Parregullsi ne listat e zgjedhesve? Asnje ankese per listat ne KQZ

[Albo]

ODIHR: Asnje nga partite s'kontestoi listat e zgjedhesve

Rozeta Rapushi
E Marte, 09 Qershor 2009

"Gjate periudhes se raportimit, shume ndryshe nga zgjedhjet e tjera, asnje nga subjektet zgjedhore nuk e kontestoi permbajtjen e listave te votuesve". Ky ka qene vleresimi i raportit te ODIHR-it per kete periudhe. Nderkohe qe pajisja e zgjedhesve me kartat e identitetit vleresohet nga vezhguesit e OSBE/ODIHR si problemi me shqetesues per zgjedhjet parlamentare te 28 qershorit. Ne raportin e dyte te publikuar per situaten parazgjedhore, misioni vezhgues i kryesuar nga ambasadorja Audrey Glover, nxjerr ne pah pasaktesi dhe probleme te medha te pajisjes se zgjedhesve qe nuk kane pasaporta me kartat e identitetit. Ne raportin e vezhguesve afatgjate, theksohet se ne disa raste, jo te gjithe qytetareve iu eshte dhene shuma e duhur per te marre karten e identitetit edhe pse u takonte kjo, me vendim qeverie. Por sipas vezhguese probleme te tjera kane shoqeruar procesin. "Eshte raportuar heqja e energjise elektrike dhe nderprerja e internetit ne qendra aplikimi, ne menyre te vecante ne rajonet e Elbasanit, Permetit, Dibres dhe Korces, ka bere qe procesi i aplikimit ne kohe, te jete i veshtire per qytetaret", thuhet ne raport. Nga ana tjeter, prezenca e OSBE-se deklaron se Ministria e Brendshme, i ka derguar te dhena jo te sakta per procesin e pajisjes me karta te zgjedhesve deri me 26 maj. Po keshtu, vezhguesit e huaj vleresojne se per nje kategori te vecante zgjedhesish, ende nuk jane marre masat e duhura, ata qe do te votojne ne qendra te vecanta te hapura ne spitale. Shqetesues vleresohet dhe mos ngritja e sistemit qe mundeson nje makineri te levizshme aplikimi, te gjithe ata qe nuk mund te dalin dot nga shtepia, jane te perjashtuar nga procesi. Sipas informacionit nga Ministria e Brendshme deri me 31 maj, ishin kryer 1.172.279 aplikime, dhe prodhuar 1.045.910 karta identiteti. Numri i kartave te derguara ne qendra eshte 1.019.910, ndersa 652. 067 prej tyre jane terhequr nga qytetaret. Sipas qeverise, rreth 730.000 qytetare nuk kane pasaporte, nje shifer te cilen opozita e ka vene ne pikepyetje duke u shprehur se eshte teper e ulet. Ne raport permenden edhe problemet e medha qe Komisioni Qendror i Zgjedhjeve ka hasur nga partite politike qe nuk plotesuan koten prej 30% te grave ne listat e kandidateve per deputete por edhe te anetareve te komisioneve. Vezhguesit e OSBE/ODIHR e cilesojne fushaten elektorale si te qete dhe paqesore me disa incidente te izoluara. Por nga ana tjeter ve ne dukje faktin se disa nepunes publik po kercenohen se do te humbasin vendin e punes nese nuk heqin dore nga perfshirja ne aktivitete politike. Ne raport theksohet se Formimi i Komisioneve te Qendrave te Votimit (KQV) eshte vonuar si rezultat i mosarritjes nga ana e partive te emerojne anetaret e ketyre komisioneve brenda afatit ligjor. Si dhe KQZ vazhdon te mbetet e ndare dhe ceshtjet me te debatueshme vendosen ne perputhje me qendrimet partiake. Si qeveria edhe kryetari i bashkise se Tiranes kane perdorur aktivitete zyrtare per qellime elektorale, duke e zbehur ndryshimin mes shtetit dhe partise.

