Ilir Meta: Ftese socialisteve per bashkim kunder Berishes, Rama refuzon

[Guri i Kuq]

Te gjitha televizionet shqiptare po japin informaten e refuzimit te fteses se Metes drejtuar socialisteve per dialog.
Socialistet,permes Saimir Tahirit,zedhenes i Ps,i kumtuan Rames se ;Soc. ju vjen shume mire se Rama e paska kuptuar sloganin socialist etj.,..por,refuzojne nje ftese te ketille dhe i pergjigjen me kunderftese- lsi-sisteve te votojne nr. e PS...
-Mejdani,Pellumbi,Milo e Gjinushi, kategorikisht e kane refuzuar ftesen...
I vetmi qe ka pranuar ftesen deri tash eshte Zotni Fatos Nano,ish kryetar i PS dhe ish kryeminister...

[DYDRINAS]

[RaPSouL]

Rama refuzon Meten: Voto per PS

Partia Socialiste refuzoi ftesen e kreut te Levizjes Socialiste per Integrim, Ilir Meta, per takim dhe bashkim ne zgjedhje dhe i ben thirrje atij te votoje per PS-ne. Kandidati per deputet ne Tirane, Saimir Tahiri, i sugjeroi dje nga selia roze Metes, qe te jape kontributin e tij konkret ne kete drejtim, duke iu bashkuar apelit te kesaj partie qe ne 28 Qershor, te gjithe te votojne per numrin 33 ne liste, Partine Socialiste. Sipas Tahirit, vetem duke votuar per PS-ne, garantohet vota per ndryshimin historik dhe fundi i politikes se vjeter te se shkuares. "Duke shprehur kenaqesine qe edhe Ilir Meta pranoi me se fundi qendrimin tone, se largimi i Sali Berishes eshte nje domosdoshmeri, theksojme se kjo mund te realizohet vetem duke i bashkuar te gjitha votat, per Partine Socialiste", beri te qarte Tahiri, pa pranuar keshtu mbledhjen e lidereve politike ne takimin e se henes, te iniciuar nga Meta. Takim ku LSI ka ftuar te gjithe ish kreret e Partise Socialiste, per bashkim te se majtes ne keto zgjedhje, perfshire ketu edhe Fatos Nanon, apo figura si Rexhep Mejdani, etj. "Duhet te mbyllim kapitullin e politikes se vjeter dhe hapur kapitullin e politikes se re. Pikerisht per kete arsye, ne e ftojme Ilir Meten te jape kontributin e tij konkret, ne kete drejtim, duke iu bashkuar apelit tone qe me 28 qershor, te gjithe duhet te votojne Partine Socialiste te Shqiperise, numrin 33. Sepse vetem duke votuar per Partine Socialiste te Shqiperise garantohet vota per ndryshimin historik dhe fundi i politikes se vjeter te se shkuares", theksoi ai ne emer te Partise Socialiste. Ai theksoi se zgjedhjet e 28 Qershorit, jane historike per te ardhmen e perbashket. Jane zgjedhjet e ndryshimit, qe do i japin cdo shqiptareje dhe shqiptari, shprese per te ardhmen. Keshtu, ne menyre teper te qarte, PS i kerkon Metes qe, nese vertete pretendon bashkepunim, atehere kjo forme bashkepunimi mes forcave te majta, duhet te vije nepermjet votes qe LSI, duhet te jape per kete force politike ne zgjedhjet parlamentare te 28 Qershorit. Nderkohe qe dhe eksponente te tjere socialiste, si Pellumbi dhe Meidani nuk kane preferuar te pergjigjen. Madje Pellumbi e ka cilesuar si te vonuar kete ftese.

"Shqetesimi i Edi Rames per manipulime, solli ftesen"

