Antena brenda "Familjes" ...

[BlueBaron]

Dje në adresën e rubrikës Antena erdhën qindra mesazhe. Të gjitha kishin thuajse të njëjtën përmbajtje. Ishin të çuditur se si Flamuri qenkësh njeri i vërtetë. Shumë prej tyre, megjithëse ishin mësuar me Flamurin, nuk e besonin që ishte njeri prej vërteti. Kjo na shkaktoi një problem të madh si rubrikë, pasi na u dekonspirua personazhi kryesor.

Nuk mjaftoi vetëm reagimi i publikut, por dhe i njerëzve të PD-së. Ata dhe pse e dinin që Flamuri ekzistonte, tani bëjnë sikur u mbetet qejfi nga ato që Flamuri thotë tek Antena, pasi janë të detyruar tu përgjigjen njerëzve, të cilët kanë parë Flamurin në televizor.

Kështu Lulëzim Basha dje e kishte ditën ferr në Elbasan. Njerëzit e pyesnin nëse vërtet ishte nxehur Jozefina dhe doktori, që ai kishte bërë miting të madh.

- Nuk besoj se ka qejfmbetje në PD, ne jemi parti e hapur, thoshte Luli duke buzëqeshur. Elbasani di për kë del në shesh dhe përse del. Ata që kanë nevojë të mësojnë si bëhen mitingje, le të vijnë këtu.

Kur ia raportuan këtë Flamurit, i iku truri dhe e mori në telefon.

- Dëgjo ti, i tha pa ia përmendur emrin. Mo të të dëgjoj më të thuash nga ato fjalë që ke thënë, ëë, se ke hapur shumë telashe ë, dhe ta dish mirë ti dhe çdokush tjetër, që këtu mitingje bën vetëm Sali Berisha ëë. Ju të tjerët thjesht merrni pjesë. Dhe diçka dua të të them, se ma tha ai burri po s’desha të të them. Ke bërë shumë gabim atë ditë që more mikrofonin dhe këndove, ëë, se ne kemi këngën tonë ëë, dhe nëse këndon do këndosh atë këngë ëë, jo këngën e Al Kapones ëë! Se nuk thonë kot pastaj që bën lojën e atyre të tjerëve kundër këtij burrit, se kënga e Al Kapones nuk mund të jetë kolona jote zanore në Elbasan. Se e dinë të gjithë kush është Al Kapone. Është dënuar me vdekje për taksa ëë. Se ka vjedhë taksat e qytetarëve ëë, dhe po të hapen ato letra, ti duhet të varesh tek rrapi i Bezistanit ëë. Po mo ta dëgjoj më atë këngë se flasim.

Lulit i ku zëri.

- Nuk e bëra qëllimisht, tha, më kapi euforia e këngës. Kam punu një vit e gjysëm dixhej në Prishtinë dhe me këtë këngë e nisa darkën në kafe.

- Nuk më duhet se ç’ke bërë në Prishtinë. Histori tjetër ajo, mos ta hapim se nuk e ke shkruar as në CV që ke qenë dixhej. Di të të them se kënga e Al Kapones nuk këndohet në Elbasan. Po do këngë elbasani, ka plot, është ajo kënga “20 vjet kam qenë në burg dhe nuk munda me të harru”, ose ajo tjetra për dylberët. Po të pëlqyen, me tematikë i ke, këndoji ato.

- Tani mos fyej, tha Luli, se unë nuk po të fyej…

- Jo se po më vë në pozitë të vështirë se tani njerëzit më thërrasin mua se më kanë parë dhe në televizor. Se deri tani më keni mbajtur të fshehur se keni dashtë të dilni vetë. Tani që njerëzit më panë, as kanë më punë me ju. Ka gjithë ditën që marr mesazhe. Aq shumë më keni fshehur sa çuditen njerëzit që jam njeri i vërtetë.

- Unë nuk të kam fshehur gjë, tha luli. Unë aty të kam gjetur, aty të kam lënë. Ç’faj kam unë që s’kishe dalë më parë në televizor ti.

- Po s’kam dalë se nuk të linit ju. Dhe mbylle këtë muhabet. Atë këngën e Al Kapones mo ta dëgjoj më. Se është më keq se ajo kënga Çohu e Edi Ramës. E tha mirë ai burri që e ka marrë nga marshi i çetnikëve. Si e ka ajo kënga e vjetër “çohu shqiptar prej gjumit çohu”..?

- Është e Vaso Pashës ajo, tha Luli, nuk është e çetnikëve.

- Njësoj është, ç’pret nga një njeri që ka qenë dhe kaur dhe me llagapin Pasha. Edhe turk edhe kaur d.m.th. Me dy fytyra. Si Ed Rama tamam që do të jetë dhe kryetar i PS dhe antikomunist. Po nuk e ha njeri atë. Pastaj ç’e di Vaso Pashën ti, nga ata vrakaçorët është dhe ata vrakaçorët sllavë dhe çetnikë sllavë ishin.

- Ahu, shumë gjatë, i tha Luli. Ashtu i bie që gjyshja ime kur është nisë nga Peja për në Vuthaj më 28 nëntor të vitit 1932, kushedi kë ka takuar rrugës dhe unë kam gjak sllav. Këto janë marrëzira. Për Al Kaponen ke të drejtë, s’e këndoj më se në fakt s’më bën dhe zemra. Siç e pe u ngatërrova atje në fund kur thuhet “jam Al Kapone’. S’më bëri zemra se mu kujtuan taksat vërtet.


