Presidenti i Kosovës Fatmir Sejdiu anullon vizitën në Maqedoni

[Llapi]

BDI-ja mbetet në koalicion

Nga Express më 28.05.2009 në ora 15:12
Bashkimi Demokratik për Integrim (BDI) mbetet pjesë e koalicionit qeveritar, lajmëroi sot pasdite lideri i partisë Ali Ahmeti, pas kthimit nga Brukseli.

Ahmeti në deklaratën në Kuvendin e Maqedonisë shprehu keqardhje për shkak të anulimit të vizitës së presidentit të Kosovës Fatmir Sejdiu në Maqedoni dhe shprehu pritjen se të dyja shtetet së shpejti do të vendosin marrëdhënie diplomatike.

Lideri i BDI-së të mërkurën në Bruksel pati takime me përfaqësuesin e lartë të Bashkimit Havier Solana dhe me evrokomesarin për Zgjerim Oli Ren.

Sipas burimeve diplomatike, njëra nga porositë ishte se BE-ja i ndjekë me vëmendje situatat në Maqedoni dhe dëshiron qetësim të emocioneve, para së gjithash, për shkak të vendimit të ardhshëm nëse vendi do të vendoset në listan e bardhë të Shengenit. /Makfaks/

PDSH:Ivanov dhe Gruevski lojë të rrezikshme antishqiptare

Partia Demokratike Shqiptare (PDSH) ka reaguar ashpër lidhur me anashkalimit të presidentit të Kosovës Fatmir Sejdiu nga ana e presidentit maqedonas Gjorgje Ivanov dhe Qeverisë së Maqedonisë.

“Megalomania e qeverisë së Maqedonisë, e me këtë edhe e Ivanovit, i tejkalon përmasat e shqiptarëve të Maqedonisë. Tashmë ky nënçmim ka marë përmasa katastrofale”, ka theksuar shefi i grupit parlamentar të PDSH-së, Imer Aliu.

Sipas tij, PDSH kërkon nga Qeveria e Kosovës, Presidenti i Kosovës, Qeveria e Shqipërisë, Presidenti shqiptar, të rishqyrtojnë qëndrimet e tyre dhe të përgjigjen me reciprotet ndaj veprimeve megalomane, dhe në këtë mënyrë të dalin në mbrojtje të identitetit të shqiptarëve, nga kjo lojë e rrezikshme që instalon Gruevski dhe Ivanovi.

“Duke marrë parasysh se kjo qeveri veçmë haptas mbron interesat serbe, do të përgjigjem poashtu me një thënie serbe: “Kur nuk ka respekt, duhet të kthehet në të njëjtën mënyrë, e hiç ma pak, gjithashtu nuk do keni respekt. Ne si PDSH apelojmë deri te SHBA-ja dhe BE-ja që të ushtrojnë trysni ndaj Gruevskit dhe Ivanovit që urgjentisht të ndërpresin këtë strategji anti shqiptare.” theksoi Imer Aliu. (INA)

Thaçi: Shkupi të largohet nga ndikimi i Beogradit

Kryeministri Hashim Thaçi i bëri thirrje sot Shkupi zyrtar që të largohet nga ndikimi i politikës së mbrapshtë të Beogradit në raport me Kosovën. Thaçi e quajti të drejtë vendimin e presidentit Fatmir Sejdiu për të anuluar vizitën e planifikuar për sot, në IRJ të Maqedonisë.

“Ne po investojmë që të kemi raporte shumë të mira si dy shtete të pavarura, sovrane, demokratike dhe me perspektivë të sigurt euroatlantike, edhe për Kosovën edhe për Maqedoninë. Por, Kosova e ka dinjitetin e vet, e ka krenarinë e vet, është shtet i pavarur që i merr vendimet e veta. Ne do të vazhdojmë punojmë që të kemi bashkëpunim të mirë me Maqedoninë, siç e kemi pasur deri më tash”, është shprehur kryeministri Hashim Thaçi, për gazetarët.

Ai i bëri këto komente pas takimit që kishte me shkrimtarin e njohur shqiptar, Ismail Kadare.

“Ky është vendimi më i drejtë, i mundshëm, i presidentit të Republikës së Kosovës, Fatmir Sejdiu. Është vendim i institucioneve të Kosovës, dhe si i tillë, e ka përkrahjen time të plotë, dhe të vullnetit të qytetarëve të Kosovës. Definitivisht, Shkupi zyrtar duhet të largohet nga ndikimi i politikës së mbrapshtë të Beogradit në raport me Kosovën”, tha ai, duke e komentuar vendimin e Sejdiut.

