Pastertia e Muslimanit, Leksion per te tjeret!!

[fisniku-student]

Cfar Ka Thene Muhamedi a.s Per Pastertin??!?

Jo rastësisht Pejgamberi, sal-lall-llahu alejhi ve sel-lem, e ka bërë largimin e pengesave dhe ndytësirave nga rruga argument të besimit, duke thënë:



"Largimi i pengesës (ndytësirës) është prej besimit". (Buhariu).


Pastrimi i rrobave është pjesë e pastërtisë në Islam.

Në këtë drejtim shiko ajete e sures Mudethir dhe hadithin ku Pejgamberi, sal-lall-llahu alejhi ve sel-lem, ka thënë:


"Secili prej jush duhet të ketë dy palë roba përpos robave të punës për ditën e xhuma". (Sahih, Ahmedi dhe të tjerët).


Për këtë nëse në robat tona bie ndytësirë, ajo duhet pastruar përndryshe ai namaz që e kemi falur me ato roba nuk do të jetë valid.

Dijetarët kanë rënë në ujdi se uji në të cilin bie ndytësira dhe e ndryshon ngjyrën, shijen apo aromën, ai ujë është i papastër. (Shiko: "Nejlul-Evtar", 1/ 28).

Pra, këto hadithe e shtyjnë muslimanin që vazhdimisht të kujdeset për robat e tija dhe të mbrohet nga ndytësirat dhe papastërtitë.


Islami na mëson që të kujdesemi edhe për pastrimin e gojës.

Pejgamberi, sal-lall-llahu alejhi ve sel-lem, ka thënë:

"Po mos ti vinte rëndë umetit tim do ti urdhëroja të përdorin misvakun për çdo namaz". (Buhariu dhe Muslimi).

Ibni Abasi, radijall-llahu anhu, ka thënë:

"Aq shumë urdhëroheshim për përdorim të misvakut, saqë kujtuam se do të zbret Kur'an që të flet për këtë çeshtje". (Ibën Ebi Shejbe).

Islami na mëson pastrimin edhe të vendeve ku zakonisht u vjen era e keqe, gjë për të cilën ka thënë Pejgamberi, sal-lall-llahu alejhi ve sel-lem:



"Pesë gjëra janë nga natyraliteti: synetimi, rruajtja e vendeve të turpshme, shkurtimi i mustaqeve, shkulja e qimeve të nënsjetullave dhe prerja e thonjve". (Buhariu dhe Muslimi).


Me realizimin e këtyre mësimeve pejgamberike plotësohen kushtet e pastrimit trupor.
Islami na mëson që të ruhemi edhe nga stërpikat e urinës gjatë urinosjes, pasiqë Pejgamberi, sal-lall-llahu alejhi ve sel-lem, ka thënë për dy njerëz:


"Këta nuk denohen për gjëra të mëdha sipas njerëzve, mirëpo ato janë të mëdha te All-llahu: njëri nuk kujdesej për stërpikat e urinës, kurse tjetri i barte fjalët mes njerëzve". (Buhariu dhe Muslimi).


Pastërtia fizike në Islam ka edhe një segment tjetër, të cilin nëse e kuptojmë, kjo na ndihmon për të kuptuar vlerën e pastërtisë sipas këndvështrimit islam.
Kur na urdhëron All-llahu në pastërti dhe kur besimtarët këtë urdhër e pranojnë duke thënë 'dëgjuam dhe respektuam', me këtë gjest ata e pastrojnë edhe shpirtin e tyre. Pra e zbatojnë një urdhër me të cilin e kënaqin All-llahun, All-llahu për shkak të kësaj vepre ua plotëson begatitë dhe dhuntitë dhe ua fisnikëron edhe më shumë shpirtin e tyre dhe ngriten lart në horizontin e pastërtisë dhe nurit. Kjo te ata shkakton qetësi, rehati dhe disponim, të cilin nuk mund tia sjellin tërë kokrat kimike të botës.

