Pse nuk pranon Edi Rama debat elektoral me Sali Berishen?

[KUJTIM CAMI]

Ca që kanë veshur 'kostumin' e patriotit nacionalist harrojnë të na tregojnë pse s'e ngritën ndonjëherë zërin:- kur rrinin pa drita deri në 16 orë çdo dit,kur merrnin veç 3000 lek pension, kur lanin sytë me bidon,kur makinës duhet t'i ndërroje dy herë në vit amortizatorët, kur politikanët shqiptarë i prisnin vetëm në hollet e aeroporteve, kur s'të nevoiteshin dritat e makinës sepse s'mund të udhëtoje dot natën(n.q.s. doje të ktheheshe gjallë në shtëpi),kur paguanim taksën e rrugës Durrës-kukës dhe s'e dinim ku shkonin lekët tona, kur në doganat shqiptare çdoganohej vetëm 10000 alkol në vit..... e shumë KUR-e të tjera që po ti përmënd të gjitha s'mund të mbaroj dot në 24 orë. Por po çirren sot! A thua vallë, dje s'i panë këto të gjitha këto???? Apo ndoshta ........dje s'ishin nacionalistë?????? Në se një njeri ka sado pak ndienjën kombëtare sot duhet ti bashkohet të DJATHTËS pa mëdyshje.

[Uarda-1]

Dje ne klan Berisha tha qe jam dakort per nje debat me Ramen e Meten, kur te duan-tha ai.

Pse Edi Rama nuk i pergjigjet fteses?

Eshte mire qe ne si zgjedhes ti shofim kreret e dy partive kryesore ne dabet, per te kuptuar me mire alternativat e seciles pale.

Pse nuk del Edi Rama ne debat me Salen ?????? pse mos ndoshta do shume qe te zgjidhet ky problem? po te keni vene re salen ne cdo fjalim qe mban ai eshte sahere ne debat kunder rames dhe sikur mos mjaftonte ky budallallek qe nuk i qepet njehere goja duke treguar aritjet e tij me shifra dhe jo me fakte shan dhe politikanet e tjere sikur ky te qe i perkryer dhe edi raman nuk del se nuk ka kohe te meret me burra llafazane qe sdine nga lidhet gomarri pavaresisht se eshte ne politike, per cfare te dale ne debat edi rama me salen? kur ai e ka treguar veten e tij ne te shumten e rasteve se kush eshte ne realitet dhe jo duke fol me shifra por me vepra.... shkurt rama nuk eshte llafazan si sala dhe llafazanit nuk i dilet em fjale se flet po nuk pret ..

[Albo]

Shprehni mendimin tuaj per temen ne nje postim dhe lini hapesire per anetaret e tjere te shprehin mendimin e tyre per temen. Nuk ka nevoje per replika te teperta.

Kur nuk keni gje per te thene, heshtja eshte flori.

Albo

P.S Ata 2-3 anetaret qe po krijojne sharrje e ofendime ne tema, ky eshte paralajmerimi i fundit para perjashtimit.

[flory80]

Shumë persona kanë folur e kanë debatuar në këtë temë të forumit, por unë nuk jam shumë i sigurt nëse të gjithë këta e kanë idenë se përse bëhet fjalë në këtë temë.
Tani dikush e hapi këtë temë pa dhënë shumë info përsa i përket debatit të cilin të gjithë ne mundohemi të diskutojmë këtu pa thënë asgjë.
Në gjithë botën demokratike debate të tilla bëhen në televizione me një audiencë jashtzakonisht të gjerë, pak a shumë si në ato mitingjet që bëjnë këta bajlozët e politikës Shqiptare.
Ne kemi një televizion shtetëror që funksionon me taksat e Shqiptarëve, dhe në vënd që të meret me organizime të debateve të tilla apo me programe që i shërbejnë komunitetit, transmeton telenovela Amerikano Latine gjithë ditën dhe emisione pa kurrfarë vlere.

Kush ja ka bërë kërkesën zyrtare zotit Rama, dhe kur?
Në cilën studio televizive do të bëhet ky debat, dhe kush do ta drejtoj?
Sa i paanshëm është televizioni i cili ka bërë ftesën dhe sa i paanshëm është drejtuesi i emisionit.
Në rast se të gjitha këto pika plotësohen për një debat me të vërtetë të paanshëm dhe konstruktiv, atëherë zoti Rama duhet të pranoj skemën dhe duhet të shkojë dhe ta pyesi Berishën në sy, për çështjen e Gërdecit, të varrezave Greke në Jug, për ujrat territoriale, për Fazlliçin, për Kakomenë, për Malltezin për implikimin e familjes së tij në afera korruptive, etj etj.
Në raste se bëhet fjalë për pozita të pabarabarta, atëherë unë nuk i vë faj zotit Rama.