Ahmeti paraqet qëndrimin për vizitën e Sejdiut

Lideri i Partisë Bashkimi Demokratik për Integrim (BDI), Ali Ahmeti, pritet që sot ta bëj publik pozicionin e tij politik për refuzimin e vizitës se Presidentit të Kosovës, Fatmir Sejdiu, shtetit të Maqedonisë.

Deputeti i BDI-së, Xhevat Ademi, i ka thënë agjencisë së lajmeve Makfax që Ahmeti do të paraqet qëndrimin e partisë se tij sot në mbrëmje, pasi ai të kthehet nga udhëtimi i tij në Bruksel, ku ishte në një udhëtim zyrtar në BE.

Agjencia gjermane e lajmeve DPA, kishte cituar sot mediat lokale, të cilat kishin shkruar të enjten, që koalicion në Maqedoni është zhytur në kriza pasi marrëdhëniet diplomatike në mes të Kosovës dhe Maqedonisë janë në krizë.

Anulimi i vizitës se Sejdiu në Maqedoni ka shtyrë BDI-në që të merr në konsideratë koalicionin në pushtet duke ngritur zërin se "ky problem është ipapranueshme dhe skandal i thellë diplomatike në marrëdhëniet e Maqedonisë me shtetin e ri të pavarur”, ka shkruar sot agjencia e lajmeve DPA.

IRJM shpreh “keqardhje” për anulimin e vizitës

Presidenca e Ish-Republikës Jugosllave të Maqedonisë ka shprehur keqardhje që presidenti Fatmir Sejdiu anuloi mbrëmë vizitën e paraparë për sot në Shkup.

Në një deklaratë për shtyp të presidentit maqedon, Gjorge Ivanov, thuhet mes tjerash se përkundër kësaj marrëdhëniet fqinjësore do të zhvillohen normalisht në të ardhmen.

Në një komunikatë për opinion të lëshuar nga Presidenca e Republikës së Kosovës, thuhet se presidenti Sejdiu ka anuluar vizitën e tij, pasi që ndërkohë pala maqedonase e ndryshoi karakterin e vizitës zyrtare.

Autoritetet maqedonase kanë deklaruar se presidenti i Kosovës do të pritet të enjten pa ceremoni shtetërore ku do të mungojë garda e presidentit, si dhe flamuri i Kosovës nuk do të ngrihet në shtizë, ashtu siç ndodh me pritjet e tjera ceremoniale.

[drenicaku]

E paskan ban sejden hero
Asgje e jashtezakonshme nuk ka ndodh o dashamir,qdo kryetar do ta anullonte viziten,faji eshte prap te shqiptaret.
Ne po behemi me pap se papa i vatikanit,na ruje maqidoni e ata gjuj me gur mir po na e bejn,shiqoi shqiptaret ne maqedoni vriten ne mes veti per pushtet,ne kosove gjithashtu eshte derdh gjak per pushtet ne shqiperi edhe me keq,prandaj sllavet na kan marr er ne qaf.
Mos te krijojm iluzion se per sllavet jemi te preferuar,edhe po ti duam ne ata nuk na duan,prandaj duhet bashkua ne te kunderten gjithmon do luajn me ne.
Ali ahmeti urgjentisht duhet te dal nga koalicioni,te ulet me partit tjera shqiptare dhe te bisedoj per hapat e metejm,duhet tregu dhembet sllavit vetem keshtu merr vesh sllavi.

[BESIIM]

BOTA SOT
Presidenti u pa burrështetas i Kosovës
Sa herë që akëcili nga liderët e Kosovës merr një vendim të qëlluar në mbrojtjen e dinjitetit shtetëror, na kujtohet Rugova Historik.

Ai ka ditur të thotë “jo” kategorike, duke filluar nga Cimermani (që e “këshilloi” të dilte në “zgjedhjet” e okupatorëve), që dinte të refuzonte kategorikisht takimet e imponuara nga ndërkombëtarët me disa liderë të Shqipërisë, duke mos hyrë në “biseda” kuluaresh “politike” me individë që i janë imponuar si faktorë që mund t’i “ndihmonin” Kosovës në “marrëdhënie me Serbinë”, etj.

Me një fjalë, Presidenti Historik e ka mbrojtur dinjitetin shtetëror të Kosovës.

Ai thoshte: “Kosova de fakto është shtet, de jure do të bëhet”.

Deri te de jure si sot, Rugova e ruante dhe e respektonte protokollin shtetëror të Kosovës, ashtu si i ka hije shtetit të vërtetë, për të cilin është derdhur aq shumë gjak dhe djersë.