Sekretari i Marredhenieve me Publikun ne LSI, Luan Rama, perseriti dje ftesen per bashkimin e se majtes, ne funksion te realizimit te fitores ne 28 Qershor. Sipas tij, ftesa e bere dy dite me pare nga Meta, eshte nje reagim i pergjegjshem dhe politik ndaj shqetesimeve te vazhdueshme te shprehur kohet e fundit nga kryetari i PS, Edi Rama ne lidhje me ate qe ai e ka quajtur perpjekje apo tentative te pushtetit per te manipuluar voten dhe per te deformuar keshtu vullnetin e qytetareve shqiptare ne zgjedhjet e 28 qershorit. "Ne nuk e quajme te vonuar kete iniciative, pasi asnjehere nuk eshte vone, per te qene pjese e atyre qe kontribuojne per fitoren e te majtes. Meqenese jemi ende nje jave perpara zgjedhjeve mendoj se ka kohe per te gjithe socialistet dhe progresistet te reagojne ne funksion te koordinimit te perpjekjeve, me synim, largimin e Berishes nga pushteti dhe fitoren e se majtes", u shpreh Rama. Ne kete kuader, ai e perseriti edhe nje here ftesen per te gjithe ata qe e ndiejne veten socialiste, qe jane faktore influente te politikes se majte progresiste, kane kohen, shansin dhe pergjegjesine t'i afrohen kesaj iniciative.


KJ

[amela1]

Mbase nuk e pranon ftesen Rama.

[DeuS]

Prandaj shkrova edhe ne postimin 12 nuhatjen time qe ky takim nuk do realizohej, te pakten jo nga Rama dhe PS e reformuar e tij. Nese Rama pranonte kete ftese, pasojat ai i parashikonte me mire se kushdo, gjithashtu mohonte thelbin dhe qellimin e luftes se tij dhe idealin per te shnderruar kete vend dhe per ta larguar nga 2 dekada shkaterrim. Megjithate, ketu marrin jete faktore te tjere. Ne njeren ane Meta, shtangisti hajdut, fuqizohen figuren e tij si lider dhe si katalizator ne bashkimin socialist, ne syte e analisteve te prasit qe ka Shqiperia por edhe ne militantet e partise. Nga ana tjeter, Nano sapo i dha nje grusht me te rende Rames, ne luften personale qe ka per ti zene karrigen dhe per ta mbajtur kete vend akoma ne kthetrat e partnerllekut Nano-Berisha. Prandaj kjo fushate eshte bere akoma me e veshtire per Edi Ramen, sepse po lufton edhe kundra maxhorances por edhe kundra shushunjave te partise se tij, te debuar po prej tij. Jam kurioz te shoh akoma rrjedhojat e ketij takimi mafioz qe do bejne kupolat e politikes regresiste. I shtrengoj doren Rames per kete vendim qe kerkon guxim e maturi!

[Antimafia]

Ftesa e Metes ishte revansh sarkastik dhe alibi.

Revansh Sarkastik

Meta e di shume mire, qe nje takim i krereve te se majtes 5 dite para zgjedhjeve do ndikonte ne rezultatin e zgjedhjeve, aq sa mund te ndikoj nje takim i blektoreve mongolez, krizen postelektorale ne Iran.
E beri kete ftese sarkastike per ti kthyer revanshin Edi Rames, i cili vetem pasi ndryshoi me ndihmen e Berishes kushtetuten dhe kodin zgjedhor (pra kur çdo gjë kishte marrë fund), "ftoi" Ilir Meten qe te kishte mirësinë dhe te futej ne rresht.
Ne qofte se Rama do kishte pranuar nje sistem proporcional te pergjithshem (ashtu siç propozonte Meta) me nje prag 5%, ateher me 29 Qershor e majta do kishte minimumi 75 mandate ne xhep. Por do kishte edhe nje çeshtje per te sqaruar. Emrin e kryeministrit.

Alibi

Meqenese sipas te gjitha sondazheve dhe parandjenjes personale te Metes, me 29 Qershor PD mer minimumi 74 mandate, duhet nje alibi per tu shfajsuar para socialisteve per disfaten.
-Unë e bera timen. Bile edhe 5 dite para zgjedhjeve, zgjata doren per beshkpunim. Ishte Edi Rama ai qe refuzoi.


-----------------------------

Nga ana e tij Rama i ktheu Metes pergjigjen e vetme te mundshme. Tjeter pergjigje nuk mund, nuk donte dhe nuk kishte qe ti kthente.

-----------------------------

Perfundim

Klluf njoni e Carac tjetri.
U zune dhe u ndane per karigen e kryeministrit, para se ta fitonin ate.
.
.
.
Çuna flori te dy, se e lane PD edhe 4 vjet te udheheq dhe qeveris vendin .

