Basketbolli shqiptar

[flory80]

Basketboll/Kombëtarja shqiptare e koshit bën provën gjenerale para Lojërave Mesdhetare


(Në pamundësi të një nënforumi për sportet e tjera përveç futbollit, po e postoj këtu)


Kombëtarja e basketbollit të
meshkujve, që do të jetë pjesëmarrëse
në Lojërat e Mesdheut
“Peskara 2009”, ka bërë provën
e fundit në turneun ndërkombëtar
të Portit të San Xhiorxhios. Në
këtë aktivitet, Shqipëria ka marrë
një fitore, kur ka mundur 77-76
përfaqësuesen italiane të universitarëve,
e cila në korrik do të jetë
pjesëmarrëse në Universiadën e
Serbisë. Kurse në ditën e dytë,
Kombëtarja jonë është mundur
thellësisht 58-81 nga përfaqësuesja
e të huajve të ligës profesioniste
italiane. Por ndeshjen më
të mirë, e kemi pasur me Italinë,
të cilën do ta kemi kundërshtare
dhe në grupin kualifikuese në
Lojërat Mesdhetare “Peskara
2009”. Në këtë grup, krahas Italisë
dhe Shqipërisë, do të jenë dhe
Turqia, Libia e Serbia. Duke mbetur
te kjo ndeshje, për italianët e
Rekalkatit është dashur vetëm
një sulm i shpejtë dhe një
trepikësh i Andrea Çikarinit, që
ndeshja të fitohej prej tyre, 73-
68. Në këtë ndeshje si për Italinë,
ashtu edhe për tanët, nuk është
se ka funksionuar shumë tentativa
për të shënuar nga distanca
për tri pikë. Trajneri i italianëve,
Rekalkati, ka qenë i pakënaqur
edhe nga fakti se basketbollistët
shtatlartë të Shqipërisë janë dalluar
për mbrojtjen e tyre të ashpër,
sidomos në lojën e fortë
poshtë koshit. Aq sa Rekalkati,
në mbarim të ndeshjes ka thënë:
“na masakruan shtatlartët shqiptarë”.
E për këtë paraqitje jo
të mirë ndaj Shqipërisë, Rekalkati
duket se do të nisë një tjetër stërvitje
të ngjeshur, më 15 qershor
në Biella, sepse “axurrët” sipas
tij, kanë vend për përmirësime.
Kuqezinjtë e Avramit janë para
qitur
një skuadër e përgatitur mirë
fizikisht, si dhe me cilësi të larta
teknike. Italianët janë vënë në
vështirësi nga shpejtësia e Bushatit,
por edhe saktësia në gjuajtjen
për dy pikë e Lames. Shqiptarët
kanë arritur që në mbarim
të dhjetëminutëshit të parë të
ishin në avantazh 16-15. Gjithsesi,
Mareska i ka dhënë gjallëri
sulmit italian, kurse Aradori është
i papërmbajtshëm në kundërsulm.
Dhe me një mbrojtje të saktë,
në fundin e pjesës së dytë
është shënuar rezultati 33-24
për Italinë. Veçse Gjinaj, i saktë
në trepikësha e ka barazuar rezultatin
në 40-40. Luftohet ashpër
në çdo top dhe ndeshja kalon
pikë pas pike, aq sa trajnerët
detyrohen të marrin pushim pas
pushimi për të ulur ritmet e lojës.
63-63 vetëm pesë minuta përpara
përfundimit të ndeshjes,
ndërsa gjithçka merret përsëri
nga Andrea Çinçiarini, i cili zgjidh
ndeshjen. Megjithatë, me paraqitjen
ndaj Kombëtares shqiptare,
italianët janë të
vetëdijshëm se, nëse do të jenë
në të njëjtin nivel më 27 qershor,
ndaj kuqezinjve do ta kenë të
vështirë. “Axurrëve” u shtohen
në grumbullimin e Biellës, Xhixhi
Datone dhe Xhiuzepe Poeta. Por,
gjithnjë sipas bindjes së italianëve,
tanët do të japin maksimumin
në atë ndeshjeve për t’i
mundur ata, të cilët janë kampionët
në fuqi të basketbollit për
meshkuj në Mesdhe. Duhet përmendur
që figurën më të mirë e
ka bërë Hysenagolli, jo vetëm
për 19 pikët e shënuara, por
edhe për lojën e tij të fortë në
rikuperimin e topave në tabelë,
teksa numëron 13 të tilla.