Derisa të tjerët bënin “allishverishe” me serbët duke shpresuar në “demokratizimin e Serbisë” si “shanse për Kosovën”, presidenti Rugova i injoronte dhe i përbuzte në çdo ofertë duke refuzuar kategorikisht “jo”! Pse i thamë këto fjalë më lart, nëse do të thoni: “Po këto i dimë të gjithë”! I përsërisim këto duke dashur të shëmbëllejmë fakte për të treguar se Kosova kur të çlirohet nga “këshilltarët” ndërkombëtarë do të dijë të respektojë protokolle shtetërore, meqë kemi ditur ta formojmë shtetin, të tillë çfarë e kemi, do të dimë edhe ta mbrojmë, edhe ta mbajmë dhe të mos lejojmë të na gjunjëzojnë ata që historikisht kanë qenë armiq të shqiptarëve, ndaj edhe kundërshtarë të shtetit të Kosovës.

Edhe sot janë kundërshtarë, por plotësojnë detyrimet duke u përpjekur të hyjnë në NATO, presidenti Sejdiu, me anulimin e vizitës në Maqedoni, dëshmoi se Kosova ka burrështetas.

Nga Maqedonia (që ende nuk i ka zgjidhur problemet me shtetformuesit e saj, me shqiptarët atje) nuk ka çfarë çështjeje të zgjidhë plus me shqiptarët e Kosovës duke bashkëpunuar me Serbinë aktuale, pacifiste terroriste.

Do të dëshmohet së shpejti, Maqedonia varet prej Kosovës, e jo Kosova prej Maqedonisë.

Presidenti Sejdiu u tregua burrështetas që nuk lejon kush ta poshtërojë Kosovën, e lere të na poshtëronte një shtet i cili duhet t’i plotësojë kushtet elementare ligjore që të bëhet shtet.

Kjo është hera e dytë e një qëndrimi të presidentit Sejdiu prej burrështetasi (që ka bashkëvepruar politikisht me presidentin Rugova, i cili bënte “refuzime estetike” kundër të gjithë atyre që kanë dashur ta shohin Kosovën të prirë nga një klasë inferiore politike), është hera dytë kur bashkë me kryeministrin Thaçi e mbrojtën faktoritetin e sovranitetit të Kosovës duke refuzuar kategorish “jo” për 6 pikat e Ban Ki Munit, përkatësisht Këshillit të Sigurimit.

Kosova nuk do të mund ta mbrojë sovranitetin e saj të fituar pas kaq shumë përpjekjesh njëshekullore, nëse vazhdon që të jetë e dëgjueshme ndaj të huajave që vënë kritere për marrëdhëniet bilaterale të Kosovës me cilado shtete qofshin ato.

Një mijë herë kemi përsëritur: Kosova i ka plotësuar standardet e Shtajnerit, do të thotë i ka plotësuar të gjitha kërkesat e mundshme dhe të pamundshme të ndërkombëtarëve, tashmë do të vazhdojmë t’i plotësojmë edhe më, por jo edhe ato që përpiqen ta relativizojnë, ta poshtërojnë, ta mohojnë ose ta shkelin sovranitetin e Kosovës.

Pas dhjetë vjet “po” për çdo gjë, duhet të fillojmë të themi “jo”, kur na thonë se është interes politik i Kosovës marrëdhënia e mirë politike me Maqedoninë, duhet thënë “jo”, sepse Maqedonia ende sot e gjithë ditën i mban të diskriminuar 30% të popullsisë së saj që quhen shqiptarë.

“Jo” se Maqedonia ka leverdi ekonomike që dhjetë vjet prej Kosovës, kurse Kosova destimulon prodhimtarinë e saj duke blerë bërllokun e Maqedonisë.

“Jo” sepse Kosova ka plotësuar të gjitha standardet që ka kërkuar bashkësia ndërkombëtare prej saj, kurse Maqedonia nuk e ka plotësuar asnjë standard të bashkësisë ndërkombëtare “kinse” “aleate” të saj, derisa Maqedonia plotëson të gjitha standardet dhe kriteret e Serbisë terroriste.

Duhet të dëshmojmë me fakte: Maqedonia ka interes për Kosovën, Kosova nuk ka interes prej Maqedonisë, mësa prej Serbisë.

Marrëdhëniet që na i imponon “bashkësia” ndërkombëtare me Serbinë dhe Maqedoninë, janë interes “i ndërkombëtarëve” e jo interes i Kosovës. Jo – dje, dhe jo - sot, jo - kurrë! Uji fle, kurse armiku jo!