[fisniku-student]

Rëndësia e patërtisë sipas zbulimeve shkencore

Më herët nuk ka qenë i njohur ekzistimi i mikrobeve derisa njeriu e zbuloi mikroskopin, kurse kjo ka ndodhur në shekullin e tetëmbëdhjetë.
Mikrobiollogët ka vërtetuar se ekziston një numër i hatashëm i mikrobeve në një centimetër katror në vendet e zbuluara të trupit. Sipas tyre në një centimetër katror ka prej 1-5 milion mikrobe.

Mikrobet vazhdimisht shtohen dhe për tu liruar prej tyre duhet larë vazhdimsht lëkurën, kurse kjo vepër realizohet duke marë abdest, një adhurim me të cilin na ka urdhëruar All-llahu, subhanehu ve teala, dhe na ka stimuluar në te Pejgamberi, sal-lall-llahu alejhi ve sel-lem, pasiqë abdesti është një vepër që përsëritet disa herë gjatë ditës.



Shkenctarët për tua bërë të qartë njerëzve se sa mikrobe dhe bakterie ka në lëkurën e njeriut dhe konfliktet që janë mes tyre i kanë krahasuar me ruzullin tokësor dhe konfliktet e njerëzve që ndodhin mbi te.
Ata thonë se me një larje njeriu largon nga trupi i tij më shumë se dy qind milion mikrobe.
Mikrobet vazhdimisht shtohen andaj duhet të eliminohen vazhdimisht dhe në mënyrë të rregullt që të mbeten pak në numër që të ketë mundësi trupi i njeriut të ballafaqohet me ta. Këtë rol edhe e luan gusli dhe abdesti.
Për shembull, vetëm në gojë gjinden llojlloj mikrobesh dhe bakteriesh që janë më shumë se një qind lloj, kurse arrinë deri në pesë miliard mikrobe në një milimetër katror. Këto mikrobe ushqehen nga mbeturinat e ushqimit mes dhëmbëve, shtimi dhe zhvillimi i tyre prodhojnë thartësira dhe prodhime të shumta që ndikojnë në gojën, erën e gojës, ngjyrën e dhëmbëve dhe punën e tyre, andaj nëse nuk largohen disa herë në dirë, ato shkaktojnë prishjen e dhëmbëve dhe sëmundjet e nofullës.

Zbulimet shkencore na e sqarojnë rëndësinë e zbatimit të mësimeve islame dhe neglizhimi i tyre i sjell pasojat negative.
Mos shkurtimi i thonjve i sjell shumë sëmundje, sepse nën thonjë grumbullohen miliona bakterie që luajnë një rol shumë të madh në bartjen e sëmundjeve.
Mosruajtja e qimeve të nënsjetullave është shkak për përhapjen e morrave të nënsjetullave që përhapet me të madhe ne Europë.
Një gram i bajgës së njeriut ka më shumë se një qind miliard mikrobe dhe kanë ndikim shumë të madh në përhapjen e sëmundjeve ngjitëse nëse lihen vend pa vend.

[fisniku-student]

Cfar Thuhet per Larjen (Guslin) ne Islam ??

Islami ka caktuar më shumë se shtatëmbëdhjet larje, kurse kjo e bën muslimanin të dalluar në këtë rrafsh.
All-llahu, xhel-le shanuhu, ka caktuar guslin, larjen e tërë trupit në shumë raste, siç është në ditën e xhuma, në ditën e bajramit, pas ejakulimi, pas marëdhënieve intime, me hyrjen e dikujt në Islam, etj.
Ky rasti i fundit mjafton si argument për të treguar se çfarë rëndësie i jep Islami pastrimit.



All-llahu, xhel-le shanuhu, thotë:

"O ju që besuat, mos iu afroni namazit duke qenë të dehur, derisa të dini se ç'flitni, e as duke qenë xhuhubë (të papastër) derisa të laheni, përpos kur jeni udhëtarë. …". (En-Nisa: 43).

All-llahu, xhel-le shanuhu, e urdhëron Ejubin, alejhisselam, duke i thënë:

"Bjeri me këmbën tënde tokës! Ky është (ujë) i ftohtë, lahesh dhe pi". (Sad: 42).


Pejgamberi, sal-lall-llahu alejhi ve sel-lem, ka thënë:

"Secili musliman e ka obligim që të lahet për çdo javë, të lan kokën dhe trupin". (Buhariu dhe Muslimi).

