Shqiperia: Krimi i larte, stresi dhe aksidentet pa fund - jeta e pasigurte!

[ilia spiro]

Branko Merxhani ka thene ne vitet 20: "Shqiptaret kane nevoje te gjithe per vizite tek psikiatri", ose dicka te perafert (ej, mos keqkuptoni se nuk perjashtoj veten time nga ky percaktim). Ngjarjet ne vazhdim po e vertetojne kete thenie.

[Besoja]

Vazhdojnë shqiptarët të shajnë shqiptarët si në asnjë vënd tjetër të botës!
Nuk kam dëgjuar që një sërb të shajë gjithë sërbët,a po një grek të shajë gjithë grekët e me rradhë!!!!!

[Qyfyre]

Vazhdojnë shqiptarët të shajnë shqiptarët si në asnjë vënd tjetër të botës!
Nuk kam dëgjuar që një sërb të shajë gjithë sërbët,a po një grek të shajë gjithë grekët e me rradhë!!!!!

Kam degjuar une. Grek dhe serb. Biles dhe rumun dhe hungarez e te tjer plot.

[sulioti]

Suliot, me thuaj kur ka funksionuar ndonjehere shqiperia qe kur eshte formuar si shtet? Te gjitha qeverite ishin per shkarpa, (fut dhe keto te fundit).

Gjithmone kemi qene fundi i europes.

Po pra pikerisht per kete gje e thash me lart, se duhet bere dicka tani, para se ti japin fund,keta kokboshat analfabet(qe e mbajn veten te zgjuar duke shikuar interesin personal)por gabojn rend, se nje atdhetar i zgjuar shikon gjithmon interesin kombtar,para atij personal.

[Korcar-L1]

Po pra pikerisht per kete gje e thash me lart, se duhet bere dicka tani, para se ti japin fund,keta kokboshat analfabet(qe e mbajn veten te zgjuar duke shikuar interesin personal)por gabojn rend, se nje atdhetar i zgjuar shikon gjithmon interesin kombtar,para atij personal.

Atyre qe jane atje siper, nuk u ben dot gje. Mori ere ajo pune.
Me patriotizmin/atdhedashurine, ata vetem perfitojne.
Sot i dashur Suliot, atdhedashuria eshte leku e kolltuku. Po te jesh kundra tyre, te heqin qafe menjeher.

[DeuS]

• Vret tregtarin e hekurit, se i rrahu djalin

Brenda pak minutash, policia arreston autorin Shaban Allaraj në periferi të Saukut


Një sherr banal i ka marrë jetën një biznesmeni ditën e djeshme në Tiranë, ndërkohë që policia ka arrestuar autorin. Ngjarja e rëndë ka ndodhur në Sauk, ku pronari i një pike shitjeje hekuri, Ylli Tafani, është qëlluar me thikë dhe nga plagët ka ndërruar jetë brenda pak minutash. Policia tha se autori i ngjarjes është Shaban Allaraj, 59 vjeç, i cili është kapur brenda pak minutash në periferi të Saukut, teksa tentonte të arratisej nga policia. Grupi hetimor ka zbuluar se autori ka vrarë biznesmenin, pasi ky i kishte rrahur të birin.

Sipas të dhënave hetimore, rreth orës 19:15 minuta një telefonatë në sallën operative ka njoftuar se në Sauk të Vjetër, ka ndodhur një plagosje. Me t‘u njoftuar në vendin e ngjarjes janë nisur shërbimet e policisë së Komisariatit Nr. 1, të cilët kanë identifikuar vendin e ngjarjes, që ndodhej brenda një biznesi që merrej me shitjen e hekurit. Më pas, uniformat blu janë vënë në dijeni se i plagosuri kishte ndërruar jetë dhe në vendngjarje janë nisur edhe shërbimet e seksionit kundër krimeve ndaj jetës dhe shëndetit. Policia ka bërë rrethimin e zonës dhe fillimisht është identifikuar viktima, i cili ishte pronari i pikës së tregtimit, ku kishte ndodhur ngjarja. Sipas policisë, viktima, i cili quhet Ylli Tafani, 58 vjeç, me banim në Sauk, ka qenë duke qëndruar në biznesin e tij dhe aty ka ardhur Shaban Allaraj. Menjëherë mes tyre ka nisur një debat i ashpër dhe Allaraj ka nxjerrë një thikë. Në konflikt e sipër e ka goditur Tafanin disa herë në pjesë të ndryshme të trupit, duke i shkaktuar plagë të rënda, që pak minuta më vonë i kanë marrë jetën.