[Henea]

PRISHTINË,27 MAJ 2009(VushtrriaPress)-Presidenti i Republikës së Kosovës, Fatmir Sejdiu, më 13 maj 2009, mori ftesë për vizitë zyrtare njëditore nga Presidenti i Republikës së Maqedonisë, Gjorge Ivanov. Kjo ftesë u pranua dhe iu konfirmua palës maqedonase nga Zyra e Presidentit te Republikës së Kosovës më datë 13 maj 2009 . Ndërkohë, meqenëse pala maqedonase e ndryshoi karakterin e vizitës zyrtare, Presidenti i Republikës së Kosovës,Fatmir Sejdiu e anuloi vizitën në Republikën e Maqedonisë, të planifikuar për datën 28 maj 2009. Sipas një komunikate për media të Presidencës së Kosovës, thuhet se:Presidenti i Republikës së Kosovës, Fatmir Sejdiu, si dhe institucionet e Republikës së Kosovës, mbeten të përkushtuara për marrëdhënie të mira me të gjitha vendet e veçmas me fqinjët, duke u dhënë këtyre marrëdhënieve peshën dhe vlerën serioze që e meritojnë.
www.vushtrriapress.shqipo.com
www.vushtrriapress.tk

Tu befte dita 1000 President.

[ismet_gv]

BOTA SOT
Presidenti u pa burrështetas i Kosovës
Sa herë që akëcili nga liderët e Kosovës merr një vendim të qëlluar në mbrojtjen e dinjitetit shtetëror, na kujtohet Rugova Historik.

Ai ka ditur të thotë “jo” kategorike, duke filluar nga Cimermani (që e “këshilloi” të dilte në “zgjedhjet” e okupatorëve), që dinte të refuzonte kategorikisht takimet e imponuara nga ndërkombëtarët me disa liderë të Shqipërisë, duke mos hyrë në “biseda” kuluaresh “politike” me individë që i janë imponuar si faktorë që mund t’i “ndihmonin” Kosovës në “marrëdhënie me Serbinë”, etj.

Me një fjalë, Presidenti Historik e ka mbrojtur dinjitetin shtetëror të Kosovës.

Ai thoshte: “Kosova de fakto është shtet, de jure do të bëhet”.

Deri te de jure si sot, Rugova e ruante dhe e respektonte protokollin shtetëror të Kosovës, ashtu si i ka hije shtetit të vërtetë, për të cilin është derdhur aq shumë gjak dhe djersë.

Derisa të tjerët bënin “allishverishe” me serbët duke shpresuar në “demokratizimin e Serbisë” si “shanse për Kosovën”, presidenti Rugova i injoronte dhe i përbuzte në çdo ofertë duke refuzuar kategorikisht “jo”! Pse i thamë këto fjalë më lart, nëse do të thoni: “Po këto i dimë të gjithë”! I përsërisim këto duke dashur të shëmbëllejmë fakte për të treguar se Kosova kur të çlirohet nga “këshilltarët” ndërkombëtarë do të dijë të respektojë protokolle shtetërore, meqë kemi ditur ta formojmë shtetin, të tillë çfarë e kemi, do të dimë edhe ta mbrojmë, edhe ta mbajmë dhe të mos lejojmë të na gjunjëzojnë ata që historikisht kanë qenë armiq të shqiptarëve, ndaj edhe kundërshtarë të shtetit të Kosovës.

Edhe sot janë kundërshtarë, por plotësojnë detyrimet duke u përpjekur të hyjnë në NATO, presidenti Sejdiu, me anulimin e vizitës në Maqedoni, dëshmoi se Kosova ka burrështetas.

Nga Maqedonia (që ende nuk i ka zgjidhur problemet me shtetformuesit e saj, me shqiptarët atje) nuk ka çfarë çështjeje të zgjidhë plus me shqiptarët e Kosovës duke bashkëpunuar me Serbinë aktuale, pacifiste terroriste.

Do të dëshmohet së shpejti, Maqedonia varet prej Kosovës, e jo Kosova prej Maqedonisë.

Presidenti Sejdiu u tregua burrështetas që nuk lejon kush ta poshtërojë Kosovën, e lere të na poshtëronte një shtet i cili duhet t’i plotësojë kushtet elementare ligjore që të bëhet shtet.