_________________

[Nice_Boy]

...Si Rama edhe Berisha e kuptojnë shumë mirë se një përplasje mes tyre do nxjerrë në pah jo diferencat por ngjashmërinë, duke i dëmtuar të dy njësoj. Sot mesazhi real që të dy palët i përçojnë elektoratit për liderin e tyre është: “Vjedh, vjedh, por punon”. Në këto kushte të dyja palët përpiqen t’i rrinë sa më larg palës tjetër, jo vetëm fizikisht por edhe verbalisht.


Nga Blendi Kajsiu


Sepse fushata kontrollohet tërësisht nga dy liderët përkatës të partive kryesore politike, që nuk lejojnë as kamerat e xhirimit në mitingje – do ishte përgjigjja e menjëhershme. E megjithatë fakti që palët kontrollojnë pamjet e fushatës mund të shpjegojë mungesën e lajmeve në lidhje me ndonjë incident në rrethe, por jo mungesën e lajmit në përgjithësi. Ajo që të çudit në këtë fushatë është fakti se asnjë prej deklaratave, debateve, apo aktiviteteve të liderëve në rrethe nuk ngjall interes dhe për pasojë nuk përbën lajm. Është e vërtetë që sistemi proporcional e ul nivelin e konfliktit në bazë ama ai duhet të rriste përplasjen në qendër mes liderëve dhe vizioneve të tyre politike për vendin. E kundërta ka ndodhur. Edhe pse fushata e secilës parti është reduktuar tek lideri përkatës përplasja mes dy liderëve Berisha dhe Rama pothuajse nuk ekziston. Për pasojë debatet mes kandidatëve në vend që të jenë kombëtare janë bërë edhe më lokale se dje kur sistemi ishe maxhoritar.

Pikërisht këtu buron edhe mungesa e lajmit. Lajmi mungon sepse mungon debati mes liderëve Rama dhe Berisha. Debati mungon sepse në kontekstin politik, ku ndodhemi përplasja reale mes Ramës dhe Berishës do degjeneronte lehtë në një spirale, ku duke i nxjerrë të palarat njëra-tjetrës të dyja palët do humbitnin pikë në elektorat. Shembulli tipik i kësaj ishte përplasja rreth Gërdecit, ku secila palë tregonte se sa gjatë dhe sa thellë kish shkuar pala tjetër me Delijorgjin, duke i dhënë shqiptarëve mesazhin e qartë se ty dyja palët ishin zhytur në pisllëk. Për ta kuptuar se si përplasja Rama-Berisha do eskalonte duke i dëmtuar të dy mjafton të imagjinojmë një debat imagjinar mes Ramës dhe Berishës:

Berisha – Unë kam bërë rrugët.
Rama – Unë kam bërë Tiranën.
Berisha – Ti vjedh në Bashki.
Rama – Ti vjedh në Qeveri.
Berisha – Ti vjedh nga lejet e ndërtimit.
Rama – Ti vjedh nga rruga Durrës–Kukës.
Berisha – Ti vjedh me bashkëpunëtorët e tu kriminelë.
Rama – Ti vjedh me familjen.
Berisha – Ti ndërtove pallate me Delijorgjin.
Rama – Ti ndërtove Gërdecin me Delijorgjin.
Berisha – Ti je djali i byrosë politike të Partisë së Punës.
Rama – Ti ke qenë 25 vjet komunist i devotshëm.

Kjo do ishte esenca e debatit Rama–Berisha. Ky debat shumë lehtë do kthehej në një spirale të rrezikshme, ku secila palë në pamundësi për t’u mbrojtur përpara akuzave të palës tjetër do hidhej në sulm. Debati do eskalonte në një mënyrë të tillë, ku secila palë do të nxinte tjetrën dhe në fund do nxiheshin tej mase të dyja bashkë. Nga ky debat do humbitnin të dyja partitë kryesore dhe do fitonin shumë partitë e vogla në të dyja krahët, duke e rrezikuar kështu investimin PS-PD për ruajtjen e bipartizmit politik, investim që u materializua tek ndryshimet kushtetuese. Prandaj problemi nuk është thjesht se Rama nuk pranon të dalë ballë për ballë Berishës. Debati mund të bëhet edhe në distancë, mjafton të kujtojmë fushatën e 2003 Rama–Ngjela për këtë. Problemi është se një debat real mes Berishës dhe Ramës nuk i leverdis sot as njërit dhe as tjetrit, si përballë ashtu edhe në distancë. Mes Ramës dhe Berishës sot ekziston një ‘luftë e ftohtë’ që nuk e lë fushatën të ‘nxehet’ duke prodhuar kështu lajm.

