Arrestohet shqiptari me i kerkuar ne Europe

[Shijaksi-London]

ANTIKRIMI
Një agjente italiane ndoqi nga pas motrën e Eduart Prendushit dhe zbuloi vendqëndrimin e tij

Policia italiane arreston në Bruksel kapon shqiptar

Arrestohet në Bruksel Eduard Prendushi, shqiptari i kërkuar në të gjithë Europën. Ai ishte shpallur në kërkim nga policia italiane, e cila e akuzon për trafik ndërkombëtar droge, armësh dhe tentativë vrasjeje. Inspektorët italianë kanë ndjekur 23 -vjeçarin nga Shqipëria me pseudonimin Edo në të gjithë Europën deri sa e kanë prangosur dy ditë më parë në bashkëpunim me policinë belge. Lajmi është pohuar dje nga mediat italiane. Sipas tyre, Prendushi është një nga kapot e rinj të mafias shqiptare në Europë. Prendushi ishte “zhdukur” nga Italia që më 29 mars të vitit të kaluar. Zhdukja e tij përkonte me një ngjarje të ndodhur në Asti të Italisë. Një person kishte zbrazur një karikator të tërë pistolete kundër një gruaje shqiptare me dokumente të rregullta dhe qenit të saj. Shqiptarja, emri i së cilës nuk mund të bëhet publik, ndodhej në ballkonin e shtëpisë kur plumbat e kanë plagosur lehtë në një këmbë dhe i kanë vrarë qenin. Hetimet e policisë italiane nxorrën menjëherë në dritë emrin e Eduard Prendushit. Ai ishte një person i njohur për policinë italiane, e cila e kishte shpallur në kërkim për veprat penale të trafikut të drogës dhe armëve. Prendushi kishte arritur t’i shpëtonte policisë së qytetit të Astit, e cila kishte arrstuar rreth 40 pjesëtarë të klanit të tij. Sipas hetimeve të policisë, shkaku përse Prendushi kishte qëlluar mbi gruan shqiptare ishte një shtetase rumune, e cila ishte detyruar që të prostituohej rrugëve të Italisë. Gruaja shqiptare rrinte pranë klanit rival të Prendushit dhe për pasojë ai kishte dashur që të hakmerrej ndaj saj. Më pas, 23- vjeçari nga Shqipëria, ishte zhdukur pa lënë gjurmë. Hetimet treguan se ai nuk kishte një vëndqendrim fiks por lëvizte gjithmonë. Këtë e bënte nga frika e policisë dhe e klaneve rivale në trafiqe. Ai lëvizte ndërmjet qyteteve të Brukselit, Liezhit dhe Parisit dhe kishte dy shtëpi, një në Francë dhe tjetrën në Belgjikë. Për të mos rënë në sy, ai kishte tentuar që të regjistrohej në Belgjikë si shtetas lituanez. Për këtë Prendushi do të ndihmohej edhe nga e dashura e tij lituane, por pa sukses. Autoritetet belge ia kishin refuzuar disa herë kërkesën për leje të rregullt qëndrimi. Informacionet që disponon për të policia italiane tregojnë se kishte lidhje me krerë të lartë të mafias europiane. Prendushi lëvizte gjithmonë me makina tepër luksoze dhe mbante lidhje me mafian ruse. Deri tani këto informacione nuk janë saktësuar nga policia italiane. Edo kishte krijuar në Belgjikë një “parajsë” të vërtetë. Ai ftonte shqiptarët e tjerë që të shkonin tek ai në Belgjikë. “Amerika është këtu. Ligje të buta dhe para me shumicë”,- u thoshte ai bashkëkombasve. Lëvizjet e tij u pikasën nga policia italiane, e cila filloi që ta ndiqte dhe ta përgjonte. Ata e zbuluan Eduard Prendushin, me anë të së motrës, e cila banon në Fossano të Italisë. Duke përgjuar telefonin e saj, policët italianë, kishin arritur që të gjenin vendndodhjen e tij të saktë. Nëpërmjet telefonit, Edo kishte lënë takim për të festuar Vitin e Ri së bashku me të motrën. Në ndjekje të gruas është vënë një agjente e policisë italiane, Lucia Allegretti. Ajo e ka ndjekur shqiptaren deri në momentin që është takuar me të vëllanë. Më pas, një aksion i policisë dhe prokurorisë italiane në bashkëpunim me repartet speciale belge, ka sjellë arrestimin e shqiptarit 23- vjeçar. Tashmë Edo ndodhet në burgun e Brukselit në pritje të ekstradimit drejt Italisë.
Ened Janina

[Brari]

Le ta ngordhin kte kelysh krokodili. Tja shtypin koken.
Bravo agjentja italiane.

[ganoid]

Si ka mundesi mo lol qe ai 23 vjec te jete koka e nje rrjeti te tere mafjoz.Une kam dyshimet e mia per kete rast ,por perseri ky i meriton ca dhjetra vjet burg.

[shkodrane82]

pahhhh kuku ai eshte femije hala edhe me kene mafioz...
i ka hype vedi ne qejf shqiptarve ne europe....

[ornament]

Nuk eshte mosha tij qe s'e ben "capo dei canonieri", kur dihet qe Napoleoni 20 vjeç u be gjeneral, Aleksandri 30 vjeç vdiq, pasi pushtoi gjithe boten.

Po ta lexonit me vemendje artikullin (te hartuar keq) mund te kuptonit me shume prej tij.
Çfare psh? Qe titulli i tij bombastik nuk i pershtatet mbrendise feminore e qesharake.

Ç'kuptojme me qesharake? Qe nje KAPO (i vertete) nuk e ka te veshtire per LETRA ne perendim, kjo eshte gjeja me e lehte per te.
Gjithashtu nje kapo, ben kujdes nga telefoni, si dhe nuk "tenton" por "vret".

[shkodrane82]

oranment ....jam dakort me ty..por ta dish se na shqiptaret sjena shqu shume per mafioza..vec per te pa mend.....sepse se dina ca don me thane mafie...as ku i bjen shpia e saj...
ai eshte si puna e asaj ferres qe perzihet neper kembe po sqet gja ne drite..

[ornament]

As per Ylla motra! s'jemi shqyer (me fal shquar) ndonjehere, megjithese ju gocat e shqipes e mbani veten per p..... me te bukur te botes.

Tjeter, Mafia s'eshte çudi te jete sajim shqiptar, po te shohesh vendin e lindjes, Kalabri, Siçili (Itali te jugut).
Ajo qe sot ka ndryshuar, eshte etiketa, mafioz quhet dhe nje vjellajdut pulash.

[shkodrane82]

i dashur ornament.....na shqiptarer shquhemi per shume gjana...qe sasht nevoja mi permende...une sarrij me kuptu ku deshte me dale ti ke bukuria ketu...sepse asht krejt jasht teme...
po nqs femrat shqiptare jane ashtu edhe ti je i keq sepse ...gru shqiptare te ka ba apo jo??????
here tjeter maju temes i dashur.....sepse e ban boring...ok
take cARE honey

[ornament]

Yllo, s'qe dashakeqe, perveçse loje fjalesh. Duket qe ti e morre mbrapsht. Me lart desha me thene; per tjeter e mban veten, per tjeter te mbajne te tjeret, tjeter je.

[Shahu1]

vajza
mos u mmerzisni se edo do dal mmrena muajit

me rrespekt Shahu1
vendbanimi torino 45 km larg astit