Vritet kreu i pajtimit të gjaqeve në Shkodër

[R2T]

Misionari i pajtimit të gjaqeve Emin Spahija është gjetur i vrarë pranë shtëpisë së tij në Shkodër.
Trupi i tij u gjet rreth orës 5 e 30 të mëngjesit por policia tha se ai mund të ishte vrare tri-katër orë më parë.

Policia lokale thotë se vrasja është kryer nga profesionistë dhe përjashton pistën e vrasjes për motive grabitjeje pasi, siç thotë ajo, në vendgjarje gjeti sende me vlerë të të vrarit.

Policia tha se po punon per gjetjen e autorëve dhe motiveve të krimit dhe shtoi se ata kishin lënë në vendngjarje katër gëzhoja plumbash të një arme ende të paidentifikuar.

Po sipas policisë, ata janë larguar në drejtim ende të panjohur duke përfituar, sipas saj, nga mungesa e energjisë elektrike në atë orë të natës në qytet.

Emin Spahija prej dhjetë vitesh ka qenë në krye të misionarëve të pajtimit të gjaqeve në Shkodër.

Gjate kësaj kohe misioni i paqës në Shkodër ka pajtuar dhjetëra familje ndërsa ka nxjerrë nga ngujimi qindra persona.

Vrasja e z. Spahija kryhet në njërën prej periudhave më të qeta të rendit dhe të sigurisë në Shkodër.

Që nga fillimi i vitit kjo është vrasja e katërt atje dhe vetëm njëra prej tyre ka patur për motiv gjakmarrjen.

Vetëm në vitin e kaluar atje u vranë 28 persona, shumica e të cilëve për gjakmarrje.

Që prej 1997, Shkodra është një nga qytetet e prekura më rëndë nga vrasjet.

(marre prej BBC News ne Shqip, artikulli origjinal ndodhet ketu )

[StormAngel]

Dy ditë pas ekzekutimit të misionarit të paqes, motivet dhe autorët e ngjarjes mbeten mister për policinë

Enigmë vrasja e Spahisë, lirohen 15 të shoqëruarit


A.Dushi

SHKODËR-Ekzekutimi i Emin Spahisë, kryetarit të lidhjes së misionarëve të paqes në vendin tonë mbetet mister. Policia e Shkodrës, së bashku me specialistët e Ministrisë së Rendit Publik kanë marrë në pyetje dhjetëra dëshmitarë dhe të dyshuar, por deri në orët e vona të mbrëmjes së djeshme, gjithçka është e errët. Gjatë ditës së djeshme, nga mjediset e komisariatit të Shkodrës kanë dalë një e nga një, 15 personat e shoqëruar për këtë ngjarje. Pasi kanë dhënë dëshmitë e tyre me interës për hetimin, ata janë lënë të lirë. Dy ditë pas vrasjes së bujshme, ende asnjë person nuk është identifikuar si autor i vrasjes së pajtuesit të gjaqeve. Vrasja e Spahisë ka tronditur qytetarët e Shkodrës, të cilët gjatë ditës së djeshme nuk diskutonin për gjë tjetër. Ekzekutimi i Spahisë në orët e para të së hënës është cilësuar nga policia si mafioz dhe i organizuar.
Dyshimet
Edhe gjatë ditës së djeshme, agjentët e policisë së Shkodrës po hetojnë në gjurmët e dyshimeve. Pasi është përjashtuar pista e ndonjë konflikti të mundshëm gjatë dasmës, nga e cila kthehej Spahija si dhe e grabitjes, hetimet po përqendrohen në ndonjë konflikt të vjetër për shkak të punës së misionarit, por edhe për arsye personale. “Është tepër e vështirë të përcaktohen motivet apo të arrihet në gjetjen e autorit, pasi Spahija ka patur një aktivitet të dendur në shumë qytete të Shqipërisë si dhe jashtë saj. Pajtimet që ai bënte si dhe ndërhyrjet për besë apo falje gjaku, negociatat me familje të atyre që kishin viktima apo që kishin bërë vrasje ,është një punë e vështirë dhe jo pa rreziqe. Deri tani nuk ka asnjë pistë zyrtare e rrjedhimisht asnjë të ndaluar”,-pohojnë për “Shekullin” burime nga grupi hetimor i kësaj çështjeje. Mësohet se po punohet intensivisht, ndërkohë që me këtë çështje po merren drejtuesit më të lartë të policisë dhe prokurorisë së Shkodrës.
Familjarët
Në familjen e Emin Spahisë “mbretëron” zia. Njerëzit e shumtë që shkojnë për ngushëllim shprehin keqardhje e shpesh lëshojnë mallkime për autorin e panjohur të vrasjes. Të afërmit e Spahisë presin këdo, por i shmangen bisedës me gazetarët. Ata nuk pranojnë të tregojnë asgjë për ngjarjen e rëndë, që u mori njeriun e afërm. Emin Spahia, i njohur në të gjithë Shkodrën u vra në orët e para të mëngjesit të së hënës. Ai është gjetur nga vëllai i tij në orën 5.00 të mëngjesit në afërsi të shtëpisë, ndërkohë që pranë tij ndodhej kamera me të cilën një natë më parë kishte filmuar një dasmë. Drejtuesit e policisë dhe të prokurorisë së Shkodrës kanë qënë tepër të rezervuar në dhënien e informacionit për këtë vrasje të bujshme, ndërkohë që kanë pohuar se ekzekutimi I tipit mafioz ka qënë i organizuar. Vrasja ka ndodhur në një orë kur në Shkodër mungonte energjia elektrike. Spahija është vrarë me një armë automatike tip “Skorpions”, ndërkohë që vdekja është shkaktuar nga 5 plumba.

[goldian]

a e kane arrestu autorin e vrasjes a jo?

[e panjohura]

a e kane arrestu autorin e vrasjes a jo?

E kan leshu nga burgu,se ishte i denuar 5 vite!
Ps.Po ku e gjete kete vrasje qe u trondita kur e pash mendova qe ka ndodhe tani?!