Disa nga verejtjet e ODIHR

Ne disa raste, jo te gjithe qytetareve u eshte dhene shuma e duhur per karten e identitetit, edhe pse u takonte kjo, sipas vendimit te qeverise

Disa grupeve aplikantesh, u eshte refuzuar kompensimi per shpenzimet e udhetimit, per arsye te ndryshme.

Eshte raportuar heqja e energjise elektrike dhe nderprerja e internetit, ne qendra aplikimi

Ne dorezimin e listave te kandidateve, disa parti nuk plotesuan detyrimin ligjor qe ne cdo liste te kishte ose 30% kandidate femra.

Ushtrohet presion ndaj punonjesve te sektorit publik, perfshire edhe kercenime se do te humbnin vendin e punes, nese nuk hiqnin dore nga perfshirja ne aktivitete politike.

KQZ-ja vazhdon te jete e ndare sipas linjave mazhorance-opozite, per ceshtjet e debatueshme, mes kater anetareve te emeruar nga mazhoranca parlamentare dhe tre anetareve te emeruar nga partite e opozites.

Shumica e partive qe dorezuan lista kandidatesh, iu desh te ktheheshin per korrigjim.


KJ

[flory80]

Në listat e Ministrisë së Brendshme rezultojnë 2801 votues nga mosha 110 deri në 157 vjeç. Listat e zgjedhësve përmbajnë shumë gafa dhe dublikime

Nga Lorenc Vangjeli

Ministria e Brendshme fton të votojnë dhe shpirtra të vdekur. 2801 shqiptarë të moshës nga 110 deri në 157 vjeç vazhdojnë të rezultojnë në listat e votuesve. Gafa të pafundme me emrat, aty ku mungojnë të dhënat personale, ato zëvendësohen me tre “X”-e. Një lëmsh i pafundmë me dublikimet e emrave dhe të tjera ngatërresa qesharake në to: qytetarë që nuk ekzistojnë, por që do t´u duhet të “votojnë” dhe personazhe të tjerë që mungojnë në lista. Duke nisur që me bashkëshorten holandeze të ministrit të Jashtëm shqiptar.

Shpirtrat e vdekur

Është më shumë se tallje. Është tragjike. Ministria e Brendshme, në fakt, edhe është tallur, edhe i ka marrë shqiptarët për budallenj, edhe shpreson të detyrojë OSBE/ODIHR-in të bëjë figurë të keqe përpara publikut që beson se misioni i tyre do të garantojë standardet e ndërtuara nga kjo qeveri që po e çon vendin në zgjedhje. Janë plot 2801 qytetarë shqiptarë me moshë nga 110 deri në 157 vjeç, që sipas Ministrisë së Brendshme duhet të votojnë më 28 qershor. Logjika të thotë se ata i kanë larë prej kohësh hesapet me këtë botë dhe se prej shumë e shumë vitesh nuk kanë më asnjë dilemë për ekzistencën apo jo të botës së përtejme. Por Ministria e Brendshme duket se beson në atë botë: ajo i fton ata të votojnë. Fillimisht duke marrë kartë identiteti nëse nuk kanë pasaportë. Ndryshe, vendimet e njëpasnjëshme të qeverisë “Berisha” nuk do t´i lejojnë ato as të marrin pensionin, as patentën për drejtimin e makinës dhe as të kuturisin të hyjnë në ndonjë provim në universitet. Gjithkush mund të kontrollojë listën në adresën zyrtare www.moi.gov.al, të klikojë në të mes të ekranit, sipër dhe djathtas fotografisë së ministrit Bujar Nishani dhe do të gjejë aty arsye edhe për të qeshur, edhe për të qarë. Ndoshta edhe për të qenë krenarë sepse si popull, i kemi të gjitha gjasat, sipas shembujve të dhënë, të krijojmë një brez qindravjeçarësh që në mos njëherë, njëherë tjetër, do të shkojnë të votojnë për të ardhmen e tyre, të fëmijëve të tyre, të nipërve, mbesave, stërnipërve, stërmbesave, stër stër stër stër... nipërve dhe stër stër stër stër... mbesave të tyre.