Pas këtij krimi, autori është larguar me një mjet për në periferi të Saukut, ndërkohë që grupi hetimor ka njoftuar gjithë shërbimet e policisë rrugore dhe grupet e gatshme për gjetjen dhe kapjen e tij. E gjithë puna e policisë është mobilizuar, duke ngritur postblloqe dhe pa kaluar shumë kohë, pikërisht në rrugën nacionale, policia ka mundur të arrestojë Allarajn, i cili nuk ka bërë rezistencë. Ai është sjellë me urgjencë në ambientet e Drejtorisë së Policisë së Tiranës, ku është marrë në pyetje nga oficeri i policisë gjyqësore në lidhje me rrethanat dhe motivin e këtij krimi të rëndë. Nga ana tjetër, grupi hetimor ka zbuluar nga dëshmitarët se sherri kishte ardhur për arsye banale, pasi biznesmeni kishte rrahur djalin e Shaban Allarajt. Në këto kushte, policia ka shoqëruar edhe djalin e tij për të vërtetuar këto fakte, që mësohet se pas këtij konflikti, Allaraj kishte shkuar për t‘u sqaruar me Tafanin. Megjithatë, ai kishte marrë dhe një thikë me vete dhe kjo ia rëndon pozitën, pasi mund të akuzohet për vrasje me paramendim. Madje, grupi hetimor ka mundur të gjejë e sekuestrojë edhe thikën, që është arma e krimit. Policia tha se për këtë krim të rëndë ka shoqëruar edhe disa persona të tjerë, të cilët mendohet se kanë dijeni për ngjarjen. Ky vjen tri ditë pas krimit të ndodhur te Drejtoria e Doganës, ku një person u vra dhe tre të tjerë u plagosën. Sipas policisë, autori i ngjarjes së djeshme është arrestuar në kushtet e flagrancës, ndërkohë që po punon për dokumentimin e plotë të këtij krimi.

• Atentat nipit të kryetarit të PD-së së Fierit

Policia heton konfliktet personale të 35-vjeçarit Murati. Dyshohet për çështje femrash