Kjo është hera e dytë e një qëndrimi të presidentit Sejdiu prej burrështetasi (që ka bashkëvepruar politikisht me presidentin Rugova, i cili bënte “refuzime estetike” kundër të gjithë atyre që kanë dashur ta shohin Kosovën të prirë nga një klasë inferiore politike), është hera dytë kur bashkë me kryeministrin Thaçi e mbrojtën faktoritetin e sovranitetit të Kosovës duke refuzuar kategorish “jo” për 6 pikat e Ban Ki Munit, përkatësisht Këshillit të Sigurimit.

Kosova nuk do të mund ta mbrojë sovranitetin e saj të fituar pas kaq shumë përpjekjesh njëshekullore, nëse vazhdon që të jetë e dëgjueshme ndaj të huajave që vënë kritere për marrëdhëniet bilaterale të Kosovës me cilado shtete qofshin ato.

Një mijë herë kemi përsëritur: Kosova i ka plotësuar standardet e Shtajnerit, do të thotë i ka plotësuar të gjitha kërkesat e mundshme dhe të pamundshme të ndërkombëtarëve, tashmë do të vazhdojmë t’i plotësojmë edhe më, por jo edhe ato që përpiqen ta relativizojnë, ta poshtërojnë, ta mohojnë ose ta shkelin sovranitetin e Kosovës.

Pas dhjetë vjet “po” për çdo gjë, duhet të fillojmë të themi “jo”, kur na thonë se është interes politik i Kosovës marrëdhënia e mirë politike me Maqedoninë, duhet thënë “jo”, sepse Maqedonia ende sot e gjithë ditën i mban të diskriminuar 30% të popullsisë së saj që quhen shqiptarë.

“Jo” se Maqedonia ka leverdi ekonomike që dhjetë vjet prej Kosovës, kurse Kosova destimulon prodhimtarinë e saj duke blerë bërllokun e Maqedonisë.

“Jo” sepse Kosova ka plotësuar të gjitha standardet që ka kërkuar bashkësia ndërkombëtare prej saj, kurse Maqedonia nuk e ka plotësuar asnjë standard të bashkësisë ndërkombëtare “kinse” “aleate” të saj, derisa Maqedonia plotëson të gjitha standardet dhe kriteret e Serbisë terroriste.

Duhet të dëshmojmë me fakte: Maqedonia ka interes për Kosovën, Kosova nuk ka interes prej Maqedonisë, mësa prej Serbisë.

Marrëdhëniet që na i imponon “bashkësia” ndërkombëtare me Serbinë dhe Maqedoninë, janë interes “i ndërkombëtarëve” e jo interes i Kosovës. Jo – dje, dhe jo - sot, jo - kurrë! Uji fle, kurse armiku jo!

Or besim ska faj kopili me emer maqedon.Shum mire e dim se kush ka faj por sban.Sesht momenti, e kur te vjen koha ja bajm.Kosovaret thojn javash javash se qengji bahet dash.Studentet e universitetit te tetoves leshuan apel qe asnjeri nga lideret shqiptar mos te mar pjese ne inaugurimin e krietarit te shtetit kopil.Por si degjoi kush.Greqia se pa te arsyeshme te mar pjes.Bulgaria qe cmohet si shtet vella me ta edhe ata refuzuan, e than se vellezerit maqedonas jan serbizuar teresisht edhe se meritojn vemendjen tone.Me automatizem duhej qe edhe krietari i shqiperise te refuzonte.
E cka te themi per ali ahmetin qe na premtonte se ne demir hisar do te humbim 600-800 ushtar.Ne manastir ne zonen e cliruar nga ushtria clirimtare do ti zhvillojm bisedimet e para.Ne veles bisedimet e dyta, dhe i bashkangjitemi nones shqipni.I pelqeu kolltuku maqedonas.A se di ali ahmeti se nje maqedon me bo me e pre ne kater pjes, dalin kater millosheviqa nga i njajti.
Per menduhin sbaj fjal.Edhe ai ka qene ne pushtet me te njejtin nikoll kapedanin.Le te me binde se nuk e ka kete gje vetem marketing politik.Per zoteri selmanin thone qe aspak seshte shqiptar, dhe se te emen e ka jo shqiptare.I dhan votat maqedonasit vetem e vetem qe te jet nje me teper qe te jene sa me te percare shqiptaret.Po vjen koha e i regullojm punet.Por le ta din bijt e rospive, se slejohet me u tall me emrin kosove.Dhe se kur te vjen momenti me i pastru hesapet,para ja fillojm nga shpija e pastaj dalim ne mahall.Kurse zoteri sejdiut i lumt.Por edhe te gjith politikanve dhe partive politike ne pozite e opozite per perkrahjen qe i dhan kryetarit te kosoves.Pershendetje shqipetar kudo qe jeni

[Black_Mamba]

Keshtu duhet President,jam teper i kenaqur me kete gjest te Fatmir Sejdiut.

