John Stevenson

[Xhuxhumaku]

Zonjushat me çadra dielli..

» Dërguar më: 07/06/2009 - 09:40


Ky cikël është një përmbledhje haikush shkëputur nga një seri botimesh të Dim Sum (revista e Route 9 Haiku Group), ‘Some of the Silence’, revistave Modern Haiku dhe The Heron’s Nest. John Stevenson, ish-president i klubit amerikan të haikut (Haiku Society of America / HSA), ka shërbyer njëkohësisht si redaktor i Frogpond (revista e HSA) dhe aktualisht është kryeredaktor i revistës The Heron’s Nest. Ka botuar përmbledhjet me haiku ‘Something Unerasable’ (1995), ‘Some of the Silence’ (1999), dhe ‘Quiet Enough’ (2004). “Haiku dhe tanka e Stevenson jane ndër më të lexuarat dhe te pelqyerat në gjuhën angleze, të shquajtuara për vështrimin e hollë dhe vërejtjen e kujdesshme, humorin dhe një këndvështrim krejt bashkëkohor.” – Cituar në revistën Simply Haiku.
Zonjushat me çadra dielli..

*** John Stevenson

thuajse pranverë
ajo rrëfen gjithçka
me një frymë

***
darkoj i vetëm
pamje
nga oqeani

***
mblidhet kruspull
një gjethe
e merr zjarr


***
një pipë e tharë
në një filxhan të tharë
pa fjalë të fundit


***
natë dimri
mendime të vjetra
për të ardhmen


***
kënga mbaron ndërsa dal prej dyqanit

***
muzg vjeshte
i them vetes
mjaft bëra


***
po shkrin dimri
mbrëmë në ëndërr
im atë i gjallë

***
sythat në të shpërthyer
e ndjej
që larg

***
askënd
për të falur
sërish pranverë

***
hënë e ftohtë –
një çast hezitimi
vite më parë

***
dimër sërish
unë jam ai djali
i veshur trashë

***
jo çfarë thuhet
por si thuhet
dëbora e parë

***
impresionizëm
zonjushat me çadra dielli
vazhdojnë drejt tablosë tjetër

***
erë vjeshte
gjethet po shkojnë
ku shkoj dhe unë

***
java pas Krishtlindjeve
një stol i zbrazët
në dyqan


***
mbrëmje e ngrohtë
një derë e hapur
për në dhomën e pritjes së dikujt


***
plazhi në dimër
një copëz druri
djegur në njërën anë


***
shkallë
unë zbres nëpër
parfumin e saj

***
e shtunë e ftohtë
tërhequr rishtas në shtrat
nga ngrohtësia ime


***
gjethe marramendëse
i fryn era përmes
shtëpisë së saj të ëndërrt

Përmblodhi dhe shqipëroi: Jorma Maria Loci, USA .

milosao.

[mondishall]

Te falenderoj Xhuxhumaku per sjellje te tilla interesante. Me shume do desha nese mundesh. Perqafime, Mondi