Kërkim dhe në varreza

Revista “MAPO” konsultoi listat e votuesve në qytetin e Korçës dhe me gjithë tentativat e përsëritura, dështoi në gjetjen e Llazo Qiriazit, sa për të dhënë një shembull tjetër. Zoti Llazo, i biri i Aleksit, ka lindur në datën 5 janar 1857 dhe është 152 vjeç. Më 28 qershor ai do të votojë në gjimnazin “Raqi Qirinxhi”. Adresa e fundit për të ka qenë Shën Triadha, emri me të cilën njihen varrezat e qytetit, por dhe atje nuk rezultoi fizikisht varri i tij. Ministria e Brendshme, pavarësisht kërkesës së përsëritur, nuk dha asnjë konfirmim të mundshëm nëse zoti Qiriazi ndodhej në Shqipëri, apo kishte emigruar jashtë, apo dhe kishte migruar në ndonjë qytet tjetër brenda vendit.

Të përjashtuarit

Ata nuk ndajnë të njëjtin fat me shqiptarët e kësaj liste të cituar, ndonëse mjaft më të njohur se ta nuk gjenden në listat e votimit. Aurela Isufi (Basha), bashkëshorte e ministrit të Jashtëm Lulzim Basha, nuk ndodhet në listat e votuesve. Nuk e kanë harruar. E kanë hequr. Duke respektuar ligjin. Me dekret të ish-Presidentit të Republikës, Alfred Moisiu, me numër 4117, në vitin 2004, zonja Basha ka lënë shtetësinë shqiptare, në këmbim të shtetësisë holandeze, ku është rezidente. Nenet 15 dhe 16 të Ligjit Nr. 8389, datë 05.08.1998 “Për shtetësinë shqiptare”, përcaktojnë se kushtet për heqjen dorë nga shtetësia shqiptare për të rriturit dhe të miturit nisin me premtimin ose dhënien e shtetësisë së re nga një shtet tjetër, rezidencën në atë vend, mungesën e ndjekjes penale dhe detyrimeve ligjore të pashlyera në Shqipëri, marrëveshjen prindërore. Neni 15 për mbarimin e shtetësisë shqiptare përcakton: “Shtetësia shqiptare merr fund me kërkesë të personit, kur ai ... ka mbushur moshën 18 vjeç... nuk mbetet pa shtetësi si rezultat i heqjes dorë nga shtetësia shqiptare meqenëse ka shtetësi të huaj, fiton shtetësi të huaj ose garanton se do të fitojë shtetësi të huaj”.
Duke qenë holandeze, zonja Basha nuk mund të votojë më në Shqipëri. Bashkëshorti i saj shqiptar, ministri i Jashtëm, Basha, është në akuzë penale për shpërdorim detyre për shkak të shkeljeve financiare në segmentin “Rëshen-Thirrë-Kalimash”. Ai mbrohet duke thënë se kush është kundër rrugës, nuk është patriot. Ministri voton. Nuk dihet në ka kartë identiteti, por është e sigurt që ka pasaportë diplomatike. Është në listat e Ministrisë së Brendshme. Për të mos u larguar nga shembujt me Ministrinë e Jashtme duhet thënë se edhe bashkëshorti i zëvendësministres së tij, Edit Harxhi, ka pasaportë, shtetësi dhe kombësi turke. Zonja Harxhi ka shtetësi të dyfishtë. Bashkëshortja e sekretarit të Përgjithshëm të po së njëjtës ministri është me shtetësi dhe kombësi franceze. Të dy bashkëshortët e zyrtarëve të lartë të shtetit shqiptar nuk mund të votojnë në zgjedhjet e 28 qershorit.

