Zgjedhjet lokale në Kosove mbahen më 15 nëntor

[shah_isti]

Zgjedhjet lokale në Kosove mbahen më 15 nëntor
Presidenti Fatmir Sejdiu ka shpallur të martën datën e mbajtjes së zgjedhjeve komunale në Kosovës. Zgjedhjet do të mbahen më 15 nëntor, respektivisht të dielën e tretë të këtij muaji.




1 PDK Hashim Thaçi

2 LDK Fatmir Sejdiu

3 ARK Behgjet Pacolli

4 LDD Nexhat Daci

5 AAK Ramush Haradinaj

6 PSDK Agim Çeku

7 PD Ferit Agani

8 PS Emrush Xhemaili

9 ORA Teuta Sahatgjiu

10 Te Tjerat.

[shah_isti]

LDK
Do zgjohet

[strange]

Po te jam ne Kosove ne kohe zgjedhje do votoj AKR me Behxhet Pacollin

jo ARK po AKR-Aleanca Kosova e Re

[shah_isti]

Ku do të fitohen zgjedhjet

Ndarja e brendshme në Prizren mund ta largojë PDK’në nga pushteti, sikurse edhe gara e ashpër në Gjilan. Dëmtimi serioz i LDD’së mund t’ia kthejë LDK’së Pejën. Kjo e fundit po hulumton të aplikojë modelin e PDK’së të zgjedhjeve të kaluara, duke kandiduar emra të profilit të lartë. Thuhet se AKR po përgatitet për një fushatë ekstravagante në Prishtinë. Ku do të zhvillohet gara më interesante për pushtetin lokal përpara zgjedhjeve të 15 nëntorit?

Nga Leonard Kerquki më 19.06.2009 në ora 8:14
Votimet e 15 nëntorit, të parat pas pavarësisë, përveç rëndësisë së madhe politike për të ardhmen e marrëdhënieve mes shqiptarëve dhe serbëve do të japin sinjale edhe për gjendjen e partive kryesore politike në mesin e komunitetit shumicë.

Po - një vëmendje e posaçme do t’i kushtohet procesit të krijimit të pesë komunave të reja me shumicë serbe dhe zgjerimit të Novobërdës.

Por 15 nëntori do të japë përgjigje edhe në dilema tjera.

A po shkon LDK edhe më tej drejt rënies?

Çfarë reflektimi në elektorat ka dhënë qeverisja e PDK’së?

Dhe, a ishin AKR dhe LDD vetëm romanca të shkurtra elektorale që e sollën PDK’në në pushtet?

Një proces që përgjigjet në dilema të tilla, normalisht që do të shoqërohet me një garë të furishme elektorale.

Express sjell një listë të komunave ku, bazuar në rezultatet e zgjedhjeve të kaluara dhe ngjarjet që kanë ndodhur atje këto dy vjet, pritet konkurrimi më interesant. Ndoshta, edhe përcaktues.

Pacolli mund të testojë LDK’në

Lidhja Demokratike e Kosovës duhet ta trajtojë seriozisht kandidatin që do të nxjerr Aleanca për Kosovën e Re në garën për Kryetar të Prishtinës, në zgjedhjet e 15 Nëntorit.

Kandidati për Kryetar, në masë të madhe, determinon edhe rezultatin e zgjedhjeve për asambletë komunale. Në zgjedhjet e fundit, LDK kishte fituar vetëm 0.7 përqind vota më shumë sesa AKR, në garën për asamblenë e kryeqytetit. Normalisht, në këtë shifër zyrtare nuk është llogaritur vjedhja masive e votave që i është bërë AKR’së. Derisa, kundrejt PDK’së, LDK kishte fituar vetëm 3.8 përqind të votave.

Në këto zgjedhje, AKR dëshiron me çdo kusht ta marrë Prishtinën, derisa LDK e ka jashtëzakonisht të rëndësishëm ta mbajë këtë qytet. Në zgjedhjet e kaluara shpëtimi kishte ardhur vetëm me kandidimin e Isa Mustafës.

