Shqiperia: Krimi i larte, stresi dhe aksidentet pa fund - jeta e pasigurte!

[saura]

Ke udhetuar ndonjehere ne rrethe me gomere ti Saura, qe thua rrethet kishin gomere? lol

Po kam udhetuar ,pse ofendohesh kaq shume ti Dea ,ke shume komplekse infioriteti mi goc,s'kam asgje me rrethet dhe fshatrat ka njerez shume te mire dhe te ndershem por ato buthgrisurit e 1944 qe rregulluan rracen me nje shkolle partie si duroj dot me thene te drejten ,naten dea se po me presin miqte te dal.
Ps .sa here qe te shof ty qe shkruan kunder demokracis se si me vjen te shkruaj dhe une dhe nuk e di mi kujton pikerisht ato njerez qe permenda une ......

[mia@]

Po kam udhetuar ,pse ofendohesh kaq shume ti Dea ,ke shume komplekse infioriteti mi goc,s'kam asgje me rrethet dhe fshatrat ka njerez shume te mire dhe te ndershem por ato buthgrisurit e 1944 qe rregulluan rracen me nje shkolle partie si duroj dot me thene te drejten ,naten dea se po me presin miqte te dal.
Ps .sa here qe te shof ty qe shkruan kunder demokracis se si me vjen te shkruaj dhe une dhe nuk e di mi kujton pikerisht ato njerez qe permenda une ......

Nuk ofendohem une po ti nga Tirana dhe ke udhetuar me gomar? Ma paske kaluar dhe mua provinciales.
Kur tregova per rruget thashe realitetin dhe nuk u nisa per arsye politike. Po nejse........

[Anesti_55]

Ju pershendes per temen dhe per thirrjen sensibilizuese, per tu bere te vetedijshem. Por ja qe ka dhe keshtu: Nese do te ishin te gjithe njerzit si une me siguri nuk do te kishte nevoje per ligj dhe rend.Pra edukimi , edukimi, edukimi........................................... ....edukimi.!!!!

[INFINITY©]

Rregulli fillon qe kur del nga dera e pallatit ne trotuar. Po ti shohesh shqiptaret, ecin ne nje menyre kaotike..ndersa ti ecen ne krahun tend, e djathta, sheh njerez qe te vijne perballe ose sheh nja 4-5 njerez qe jane kapur krah per krahu dhe as nuk e shohin si gje gabim qe ti nuk ke nga te kalosh. Pa le mo grate...sic je duke ecur, ndalen para teje dhe ia fusin muhabetit per shtate pale qefe ndersa ti pret te kalosh dhe ato pa care koken te shohin sikur ta kishin blere trotuarin. Dhe jane keta njerez qe neser marrin ne dore nje timon dhe ashtu sic ecen ne trotuar, ecin dhe ne rruge.

Une cdo dite ndjek rregullat e ligjet e qarkullimit, por marr vetem shikime te egersuara ose habitura, dhe here pas here rrezikoj koken kur kaloj me driten e gjelber per kembesoret...megjithate vazhdoj ne te drejten time...

Dmth, sipas kesaj qe ka shkruar Edvini dhe ca te tjere ketu, i bie qe ne kemi te bejme me shqiptare qe kane nje mungese te theksuar kulture. Cfare do bej nje polic kur ke njerez qe ndalojne para makinave se ashtu terheqin me teper vemendje? Jam dakort qe qeveria duhet te vere rregulla me strikte dhe nqs ato nuk zbatohen, duhet qe njerezit te gjobiten, por ama mendoj se shqiptaret me teper duhet t'i kushtojne rendesi rregullave elementare te kultures dhe te edukohen rreth pasojave te nje sjelljeje te tille.

Sa per ate komentin qe ata qe vijne nga Anglia jane me te rregullt, pyesni ata qe vijne nga Amerika, se dhe ketu cdo semafor e ke me kamer dhe dhe ta dergojne gjoben ne shtepi miqte. Po mos te besh stop-in te plote, merr gjobe akoma dhe me te larte se nje gjobe shpejtesie. Po ashtu nqs ke kembesor, je i detyruar me ligj qe te ndalosh edhe sikur ti te jesh me jeshile dhe kembesori futet gabim, sepse nqs ti e gjuan ate kembesor prape ti e merr fajin.

