Korea Veriut kryen Prova Berthamore.

[Apollyon]

Presidenti Obama dënon provën bërthamore të Penjanit

Presidenti Obama ka dënuar provën e fundit bërthamore të kryer nga Koreja e Veriut.
Duke folur në Uashington, z. Obama tha se komuniteti ndërkombëtarë duhet të ndërmarrë veprime ndaj programit bërthamor të Penjanit.

Presidenti amerikan tha kjo provë është një shkelje e hapët e ligjit ndërkombëtarë, duke përbërë një kërcënim të rëndë për paqen dhe sigurinë në botë.

Media shtetërore në Korenë e Veriut njoftoi më herët se ky vend ka kryer një provë të re me armë bërthamore.

Agjensia zyrtare e lajmeve, (Agjensia Qendrore Koreane e Lajmeve, KCNA) thotë se arma e fundit ishte shumë më e fuqishme nga ajo e testuar në tetor të vitit 2006.

Koreja e Jugut konfirmoi se kishte lokalizuar një dridhje sizmike në veri që sipas saj, e cila të bën të mendosh se është shkaktuar nga një shpërthim bërthamor.

Agjensia e lajmeve e Koresë së Jugut, Yonhap, thotë se Veriu ka testuar një raketë me rreze të shkurtër veprimi disa orë pas testit bërthamor.

Muajin e shkuar Koreja e Veriut u tërhoq nga bisedimet gjashtëpalëshe rreth programit të saj bërthamor.

'Alarm'

Testi i Koresë së Veriut ka alarmuar fqinjët.

Japonia tha se do të kërkonte një mbledhje urgjente të KS të OKB-së ndërkohë që Koreja e Jugut krijoi një ekip krize dhe nisi bisedimet urgjente.

Një zëdhënës për shtabin e ushtrisë tha se trupat janë vendosur në gjendje më të lartë gadishmërie.

Ndërkaq Britania tha se prova shkelte rezolutat e OKB-së.


Lajmi

http://www.bbc.co.uk/albanian/news/2...ma-korea.shtml

[Apollyon]

Koreja e Veriut bën test bërthamor

Media shtetërore në Korenë e Veriut njofton se vendis ka kryer një test të ri me armë bërthamore.
Agjensia zyrtare e lajmeve, (Agjensia Qendrore Koreane e Lajmeve, KCNA) thotë se arma e fundit ishte shumë më e fuqishme nga ajo e testuar në tetor të vitit 2006.

Koreja e Jugut konfirmoi se kishte lokalizuar një dridhje sizmike në veri që sipas saj, e cila të bën të mendosh se është shkaktuar nga një shpërthim bërthamor.

Agjensia e lajmeve e Koresë së Jugut, Yonhap, thotë se Veriu ka testuar një raketë me rreze të shkurtër veprimi disa orë pas testit bërthamor.

Muajin e shkuar Koreja e Veriut u tërhoq nga bisedimet gjashtëpalëshe rreth programit të saj bërthamor.

'Alarm'

Testi i Koresë së Veriut ka alarmuar fqinjët.

Japonia tha se do të kërkonte një mbledhje urgjente të KS të OKB-së ndërkohë që Koreja e Jugut krijoi një ekip krize dhe nisi bisedimet urgjente.

Një zëdhënës për shtabin e ushtrisë tha se trupat janë vendosur në gjendje më të lartë gadishmërie.

Aksionet në bursën e Koresë së Jugut humbën katër përqind të vlerës nga droja se testi do të përshkallëzojë tensionet rajonale.

Nëdrkaq Britania tha se testi shkelte rezolutat e OKB-së.

SHBA nga ana e saj tha se po konsultohej me aleatët dhe Rusia se po ekzaminonte me kujdes të gjitha informatat.

[Enii]

Paskan dale hapur dmth , kishte kohe qe behej zhurme ne fakt ....

[Egnatius]

ketyre i ka ik petlla fare, populli i shkrete nuk ka buke me u ushqu kurse kto teveqelet komuniste shpenzojne leke me thase per misione nukleare

[Erlebnisse]

Perhere derr derr bejne ato e pastaj vetem pluhur mbetet, se i lejn letrat ne tavoline pa u firmos e pa leviz po he. Ligjet nderkombetare aman. Ca ligjesh nderkombetare ka, kur ai qe i ka bere ligjet i shkel vete i pari?! Po hec me, na duhen ndonjehere lajme qe gjoja bejne buje...

[BESIIM]

Po mire more nuk ka ndonje gje te keqe ketu sesht i pari shtet qe ka arm berthmore
Vet keto shtete ja kan dhen paret dhe materialine tash kishe pe denojm

[Apollyon]

Kërkohet reagim i njëzëshëm ndaj Phenianit

Korea e Veriut njoftohet të ketë lëshuar edhe një raketë tjetër pas provës së kryer të hënën me një pajisje të fuqishme bërthamore. Ky zhvillim përkon me përpjekjet për miratimin e një rezolute nga Këshilli i Sigurimit të Kombeve të Bashkuara për dënimin e programit bërthamor të Koresë së Veriut.

Sekretarja amerikane e shtetit, Hillary Clinton, ka zhvilluar takime me homologët e saj në Rusi, Kinë, Japoni dhe Australi.

Një zëdhënës i Departamentit të Shtetit, Ian Kelly, tha se Uashingtoni ishte i kënaqur nga reagimi shumë i fortë i Kinës dhe Rusisë. Ai tha se, megjithatë, Korea e Veriut i ka dyert e hapura për t'u kthyer në tryezën e bisedimeve.

