Londer: Largime dhe ndryshime në kabinetin qeveritar

[Nice_Boy]

Largime dhe ndryshime në kabinetin qeveritar

http://www.bbc.co.uk/worldservice/im...llbrown_pa.jpg

Purnell është ministri më i fundit që largohet nga kabineti Brown

Kryeministri britanik, Gordon Brown, po bën ndryshime në kabinetin e tij qeveritar përballë krizës politike në rritje.

Partia qeverisëse laburiste pritet të mos arrijë rezultate të mira në zgjedhjet për parlamentin evropian dhe ato lokale që mbahen në disa zona dhe brenda tre javëve të fundit, tre ministra janë larguar nga qeveria e tij.

Më i fundit që po largohet nga kabineti është James Purnell. Ai tha se partia nuk do të mund të fitonte zgjedhjet e përgjithshme nën drejtimin e zotit Brown dhe i bëri thirrje atij të japë dorëheqjen.

Korrespondentët thonë se ndryshimet në kabinet do të jenë mundësia e fundit për zotin Brown për të rivendosur autoritetin e tij.

Njoftimet sugjerojnë se Sekretari aktual i Shëndetësisë, Alan Johnson është zgjedhur si Sekretar i Brendshëm, ndërsa kancelari, Alistair Darling, pritet që ta mbajë postin megjithë kritikat e ashpra ndaj tij.

Edhe Sekretari i Mbrojtjes, John Hutton, ka thënë se do të largohet nga qeveria, por largimi i ij nuk ka lidhje me krizën aktuale.

Partitë kryesore të opozitës kanë bërë thirrje për zgjedhje të përgjithshme.