TË DHËNAT TEKNIKE
ITALI SHQIPËRI
1 FAULLA TEKNIK 1
24/44 GJUAJTJE PËR 2 PIKË 15/44
4/21 GJUATJE PËR 3 PIKË 6/22
13/18 GJUAJTJE TË LIRA 20/30
42 TOPA NË TABELË 49
8 ASISTE 4

ITALI – SHQIPËRI 73-68
ITALIA: Mareska (7). D.Cinciarini (5), A.Cinciarini (15), Çitadini
(1), Aradori (15)/Krosariol (4), D’Erkole (3), Çerela (9),
Kanavezi (2), Renzi (10), Ferrero (2), Bolzonela
Trajner: Karlo Rekalkati
SHQIPËRIA: Nikaj (2), Karaj (13), Gjonaj, Lame (1), Hysenagolli
(19)/Shima (3), Luka (19), Bushati (8), Gjinaj (3) Trajner:
Roland Avrami
GJYQTARË: M.Filipini, K.Di Toro, G.Federiko di Françesko
(17-16, 16-12, 23-22, 17-18)

[flory80]

Kombëtarja e mesh
kujve në basketboll
ka shënuar dje fitoren
e parë në Lojërat Mesdhetare
të Peskarës, duke mundur
Serbinë 83-68 për vendet 5-
8. Pas asaj ecurie negative në
ndeshjet në grupin B, më në
fund në radhët e kuqezinjve do
të vinte buzëqeshja. Në takimin
e luajtur dje kombëtarja e drejtuar
nga trajneri Roland Avrami
zhvilloi një lojë krejt ndryshe
nga të parat. Fitorja e armatës
me kapiten Erkand Karaj ishte
e merituar. Shqipëria fiton terren
që në periodën e parë dhe e
mbyll këtë 10-minuësh 23-19.
Ndërkohë në periodën e dytë
në parket shihet një reagim i
lehtë nga ana e serbëve, të cilët
janë ata që marrin frenat e lojës.
Kështu, 10-minutëshi i dytë
përfundon 19-15 për kundërshtarin
tonë. Pjesa e parë mbyllet
në barazim 38-38. Gjithsesi,
ky rezultat nuk i dekurajon
kuqezinjtë. Në periodën e tretë
të besuarit e teknikut Avrami
fillojnë dhe thellojnë diferencën.
E njëjta pamje loje edhe
në periodën e katërt, ku shqiptarët
mjaftohen me administrimin
e avantazhit dhe heraherës
e thellojnë atë, megjithëse
rivalët e tyre nuk harrojnë të reagojnë,
por do të jetë vonë. Krejt
takimi mbyllet 83-69 për Shqipërinë.
Shënuesi më i mirë
për tanët ishte Ersid Luca me
24 pikë. Gjithashtu u dallua
Bushati, Shima dhe Karaj. Kjo
ishte fitorja e parë e Kombëtares
sonë pas katër humbjeve radhazi.
Sot Shqipëria do të luajë
në orën 18:00 për vendet 5-6 me
Kombëtaren marokene.

[goldian]

i lumte djemve tone

[Der_Kaiser5]

Nje BRAVO per cunat!