Gazeta Tema

[Brari]

skuth ..je bere me edvinin ti mo..
te dinim se jeshe me pd-ne..

[BlueBaron]

skuth ..je bere me edvinin ti mo..
te dinim se jeshe me pd-ne..

Flamur, fole zoterote. Me PD jam, por deri sa te ike apo te ndryshoje Sala qendrim "jam ne greve". Tani, kur Sala tall traaapin me votuesit, ç'te keqe ka t'a tall dhe une pak ... Edushka, Lilushka, Velushka & Co. eshte miell per brumatriçen tende. Mund t'i tallesh gjithe kohen. Nuk me kercet fare nese bejne hije mbi toke apo jo.


Vazhdojme me ... Antenen.


Flamuri në ankth mos nuk e gëzon dot mandatin e deputetit

Flamuri dje ishte paksa më i qetë. Reagimet e shumta për daljen e tij në TV po shuheshin. Një fat i madh e pasoi, për shkak se një ditë më pas te Fevziu doli ai burri me ministrat e tij. Pas asaj askush nuk i ra më telefonit të Flamurit.

- U tallën me mua, se u dukem budalla që rri me atë burrin. I patë ata sa budallenj dukeshin kur flisnin pas tij? - i thoshte Glorit në telefon. - Ai Lul Basha, që hiqet si orator, e pe sa budalla dukej? Thoshte që “Shqipëria ka ritmin më të lartë të bërjes së kartave të identitetit në rajon”. Po normal, më të lartin e ka, se po kërkon t’i bëjë kartat në 3 muaj dhe t’i tërheqin njerëzit. E quante arritje budallallëkun. Po përfiton nga rasti që ai burri në televizor nuk të bërtet. Pas pushimit ose kur futen reklamat, e ke kiametin. Po Rulin e pe? Harroi fjalitë, se s’di ç’të thotë. Po s’ka faj ai se hiqet si i zgjuar. Kur t’u jap ca dosje këtyre socialistëve unë që ta marrë vesh dhe ai burri që të gjitha licencat për hidrocentrale, që nuk i ka marrë Argita, i ka marrë, ose djali i xhaxhait i Genc Rulit, ose vjehrri i tij. Ja t’ua jap unë njëherë, ta shikojë ai. Po Sokol Olldashin e pe si tallej me Bejten e shkretë? I thoshte: “U mahnite nga rruga, le të ketë kushtuar sa të dojë.” Bejtja i shkretë, kur u kthye nga rruga, e tregoi ndryshe. E tregoi sikur kishte thënë që kjo rruga qenka bërë e bukur, hallall paratë dhe Sokoli sikur i kishte thënë:“U thashë që s’ka marrë gjë Luli, se s’ngel gjë pas gjithë këtyre shpenzimeve.”

- I pashë mo i pashë, - tha Glori, - po ç’të të them. S’kish më keq se dukeshin mo. Se ai burri është i madh shumë mo. I fuste një gënjeshtër ai dhe ata duhet të mbanin iso. E pastaj u merrej goja, ç’të thoshin mo, kanë të drejtë. Sa herë më ndodhte mua kur luftonim për t’u futur në NATO ashtu. Një herë u thoshte rritja ekonomike 9 për qind, në takimin e dytë 12 për qind, në të tretin 14 për qind. Ata mbanin shënim të gjithë mo dhe krahasonin shifrat. Ç’t’u thosha unë. Tundja kokën dhe qeshja, u thosha yes, yes.

- Jo, se deshën të tallen me mua. Bënin sikur më uronin dje, më thoshin ke “korr sukses të paparë”. Se ç’u duket vetja këtyre, sikur kanë rënë nga qielli. Unë punët e mia i mbaroj, ata i kanë për ibret. Ky Lul Basha, që gjoja do markonte këtë ambasadorin amerikan, s’ka bërë asgjë. Doli prapë ai sot, na bëri pleh na bëri. Çfarë s’tha. La të kuptojë që duhet votuar me certifikata, na kërcënoi për kartat. E ç’e duam ne ministrin e Jashtëm, kur s’na ndreq këto punë? Ç’do na ndreqë ai, po s’na ndreqi me Amerikën? As nuk i kishte thënë fare atij burrit që ka Komiteti i Helsinkit në Kongres Amerikan seancë për zgjedhjet. Na bënë copë dhe ata. Më keq se Fatos Nanon më 2005-ën. Atë të paktën e akuzuan për korrupsion, por ne po na thonë s’po bëni zgjedhje. Dhe një herë që u bëra unë deputet, u bë kiameti. Do bëhet si parlamenti i vitit ’96, 6 muaj më duket.

- Eh, do t’u zënë gjynahet e mia që më vutë të fundit mo, ç’të thom unë. Unë ju futa në NATO, ju më futët gishtin, - tha Glori. - Do dal diku haka ime, se s’do më shkojë mundi dëm. Po se mos vetëm Lul Basha ka dështuar. Po Ruli mo që ka prerë njëqind shirita hidrocentralesh dhe s’ka dhënë akoma asnjë leje ndërtimi për asnjë hidrocentral?! Mashtrues mo tipik. Kështu janë Rulatët, i njoh unë në Gjirokastër. Pale ai Olldashi mo. Tha do ta mbarojmë rrugën e Kalimashit e na gënjeu. Akoma s’kanë nisë urat. Ja, shikoni tunelin thotë. Po ç’tunel mo, një vrimë nga një anë, pjesa tjetër do dhe një vit. Të gjithë gënjejnë këta mo, unë e ha gjithmonë.