Pejgamberi, sal-lall-llahu alejhi ve sel-lem, ka thënë:

"Obligohet të lahet secili i moshërritur në ditën e Xhuma, të përdor misvakun dhe të parfymoset aq sa mundet". (Muslimi).

Njeriu gjatë historisë ka zbuluar rëndësinë e madhe që ka pastrimi i trupit të tij dhe me larje ka shëruar shumë sëmundje, mirëpo gjat historisë nuk është njohur asnjë popull që e ka organizuar aq mirë këtë gjë sikurse forma me të cilën All-llahu e ka nderuar këtë umet.

Urtësia e kësaj qëndron në faktin se larja e ripërtërinë aktivitetin e njeriut psiko-fizikisht, e pastron dhe e transferon në gjendjen më të mirë psiko-fizike.

[fisniku-student]

Mrekullia shkencore në rregullat e pastërtisë

Aspektet e mrekullisë shkencore të Kur'anit dhe Sunnetit gjatë ligjësimit të pastërtisë del në shesh në këto forma:

1- Prej sekreteve të medicinës preventive në Islam është se pastërtinë e ka caktuar si adhurim dhe kjo i jep shpirt dhe vazhdimësi të cilin nuk ka mundësi ta sjell asnjë ligj tjetër.

2- Thjeshtësia në detyrime dhe lehtësimi në zbatim, saqë nuk kërkojnë harxhime materiale e as lodhje fizike.

3- Subjektivitet. Domethënë secili musliman i zbaton këto mësime në shenjë të adhurimit ndaj All-llahut, andaj nuk ka nevojë për drejtor që e kontrollon, sepse kontrolla te besimtari lind nga brendësia e besimtarit.

4- Vazhdimësia, sepse zbatimi i urdhërave islame nuk është e ndërlidhur me ndonjë kohë të caktuar ose moshë të caktuar, por vazhdojnë me vazhdimin e njeriut.

5- Ai që e njeh Kur'anin dhe Sunnetin e kupton se Islami nuk ka lërë asnjë gjë nga medicina preventive pa aluduar në te në formë direkte ose indirekte, kurse njeriut i ka lënë hapësirën e studimit të urtësive të tyre.

6- Pejgamberi, sal-lall-llahu alejhi ve sel-lem, ishte analfabet andaj edhe nuk ka mundur ti mëson këto sekrete të çuditshme dhe ti cakton mjetet e përshtatshme për pastërti për të arritur pastërtinë dhe eliminimin e mikrobeve dhe bakterieve, mirëpo ka caktuar shumë ligje dhe sunete, urtësitë e të cilave i ka zbuluar shkenca moderne shumë shekuj më vonë. Kjo tregon se përcaktimi i këtyre ligjeve dhe suneteve është shpallje nga All-llahu, subhanehu ve teala.

All-llahu, xhel-le shanuhu, ka thënë:

"Ti (Muhammed) nuk ishe që lexon ndonjë libër para këtij, e as që shkruajshe atë me dorën tënde të djathtë, pse atëherë do të dyshonin ata të prishurit. Por jo, ai është plot argumente të qarta në zemrat e atyre që u është dhënë dituria, e argumentet Tona nuk i mohon kush pos të shfrenuarve". (El-Ankebut: 48- 49).

All-llahu na bëftë nga ata që janë të pastërt, pastrohen vazhdimisht, dhe i dojnë të pastërtit. Amin

[fisniku-student]

Cfar duhet te veproj Muslimani pas kryerjes së nevojës?

All-llahu e ka programuar njeriun që të zbraz zorët dhe fshikën e ujit nga bajga dhe urina dhe gjërave tjera të panevojshme për trupin e njeriut që të mbetet trupi i njeriut i pastër dhe i aftë për t'i kryer detyrat e natyrshme që i ka.

Pas kryerjes së kësaj procedure muslimani është i obliguar që të pastron vendet e turpshme me ujë.
Pejgamberi, sal-lall-llahu alejhi ve sel-lem, ka thënë:

"Pastronu nga urinosja sepse mbarë denimi i varrit është nga ky gabim" . (Buhariu dhe Muslimi).