[Bel ami]

Konkluzioni? - Nuk ka ligj. Nuk ka rend! Pike, mos te merremi me pallavra..
Si vendoset ligji?!
Te isha une ne pushtet, e vendosja brenda dites. Pa pike hezitimi.
Mjafton te mobilizosh forcat e rendit. Te forcosh masat e marra ndaj personave qe abuzojne me ligjin dhe ta besh publike, duke e futur ne fuqi kete vendim menjehere. Te arrestosh te gjithe personat qe kapen diten e pare. Te nesermen..ke per te pare vete daje, sesa shembullore do behen te gjithe. Jemi po te njejten njerez qe dikur rrinim ne rresh duke marr vajgurin, jemi po te njejtet njerez qe dikur nenat tona shkonin ne pune ne mes te nates dhe nuk te shkonte mendja ti cenonte njeri. Jemi po te njejtet njerez...thjeshte ne nje shtet te korruptuar, ne nje shtet pa udheheqje, ne nje shtet kaotik!

Ti na tregove nje ngjarje personale.Tani te them edhe une nje ngjarje timen qe me ndodhi ne Tirane.Ora rreth 1 i nates, menje miken time amerikane shkojme per ne hotel me makine.Ndaloj ne semaforin e kuq. Nje BMW X5 me kalon nekrah pa ndaluar ne semaforin e kuq, te njejten gje ben edhe nje Golf3 dhe kulmi eshte qe dhe nje makine policie kalon pa ndaluar fare.Shava pak sic dija te beja shume mire, i futa marshin makines dhe kalova edhe une ne te kuqe.Ti na kerkon mobilizim nga Policia!!! Paksa me vrull e ke mare.
Sa per stresin dhe vetevrasjet Shqiperia nuk eshte ne ndonje nivel mete larte sesa vendet e tjera te Evropes. Para disa muajsh Greqia renditej e para e Europe per vetevrasje nga stresi.

[SaS]

Ju pershendes per temen dhe per thirrjen sensibilizuese, per tu bere te vetedijshem. Por ja qe ka dhe keshtu: Nese do te ishin te gjithe njerzit si une me siguri nuk do te kishte nevoje per ligj dhe rend.Pra edukimi , edukimi, edukimi........................................... ....edukimi.!!!!

doni me per belulin ??? pak me shume modesti anesti sdo ishte keq !!!

[DeuS]

