Zyrtare: Ahmadinexhad fiton me 65%, Musavi akuzon për manipulim

[strange]

Mahmud Ahmadinexhad është rizgjedhur për president të Iranit, transmetuan agjencitë botërore, duke iu referuar rezultateve nga numërimi i fletëvotimeve. Edhe krahas faktit se numërimi i materialit votues ende nuk ka përfunduar.

Ahmadinexhad tashmë ka 18,3 milionë vota, ndërsa kundërshtari i tij kryesor – ish-kryeministri Mir Hosein Musavi ka 8,9 milionë vota. Në përqindje kjo do të thotë se 65,24 për qind përkundër 31,83 për qind nga 77,13 për qind të fletëvotimeve të numëruara.

Sipas të dhënave zyrtare, dalja ishte rreth 75 deri 80 për qind nga personat me të drejtë vote, ndërsa të tillë në Iran ka 46,2 milionë.

Kandidati reformist presidencial Musavi ka kundërshtuar rezultatet zyrtare duke akuzuar autoritetet iraniane për falsifikimit të votave.
Në një konferencë shtypi rreth mesnatës, Musavi shpalli veten “definitivisht fitues” duke u bazuar nga rezultatet që vinin nga të gjitha vendvotimet e vendit.” Ai akuzoi qeverinë për manipulimin e votave të njerëzve për të mbajtur në pushtet Ahmadinexhad dhe sugjeroi se kampi reformist do të ngritet për të sfiduar rezultatet.
“Është detyra jonë për të mbrojtur votat e njerëzve. Nuk ka asnjë kthese prapa,” tha Musavi.

Ministria e Brendshme ka ndaluar mbajtjen e mitingjeve, deri në njoftimin e rezultatit përfundimtar të zgjedhjeve. Megjithë ndalimin ithtarë të Musavit demostruan në Teheran kundër shpalljes së Ahmadinexhadit si fitues të zgjedhjeve. Policia ushtroi dhunë ndaj demostruesve./shqipmedia/



--

Ka ora 8 ne mëngjes e lexova se i ka humb tash prape doli se i ka fitua

[drague]

e paska te fitume dhe erjon velia

[bayern]

Ne Izrael ka fillu me u prodhu bunkeri antinuklear.

[BESIIM]

Ne Izrael ka fillu me u prodhu bunkeri antinuklear.

Ka mi zhduk nga faqja e dheut

[strange]

Khamenei: Do të rinumërohen votat

Udhëheqësi suprem iranian, Ayatollah Ali Khamenei është shprehur në favor të rinumërimit të një pjesë të votave të zgjedhjeve presidenciale. Lajmin e ka bërë të ditur televizioni shtetëror iranian, i cili iu referohet burimeve të afërta me ajatollahun. Mbështetësit e kandidatit të mundur, Moussavi, e vlerësojnë si ilegjitime rizgjedhjen e presidentit Ahmadinejad.

/ShqipMedia/

[strange]

Zgjedhjet në Iran, as të lira e as të drejta

Nga “Washington Post”

Askush jashtë rrethit të brendshëm të strukturës së pushtetit në Iran nuk mund të dijë se kush i fitoi zgjedhjet presidenciale.

Është e mundur që shumica votuan për Mahmud Ahmadinexhadin, siç pohon ai. Gjithashtu është e mundur, siç besojnë shumica e kundërshtarëve të tij, që zgjedhjet u vodhën.

Por ajo që mund të thuhet me siguri është se zgjedhjet nuk ishin as të lira e as të drejta.

Kur një regjim paraprakisht i zgjedh kandidatët që do të garojnë, i mbyll gazetat, ueb-faqet dhe byrotë e televizioneve, nuk lejon mesazhet e celularëve dhe kritikët i hedh në burg, atëherë një regjim i tillë nuk duhet të presë që deklarimet e tij për zgjedhjet të fitojnë ndonjë respekt.

Si hap të parë, administrata Obama duhet të ketë kujdes që të mos shfaqë më tepër respekt se sa meritojnë rezultatet.

Zyrtarët e administratës kanë të drejtë kur përgjigjen me kujdes dhe e lënë procesin të rrjedhë. Por ka edhe parime, të cilat administrata duhet t’i mbrojë edhe në këtë kohë, duke e mbështetur sundimin e ligjit dhe shprehjes demokratike në Iran.

Shtetet e Bashkuara mund ta bëjnë të qartë se, nëse një qeveri do që të merret seriozisht nga bashkësia ndërkombëtare, atëherë nuk duhet të përdorë forcën kundër protestuesve paqësorë, t’i arrestojë liderët e opozitës dhe ithtarët e tyre, t’i mbyllë transmetimet radiofonike apo të bllokojë internetin.

Në qoftë se Ahmadinexhad e konsolidon fitoren e pretenduar, do të ketë mjaft kohë për të ndërtuar strategji.

Presidenti Barack Obama e ka bërë të qartë se janë të papranueshme ambiciet e Iranit për armë bërthamore.

Ai, gjithashtu, me të drejtë e ka bërë të qartë se Perëndimi duhet t’i eksplorojë të gjitha mundësitë diplomatike përpara se të ndjekë rrugën e shtrëngimit të sanksioneve apo reaksionin ushtarak.

Një gjë është e vërtetë: Shtetet e Bashkuara duhet të jenë të gatshme të bisedojnë për kontrollin e armëve dhe fushat e tjera me interes kombëtar me udhëheqësin suprem të Iranit, Ajatolah Ali Hamnei, dhe cilindo që flet për politikën e jashtme të vendit.

Por, gjithashtu është e pamohueshme se shumë, shumë iranianë brenda dhe jashtë vendit, e hedhin poshtë regjimin e Ahmadinexhadit dhe atë për të cilën ai qëndron.

Fushata presidenciale zbuloi një mospajtim të thellë për politikat sociale, ekonomike dhe të jashtme të Iranit, përfshirë dhe shtypjen e gruas.

Marrëdhëniet mes Shteteve të Bashkuara dhe Iranit vështirë se do të mund të lulëzojnë, nëse kaq shumë zëra mbeten të shtypur.

Por, siç e tha edhe presidenti Obama në fjalimin e tij në Kajro, Shtetet e Bashkuara duhet ta gjejnë mënyrën për të folur me popullin iranian dhe me udhëheqësit, të cilët pretendojnë se e përfaqësojnë. /Shqipmedia/