Durimi - hoxhë Enis Rama

[Selma*]

-Çka është durimi, a e dimë definicionin, kuptimin e saktë në baze të Kur’anit dhe Sunetit ?!

-A është me rendësi durimi në sprova e fatkeqësi, apo durimi gjatë ibadeteve ?

-Durimi, si ndahet ne sa kategori, kur e kemi obligim( farz) e kur vullnetare?

-Cilat janë shkaqet që na mundësojnë të jemi më të durueshëm?

-A është i kufizuar shpërblimi për durimtaret, si shpërblehen adhurimet me të mira të durimtareve ?!

-Kur e kemi obligim( farz) durimin, e kur vullnetare?

-Çka na ndihmon të jemi të durueshëm?


Është një nga ligjëratat që me ka pëlqyer shumë nga hoxha i nderuar Enis Rama, linku ku mundeni ta shkarkoni /dëgjoni ligj. e plotë.

http://www.zshare.net/audio/60820891f26ba72a/%5DEnisi-

[Selma*]

Më poshtë keni mundësine të lexoni një përmbledhje në pika kryesore nga kjo ligj...



“Kush bën durim dhe fal, s'ka dyshim se ajo është virtyti më i lartë (i lavdishëm)” (Kuran 42:43)


Islami ne mënyre te përgjithshme ndërtohet mbi dy shtylla:

1. Falënderimi (Hamdi dhe Shukri) dhe
2. Durimi (Sabri)

Dhe koment për ketë është: se çdo gjë qe vjen nga Allahu ose është begati, e mire qe duhet falënderuar ose sprove gjatë së cilës duhet duruar.

Pra durimi është gjysma e islamit, vështruar nga ky aspekt.

Çka është Sabri?

- Të përmbajturit dhe të burgosurit e diçkaje (kup. Etimologjik, gjuhësor)
- Sabër është te përmbajturit e vetes për ta kryer një obligim ose për tu larguar nga një ndalesë me qëllim të arritje së kënaqësisë së Allahut (kup. Terminologjik, sheriatik)

Rëndësia e Sabrit:

- Virtyti me i kërkuar në islam (Durimi është bërthama e të gjitha virtyteve, cilësive, disa nga to: Ndershmëria; Zuhdi – mos dhënia pas kësaj bote dhe te mirave te saj, ruajtja e sekretit; Falja – është fjala për faljen e gabimeve te tjerëve, me ose pa te drejte qofshin ato gabime, zullume ndaj neve; Bujaria; Trimëria etj.

Vendimi i sheriatit për sabrin:

- Në mënyre të përgjithshme durimi konsiderohet obligim-farz.
- Sabri përmendët me shume se 100herë në Kuran, dhe jepen sevape pa masë për të, ndërsa nuk ka mundësi që një punë vullnetare të merr kaq shumë sevape, kështu qe është farz.

- Definimi i dispozitës së sheriatit për Sabrin-Durimin, ky është rregull: “Çdo obligim i cili nuk ka mundësi të kryhet vetëm se përmes Durimit në ketë rast Durimi është Obligim. Çdo ndalesë që Allahu e ka ndaluar në mënyre të prerë, pra është haram, dhe nuk kemi mundësi të largohemi, te përmbahemi nga ky haram vetëm se me Durim, atëherë prapë është obligim Durimi. Çdo vepër qe Allahu na ka nxite që ta kryejmë jo në mënyre obligative, pra është vepër vullnetare, Durimi për ta kryer ketë vepër është vullnetar. Çdo vepër që Allahu na ka ndaluar, por jo në mënyrë të prerë, pra për çdo Mekruh (e papëlqyeshme - vepër e papëlqyer për te cilën qortohesh por nuk dënohesh) edhe ne ketë rast Durimi është vullnetar – jo obligim. Ne mënyrë te përgjithshme është obligim, por ka raste kur është vullnetar, dhe varësisht prej veprës edhe dispozita mbi Durimin ndryshon.

Disa vlera te Durimit ne Kur’an:

1. Allahu e ka lidhur ngushtë shpëtimin me durim (Shpëton ai i cili duron për Allah, durim ky sipas sheriatit, )

2. Durimi është vepra (virtyti, cilësia) e vetme për te cilën shpërblimi është i pakufizuar, pa masë, pa llogari…

3. Allahu i ndihmon durimtareve (…All-llahu është me durimtarët. 2:249)

4. Durimi është ndihmëtari me i madh PAS Allahut për besimtaret

5. Djalli i mallkuar dhe e tere ushtria e tij, bëjnë komplot kundër muslimaneve, ndërsa Allahu e ka cek se kjo tejkalohet dhe shpëton ai vetëm përmes Durimit (ky i fundit marr sikur shkak dhe sebep)

6. Ne Xhennet do te përshëndeten banoret e tij me SELAM për shkak qe kanë bere sabër gjate jetës së kësaj bote dhe sfidave te saja [(u thonë) Selamun alejkum, me durimin tuaj gjetët shpëtimin; sa përfundim i lavdishëm është ky vend. 13:24]

7. Veprat e mira dallojnë mes veti edhe ato te llojit te njëjte (një namaz dallon nga një namaz tjetër i yti, për nga përkushtimi). Durimtaret, ata qe meritojnë emrin durimtar, ata do te shpërblehen për (p.sh) namazin me te mire te cilin e kane bere, pra për namazin ne për cilin kane pasur me se shumti përkushtim, e kjo është vetëm për saberlinjët dhe jo për te tjerët (pra shpërblimi sipas veprës me te mire te njeriut sikurse te gjitha veprat kane qene ne atë grade te përkushtimit dhe sinqeritetit).


