Berisha: Qindra organizata kriminale u shkatërruan ne 4 vjet

[REALIST]

Qindra organizata kriminale u shkatërruan dhe mijëra anëtarë e drejtues të tyre u vendosën para drejtësisë


Lufta ndaj krimit e ktheu Shqipërinë ndër vendet më të sigurta në Ballkan


Forcimi e garantimi i rendit e sigurisë publike, individuale e komunitare kanë përbërë angazhimin parësor të mazhorancës së djathtë në mandatin e parë të saj qeverisës. Motoja e qeverisë në këto katër vjet kundër këtij fenomeni ka qenë, "Tolerancë zero ndaj krimit". Lufta kundër krimit të organizuar, trafiqeve në përgjithësi dhe atyre të drogës e qenieve njerëzore në veçanti, si dhe lufta kundër pastrimit të parave kanë patur një përparësi absolute. Për këtë qëllim, janë bërë edhe ndryshime ligjore në Kodin Penal për dënime maksimale dhe nivel të prerë dënimi për këto vepra penale. Shqipëria ka përmbushur në mënyrë aktive dhe të përkushtuar të gjitha detyrat dhe përgjegjësitë e saj në luftën globale kundër terrorizmit, si rreziku dhe armiku numër një i paqes, sigurisë dhe jetës së popujve. Krimi ordiner është ndëshkuar dhe lufta kundër tij është gërshetuar edhe me masa efektive parandaluese. Qytetet, fshatrat, rrugët, rrugicat, bankat e bizneset, lokalet dhe stadiumet dhe çdo cep i vendit tashmë janë tërësisht të garantuar dhe të sigurta më shumë se kurrë. Tashmë, siguria publike është tërësisht solide dhe e plotë. Në qytetet e mëdha është invetsuar në sistemet e monitorimit të pandërprerë elektronik. Organet e rendit publik i janë nënshtruar një reforme të thellë në organizimin, shpërndarjen, komandimin, marrëdhëniet me komunitetin, përgatitjen profesionale dhe sigurimit të burimeve njerëzore, si dhe do të bëhen të afta të japin edhe shërbime speciale të sigurisë. Siguria rrugore është trajtuar gjithashtu me përparësi të madhe. Krahas përmirësimit të cilësisë së rrugëve dhe sinjalistikës rrugore në përputhje me standardet europiane, përfshirë zbatimin e procedurave të auditimit të rrugëve që nga momenti i projektimit e deri në realizim, forcimi i displinës së qarkullimit rrugor, pajisja me leje qarkullimi bazuar në testime realiste dhe të pakorruptuara të drejtuesve të mjeteve nëpërmjet përmirësimit të sistemit të autoshkollave, ristrukturimi i kontrollit teknik të mjeteve dhe edukimi masiv me rregullat e qarkullimit të të gjithë grupmoshave, veçanërisht të moshës shkollore, kanë qenë disa nga drejtimet kryesore.


Forcimi i kapaciteteve institucionale e njerëzore për zbatimin e ligjit

Zbatimi i ligjit ka kërkuar rritjen dhe fuqizimin e kapaciteteve institucionale. Në këtë kuadër, qeveria i ka kushtuar një rëndësi të shkallës së profesionalizmit të zyrtarëve të përmirësimit të teknologjisë dhe mjeteve në dispozicion në çdo institucion e në radhë të parë, të atyre të rendit publik e të sistemit të drejtësisë. Ngritja profesionale e zyrtarëve do të kombinohet me ristrukturime institucionale dhe me ngritjen e strukturave të specializuara e të mirëpajisura me teknologji bashkëkohore. Ndërkaq, është fuqizuar shkalla e bashkëveprimit e bashkërendimit institucional. Në veçanti, në lidhje me organet e rendit publik do të ndërmerren reforma të veçanta, si rritja e kontrollit të kufijve, tokësore, detare, ajërore. Ky kontroll është kryer nga integrimi i Policisë Kufitare me Policinë e Rendit, me autonominë e nevojshme, si dhe një bashkërendim efektiv i të gjitha institucioneve të tjera të rendit, mbrojtjes dhe shërbimit doganor e tatimor. Është bërë me sukses riorganizimi territorial i shpërndarjes së forcave të rendit për të mundësuar sigurinë publike në çdo njësi territoriale e në veçanti në ato pjesë të vendit ose të zonave urbane me kriminalitet të lartë. Reforma në organet e rendit ka siguruar depolitizimin dhe spastrimin e radhëve të këtyre organeve nga punonjës të korruptuar e të inkriminuar, riorganizimin e tyre, të marrëdhënieve të këtyre organeve me komunitetin, arsimimin, pajisjet dhe përgatitjen e tyre profesionale.