Keshtu qe edhe politika e Ali Ahmetit nuk e ka edhe gjat,cka nuk i ben shkau perseri del ne televizor thot une mire i kam punt tu shkaun e nenes,ky eshte me shka se shkau.

[Llapi]

Dëshmia shtetërore
Premtë, 29 Maj 2009 12:10

Shkëlzen Dragaj

Prishtinë, 28 maj

m_loja e maqedonisePresidenti i Kosovës, Fatmir Sejdiu, ka marrë të enjten përkrahje nga të gjithë politikëbërësit në Kosovë për vendimin që ka marrë para dy ditësh për të anuluar vizitën në Maqedoni, pasi që Shkupi zyrtar kishte planifikuar ta priste në mënyrë jozyrtare. Pozitë, opozitë dhe analistë politikë në Kosovë, e madje edhe përfaqësues të partive politike në Maqedoni kanë vlerësuar se Sejdiu ka bërë veprimin më të mirë të mundshëm. Nga të dyja anët është vlerësuar se Maqedonia duhet vënë pikë këtyre veprimeve dhe mos të ndikohet dikush tjetër në raport me Kosovën. Sejdiu ka anuluar vizitën pasi që shteti maqedonas ka ndryshuar karakterin e vizitës në Shkup, duke mos i bërë pritje zyrtare dhe shtetërore. Sejdiu nuk ka marrë pjesë as në inaugurimin e presidenti të ri maqedonas pasi që, edhe pse ishte ftuar, i ishte kërkuar që të mos shkojë.



Mst: Fund ndikimit të Beogradit



Kryeministri Hashim Thaçi në reagimin e tij, në një prononcim para gazetarëve, ka thënë se është koha e fundit që Maqedonia ndikohet nga Beogradi në raport me Kosovën. Ai ka përkrahur fuqishëm Sejdiun. Gjithsesi Thaçi ka thënë se Kosova është e interesuar të ketë marrëdhënie të mira shtetërore me Maqedoninë.

"Ky është vendimi më i drejtë, i mundshëm, i presidentit të Republikës së Kosovës, Fatmir Sejdiu. Është vendim i institucioneve të Kosovës, dhe si i tillë e ka përkrahjen time të plotë dhe të vullnetit të qytetarëve të Kosovës. Definitivisht, Shkupi zyrtar duhet të largohet nga ndikimi i politikës së mbrapshtë të Beogradit në raport me Kosovën", - ka thënë Thaçi.

"Ne po investojmë që të kemi raporte shumë të mira si dy shtete të pavarura, sovrane, demokratike dhe me perspektivë të sigurt euroatlantike, edhe për Kosovën edhe për Maqedoninë. Por, Kosova e ka dinjitetin e vet, e ka krenarinë e vet, është shtet i pavarur që i merr vendimet e veta. Ne do të vazhdojmë të punojmë që të kemi bashkëpunim të mirë me Maqedoninë, siç e kemi pasur deri më tash", ka shtuar më tutje kryeministri.



Mst: Vendimi shtetëror



Edhe përfaqësuesit e grupeve parlamentare në Kuvendin e Kosovës, si nga pozita dhe opozita kanë përkrahur Sejdiun në vendimin e tij.

Ramë Buja, shef i grupit parlamentar të PDK-së, ka thënë se me këtë rast është treguar se Kosova është shtet.

"Sejdiu ka bërë shumë mirë që ka anuluar vizitën e tij në Maqedoni. E them këtë për shkak se me këtë po tregohet se ne jemi shtet, dhe marrim vendime vetë", ka thënë Buja.

"Presidenti Sejdiu ka marrë një vendim të drejtë karshi lojës që ka bërë pala maqedonase me rastin e vizitës së kreut kosovar që duhej të realizohej sot në Shkup. Nuk besoj dhe duhet të shkohet kah qasja e prishjes së marrëdhënieve me Maqedoninë dhe as vendimi i Sejdiut nuk dërgon të dyja vendet në atë drejtim", ka thënë ndërkaq nënkryetari i LDK-së Eqrem Kryeziu, duke shtuar po ashtu se me këtë vendim Kosova ka dëshmuar se është shtet. "Maqedonia dëshiron të luajë me dy palë letra. Edhe ta shikojë çfarë dëshiron Serbia, por edhe shikon kah Kosova. Maqedonia po duket se ende nuk e ka kuptuar realitetin e krijuar në Kosovë. Ne jemi shtet dhe si shtet edhe do të sillemi. Sejdiu ka vepruar drejt", është shprehur Ahmet Isufi nga AAK. Vendimin për anulim të vizitës e ka përkrahur edhe Aleanca Kosova e Re dhe LDD. "Për herë të parë pashë se po sillemi si shtet. Këtë anulim që bëri Sejdiu e përkrahim e mbështesim sepse iu tregua Shkupit zyrtar se jemi shtet", është shprehur nënkryetari i AKR-së Ibrahim Makolli.



