Cfare jane "Standardet para Statusit"?

[AsgjëSikurDielli]

Ëdhe një herë për “standardet”

Letër nga kryeqyteti i bërllokut

NASER MIFTARI

“A standard is any concept, convention, technique or physical form that serves as a blame deflection gambit to individuals engaged in spending other peoples time and money” Përkthimi: “Standardi është çdo koncept, mbledhi, teknikë apo formë fizike që shërben si skemë për t’ia fshehur fajin individëve që janë të përfshirë në harxhimin e kohës dhe parave të njerëzve të tjerë”. Ky është definicioni i termit “STANDARD” që në mënyrë brilante e ka dhënë një amerikan i panjohur para nja dy vjetësh, jo për Kosovën. Po për halle të veta. Pa e ditur, ky amerikan ka krijuar një definicion që i përshtatet shumë mirë shpjegimit të asaj që kërkon UNMIK-u në krye me Steinerin këto ditë në Kosovë, pas katër vjetësh të qëndrimit këtu. “Standarde para statusit”!, është hiti më i ri i UNMIK-ut. Fundi i vitit madje ka kulmuar me reklama dhe marketing të këtij hiti. OKB-ja këtu vazhdon të thotë se duhet të përmbushen standardet. Ndërkohë të gjithë i kanë të paqarta këto standarde. Disa madje dalin dhe thonë si me dro se ne i kemi përmbushur disa nga këto standarde. Dhe mbase kanë të drejtë, sepse:

1. Standardi dhe shpresa jonë tani në vitin e katërt që UNMIK-u është futur në Kosovë nga vertikal, që ishte me synim për të shkuar në qiell në qershor të vitit 1999, është shndërruar në horizontal në këto katër vjet dhe madje edhe ka nisur të bëhet vertikal, për teposhtë.
2. Standard ka qenë gjiza me speca në vitin 1999 sot standard ka mbetur gjiza, vetëm se pa speca.
3. “Standard” është edhe firma e një ish-nënkryetari të komunës që paradite punonte në komunë për të hartuar plane kundër ndërtimeve të egra, kurse pasdite firma e tij i ndërtonte ato. Tani po dëgjoj se ky ishnënkryetar dëshiron të bëhet shef i ekzekutivit.
4. Standard për të dalluar shqiptarët e këqinj është bërë fjala shqipfolës.
5. Standard në definimin e shqiptarëve që janë për Republikë, në njërën anë, dhe atyre që janë për shtet, në anën tjetër, është termi institucionalist kundruall atij majtist.
6. Standard, standard të dyfishtë madje, përdor OKB-ja për të argumentuar pavarësinë e Timorit Lindor dhe mospavarësimin tonë.
7. Standard (që prej sot) i kemi 3 orë rrymë, dhe tri orë pa të.
8. Standard kemi edhe rritje të tatimit 100 për qind.
9. Standard e kemi edhe flamurin, edhe pse disa kërkojnë të mavijoset dhe t’i vihen dy rrota në mes.
10. Standard e kemi edhe gjuhën letrare, edhe pse disa thonë tash 30 vjet se kjo nuk është e vërtetë.
11. Standard e paguajmë edhe minutën në Vala 900 edhe kur flasim vetëm 2 sekonda në minutë. Dhe kurdo që sekretaresha automatike të njofton se lidhja e tjetrit është zënë, standard është të t’i marrin impulset.
12. Pensionistëve, besa, po u ndryshon standardi. Prej 28 euro në muaj vjet, sivjet do t’i marrin 35. Standard i lartë, a po?
13. Standard, suedez madje, dhe 10.000 dollarë për kokë banori u kishte premtuar serbëve të Kosovës Slobodan Milosheviqi në vitin 1989, nëse pyesni Miroslav Sholeviqin, dhe serbët këtu akoma nuk besojnë se i ka rrejtur.
14. “Standard & Poor’s” firma që merret me investimet dhe standardin ekonomik botëror nuk e ka në listë asku Kosovën, as në modelin e kërkimit me “Standard” dhe as me “poor’s”, dhe rrjedhimisht lë të besohet se standardi nuk është kriter këtu.
15. Standard Time Zone e Prishtinës gjendet në timeanddate.com dhe thuhet të jetë e njëjtë me shumë vende të tjera në Evropë.
16. Standard për dikë është kafja në mëngjes, për dikë çaji pasdite, e për dikë rakia në aksham. Në Kosovë, standard janë që të triat. Madje për Rugovën është anasjelltas, hiç çajin.
17. “Standard” i Austrisë ka intervistuar para tre vjetësh Ibrahim Rugovën kur kryetari i Kosovës ka thënë se misioni i OKB-së për dy-tre vjet duhet të largohet nga Kosova.
18. Standard po ashtu vitin e kaluar ka marrë në intervistë Bajram Rexhepin dhe ai ka deklaruar: “Shqiptarët i besojnë plotësisht SHBA-së”.
19. Standard Operating Procedures (SOP) në rast evakuimi punëtorët e UNMIK-ut tashmë i dinë ose kanë pasur kohë t’i mësojnë për katër vjet.
20. Standardeve, mendoj, si të tilla në përgjithësi, u ka kaluar koha dhe tani është koha të flitet për status.

Koha

[JONI 1]

qe solle kete shkrim,me dijeni apo pa te po i bene hyzmet Veton Surroit ne degradimin e çeshtjes se Kosoves dhe sidomos ne vargun e fyerjeve ne kete konteste ndaj Kryetarit te Kosoves Zt.Ibrahim Rugova dhe LDK ne pergjethesi nga ai personalisht dhe njerezit e tij te gazetes.Ato udhezime dhe rekomandime qe i jep Surroi ndermjet rreshtave po shkojne ne vende te tjeret po i kryejne punte e pista per te gjegjesishte shume aktiviste te LDK nga frika kane nderprere aktivitetin apo me te padegjueshmit thjeshte po vriten,kurse ata qe po i bejne keto krime po mbulohen me shkrimet e gazetes ne fjale dhe te tjera te ngjajshme por duhet ta dije se te tillet nuk mund te i mbaje gjithmone ne distance dhe nuk do te shkoje kohe e largte kur ata do te i paraqiten para hyrjes se baneses se tij dhe do te ja lypin borxhin,ateher do te jete vone....e une juve ju skjaroje se gazetes se tij nuk i dhimbet nje faqe gazete te shkruaj "mualife" per te ardhur me nje rreshte te motivi i vertete qe eshte kjo qe kam shkruar me larte...