Gafat

Kushdo që ka në dispozicion një kompjuter të lidhur me internet mund të shndërrohet në dëshmitar të gafave të tjera të Ministrisë së Brendshme. Në listat e publikuara nga ajo mund të gjenden shtetas të cilëve u mungon emri apo mbiemri dhe janë shënuar në to me tre “X”-e, si një personazh i famshëm i filmave amerikanë me aksion. Ka plot mungesa emrash, gabime që lidhen me germat e veçanta të shqipes, si “ë”-ja, “ç”-ja e të tjerë.

Marrë me shkurtime nga revista “MAPO”


15 Qershor 2009

[flory80]

Parregullsitë me listat e zgjedhësve në Shqipëri, ku ende ekzistojnë persona që janë 159 vjeç, gjejnë jehonë edhe në median britanike. Në numrin e djeshëm gazeta më e madhe në Angli, "The Sun", me titullin "Shqiptarët e vdekur mund të votojnë", shkruan rreth këtij fenomeni që ndodh vetëm në Shqipëri. “Shqipëria u jep shansin për të votuar më 28 qershor të gjithë qytetarëve, përfshi edhe ata të lindur në shekullin e 19-të”, - thuhet në fillim të artikullit në "The Sun". Kjo gazetë i referohet zbulimit të këtij skandali nga Partia Socialiste, e cila dy ditë më parë bëri publik rastin e një 159-vjeçareje që ekzistonte në listat e qytetarëve me të drejtë vote. "The Sun" thekson se të tilla raste në Shqipëri mund të jenë me mijëra. Kjo gazetë, me rreth 3 milionë lexues, ka kontaktuar një zëdhënës të Ministrisë së Brendshme, i cili është shprehur se është gabim të hiqen nga listat e zgjedhësve personat që janë mbi 90 vjeç, pasi jo domosdoshmërisht ata mund të jenë të vdekur.
Nga ana tjetër, Ministria e Brendshme ka pranuar gabimet në këto lista, por ka deklaruar se kjo nuk ka ndodhur për shkak të saj, por edhe për shkak të hezitimit të familjarëve për t’i deklaruar të vdekur këta persona. “The Sun” citon gjithashtu edhe një zëdhënëse të Partisë Socialiste, e cila ka deklaruar se rreth 17 000 shqiptarë, gati sa votat e nevojshme për të zgjedhur dy deputetë, janë të moshës nga 90 deri në 150 vjeç.



15 Qershor 2009

[Xhuxhumaku]

O Floro,

po para 8 vjetesh e kater vjetesh kto/kta 159 vjecaret sa vjec kane qene?

po para 20 vjetesh kto 159 vjecaret sa vjec kane qene?

pse si kane c'rregjistruar komet dhe socet?

apo per kto nuk votonin te vdekurit?

llogjiko pak kur poston...lol

lene gjizen nihere...

[REALIST]

Zëdhënësja e fushatës elektorale të PD-së, Majlinda Bregu, akuzoi dje kreun e PS-së, Edi Rama, se e quajti të vdekur shtetasen Shqype Hasibra, e cila sipas saj është 58 vjeçe dhe jeton në Shkallnur të Durrësit. “Ndryshe nga cinizmi që Edi Rama përdor në spotin e tij anti kartave të identitetit, Shqype Hasibra jeton, gëzon shëndet të plotë dhe dëgjon mjaft mirë nga veshët, pa pasur nevojë t’i flasim me zë shumë, shumë, shumë të lartë. Sepse është akoma në këtë botë dhe jo në atë të përtejmen, ku donte ta çonte Edi Rama, që për interesat e tij politike luan me jetën e njerëzve. Të gjallët i bën të vdekur apo ndonjë qoftëlarg të vdekur, kërkon ta ringjallë”, tha Bregu. Qëndrimi i PD-së vjen pasi selia rozë nxori nga lista e votuesve një shtetase të quajtur Shqype Hasibra, e cila ishte 159 vjeçe.
gazeta panorama.

[juanito02]

Ja dhe nje lapsus sekretaresh e bejne fenomen politik partite tona.
Bir selmani nenes ke te qaj me pare.