• Tenton të mbysë në liqen të dashurën me fëmijën 4-vjeçar

Ngjarja, në fshatin Baldushk të Tiranës. Shkak, xhelozia

Xhelozia mes një çifti të pamartuar duket se ka shkuar deri aty sa burri ka dashur të vrasë vajzën që dashuronte, bashkë me fëmijën e saj. Ai dyshohet se i ka mbyllur në makinën e tij, e ka ndezur atë dhe ka hedhur mjetin në liqen, që t‘i mbyste brenda. Por, duket se fati ka qenë me nënën 29-vjeçare, kur skena është parë nga një banor i zonës, i cili ka lajmëruar policinë. Sipas policisë, e gjithë skena makabër, e cila fatmirësisht është mbyllur pa viktima, ka ndodhur në fshatin Baldushk të Tiranës.
Sipas informacioneve operative, rreth orës 20.00 të së premtes, sapo ishin ndërruar turnet në Drejtorinë e Policisë së Tiranës, në sallën operative ka mbërritur një telefonatë nga një banor i fshatit Baldushk. Ai ka treguar se një person kishte hedhur një makinë tip "Mercedes Benz" në liqenin e këtij fshati dhe më pas ishte larguar. Policia, duke dyshuar se pse mund të ishte kryer ky veprim, ka njoftuar shërbimet e Komisariatit nr. 1, që mbulon zonën e lartpërmendur dhe ka kërkuar prej tyre që të kontrollin për informacionin e marrë. Menjëherë shërbimet janë nisur për në vendin e ngjarjes, ku kanë zbuluar mjetin e hedhur në liqen. Por aty pranë kanë gjetur edhe një grua 29-vjeçare, bashkë me fëmijën e saj, 4 vjeç, të cilët ishin të lagur nga uji i liqenit. E kur kanë biseduar me të, kanë zbuluar se i njohuri i tyre kishte tentuar t‘i mbyste në liqen. Në këtë moment, ngjarja ka marrë përmasa më të mëdha dhe menjëherë janë kërkuar përforcime nga seksioni kundër krimeve ndaj jetës dhe shëndetit.
Nëna e re është sjellë në ambientet e policisë kryeqytetase, ku nuk ka ngurruar për të deklaruar se çfarë i kishte ndodhur. Sipas të dhënave policore, e dëmtuara, e identifikuar me emrin Edlira A., kishte pak kohë që ishte njohur me 27-vjeçarin Fatos D. Sipas dëshmisë rrëqethëse, ajo ishte divorcuar me bashkëshortin e saj dhe 27-vjeçari i kishte qëndruar pranë. Nga kjo, sipas dëshmisë së saj, ishte krijuar një lidhje intime, pavarësisht se kishte edhe një fëmijë 4 vjeç. Lidhja ka shkuar mirë deri disa ditë më parë, kur mes çiftit ka plasur xhelozia. Kjo ka sjellë disa debate mes tyre dhe kështu ka ndodhur edhe të premten në mbrëmje. Pasi kjo i ka thënë se do ndahet me të, sipas dëshmisë së lëshuar në polici, ai ka ndryshuar komplet, duke e kërcënuar se do e vriste. Kur kanë shkuar në fshatin Baldushk, janë afruar te liqeni. Ai ka ndezur makinën, ka mbyllur gjithë dyert, duke lënë brenda të njohurën e tij, bashkë me djalin e saj 4-vjeçar dhe e ka lëshuar atë drejt liqenit.
Më tej, vajza ka deklaruar se në ato momente e ka zënë tmerri dhe ka kërkuar ndihmë. Uji ka filluar të hyjë brenda makinës, ndërsa ajo zhytej edhe më shumë në liqen. Në këto kushte, as ajo nuk e ka kuptuar si ka mundur ta hapë derën e makinës, të rrëmbejë fëmijën e të dalë jashtë. Është detyruar të bëjë disa metra not, bashkë me djalin, por në përfundim ka arritur të shpëtojë. Por, kur ka dalë, ka vënë re se 27-vjeçari ishte larguar. Pas gjithë kësaj dëshmie, policia ka mundur të identifikojë të dyshuarin e ngjarjes, i cili rezulton të jetë nga fshati Picallë i Tiranës. Menjëherë shërbimet policore kanë ushtruar kontroll në banesën e tij, por nuk kanë mundur ta gjejnë.
Nga ana tjetër, shërbimet e Komisariatit Nr. 1 kanë nxjerrë makinën nga liqeni, që është sekuestruar në cilësinë e provës materiale, e cila është një "Mercedes Benz", me targa të huaja AJ 335 BF. Madje, kjo makinë nuk ishte regjistruar as në emrin e autorit të dyshuar të ngjarjes. Por kërkimet për kapjen e tij kanë vazhduar deri ditën e djeshme, kur është arrestuar nga shërbimet policore. Sipas të dhënave, ai është kapur te disa të afërm dhe menjëherë është marrë në pyetje nga oficeri i policisë gjyqësore. Ai ka dhënë variantin e tij për këtë ngjarje, duke mos pranuar akuzat e ngritura ndaj tij, por kjo nuk e ka shpëtuar nga arrestimi. Sipas të dhënave policore, në bashkëpunim edhe me prokurorin, është vendosur që ai të arrestohet për vrasje me dashje të mbetur në tentativë dhe nëse shpallet fajtor rrezikon të paktën dhjetë vjet burg.

• Vritet Doda (Roland Rexhepi)

Elbasan,vritet në atentat ish- agjenti i antidrogës
(Dërguar më: 22/07/09) Policia e Qarkut te Elbasanit thote se, autorët ishin të maskuar e të hipur në një motor. Ish-agjenti i antidroges gjeti vdekjen në spital, ndërsa policia po punon për identifikimin e kapjen e autorëve. Rexhepi ishte një nga figurat kryesore mes agjetëve që kishin goditur një sërë trafiqesh droge, dhe priste të rikthehej në radhët e policisë.

ELBASAN- Një ish-agjent i antidrogës në Drejtorinë e Policisë së Qarkut të Elbasanit është qëlluar me armë zjarri nga persona të maskuar vetëm pak metra larg banesës në lagjen “Vullnetari”, afër Universitetit.