Modernizimi i sistemit të informacionit dhe dokumentacionit

Zbatimi i ligjit ka kërkuar një sistem modern të informacionit dhe dokumentacionit, i cili i përgjigjet në kohë reale dinamikës ekonomike dhe sociale, është i integruar, i saktë dhe lehtësisht i aksesueshëm. Për këtë qëllim, qeveria është angazhuar plotësisht për një kompletim përfundimtar të regjistrave të dixhitalizuar të Gjendjes Civile, të pasurive të tokës, si dhe pajisjen përfundimisht të shqiptarëve me dokumentet bazë të identifikimit, letërnjoftimet elektronike, pasaportat biometrike të standardeve europiane. Krahas këtyre sistemeve bazë, qeveria do të investojë vetë ose në bashkëpunim me institucionet përgjegjëse në sisteme të tjera të informacionit, si ato të krimit e investigimit të deklaratave fiskale të vendimeve gjyqësore të qarkullimit të njerëzve, të adresave etj.


Asnjë zyrtar i kësaj qeverie nuk rezulton i lidhur me krimin

Zbatimi i ligjit fillon nga vetë shteti. Institucionet shtetërore gjatë këtyre katër viteve kanë qenë të parat që kanë regjistruar dhe zbatuar me rigorozitet respektimin e detyrimeve ligjore. Situata e vitit 2005, ku zyrtarët ndjeheshin mbi ligjin, imunitarët përdornin imunitetin për dhunimin e tyre, ku institucionet shtetërore nuk zbatonin vendimet e formës së prerë të gjykatave dhe nuk shlyejnë detyrimet ndaj qytetarëve dhe bizneseve falë kësaj qeverisjeje, mori fund. Zyrtarëve të çdo institucioni shtetëror në këto vite iu kërkua më shumë se kujtdo tjetër zbatimi i ligjit.

rilindja demokratike

[juanito02]

Mos genjeni mor njerez per ato banda. Po ato te Olldashit e te Mediut pse si kapni more apo keni zgjedhjet perpara.
Po njerezit i kan ne balle syte more !
Mire bete qe i kapet bandat roze, po ato blute pse si zini.

[Brari]

ne fakt asnje band roze nuk eshte kapur o juan..

gjith te kapurit jan blu..

sepse nuk te kap saliu po sallak edvin miu e ine ram ramiz nexhmiu..

berisha flet kot..

ne shqiperi te kap vetem ps-ja.. historikisht..
ajo ka kapur e do kape ate qe do..

pik..

pse anteresohen mileti ne ps..

pikerisht se aty nuk te gjen gje..

dhe pasurohesh dhe mbrohesh..

ju lumte..

gjith ps -ja e di se kush e vrau xhindin.. po nuk e kapin sepse edvinit nuk i duhet vrasesi i vertete.. por nje i sajuar per votime.. pra duhet te jete me biografi pd-iste..
sic duket vrasesi eshte ps-ist.. dhe nuk i leverdis ps-se sepse botes i ka thene se -..ja moj bote si na i vret deputetet saliu..
ki eshte problemi..

mbani mend kur ta sajojne vrasesin e xhindit..shi po nuk e nxorren .. "komisioner" pd-je ne roskovec per Pd-ne.. dhe qe gjat nje mitingu te berishes andej ai ka qene roje gardhi..ose mbante nje parulle..rrofte pd-ja.. dhe do gjej erioni veli ose brace me ine ramen.. se bashk punojne.. ca foto ku duket ki "vrasesi" duke u puthur me ndonje sali a joz a emin gjan..

me kte pun po merret ruci..shefi i ina rames....

[Astrit Kosturi]

Me pare duhet bere marreveshja per fjalen "Bande".

Krimi, nuk ka ngjyre, por ashtu edhe bandat kriminale. Prandaj, edhe ato qe jane goditur mire jane bere, edhe pse nuk e dime se nese jane banditet e vertete, apo viktimat e tyre. Sepse, ata qe u akuzuan per vite me radhe dhe qe mbas vitit 2005, u bene miqte me te afert te pushtetit dhe s'u be fjale më per t'i çuar para drejtesise, më bejne te besoj se banda e vertete eshte vete shteti.
Une kam denoncuar nje grup kriminal dhe po behen vite, që jo vetem nuk don t'ia dije njeri, por inkriminohen te tjere, duke e rritur rrethin e te inkriminuareve.
Kane dijeni që nga Berisha, institucionet prane tij dhe gjithe hierarkia shteterore, dhe e kane per zemer më shume te behen pale me krimin.
Mund t'ua kaloj dokumentat dhe provat edhe ne kete forum siç mund te shihni edhe tek www.programihapur.com, por ç'mund te beni ju te nderuar miq?
Une, e kam te faktuar dhe perseri them se kryebanditet, jane me kollare, ato goditjet qe reklamohen jane sa per imazh, aq sa i duhet shtetit per te sunduar.

