Pastertia e Muslimanit, Leksion per te tjeret!!

[fisniku-student]

Ky lloj uji konsiderohet i pastër dhe si i tillë, ai mund të përdoret nga njeriu për të pastruar vetveten. Ky lloj uji ndahet në këto kategori:


1- Uji i shiut, dëborës dhe breshërit



Këto ujëra konsiderohen të pastra në bazë të fjalëve të Allahut:

“Ai ju lëshoi shi nga qielli për t’ju pastruar me të”, (El Enfalë: 11) dhe

“...dhe Ne lëshuam prej qiellit ujë të pastër...” (El Furkan, 48)

Pastërtia e këtyre ujërave bazohet gjithashtu edhe në hadithin e mëposhtëm:
Ebu Hurejra transmeton se i Dërguari i Allahut, Muhamedi (a.s.), e kishte zakon të qëndronte në heshtje gjatë kohës midis tekbirit fillestar të namazit dhe recitimit të Kuranit.

Prandaj Ebu Hurejra e pyeti Profetin (a.s.): “O i Dërguar i Allahut! Pse qëndron i heshtur ndërmjet tekbirit fillestar dhe këndimit të Kuranit? Cfarë thua gjatë kësaj kohe?”

Muhamedi (a.s.) iu përgjigj: “Unë them: O Allah! Vendos një largësi midis meje dhe mëkateve të mia të ngjashme me atë që ke vendosur midis Lindjes dhe Perëndimit. O Allah! Më pastro nga mëkatet, ashtu sikurse rrobat e bardha pastrohen nga papastërtitë! O Allah, laji mëkatet e mia me dëborë, shi dhe breshër!”

Transmeton Buhariu 744, Muslimi 1353, Ebu Daudi 781, Nesai 60,894, Ibën Maxheh 805.

[fisniku-student]

2- Uji i Detit

Pastërtia e ujit të detit vërtetohet nga hadithi i mëposhtëm.



Ebu Hurejra transmeton se një burrë e pyeti Profetin (a.s.): “O i Dërguar i Allahut! Ne lundrojmë në det dhe marrim me vete vetëm pak ujë për të pirë. Nëse e përdorim atë për abdes, atëherë nuk do ta shuajmë dot etjen. Pra, a mund të marrim abdes me ujin e detit?” Profeti (a.s.) iu përgjigj: “Uji i tij (i detit) është i pastërdhe ngordhësirat e tij (kafshët e detit që kanë ngordhur) janë të lejueshme”.


Tirmidhiu thotë se ky hadith është hasen sahih dhe thotë se për këtë ka pyetur Buhariun e ai ka thënë se është sahih.Hadith Sahih – i saktë. “Es Sahiha” 480. “Irvaul Galil” 9,2501, “El Mishkat” 479. E ka nxjerrë Ebu Daudi 83, Nesai 333, Tirmidhiu 69, Ibën Maxheh 386,387,388, Ahmedi 2/361, Maliku 1/44-45.

[fisniku-student]

3- Uji i burimit të Zemzemit

Aliu radiaAllahu anhu ka treguar se, njëherë, i Dërguari i Allahut kërkoi që t’i sillnin një kovë me ujë zemzemi. Ai piu ujë nga kova dhe pastaj mori abdes me të.



Hadith Hasen – i mirë. “Tamamul Mineh” 46, “Irvaul Galil” 13. Nuk është prej transmetimeve të Ahmedit personalisht, siç përmendet në tekstin origjinal, por e ka transmetuar i biri i tij, në shtojca 1/76.

[fisniku-student]

4- Uji i ndryshuar

Në këtë kategori hyn ai ujë, gjendja e të cilit ka pësuar ndryshim, si rezultat i qëndrimit për një kohë të gjatë në një vend apo për arsye të vendit ku është vënë si dhe për shkak të përzierjes me ndonjë lëndë që nuk mund të hiqet plotësisht prej tij (ujë me alga, gjethe peme e kështu me radhë).