Policia konfirmon se rreth orës 08.30 minuta viktima Roland Rexhepi, 42 vjec kishte dalë nga banesa me makinën kur, pak metra më tutje, autorët, 2 persona të maskuar të hipur në një motor kanë qëlluar në drejtim të 42 vjecarit me armë automatik. Në momentin e vrasjes rruga ka qenë me kalimtarë të shumtë. Autorët janë larguar menjëherë me motor, ndërsa 42 vjecari është transportuar në spitalin e qytetit.

Policia thotë se viktima, ish- agjent i antidrogës nuk ka mundur t’i mbijetojë plagëve dhe ka vdekur pak minuta pasi kishte mbërritur në spital.

Një grup hetimor ka rrethuar vendin e krimit për të mbledhur provat dhe dëgjuar dëshmitë e kalimatërve të rastit, ( të cilët s’kanë qenë të paktë për vetë orën kur ka ndodhur krimi) për të hedhur dritë mbi autorët e vrasjes së ish- agjentit të antidrogës. Policia ka ndërmarrë një aksion për arrestimin e tyre si dhe ka ngritur postblloqe në të gjithë qytetin.

Mësohet Roland Rexhepi kishte 3 vjet që ishte larguar nga radhët e policisë për shkak të reformës. Mes kolegëve të tij ai njihej si një ndër figurat kryesore në radhët e agjentëve të antidrogës të cilët kishin marrë pjesë në një sërë operacionesh për goditjen e trafikut të drogës.

Pista e hetimit në të cilën është përqëndruar policia e qarkut të Elbasanit është ajo e një hakmarrjeje për shkak të detyrës që ai kishte kryer, ndërsa mësohet se 42 vjecari pritej të rikthehej sërish në radhët e policisë.

Në tre vitet e fundit, pasi ishte larguar nga policia Roland Rexhepi ishte marrë me punë private, të cilat sipas policisë, nuk mund të kenë lidhje me atentatin e sotëm ndaj tij.
(s.g/BalkanWeb)

• Aksident tragjik në Tiranë- Durrës. 5 të vdekur dhe 3 të plagosur

Një aksident i rëndë automobilistik, i cili i ka kushtuar jetën 5 personave, ka ndodhur mëngjesin e sotëm në superstradën Tiranë-Durrës. Ngjarja e rëndë ka ndodhur rreth orës 4:00 në afërsi të Maminasit ku tre makina janë përplasur me njëra tjetrën. Si pasojë kanë humbur jetën Doloresa Skënderaj, 32 vjeç, Haxhire Skenderaj, 60 vjeç, Lindita Limani, 43 vjeç dhe bashkëshortët Eduard dhe Lumturi Lekdushaj, përkatësisht 57 dhe 50 vjeç. Të 5 viktimat ishin qytetarë nga Tirana që sapo kishin dalë nga një dasëm në një prej lokaleve të Maminasit, 2 km larg Durrësit.

Autovetura e tyre tip Benx me targa TR 0988 G me drejtuese Dolorosa Skenderaj teksa doli në superstradë, u godit fatalisht nga dy autovetura tip Ëolksvagen TR 0458 S dhe TR 5184 L, që i drejtoheshin Durrësit.

Si pasojë e aksidentit janë plagosur rëndë edhe tre shtetas të tjerë, Ilir Bardhi, 18 vjeç, Nuel Papuli, 19 vjeç dhe Elda Mallkutaj, 17 vjeç, të tre nga Tirana. Të plagosurit pas ndihmës së parë të marrë në spitalin rajonal të Durrësit janë dërguar me urgjencë drejt atij ushtarak për shkak të gjendjes së rëndë shëndetësore.

Nga hetimet e e kryera rezulton se shkak për aksidentin e rëndë është përplasja automjetit që dilte nga qyteza në superstradë me dy autovetura të tjera. Makina e drejtuar nga 18-vjeçari Ilir Bardhi, goditi së pari autoveturën ku mbetën të vdekur 5 viktimat, dhe ku u përfshi dhe një makinë e tretë. Tashmë për të riun policia e Durrësit ka lëshuar fletë-arrestin.