[BOKE]

Ermal Kuqo kthehet në kombëtaren shqiptare të basketbollit


Ylli i basketbollit largohet nga kombëtarja e Turqisë për vendlindjen

Ylli i basketbollit shqiptar, Ermal Kuqo, në vitin 2004 për herë të parë pati mundësinë që të luante për Përfaqësuesen e Shqipërisë. Por, Kuqo vendosi që ta veshë fanellën e Turqisë dhe të luajë në Kampionatin Botëror. Për këtë qendra shqiptare nuk është pishman, pasi me Turqinë u zhvillua si lojtar. Luajti në Botëror dhe në Evropian të basketbollit. Po ashtu bëri edhe karrierë të bujshme në Superligën e Turqisë me skuadrën Efes Pilsen. Tash gjashtë vite pas, Kuqo është kthyer te Përfaqësuesja e Shqipërisë dhe synon të ndihmojë vendlindjen e tij të arrijë suksesin e shumëpritur.
Rikthimi në kombëtaren e vendlindjes
Ermal Kuqo ka fituar të drejtën për të luajtur për Shqipërinë, pasi Federata Shqiptare e Basketbollit dhe ajo turke arritën marrëveshje për këtë, siç edhe kërkohet me rregullat e FIBA-s.
"Unë jam rritur në një frymë ku e gjithë familja ime ishin basketbollistë profesionistë. Babai im ka qenë legjendë në Partizan dhe axha Artani ka luajtur po ashtu në nivel të lartë. Në vitin 2004 vendosa të luaja për Turqinë, pasi atëbotë Shqipëria nuk më ofronte kushte dhe nuk kishte një të ardhme. Unë në Turqi u zhvillova si basketbollist dhe pranova ofertën, pasi desha të luaja në Kampionatin Botëror. Nuk jam aspak pishman që kam luajtur për Turqinë, pasi u bëra profesionist. Por, tash erdhi koha e duhur që t'i ndihmoj Shqipërisë dhe vendosa kështu që të jap maksimumin. Shpresoj që hapat e mi t'i ndjekin edhe lojtarët e tjerë shqiptarë", ka deklaruar Kuqo për mediat kosovare. Së fundi në Përfaqësuesen e Shqipërisë në basketboll është angazhuar si trajner ish-reprezentuesi i Zelandës së Re, Mark Dickel. Federata Shqiptare e Basketbollit është duke bërë përgatitje që në të ardhmen të sigurohet kualifikimi në ndonjë kampionat evropian apo botëror.
Basketbolli shqiptar
Shqipëria gjendet në Grupin B të Divizionit B për eliminatoret e Evropianit 2011 të basketbollit. Shqipëria është në një grup me Suedinë, Bjellorusinë, Azerbajxhanin dhe Rumaninë. Ndeshjen e parë kuqezinjtë e zhvillojnë në Tiranë më 8 gusht. "Është herët për të folur për rezultate, pasi një fjalë e urtë thotë se 'me një lule nuk çel pranvera'. Shpresoj të sjell ndryshime pozitive në kombëtare. Duke parë organizimin dhe entuziazmin e Federatës Shqiptare dhe me energjinë që po punohet, shpresoj që deri në vitin 2013 do të kemi një ekip të denjë që të marrim pjesë në gara të mëdha", ka thënë Kuqo. "Ne aktualisht jemi në Divizionin B të FIBA-s. Nuk e kemi luksin si kombëtare që të themi se kush është më i fortë e kush më i dobët. Jemi në nivelin më të ulët që ekziston, por vetëm në letër. Kemi zemër për të luajtur dhe mund të luajmë fuqishëm. Ne do të dalim në çdo ndeshje në parket për të fituar". Ermal Kuqo 30-vjeçar i lindur në Korçë, së fundi është transferuar te skuadra turke Galatasaray. Aty i është bashkuar ish-trajnerit të tij në Efes Pilsen, shqiptarit Oktaj Mahmuti.

Tirana Observer

[Xhuxhumaku]

i kane rene breket per turqine Kuqos, s'duhet ta qasin me aty, prandaj o kthyer me shqiperine.

megjithate mire eshte, kemi nevoje per lojtare profesioniste.