PDK, në anën tjetër, nuk ka shprehur ndonjë entuziazëm të madh. Për më tepër ajo edhe ka qenë në koalicion me LDK’në në këtë komunë, kështu që ndajnë rezultatet e qeverisjes.

Mustafa ka zgjedhur qasjen e lëvizjes së ngadaltë dhe ka ardhur në krye të Prishtinës në një trashëgimi të tmerrshme të pararendësve të tij. Behgjet Pacolli, si alternativë e tij, me siguri do të ofrohet me premtime ekstravagante dhe plot show.

Gjasat reale janë që Lideri i AKR’së, të kandidojë për Kryetar të Prishtinës. Thuhet se ai ka planifikuar investime masive në fushatë. Në këtë situatë, LDK’së, për herë të parë, do t’i rrezikohej seriozisht bastioni i saj tradicional.

Rezultati i zgjedhjeve të 17 Nëntorit 2007 në Prishtinë për asamblenë komunale: LDK 26.0, AKR 25.3, PDK 22.2, ORA 9.1, LDD 5.8, AAK 5.3

Thyerjet e LDD’së premtojnë rrezik për AAK’në

Fuqia e LDK’së në qytetin e Pejës do të rritet ndjeshëm në zgjedhjet e 15 Nëntorit. Por jo për shkak të ofertës së saj, aq sa si pasojë e dobësimit të jashtëzakonshëm që ka pësuar atje LDD.

Kështu, LDK mund të tentojë ta thyej AAK’në, e cila dy vjet më parë mori udhëheqjen e qytetit në perëndim të Kosovës.

Në zgjedhjet e 17 Nëntorit 2007, LDK kishte marrë 16.5 përqind të votave, derisa LDD 15.4. Derisa, AAK kishte marrë më së shumti fuqi në asamble, me 22.9 përqind të votave. PDK ishte renditur e katërta, me 13.7.

Pas zgjedhjeve, shumë prej udhëheqësve të LDD’së në Pejë ishin kthyer në shtëpinë e dikurshme, LDK. Duke e dobësuar ndjeshëm LDD. Kjo mund të bëjë që ata që në 2007 votuan LDD’në, sivjet ta votojnë LDK’në.

Por ky nuk është favori i vetëm për LDK’në.

Për këto dy vjet, Kryetari i Komunës, Ali Berisha, nuk ka dëshmuar ndonjë performancë të shkëlqyer. Derisa, Qeveria e Kosovës ka realizuar në rajonin e Pejës disa projekte të rëndësishme. Kjo mund të ndikojë në rritjen e votave për PDK’në, në dëm të AAK’së.
Në krejt këtë situatë, LDK mund ta kthejë qytetin rrëzë Bjeshkëve të Nemuna.

Sigurisht, nëse do të ketë ndonjë kandidat dinjitoz.

Rezultati i zgjedhjeve të 17 Nëntorit 2007 në Pejë për asamblenë komunale: Peja: AAK 22.9, LDK 16.5, LDD 15.4, PDK 13.7, ORA 11.5, AKR 9.2

Më shumë mund të lexoni në Express

[biligoa]

Më në fund:



KRYETARI PYETI 100 VETË, DHE NË FUND

BËRI SI DITI VETË!?!



Shkruan: Adnan Abrashi - Prizren, 19. 06. 2009



Foto: Kryetari i Republikës më në fund shpalli datën!




Më në fund, Presidenti i Kosovës, Fatmir Sejdiu, shpalli 15 nëntorin e këtij viti si datë për mbajtjen e zgjedhjeve për pushtetin komunal, duke i dhënë kështu fund një varg këshillimesh me partitë politike dhe debateve rreth datës së tyre. Në arsyetimin e caktimit të kësaj dite për mbajtjen e zgjedhjeve lokale thuhet: “kjo datë është zgjedhur për shkak se me ligjet në fuqi, zgjedhjet lokale të sivjetme parashihet të mbahen në fund të mandatit të pushteteve komunale të dala nga zgjedhjet e 17 nëntorit të vitit 2007”.