[daja shneq]

sali berisha nuk mund ta trem macen nga persheshi,po deshti psja e ben prap kryeminster po deshi e largon ,sala eshte vari k

[beni67]

Mos genjeni mor njerez per ato banda. Po ato te Olldashit e te Mediut pse si kapni more apo keni zgjedhjet perpara.
Po njerezit i kan ne balle syte more !
Mire bete qe i kapet bandat roze, po ato blute pse si zini.

Se paska patur edhe olldashi bande tani e mora vesh, pa le edhe Mediu! Po me cfare jane marre keto banda o Juanito? na e thuaj meqe i ditke keto gjera. Keshtu e ndihmon edhe edin, jemi apo nuk jemi ne fushate?

[juanito02]

Ja djale po te ndricoj pak meqe deshe
Nj gje eshte e sigurte nuk e bej per Edin po per shqiptaret.


Raporti "Olldashi", lidhjet me krimin (Shekulli)
zoom Pjesa e pare / Emra dhe rrethana konkrete, për lidhjet direkte me deputetin-ministër
Raporti në duart e amerikanëve: Sokol Olldashi, i implikuar rëndë me botën e krimit në Shijak

Fillimi i raportit...:

Rexhep ARAPI, banor në Katund Sukth, me nofkën "KEPI" ka një listë penale si me poshte:

Në vitin 1991 (në mars), ka vrarë në Portin e Durrësit, për shkaqe gjakmarrjeje, qytetarin A. Çyrbja, banor i fshatit Katund Sukth; është arrestuar për këtë krim në 1994 dhe është liruar për mungesë provash.

Në Prill 1997, në bashkëpunim me Gëzim Aleksin, banor i Katër Rrugët e Shijakut (i arrestuar për vjedhje me armë dhe i dënuar me 12 vjet burgim, është në proces gjykimi si anëtar i Bandës së Kanunit) kanë rrëmbyer me qëllime përfitimi ortakun e biznesit, Lul Alimadhi (Firma e Këpucëve në Qendër Sukth) dhe e kanë liruar mbasi kanë marrë shpërblimin prej 150 milionë lirash italiane.

Në Prill 1997, bashkë me Zamir Çyrbe nga Katundi Sukth, ka vrarë nipin e çim Xhijes (ortaku i Lul Alimadhit), i cili ishte në të njëjtën kohë truproja e Lulit; vrasja është kryer në Qendër Sukth, e pazbuluar.

Nga 1998 deri në 2001, ka qenë një nga organizatorët kryesorë të trafikut të grave me qëllim prostitucioni, që vinin nga vendet e ish-Bashkimit Sovjetik; në 1999 është hetuar nga Zyra e Prokurorit të Përgjithshëm në Fier dhe gjatë kërkimit, në magazinat e tij përgjatë autostradës në Fermë Sukth, janë gjetur të strehuara dy vajza nga Moldavia. Zyra e Prokurorit të Përgjithshëm në Fier, e mbylli çështjen.

Në 2003, bashkë me bandën e tij kriminale, u përpoqën të vrisnin qytetarin Xhevdet Plaku, banor i "Lagjes 15" në Durrës, në afërsi të vendbanimit të tij, për shkak se ky i fundit kishte vrarë vëllanë tjetër të Kepit, në Torino, për shkaqe droge. Armët e krimit janë gjetur dhe Zyra e Prokurorit të Përgjithshëm në Durrës, po e ndjek çështjen.

Ai është një nga trafikuesit kryesorë të femrave, armëve dhe drogës që kalojnë nga Shqipëria për në Itali, Gjermani dhe Holandë. Ai tashmë i ka shkatërruar magazinat përgjatë autostradës në Fermë Sukth dhe po ndërton një objekt gjigant shumëkatësh, me anë të përfitimeve nga aktivitetet e trafikimit të lartpërmendur.

Ka të dhëna në këto momente, se Interpoli Spanjoll ose Portugez, ka botuar fotografinë e tij, si person i kërkuar për trafikim ndërkombëtar droge. Ai është një nga miqtë më të ngushtë të Ministrit të Punëve të Brendshme, S. Olldashi, të cilin e takon të paktën dy herë në javë, kur darkojnë bashkë ose në shoqërinë e anëtarëve të tjerë të grupit. Ata mbahen në kontakt nëpërmjet shoferit të Olldashit, Lali, njeriu i tij më i besuar. Ky person është i rrezikshëm dhe i dëmshëm, i regjistruar në arkivat e policisë si person me tendenca të rrezikshme kriminale, si vrasje dhe trafikim droge e prostitucioni.