- Nejse, dje më ka ardhë mirë që dolën ashtu, - tha Flamuri. - Se ngelën duke u tallur me mua. Tani le të tallen po të duan. Ç’t’i bëj atij burrit që më prishi gjakun, që tha do bëj zgjedhje pa Edi Ramën. S’jam në terezi fare. E kisha një parandjenjë, që kur u bëra deputet. Gjithë ai gëzim dhe nuk gëzohesha, se ç’kisha një parandjenjë të keqe brenda vetes. Sikur s’më besohej, sikur s’ishte e vërtetë. Ja, doli. E dija që do dilte. S’më ecën mua. Një herë që u bëra deputet, do prishen zgjedhjet. Dhe mezi prisnin të gjithë në Kukës. E di unë, do t’i prishë ai plehra. Nga inati im e bën, e di unë. Nuk do ta gëzoj unë këtë mandat. Do t’i bëjë me certifikata, se e ka shans, fiton 20 për qind më shumë, ose do t’i shtyjë. Sa për të na prishur festën. E kisha këtë parandjenjë, që kur më zgjodhi ai burri pa më pyetur fare. Vetëm kur e pashë veten i pari i Kukësit. Tani që hoqa dhe këtë turpin e të dalit në televizor, ndodhi kjo gjëmë. Sikur e dija që do ndodhte. S’është e thënë. Mirë thonë, kur bën dasmë fukarai, çahen daullet.

[REALIST]

Gje me e kote se Gazeta Tema nuk ka. Dhe ne fakt, gjeja me e kote dhe me e palexuar ne Gazeten Tema eshte e ashtuquajtura rubrike per Flamurin. Eshte thjeshte kotesi e shkuar kotesise.

[BlueBaron]

Gje me e kote se Gazeta Tema nuk ka. Dhe ne fakt, gjeja me e kote dhe me e palexuar ne Gazeten Tema eshte e ashtuquajtura rubrike per Flamurin. Eshte thjeshte kotesi e shkuar kotesise.

Interesant pra, mua me duket shpotitese. Avdallet si puna e Flamurit do te jene te pranishem kudo ...

[BlueBaron]

Flamuri heq dorë nga debatet televizive.

Shikuesit e Alsat TV mbetën të tronditur ditën e premte në mbrëmje, pasi prisnin të shikonin debatin e radhës të Flamurit. Madje, ky ishte debati më i rëndësishëm për të. Do të ishte në studio me Asllan Dogjanin, kandidatin socialist për Kukësin.

Nuk dihet pse Flamuri e anuloi në minutat e fundit debatin, ndërsa Dogjani kishte ardhur nga Kukësi në Tiranë (nga rruga e vjetër, se e reja u hap për një ditë).

“Antena” u interesua pranë Alsat, por askush nuk jepte arsye zyrtare. Një nga drejtuesit e televizionit tha se “nuk duam të hapim probleme me Flamurin, se na bllokon të ftuarit në emisione, pasi ata të gjithë marrkan leje te Flamuri.”

Kandidati socialist po ashtu mbeti shumë i mërzitur. Ishte nisur që nga Kukësi për këtë debat dhe ishte përgatitur për çdo detaj. Kishte marrë me vete një kasetë ku shiheshin patatet e prishura të vëllait të Flamurit, që i kanë mbetur pa shitur në Novosej. Pastaj kishte marrë një listë me 23 njerëz me shkollë të lartë nga fshati i Flamurit dhe një listë me 27 drejtorë të rëndësishëm po nga fshati i Flamurit, d.m.th., dhe katër vetë më shumë se ata që janë me shkollë të lartë janë bërë drejtorë. Të gjithë i ka bërë Flamuri, që nga Kukësi deri në Tiranë.

Flamuri, me sa duket, kishte marrë informacion dhe rreth një dosjeje tjetër policore dhe e kishte anuluar debatin.

Anulimi i debatit ngjalli shqetësim të madh sidomos në Kukës. Njerëzit ishin mbledhur nëpër klube të shikonin debatin. Përveç zonës së Shishtavecit që e njihte, pjesa tjetër vazhdonte të ngulte këmbë se Flamuri nuk ishte njeri i vërtetë. Debatin në “Top Story” nuk e kishin parë me vëmendje, se nuk kishin njoftim. Pastaj Alsat-in e shikonin falas në satelit dhe ishin shumë të interesuar të shikonin duelin mes dy kuksianëve.

Dështimi i debatit i zhgënjeu shumë njerëzit në Kukës. Në PD po ashtu u krijua shqetësim. Majlinda Bregu, që përgjigjet për listën e debatuesve, e pyeti Flamurin se si t’i raportonte atij burrit për shkakun pse s’vajti në debat.