Atentat nipit të kryetarit të Partisë Demokratike së degës Fier. Besnik Murati, 35 vjeç, është qëlluar me pistoletë në rrugën pranë shtëpisë së tij pak para mesnatës së të martës, por fatmirësisht dy plumbat nuk i kanë sjellë pasoja për jetën e tij. Ai ndodhet në spitalin e Fierit, nën kujdesin e mjekëve, ndërkohë që policia ka deklaruar se janë identifikuar autorët e mundshëm të ngjarjes. Ata janë Elis Nuhaj, 20 vjeç, lindur dhe banues në Fier, si edhe Julian Meçi, 23 vjeç, edhe ky fierak. Policia i ka shpallur në kërkim dhe po punohet për kapjen e tyre. Ndërkohë, pistat ku po heton policia janë konfliktet e mundshme personale të nipit të kryetarit të PD-së së Fierit, i cili punonte shofer me këtë të fundit. Dyshohet se motivi më i mundshëm i këtij atentati të kenë qenë konfliktet për çështjen e një femre, që ka lidhje me njërin prej atentatorëve. Por nuk janë përjashtuar edhe pistat që kanë lidhje me profesionin e tij. "Pesha e tij në emërimet për punë, në zgjidhjet e shumë ndereve, si edhe në çështjet politike ka qenë e madhe, madje ai ka luajtur rol kryesor. Edhe kjo po hetohet nga ne", kanë thënë burimet nga prokuroria dhe Policia e Fierit që po shqyrtojnë ngjarjen në fjalë. 35-vjeçari Besnik Murati, banor i lagjes "Kastrioti" të qytetit të Fierit, jeton në një pallat shumëkatësh të ndërtuar vitet e fundit, pranë shkollës 9-vjeçare "Naim Frashëri". Pasi ka konsumuar një kafe në njërin prej lokaleve që ndodhet në periferi të qytetit, ndërsa ora shënonte 23.40 minuta e së martës, 35-vjeçari Murati i është drejtuar banesës me automjetin e tij të tipit "Benz Mercedez" me targa FR 0002. Burime zyrtare të Policisë së Fierit bëjnë të ditur se sapo ka dalë nga automjeti i tij, Murati është qëlluar dy herë me pistoletë. Më pas, autorët janë larguar pa u vënë re, të ndihmuar nga terri i natës, si edhe ndriçimin e munguar të rrugës dytësore të qytetit, që ndodhet vetëm pak metra larg godinës së Drejtorisë së Policisë të Qarkut Fier. Murati është plagosur në dorën e djathtë, ndërsa plumbi tjetër i ka prekur sipërfaqen e barkut, por pa i shkaktuar plagë të rënda. Mësohet se 35-vjeçari i ka hipur sërish automjetit të tij dhe i përgjakur ka shkuar i vetëm në urgjencën e spitalit të Fierit. Ai i është nënshtruar menjëherë ndërhyrjes kirurgjikale dhe bluzat e bardha kanë deklaruar se "gjendja shëndetësore e Besnik Muratit është e mirë dhe ai ndodhet jashtë rrezikut për jetën. 35-vjeçari ka marrë dy plagë, që fatmirësisht nuk kanë qenë të rënda. Plaga në bark i ka prekur një pjesë të mirë të lëkurës, pasi plumbi i ka përshkuar tangent një pjesë të madhe të barkut. Në dorën e djathtë plumbi i ka dëmtuar tri gishta, të cilat do të rehabilitohen shumë shpejt". Përgjatë gjithë natës së kaluar dhe ditës së mërkurë në spitalin e Fierit kanë qenë të pranishëm me dhjetëra të njohur të 35-vjeçarit. Ndërkohë që të pranishëm në spital kanë qenë edhe efektivët e Policisë së Fierit.

Policia

Edhe pse atentati ka ndodhur vetëm 10 metra larg murit rrethues të godinës së Drejtorisë së Policisë Fier, kjo e fundit është sinjalizuar për ngjarjen nga spitali dhe banorë të lagjes që kanë raportuar se një person është qëlluar me pistoletë. Efektivë të shumtë të policisë kanë shkuar menjëherë në vendin e ngjarjes, kurse shumë të tjerë në spital. Pranë pallatit, ku Murati po parkonte automjetin, policia ka gjetur dy gëzhojat e plumbave, që sipas policisë kanë dalë nga e njëjta armë zjarri. Ndërkohë janë gjetur gjurmë gjaku, si edhe gjurmët e automjetit nga ka kaluar makina e të plagosurit. Policia deklaron se dy autorët kanë qenë në këmbë kur kanë realizuar atentatin dhe më pas janë larguar me shpejtësi për të hipur në një makinë që ndoshta i ka pritur disa metra më larg.

• Masakrojnë me thika një 23-vjeçar, në kërkim dy autorët

Pogradec/I riu fillimisht është shtypur në këmbë dhe më pas është qëlluar katër herë me thikë