Dijetarët kanë rënë dakord që uji i ndryshuar bën pjesë tek lloji i ujit absolut.
Shpjegimi është i thjeshtë: Cdo gjë që hyn në kategorinë e kuptimit të përgjithshëm të ujit, pa patur ndonjë cilësi tjetër, konsiderohet e pastër, sepse në Kuran thuhet:

“...dhe nëse nuk gjeni ujë, atëherë merrni tejemum me dhé të pastër...” (El-Maide: 6)

[lendi]

Selam Alejkum

Allahu.xh.h. te shperbleft o fisnik me Xhenet firdevs inshalla per ket postim te mrekullueshem qka e paraqit ne ket forum dhe vetem desha te shtoj edhe une diqka :
Uji i ndyrë dhe i pa pastert llogaritet uji që ka ndryshuar erën, shijen ose ngjyrën me diçka të papastër. Dispozita sheriatike e këtij uji është se nuk lejohet ta përdorim për të larguar xhynybllëkun ose për abdes.

Nëse uji përzihet me diçka të papastër, por nuk ka ndryshuar asnjërën nga veçoritë e tij, a llogaritet i ndyrë?

Disa nga dijetarët[1] kanë bërë dallim ndërmjet sasisë së madhe të ujit dhe sasisë së vogël të tij. Ata kanë thënë se nëse sasia e ujit është e vogël, atëherë pavarësisht sa është e vogël sasia e ndyrësirës e cila ka rënë në të dhe pavarësisht a i është ndryshuar ngjyra, shija dhe era e ujit, ai konsiderohet ndyrësirë dhe nuk lejohet të përdoret për pastrim.

Nëse sasia e ujit është e madhe, shikohet nëse i ndërrohet njëra nga veçoritë, atëherë ajo konsiderohet e ndyrë, nëse nuk i ndërrohet asnjëra nga veçoritë, atëherë ajo është e papastër dhe nuk lejohet të përdoret për pastrim.

Ata dijetarë që kanë bërë këtë dallim janë nisur nga fakti se sasia e ujit të vogël është e mundur që të ndyhet më shpejt dhe për këtë kanë argumentuar me disa hadithe, por e sakta është të mos bëjmë dallim ndërmjet sasisë së shumtë ose të paktë. Të themi, në përgjithësi, nëse ndyrësira e cila është përzier me ujë ia ka ndryshuar njërën nga veçoritë, atëherë ajo është e papastër dhe nëse nuk ia ka ndryshuar, atëherë ajo mbetet e pastër dhe lejohet të përdoret për pastrim.

Argument se uji nuk konsiderohet i papastër nëse në të bie ndyrësi dhe sasia është e vogël është hadithi të cilin e transmeton Ebu Hurejre, ku ai tregon se një beduin urinoi në xhami. Njerëzit që ishin prezent u ngritën për ta ndaluar dhe Profeti (paqja dhe bekimi i Allahut qofshin mbi të!) tha: “Lëreni dhe hidhni një kovë ujë mbi urinën e tij.”[2]. Argumenti nga kjo nxirret se kova e ujit (e cila llogaritet sasi e vogël) kur hidhet mbi urinë përzihet me ndyrësirë dhe nëse themi se përzierja e bën atë të ndyrë, atëherë nuk lejohet të llogaritet se ky ujë e ka pastruar vendin vetëm me atë kovë.

Kurse argumenti se sasia e madhe e ujit llogaritet e pastër nëse përzihet me ndyrësirë, por që nuk i ndryshohet gjendja, është hadithi të cilin e transmetohet se Ebu Seid Huderi e pyet Profetin (paqja dhe bekimi i Allahut qofshin mbi të!): “A mund të marrim abdes me ujin e pusit të quajtur Buda`a (afër Medinës)?” Ai tha: “Uji është i pastër dhe nuk e ndot atë”[3].

Në këtë pus tregohet se hidheshin mbeturinat e menstruacioneve dhe qenët i hidhnin mishrat e tyre.

A mund të pastrohet uji i papastër?

Çështja e fundit e cila do të shtjellohet rreth ujërave është ajo se a mund të pastrohet uji i cili është i papastër.

Fukahatë në këtë problematikë flasin duke treguar forma praktike, me të cilat mund të kalojë uji i papastër në ujë të pastër të cilën mund ta përdorim. Për të mos u zgjeruar në përmendjen e këtyre formave, themi se kur uji i papastër pastrohet duke i kthyer veçoritë e njohura të tij (era, shija dhe ngjyra) ai llogaritet i pastër pavarësish me çfarë metode është bërë kjo.