“Shumë bukur, z. President”- do të thoja unë me këtë rast - Pasi na qenka ashtu, atëherë pse me këto takime të kota e maltretuat veten së pari, dhe më pas edhe pjesëmarrësit tjerë, kur nga vetë logjika e përmbajtjes së këtij arsyetimi që po e jepni, shihet qartë se të gjitha ato biseda dhe negociata paraprake, kanë qenë të panevojshme. Sikurse vihet në dukje, z. President, me këtë punë ja keni bërë si në frymën e porosisë së asaj urtësie popullore: ”Pyti 100 vetë, e në fund bëj sikur di vetë”. Po ashtu, duke i pasur për bazë mënyrat e gjertanishme të vendimmarrjeve tuaja për shumë çështje të rëndësishme për vendin, edhe në këtë rast, më bëhet të dyshoj se keni vendosur tërësisht vetë si i pavarur, pa ju sufleruar dikush si gjithnjë prapa kulumineve, nga ana e miqve tanë ndërkombëtar. Por, prapë se prapë mendoj se, edhe kështu si mbaroi, duhet thënë shyqyr, sepse ju dini edhe më ndryshe. Dini edhe më keq! Mu ashtu sikur vepruat me caktimin dhe komentimin e Kushtetutës dhe Dokumentin të Ahtisarit, te rasti i mbajtjes apo mosmbajtjes së zgjedhjeve të përgjithshme qendrore. Atëbotë, nuk ju shkoj mendja që njëjtë, së paku edhe formalisht t’i ftoni dhe t’i këshilloni partitë dhe subjektet tjera politike në Kosovë!!?

Sido që të jetë, nga kjo kotësi, nëse asgjë tjetër, së paku ne si qytetar përfituam diçka: mësuam se për disa vikende të muajve shtator dhe tetor të këtij viti, do të jetë moti i kthjellët, pa të reshura atmosferike, pa mjegull, dhe me temperatura të përballueshme.

Dhe, më në fund, zaret janë hedhur! Dita “D” e shpresës së shumëpritur tanimë dihet edhe zyrtarisht. Ky është 15 nëntori. Si duket, tek disa parti politike, përgatitjet për këtë ditë të madhe të “demokracisë kosovare” moti kanë nisur dhe ato mund t’i vërejmë në debatet e deputetëve tanë në Parlamentin e Kosovës. Është po ashtu diçka interesante se, pas caktimit të datës së zgjedhjeve, edhe pse praktikisht më së shumti është dashur t’i gëzohen partitë politike, ndodhi e kundërta: Unë vërej se disponimi zgjedhor, më së miri po na përgjigjet neve. Popullit. Po, po! Popullit! Jo pse kjo datë do të na ofroj mundësinë e shfrytëzimit e të drejtës tonë kushtetues si qytetar, që të zgjedhin dhe të jemi të zgjedhur, por, mu pse gjatë muajve të ardhshëm, në të gjitha qytetet tona, anë e kënd Kosovës, do të kemi mjaftë përurime të objekteve kapitale infrastrukturore. Si duket, nga trendi i gjertanishëm përurues me gërshër përherë në gjep për prerjen e shiritave, në këtë fazë më atraktiv do të jenë: minstri i arsimit, shkencës dhe teknologjisë z. Enver Hoxhaj dhe ai i transportit dhe telekomunikacionit z. Fatmir Limaj. Aty-këtu, varësisht nga rëndësia e veçantë që ka ai objekt, ka mundësi që këtyre, tani e tutje, si më shpesh, t’ju bashkëngjiten edhe presidenti Sejdiu dhe kryeministri Thaçi. Jo vetëm kaq! Që nga ky moment, e deri tek dita e daljes para kutizave votuese, ne si qytetarë të thjeshtë, do të jemi të privilegjuar që politikanët tanë, do të na lusin neve. E jo ne ata. Ata do të jenë gjithnjë pranë nesh; gojëmbël dhe elokuent, duke na premtuar ura edhe aty ku nuk ka lume dhe shumë e shumë mrekulli tjera iluzore për një jetë më të lumtur në të ardhmen.