- Shkova në një debat të nivelit të lartë, nuk do ul nivelin unë të shkoj në debat me një njeri kot. Pastaj duhet të nënshkruajmë një marrëveshje me këto televizionet. Të mos më thonë Flamur, por zoti Noka. Se ai Balla më thoshte vazhdimisht “O Flamur”, dhe të tjerët nuk e di pse qeshnin. Nuk dua të më thotë njeri Flamur. Duhet të bien dakord me shkrim, të më thonë zoti Noka. Nuk jam më Flamuri unë. Jam zoti Noka, se jam deputet i sigurt.

- Dakord, - i tha Majlinda, - po ua themi dhe këtë, po duhet një arsye që ta justifikojmë, se po na armiqëson me televizionet. Je personazhi më i kërkuar tani prej tyre.

- E bëjnë kastile, se duan të tallen, e di unë. Janë televizione të Edi Ramës. As që kam për të shkuar. Dua të dal dhe një herë te Fevziu, atje ku dalin VIP-at dhe s’dua gjë tjetër. S’merrem me televizione të tjera unë. Dhe duhen edukuar këto TV që të marrin ata që u themi ne nga PS, jo kë duan ata. Duhet ta bësh rregull këtë, madje shkruaje:

1. Mos jep asnjë emër pa ditur kush do jetë nga PS.

2. Mos jep asnjë okej përfundimtar, nëse s’ke folur me Fevziun, se mund t’i duhet atij ndonjë debatues. Pastaj vepro.

- Po më jep urdhra kështu ti?! - i tha Majlinda.

- Jo, po fola me atë burrin. Po deshe fol dhe vetë, të njëjtat gjëra do të thotë. Mua mos më ngatërroni me televizione koti. Unë jam VIP. Dhe mos harro atë punën e Flamurit, shkruaje zoti Noka.

[Anesti_55]

Shumica e sukthianeve jane me LSI,dhe votonin per Spartak Brahon.Njeriu i krimit (me banden e Nard Muratit)qe per 20 ne parlament kryeson dhe komisionin e ligjeve.Ky eshte paradoksi shqipetare.Ja se c'i beri nje here ne fushate.Ne sukth ishte dejge transformatori dhe ishin pa drita.Katunaret i thane se do ta japim voten dhe pa drita vetem ti te jesh ne krye.Ndersa mashtruesi i prekur nga kjo perzemersi i tha me sy te lotuar,se neser transformatori do te jete ketu.E keshtu u be . U mor nje transformator i djegur(pasi nuk kishte transformator te rrgullt) u dergua atje dhe njerez plot qe benin sikur po merreshin me kete problem te komunitetit.I rrejti sa votuan. TR u vendos e nuk di se kur po qe i doli shpirti katunareve tu kerkuar deputetin kete e dij mire.Po tashti qe keni pase kurent kujt do tja jepni voten?Apo dhe ju keni hallin e Gerdecit.

[Brari]

nesti..

eshte skuthi jo sukthi.. ky cuni lart..

lol

mos i ngaterro..

merua me kte rubriken me flamur ja ka kaluar dhe zp-se se erion braces dikur..
palacollek i papare..
cdo dite shpif paturpesisht ne gazeten e tij qe u be ne nje koh rekord lecke nevojtoresh..
turp per meron..
sa e kemi dashur kte djal memaliaj..
shkoj ne rucoizem e pertej bile..
dhe ruci e ka nje far burrerie labi.. kurse merua i tejkaloj te gjitha rekordet e flliqsise..

..

nesti..

cben katundari skraparlli tak braho.. kryetari i falangave enveriste te zones sukth maminas perlat-manxe e pertej?
vazhdon te jete bosi i vertete i plotfuqishem i durresit?



le qe kush ka fuqi tja rrezoj fuqine tak brahos..

[juanito02]

Lereni skuthin se po e kupton dhe ai qe jeni specie ne zhdukje dhe Berishen e keni shefin e te perdorurve te komunzmit.

[juanito02]

Shumica e sukthianeve jane me LSI,dhe votonin per Spartak Brahon.Njeriu i krimit (me banden e Nard Muratit)qe per 20 ne parlament kryeson dhe komisionin e ligjeve.Ky eshte paradoksi shqipetare.Ja se c'i beri nje here ne fushate.Ne sukth ishte dejge transformatori dhe ishin pa drita.Katunaret i thane se do ta japim voten dhe pa drita vetem ti te jesh ne krye.Ndersa mashtruesi i prekur nga kjo perzemersi i tha me sy te lotuar,se neser transformatori do te jete ketu.E keshtu u be . U mor nje transformator i djegur(pasi nuk kishte transformator te rrgullt) u dergua atje dhe njerez plot qe benin sikur po merreshin me kete problem te komunitetit.I rrejti sa votuan. TR u vendos e nuk di se kur po qe i doli shpirti katunareve tu kerkuar deputetin kete e dij mire.Po tashti qe keni pase kurent kujt do tja jepni voten?Apo dhe ju keni hallin e Gerdecit.

O djali se sikur ke thene qe je nga qyteti bregdetar.
Dhe duket se e njihke dhe sukthin. Per Brahon ke te drejte ashtu eshte.
Po tregohu pak i drejte. Po ato bandat e Shijakut kush i kan nen hyqem?
Apo do te ndihmoj une?