Plagosin me thika një 23-vjeçar, shpallen në kërkim dy autorët. Ngjarja ka ndodhur gjatë orëve të vona të së martës, në qytetin e Pogradecit, ku pas një konflikti për motive banale ka mbetur i plagosur rëndë Ermal Çoçka. Burime të policisë lokale kanë sqaruar se dy autorët e identifikuar për plagosjen e rëndë me dashje të të riut pogradecar janë Renato Capollari, 24 vjeç nga fshati Gështenjas dhe Mariglen Topuzi, bashkëmoshatar i tij nga qyteti i Pogradecit. Dy autorët, sipas policisë, e kanë qëlluar 23-vjeçarin katër herë me thikë në pjesë të ndryshme të trupit dhe më pas janë larguar me shpejtësi. Ka qenë një patrullë policie e orëve të natës, që pasi ka identifikuar mjetin ku udhëtonin dy të rinjtë, është vënë në ndjekje të tyre, por pa rezultat. Autorët e plagosjes kanë braktisur makinën në afërsi të fshatit Çërrave dhe kanë mundur të largohen në drejtim të paditur, të ndihmuar nga errësira e natës. Burime zyrtare nga policia lokale deklarojnë se ngjarja ka ndodhur rreth orës 23.15 minuta të së martës, në lagjen 2 të qytetit. Capollari dhe Topuzi kanë qenë duke parkuar makinën, kur janë përplasur dhe kanë shtypur në pjesën e këmbës 23-vjeçarin Çoçka. Ky veprim ka sjellë reagimin e të riut, i cili ka nisur të fyejë dy të rinjtë që drejtonin mjetin. Sherri ka degjeneruar më pas me plagosjen katër herë me thikë të 23-vjeçarit Çoçka, në pjesë të ndryshme të trupit. Burime nga policia bëjnë të ditur se dyshohet që ngjarja të ketë ardhur pas një sherri të mëparshëm dhe dy autorët ta kenë ndjekur qëllimisht 23-vjeçarin dhe të shkaktojnë përplasjen me të. Ndërkohë, mësohet se gjendja shëndetësore e 23-vjeçarit është e rëndë, për shkak të plagëve të shumta që ka marrë dhe sasisë së madhe të gjakut që ka humbur. Ndërkaq, policia po punon për kapjen e autorëve dhe zbardhjen e plotë të ngjarjes.


Gazeta Shqip

[DeuS]

• Përplaset me një kamion, vdes i riu

Një 18-vjeçar është aksidentuar për vdekje mbrëmjen e së martës. Ai ka qenë duke udhëtuar me motoçikletë nga fshati ku banonte, Zharrëz, në drejtim të Roskovecit dhe më pas në drejtim të Beratit. Aksidenti tragjik ka ndodhur rreth orës 22:30 të së martës. Arjol Kothere, lindur e banues në fshatin Zharrëz, pasi ka darkuar me familjarët e tij, ka marrë motoçikletën dhe ka vendosur të bëjë një shëtitje. Por, disa metra larg banesës dhe rrugës së nisur, si shkak i pakujdesisë, shpejtësisë së madhe, si dhe mungesës së ndriçimit në rrugë, 18-vjeçari ka humbur drejtimin e motoçikletës dhe pas disa orvatjeve pa asnjë drejtim përplaset me një kamion që ishte parkuar në pjesën anësore të rrugës, në të njëjtin drejtim që udhëtonte edhe ai.

• Pukë, trajleri bie në greminë, vdes shoferi

Një person ka mbetur i vdekur në një aksident automobilistik në aksin Qafë Mali-Bajram Curri në Rrethin e Pukës, në vendin e quajtur Arrzë-Miliska. Një makinë tip trajler ka dalë nga rruga teksa ka përfunduar disa metra thellësi poshtë një gremine. Aksidenti është shënuar paraditen e sotme, ku sipas policisë, drejtuesi Gajur Dervishi, rreth 45 vjeç, ka qenë duke transportuar hekur me mjetin e tij nga Bajram-Curri në drejtim të Tiranës, dhe si pasojë e humbjes së kontrollit ka përfunduar në greminë. Janë dashur dy orë punë nga policia për të nxjerrë nga makina viktimën, ndërsa nuk dihet me siguri nëse ka ndonjë tjetër person brenda kabinës së mjetit, për shkak të dëmtimit të madh të saj.

• Librazhd, makina përplas 8-vjeçaren

Një e mitur e moshës 8-vjeçare ka mbetur e plagosur rëndë në një aksident automobilistik në qytetin e Librazhdit, në vendin e quajtur "kryqëzimi i tregtisë". Ngjarja është shënuar mesditën e sotme, kur një makinë me targa greke ka aksidentuar 8-vjeçaren me inicialet M.L., teksa ajo ka qenë duke kaluar në krahun tjetër të rrugës. E mitura është dërguar fillimisht në spitalin rajonal të qytetit, por për shkak të gjendjes së rëndë në të cilën ndodhet, është transportuar me helikopter drejt Spitalit Ushtarak të Tiranës. Policia ka mundur të shoqërojë në komisariat dhe drejtuesin e mjetit, emri i të cilit nuk bëhet i ditur për momentin, ndërsa po hetohet për shkaqet e aksidentit.