Sigurish se në këtë periudhë parazgjedhore, një krenari të veçantë dhe të merituar, do ta kenë mediat tona të shkruara dhe elektronike. Gjatë kësaj etape, atyre do t’ju kthehet rëndësia e vërtet dhe dinjiteti i merituar që duhet ta kenë gjithmonë në një shoqëri. Nga të gjithë politikanët, pa marrë parasysh rangun dhe nivelin e posteve shtetërore dhe partiake që kanë, gazetarët tanë, nuk do të refuzohen dhe maltretohen për intervista dhe çfarëdo kërkese tjetër. Pa dyshim se, në këtë përfitim rasti, do të kalojnë mirë edhe shtëpitë e tyre informative - mediale. Ndoshta edhe më së miri nga të gjithë. Ato, duke qenë si më të kërkuara nga autoritetet e ndryshme politike, përveç ndjenjës morale të superioritetit që do të kenë, në këtë periudhë parazgjedhore nuk do të kalojnë edhe aq keq me përfitime financiare nga reklamat e fushatave zgjedhore, që mbase do t’i kenë me bollëk.

Por, mbi të gjitha, si atraksion më të shprehur në këtë kohë paraelektorale, do të kemi rivalitetin principiel dhe joprincipiel në mes të: PDK-së dhe AAK-së, si parti; në mes të Dukagjinit dhe Kosovës, - si regjione; në mes të pozitës në pushtet dhe opozitës më kritikbërëse të saj, gjegjësisht, përplasja në mes të “Rambos” dhe “Gjarpërit”, si dy figura më të shquara nga lufta e fundit e UÇK-së në Kosovë?! Ndoshta mund të del nga pak qesharake, por mua, nga e gjithë ajo masakradë që pritet të na ngjaj gjatë asaj fushate, më së tepërmi më gëzon fakti se, sa po afrohet dita e zgjedhjeve, ne gjithnjë e më pak po kemi reduktime të rrymës...!??

Dhe, krejt në fund, na qofshin për hajër këto zgjedhje të lira dhe demokratike për pushtetin lokal, e posaçërisht kur ato për të parën herë do të na mbahen në Kosovën tonë si shtet të pavarur dhe sovran. I lutem Zotit që ishalla, për ministrin tonë të administrimit lokal, z. Sadiri Ferati, këto zgjedhje do të mbahen në sa më shumë komuna të reja të decentralizuara dhe me sa më shumë serb të vetëdijësuar se e ardhmja e tyre më e mirë është në këtë “sui generis” Kosovë demokratike dhe multietnike, të cilën si shembull se gjen dot askund tjetër në botë...!?!

[biligoa]

Se kush e shtyri Pacollin të kyqet në politikë do të tregojë koha. Sidoqoftë ky biznesmen i njohur, në janar 2006, intervistohet nga gazeta”Nedelnji Telegraf”, dhe ja se çka ka deklaruar për këtë gazetë serbe: Lexoni: Behgjet Pacolli - Kosovo ne mozhe bez Serbije & Nemam politicke ambicije & Srbija je rotor razvoja jugoistocneevrope & Ekskluzivno Pacolli … !!!

...............

[beratii]

Se kush e shtyri Pacollin të kyqet në politikë do të tregojë koha. Sidoqoftë ky biznesmen i njohur, në janar 2006, intervistohet nga gazeta”Nedelnji Telegraf”, dhe ja se çka ka deklaruar për këtë gazetë serbe: Lexoni: Behgjet Pacolli - Kosovo ne mozhe bez Serbije & Nemam politicke ambicije & Srbija je rotor razvoja jugoistocneevrope & Ekskluzivno Pacolli … !!!

seshte e vertet kjo deklarat , Behxhet Pacolli ka qen politikani qe ma sse shumti ka be per njohjen e Kosoves , kto jan shpifje e serbve mos u be pjes e tyne , se ata gjithmon njerzit me me vler i sulmojn


zjedhjet i caktoi Sejdiu me 15 qershor se kshtu i tha Thaqi

Do vtoj per Behxhet Pacollin sepse esht i vetmi qe nuk ka qen ne pushtet , te tjeret te gjith ken ne pushtet ne u knaqen tu vjedh