[fisniku-student]

B- Uji i përdorur

Kjo kategori ka të bëjë me ujin që kullon nga njeriu pas marrjes së abdesit apo të guslit (larjes së gjithë trupit). Ky lloj uji konsiderohet i pastër sepse gjendja e tij para përdorimit ka qenë e tillë dhe nuk ka asnjë argument për të menduar se ai e ka humbur pastërtinë e vet. Ky përfundim mbështetet në hadithin e Rrubeijja bint Muavidh, e cila përshkruan mënyrën e abdesit të Profetit (a.s.) duke thënë se ai e pastronte kokën me ujin e mbetur në duart e tij pas marrjes së abdesit.Transmeton Ahmedi 25774.



Varianti i Ebu Daudit është: “I Dërguari i Allahut (a.s.) e fërkonte kokën me ujin e mbetur në dorën e tij”.
Hadith Hasen. “Es Sahiha” nën hadithin nr. 36. E ka nxjerrë Ebu Daudi 130, Bejhakiu 1/237.

Ebu Hurejra transmeton gjithashtu se ai u takua njëherë me të Dërguarin e Allahut në rrugët e Medinës, ndërkohë që ishte xhunub(Xhunub quhet personi që nuk është pastruar pas marrëdhënieve intime ose pas ejakulimit të spermës). Ebu Hurejra u largua ngadalë, mori gusël(Larje e plotë e trupit pas marrëdhënieve intime ose pas ejakulimit të spermës.)dhe u kthye përsëri. I dërguari i Allahut e pyeti atë: “Ku ishe o Ebu Hurejra? Ai iu përgjigj: “Isha xhunub dhe nuk doja të rrija me ty në atë gjendje”.

Pastaj Profeti (a.s.) i tha: “I lartësuar qoftë Allahu! Besimtari nuk bëhet i papastër”.Tranmsetuar nga 1- Sahihu i Buhariut. 2- Sahihu i Muslimit. 3- Suneni i Ebu Daudit. 4- Xhamiu i Tirmidhiut. 5- Suneni i Nesaiut. 6- Suneni i Ibën Maxhes.

Ajo çka u përmend më sipër shpjegon faktin se, meqë besimtari nuk është asnjëherë i papastër, atëherë edhe uji që përdor ai për pastrim nuk bëhet i papastër.

Ibn El Mundhiri thotë se është transmetuar nga Aliu, Ibën Umeri, Ebu Umame, A’ta, El Hasani, Mekhuli dhe Nehaiu, të cilët kanë thënë: “Nëse një person ka harruar ta fërkojë kokën e tij gjatë abdesit, është e mjaftueshme për të ta bëjë një gjë të tillë me pak ujë që mund të ketë mbetur në mjekrën e tij”.

Ibn El Mundhiri ka thënë se kjo vërteton faktin që ata e konsideronin “ujin e përdorur”si të pastër. Ky mendim i atribuohet Malikut dhe Shafiut.
Gjithashtu, Ibën Hazmi ia atribuon kë
të mendim Sufjan Eth-Thaurit, Ebu Thaurit dhe të gjithë dijetarëve të shkollës dhahirite.

[fisniku-student]

C- Uji i përzier me lëndë të pastra

Në këtë kategori hyn uji i përzier me lëndë të tilla si: sapuni, shafrani, lulet etj., të cilat përfshihen në grupin e objekteve që konsiderohen të pastra nga Sheriati. Ky ujë konsiderohet i pastër për aq kohë sa nuk përzihet me lëndë të tjera që mund t’ia ndryshojnë gjendjen e tij dhe që pas kësaj përzierjeje nuk mund të quhet më ujë. Nëse ndodh kjo, uji konsiderohet ende i pastër, por nuk mund të përdoret për pastrim. Umu A’tija tregon se i Dërguari i Allahut hyri në shtëpinë e saj - pas vdekjes së vajzës së tij Zejnebit - dhe i tha: “Laje atë tre apo pesë herë ose edhe më tepër (nëse e sheh të nevojshme një gjë të tillë), duke përdorur ujë dhe gjethe të thata peme. Për larjen e fundit përdor pak kamfur apo diçka nga ai. Kur të kesh mbaruar, më njofto!”.

Pasi ajo veproi siç i kishte thënë Profeti (a.s.), ai u dha grave veshjen e tij të jashtme dhe u tha atyre që ta mbështillnin Zejnebin me të”.