Sabri, durimi ndahet ne këto kategori (fusha):

1. Sabri ndaj fatkeqësive (ndaj sprovave, ndaj Caktimit te Allahut ne përgjithësi. Këtu duhet te kemi parasysh se nuk ka fatkeqësi në të cilën nuk ka edhe urtësi mbrapa saj, pra një qellim të caktuar që mund ta njohim por edhe nuk mund ta njohim!)

2. Sabri ne ndalimin ndaj harameve (Rasti i shumë përmendur për ketë temë nga shumë hoxhollarë është shembulli i Jusufit alejhis-Selam)

3. Sabri ne kryerjen e Urdhrave te Zotit Subhanehu ue Teala. Adhurime, Ibadete. (Kjo është grada me e larte e Durimit)

a. Sabri para veprës (sinqeriteti, pra te kontrollojmë mire para veprave për hir te kujt jemi duke e bere ketë vepër, me çfarë qëllimi, e për ketë duhet sabër i sinqertë)

b. Sabri gjate veprës (Vazhdimi me atë vepër deri ne fund, durim për ta vazhduar veprën sa do e vogël që të jetë, pra kurrsesi të mos ndërprerët vepra më qëllim të arritjes së shpërblimit)

c. Sabri pas kryerjes se veprës (Të mos krenohemi me atë vepër, as të mos vetë- pëlqehemi apo te bëhemi mendjemëdhenj, mos lavdërimi...).


Pikat qe na ndihmojnë me Lejen e Allahut të jemi durimtarë :

1. Njohja e drejte e kësaj bote dhe e natyrshmërisë së saj (sprovat e jetës, realiteti i saj, ligjet e saja, pra prej ligjeve të kësaj bote është edhe sprova, dhe faktet nga e kaluara na mësojnë se janë sprovuar pikërisht te devotshmit, dhe kurrsesi nuk jemi të paret me sprova. Njohja me këto ngjarje nga e kaluara bi‘idhnil-Lah na ndihmon me tejkalimin e sprovave përmes durimit).

2. Bindja e patundshme ne shpërblimin e Allahut (Çka do që të ndodhe shpërblimi është afër, nëse bene durim për Allahun Dhuruesin e durimit... Takimi me Allahut, hyrja ne xhenet, meditimi rreth shpërblimeve pa masë të durimtareve... Durimi deri ne shpërblimin e vërtete e jo shpresa për shpërblime të dunjase të cilat janë të përkohshme... Nuk krahasohet asnjë shpërblim në ketë botë me vetëm një fjalë nga Allahu: “Jam i kënaqur me ty“ ne ditën e Kijammetit)

3. Bindja e prere ne rrugëdaljen e shpejte, çdo gjë do të kalon (Rregulli: Pas çdo vështirësie vijnë lehtësimet, pra këtu mund te themi se Allahu qon një vështirësi dhe ketë e bene si shkak përmes se cilës te jep shume lehtësime dhe shpërblime, dhurata dhe të mira të shumta...)

4. Kërkimi i ndihmës Allahut qe te bëhemi durimtar, kërkimi i përgjithshëm për ndihme (Te bëjmë lutje ngase prej shkaqeve qe njeriu te arrin deri tek një e mire është lutja e kjo vlen sikur ne te gjitha rastet edhe ne ketë rast, pra te lutemi qe Zoti të na bëjë ne durimtarë).

5. T’i kemi shembull ata qe kanë qene sprovuar para nesh (Sëmundjet dhe sprovat tjera te Pejgambereve alejhimu Selam, gjeneratave te pare dhe njerëzve te devotshëm, dhe medito rreth fundit te tyre... Këtu mund te na ndihmojnë libra dhe ligjërata te shumta rreth pejgambereve, sahabeve, tabeineve etj... Allahu ka garantuar qe do t‘i ndihmon robërve te Tij qe kane probleme, dhe ne duhet ta kemi ketë parasysh gjate sprovimit).


*Disa këshilla nga Hoxha-Ligjëruesi:
Ligjërata të merret si objekt studimit dhe të dëgjohet më shpesh të analizohet ditë me radhe, të meditohet rreth secilës pikë se si mund ta fusim praktikisht në jetën tonë, analizimi i pikave veç e veç, duke u bindur gradualisht. Pra, kuptoje gjendjen tende në raport me durimin dhe si mund të arrish deri në kulminacionin e tij.

Allahu na mundësoftë që Ditën e Kijametit të na thërrasë Ai neve me emrin “e durimtareve! “