[shah_isti]

Verë parazgjedhore

Komisioni Qendror i Zgjedhjeve dhe partitë politike po përgatiten intensivisht për zgjedhjet e 15 Nëntorit. KQZ po disenjon dy listat e votimit, derisa po identifikon zonat ku do të shtohet numri i vendvotimeve. Partitë politike, nga ana tjetër, po identifikojnë kandidatët e tyre për kryetarë të komunave. PDK, LDK dhe AAK nuk përjashtojnë mundësinë edhe të angazhimit të kompanive konsulente, ndërkombëtare apo vendore.

Nga Leonard Kerquki më 21.06.2009 në ora 8:12
Anëtarët e Komisionit Qendror të Zgjedhjeve dhe figurat kryesore të subjekteve politike, vështirë se do të mund t’iu drejtohen plazheve me rërë gjatë dy muajve të ardhshëm, korrikut dhe gushtit.

Para tyre është një test i rëndësishëm - zgjedhjet e 15 Nëntorit. KQZ duhet të dëshmojë se mund t’ia dalë e vetme t’i organizojë zgjedhjet e para në shtetin e Kosovës. Derisa partitë politike konsiderojnë se këto zgjedhje do të determinojnë edhe betejën e madhe, atë të vitit 2011, kur pritet të zhvillohen zgjedhjet parlamentare.

Një javë pasi që Presidenti i Republikës, Fatmir Sejdiu caktoi datën e mbajtjes së zgjedhjeve, KQZ po disenjon listat zgjedhore dhe po identifikon zonat ku do të shtohet numri i vendvotimeve, përderisa partitë politike janë fokusuar në gjetjen e kandidatëve për kryetarë të komunave.

KQZ

Komisioni Qendror i Zgjedhjeve duket se ka përmbyllur procesin e vështirë të grindjeve mes anëtarëve të tij, duke u fokusuar tashmë tërësisht në procesin e zhvillimit të zgjedhjeve për kryetarë komunash dhe asambletë komunale.

Një anëtar i KQZ’së thotë se tashmë është miratuar rregulla zgjedhore, e cila specifikon numrin e qendrave të votimit dhe vendvotimeve në Kosovë për zgjedhjet e ardhshme.
Në zgjedhjet e kaluara, në Kosovë ishin hapur rreth 600 qendra të votimeve me rreth 2500 vendvotime, ndërsa për zgjedhjet lokale të këtij viti, ky numër duket se do të shtohet ndjeshëm.

“Numri i qendrave të votimit është rritur, pasi që me ligj parashihet që asnjë votues të mos e ketë vendin e votimit më larg se 3 kilometra nga vendbanimi i tij”, thotë për Express, Florian Dushi, anëtar i KQZ’së nga Lidhja Demokratike e Kosovës.

Po ashtu, KQZ aktualisht është duke diskutuar edhe rreth disenjimit të fletëvotimeve. Në zgjedhjet lokale të këtij viti, pritet të jenë dy fletëvotime, një për kryetarë komunash, e tjetra për asambletë komunale.

Partitë politike

Partitë politike, nga ana tjetër, janë në proces intensiv të gjetjes së kandidatëve të tyre për kryetarë komunash dhe përgatitjen e fushatës zgjedhore. Nënkryetari i PDK’së, Hajredin Kuçi, njëherësh Zëvendëskryeministër, thotë se procesi i nominimeve do të përmbyllet në një mbledhje të Këshillit Drejtues, jo më larg se në fillim të shtatorit.

“Ne jemi në përgatitje të brendshme. Mendoj se Këshilli Drejtues do t’i hartojë kriteret dhe propozimet që do të vijnë nga degët dhe do të miratohen po në Këshillin Drejtues të PDK’së. Gjithçka do të përmbyllet në afatin kohor, kur do të ketë mundësi të respektohet edhe afati ligjor, por edhe përgatitjet adekuate”, ka thënë Kuçi për Express, të shtunën.
“Unë besoj se do të ndodhë në kohën e duhur. Por me siguri pas muajit gusht, në fillim të shtatorit. Por, jo para 1 shtatorit”, ka shtuar ai.