---------------------------
Raporti "Olldashi", lidhjet me krimin
Ka të dhëna në këto momente, se Interpoli Spanjoll ose Portugez, ka botuar fotografinë e tij, si person i kërkuar për trafikim ndërkombëtar droge. Ai është një nga miqtë më të ngushtë të Ministrit të Punëve të Brendshme, S. Olldashi, të cilin e takon të paktën dy herë në javë, kur darkojnë bashkë ose në shoqërinë e anëtarëve të tjerë të grupit. Ata mbahen në kontakt nëpërmjet shoferit të Olldashit, Lali, njeriu i tij më i besuar. Ky person është i rrezikshëm dhe i dëmshëm, i regjistruar në arkivat e policisë si person me tendenca të rrezikshme kriminale, si vrasje dhe trafikim droge e prostitucioni.

Shekulli
Merkure, 14 Shkurt 2007 08:06:00
Pjesa e pare / Emra dhe rrethana konkrete, për lidhjet direkte me deputetin-ministër
Raporti në duart e amerikanëve: Sokol Olldashi, i implikuar rëndë me botën e krimit në Shijak

Fillimi i raportit...:

Rexhep ARAPI, banor në Katund Sukth, me nofkën "KEPI" ka një listë penale si më poshtë:

Në vitin 1991 (në mars), ka vrarë në Portin e Durrësit, për shkaqe gjakmarrjeje, qytetarin A. Çyrbja, banor i fshatit Katund Sukth; është arrestuar për këtë krim në 1994 dhe është liruar për mungesë provash.

Në Prill 1997, në bashkëpunim me Gëzim Aleksin, banor i Katër Rrugët e Shijakut (i arrestuar për vjedhje me armë dhe i dënuar me 12 vjet burgim, është në proces gjykimi si anëtar i Bandës së Kanunit) kanë rrëmbyer me qëllime përfitimi ortakun e biznesit, Lul Alimadhi (Firma e Këpucëve në Qendër Sukth) dhe e kanë liruar mbasi kanë marrë shpërblimin prej 150 milionë lirash italiane.

Në Prill 1997, bashkë me Zamir Çyrbe nga Katundi Sukth, ka vrarë nipin e çim Xhijes (ortaku i Lul Alimadhit), i cili ishte në të njëjtën kohë truproja e Lulit; vrasja është kryer në Qendër Sukth, e pazbuluar.

Nga 1998 deri në 2001, ka qenë një nga organizatorët kryesorë të trafikut të grave me qëllim prostitucioni, që vinin nga vendet e ish-Bashkimit Sovjetik; në 1999 është hetuar nga Zyra e Prokurorit të Përgjithshëm në Fier dhe gjatë kërkimit, në magazinat e tij përgjatë autostradës në Fermë Sukth, janë gjetur të strehuara dy vajza nga Moldavia. Zyra e Prokurorit të Përgjithshëm në Fier, e mbylli çështjen.

Në 2003, bashkë me bandën e tij kriminale, u përpoqën të vrisnin qytetarin Xhevdet Plaku, banor i "Lagjes 15" në Durrës, në afërsi të vendbanimit të tij, për shkak se ky i fundit kishte vrarë vëllanë tjetër të Kepit, në Torino, për shkaqe droge. Armët e krimit janë gjetur dhe Zyra e Prokurorit të Përgjithshëm në Durrës, po e ndjek çështjen.

Ai është një nga trafikuesit kryesorë të femrave, armëve dhe drogës që kalojnë nga Shqipëria për në Itali, Gjermani dhe Holandë. Ai tashmë i ka shkatërruar magazinat përgjatë autostradës në Fermë Sukth dhe po ndërton një objekt gjigant shumëkatësh, me anë të përfitimeve nga aktivitetet e trafikimit të lartpërmendur.

Ka të dhëna në këto momente, se Interpoli Spanjoll ose Portugez, ka botuar fotografinë e tij, si person i kërkuar për trafikim ndërkombëtar droge. Ai është një nga miqtë më të ngushtë të Ministrit të Punëve të Brendshme, S. Olldashi, të cilin e takon të paktën dy herë në javë, kur darkojnë bashkë ose në shoqërinë e anëtarëve të tjerë të grupit. Ata mbahen në kontakt nëpërmjet shoferit të Olldashit, Lali, njeriu i tij më i besuar. Ky person është i rrezikshëm dhe i dëmshëm, i regjistruar në arkivat e policisë si person me tendenca të rrezikshme kriminale, si vrasje dhe trafikim droge e prostitucioni.

Klani "XHAKJA", me vendndodhje në Katund Sukth, kanë një listë penale si më poshtë:

Në 1994, qytetari Ilir Xhakja ka qëlluar me armë në lokalin e Qerim Malokut, në fshatin Sukth, është arrestuar, por më tej është liruar. Gëzhojat e gjetura në skenën e krimit, korrespondojnë me ato të gjetura në skenën e krimit të vrasjes së qytetarëve Gentian Gjoka dhe Petrit Lyti në 1998, në fshatin Hamallaj; çuditërisht, e pazbuluar.

Në 1998, banda Xhakja (Ilir, Agim etj.) kanë vrarë në fshatin Hamallaj qytetarin Gentjan Gjoka (nip i Dash Gjoka) dhe Petrit Lyti, mik i Gentit, të dy nga Hamallaj; ngjarje e pazbuluar.