Mjekësia na tregon se kjo procedurë na sjell dobi të mëdha mjekësore dhe preventive. Sipas mjekësisë pastrimi i këtyre vendeve pas kryerjes së nevojës e mbron organin gjenital nga ndezja, e cila vjen si rezultat i grumbullimit të mikrobeve, sidomos te ata që janë të sëmurë me sëmudnjen e sheqerit. Urina e këtij njeriu ka sasi të mëdha të sheqerit dhe mbetja e pikave të kësaj urine në organin gjenital ndihmon që të fiton ndezje dhe qelbosje, kurse nëpërmjet marëdhënieve intime kjo sëmundje kalon edhe të bashkëshorteja dhe mund të shkakton sterilitet të plotë te ajo.

Ajo që duhet të përmendet në këtë rast është edhe urtësia e përdorimit të dorës së majtë gjatë pastrimit pas kryerjes së nevojës.
Zakonisht njerëzit e përdorin dorën e djathtë për ngrënie dhe pirje dhe për punët tjera, andaj duke e përdorur dorën e majtë për pastrim, mbetet dora e djathtë e pastër.

Disa njerëz habiten me rëndësinë e madhe që i ka dhënë Islami këtyre gjërave, mirëpo nuk ka vend për habi për ata njerëz që ia dinë vlerën kësaj feje dhe për ata që besojnë se kjo fe të cilën All-llahu e ka plotësuar dhe e ka bërë rrugë të cilën duhet ta pasojnë deri në Ditën e Kijametit, u sjell besimtarëve vetëm mirësi.
All-llahu, xhel-le shanuhu, thotë:

"…Tashmë, ata që mohuan, humbën shpresën për fenë tuaj (se do të ndërroni), andaj mos u frikësonju atyre, por Mua të më frikësoheni. Sot përsosa për ju fenë tuaj, plotësova ndaj jush dhuntinë Time, zgjodha për ju islamin fe. …". (El-Maide: 3).

[gerrard73]

Shumica e vendeve arabe apo edhe muslimane nuk kane uje per te pire dhe jo te lahen. Pastaj a nuk ju duket qesharake te mburreni me nje gje qe duhet te jete nje normalitet. Te lahesh eshte gjeja me normale qe nje njeri mund te beje. Dhe nqs nje jeri nuk lahet, ai nuk e ben se ja ndalon kush por se ndoshta nuk i ka mundesite. Une kam punuar ne te shkuaren edhe me arab, dhe kam konstatuar se nuk funksionon kjo "patertia shembullore islamike", duke pare se si qelben edhe 10 metra larg. Nuk eshte se ndoshta muslimanet duhet te lahen me shume se te tjeret si rrjedhoje e kesaje arome jo shume te kendeshme qe muslimanet ne pergjithsi dhe arabet ne veçanti mbajne ne trupin e tyre??

[ILMGAP]

Shumica e vendeve arabe apo edhe muslimane nuk kane uje per te pire dhe jo te lahen. Pastaj a nuk ju duket qesharake te mburreni me nje gje qe duhet te jete nje normalitet. Te lahesh eshte gjeja me normale qe nje njeri mund te beje. Dhe nqs nje jeri nuk lahet, ai nuk e ben se ja ndalon kush por se ndoshta nuk i ka mundesite. Une kam punuar ne te shkuaren edhe me arab, dhe kam konstatuar se nuk funksionon kjo "patertia shembullore islamike", duke pare se si qelben edhe 10 metra larg. Nuk eshte se ndoshta muslimanet duhet te lahen me shume se te tjeret si rrjedhoje e kesaje arome jo shume te kendeshme qe muslimanet ne pergjithsi dhe arabet ne veçanti mbajne ne trupin e tyre??

Pastaj a nuk ju duket juve (Katolikëve e të tjerëve) qesharake të thoni se Muslimanëve iu vie era kshtu , kanë morra në mjekërr (e shumë e shumë fjalë qesharake) ky është një argument për ju i treguar shumë bukur nga ana e Fisniku - Student.