Hajredin Kuçi paralajmëron se PDK do të zhvillojë një fushatë të fortë. “Ne do të bëjmë fushatë moderne. Besoj se kemi qenë shembull deri më tash, por do ta rrisim cilësinë tonë edhe më shumë. Fushata jonë do të koncentrohet në ide konkrete”, ka thënë ai.
Një atmosferë pune duket se mbretëron edhe në LDK.

Kjo parti nisi të shtunën procesin e kuvendeve të punës nëpër degë, ku do të dalin edhe kandidatët për kryetarë komunash, të cilët më pas do të zyrtarizohen në Kryesinë e kësaj partie dhe do të votohen formalisht në Këshillin e Përgjithshëm.

“LDK ka një plan veprimi që lidhet me mbajtjen e kuvendeve të degëve. Sot kemi filluar me Kamenicën dhe do të vazhdohet me degë të tjera, ku do të dalin edhe emrat e kandidatëve”, ka thënë Nënkryetari Lutfi Haziri, në një prononcim për Express, të shtunën.

“Ne jemi të gatshëm të hyjmë në zgjedhje. Kjo verë do të jetë e zënë me punë në LDK”, ka shtuar ai. Një hap përpara PDK’së dhe LDK’së, duket të jetë AAK’ja. Partia më e zëshme e opozitës, deri më tash ka zyrtarizuar 15 kandidatë të saj për kryetarë të komunave, derisa pret që ta përmbyllë këtë proces brenda muajit korrik.

“Ne jemi fokusuar në dy elemente kryesore. Elementi i parë është përzgjedhja e kandidatëve për kryetarë të komunave dhe elementi i dytë është përgatitja e programeve për komunat veç e veç. Faza e tretë që mbështet dy pjesët e para, është përgatitja e programit nacional”, ka deklaruar Burim Ramadani, për Express.

“Deri më tash kemi identifikuar 15 kandidatë. Kjo është ajo që ne e quajmë pesëmbëdhjetëshja e parë fituese. Këtu ka njerëz me autoritet të madh. Po ashtu, një pjesë e lidershipit do të zbresë në degë për të konkurruar në qytetet prej nga vijnë, siç është z. Ahmet Isufi, Blerim Kuqi, Beslim Zyrapi...”, ka shtuar Sekretari i Përgjithshëm i AAK’së.

Një element interesant i fushatës së sivjetme, duket të jetë edhe angazhimi i kompanive të fuqishme konsulente. Kjo çështje po shqyrtohet seriozisht në PDK, LDK dhe AAK.
“Ne do të bëjmë veprime si çdo parti moderne në botë. Por ajo që dua të them, është Kryesia dhe kandidatët e PDK’së do ta kenë barrën kryesore në këtë proces”, ka thënë nënkryetari i PDK’së, Hajredin Kuçi.

Nënkryetari i LDK’së, Lutfi Haziri thotë se kjo parti do të vazhdojë të koncentrohet në modelin - shtëpi për shtëpi, lagje për lagje, fshat për fshat.

“Por sigurisht se do t’i shfrytëzojmë edhe kapacitet, në Kosovë në radhë të parë, për t’i angazhuar në konsulecë. Por nuk e përjashtojmë mundësinë e gjetjes së mbështetjes edhe te kompani apo organizma ndërkombëtarë, të afërta me LDK-në”, ka thënë Haziri.
Ngjashëm është shprehur edhe Burim Ramadani i AAK’së.

“Sa i përket angazhimit të ndonjë kompanie konsulente, është çështje që është duke u diskutuar dhe aktualisht nuk mund të them më shumë, pasi që gjithçka është në proces”, ka thënë ai.