Nuk kemi të bëjmë me ndonjë konspiracion, por thjesht me një ekuilibër që buron nga rrethanat politike ku ndodhen palët. Si Rama edhe Berisha e kanë kuptuar se një përplasje reale dhe politike mund t’i fundosë të dy njësoj, duke ngritur partitë e vogla në secilin krah. Si Rama edhe Berisha e kuptojnë shumë mirë se një përplasje mes tyre do nxjerrë në pah jo diferencat por ngjashmërinë, duke i dëmtuar të dy njësoj. Sot mesazhi real që të dy palët i përçojnë elektoratit për liderin e tyre është: “Vjedh, vjedh, por punon”. Në këto kushte të dyja palët përpiqen t’i rrinë sa më larg palës tjetër, jo vetëm fizikisht por edhe verbalisht.

Berisha flet për arritjet e qeverisë dhe Rama për politikën e re. Herë pas here ata ’përplasen’ me shumë kujdes. Ndonjëherë Berisha i thotë Ramës ’dil në shesh të burrave’ dhe Rama përgjigjet ’ashpër’ duke thënë ’unë nuk kam nevojë për një karrige në parlament’. Nga mungesa e përplasjes kemi një fushatë çuditërisht pozitive edhe pse secila palë e shikon liderin e palës tjetër si fatkeqësi kombëtare.

Nga këtu pra buron mungesa e lajmit: modelet politike në garë jo vetëm nuk janë të ndryshme, por për kushtet aktuale as nuk mund dhe as nuk duan të diferencohen nga njëri-tjetri. Ndërkohë, në një fushatë elektorale lajmi nuk është gjë tjetër veçse diferenca mes palëve. Në pamundësi për t’u diferencuar secila palë në këtë fushatë, jo vetëm që e injoron palën tjetër por thjesht flet me vete. Aq i theksuar është ky fenomen në këtë fushatë saqë edhe tezat krejt të pabaza të palës tjetër pothuajse injorohen. Kështu teza e çuditshme e PD-së se ka rritur të ardhurat në buxhet nga lufta antikorrupsion dhe jo si pasojë thjesht e rritjes së Prodhimit të Përgjithshëm Bruto është kundërshtuar pak dhe nga rishtarët politikë të PS-së më shumë sesa nga vetë lidershipi. Po kështu teza e habitshme e Ramës ’ta bëjmë Shqipërinë si Tirana’ është pothuajse injoruar nga PD-ja edhe pse zhvillimi i Tiranës buron nga varfërimi i pjesës tjetër të Shqipërisë dhe prandaj Tirana nuk mund të jetë model zhvillimi për vendin. Kjo ndodh jo sepse palët nuk dinë t’i hedhin poshtë tezat e njëri-tjetrit, por sepse liderët i tremben aq shumë përplasjes saqë e injorojnë tërësisht liderin tjetër dhe preferojnë monologun. Kontrolli i lajmit, i imazhit dhe i kandidatëve janë pjesë e përpjekjes elektorale për të shmangur një përplasje, që do eskalonte në akuza të ndërsjella që do i fundoste të dyja palët në sytë e elektoratit. Prandaj secila palë është kyçur në televizionin e saj nga ku bën monolog. Sot kemi një fushatë elektorale që ka në qendër monologun, i cili është kthyer në gropën e zezë, ku lajmi zhduket bashkë me gazetarinë.

[flory80]

Berisha – Unë kam bërë rrugët.
Rama – Unë kam bërë Tiranën.
Berisha – Ti vjedh në Bashki.
Rama – Ti vjedh në Qeveri.
Berisha – Ti vjedh nga lejet e ndërtimit.
Rama – Ti vjedh nga rruga Durrës–Kukës.
Berisha – Ti vjedh me bashkëpunëtorët e tu kriminelë.
Rama – Ti vjedh me familjen.
Berisha – Ti ndërtove pallate me Delijorgjin.
Rama – Ti ndërtove Gërdecin me Delijorgjin.
Berisha – Ti je djali i byrosë politike të Partisë së Punës.
Rama – Ti ke qenë 25 vjet komunist i devotshëm

Hëhëhëhëhëëëë
Kjo më pëlqen.
Që të dy janë batakçinj.