Topalli, akuza PR-së: Republikanët, mafiozë e kontrabandistë

[[Perla]]

Shënohet përçarja e parë publike mes PD-së dhe PR-së. Topalli akuza PR-së. Reagon kryetari i PR-së së Shkodrës: PD-së nuk i vjen e keqja nga PR


SHKODËR - Në prag të zgjedhjeve parlamentare, Partia Demokratike shënon përçarjen e parë publike me partinë kryesore të koalicionit, PR. Është pikërisht Kryetarja e Kuvendit, Jozefina Topalli e cila nën cilësinë e nënkryetares së PD-së, gjatë një takimi të zhvilluar në fshatin Mes të komunës Postribë, ka akuzuar ashpër jo vetëm PDK-në, e cila nuk është më pjesë e koalicionit të PD-së, por edhe PR-në, për të cilën kryeministri Sali Berisha trumbeton ditë e natë se do të jetë parti qeverisëse.


Gjatë takimit me banorët e këtij fshati, nënkryetarja e demokratëve, Topalli, ka kërkuar që asnjë votë të mos shkojë për partitë e vogla.


"Ne do të këmbëngulim që të marrim aq deputetë sa të qeverisim të vetëm, pa ato partitë e vogla, demokristianë, republikanë etj. Këta janë o spiunë, o mafiozë, o kontrabandistë",- tha Topalli. Nuk ka vonuar edhe reagimi i kryetarit të PR-së së Shkodrës, Namik Kamberi.


"Kam dy vjet që marrëdhëniet me Topallin i kam të ngrira. E respektoj dhe është një nder i Shkodrës, por deklarata e saj është e pavend. Nuk mund të vihet shenjë barazimi mes demokristianëve e republikanëve. Kjo është e pamoralshme.


Ne kemi qenë krah PD-së në kohë të vështira. Nga ajo që dëgjohet në terren, është e qartë se PD-ja nuk arrin të marrë 50% të votave që të krijojë e vetme qeverinë.


Në vitin 1997 kam qenë unë që e kam përkrahur e mbështetur Berishën, ndërsa shumë nga eksponentët e sotëm të PD-së në Shkodër nuk janë dukur. Uroj që deklarata e Topallit të jetë një lapsus, pasi PD-së nuk i vjen e keqja nga PR-ja, por nga partitë e tjera të vogla që lëvizin herë majtas, herë djathtas.


Kam komunikuar disa herë për këtë me kryetarin e PR-së, Mediu, që ka kërkuar të verifikohet një deklarim i tillë, pasi nuk e meritojmë një epitet të tillë",- tha Kamberi. Prej kohësh, vihet re një distancim i Partisë Demokratike nga partitë aleate të saj.


Ndryshe nga PS, ku kryetari i PS-së, Edi Rama, nuk harron të përmendë faktin se PS ka koalicionin fitues, kryetari i PD-së, Sali Berisha, nuk i përmend në asnjë prej deklaratave të tij aleatët, edhe pse disa prej drejtuesve të këtyre partive, ai i ka në qeverisje. Në asnjë dalje publike, Berisha nuk bën thirrje për të mbështetur koalicionin.


Deklarata e parë e kryetares së Kuvendit, Jozefina Topalli, njëkohësisht nënkryetare e PD-së, tregon qartazi se, koalicioni i PD-së me PR-në është i lidhur për interesa krejtësisht të ngushta dhe nuk pasqyron në të vërtetë një koalicion real mes tyre.

Shekulli

[juanito02]

Ska faj Topalli jo.
Shushunja jane partite e vogla.
Sidomos me Mediun ne fushate (nje nga poltikanet me te neveritshem te trazicionit) me shume humb pike pd sesa fiton me te.
Kot se bene ligjin te merte sa te merte njera parti e te bente qeverine.
Na pret lsi tani se ka celsin e situates ne dore. Pret edhe Edin edhe Saliun ti mari kryemninistrin dhe 3 ministrite me me peshe.

[[Perla]]

Republikanet tentuan te mbyllin krisjet me Partine Demokratike nje dite pas deklarates kontraversiale te nenkryetares demokrate Jozefina Topalli.

