeri mendoja përditë me vete?

Më në fund sot lexova një lajm që duket se tregon një fije dritë për këtë problem shumë të madh.

Aksidentet, Avokati i Popullit: Sinjalistika, shkak kryesor
Ne nje kohe qe situata e aksidenteve rrugore sa vjen dhe po rendohet, Avokati i Popullit i kerkon kryeministrit Sali Berisha , Ministrise se Transporteve dhe Drejtorise se Pergjithshme te Rrugeve te permiresojne sinjalistiken dhe sigurine ne akset nacionale.

Rreziku qe vjen nga keto rruge sjell sipas avokatit aksidente vecanerisht gjate nates per shkak te mungeses se sinjalistikes fosforishente dhe ndricimit. Ky problem shihet si i theksuar pergjate murit ndares se superstrades Tirane-Durres, mungon teresisht ndricimi i siperm i rruges per shkak te mos mirembajtjes se ketij sistemi dhe moszevendesimit te llambave te djegura ne shtyllat e ndricimit.

Ne vazhdim te superstrades Tirane-Durres konstatohet mungesa e kufizimit viziv mbrojtes ne anen e jashtme , cka do te reduktonte aksidentet.

Ne pjesen ndarese te te njejtes rruge ne aksin qe te con ne areoportin Nene Tereza sinjalistika treguese nuk eshte e qarte dhe nuk ka pamje vizive te qarte per te manovruar.

Sipas avokatit pllakat fosforishente sinjalizuese egzistojne pjeserisht dhe jo pergjate gjithe gjatesise se rruges.

Per pjesen Rinas-Kashar –Preze Vore serish mungon ndricimi i rruges. Ura qe ndodhet tek rrethrrotullimi i Vores eshte teresisht e amortizuar dhe e rrezikshme per mjetet qe kalojne ne te, ndersa sipas te njejtit raport hyrjet dhe daljet e mjeteve motorrike ne superstrade duhet te kete sinjalistiken perkatese.

Avokati i Popullit ne nje studim katerfaqesh rekomandon nje kontroll te rrugeve, ndersa ne te njejtit mendim me te eshte edhe policia e cila kohe me pare raportoi se ne te gjithe vendin ka identifikuar 180 njolla apo vende ku zakonisht ndodhin aksidente.

Aktualisht me situaten e aksidenteve po merret vetem policia e cila ka ngritur per gjendjen e renduar te vdekjeve ne rruge nje task force te posacme dhe ka kaluar nje sherbim te perforcuar. Por pavaresisht masave ekspertet pohojne se tre jane arsyet qe kete vere ka kaq shume aksidente, e para ka nje fluks trafiku te sjelle edhe nga emigrantet. Vetem per dy muajt qershor korrik kane hyre 570 mije automjete me shume se ne te njejten periudhe te vitit te kaluar.

Nga ana tjeter policia kerkon nje ndergjegjesim te shofereve pasi nuk zbatojne rregullat e qarkullimit, nderkohe qe nje pjese e rrugeve jane ne proces riparimi, duke ndikuar edhe keto ne sjelljen e aksidenteve automobilistike.

Por prapë kjo fije shpresë shuhet sërish. Ku është qeveria? Përse nuk po adreson asnjë nga këto aksidente?

Qeveria është e zënë duke hartuar projektligjin për afrimin me bythë nga Europa.

Qeveria është e zënë duke inagurar përditë e më shumë rrugë të cilat po na cojnë drejt detit. Rrugë të cilat janë të mbushura me lule pothuajse në tërësinë e tyre, dhe jo prej bukurisë, po prej mjerimit të sa e sa jetëve të humbura në ato rrugë me një shtresë asfalti e pa pikë sinjalistike. Rrugë kombëtare pranë (përmes) fshatrave e qyteteve Shqiptarë pa asnjë lloj barriere që i ndan me trotuaret (?) që janë në 99.9999% të rasteve inegzistentë. E jo vetëm kaq, por mungon dhe ndricimi. E si ta shikojë filani fistëkun në mes të rrugës që po shkon të marrë farë kosi tek komshiu përballë në mes të natës?

Përse na duhen këto rrugë pa standartet minimale të sigurisë që përditë e më shumë po marrin vec jetë njerëzish? Për fushatë e për votë? A ka njeri përgjegjës për këta njerëz që po zhduken si mizat?

Pyetja është sa jetë njerëzish duhet të shuhen përpara se ky të shihet si problem serioz?