[DeuS]

• Trafikoi Kusheriren, rroge per vajzen!

Prokuroria e Krimeve të Rënda përfundoi hetimet dhe dërgoi për gjykim tre të akuzuar për trafik femrash për qëllime prostitucioni në shtetin fqinj, Greqi. Të pandehurit, Mehdi Xhihani, Xhemal Zenuni dhe Altin Brahimi do të përgjigjen para Drejtësisë për tentativën e trafikimit të tri femrave në muajt e parë të këtij viti. Për të vërtetuar akuzat e “trafikimit të femrave” në bashkëpunim me persona të tjerë”, ndaj të pandehurve prokurori Ardian Nezha për muaj të tërë ka mundur të sigurojë prova të shumta, si dhjetëra biseda të përgjuara mes tyre dhe një prej viktimave të trafikut, përgjime ambientale, apo pamje filmike të takimeve mes tyre. Nga hetimet ka rezultuar se dy kushërinjtë e pandehur, Xhemal Zenuni dhe Altin Brahimi me ndihëm e mikut të tyre, Mehdi Xhihani kanë tentuar të trafikojnë Marsida Lleshanakun, nga Durrësi, nënë e një vajze të mitur. Po ashtu, tre të pandehurin akuzohen dhe për trafikimin e dy femrave të tjera, Marjana Abazi dhe Nertila Rapushi. Pritësi i viktimave të trafikut ishte një shtetas me banim në Greqi, që thirrej nga të akuzuarit me emrin ‘Aleks’, por ende nuk është identifikuar. Ndaj, për të identifikuar personat e tjerë të implikuar në veprimtarinë kriminale, Prokuroria po vazhdon hetimet.
Hetimet
Hetimet për të zbuluar autorët e trafikimit të Marsida Lleshanakut kanë nisur mbi të dhënat dhe dëshmitë e të dëmtuarës. Një javë para se Lleshanaku të bënte kallëzimin në polici, konkretisht me datë 29 dhe 30 janar 2009, atë e ka takuar kushëriri i saj, Xhemal Zenuni, i cili i ka propozuar për të punuar si prostitutë në Greqi, ku do ta dërgonte atje me disa të njohur të tij. “Xhemali e ka takuar Marsidën me dy të njohurit e tij, konkretisht shtetasin Altin Brahimi, të cilin e ka djalë teze dhe Mehdi Xhianin, i cili është shoku i ngushtë i Altinit dhe njëkohësisht ka lidhje shoqërore me Xhemalit. Nga biseda që kanë bërë me Xhemalin, Altini dhe Mehdiu kanë marrë përsipër të organizonin gjithçka në interes të realizimit të trafikimit dhe shfrytëzimit të Marsidës si prostitutë në Greqi”, - thuhet në dosjen e Prokurorisë.
Rekrutimi
Nga hetimet ka rezultuar se i pandehuri Altin Brahimi ka bashkëpunuar me Mehdi Xhihanin, me qëllim trafikimin e femrave në Greqi. Për të vënë në jetë planin e tij kriminal, i pandehuri Altin Brahimi ka biseduar me kushëririn e tij, Xhemal Zenuni me të cilin ka njohur edhe Mehdi Xhihanin dhe ka kërkuar prej tij t’i propozojë shtetases Marsida Lleshanaku dërgimin e saj si prostitutë ne Greqi. Nëpërmjet Xhemalit, Altini dhe Mehdiu janë njohur me Marsida Lleshanakun dhe të tre kanë bashkëpunuar për të rekrutuar dhe dërguar atë në Greqi, ku do të ushtronte prostitucion. Përfitues i punës që do të kryente Marsida do të ishin Mehdiu, Xhemali dhe Altini. Ky i fundit synonte nga ana e tij të dërgonte në Greqi për të ushtruar prostitucion një shoqen e tij 16- vjeçare. “Propozimin për ta trafikuar Marsidës ja ka bërë fillimisht kushëriri i saj, Xhemali, i cili më pas e ka takuar Marsidën me të pandehurit Mehdi dhe Altin, dhe të tre bashkë janë takuar dhe kanë biseduar për të rekrutuar atë. Marsidës i janë premtuar kushte të mira jetese në Greqi, të ardhura të sigurta atje nga prostitucioni si dhe i kanë premtuar edhe një shpërblim për të ëmën dhe vajzën e saj që do të qëndronte në Shqipëri”, - thuhet në aktakuzën e Prokurorisë. Më tej thuhet se, pasi janë takuar tri herë me Marsidën, Mehdiu dhe Altini kanë garantuar Xhemalit se do të krijonin mundësinë që pasi Marsida të shkonte ne Greqi të punonte si prostitutë, me paratë që ajo do të sillte do të bëhej e mundur dhe dërgimi i Xhemalit në Greqi. “Në përpjekje për të rekrutuar Lleshanakun, me autorizim të prokurorit, tre të pandehurit janë përgjuar në vende publike, fotografuar dhe vëzhguar. Veç Marsida Lleshanakut, të pandehurit janë përpjekur të rekrutojnë për ta trafikuar në Greqi, edhe shtetasen Marjana Abazi. Në dosjen e Prokurorisë thuhet se momentin e kapjes në flagrancë të shtetasit Mehdi Xhiani, ai udhëtonte për të kaluar kufirin për në shtetin grek i shoqëruar me shtetasen Nertila Rapushi, edhe kjo e destinuar për t’u trafikuar në Greqi ku do të ushtronte prostitucion.
Pritësi
Pritësi i femrave që do të trafikoheshin ishte një person të cilin i pandehuri Mehdi Xhihani, në të gjitha komunikimet me të, e thërriste “Aleks”. Por, identiteti i këtij personi nuk është zbuluar ende. “Nga hetimi është arritur të dokumentohet fakti se i pandehuri Mehdi Xhihani bashkëpunon për kryerjen e aktivitetit kriminal të trafikut të femrave për prostitucion me një person të thirrur ‘Aleksi’, që jeton ne Greqi dhe që është pikërisht pritësi i femrave të cilat sigurohen në Shqipëri nga Mehdiu dhe akomodohen në Greqi tek ‘Aleksi’. Këtë fakt e konfirmon në deklarimet e saj, edhe shtetase Marjana Abazi”, - thuhet në aktakuzën e Prokurorisë. Për këtë shkak, Prokuroria po vazhdon hetimet për të bërë të mundur identifikimin dhe vënien para Drejtësisë të personave të tjerë të implikuar në veprimtarinë kriminale.