[kundraRRYMES]

Shume i thjeshte qenka programmi i zotit Meta. Qellimi i tij dhe "aleateve" te tij eshte thjeshte per te larguar z Berisha nga pushteti. Populli ska gje mjafton te arrijme qellimin pa se cfare ofrojme ne si alternative nuk ka problem. Sa keq sa te paemancipuar qe jane. Sa vulgare dhe te rendomte qe jane. Sa turp. Askush nuk vjen per ty o njeri secili vjen per veten e tij.

Mjere ...

[flory80]

Topi tani i është lënë Ramës në këmbë, po të dojë ta bëj gol, po të doj të bëj autogol.
Ai di.
Sa ishte koha kur diskutohej për kodin zgjedhor, i bashkoi votat me Berishën, kështu që nesër edhe po ti fitoj zgjedhjet ai nuk do ti ket të gjithë vëndet në parlament për të krijuar qeverrinë, kështu që do tia shtrijë dorën Ilir Metës, por gjërat mund të jenë ndryshe atëherë.

[[Perla]]

TIRANË- Ftesës së kreut të LSI-së, Ilir Meta për bashkimin e së majtës i është përgjigjur sot, Fatos Nano. Në tryezën e organizuar kanë qenë të pranishëm, Meta, ish- kryetari i PS-së Nano dhe kryetari i PSV 91 Petro Koçi, ndërsa munguan kryetari i PS-së Edi Rama dhe përfaqësues të partive të koalicionit "Bashkimi për ndryshim", që drejtohet nga PS. Kjo, dje në përgjigje të ftesës, i bëri apel Metës që të gjitha votat të shkojnë për socialistët, si e vetmja rrugë për largimin e Berishës.
"Ftesa mbetet e hapur", tha Meta në konferencën për shtyp, ndërsa konfirmoi vullnetin e LSI-së për të bashkëpunuar për mbrojtjen e standardeve të zgjedhjeve të 28 qershorit dhe për të krijuar një frymë sa më optimiste, përmes bashkëpunimit të gjithë faktorit të majtë, për fitore në këto zgjedhje.
Ndërkohë Nano ka deklaruar se e ka mirëpritur këtë takim për bashkimin e së majtës dhe theksoi se "e djathta u kthye në pushtet katër vjet më parë për shkak të përçarjes së të majtës". Sipas tij, është koha për të larguar Berishën që erdhi ne pushtet aksidentalisht nga përçarja e së majtës, duke kërkuar ndjesë për atë që ndodhi në 2005-n.

*********
Pas ftesës së Metës, reagon PS-ja: Të gjitha votat për numrin 33

TIRANË- Në përgjigje të ftesës publike të kreut të LSI-së, Ilir Meta ka reaguar Partia Socialiste, duke theksuar se qëllimi i përbashkët për largimin e Berishës mund të realizohet vetëm duke i bashkuar të gjitha votat për Partinë Socialiste.

Gjatë një deklarate për shtyp nga selia e PS-së, Sajmir Tahiri në shprehje të qëndrimit të Partisë Socialiste të Shqipërisë ka ftuar Ilir Metën të jap kontributin e tij konkret në këtë drejtim, duke iu bashkuar apelit, që në 28 qershor të gjithë duhet të votojnë Partinë Socialiste të Shqipërisë. "Të votojnë numrin 33, sepse vetëm duke votuar për Partinë Socialiste të Shqipërisë garantohet vota për ndryshimin historik dhe fundi i politikës së vjetër të së shkuarës"- tha ai.

Sipas Tahirit, zgjedhjet e 28 Qershorit janë historike për të ardhmen tonë të përbashkët. Ato janë zgjedhjet e ndryshimit, që do i japin çdo shqiptareje e shqiptari mundësi dhe shpresë për të ardhmen.

Kjo, ka theksuar më tej ai, do të ndodhë duke mbyllur kapitullin e politikës së vjetër dhe hapur kapitullin e politikës së re. "Prandaj, duke shprehur kënaqësinë që edhe Ilir Meta pranoi më së fundi qëndrimin tonë, se largimi i Sali Berishës është një domosdoshmëri, theksojmë se kjo mund të realizohet vetëm duke i bashkuar të gjitha votat për Partinë Socialiste".

Lëvizja Socialiste për Integrim përsëriti sërish sot ftesën publike të bërë një ditë më parë nga Meta për një tryezë mes faktorëve të majtë, si të vetmen garanci për fitoren e së majtës progresiste.

Sekretari për Marrëdhëniet me Publikun në LSI, Luan Rama, tha sot gjatë një konferencë për shtyp se "thirrja e kësaj tryezë nuk është e vonuar", ndërsa shprehu besimin në reagimin pozitiv të selisë rozë.

