A duhet Kosova qe ta bllokoj Importin nga Serbia??

[Brari]

nuk prodhon serbia e kosova e amerika.
prodhon toka.
kush di te ruaj token e ta perdor ate mire ai prodhon.
kush nuk don ta ruaj ai nuk prodhon e pra ai detyrohet te importoje.

kalova me makine neper shkup e kosove e shqiperi e pastaj dhe neper serbi e hungari.
cfar kupton nga pamjet qe ti sheh syri nga kerri e sidomos nga aeroplani.

se.. ku jetojn shqiptaret po ja kajn nanen tokes.
cka po munden po bajn shqiptaret e babezitur per biznese te rrufeshme me ja hup ksaj toke te drejten me u levrue me u mbjell e me rrit grunin e mollen lulen e diellit e perimen barin per lopen e pyllin per zogj e kafsh te egra e ajer..

te pamata fushat e mbjella me grun e miser e lule dielli e frutikulture neper serbi e vojvodine.
kurse shqiptari po e mbjell token e bekuar me beton.

e pra nji dit do ja ndigjojm krismen ksaj marrije si ne shqipri si ne kosove.

..

[fisniku-student]

Kosova e gatshme për CEFTA-n



- Kosova është e gatshme që, vitin e ardhshëm, të drejtojë Marrëveshjen për Tregti të Lirë të Evropës Qendrore - CEFTA, pohojnë zyrtarë qeveritarë. Gjatë këtij viti, Serbia është duke kryesuar këtë mekanizëm, por autoritetet kompetente thonë se një gjë e tillë nuk do të paraqesë problem për institucionet kosovare. Në anën tjetër, njohës të çështjeve ekonomike këmbëngulin që Kosova nuk duhet ta humbasë këtë shans, raporton Radio Evropa e Lirë.
Autoritetet kompetente kanë bërë të gjitha përgatitjet e nevojshme që, vitin e ardhshëm, Kosova të kryesojë me Marrëveshjen për Tregti të Lirë të Evropës Qendrore - CEFTA.
Gjatë këtij viti, me këtë mekanizëm ndërkombëtar po udhëheq Serbia.
Flamur Keqa, drejtor i Departamentit të Tregtisë në Ministrinë e Tregtisë dhe Industrisë, thotë se, pavarësisht problemeve politike që vendi ka me Serbinë, në aspektin ekonomik dhe profesional, Kosova është e gatshme për të drejtuar CEFTA-n.
“Për momentin, të gjitha procedurat dhe procesi rreth marrjes së kryesimit të CEFTA-s nga ana e Kosovës, po shkojnë në rregull. Të gjitha gjasat janë që Kosova të marrë kryesimin e CEFTA-s për vitin 2011. Kjo është konfirmuar përmes takimeve të rregullta që kemi pasur”, thotë Keqa.
Ai thekson se Ministria e Tregtisë ka përgatitur programin për të kryesuar me CEFTA-n, i cili, sipas tij, është aprovuar nga të gjitha vendet anëtare të këtij mekanizmi.
“Para 2-3 muajsh, ky program është dhënë në shqyrtim para anëtarëve të CEFTA-s dhe të gjithë anëtarët e saj, pa pardon, e kanë pranuar. Ky program është një bazë e mirë se si Kosova do të menaxhojë dhe me çfarë problemesh të identifikuara do të merret gjatë vitit 2011”, shprehet Keqa.
Në anën tjetër, ekspertë për çështje ekonomike këmbëngulin që Kosova, në asnjë mënyrë, të mos e humbasë drejtimin e CEFTA-s. Agim Shahini, udhëheqës i Aleancës Kosovare të Biznesit (AKB), thotë se humbja e kryesimit do të kishte pasoja të rënda, pasi rrjedhimisht, shton ai, do të humbej shansi për promovimin e shtetit të ri në vendet nënshkruese të CEFTA-s.
“Institucionet e shtetit të Kosovës duhet të masin mirë dhe të bëjnë analiza të mira, se a duhet të vazhdojmë me CEFTA-n apo jo. Rekomandim i AKB-së është që Kosova nuk duhet të tërhiqet nga mekanizmat ndërkombëtarë; përkundrazi, duhet të lobojë që t’i forcojë pozicionet e veta”, thotë Shahini.
Që nga dhjetori i vitit 2008, vendet fqinje, Serbia dhe Bosnja, kanë bllokuar produktet e Kosovës, për shkak të ndërrimit të vulave të doganave, nga ato të UNMIK-ut në ato të Kosovës.
Mallrat me këtë vulë nuk lejohen të kalojnë as transit nëpër këto vende.
Por, Flamur Keqa shpreson se vitin e ardhshëm, pas marrjes së udhëheqjes së CEFTA-s, kjo çështje do të jetë më e lehtë për t’u zgjidhur.
“Padyshim, kryesimi i CEFTA-s do të jetë një shans i mirë dhe mundësi tjetër që Kosova dhe Qeveria e saj, përmes ministrive përkatëse, të bëjnë presion që të eliminohet bllokada, e cila po ndodh që nga dhjetori i vitit 2008”.