• Tiranë, ekzekutohet 20 vjeçari. Plagosen dy të tjerë

Ne ngjarje e rende eshte regjistruar ne mesditen e sotme ne Tirane. Artan Allushi 22 vjec ka humbur jeten pasi eshte qelluar nga tre persona gjate kohes kur ai ndodhe ne nje lokal ne zonen Laprakes. Ndersa nga te shtentat me arme automatike, kane mbetur te plagosur edhe 2 persona te tjere qe gjendeshin ne lokal ne momentin e krimit. Sipas te dhenave te policise te plagosurit, Nertil Allushi dhe xhaxha i viktimës Kujtimi Allushi, ndodhen ne gjendje te rende.

Policia ka identifikuar ndërkaq autorin e ngjarjes, 40 vjeçari Bashkim Qefalia, i cili pas vrasjes është larguar nga vendngjarja. Dyshimet e para per shkaqet e ketij krimi te rende mendohet se jane per çeshtje pronesie.

• Tmerr në Lezhë, babai përdhunon vajzën 21-vjeçare, e shoqja vret veten!!

Ngjarje rrënqethëse zbulohet në Tale të Lezhës, ku një baba “monstër”, ka abuzuar me vajzën e tij duke e përdhunuar atë rregullisht, veprim që kur u zbulua, mendohet se ishte nxitje për të shoqen të vetëflijohej.

Korrespondentja e agjencisë së lajmeve NOA, konfirmoi arrestimin sot pasdite (e Diel), të 60-vjeçarit Prengë Daka, lindur e banues në Tale të Lezhës.

Ai akuzohet për kryerje të marrëdhënieve seksuale në mënyrë të përsëritur me vajzën e tij 21-vjeçare A.Daka, nga i njëjti vendbanim.

Policia tha se po heton edhe për vdekjen para afro tre muajsh të bashkëshortes 55-vjeçare të Prengës, e cila sipas hetimeve të mëparshme vdiq si pasojë e vetëhelmimit.

Dyshime të forta ka se ky akt flijimi erdhi pasi e shoqja e Prengës nuk duronte dot faktin që e bija abuzohej seksualisht prej tij dhe kur e mësoi, nën presion dhe kërcenime nga i shoqi, zgjodhi vetëvrasjen.

Çifti ka tre vajza, më e madhja, viktima e përdhunimit, 21-vjeçarja A.Daka si dhe dy të tjera, përkatësisht 19 dhe 17 vjeçare.

Policia tha se arrestimi pasditen e së Dielës i 60-vjeçarit erdhi pasi në orët e mëngjesit, vajza 21-vjeçare A.Daka dhe motra e saj dy vjet më e vogël, denoncuan aktin seksual që sikundër thuhet në kallëzim, Prengë Daka kryente rregullisht prej afro një viti me vajzën më të madhe të tij.

Ka qenë motra 19-vjeçare ajo që ka parë mbrëmjen e së Shtunës të atin të futej në dhomë dhe ndërsa mendonte se vajzat e tij flinin gjumë, ka tërhequr drejt dhomës së tij 21-vjeçaren, me qëllimin pervers për të përmbushur si dhe herë të tjera gjatë një viti, epshet seksuale me të bijën.

Kur ka parë këtë skenë dyshuese, në orët e mëpasme që e motra është kthyer, 19-vjeçarja e ka pyetur dhe ka arritur të nxjerrë nga viktima, faktin rrënqethës. Në gjendje shoku, ka arritur ta tërheqë drejt drejtorisë së Policisë së Lezhës ku kryen denoncimin.

Policia tha se në dëshmitë e dy motrave, thuhej se 21-vjeçarja i ishte nënshtruar të atit në aktet perverse, për shkak të presionit dhe kërcënimeve që ai ushqente shpesh ndaj saj.

