Eshte "Bondstill" ne Kosove apo Serbi?

[Beqari002]

Uashingtoni i ka propozuar Beogradit të marrë me qira disa baza ushtarake?

Bruksel, 15 janar - Administrata amerikane i ka propozuar autoriteteve në Beograd që të marrë me qira për 99 vjet disa baza ushtarake dhe sisteme në RFJ, njofton RFI (Radio Frans Enternasional), e cituar nga disa media të Beogradit. Sipas RFI-së, bëhet fjalë për "bazën e kontigjentit amerikan të KFOR-it Bondstill në Kosovë, bazës së radarëve të ushtrisë jugosllave në Kopaonik, aeroportin ushtarak në Sjenicë, dhe të objekteve përcjellëse në rrafshnaltën Peshter". RFI thekson se nisma amerikane ka të bëjë edhe me planet e disa kompanive vajgurore amerikane dhe evropiane për ndërtimin e naftësjellësit, i cili naftën nga bazeni i Detit Kaspik, nëpër Bullgari, Serbi, Kosovë, Maqedoni e Shqipëri do ta transportonte në Evropën Perëndimore.
Edhe më parë është spekuluar në këtë temë, por autoritetet e Uashingtonit e kishin përgënjështruar këtë.
-------------------
------------------------
Oj sharki e lehete si era , a ka ardhur ne Shqiperi pranvera?

[dodoni]

Uashingtoni e quan spekulim lajmin për marrjen me qira të bazave ushtarake jugosllave

Uashington, 16 janar - Departamenti i Shtetit dhe ai i Mbrojtjes së SHBA-ve kanë hedhur poshtë si spekulim të mediave lajmin nga Brukseli për kinse bisedimet e SHBA-ve me autoritetet e Beogradit për marrjen me qira të bazave ushtarake në Jugosllavi. Në Uashington theksojnë se fjala është për një "informacion plotësisht pa bazë" i cili, edhe para një viti është lansuar nga një burim i Brukselit, e pastaj është përgënjështruar nga ana amerikane. Poashtu në Uashington theksohet se meqë RFJ nuk është anëtare e Partneritetit për Paqe, e përjashton mundësinë e një marrëveshjeje bilaterale ndërshtetërore për bashkëpunimin konkret me Beogradin.