Në 9 Janar 2004 janë mbytur 21 Shqiptarë të cilët vunë në rrezik kokën e tyre në kërkim të një jete më të mirë. Kjo u konsiderua si tragjedi e rëndë për Shqiptarët dhe të gjithë organizmat shtetërorë u vunë në lëvizje për zbardhjen e ngjarjes dhe kapjen e autorëve. Në lëvizje u vu dhe opozita në protesta e propagandë kundër qeverisë.

Brënda 10 ditëve kanë vdekur 29 vetë nga aksidentet rrugore dhe askush se ka carë kokën.

21 vetë vdiqën duke marrë një udhëtim ku përqindja e rrezikshmërisë është e tejskajshme.
29 vetë vdiqën duke marrë një udhëtim normal ku përqindja e rrezikut për jetën duhet të jetë 0!

Kush nga këto është tragjedi më e rëndë?

Me një mesatare prej 1 vdekje dhe 2 të plagosur në ditë nga aksidentet, mendoj se cështja duhet adresuar dhe zgjidhur në mënyrë URGJENTE. Siguria e jetës është një nga problemet e vëreteta të Shqiptarëve, jo legalizimi i bythqirllikut.

[DeuS]

• Përplasja e motorit me mjetin e parkuar plagos dy të rinjtë

TIRANE - Dy të rinj, një djalë dhe një vajzë, janë plagosur rëndë pasditen e djeshme në kryeqytet, pas një aksidenti rrugor. Gentian Kola dhe shoqëruesja e tij në motor, janë përplasur me një makinë me targë TR 5581 S, e cila ndodhej e parkuar pranë Shkollës së Bashkuar. Sipas burimeve nga policia mësohet se aksidenti ka ndodhur si rezultat i shpejtësisë tej normave të lejuara, me të cilën po drejtonte motorin, Gentian Kola. Gjithashtu ka ndikuar edhe parakalimi i gabuar, çka ka bërë që ai të mos arrijë të shohë makinën e parkuar që ndodhej para tij. Policia ka mbërritur menjëherë në vendin e ngjarjes dhe ka transportuar në spital drejtuesin e motorit dhe shoqëruesen e tij, të cilët mësohet se ndodhen në gjendje kritike për jetën. Sipas të dhënave nga policia mësohet se është dëmtuar pjesërisht edhe automjeti që ndodhej i parkuar në vendin ku ndodhi aksidenti. Fatmirësisht gjithçka është mbyllur pa viktima, por sipas mjekëve të Spitalit Ushtarak, dy të aksidentuarit ndodhen në gjendje të rëndë shëndetësore. Një grup specialistësh që hetojnë aksidentet rrugore kanë shkuar në vendin e ngjarjes për të ndërtuar skemën e aksidentit dhe rrethanat se si ka ndodhur. Ndërkohë në vendin e ngjarjes ka mbërritur edhe pronari i automjetit të parkuar, i cili gjithashtu është ndëshkuar për parkim të gabuar.