[ILMGAP]

Muslimani e ka Sunnet, por mirë do të ishte ta konsideronim si obligim larjen e gjithë trupit ditën e Premte (Të Xhuma) , për këtë është argument Hadithi :

Ebu Abdull-llah Selman El-Farisiu r.a. thotë se Pejgamberi s.a.v.s. ka thënë: "çdo njeri që lahet ditën e xhumasë dhe pastrohet sa më mirë që të jetë e mundur, pastaj përdor yndyrë dhevë parfum dhe niset në namazin e xhumasë dhe nuk i ndan dy vetë që janë ulur, pastaj fal namazin e obliguar dhe hesht gjatë kohës kur imami e lexon hytben, All-llahu i madhëruar me siguri do t'ia falë mëkatet e javës së kaluar".

poashtu (Dhe më konkretisht) :

Semure r.a. thotë se i Dërguari i All-llahut ka thënë: "Kush merr abdest ditën e xhumasë, është e mjaftueshme dhe e bukur, ndërsa ai që pastrohet në tërësi është edhe më mirë".

Poashtu Muslimani e ka Sunnet, por mirë do të ishte ta konsideroni si obligim larjen e trupit pas çdo ndytësie p.sh : Marrëdhëniet Seksuale, Derdhja e Spermës etj., sepse nëse nuk jeni të pastër nga këto ndytësi nuk guxoni të shkoni as edhe në Xhami., ndërsa për këtë është argument hadithi :

Ebu Hurejre r.a. tregon se Pejgamberi s.a.v.s. ka thënë: "Kush pastrohet në shtëpinë e vet, e pastaj shkon në një shtëpi prej shtëpive të All-llahut (xhami), për ta kryer njërin prej farzeve të All-llahut, për çdo hap që bën i shlyhet një mëkat, ndërsa hapi pas tij ia lartëson gradën".

* * *

Vazhdo i Nderuar : Fisniku-Student, sepse po bën një punë të mirë, të shkëlqyeshme.

[ILMGAP]

ILMGAP : Mund të flitet për pastërtinë e Muslimanit amo leksion per te tjert nuk asht e nevojshme se manej edhe un ndina i ofendum qe marr shembull e kjo i bjen qe un slana e nuk pastrona e un ket gjë e praktikoj rregullisht edhe shumica e të tjerve...

I Ndruar : Kronikë

Do të të kthej përgjigje, por do doja që të mos më replikosh apo diqka tjetër më pas, për arsye se është një temë e cila është hapur nga një njëri ndaj të cilit duhe të kemi rrespekt, andaj të mos dalim jashtë temë ... (Shpresoj më kupton).

* * *

I Nderuar : Kronikë

E di pse është hapur tema kështu (mendoi unë) sepse është kundërpërgjigje për :

Shumica e vendeve arabe apo edhe muslimane nuk kane uje per te pire dhe jo te lahen. Pastaj a nuk ju duket qesharake te mburreni me nje gje qe duhet te jete nje normalitet. Te lahesh eshte gjeja me normale qe nje njeri mund te beje. Dhe nqs nje jeri nuk lahet, ai nuk e ben se ja ndalon kush por se ndoshta nuk i ka mundesite. Une kam punuar ne te shkuaren edhe me arab, dhe kam konstatuar se nuk funksionon kjo "patertia shembullore islamike", duke pare se si qelben edhe 10 metra larg. Nuk eshte se ndoshta muslimanet duhet te lahen me shume se te tjeret si rrjedhoje e kesaje arome jo shume te kendeshme qe muslimanet ne pergjithsi dhe arabet ne veçanti mbajne ne trupin e tyre??

Ose kundërpërgjigje (kundërargument) për ata që thonë : Muslimanët, Mjekërr (...), Mjekërr (...) , që kutërbojnë erë , vajzat e ndjersitura etj. etj. etj.

Do të thotë kjo është kundërpërgjigje për ta.

* * *

Me Rrespekt : ILMGAP

[fisniku-student]

Llojet e Ujrave per Pasterti sipas Islamit

(a) Uji absolut (Mutlak)

(b) Uji i përdorur (për pastrim)

(c) Uji i përzier me diçka të pastër

(d) Uji i përzier me papastëri të ndryshme