Në 1998, Ilir Xhakja, bashkë me persona të tjerë kanë vrarë qytetarin Qerim Maloku në Katund Sukth, një ngjarje që është zgjidhur në vitin 2003, kur u gjend arsenali i armëve të bandës "Xhakja". Ai po hetohet për këtë vrasje. Z. Olldashi po kujdeset personalisht që kjo çështje të mbyllet, si shpërblim për ndihmën që ka dhënë klani "Xhakja" gjatë zgjedhjeve të 2005. Kjo ngjarje është në gjykim pranë Gjykatës së Krimeve të Rënda në Tiranë, ku ndër dëshmitarët okularë, përfshihen edhe ish-oficerët e policisë, Urim Koka (SPZ në atë kohë, i arrestuar tashmë në Itali dhe i dënuar me 15-vjet burg për trafik prostitucioni) dhe Maksut Zhiti (SPK në atë kohë); të dy miq të Xhakajve; ky i fundit është emëruar nga Olldashi, si drejtor i Rezervave Shtetërore në Durrës, si shpërblim për nderin e bërë.

Në 1998, Ilir Xhakja ka vrarë, në prani të shumë dëshmitarëve, qytetarin E. Shega nga Peqini, gjatë varrimit të kushëririt të tij (i biri i dajës) Agim Xhaka, vëllanë e Arbenit, sepse E. Shega kishte vrarë Agimin në Krrabë, Tiranë, katër vite më parë, për shkak trafikimit të femrave në Itali. Kjo çështje është po ashtu e pazbuluar, pavarësisht se është kryer në publik. Të dy ish-policët, U. Koka dhe M. Zhiti, kanë qenë të pranishëm në vrasje.

Në korrik 1999, i gjithë klani Xhakja (Azem, Ilir, Bardhi - zv.kryetar i Komunës së Katundit të Ri, Genti dhe bashkëpunëtorë të tjerë) kanë qëlluar të gjithë anëtarët e klanit Maloku, me anë të një arsenali që përfshinte edhe tanke, duke u shkatërruar edhe shtëpitë. Ata u arrestuan nga forcat speciale dhe armët e tyre u konfiskuan, përfshirë këtu mjete të blinduara dhe gjithashtu dy femra moldave. Mbas gjashtë muajsh burgim, Zyra e Prokurorit të Përgjithshëm në Durrës i liroi. Kjo ngjarje u bë e njohur dhe si rrjedhojë, avokati i zyrës së Prokurorit të Përgjithshëm në Durrës, Shkëlqim Xhemollari, u përjashtua nga puna.

Në mars 2003, Ilir Xhakja dhe të tjerë kanë vrarë qytetarin Rudin Shahini nga Katundi Sukth në Sallmone, për t'u hakmarrë mbas daljes së këtij nga burgu pasi ai kishte vrarë xhaxhanë e tij, Hamdi (babanë e Arbenit). Gjatë kësaj ngjarjeje u konfiskua një arsenal armësh të llojeve të ndryshme dhe ekspertët arritën në përfundimin, se një nga armët ishte përdorur në vrasjen e Qerim Malokut në 1998. Edhe kjo ngjarje është e pazbuluar.

Të gjithë anëtarët janë të përfshirë në trafik femrash, droge dhe armësh, si në Shqipëri ashtu edhe në Itali. Shumica e klanit "Xhakja" kanë tendenca të theksuara kriminale për vrasje, trafik droge dhe prostitucioni.

Në Mars 2006, pati një përpjekje për të sulmuar Fatbardh dhe Arben Xhakajn në fshatin Sallmone, në komunën Xhafzotaj, ku Arbeni u plagos. Sipas informacioneve të policisë, ata u qëlluan për shkak të tregut të drogës në Durrës. Ata kanë marrë me qira një klub me emrin "Fosfor Club", i cili ndodhet pranë Drejtorisë së Policisë të Rrethit të Durrësit, që është edhe vendi ku furnizohen të gjithë shpërndarësit e drogës në Durrës, pasi policia lokale nuk guxon të hyjë në këto ambiente, sepse ky klan dhe anëtarët e tij, njihen si miqtë dhe mbështetësit më të ngushtë të M.B. S., Olldashi. Mjetet që përdoren nga ky klan për të lëvizur, janë nga llojet më të fundit, si një "Mercedes" kabriole, gri, me targa italiane, një "Mercedes" blu, me targa DR 5255 D, një "Mitsubishi Pajero" me targë Durrësi etj. Të gjitha këto mjete nuk kanë dokumentacion, dhe janë të vjedhura në Itali.

Dashamir GJOKA dhe klani i tij, me banim në fshatin Sallmone, kanë një listë penale si më poshtë:

Në vitin 1996, D. Gjoka ka vrarë një qytetar nga Shkodra me mbiemër Zefi, në Itali, duke i prerë kokën për shkak trafikimi femrash. Ai është larguar menjëherë nga Italia dhe është kthyer në Shqipëri; nga ajo kohë, nuk është kthyer më në Itali; është marrë me ndërtimin e Supermarketit të Sallmone. Shkodranët kanë ardhur disa herë në Shijak, me qëllim për ta vrarë.