“Sa do të kemi sukses, është për t’u pritur. Por, megjithatë, besoj se përpjekjet nuk do të mungojnë në drejtim të eliminimit të këtyre barrierave”, thekson Keqa.

Ekspertë për çështje ekonomike vazhdimisht kanë kërkuar nga Qeveria e Kosovës që t’i kundërpërgjigjet Serbisë dhe Bosnjës me masa të njëjta, duke ndaluar hyrjen e mallrave të këtyre dy shteteve në Republikën e Kosovës.

[fisniku-student]

Rritet shkëmbimi i mallrave mes Kosovës dhe Maqedonisë




- Shkëmbimi i mallrave mes Kosovës dhe Maqedonisë në gjashtë muajt e parë të vitit 2010 ka shënuar rritje të dukshme në krahasim me vitin e kaluar, deklaruan të hënën në Shkup kryetarët e odave ekonomike, Safet Gërxhaliu dhe Branko Azeski. Ata, sipas portalit “Zhurnal”, vlerësuan se ekziston hapësirë për rritje edhe më të madhe të bashkëpunimit.
“Shkëmbimi i mallrave në gjashtë muajt e parë të këtij viti është rritur për 73.3 për qind në krahasim vitin 2009. Në lëmin e infrastrukturës nevojitet përmirësim i kushteve të punës në vendkalimin kufitar Jazhincë që të shfrytëzohet autostrada e re dhe përmes Kukësit të dilet në Mal të Zi dhe Shqipëri. Po ashtu nevojitet ndërtimi i autostradës që lidh Prishtinën dhe Shkupin si dhe modernizimin e transportit hekurudhor”, deklaroi Azeski. Kryetari i Odës Ekonomike të Kosovës, Safet Gërxhaliu, ka kërkuar që Maqedonia të inkuadrohet në projekte të përbashkëta me Kosovën dhe Shqipërinë. “Kërkova që në një të ardhme të afërt Maqedonia të përfshihet në autorrugën Prishtinë –Morin - Durrës kështu që kompanitë maqedonase të kenë dalje në Jon dhe në Adriatik. Po ashtu duhet të modernizohet hekurudha që lidh Shkupin me Prishtinën dhe të realizohet marrëveshja e nënshkruar mes dy qeverive për pengimin e taksimit të dyfishtë”, theksoi Gërxhaliu.

[Renea]

Kosova esht ne humbje te madhe me Maqedonine.

Importon mallra me vler 191 milion euro.

Eksporton vetem 9 milion.

[fisniku-student]

Të rritet bashkëpunimi ekonomik Kosovë-Shqipëri


Përfaqësuesit e komunitetit të biznesit nga Kosova dhe Shqipëria, gjatë një takimi në Tiranë kanë thënë se duhet të thellohet bashkëpunimi dhe krijimi i kushteve me të mira për të rritur edhe më shumë shkëmbimet tregtare.



Aktualisht shkëmbimet tregtare në mesë Kosovës dhe Shqipërisë janë rreth 65 milionë euro.

Kryetari i Odës Ekonomike të Kosovës (OEK), Safet Gërxhaliu tha se biznesmenët nga Kosova janë heronjtë e pavarësisë së vendit pasi që me punën dhe kontributin e tyre i kanë dhenë kontribut të madh zhvillimit të Kosovës.

“Edhe pse në pamundësi për të dal në tregje të treta, pa ndihmën e nevojshme të vendit i cili gjendet në tranzicion, biznesmenët e Kosovës ishin dhe janë bartës të zhvillimit ekonomik të vendit”, theksoi Gërxhaliu.

Ai ka vlerësuar se duhet shfrytëzuar marrëdhëniet shumë të mira politike ne mes të Kosovës dhe Shqipërisë për zhvillimin e bashkëpunimit ekonomik dhe se ka ardhur koha që bashkëpunimi ekonomik në mes të dy vendeve të dal nga hija e marrëdhënieve politike.

Gërxhaliu ka propozuar që Oda Ekonomike e Kosovës dhe ajo e Shqipërisë, si dhe institucione tjera relevante të fillojnë punën në krijimin strategjisë për bashkëpunimin ekonomik mes Kosovës dhe Shqipërisë për një afat të mesëm dhe të gjatë.

Kryetari i Unionit të Dhomave të Tregtisë dhe Industrisë së Shqipërisë, Ilir Zhila, tha se dihet harmonizimi i infrastrukturës ligjore me standardet e Unionit Evropian. “Në pikëpamje politike dy vendet tona i kanë shlyer të gjitha barrierat për shkëmbim dhe qarkullim të mallrave”, tha Zhila.

Shkëmbimet e mallrave në mes të dyja vendeve janë rreth 65 milionë euro, Kosova importon 40 milionë ndërsa eksporton 25 milionë euro. Aktualisht shkëmbimet tregtare në mesë Kosovës dhe Shqipërisë janë rreth 65 milionë euro.