Mst: Gabimet e njëpasnjëshme



Zhvillimet e fundit mes Maqedonisë dhe Kosovës i kanë komentuar edhe përfaqësues të partive politike në Maqedoni. Partitë opozitare kanë qenë mjaftë kritike ndaj institucioneve të Maqedonisë.

Në anën tjetër lideri i Bashkimit Demokratik për Integrim, Ali Ahmeti, nuk ka folur shumë rreth kësaj, por ka thënë se i vjen keq që ka ndodhur kjo. Ai ka shtuar se BDI do të mbetet në Qeverinë maqedonase. Ahmeti citohet ta ketë shprehur keqardhjen gjatë një fjalimi në Kuvendin e Maqedonisë dhe ka thënë po ashtu se shpreson se megjithatë të dyja shtetet së shpejti do të vendosin marrëdhënie diplomatike.

Partia në opozitë, Lidhja Social-demokrate e Maqedonisë, në reagimin e saj ka përkujtuar pushtetin me gabimet e njëpasnjëshme që po bën në raport me Kosovën.

"Kemi dy gabime në hapa, njëri pas tjetrit. Gabimi i parë u bë gjatë inaugurimit të presidentit Ivanov dhe vizita e paraparë tani më 28 maj ishte caktuar për t'u korrigjuar gabimi i parë. Dhe, në vend që të përmirësojmë gabimin, ne bëmë edhe një gabim tjetër; lejuan që çështjet e protokollit të jenë më të rëndësishme se çështjet thelbësore", - ka thënë Radmilla Sheqerinska, zyrtare e lartë në këtë parti.
"Ne duam që të kemi raporte të mira me të gjithë fqinjët dhe njohja e Kosovës ishte gjesti i parë që bëmë nga ana jonë për të ardhmen më të mirë në marrëdhëniet tona, por tani e tëra kjo bie në ujë pasi ne vetë i komplikojmë raportet me fajin tonë", deklaroi Radmilla Sheqerinska, zyrtare e lartë nga Lidhja Social-demokrate e ish-presidentit Branko Cërvenkovski.
Partia tjetër shqiptare, PDSH e ka quajtur veprimin e institucioneve të Maqedonisë si antishqiptar. "Megalomania e qeverisë së Maqedonisë, e me këtë edhe e Ivanovit, i tejkalon përmasat e shqiptarëve të Maqedonisë. Tashmë ky nënçmim ka marrë përmasa katastrofale....Ne si PDSH apelojmë deri te SHBA-ja dhe BE-ja që të ushtrojnë trysni ndaj Gruevskit dhe Ivanovit që urgjentisht të ndërpresin këtë strategji anti shqiptare", ka theksuar shefi i grupit parlamentar të PDSH-së, Imer Aliu.

Mst: BDI të dalë nga Qeveria



Analistë politikë këtu në Kosovë po ashtu e kanë vlerësuar si të drejtë vendimin e Sejdiut për ta anuluar vizitën dhe e kanë vlerësuar sjelljen e Maqedonisë si një politikë të vjetër të viteve të '90-ta. Analisti Qani Mehmedi ka thënë se këtu duhet të jetë pika dhe se i duhet bërë e qartë Maqedonisë se kështu nuk shkon më. "E rëndësishme është që Sejdiu e ka bërë publike gjithë atë lojë kur ishte inaugurimi. Edhe tash merr një vendim plotësisht të drejtë që e anulon vizitën, duke i treguar Maqedonisë dhe presidentit maqedonas se me Kosovën dhe institucionet e saja lojëra të tilla nuk mund të bëhen më", ka thënë Mehmedi për "Infopress". Ai ka shtuar se BDI duhet të tërhiqet nga kjo Qeveri dhe duhet zgjedhur një herë e mirë paqartësitë si rreth Kosovës ashtu edhe rreth shqiptarëve në Maqedoni.