Ne nje takim elektoral ne Postribe te Shkoder, Topalli akuzoi Partine Demokristiane, por edhe aleatet republikane si parti te inkriminuara.

Ne emer te kryesise se Partise Republikane ka reaguar nenkryetari i kesaj partie, Neritan Alibali, i cili eshte edhe kandidat republikan i qarkut te Shkodres.

Alibali deklaroi se mes Partise Republikane dhe asaj Demokratike ka nje marreveshje te nenshkruar ne 21 mars te ketij viti nga dy kryetaret Sali Berisha dhe Fatmir Mediu.

“Ne e konsiderojme qendrimin e zonjes Topalli, si kercenim personal te paarsyeshem qe bie ndesh me paktin e nenshkruar me Partine Demokratike. Ne i hedhin prapa qendrimet personale te mbajtura nga gjithsecili dhe shohim nga e ardhmja”, u shpreh Alibali.

Republikanet kerkojne qe te votohet per koalicionin e djathte dhe permendin faktin se kryeministri Berisha e ka vleresuar Partine Republikane si aleatin me te ngushte dhe se republikanet do jene serish nje koalicionin qeverises.

T-Ch

[[Perla]]

Ska faj Topalli jo.
Shushunja jane partite e vogla.
Sidomos me Mediun ne fushate (nje nga poltikanet me te neveritshem te trazicionit) me shume humb pike pd sesa fiton me te.

Nga zgjedhjet na ndajne perafersisht 2 jave, dhe zonja e nderuar tani kujtohet te quaj mafioze e kontrabandiste, ne kete rast me PR perfshin direkt Mediun, nje minister te perfshire deri ne gryke me afera te qelbura me pergjegjesi penale, qe mesa duket as qe ka per tu gjykuar ndonjehere mqs proçesi po shtyhet e po shtyhet ... dhe sikur kjo mos te mjaftonte Mediu eshte perseri kandidat per deputet, pjese e koalicionit te PD. Atehere, eshte per tu çuditur ky rrefim i zonjes, sepse Mediu nga njera ana thote :

Vota për PR, vijim i rrugës europiane
• Fatmir Mediu, kreu i PR në një takim të zhvilluar me banorët e Hasit, i ka kërkuar votën këtyre të fundit për partinë që ai drejton. Vota për PR-në u shpreh Mediu është një votë e cila do të coj përpara vendin Sot në NATO nesër në BE-tha Mediu.

Sikur nuk po me dalin llogarite tani ? Dhe akoma per tu çuditur eshte heshtja totale e doktorit per kete çeshtje. Apo ishte nje mision per Topallin , per te hequr me lezet Mediun nga skena politike e PD.

[flory80]

Parita Republikane ka 28 deputetë në parlament, të cilat i fitoi jo ndershmërisht në zgjedhjet e kaluara.
Të shohim sa është fuqia reale e këtyre partive që fryhen si tullumbace tani.

[veris]

Zero me xhufka........

[[Perla]]

O yes yes , por PD i duheshin ata deputet per per te krijuar qeverine, pse u kujtua tani Topalli te bej keto deklarata? Edhe nqs PD fiton serisht PR do te jete perseri ne koalicion me ta, kjo e sigurte,atehere ??????

[dritek7]

esht gallat kur Topallja me Berishen akuzojn te tjeret se jan mafioze dhe hajdut....pffffff

[BlueBaron]

Ska faj Topalli jo.
Shushunja jane partite e vogla.
Sidomos me Mediun ne fushate (nje nga poltikanet me te neveritshem te trazicionit) me shume humb pike pd sesa fiton me te.
Kot se bene ligjin te merte sa te merte njera parti e te bente qeverine.
Na pret lsi tani se ka celsin e situates ne dore. Pret edhe Edin edhe Saliun ti mari kryemninistrin dhe 3 ministrite me me peshe.

Shume mire e ke thene. Shumica e plehrave militojne tek keto partiçkat e vogla ...

[agas]

Shpejt u kujtua Topalli ti etiketoje keta partnere te mazhorances.A nuk ndjen ndopak pergjegjsi topalli qe ka pasur ne krah kriminele dhe mafioze te perfshire ne koalicionin bashkqeverises?