• Tiranë, vrasje e trefishtë në familje

Krimi në familje trondit kryeqytetin. Dhëndri vrau vjehrrin, djalin dhe më pas veten, pasi kishte plagosur rëndë edhe vjehrrën. Ngjarja ndodhi rreth orës 12:30 në banesën e Azbi Gjonit, në lagjen Allias të Tiranës. Dhëndri, emigrant prej vitesh në Greqi, është kthyer në Shqipëri siç duket me të vetmin qëllim, që të vrasë prindërit e bashkëshortes, që sipas tij e çuan drejt divorcit. Sipas policisë, krimin e paramenduar e shpjegon fakti se Petrit Zaimi, autor i ngjarjes, është futur në shtëpinë e vjehrrit me një pistoletë tip “TT” dhe ka qëlluar ende pa shkëmbyer asnjë fjalë me viktimat. Hetuesit thanë se autori kishte marrë me vete në shtëpinë e vjehrrit edhe djalin e tij 13-vjeçar, Klevisin. Petrit Zaimi, 40 vjeç, ka qëlluar për vdekje vjehrrin e tij, Azbi Gjonin, 79 vjeç, teksa viktima po drekonte me të shoqen. Më pas autori ka plagosur vjehrrën, Nadire Gjoni, 65 vjeçe, e cila ndodhet në spital dhe sipas mjekëve ka kaluar në vdekje klinike, ndërsa shanset për të jetuar duken të zbehta. Një nga plumbat që Petrit Zaimi ka derdhur mbi trupat e prindërve të ish-gruas së tij, ka goditur edhe djalin e autorit të krimit, i cili fillimisht është plagosur në këmbë. Klevis Zaimi, vetëm 13 vjeç, ka zbritur me shpejtësi shkallët e banesës 4-katëshe dhe ka dalë në oborr duke kërkuar ndihmë. Babai i tij nuk ka ndaluar me kaq në masakrën e tij. Ai ka dalë në ballkon dhe e ka qëlluar djalin e tij 13-vjeçar me një plumb në pjesën e kurrizit, duke e lënë të vdekur. Pasi ka kryer krimin, me plumbin e fundit që i kishte mbetur në pistoletë, Petrit Zaimi ka qëlluar veten në kokë.
Vrasja e trefishtë
Në orën 12:30, Salla Operative e Policisë së Tiranës është njoftuar për një vrasje në katin e katërt të një ndërtese, mbrapa konvikteve të Fakultetit të Mjekësisë, në zonën e Alliasit. Bilanci i viktimave është rritur në momentin që oficerët e policisë kanë mbërritur në vendin e ngjarjes. Brenda në banesën ku jetonte me qira familja Gjoni nga Skrapari, policia ka gjetur dy kufoma dhe zonjën e shtëpisë, Nadire Gjoni, të plagosur rëndë, e cila është nisur me urgjencë në spitalin “Nënë Tereza”. Dy viktimat ishin bashkëshorti i të plagosurës, Azbi Gjoni dhe tjetri ishte autori, Petrit Zaimi, dhëndër në shtëpinë ku realizoi krimin dhe më pas kreu vetëvrasje. Sipas policisë, autori i tragjedisë është dhëndri i Azbi dhe Nadire Gjonit, i cili prej disa muajsh ishte i divorcuar me vajzën e tyre. Policisë nuk i është dashur shumë kohë për të gjetur autorin e ngjarjes së rëndë dhe as armën e krimit, pasi ai ishte njëri nga viktimat, ndërsa arma, një pistoletë tip “TT”, kishte mbetur pranë tij. Ndërkohë dëshmitarët poshtë godinës katërkatëshe kanë deklaruar për policinë, se disa banorë të lagjes kanë nisur me urgjencë në spital djalin e autorit të ngjarjes, Klevis Zaimi, i cili ishte plagosur rëndë nga i ati. Brenda pak minutave policia është njoftuar nga spitali “Nënë Tereza”, se edhe 13-vjeçari ka ndërruar jetë me të mbërritur në urgjencë. Ai kishte pësuar dy plagë, një në këmbë dhe një pranë shtyllës kurrizore. Sipas burimeve nga grupi hetimor i policisë, zanafilla e kësaj historie që përfundoi me gjakderdhje ka qenë divorci i kërkuar nga bashkëshortja e Petrit Zaimit. Për këtë vendim që kishte marrë gruaja e tij, Zaimi vazhdimisht kishte fajësuar prindërit e saj, ndaj të cilëve u hakmor dje në mënyrën më tragjike.