[Albo]

Listat paraprake, KQZ gjobiti 77 drejtues vendore

E Premte, 15 Maj 2009

Rozeta Rapushi

Gjobiten me 50 mije leke, 77 kryetare komunash edhe bashkish. Komisioni Qendror i Zgjedhjeve, me unanimitet vendosi te ndeshkoje kreret e pushtetit vendor, pasi kane shkelur cdo afat ligjor ne dorezimin e listave te zgjedhesve. Jo pak, po 77 kryetare komunash edhe bashkish prej me shume se dy muajsh qe ka kaluar afati, vazhdojne te tregohen indiferent ndaj detyrimeve ligjore qe kane. Duke mos dorezuar keshtu listat e zgjedhesve, edhe pse ne me shume se nje muaj, do te zhvillohen zgjedhjet parlamentare. Kryetari i Komisionit Qendror te Zgjedhjeve, Arben Ristani tha dje se nese edhe pas kesaj gjobe, kreret e pushtetit vendor nuk do te reflektojne dhe te sjellin listat, atehere ndaj tyre do te merren masa te tjera ndeshkuese ligjore. Ne te tilla raste, Kodi Zgjedhor, parashikon padi per ndjekje penale per keret e pushtetit vendor me motivin shperdorim detyre. Kryetaret e komunave dhe bashkive, duhet ti kishin dorezuar listat e zgjesve prane Komisionit Qendror te Zgjedhjeve, dy muaj me pare. E ndonese u eshte bere thirrje e vazhdueshme nga ky institucion, ata kane vazhduar te mos kryejne kete detyre. Per kete arsye, diten e djeshme me 7 vota pro dhe asnje kunder, KQZ vendosi ndeshkimin e tyre me nje gjobe prej 50 mije lekesh. Kryesisht ata qe nuk i kane dorezuar listat, jane kryetare komunash. Por ne listen e gjate prej 77 komunash dhe bashkish jane edhe kryetare te bashkive te rendesishme, si Shijaku, Peshkopia, Prrenjasi, Kukes, Koplik apo Mamurras edhe Rubik. Me pas lista vijon me nje sere kryetare te komunave, te cilen gazeta "Koha Jone" e boton te plote. Mungesa e dorezimit te listave te zgjedhesve, ne Komisionin Qendror te Zgjedhjeve, i krijon jo pak probleme mbarevajtjes se procesit zgjedhor. Kjo per faktin se sa me shume vonohen listat, aq me pak mundesi kane zgjedhesit qe t'i korrigjojne ato ne rastet kur nuk kane emrin ne lista, apo kane pasaktesi ortografike. Nderkohe qe diten e sotme Komisioni Qendror i Zgjedhjeve, do te kontrolloje dhe votoje dokumentacionin qe partite politike kane dorezuar per regjistrimin si koalicion ne zgjedhje. Partite e dorezuan dy dite me pare ne KQZ, kerkesen per regjistrim si koalicione. Pese kerkesa u bene deri ne perfundim te afatit ligjor.



