Trafiku i droges, shkarkohet oficeri i Rinasit

[BlueBaron]

Po SHKB i Min. Brendshme sa personel ka ??? Bashkepunon me SHISH ??? Hetimet rreth policeve i kryejne me hedhje shorti (dmth kujt polic i bie lapsi) apo pasi ndodhin ngjarjet ???

Interesant, kjo puna e policit dhe shish-sit qe punonte ne Maqedoni ...

[Patrioti]

Kesaj i thone me i vare ujkut melcite ne qafe. Imaginoni se ca mund te kete bo kur ka qene ne Rinas. SHKB duhet te hetonte qe me perpara per "nderet" qe ky mund ti bente sidomos atyre qe vijne nga Amerika.
Pjese e problemit per mendimin tim eshte qe askush ne administrate nuk e ndien veten tamam nepunes i shtetit, jo vetem ne polici por kudo. Sepse e marrin vendin e punes me rushfete, e mbajne me ryshfete dhe mundohen te nxjerin sa me shume fitim per aq sa jane ne detyre. E dine qe kur te vije shefi i ri (tropojan apo skrapalli) do fusi dhe ai njerzit e vete dhe spiralja nis nga fillimi.....

[[Perla]]

TIRANË- Shkarkime në Rinas, pas kapjes së oficerit të Rinasit me 200 kg heroinë në Turqi. Burimet policore nga ky komisariat bëjnë me dije se janë shkarkuar nga detyra shefi i kufirit të Rinasit, Gerin Seitllari dhe shefi i kontrollorit në këtë komisariat, Granit Halili. Sipas të njëjtit burim, shkarkimet erdhën pas hetimeve lidhur me arrestimin e Altin Murrës, ndërkohë që të shkarkuarit janë bërë përgjegjës për shkelje të rregullores së disiplinës.


Lajmi i dates 9 qershor

Arrestohet me 200 kg heroine, oficeri i Rinasit

TIRANE- Kapet me 200 kg heroinë në Stamboll të Turqisë, oficeri i Policisë Kufitare të Tiranës pranë aeroportit të Rinasit. Altin Murra, 27 vjeç, me gradën policore nënkomisar, banues në kryeqytet, është kapur nga Policia e Stambollit me një ngarkesë prej 200 kg drogë të pastër të llojit heroinë.

Vlera e mallit të sekuestruar në Stamboll, besohet se arrin shifrën e 2 milionë eurove afërsisht. Arrestimi është kryer të premten dhe veç tij, policia turke ka kapur edhe dy persona të tjerë të cilët janë Burhan Markeci, 39 vjeç, nga Dibra, dhe Nalton Jaçaj, 35 vjeç nga Tirana.

Lajmi është konfirmuar për gazetën "Shekulli" nga burime të Policisë së Shtetit, të cilët kanë pohuar se oficeri blu, i cili është në organikën e Drejtorisë së Policisë së Kufirit të Tiranës, është prangosur pas një operacioni të policisë turke me një sasi prej rreth 200 kg heroinë e cila ndodhej në një kamion trajler që kishte si destinacion Shqipërinë.

Murra, mësohet se ka mbaruar Akademinë e Policisë në Ankara në vitin 2006, dhe në vitin 2007 është emëruar në Rinas, si specialist pranë Laboratorit të komisariatit të Aeroportit, e ndërsa më pas ka kaluar në rolin e kontrollorit.

Madje për shkak se ai cilësohej si ndër më të përkushtuarit në punë ai ishte përzgjedhur nga eprorët e policisë së Kufirit, bashkë me dy oficere femra si prezantues të një posteri policor për kufirin, që ishte vendosur në aeroport dhe pranë drejtorisë rajonale. Dje këta dy postera janë hequr me urgjencë nga vendet ku ishin vendosur.

Bashkë me të, sipas burimeve të policisë, kanë qenë edhe dy bashkëkombasit e tjerë, të cilëve gjithashtu policia iu ka vënë prangat, ndërsa gjatë kontrollit të kamionit tip trajler me destinacion Shqipërinë, policia ka sekuestruar sasinë prej rreth 200 kg heroinë.

Lënda narkotike e bllokuar të premten nga policia është një ndër sasitë më të mëdha të sekuestruara ndonjëherë nga policia turke me destinacion të mundshëm vendin tonë e më pas shpërndarjen e saj në Perëndim.

Burime të Policisë së Shtetit, kanë pohuar se oficeri Altin Murraj, me gradën policore Nënkomisar, kishte kërkuar disa ditë leje pranë eprorëve të tij të kufirit për shkak se kishte pasur disa probleme të tij personale dhe se i duhej të mungonte disa ditë. Leja është pranuar nga shefat e tij duke menduar në të vërtetë se kontrollori ndër më të vlerësuarit në Rinas për punën e tij, kishte probleme personale.

Rreth katër ditë përpara se të arrestohej në lagjen Aziatike të Stambollit, Murra ka siguruar lejen dhe menjëherë është nisur në drejtim të Turqisë. Pas pak ditësh qëndrimi ai mësohet se është nisur në drejtim të Shqipërisë me një kamion trajler me pretendimin se do të kursente edhe paratë e rrugës së kthimit.

Gjatë kësaj kohe sipas burimeve, policia turke ka vëzhguar deri në detaj lëvzjet e tij, e madje ata kishin në përgjim edhe të gjithë numrat e telefonit të njerëzve të dyshuar duke vijuar më tej hetimin.