• Vidhen me dhunë dy kosovarë, autorët anonimë

DURRËS - Dy adoleshentë nga Kosova janë bërë pre e dhunës teksa po shëtisnin në mjediset e plazhit "Iliria" të Durrësit, ku po pushojnë familjarisht prej disa ditësh. Sipas policisë, adoleshentët R.Thaçi, 17 vjeç e 16-vjeçari V.Spahia, të dy nga Prizreni, kanë denoncuar se, "në orën 24:00, në momentet e para të ditës së djeshme, disa persona të paidentifikuar me moshë rreth 20 vjeç, pasi i kanë rrahur, u kanë vjedhur gjithçka kishin me vete". Mësohet se personat ende të paidentifikuar nga policia u kanë vjedhur adoleshentëve kosovarë telefonat celularë, varëse e byzylyk sermi dhe 100 euro

(GSH)

[DeuS]

Qeveria mashtron qytetaret duke deklaruar qe krimi ka rene!
Faktet tregojne ndryshe. Krimi eshte ne kulmin e tij, jeta teper e pasigurte ne Shqiperi..
Disa nga artikujt e sjelle ketu (ka shume qe mungojne) i perkasin vetem muajit te fundit. Skandal!
(Vijon me poshte)..

[DeuS]

• Acid në fytytë ish- të dashurës

Dy vajza kanë pësuar djegie pasi një person ka tentuar t'i djegë me këtë lëndë qëllimisht, pas një konflikti të ndodhur disa ditë më parë. Dhurata Trashana, 25 vjeç dhe Sadina Karaj, 23 vjeç, të dyja banuese në kryeqytet janë djegur dje rreth orës 16 e 30 minuta, në bulevardin "Zogu i Parë", pranë Ministrisë së Drejtësisë, kur një person emri i të cilit nuk është bërë i ditur nga policia iu ka hedhur të dyja vajzave lëndën djegëse.