Në 1998, në bashkëpunim me qytetarin Arben Haki Tollja, banor në Fermë Xhafzotaj (njihet me nofkën "Zjarrmi", tashmë i arrestuar për shumë përdhunime studentesh në Tiranë) kanë vrarë vajzën e vëllait të qytetarit, Zyrafet Murati (nga Kusi) dhe qytetarja Silvana Murati nga Shijaku, është plagosur rëndë (ajo tashmë punon si pastruese dhe si prostitutë, për miqtë VIP pranë Supermarketit "Gjoka"), është arrestuar në 1998, por është liruar mbas 11-muajsh burgim, për shkak të mungesës së provave.

Në 1999, D. Gjoka, në bashkëpunim me klanin e tij, kanë qëlluar një mjet në pronësi të Ilir Xhakajt në fshatin Sallmone, ku si pasojë, qytetari Veli Rexha është vrarë dhe vëllai i tij është plagosur rëndë. Të dy këta, janë banorë të Katundit të Ri dhe vëllezër të Qamil Rexhës. Kjo është ngjarje akoma e pazbuluar, pavarësisht se provat ishin të shumta.

Nipërit e tij, Beonard dhe Mandrin Hyqmet Gjoka, janë shpërndarësit kryesore të drogës në qytetin e Shijakut, Fermë Sukth, Durrës dhe Tiranë, dhe mbajnë edhe disa vajza që punojnë për `ta në Itali. Njëkohësisht, Mandrini është arrestuar në 2004, si i dyshuari kryesor për vjedhje me armë në fshatin Xhafzotaj, ngjarje që rezultoi në vdekjen e qytetarit Jaho Smoqi. Ai qëndroi në burg, për rreth një muaj dhe tashmë Gjykata e Krimeve të Rënda po shqyrton çështjen e tij në gjendje të lirë. Fatbardh Xhakaj u arrestuar për këtë çështje dhe qëndroi në burg për dy javë, pasi emri i tij u përmend nga Fatos Balla, personi fajtor për krimin, i cili tani është në paraburgim. Beonard është dënuar në Itali, në qytetin e San Benedetto, për trafikim droge dhe femrash. Në këtë moment, me anë të përfitimeve nga shitja e drogës, është duke ndërtuar një vilë trekatëshe në fshatin Sallmone. Ai ishte anëtar i Komisionit të Qendrës Zgjedhore nr.1406 në Sallmone, për z.Olldashi. Të dy vëllezërit, tashmë lëvizin duke mbajtur armë në makina të vjedhura dhe të viteve të fundit, duke shpërndarë drogë në Durrës dhe Shijak, si dhe transportojnë drogë në Itali përmes personave të tjerë. Mandrini shpesh shkon në Itali për të tërhequr paratë, meqë Z. Olldashi i ka siguruar një vizë Schengen gjermane. Gjithashtu, ata janë vënë në dukje nga Policia e Shtetit, si kontingjent i rrezikshëm kriminal me tendenca të theksuara kriminale si: Vrasje, Drogë dhe Trafikim Prostitucioni.

D. Gjoka ka qenë dhe është një nga trafikantët më të mëdhenj të femrave, me qëllim prostitucioni, për në Itali. Shefi i vajzave në Itali, ka qenë një vajzë nga Vlora, me emrin Linda, tashmë gruaja e Dashit dhe ata kanë dy fëmijë. Vëllai i saj, Miri, punon te Supermarketi si shefi i llogarisë. D. Gjoka është regjistruar nga Policia e Shtetit për Trafikim Ndërkombëtar Droge dhe Femrash, me qëllim prostitucioni, vrasje, etj.

Supermarketi "Gjoka" është qendra kryesore e trafikimit të drogës që vjen nga Turqia dhe Maqedonia, dhe është baza e shpërndarjes për shumë grupe kriminale në Durrës dhe Tiranë, dhe është gjithashtu vendi ku furnizohen makinat që transportohen në Itali. Dashi është pronar i një mjeti të blinduar, me targë DR 51 90 C. Duhet të theksohet se Dash Gjoka është burimi kryesor për furnizuesit e drogës për të gjithë Shqipërinë, sepse është i njohur si një mik i ngushtë dhe mbështetës financiar i M.B. S. Olldashi. Ky i fundit, takohet me Gjokën gati çdo javë. Shpesh, deputetët e PD-së, Bamir Topi, Ridvan Bode dhe S. Olldashi, shkojnë të darkojnë ose të furnizohen pranë këtij Supermarketi, meqë janë miq të ngushtë të Dashit.

Ushtari kryesor dhe më besnik i tij është shoferi i tij, qytetari Artan Rami Bode, banor në Xhafzotaj, nipi i deputetit Ridvan Bode. Gjithashtu, duke qenë figurë kryesore ai kryen porosi të Olldashit, në lidhje me trafikun e drogës dhe femrave. Artani, bashkë me vëllanë më të madh të Dashit, Nazmiun (i quajtur Nexhi) bëjnë kontrabandë mallrash në Portin e Durrësit; të dy kanë qenë anëtarë të Komisionit të Qendrës së Votimit nr.1402 për z.Olldashi.

Gjoka, ka edhe disa lidhje të tjera miqësore, si Hekuran Hoxha (Roni) dhe Fundim Dedja, të dy të dënuar në Itali dhe në vende të tjera, për trafik droge, drejtuar për në territorin italian. Tani, Gjoka është kryetari i zonës Komunë Xhafzotaj-Shijak dhe më gjerë, ku të gjithë shpërndarësit e drogës furnizohen nga ai. Prova të shumta dëshmojnë për një arsenal armësh të sofistikuara të ndodhur në banesën e tij, si dhe për një kasafortë të sigurisë së lartë, që mban miliona euro në valutë. Duhet theksuar, se droga e Gjokës kalon përmes Portit të Durrësit dhe Vlorës, dhe gati çdo ngarkesë që ndalohet në Itali është e Gjokës, dhe të gjithë personat e arrestuar punojnë për të.