• Shuhet familja nga Tropoja në aksident

Aksidenti i rëndë ndodhi dje në Lezhë, duke marrë jetën e tre personave të së njëjtës familje dhe plagosjen e dy të tjerëve.Ngjarja tragjike ndodhi dje rreth orës 10:30 në superstradën Lezhë-Shkodër, në afërsi të fshatit Balldre, ku një makinë tip “Benz” në tentativë për të parakaluar u përplas me një mjet të tonazhit të rëndë. Për pasojë kanë vdekur në vend babë e bir dhe nusja e shtëpisë.
Trajleri me të cilin u përplas makina e viktimave ka dalë nga rruga dhe përfundoi në avllinë e një shtëpie, duke rrezikuar edhe jetën e banorëve që jetonin në të. Sipas policisë, mjeti i rëndë drejtohej nga Baftjar Vladi, ndërsa “Benzi” me targa të Tropojës drejtohej nga Ermal Dema. Si pasojë e përplasjes kanë mbetur të vdekur në vend bashkëshortja e drejtuesit të “Benzit”, Ermira Dema, 25 vjeçe, babai i tij, Sali Dema si dhe vëllai Fadil Dema. Të katër pjesëtarët e familjes Dema mësohet se po udhëtonin nga Tropoja për në Tiranë. Sipas policisë, i plagosur rëndë mbeti edhe shoferi i “Benzit”, Ermal Dema, i cili ndodhet në rrezik për jetën, si dhe drejtuesi i tonazhit të rëndë, Baftjar Vladi. Të dy të plagosurit janë dërguar menjëherë në spitalin e Lezhës. Pasi kanë marrë ndihmën e parë atje, ata janë dërguar me urgjencë në Spitalin Ushtarak të Tiranës, pasi gjendja e tyre paraqitej mjaft e rëndë. Policia e Lezhës mbërriti në vendin e ngjarjes pas sinjalizimit të dhënë. Blutë kanë mundur të zhbllokojë rrugën pas rreth 30 minutash, ndërsa për nxjerrjen e trupave nga makina është dashur të kërkohet ndihma e zjarrfikëseve, të cilët disponojnë mjetet për prerjen e llamarinave. Sipas burimeve në vendngjarje, repartit të zjarrfikëses dhe policisë i janë dashur mbi tri orë përpjekje për të nxjerrë trupat nga makina, e cila ishte shtypur pothuajse e tëra. Mësohet se makina trajler me targë TR 8470 D po udhëtonte në drejtim të Shkodrës kur është gjendur përballë “Benzit” me targë BC 0318 A, i cili po tentonte të parakalonte një makinë. Si pasojë e përllogaritjes së gabuar të kohës së parakalimit, makinat janë përplasur. Për nxjerrjen e trupave është dashur të përdoret edhe guri fresibël për të prerë pjesën e llamarinës së mjetit të aksidentuar. Ndërsa identifikimi i kufomave është kryer vetëm 30 minuta pas aksidentit, pasi telefoni i drejtuesit të “Benzit”, Ermal Dema, nuk ishte dëmtuar. Një telefonatë e kryer nga ana e tij vetëm pesë minuta para aksidentit ka bërë që efektivët e policisë të telefonojnë sërish numrin me të cilin viktima kishte folur. Kjo ka bërë që telefonuesi të tregonte edhe të dhënat dhe gjenealitetet e viktimave, të cilët udhëtonin me Ermal Demën.

• Tiranë, granata vret punëtorin

Një 25-vjeçar nga Tirana, punëtor i një firme ndërtimi, gjeti dje vdekjen nga shpërthimi i një granate, të cilën e gjeti pranë vendit ku po gërmonte për themelin e një ndërtese. Ngjarja e rëndë ndodhi rreth orës 13:00, para një pallati që po ndërtohej pranë kompleksit “Dinamo”, te “Komuna e Parisit”, në kryeqytet. Ramadan Xhafa, banues te Bregu i Lumit, ka qenë duke hapur një gropë pranë pallatit që po ndërtohej dhe gjatë gërmimeve ka gjetur një granatë, të cilën e ka kapur në dorë për ta larguar. Por nuk i ka mjaftuar koha që ta çonte në vend tjetër, pasi shpërthimi i saj ka qenë i menjëhershëm. Nga plasja e granatës, Xhafa ka humbur njërën dorë dhe është plagosur rëndë. Punëtorët e tjerë që ndodheshin shumë pranë tij fatmirësisht kanë shpëtuar nga plasja e granatës dhe kanë lajmëruar menjëherë policinë. I plagosuri është dërguar menjëherë në Spitalin Ushtarak, por nuk ka mundur të mbijetojë. Burime nga policia thanë se granata që ka gjetur i riu, dyshohet se mund të ketë qenë e fshehur aty që prej trazirave të vitit 1997.
Shpërthimi
Rreth orës 13:00, salla operative e Policisë së Tiranës është njoftuar për një shpërthim të fuqishëm pranë kompleksit “Dinamo”, nga i cili ka mbetur i plagosur një person. Menjëherë në vendin e ngjarjes janë nisur shërbimet e policisë, oficerë të Krimeve Kundër Jetës dhe Shëndetit, si dhe specialist të Antieksplozivëve. Brenda pak minutash është rrethuar vendi i ngjarjes dhe janë evakuuar të gjithë banorët dhe punëtorët e pallatit që ishte në ndërtim e sipër, ku edhe ka ndodhur shpërthimi. Është konstatuar se i plagosuri, Ramadan Xhafa, kishte marrë plagë të rënda në pjesë të ndryshme të trupit dhe është nisur me urgjencë për në Spitalin Ushtarak, ku nuk ka mundur të mbijetojë. Burimet sqaruan se janë larguar të gjithë personat që ndodheshin pranë vendin e ngjarjes, deri në përfundim të kontrollit të territorit, nëse mund të kishte edhe armë të tjera. Dhjetëra dëshmitarë janë marrë në pyetje nga grupi hetimor, të cilët kanë dëshmuar edhe mbi rrethanat se si ka ndodhur ngjarja. Sipas deklarimeve të tyre, mësohet se 25-vjeçari Ramadan Xhafa, i punësuar nga firma e ndërtimit që po bënte pallatin ku ndodhi ngjarja, ka qenë duke hapur një gropë dhe aty ka gjetur granatën. Duke tentuar të largojë granatën nga vendi ku e ka gjetur dhe të vazhdonte punën, ajo i ka plasur në dorë duke shkaktuar një shpërthim të fuqishëm dhe plagosjen e rëndë të 25-vjeçarit. Sipas policisë, dyshohet se granata është aktivizuar aksidentalisht në momentin që i riu e ka nxjerrë me dorë nga gropa ku e ka gjetur.
Hetimi
Për më shumë se dy orë specialistët e policisë, por edhe të ushtrisë, kanë kryer kontrolle në zonë ku u gjet granata, për të verifikuar nëse aty mund të ishin fshehur edhe armë të tjera. Në përfundim të verifikimit nuk ka rezultuar asnjë armë tjetër, apo e ngjashme me atë që i shkaktoi vdekjen 25-vjeçarit, që të ndodhej në atë zonë. Sipas burimeve nga policia, granata që shkaktoi shpërthimin, dyshohet se mund të jetë groposur në atë vend që prej vitin 1997.