Vendimi

Kreret e pushtetit

vendor qe gjobiten

Komuna Otllak Lefter Maliqi

Komuna Velabisht Bledar Cili

Bashkia Peshkopi Ilir Krosi

Komuna Gure Sali Celami

Komuna Kala Dodes Bajram Hima

Komuna Lis Agim Selita

Komuna Shupenze Muis Llani

Komuna Suc Ylli Meta

Komuna Trebisht Fitim Balla

Bashkia Manez Bujar Huqi

Bashkia Shijak Aferdita Alite

Komuna Rashbull Hysen Gashi

Komuna Xhafzotaj Agim Hoxha

Bashkia Prrenjas Artur Topi

Komuna Gjergjan Faik Gjolena

Komuna Gostime Qamil Boja

Komuna Grekan Qemal Rama

Komuna Lab.Fushe Xhemali Quku

Komuna Perparim Agim Xhaja

Komuna Porocan Nefail Kllogjri

Komuna Allkaj Petrit Malia

Komuna Ballagat Fatos Sharka

Komuna Fier-Shergan Bedri Hida

Komuna Hysgjokaj Ferdinand Sharka

Komuna Kolonje Jakup Beqiri

Komuna Ngracan Nuri Koraj

Bashkia Kelcyre Vasil Carka

Komuna Buz Bujar Skendi

Komuna Cepo Dragush Logli

Komuna Memaliaj Lavdie Haderi

Komuna Luftinje Gezim Malka

Komuna Picar Shkelqim Guce

Komuna Pogon Mite Mejdi

Komuna Qesarat Arjan Zeqai

Komuna Zagorie Anastasia Dushi

Komuna Liqenas Edmond Themelko

Komuna Miras Arben Mucka

Komuna Velcan Ilia Mani

Bashkia Kukes Hasan Halilaj

Komuna Bujan Hasan Bucpapaj

Komuna Gryke-Caje Vesel Shehu

Komuna Kolsh Abedin Oruci

Komuna Lekbibaj Gjevalin Gjeloshaj

Komuna Terthore Remzi Veseli

Komuna Ujmisht Ahmet Dede

Bashkia Mamurras Ded Ndreca

Bashkia Rubik Mark Ruci

Komuna Balldren i Ri Gjek Cali

Komuna Fushe Kuqe Ded Keraj

Komuna Kacinar Kastriot Ndroji

Komuna Kallmet Petrit Marku

Komuna Kolsh-Lezhe Andi Marku

Komuna Ungrej Gjovalin Gjoni

Bashkia Koplik Ramadan Likaj

Komuna Ana-Malit Arben Ceni

Komuna Blerim Ndoc Prendi

Komuna Fierze-Puke Nik Nika

Komuna Iballe Gezim Vata

Komuna Kastrat Gjovalin Veshti

Komuna Pult Sokol Cubi

Komuna Qerret Rrok Dodaj

Komuna Rrethinat Gezim Hardolli

Komuna Velipoje Nikolle Marku

Komuna Baldushk Elmi Allmuca

Komuna Berzhite Genc Drita

Komuna Kashar Besnik Fucia

Komuna Ndroq Fatime Goga

Komuna Vaqar Skender Drita

Komuna Zall-Bastar Rexhep Moqi

Komuna Brataj Pilo Toto

Komuna Dhiver Sokrat Kalcuni

Komuna Finiq Ziso Lluci

Komuna Vranisht Fatbardha Kapo

Komuna Livadhja Irodhi Dalani

Komuna Lukove Vladimir Kumi

Komuna Mesopotan Themistokli Kaishi

Komuna Vllahine Sokol Hodaj


KJ

[Qyfyre]

Po jane thjesht gabime, ca filloni me budalliqe i ka ber Pd apo PS, apo i kan ber per te mundesuar bojkotin me vone etj etj.

Ata qe kane emrin ne listat e zgjedhjeve dhe qe nuk kane ndermend te votojne, le te kontaktojne zyrat perkatese dhe te kerkojne tu hiqet emrin nga listat, qe te mos ti vidhet vota nga PS, PD apo ndonje parti tjeter.

[flory80]

Ata qe kane emrin ne listat e zgjedhjeve dhe qe nuk kane ndermend te votojne, le te kontaktojne zyrat perkatese dhe te kerkojne tu hiqet emrin nga listat

Sipas teje mbi 1.5 milion Shqiptarë që jetojnë në Perëndim të marin rrugën dhe të shkojnë të kontrollojnë listat e zgjedhjeve, se mos ju kanë vënë emrin gabimisht?
Ka organe që paguhen me paratë tona, për ta bërë këtë punë.

[IL__SANTO]

Ska shance te jene bere gabime.Kemi qeveri demokrate qe i vret kundershtaret edhe nuk merret me vogelsira si manipulim zgjedhjesh apo gabime ne lista etj.