I vdekuri duhet të lahet me po të njëjtën gjë që përdor i gjalli për t’u pastruar.
Ahmedi, Nesaiu dhe Ibën Huzejme transmetojnë nga Umu Hani se i Dërguari i Allahut dhe Mejmune laheshin nga një (ujë) enë që kishte gjurmë brumi në të.
Hadith Sahih. “El Irva” 1/64, ‘El Mishkat” 485. E ka nxjerrë Nesai 240, Ibën Maxheh 378, Ibën Hibani 227 –Mevarid, Bejhakiu 1/7, Ahmedi 6/342, Ibën Huzejme në “El Muhala” 2/200.

Nga të dyja hadithet e mësipërme kuptojmë se uji ishte i përzier me një lëndë tjetër, por meqënëse ajo lëndë nuk ishte realisht e mjaftueshme për ta ndryshuar natyrën e ujit, ky i fundit është i vlefshëm për përdorim.

[fisniku-student]

D- Uji i përzier me lëndë të papastra



Kjo kategori përfshin dy gjendje të cilat janë:

• Kur lënda e papastër ndryshon shijen, ngjyrën dhe aromën e ujit. Në këtë rast, ky ujë nuk mund të përdoret më për pastrim. Sipas Ibën El Mundhir dhe Ibën El Mulakin, ekziston një unanimitet i dijetarëve për këtë çështje.
• Kur uji konsiderohet ende ujë absolut, gjë që do të thotë se lënda e papastër, e përzier me të, nuk ka arritur t’ia ndryshojë shijen, ngjyrën apo aromën e tij. Ky ujë konsiderohet i pastër dhe po ashtu mund të përdoret për pastrim.

Këtë e vërteton hadithi i mëposhtëm:

Ebu Hurejra transmeton se një beduin (Beduin quhet nomadi, që nuk ka një vendbanim të qëndrueshëm; endacak, shtegtar.)urinoi në xhami. Njerëzit e ndodhur aty u çuan për ta ndaluar atë. Profeti (a.s.) u tha: “Lëreni dhe hidhni një kovë ujë mbi urinën e tij. Ju jeni dërguar për të lehtësuar dhe nuk jeni dërguar për të vështirësuar”.Transmeton “Grupi”, përveç Muslimit. Buhariu 220, Ebu Daudi 380, Tirmidhiu 147, Nesai 56,330, Ibën Maxheh 529, Ahmedi 6957, Bejhakiu 2/428.

Ebu Said El Hudri e pyeti Profetin (a.s.): “A mund të marrim abdes me ujin e pusit të Budaah(Pus uji në Medine. Ebu Daudi, në lidhje me këtë pus, na rrëfen se kur kishte e matur vetë thellësinë e këtij pusi, i kishte dalë rreth 6 Dhira’ë (njësi matëse e gjatësisë ekuivalente përafërsisht me 102 inch.) (një pus në Medine)?” Profeti (a.s.) i tha: “Uji është i pastër dhe asgjë nuk e ndot atë”.Hadith Sahih. “El Irva” 14, “El Mishkat” 288. E ka nxjerrë Ahmedi 3/31,86, Ebu Daudi 66, Tirmidhiu 66, Nesai 326, Ibën Xharudi në “El Munteka” 47, Darakutni f.11, Bejhakiu 1/4-5.

Në lidhje me këtë hadith, Ahmedi ka thënë: “Ky hadith është sahih dhe Jahja ibën Main dhe Ebu Muhammed e kanë cilësuar si të tillë gjithashtu”. Të njëjtin mendim kanë edhe Ibën Abasi, Ebu Hurejra, El Hasan El Basri, Ibën El Musejib, Ikrime, Ibën Ebu Lejla, Eth-Thauri, Daud Dhahiri, En-Nehai, Maliku dhe të tjerët.
Për këtë El Gazaliu thotë: “Do të doja që mendimi i Shafiut në lidhje me ujërat të ishte si ai i Malikut”.

Ekziston gjithashtu edhe një hadith nga Abdullah ibën Umer, në të cilin transmetohet se i Dërguari i Allahut ka thënë: “Kur uji të jetë në sasi sa dy kova, ai nuk mban papastërti”.Hadith Sahih – i saktë. “Tamamul Mineh” 46, “El Irva” 23, Sahihul Xhami 758, “El Mishkat” 477. E ka nxjerrë Ebu Daudi 63, Tirmidhiu 67, Nesai 52, Ahmedi 1/314, Darakutni 1/187, El Hakim 1/133, Bejhakiu 1/260. Ky hadith transmetohet nga “të pestët”(Me “të pestët” nënkuptohen katër sunetet dhe Ahmed ibën Hanbeli).