Dy ditë më parë, kryetari i LSI-së, Ilir Meta ftoi të gjitha forcat e majta në një tryezë për të diskutuar për zgjedhjet e ardhshme parlamentare, që sipas tij janë vendimtare për të ardhmen e Shqipërisë.

Ftesa e Metes
Meta ftesë Ramës e Nanos: Socialistët, bashkë kundër Berishës

TIRANË- Ilir Meta ka bërë një ftesë publike për drejtuesit dhe ish-drejtuesit e partive të majta në vend. "Të rinj e të vjetër duhet të mblidhemi të rrëzojmë nga pushteti Berishën" u shpreh ai sot një konferencë për shtyp.

"Do të ftoj në një takim ditën e hënë të gjithë faktorët politikë, institucionalë dhe historikë, të rinj dhe të vjetër të të majtës, me qëllim vendosjen e një fryme sa më të gjerë bashkëpunimi, midis të gjithë partive të majta dhe progresiste", beri te ditur Kryetari i LSI-së, Ilir Meta. Sipas tij, ftesa bëhet në mënyrë të veçantë për të mbrojtur procesin zgjedhor në 28 Qershor nga çdo manipulim dhe presion i mundshëm. Së dyti për ndërprerjen e diversionit të forcave të majta dhe progresiste ndaj njëra-tjetrës. Dhe e treta për krijimin e një fryme të besimit dhe të fitores në të gjithë elektoratin e majtë dhe progresistë.

Meta i ka konsideruar zgjedhjet e 28 Qershorit vendimtare për të ardhmen e Shqipërisë. "Rëndësia e këtyre zgjedhjeve është historike, si në aspektin e plotësimit të standardeve, si një vend i ri anëtar i NATO-s edhe për përcaktimin e standarteve për t'u anëtarësuar në Bashkimin Europian dhe në ndërtimin e një qeverisje pas 28 Qershorit, të aftë për të plotësuar të gjitha detyrimet, ndaj integrimit evropian", tha ai, ndërsa vlerësoi se qeverisja aktuale e Berishës nuk jep asnjë garanci, as për organizimin e një procesi zgjedhor të lirë dhe të ndershëm, as në suksesin e integrimit të Shqipërisë në BE".

Pyetje


Z.Meta, thirrja juaj për bashkim, i drejtohet edhe ish-liderit të PS z.Nano dhe kryetarit aktual z.Rama?

Në radhë të parë thirrja ime i drejtohet Kryetarit të PS-së z.Rama, si kryetari i forcës politike më tradicionale. Së dyti thirrja ime i drejtohet gjithë personaliteteve dhe figurave të tjera përfaqësuese, institucionale, por edhe tradicionale apo historike. Natyrisht thirrja ime i drejtohet edhe z.Nano, ashtu siç i drejtohet edhe z.Meidani, që është një figurë shumë e rëndësishme dhe faktorëve të tjerë, se janë faktorë të paneglizueshëm, ndikimi i të cilëve dhe kontributi i të cilëve do të ishte veçse pozitiv për të ecur në një drejtim të përbashkët. Ky drejtim ka për qëllim krijimin e një fryme bashkëpunuese sa më të gjerë, për të mbrojtur procesin zgjedhor. Së dyti në krijimin e një fryme optimizmi sa më të fortë në elektoratin progresist, në mënyrë që kjo të ndikojë në një fitore sa më bindëse të forcave të majta dhe progresiste, në zgjedhjet e 28 Qershorit dhe në krijimin e një Qeverie sa më të qëndrueshme për të shëruar të gjitha plagët që po lë pas qeveria e Berishës, duke nisur nga agimi i 29 Qershorit.

Shekulli

[MaDaBeR]

Dhe pretendojne keta per te fituar votat. Keta nuk po zgjidhin dot problemet brenda vetes e jo me te zgjidhin keta hallet e ketij populli.

Keta duan sa me shume te perfitojne ne kurriz te njeri-tjetrit, kush te perfitoje nje post me te mire per vete, e nuk e kane mendjen asnjeri te hallet e popullit.

Kjo ftese ishte vetem nje farse, ose po e them troç siç e thote dhe populli yne mendjendritur,

Kjo ftese ishte sa per "Ti lene kopilin ne dere tjetrit"