[shah_isti]

Në zgjedhjet e 15 nëntorit pritet të garojnë 40 parti politike

Prishtinë, 13 korrik - Komisioni Qendror Zgjedhor njoftoi se rreth 40 parti politike do të marrin pjesë në zgjedhjet lokale të 15 nëntorit. Në mbledhjen e KQZ së, kreu i tij, Nesrin Lushta, tha se kishte kërkuar nga përfaqësuesit e Komisionit Evropian dhe USAID it që të vëzhgojnë zgjedhjet lokale të këtij viti. Kryesuesja e Zyrës për regjistrimin e partive politike, Miradije Mavriqi pohoi se rreth 40 parti politike kanë aplikuar për pjesëmarrje në zgjedhjet e nëntorit. "Në zgjedhjet e nëntorit do të marrin pjesë 19 parti politike shqiptare, 6 serbe, 7 parti politike boshnjake, 1 turke, 1 gorane, 1 egjiptase, 1 rome, 2 parti politike ashkaliane, 1 parti malazeze dhe ka kandiduar një kandidat i pavarur për kryetar të komunës së Obiliqit. Është ky Aziz Bici", saktësoi Mavriqi. Por Partia Nacional Demokratike Shqiptare nuk do të marr pjesë në zgjedhje. Në anën tjetër Koalicioni Vakat do të përbëhet nga tri subjekte politike boshnjake. Në nivel të komunave u tha se në garën për kryetar të Prizrenit është formuar koalicioni i parë i përbërë nga LDD, BSDAK dhe Balli Kombëtar.

[shah_isti]

PDK dhe Çeku më të përkrahurit

Nga Express më 14.07.2009 në ora 13:42
Partia Demokratike e Kosovës (PDK) mbetet partia me përkrahjen më të madhe në Kosovë, ndërsa lideri më popullor është Agim Çeku.

Ky është rezultati i një hulumtimi të kryer nga Index Kosova në lidhje me disponimin politik të qytetarëve të Kosovës, para zgjedhjeve të sivjetme lokale.

Sipas hulumtimit që u publikua sot, besimi i qytetarëve është më i ultë se në hulumtimet e kaluara për shumicën e institucioneve të Kosovës. Ngritje të lehtë, në këtë aspekt, ka shënuar vetëm Lëvizja Vetëvendosje.

Ndonëse kryetar i një partie politike të vogël në Kosovë (PSD), duket se imazhi i ish-kryeministrit Agim Çeku si një komandant i përgjithshëm i UÇK-së, dhe më pas i TMK-së, por edhe përfundimi i mandatit si Kryeministër pa lidhje me shumë skandale e afera korruptive, vazhdojnë ta mbajnë atë si personalitetin më të miratuar në Kosovë.

Presidenti Sejdiu është në vendin e dytë, megjithë faktin se ai ka shënuar një rënie të lehtë. Sipas këtij hulumtimi, lideri i tretë më i përkrahur në vend është Ramush Haradinaj i AAK-së, kurse lideri i partisë më të madhe PDK, aktualisht kryeministër i Kosovës, Hashim Thaçi thuhet se vjen pas tij.

Pasojnë Albin Kurti i Vetëvendosjes, Behgjet Pacolli i AKR-së, publicisti Veton Surroi, zëvendëskryeministri Hajredin Kuçi, lideri i LDD-së, Nexhat Daci, Kryetari i Parlamentit Jakuo Krasniqi, shefi i ICO-së – Pieter Feith, ai i EULEX-it Yves de Kermabon dhe zëvendëskryeministri Ramë Manaj.

Forca e Sigurisë së Kosovës (FSK) dhe Policia e Kosovës mbeten institucionet më të besuara në Kosovë, megjithëse edhe ato kanë pësuar rënie të lehtë.

Ky hulumtim tregon se papunësia mbetet problemi kryesor, ndërsa korrupsioni fillon të dalë në pah në mesin e problemeve dytësore për qytetarët e Kosovës.

Hulumtimi gjithashtu tregon se prioritetet kryesore për institucionet e Kosovës në nivelin qendror duhet të jenë sistemi shëndetësor dhe sundimi i ligjit, ndërsa në nivelin lokal duhet të jetë shëndetësia primare.

Shumica e qytetarëve të Kosovës, sipas hulumtimit nuk janë të informuar për misionin e ICO-së në Kosovë.