[DeuS]

Ne postimin e fundit, eshte nje permbledhje e ngjarjeve, aksidenteve, krimeve dhe viktimave, vetem te muajit te fundit. Eshte per te permendur qe mungojne edhe nja dy-tre aksidente te tjera automobilistike, te cilat nuk pata kohe ti gjej dhe ti shtoj aty (aksidente ne te cilat serisht dikush humbi jeten). Kemi arritur ne ate pike sa seriozisht kemi frike te ndezim televizorin dhe te shikojme kanalet shqiptare. Cdo dite e me shume njerez humbin jete per shkak te aksidenteve automobilistike. Te mendosh qe nje dite perpara, ato degjonin lajmet porsi ne dhe mesonin qe dikush kishte humbur jeten nga perplasja me makine..dhe sot jane vete viktima. Perfundimisht, nuk ka shtet, nuk ka zbatim te ligjit, nuk ka polici..pike! Eshte e vertete qe kerkohet nje sensibilizim i ketij fakti nga qytetaret dhe kerkohet prej tyre te jene me te civilizuar, me te matur, me te pergjegjshem/ndergjeshem ndaj shpejtesise, zbatimit te rregullores, te bejne syte kater dhe nderkohe qe ruajne veten te ruajne edhe te tjeret por...kur mungon prezenca e policit, kur mungon frika ndaj autoriteteve, kur nuk egziston frika se po shkela ligjin do denohem, do me hiqet patenta, do mbetem pa makine, do paguaj nje gjobe qe do me thyeje xhepin, do perfundoj ne burg dhe s'kam nga t'ja mbaj, atehere gjerat do ishin ndryshe!

Gjithashtu, mire qe krimi nuk eshte ulur fare (perndryshe nga c'mashtron kjo qeveri e keta pushtetare qe interesohen vec per karriget e tyre e pasurimin e tere rraces e klanit qe kane) por nje fenomon tjeter po bie ne sy ndjeshem. Krimi ne familje dhe kafsheria/natyra e tij. Babai perdhunon vajzen (tmerre, drama, tragjedi te papara), dhendrat vazhdojne te vrasin vjerrat e njelloj bejne edhe nuset, prinderit bejne cmendurira perballe femijeve. Eshte nje tregues domethenes i drejtimit qe po merr kjo shoqeri, i gjendjes sociale te mjeruar, i varferise, i mungeses se shtetit (institucioneve perkatese) dhe i trysnise e frikes per te denoncuar. Njerezit kane me kollaj te gjejne nje arme sec mund te gjejne nje numer telefoni te institucionit perkates per te paditur, ankuar apo kerkuar ndihme. Vriten djem te rinj nga burra ne moshe per llafe goje. Jemi shume larg Europes, jemi shume larg civilizimit dhe po e theksoj me bindje..nuk kemi shtet e kemi vite qe nuk e ndjejme egzistencen e tij! Kjo e fundit, nuk eshte e nuk ndodh per pamundesi, por ndodh sepse dikush apo disave nuk u intereson qe shteti te funksionoje sic duhet. Mekat qe vazhdon te bejme sehir e ta tolerojme...

[sulioti]

Deus te pershendes dhe te njekohesisht te pergezoj per temen.Po e filozofoj shume kete pune ne lidhje me Shqiperin si shtet jo funksional, dhe shqiptaret si njeres kokshkret viktima te sistemeve e feve te ndryshme, qe kan zbarkuar lirshem ne truallin ton.Une me sa kam par(historia) e sa po shoh(e tanishmja) dhe me sa mund te shoh(e nesermja llogjike)mund te them se Shqiperis po i vjen fundi nga vete populli i vet, dhe kure kjo te ndodhi, vetem ather keta njeres kokbosh, do munden te kthejn nje her koken mbrapa, per te pare se cfare kan korrur gjith keto shekuj.

Kemi armiq nga cdo ane e cdo cep, per vete faktin se i dine kapacitetet tona po te jemi te gjith bashk,po keta armiqt(qe vin e priten si miq tek ne)po ja arrin qellimit te tyre duke perdorur njerzit qe ne mbajm ne pushtet,dhe kjo eshte pare sheshit ne shume raste.

Nese sot ne (pak nacionalista qe e duam me shpirt kete truall)nuk bejm ndonje levizje serioze, mund te them me deshperim te madh se kete kope pa bari shume shpejt do e haj ujku(qe qimen e nderron por zakonin jo).

[Korcar-L1]

Suliot, me thuaj kur ka funksionuar ndonjehere shqiperia qe kur eshte formuar si shtet? Te gjitha qeverite ishin per shkarpa, (fut dhe keto te fundit).

Gjithmone kemi qene fundi i europes.