Ndërkaq ditën që personat duhej të ktheheshin në Shqipëri nëpërmjet kufirit bullgar e më pas Maqedonas, është kryer edhe sekuestrimi i mallit në një kamion që transportonte mallra nga Turqia për në Shqipëri. Autoritetet e antikrimit të organizuar kanë ndërhyrë duke e arrestuar në flagrancë


SHKB-ja nis verifikimet

Arrestimi i 27 vjeçarit Murra, nuk ka kaluar pa u vënë re nga autoritetet e Policisë së Shtetit dhe të Ministrisë së Brendshme në vendin tonë. Rasti i përfshirjes së funksionarit të lartë të policisë në krimin e organizuar në një nivel të tillë është i paprecedent.

Autoritetet e policisë turke, kanë informuar kolegët e tyre të Policisë së Shtetit në Shqipëri, ndërsa strukturat e Shërbimit të Kontrollit të Brendshëm (SHKB), kanë nisur verifikimet, duke kërkuar lidhjet e tij me ato të personave nga të cilët efektivi blu është emëruar apo rrethanat e ngjarjes, njohjet dhe lidhjet e tij në rast se ka të tilla të dyshimta.

Një muaj më parë, u arrestua sekretari i ambasadës tonë në Shkup
Vetëm një muaj më parë, me 2 maj, Sekretari i dytë i Ambasadës Shqiptare në Shkup të Maqedonisë, Agim Haxhiu, u kap me një sasi prej 65 kilogramësh lëndë narkotike e llojit heroine.

Haxhiu u kap po ashtu nga policia turke, me sasinë e mësipërme të heroinës ndërsa udhëtonte me automjetin e tij nga Turqia në drejtim të Bullgarisë në momentin që tentonte që me mjetin e tij me targa diplomatike të kalonte në kufi.

Pas kontrollit të kryer nga policia në mjetin e tij, policia bllokoi plot 65 kg heroinë e cila besohet se ishte destinuar të trafikohej në Perëndim ose të shitej pjesërisht në Shqipëri. Sasia e heroinës e kapur në automjetin e Haxhiut nga policia turke prej 65 kilogranësh, besohet se kapte shifrën e 650 mijë eurove.

Pas kontrollit të kryer dhe gjetjes së lëndës narkotike, policia ka arrestuar sekretarin e dytë të ambasadës tonë në Shkup me akuzën e trafikut ndërkombëtar të drogës.

Haxhiu, i cili punonte prej dy vitesh në Maqedoni në postin e sekretarit të dytë, kishte lënë detyrën e tij në Shkup të enjten me 30 prill ndërsa sipas familjes nuk ishte paraqitur as të nesërmen më 1 maj.

Pas interesimit të funksionarëve të ambasadës tonë atje, u zbulua se ai kishte kaluar kufirin me Bullgarinë dhe më pas kishte mbërritur në Turqi, kishte qëndruar vetëm pak kohë pasi ishte nisur për kthim. Në kthim ai është arrestuar nga policia në kufi me Bullgarinë ndërsa në autoveturën me targa diplomatike i ishte bllokuar edhe heroina.

Ministria e Jashtme në reagimin e saj, pohoi se sipas ligjit Për Shërbimin Diplomatik, Haxhiu ishte larguar nga puna për shkeljen e ligjit, duke braktisur detyrën.

Në gusht u arrestua shoferi i ambasadës tonë në Itali, Arsen Selmanllari
Arsen Selmanllari, shofer i ambasadës tonë në Itali, u arrestua nga policia e Milanos me 25 gusht të vitit të kaluar, kur ai po udhëtonte me mjetin, bashkë me një grua tjetër gjithashtu edhe ajo shqiptare.

Gjatë kontrollit të policisë italiane, në një segment rrugor në zonën e quajtur Lambarte, shoferi është kapur nga një grup i policisë italiane i antikrimit të organizuar.

Gjatë kontrollit të mjetit, policia gjeti dhe bllokoi sasinë prej një kilogramë kokaine. Menjëherë pas bllokimit të kokainës, policia italiane arrestoi në flagrancë shoferin e ambasadës tonë në Romë, Arsen Selmanllarin, bashkë me shoqëruesen e tij.

Përpara se të kryhej arrestimi i tij, policia italiane kishte marrë konfirmimin nga autoritetet shqiptare për heqjen e imunitetit diplomatik shoferit të ambasadës shqiptare në Itali.

Sipas policisë italiane, sendi në të cilin ishte fshehur kokaina ishte futur në kroskotin e autoveturës në pronësi të shtetit shqiptar dhe që ishte i pajisur me targa diplomatike.

Sipas një deklarate të dhënë nga ambasadori shqiptar në Romë, Llesh Kola, pas arrestimit të Selmanllarit, ky i fundit kishte së paku dy vite që ishte punësuar si shofer në ambasadën tonë në Itali.

Sipas lajmeve të atëhershme të mediave, kontrolli ndaj makinës me targa diplomatike nuk është bërë, deri në momentin që policia italiane ka marrë dritën jeshile nga Ambasada Shqiptare në Romë.

"Gjatë ndalimit dhe lejes për t'i kontrolluar në makinë, shoferi Arsen Selmanllari ka replikuar me oficerët e policisë duke iu treguar atyre dokumentin e lëshuar nga Ministria e Jashtme Italiane, që e ndalon policinë të kontrollojë personat me imunitet diplomatik".

Shekulli

[Elonaa]

Arestimet per droge jane me se normale tashme ne shqiperi.Si ato brenda shqiperise dhe ato jasht.Nje nga rruget e pista qe u pasurua shqiptari. Pas i kariere ne drog i fusin nje ivenstim dhe jan ok shqiptaret. Mjer ke kapin se vetem ai qe kapet quhet i pandershem te tjeret jane te nderuar dhe te suksesshem.