Klani "XHAKJA", me vendndodhje në Katund Sukth, kanë një listë penale si më poshtë:

Në 1994, qytetari Ilir Xhakja ka qëlluar me armë në lokalin e Qerim Malokut, në fshatin Sukth, është arrestuar, por më tej është liruar. Gëzhojat e gjetura në skenën e krimit, korrespondojnë me ato të gjetura në skenën e krimit të vrasjes së qytetarëve Gentian Gjoka dhe Petrit Lyti në 1998, në fshatin Hamallaj; çuditërisht, e pazbuluar.

Në 1998, banda Xhakja (Ilir, Agim etj.) kanë vrarë në fshatin Hamallaj qytetarin Gentjan Gjoka (nip i Dash Gjoka) dhe Petrit Lyti, mik i Gentit, të dy nga Hamallaj; ngjarje e pazbuluar.

Në 1998, Ilir Xhakja, bashkë me persona të tjerë kanë vrarë qytetarin Qerim Maloku në Katund Sukth, një ngjarje që është zgjidhur në vitin 2003, kur u gjend arsenali i armëve të bandës "Xhakja". Ai po hetohet për këtë vrasje. Z. Olldashi po kujdeset personalisht që kjo çështje të mbyllet, si shpërblim për ndihmën që ka dhënë klani "Xhakja" gjatë zgjedhjeve të 2005. Kjo ngjarje është në gjykim pranë Gjykatës së Krimeve të Rënda në Tiranë, ku ndër dëshmitarët okularë, përfshihen edhe ish-oficerët e policisë, Urim Koka (SPZ në atë kohë, i arrestuar tashmë në Itali dhe i dënuar me 15-vjet burg për trafik prostitucioni) dhe Maksut Zhiti (SPK në atë kohë); të dy miq të Xhakajve; ky i fundit është emëruar nga Olldashi, si drejtor i Rezervave Shtetërore në Durrës, si shpërblim për nderin e bërë.

Në 1998, Ilir Xhakja ka vrarë, në prani të shumë dëshmitarëve, qytetarin E. Shega nga Peqini, gjatë varrimit të kushëririt të tij (i biri i dajës) Agim Xhaka, vëllanë e Arbenit, sepse E. Shega kishte vrarë Agimin në Krrabë, Tiranë, katër vite më parë, për shkak trafikimit të femrave në Itali. Kjo çështje është po ashtu e pazbuluar, pavarësisht se është kryer në publik. Të dy ish-policët, U. Koka dhe M. Zhiti, kanë qenë të pranishëm në vrasje.

Në korrik 1999, i gjithë klani Xhakja (Azem, Ilir, Bardhi - zv.kryetar i Komunës së Katundit të Ri, Genti dhe bashkëpunëtorë të tjerë) kanë qëlluar të gjithë anëtarët e klanit Maloku, me anë të një arsenali që përfshinte edhe tanke, duke u shkatërruar edhe shtëpitë. Ata u arrestuan nga forcat speciale dhe armët e tyre u konfiskuan, përfshirë këtu mjete të blinduara dhe gjithashtu dy femra moldave. Mbas gjashtë muajsh burgim, Zyra e Prokurorit të Përgjithshëm në Durrës i liroi. Kjo ngjarje u bë e njohur dhe si rrjedhojë, avokati i zyrës së Prokurorit të Përgjithshëm në Durrës, Shkëlqim Xhemollari, u përjashtua nga puna.

Në mars 2003, Ilir Xhakja dhe të tjerë kanë vrarë qytetarin Rudin Shahini nga Katundi Sukth në Sallmone, për t'u hakmarrë mbas daljes së këtij nga burgu pasi ai kishte vrarë xhaxhanë e tij, Hamdi (babanë e Arbenit). Gjatë kësaj ngjarjeje u konfiskua një arsenal armësh të llojeve të ndryshme dhe ekspertët arritën në përfundimin, se një nga armët ishte përdorur në vrasjen e Qerim Malokut në 1998. Edhe kjo ngjarje është e pazbuluar.

Të gjithë anëtarët janë të përfshirë në trafik femrash, droge dhe armësh, si në Shqipëri ashtu edhe në Itali. Shumica e klanit "Xhakja" kanë tendenca të theksuara kriminale për vrasje, trafik droge dhe prostitucioni.