Kryetari i Odës Ekonomike të Kosovës (OEK), Safet Gërxhaliu tha se biznesmenët nga Kosova janë heronjtë e pavarësisë së vendit pasi që me punën dhe kontributin e tyre i kanë dhenë kontribut të madh zhvillimit të Kosovës.

“Edhe pse në pamundësi për të dal në tregje të treta, pa ndihmën e nevojshme të vendit i cili gjendet në tranzicion, biznesmenët e Kosovës ishin dhe janë bartës të zhvillimit ekonomik të vendit”, theksoi Gërxhaliu.

Ai ka vlerësuar se duhet shfrytëzuar marrëdhëniet shumë të mira politike ne mes të Kosovës dhe Shqipërisë për zhvillimin e bashkëpunimit ekonomik dhe se ka ardhur koha që bashkëpunimi ekonomik në mes të dy vendeve të dal nga hija e marrëdhënieve politike.

Gërxhaliu ka propozuar që Oda Ekonomike e Kosovës dhe ajo e Shqipërisë, si dhe institucione tjera relevante të fillojnë punën në krijimin strategjisë për bashkëpunimin ekonomik mes Kosovës dhe Shqipërisë për një afat të mesëm dhe të gjatë.

Kryetari i Unionit të Dhomave të Tregtisë dhe Industrisë së Shqipërisë, Ilir Zhila, tha se dihet harmonizimi i infrastrukturës ligjore me standardet e Unionit Evropian. “Në pikëpamje politike dy vendet tona i kanë shlyer të gjitha barrierat për shkëmbim dhe qarkullim të mallrave”, tha Zhila.

Shkëmbimet e mallrave në mes të dyja vendeve janë rreth 65 milionë euro, Kosova importon 40 milionë ndërsa eksporton 25 milionë euro. /Telegrafi/

[fisniku-student]

Embargoja kosovare shqetësuese për Serbinë

Qeveria e Serbisë është duke pritur reagimin e Bashkimit Evropian, pas vendimit të marrë të mërkurën nga Qeveria e Kosovës për masa reciprociteti të plotë për produktet e Serbisë, ndërsa për Bosnjë e Hercegovinën taksë doganore prej 10 për qind.

Sekretari shtetëror në të ashtuquajturën Ministri serbe për Kosovën në Qeverinë e Serbisë, Oliver Ivanovic, ka deklaruar se Beogradi pret reagim të shpejtë të Bashkimit Evropian në lidhje me vendimin e qeverisë kosovare për vënien e embargos ndaj produkteve serbe.

“Mendoj se ky vendim nuk do të mbijetojë. Pres që Bashkimi Evropian do të reagojë shpejt. Nëse vendimi mbijeton, çmimin do ta paguajnë shqiptarët e Kosovës, të cilët edhe më tej do të blejnë produkte të parapëlqyera, por me çmim më të shtrenjtë”, ka thënë Ivanovic.

Zëvendëskryeministrja, njëherësh ministrja e Tregtisë dhe Industrisë, Mimoza Kusari-Lila, pas mbledhjes së rregullt të Qeverisë së Kosovës, tha të mërkurën se Kosova nuk kishte rrugë tjetër veç vendosjes së masave të reciprocitetit me Serbinë, shtet ky i cili nuk lejon importin dhe as kalimin transit të mallrave të prodhuara në Republikën e Kosovës.

Edhe pse nuk preferohet reciprociteti i Kosovës me Serbinë, burimet nga BE-ja jozyrtarisht kanë thënë se ndër arsyet kryesore pse është anuluar raundi i ri i dialogut ka qenë mosgatishmëria e Beogradit që të pranojë kompromisin për vulat e Doganave të Kosovës. BE-ja nuk ka dashur të vazhdohet me tema tjera pa u zgjidhur kjo, sepse BE-ja e konsideron “lëvizjen e lirë të mallrave” si parim themelor të saj. /Telegrafi/

[fisniku-student]

Kthehen mbrapa kamionët nga Serbia

Pas vendimit të Qeverisë për embargon e mallrave që vijnë nga Serbia për në Kosovë, Policia kufitare e Kosovës, pas hyrjes në fuqi të këtij vendimi, ka bllokuar rreth 20 kamionë mallrash që vinin nga Serbia. ...

Këtë e ka konfrimuar për RTK-në, zëdhënësi i Doganave të Kosovës, Adriatik Stavileci. Stavileci shtoi se një numër i kamionëve tashmë janë kthyer mbrapa, ndërsa disa prej tyre po qëndrojnë pranë kufirit. Sipas tij dje në pikën kufitare në Merdare ka patur një numër më të madh të kamionëve që bartnin mallëra nga Serbia, derisa sot pas marrjes së vendimit nga Qeveria e Kosovës, numri i kamionëve në këtë pikë doganore është zvogëluar dukshëm.

Rriten Qmimet

Neper tregje kan filluar te ndjehen pasojat e embargos, tashmë qmimet kan filluar te ngriten dukshem sidomos te atyre produkteve serbe.