Pa ngjarë ndonjë tragjedi e madhe mbi shqiptarët në Kosovë, nuk po dëgjohet dot zëri i së vërtetës!
Shkruan: Kristina Rasi
-Ndonëse, ky paralajmërim nuk do t´i pëlqente askujt, faktikisht as mua artikullshkrueses nuk më pëlqeu aspak, përkundrazi jam e shtrënguar t´i njoftojë lexuesit se këto fjalë:
-“Shpërthimi i dhunës në Kosovë është vetëm çështje kohësh“, kështu, paralajmëroi këto ditë ish-ambasadori amerikan në Kroaci, William Montgomery.
Ai, deklaroi –duke e theksuar faktin se, “ky shpërthim i dhunës në Kosovë do të vijë për shkak të ndarjes së territorit të Kosovës n´mes shqiptarëve dhe serbëve”.
“Shqiptarët e Kosovës nuk do e pranojnë idenë e ndarjes dhe është vetëm çështje kohe para se dhuna të shpërthejë në Kosovë”, ka shtuar ky ish diplomat amerikan për gazetën serbe „Blic”.
Ai, Ka nënvizuar se: “Ndarja e Kosovës dhe referendumi për pavarësinë në Republikën Serbe të Bosnjës janë zgjidhjet më të mira për këto dy raste”.
-Sipas këtij diplomati amerikan, “Bosnja dhe Kosova shumë etnike- janë treguar si misione te pamundshme“ dhe, sipas Tij këto dy shtete duhen serish të ndahen”, -pra, Bosnja të ndahet në „Republika Srbska“, kurse, Kosova të ndahet nëpërmjet enklave serbe në Kosovë”, -të cilat ishin të dizajnuara nga ish-qeveria kriminale serbe e Miloshoviqit dhe e pranuar dhe miratuar edhe nga bashkësia ndërkombëtare dhe më në fund e kurorëzuar edhe me aktin „final“ nga Mahrti Ahtisaari, me „Pakon e famshme të pavarësisë“.
Ai, shton se, -“kjo nismë ndaj çështjes së Kosovës (pra e ndarjes së Kosovës) duhet të vijë nga Bashkimi Evropian“ dhe që, -“ asnjë palë nuk duhet të fitojë apo të humbas” dhe që të dyja palët, pra si vrasësi (serb) si viktima (shqiptare); (nënvizimi im) duhet të trajtohen njëjtë sipas këtij diplomati, pra, “duhet të marrin diçka konkrete, nëpërmjet ndarjes”.
-Vetëm, pak kohë më parë, Fronti për Bashkim Kombëtar Shqiptar (FBKSH), konkretisht Sigurimi Kombëtar Shqiptar (SKSH), i ka publikuar në media, vendimet sekrete serbe ( Marrëveshjen midis Martti Ahtisaarit dhe kriminelit të Ballkanit, Slobodan Millosheviq, ku sipas kësaj Marrëveshjeje të fshehtë, Kosova u shpall shtet “demokratik dhe multietnik”, dhe, disa muaj më vonë u miratua Kushtetuta e „shtetit“ të Kosovës, e cila sot u festua nga organet më të larta të „shtetit“ të Kosovës, me ç´rast ishte i ftuar edhe „arkitekti“ i kësaj Kushtetute, z. Marti Ahtisaari, i cili nga z. Sejdiu u dekorua me Medaljen e Artë të „pavarësisë së Kosovës“, mirëpo, aty, qëllimisht u harrua të theksohet fakti që, as kjo Kushtetutë e shpallur me aq bujë, kinse kjo na qenka “bibla dhe kurani” i “kosovarëve” -ende nuk po zbatohet askund në Kosovë. Dhe, për faktin se ka aq shumë anti-shqiptarizëm, kjo Kushtetutë, mos u zbatoftë kurrë!...
Kjo Kushtetutë, kur është fjala për cenimin e interesave të tyre; -nuk po zbatohet as edhe nga vetë presidenti, qeveritarët dhe deputetët e Kosovës të cilët e përqafuan me aq zell servilësh, këtë Kushtetutë të ahtisariane, fund e krye me plane serbiane.
„Arkitekti i pavarësisë së Kosovës“, sot u prit nga garda e Kosovës, gardë të cilën poashtu e projektoi dhe e „forcoi ”me armatim “ më modern të botës“, dhe, nga përbërja e saj numerike e sakatoi e la si një të gjymtuar; -të mos them, e la me gishta në gojë, dhe që nga kjo „ushtri“ apo në fakt xhandarmëri minore-shtesë; -shpresohet të frikësohet Serbia e cila është me një ushtri aq të madhe dhe e armatosur me armët më moderne të kohës.
Shtrohet pyetja; -pse erdhi Ahtisaari në Kosovë?
-A mos vallë se, kjo „pavarësi” na qenka në krizë të thellë, ku ligjet e nxjerra prej pushtetarëve të korruptuar nuk zbatohen askund në Kosovë. Ahtisaari erdhi në Kosovë për probleme të tjera që në fakt janë aktuale në Kosovë, -siç është ndarja e Kosovës në baza etnike, siç deklaronte edhe ambasadori amerikan Montgomery, apo mos është ardhur koha që Pakoja famëkeqe e Ahtisaarit të zbatohet në përpikëri nga pushtetarët e Kosovës, pra të hapen negociatat e reja për ndarjen e Kosovës?!
Ahtisaari , do të tregojë gishtin; për respektimin e kësaj Kushtetute.
Por, kjo përsëri zor se do të respektohet dhe, nuk do të respektohet as nga serbët e Kosovës, sepse në ato pjesë të Kosovës sonë valëvitet ende flamuri serb dhe qeverisin strukturat paralele serbe.
A mos vallë duhet ngjarë përsëri një e keqe e madhe tek shqiptarët që, pastaj të lind e mira, dhe kjo e keqe e madhe, mjerisht nëndheshëm po afrohet nëpërmjet ndarjes së Kosovës, por kjo ndarje do të lind e mira, sepse nëpërmjet kësaj ndarje shqiptaret do të zgjohen nga gjumi dhe të shohin se nuk është koha për ndarje territoresh, por është koha për bashkim kombëtar shqiptar, dhe nëpërmjet kësaj të së keqeje do të vijë e mira e shumëpritur për më tepër se një shekull; -kjo e mirë është ribashkimi i trojeve të Shqipërisë Natyrale.
Zvicër, 15 qershor 2009
Përgjigju Duke Cituar
Postuar më parë nga beni33
Krijoni Kontakt