• Policia nxjerr Patrullën e Përgjithshme në rrugë

Policia e Shtetit bëri dje bilancin e aksidenteve të muajit korrik 2009, nga ku rezulton të kenë ndodhur 148 aksidente, shifër kjo rekord në krahasim me vitet e kaluara. Nisur nga kjo situatë, specialistët e policisë kanë sugjeruar ngritjen e një grupi Task-Force, i drejtuar nga Patrulla e Përgjithshme, në mbështetje të Policisë Rrugore. Gjithashtu në shërbime të përforcuara kanë kaluar edhe forcat e rendit dhe forcat speciale, duke qenë se patrullat rrugore nuk mjaftojnë për të mbuluar të gjitha akset, ku çdo ditë po ndodhin aksidente me pasojë vdekjen. Sipas bilancit të policisë, vetëm gjatë muajit korrik në të gjithë vendin kanë ndodhur 148 aksidente, ndërsa në të njëjtin muajt të 2008-ës kanë ndodhur 105 dhe të 2007-ës 118. Nga të dhënat e policisë mësohet se nga këto aksidente që kanë ndodhur gjatë këtij muaji, kanë vdekur 48 persona dhe janë plagosur 46 të tjerë. Ndërsa në të njëjtën periudhë të vitit 2008 kanë vdekur 25 e plagosur 33, dhe në vitin 2007 kanë vdekur 49 dhe janë plagosur 44.
MASAT E POLICISE
Policia ka vendosur që do të ketë masa të rënda ndëshkimore ndaj drejtuesve të automjeteve, të cilët nuk respektojnë rregullat e qarkullimit rrugor. Ky ka qenë vendimi që Policia e Shtetit do të ndërmarrë ndaj të gjithë drejtuesve të automjeteve që abuzojnë me shpejtësinë, alkoolin, nuk vendosin rripat e sigurimit, etj. Ky vendim vjen pikërisht në momentin kur aksidentet rrugore gjatë këtij sezoni turistik kanë krijuar një situatë shqetësuese në të gjithë vendin, ku gati çdo ditë shënohen viktima dhe të plagosur. Policia Rrugore, e mbështetur dhe nga policia e Rendit dhe e Forcave Lëvizëse Operacionale, tashmë ka kaluar në shërbim të përforcuar, duke shtuar prezencën në akset rrugore. Sipas statistikave të policisë, vetëm gjatë dy muajve të fundit, nëpërmjet pikave të kalimit kufitar kanë hyrë dhe dalë nga Shqipëria 579 540 automjete, ose 133 mijë automjete më shumë se e njëjta periudhë e vitit të kaluar. Policia e Shtetit i kërkon të gjithë drejtuesve të automjeteve që të zbatojnë me rigorozitet normat e sjelljes së Kodit Rrugor, dhe të ndërgjegjësohen për pasojat e rënda që sjell mos zbatimi i këtyre rregullave për ata, pasagjerët apo qytetarët e tjerë.

(Panorama)

[ILMGAP]

Këto janë gjëra shumë të thjeshta dhe faktor shumë të vegjël, në sytë e të paditurit sundues.