Vëllezërit Gëzim dhe Besnik Sijoni, banorë të fshatit Xhafzotaj, kanë një listë penale si më poshtë:

Në vitin 1994, G. Sijoni është përpjekur të vrasë qytetarin Pëllumb Hoxhaj, por arriti vetëm ta plagosë në këmbë. Ai nuk është arrestuar as sot; kjo çështje nuk është ngritur kurrë në familjen Pëllumbi, apo të afërmit e tyre.

Në vitin 1997, G. Sijoni bashkë me vëllanë e tij, Besnik, janë përpjekur të vrasin ish-kunatin e tyre (vëllanë e vogël të Arben Vorës, pasi ai kishte lënë motrën e tyre, pasi ishin fejuar) në mes të qytetit të Shijakut. Çështja u hap; dy personat në fjalë u identifikuan dhe u shpallën të kërkuar nga policia, por ata nuk u arrestuan kurrë. Zyra e Prokurorit të Përgjithshëm në Durrës, e mbylli çështjen.

Në 1997, vëllezërit Sijoni kanë marrë me armë "Filanton" dhe kanë fituar shuma të mëdha parash për ruajtjen e saj; ata e ruajnë edhe sot. Për këtë qëllim, Gëzim ka marrë lejen për krijuar Polici Private, me ndihmën e mikut të tij S. Olldashi.

Të dy vëllezërit Sijoni merren me trafikim droge për në Itali dhe mbajnë tre vajza që punojnë për ta si prostituta në Itali (një nga `to është nga Burreli). Ata gjithashtu janë furnizuesit më të mëdhenj të drogës në Tiranë, ku kanë lidhje të ngushta familjare. Të dy vëllezërit janë dënuar në Itali për trafikim droge, por urdhrat e Italisë nuk janë zbatuar, pasi ata janë miqtë e ngushtë të S. Olldashit, si dhe mbështetësit kryesorë të fushatës së tij. Ata gjithashtu janë vënë në dukje nga Policia e Shtetit, si kontingjent me tendenca të rrezikshme kriminale si: Vrasje, Trafik Droge dhe Prostitucioni.

Tani, bashkë me vëllezërit Tusha, ata lajnë para përmes projekteve të ndërtimit të zonën e Shkëmbit të Kavajës, në Durrës. VIJON NESER...

Kush eshte burimi i raportit "Olldashi"?

Ky qe po botojme sot, pa nderhyrje redaksionale, është një raport konfidencial, i cili ndodhet tashmë në zyrat e CIA dhe FBI Amerikane, si dhe në Ambasadën Amerikane në Tiranë, i dërguar gjithashtu për vetë Olldashin nga shqiptaro-amerikani i njohur, Geri Kokalari.

Zoti Kokalari, bashkëngjitur me këtë raport që kompromenton rëndë ministrin e Brendshëm të vendit dhe njëkohësisht kandidat për Bashkinë e Tiranës, Sokol Olldashin, ka dërguar një letër konfidenciale për Olldashin, pjesë nga e cila "Shekulli" botoi dje.

Kokakari thotë në letrën e tij, që ky raport shumë i hollësishëm për lidhjet mes klaneve të Shijakut dhe deputetit të zonës Olldashi, është i dyti në radhë. Një raport i mëparshëm (ku flitej për të dhëna korruptive të ish-kryeministrit Nano) i është dhënë z.Kokalari nga një këshilltar i Berishës dhe i eshte derguar gjithashtu prej Kokalarit, Olldashit.

Kokalari i shkruan Olldashit: "...Në 3 dhjetor 2006, në vijim të komenteve të tua publike në mbështetje të kandidaturës së F. Nanos për President, ju kam dërguar disa materiale të bashkëngjitura, të përgatitura nga një këshilltar i Berishës...". Dhe më tej në e-mailin e tij për Olldashin, Kokalari shkruan: "...kam mundur të siguroj një tjetër raport, i cili është i bashkëngjitur këtu, në mënyrë që ju të mund ta lexoni. Ky raport, i ngjashëm me atë që Këshilltari i Berishës kishte përgatitur, rendit gjithashtu një sërë akuzash...". Pra, autorësia e raportit të parë kompromentues, është e qartë: Një këshilltar i Berishës.

Po ky raport i dytë, që tashmë ndodhet në zyrat e amerikanëve, nga kush është përgatitur? Redaksia u lidh via email me z.Kokalari, për ta pyetur atë, se cili është burimi i raportit të dytë dhe si ka rënë ai në duar të tij. Përgjigja e shqiptaro-amerikanit të njohur edhe për mbështetjen e tij në fushatën opozitare te Berishës, u përgjigj: "..Raporti "Olldashi" më është dhënë në koenfidencë...". Më tej në pergjigje, duke cituar raportin e parë për Nanon, ai shton: "..Ndaj, pyetja që kam për Olldashin, është: E konsideron Saliun burim të sigurtë…?".

-------------------------------------
Besoj se ske kundeshtim