"Ne do të dëshironim të shihnim një ndërrim kursi nga ana e Koresë së Veriut. Nga ana tjetër, ne besojmë se duhet të paguajë një çmim për veprimet provokative të ditëve të fundit", tha zëdhënësi i Departamentit të Shtetit, Ian Kelly.

Korrespondentja e BBC-së pranë Departamentit të Shtetit, Kim Ghattas thotë se fjalët e zotit Kelly dëshmojnë nevojën e ruajtjes së një ekuilibri delikat në marrëdhëniet me regjimit e Koresë së Veriut. Kina, p.sh., është në kufi me Korenë e Veriut dhe shqetësohet nga ushtrimi i një presioni shumë të madh mbi qeverinë e Phenianit.

Është e paqartë se çfarë masash mund të merren dhe se si mund të reagojë Korea e Veriut. Një nga mundësitë është forcimi i sanksioneve që janë në fuqi dhe inspektimi, për herë të parë, i mallrave të import-eksportit të Koresë së Veriut.

Qeveria e Phenianit ka kërcënuar ndërmarrjen e veprimeve ushtarake kundër Koresë së Jugut, nëse Seuli fillon kontrollin e anijeve koreano-veriore, sipas një nisme amerikane për verifikimin e anijeve që dyshohen për transportimin e armëve të shkatërrimit në masë.

[Apollyon]

Korea e Veriut kërcënon Seulin me veprime ushtarake

Korea e Veriut e ka quajtur si shpallje lufte pjesëmarrjen e Koresë së Jugut në një inisiativë ndërkombëtare për pengimin e përhapjes së armëve të shkatërrimit në masë. Forcat e armatosura sqaruan se do të reagojnë me mjete ushtarake në rast se në kuadër të këtij programi Korea e Jugut ndalon dhe vë nën kontroll anijet koreano-veriore. Në deklaratën e publikuar nga agjensia shtetërore e lajmeve KCNA thuhet më tej se Korea e Veriut nuk e konsideron të vlefshme marrëveshjen për armëpushim pas luftës së Koresë. Qeveria e Koresë së Jugut deklaroi të martën se do të marrë pjesë në programin e drejtuar nga Shtetet e Bashkuara të Amerikës i cili është miratuar në vitin 2003 për të penguar vendet si Korea e Veriut apo Irani që të tregtojnë raketa dhe teknologji bërthamore.

[Apollyon]

Pas testeve koreanojugore Netanjahu ndjehet i konfirmuar në politikën e tij kundrejt Iranit

Prova e dytë bërthamore e Koresë së Veriu ka shkaktuar reagime të ashpra në mbarë botën. Edhe Izraeli reagoi i shqetësuar dhe e vlerësoi njëkohësisht si të drejtë politikën e tij ndaj Iranit.

Për shkak të veprimeve arbitrare të Koresë së Veriut kryeministri izraelit, Benjamin Netanjahu, ndjehet i konfirmuar në politikën e tij kundrejt Iranit. Kërcënimi bërthamor nga të ashtuquajturat 'shtete burim pasigurie' si Koreja e Veriut apo Irani janë për Netanjahun sfida më e madhe. Nëse Izraeli nuk e neutralizion kërcënimin iranian atëherë këtë nuk do ta bëj askush, tha Netanjahu gjatë një mbledhjeje të grupit parlamentar të partisë Likud. Asnjë vendi nuk i është rrezikuar siguria sa Izraelit. Andaj është urgjentisht e nevojshme të përgatitet një përgjigje për sfidat që vijnë nga Irani, tha Netanjahu.

Izraeli nuk jeton në kohë normale, sqaroi kryeministri izraelit. Rreziku i vërtetë qëndron në nënvlerësimin e kërcënimit që vjen nga programi bërthamor iranian. Sipas kryeministrit, tani detyrë e tij kryesore është sigurimi i të ardhmes së Izraelit. Dhe evitimi i këtij rreziku është detyrë e udhëheqjes politike. Ministri i Jashtëm, Avigdor Liebermann, e mbështet kryeministrin Netanjahu.

Për radion e ushtrisë izraelite ai tha: "Duhet vepruar me grusht të hekurt kundër të gjitha përpjekjeve të regjimeve si Korea e Veriut apo Irani që ato të mos jenë në gjendje të përdorin armë jokonvencionale."


Me retorikën e tyre luftarake Libermani dhe Netanjahu distancohen indirekt nga vija politike e presidentit amerikan Barack Obama, i cili në politikën ndaj Iranit parapëlqen një zgjidhje diplomatike. Nga ana tjetër Netanjahu ka deklaruar edhe publikisht se është i një mendjeje me presidentin Obama se qëllimi më i rëndësishëm për Shtetet e Bashkuara të Amerikës dhe Izraelin është të pengojë armatosjen bërthamore të Iranit.

Autor: Sebastian Engelbrecht/Esat Ahmeti
Redaktoi: Pandeli Pani

Per DW .

[Dito]

Veprim teper alarmant, mbase amerika dhe vendet aleate te saj duhet te ndermarrin hapa drastike kundrejt ketij vendi.

Gjithsesi jam i bindur qe populli i shkrete do te heqe hallet. Per me teper eshte teper e veshtire te sulmosh nje vend i cili posedon arme te tilla pasi kjo mund te kete nje kunder reagim te dhimbshem nga pala e sulmuar, dhe ata qe do ta pesojne do jene vetem koreanet.


Dito.