Ibn Abdul Berr ka thënë në “Et-Temhid”: “Përsa i përket mendimit të Shafiut, i cili bazohet në këtë hadith, ai është i dobët në shqyrtim dhe nuk është i konfirmuar nga të dhënat historike”.

[fisniku-student]

Fisniku student, fisnikeria juaj mbetet vetem tek fjalet e tua por jo tek veprat. Do me pyesesh "po ti nga e di?"
Une e di per faktin se kam lexuar disa nga postimet e tua dhe kam krijuar nje ide per figuren tende fisnike...
Te shprehsh ate qe mendon eshte dicka pozitive e kjo te bene ty gjysem fisnik qe ti ne fakt e konsideron fisnik. Por te mungon talenti per ta praktikuar ate qe ti mendon se quhet fisnikeri. Pra ne gjerat qe ti shpreh je nje abort...
Ti ke vene dy foto aty te montuara dhe tregon se vendet mysylmane jane te pasterta ose se nje mysylman eshte i paster.
Pastertia eshte dicka personale, qe ne fakt e kerkon te praktikohet edhe feja, por mbetet thjesht nje kerkes ne fjale fenomeni i pastertis sepse jo cdo besmitar bene ate qe duhet te bej. Une kam pa shume zhulsa qe me predikonin fene islame ata ishin mysylman por jo te paster.
Te rrim te paster nuk eshte morali i islamit por i vet qenies njerzore prandaj boll derdellite duke thone gjera absurde...

Allahile ishe pergjumur derisa e shkrujte ketë postim?, apo ke per tu sqaruar diqka me mua, nese e deshiron kete te dytën, urdhero debato dhe ti shpalosim dosjet ketu.

Ndersa per kete tjetren qe ka te beje me temen, vetem nje fraze te shkurtur do ta them, dhe kjo eshte: "Perderisa nje Musliman, i pastron pjeset e trupit tij 5 herë në ditë(kur merr abdes), ateher sipas kesaj teorie, na del se qoft edhe kembët e nje musliman mund te jenë me te pasterta se sa vete fytyra e nje jo muslimani"(sepse kembet e nje musliman lahen 5 here ne dite, ndersa nje jo musliman, pastron fytyren maximum dy here ne ditë).

Te tjera qka fliten, jan vetem blla blla dhe asgje me shumë. Dhe tjera here kur te merresh me mua dhe ta mbushesh gojen ... me mire eshte per ty, ta shikosh Avatarin ne 3D max

[Luftetare]

Pershendetje..e shoh se ketu qenka puna e perzier..te flas si ma thote truri(eshte apo nuk eshte e vertete)..dhe disa mjerisht nuk dikan akoma te dallojn kombin nga feja..ti me nofken shume te qelluar e ta gezosh se verte me shume mend e paske zgjedh sdi-gje...pse mor pronar i kokes boshe dhe proran i dy syve te verbuar mor pronar i zemres se semur..pse je hyj aq thelle sa as vet po te pyetesh se ca ke dashur te thuash s'do dish te pergjigjesh...S'te vje turp ta fyesh Krenarin e njerezimit Muhammedin a.s..i cili castin e vdekjes u lut per te gjithe ne..lexo o zoteri dhe mos lejo qe te vdesesh injorant...meso edukaten e komunikimit dhe edukaten e mesimit,pendohu sa nuk te ka trokit Meleku i vdekjes..se ateher do i kerkosh All-llahut vetem 1 min,te te kthej mbrapa por me s'ka jeta yte do perfundoj ne ferr(xhehennem)pergjithmone..pendohu dhe thuaj me fal o Zot se injoranca ime mi ka qorru syte e zemres lute te ta permiresoj situaten te ta ndicoj zemren,lute te Vetmin dhe te pa shok ta hap zemren dhe ta largoj injorancen...sdi-gje---fillo dhe lexo njehere per Islam e pastaj eja e shkruaj ketu ne forum dhe ateher do ta shohesh veten tende se sa me gabim paske qene...ne fund lexo kete Hadith: Muhammedi a.s. ka thene: "Pasha Ate qe ka ne dore shpirtin tim, do te urdheroni per te mire dhe do te ndaloni nga e keqja ose perndryshe Allahu do te dergoje mbi juve denim, pastaj do t'i luteni Atij dhe nuk do t'ju pergjigjet." (Tirmidhiu)