Sipas burimeve të policisë, mësohet se dy të dëmtuarit kanë qenë duke ecur në rrugë, kur sulmuesi i tyre iu ka hedhur lëndën që dyshohet se ka qenë acid. Nga të dhënat mësohet se veprimi është kryer nga ish i dashuri i njërës prej vajzave, i cili pas ndarjes me të njohurën e tij ka vendosur të kryejë këtë veprim.

Dy vajzat e dëmtuara janë dërguar menjëherë në Spitalin Ushtarak, ku njëra prej tyre, 25- vjeçarja Dhurata Trashana, ka pësuar rreth 15% djegie në fytyre, ndërsa djegia e 23 vjeçares Sadina Karaj është më e rëndë. Nga deklarimet që policia iu ka marrë dy vajzave që kanë pësuar djegien mësohet se ato vetë kanë deklaruar se veprimi është kryer nga i dashuri i njërës prej dy të dëmtuarave.

************************************************** ***

Pranga dy të kërkuarve për plagosje


TIRANË- Dy persona të shpallur në kërkim për akuzën e plagosjes së rëndë me dashje, janë arrestuar dje nga Policia e kryeqytetit.


Alfred Kasi dhe Vladimir Hilaj, të dy 25 vjeç dhe banues në Kamëz, janë arrestuar nga specialistët e Seksionit Kundër Krimeve të Jetës dhe Shëndetit, gjatë mëngjesit të ditës së djeshme pasi akuzohen për plagosjen e dy vëllezërve me sende të forta.


Dy të arrestuarit, dyshohen se në bashkëpunim me njëri- tjetrin, për motive të dobëta kanë plagosur me sende të forta në pjesë të ndryshme të trupit vëllezërit Elez dhe Islam Dida, ngjarje kjo e ndodhur më datë 15 Maj 2009 në qendër të Valiasit.


Pas plagosjes së dy vëllëzërve, dy personat e ndaluar janë larguar nga vendi i ngjarjes duke i shpëtuar dhe arrestimit të policisë për tre muaj. Gjykata e Shkallës së Parë në kryeqytet kishte vendosur në mungesë të masës së sigurisë "arrest me burg", për veprën penale të "plagosjes së rëndë me dashje.


Dy të rinjtë ishin shpallur në kërkim që në muajin maj të këtit viti, ndërsa arrestimi i tyre është bërë vetëm tre muaj pasi këta dy të fundit pas një grindjeje për motive të dobëta plagosën me mjetë të forta dy vëllezërit.

• Aksidenti, humb jetën adoleshenti 16-vjeçar

Makina ku udhëtonin tre adoleshentë del nga rruga për shkak të shpejtësisë së madhe duke i marrë jetën Bruno Serjanit


Një aksident i rëndë rrugor me pasojë vdekjen e një 16- vjeçari dhe lëndimin e dy të tjerëve ka ndodhur dje në aksin Durrës-Shijak, në afërsi të komunës Xhafzotaj. Një makinë tip Benz me targa italiane, në të cilën ndodheshin tre adoloshentë 16- vjeçarë ka dalë nga rruga, duke u përplasur fillimisht me një mur, dhe pasi ka thyer një shtyllë betoni është përplasur dhe ndaluar më pas në një pemë.


Nga përplasja ka humbur jetën në vend 16- vjeçari Bruno Serjani, i cili në momentin e aksidentit po qëndronte ne sediljen e pasme, ndërsa dy bashkëmoshatarët e tij kanë marrë plagë të lehta. Sipas policisë, personat po udhëtonin në drejtim të Shijakut dhe si pasojë e shpejtësisë së madhe, drejtuesi i automjetit ka humbur kontrollin, duke dalë nga rruga. Përplasja ka qenë e fuqishme, dhe forcave të policisë iu është dashur më shumë se 20 minuta, për të nxjerrë trupin, pasi automjeti ishte shkatërruar plotësisht


AKSIDENTI


Aksidenti i rëndë me pasojë vdekjen si dhe me plagosjen e dy shtetasve të tjerë ndodhi rreth orës 10.15 minuta të së martës, në aksin rrugor Durrës-Shijak, në afërsi të vendit të quajtur Xhafzotaj.