"Duhet të hiqen nga kjo qeveri. Më herët ose më vonë Ali Ahmeti do të detyrohet të tërhiqet nga ajo Qeveri. Loja me Sejdiun është fundi dhe është rasti të tregohet. Dhe në radhë të parë duhet të tërhiqet për faktin se çka kanë bërë me marrëveshjen e Ohrit", ka shtuar më tutje ai, duke thënë se partitë politike shqiptare atje duhet të mblidhen dhe të definojnë se çka në të vërtetë duan dhe si duhet shkuar punët. Mehmeti ka shtuar se nuk beson se Maqedonia dhe Kosova do të prishin marrëdhëniet mes tyre pasi që fundja të dyja kanë një sponsor të përbashkët, SHBA-të.



Mst: Ivanov shpreh "keqardhje"



Kabineti i presidentit të Maqedonisë ka shprehur ndërkaq "keqardhje" për mosrealizimin e takimit në mes të presidentit Gjorgje Ivanov dhe Fatmir Sejdiun. "Kryetari i Republikës së Maqedonisë, Gjorge Ivanov, është thellë i përkushtuar për kultivimin e marrëdhënieve të mira dypalëshe me fqinjët e Republikës së Maqedonisë, si dhe për zhvillimin e bashkëpunimit rajonal mes shteteve të Ballkanit", ka njoftuar kabineti i kryetarit të Maqedonisë.

[mendimi]

Eshte e cuditshme ku e gjejne gjith kete guxim prej te cmenduri keta maqedont, me siguri faji duhet te kerkohet se pari tek partite e mjera politike shqiptare ne maqedoni qe jane shendrruar ne marioneta te maqedonve qe kane shitur trupin e shpirtin tek maqedont edhe pse? Per ndonje perfitim personal TURP.
Mire beri Fatmir Sejdiu, dhe pak bile, Edhe Bamir Topi ka ba shume keq qe se anuloi viziten per shkak te mos fteses se Presidentit te Kosoves heren e kaluar. Jane mesu maqedont mos me jav prish edhe turp duhet ti vije edhe presidentit te shqiperise qe deshtoi heren e kaluar.
Ndersa me ne ne fund i erdh rendi edhe Maqedonve me provu se Kosovaret nuk jane te shkrete dhe nuk jane parti politike bdi, pdsh, e berllog te tjere por jane SHTET dhe do tjav ngulin thelle nese nuk fillojne me kuptu realitetin.
Dikush tha 10-15 vjet kan jete si shtet, teper ju ke dhene se qe besa as 5 vjet ska me ju shku maqedonise nese vazhdon keshtu.

[drenicaku]

E ky ali ahmeti qfar pret,apo duhet te shkoj dikush ta kap per veshi e ta qes prej koalicionit,nuk ka faj ky kan shqiptaret e tij qe ja kan dhen votbesimin.

[Llapi]

zëdhënësi i qeverisë, Memli Krasniqi
Deklaratën e Pavarësisë e mbrojnë vetë qytetarët

“Deklarata e Pavarësisë së Kosovës është dokumenti më i rëndësishëm i shtetit sovran dhe demokratik, dhe në radhë të parë atë deklaratë e mbrojnë qytetarët e Kosovës, sepse ajo shpreh vullnetin e tyre”, deklaroi zëdhënësi i qeverisë, Memli Krasniqi, i pyetur nëse ekzekutivi ka ndonjë strategji implementuese për ruajtjen e Deklaratës së Pavarësisë, derisa ajo nuk respektohet nga shtetet fqinje. Ai tha se është obligim i gjithë institucioneve të vendit pa marrë parasysh a i përkasin ekzekutivit, legjislativit apo gjyqësorit, që ta mbrojnë atë. Ndryshe, sa i përket çështjes së liberalizimit të vizave, zëdhënësi Krasniqi tha se Kosova nuk do të jetë vendi i fundit që do të marrë pjesë në këtë proces. Sipas tij qeveria tashmë ka iniciuar edhe vetë procesin për përmbushjen e kritereve të nevojshme për të filluar procesin e liberalizimit të vizave. “Ne jemi në kontakte të vazhdueshme me Komisionin Evropian, edhe me zyrën e tij përfaqësuese në Kosovë, por edhe me zyrtarët në Bruksel. Kemi një raport fizibiliteti për Kosovën, i cili në muajt e ardhshëm do të publikohet. Ne jemi të vendosur dhe të përkushtuar që ky raport të dalë pozitiv dhe padyshim që kjo do të jetë në shtytje në drejtim që Kosova të fillojë me hapa të shpejtë në liberalizimin e vizave. Pa dyshim se Kosova nuk do të jetë vendi i fundit, i cili do të marrë pjesë në këtë proces”, tha ai.