Tre adoleshentë me banim në fshatin Xhafzotaj, kanë vendosur që të bëjnë një xhiro me makinën e prindit të Aleksit, i cili ndodhej edhe në timon në momentin që ka ndodhur përplasja tragjike. Ata janë nisur dhe pasi kanë marrë kthesën në drejtim të qytetit të Shijakut, makina ka marrë shpejtësi të madhe.


"Mjeti tip Benz me targa italiane AV 023 EX, ngjyrë gri ka dalë nga rruga, duke shkaktuar një përplasje të fuqishme deri me kalimin e kanalit anësor të rrugës dhe është përplasur me panelat e betonit në gardhin ndarës të një prone në afërsi. Para se të merrte goditjen përfundimtare, mjeti luksoz është zvarritur i permbysur për 20 metra duke u rrotulluar mbi tre herë",- thanë zyrtarë të policisë.


Për pasojë ka mbetur i vdekur në vend, njëri prej pasagjerëve Bruno Serjani, ndërsa janë plagosur dy të tjerë drejtuesi i automjetit Aleks Sulejmani dhe pasagjeri tjetër Fitim Bare, të tre të moshës 16 vjec dhe banorë të Komunës Xhafzotaj.


Nga hetimet e deritanishme ka rezultuar se shkaku kryesor i aksidentit ka qenë mospërgatitja profesionale e drejtuesit, pasi ishte pa patentë si dhe shpejtësia me të cilën ka udhëtuar mjeti. Ky është dhe aksidenti i tretë më pasojë vdekje brenda një harku kohor prej 48 orësh në rrethin e Durrësit. Vetëm dy ditë më parë, 7 shtetas humbën jetën si dhe 9 të tjerë u plagosën në dy aksidente të ndryshme në autostradën Tiranë-Durrës në kohën që po ktheheshin nga dasmat.

• Policia Rrugore, 14 mijë masa që nga fillimi i vitit

TIRANË

Numri i lartë i aksidenteve të ndodhura gjatë ditëve të fundit, ku për pasojë janë shënuar dhe vdekje tragjike, ka bërë që Komisariati i Policisë Rrugore në kryeqytet të rrisë masat ndëshkuese ndaj të gjithë atyre drejtuesve të automjeteve që shkelin normat e qarkullimit rrugor. Por jo vetëm masat ndëshkuese për shoferët, por ka patur edhe shërbim më të përforcuar nga efektivat e Policisë Rrugore, për të parandaluar numrin e lartë të aksidenteve rrugore, që janë kthyer në një kërcënim serioz për jetën e njerëzve. Nisur nga numri i lartë i aksidenteve me pasojë vdekjen të ndodhura jo vetëm në superstradën Tiranë- Durrës, por edhe në segmente të tjera rrugore, shërbimet e Qarkullimit Rrugor, në Policinë e Tiranës, kanë vendosur vetëm për një javë 14 000 masa administrative ndaj shoferëve që kanë shkelur normat e shpejtësisë, kanë kryer parakalim të gabuar, nuk kanë vendosur kaskën mbrojtëse, për mos vendosje të rripit të sigurimit, për përdorimin e celularit gjatë drejtimit të mjetit dhe për mos respektim të sinjalistikës rrugore. Burime zyrtare nga Policia e kryeqytetit, bënë të ditur se vetëm gjatë paradites së djeshme janë vendosur rreth 136 masa ndëshkuese për drejtuesit e automjeteve, ku është konstatuar se shumë prej tyre po ecnin me shpejtësi mbi 120 km/orë. Masat ndëshkuese që shkojnë që me bllokimin e patentës apo edhe të mjetit do të vazhdojnë me intensitet të lartë edhe në ditët në vazhdim, për t'u kujtuar shoferëve se duhet të jenë më të kujdesshëm kur ngasin makinën e tyre. Sipas policisë, një numër i konsiderueshëm aksidentesh shkaktohen nga drejtues motorësh që e përdorin këtë të fundit pa targa. Nga hetimet e Policisë së Tiranës, rezulton se drejtuesit e këtyre mjeteve të pa targuara dhe të pa identifikuar janë autorë të grabitjeve të pasurisë së qytetarëve apo dhe ngjarjeve të tjera kriminale.

(Shekulli)