Në Mars 2006, pati një përpjekje për të sulmuar Fatbardh dhe Arben Xhakajn në fshatin Sallmone, në komunën Xhafzotaj, ku Arbeni u plagos. Sipas informacioneve të policisë, ata u qëlluan për shkak të tregut të drogës në Durrës. Ata kanë marrë me qira një klub me emrin "Fosfor Club", i cili ndodhet pranë Drejtorisë së Policisë të Rrethit të Durrësit, që është edhe vendi ku furnizohen të gjithë shpërndarësit e drogës në Durrës, pasi policia lokale nuk guxon të hyjë në këto ambiente, sepse ky klan dhe anëtarët e tij, njihen si miqtë dhe mbështetësit më të ngushtë të M.B. S., Olldashi. Mjetet që përdoren nga ky klan për të lëvizur, janë nga llojet më të fundit, si një "Mercedes" kabriole, gri, me targa italiane, një "Mercedes" blu, me targa DR 5255 D, një "Mitsubishi Pajero" me targë Durrësi etj. Të gjitha këto mjete nuk kanë dokumentacion, dhe janë të vjedhura në Itali.

Dashamir GJOKA dhe klani i tij, me banim në fshatin Sallmone, kanë një listë penale si më poshtë:

Në vitin 1996, D. Gjoka ka vrarë një qytetar nga Shkodra me mbiemër Zefi, në Itali, duke i prerë kokën për shkak trafikimi femrash. Ai është larguar menjëherë nga Italia dhe është kthyer në Shqipëri; nga ajo kohë, nuk është kthyer më në Itali; është marrë me ndërtimin e Supermarketit të Sallmone. Shkodranët kanë ardhur disa herë në Shijak, me qëllim për ta vrarë.

Në 1998, në bashkëpunim me qytetarin Arben Haki Tollja, banor në Fermë Xhafzotaj (njihet me nofkën "Zjarrmi", tashmë i arrestuar për shumë përdhunime studentesh në Tiranë) kanë vrarë vajzën e vëllait të qytetarit, Zyrafet Murati (nga Kusi) dhe qytetarja Silvana Murati nga Shijaku, është plagosur rëndë (ajo tashmë punon si pastruese dhe si prostitutë, për miqtë VIP pranë Supermarketit "Gjoka"), është arrestuar në 1998, por është liruar mbas 11-muajsh burgim, për shkak të mungesës së provave.

Në 1999, D. Gjoka, në bashkëpunim me klanin e tij, kanë qëlluar një mjet në pronësi të Ilir Xhakajt në fshatin Sallmone, ku si pasojë, qytetari Veli Rexha është vrarë dhe vëllai i tij është plagosur rëndë. Të dy këta, janë banorë të Katundit të Ri dhe vëllezër të Qamil Rexhës. Kjo është ngjarje akoma e pazbuluar, pavarësisht se provat ishin të shumta.

Nipërit e tij, Beonard dhe Mandrin Hyqmet Gjoka, janë shpërndarësit kryesore të drogës në qytetin e Shijakut, Fermë Sukth, Durrës dhe Tiranë, dhe mbajnë edhe disa vajza që punojnë për `ta në Itali. Njëkohësisht, Mandrini është arrestuar në 2004, si i dyshuari kryesor për vjedhje me armë në fshatin Xhafzotaj, ngjarje që rezultoi në vdekjen e qytetarit Jaho Smoqi. Ai qëndroi në burg, për rreth një muaj dhe tashmë Gjykata e Krimeve të Rënda po shqyrton çështjen e tij në gjendje të lirë. Fatbardh Xhakaj u arrestuar për këtë çështje dhe qëndroi në burg për dy javë, pasi emri i tij u përmend nga Fatos Balla, personi fajtor për krimin, i cili tani është në paraburgim. Beonard është dënuar në Itali, në qytetin e San Benedetto, për trafikim droge dhe femrash. Në këtë moment, me anë të përfitimeve nga shitja e drogës, është duke ndërtuar një vilë trekatëshe në fshatin Sallmone. Ai ishte anëtar i Komisionit të Qendrës Zgjedhore nr.1406 në Sallmone, për z.Olldashi. Të dy vëllezërit, tashmë lëvizin duke mbajtur armë në makina të vjedhura dhe të viteve të fundit, duke shpërndarë drogë në Durrës dhe Shijak, si dhe transportojnë drogë në Itali përmes personave të tjerë. Mandrini shpesh shkon në Itali për të tërhequr paratë, meqë Z. Olldashi i ka siguruar një vizë Schengen gjermane. Gjithashtu, ata janë vënë në dukje nga Policia e Shtetit, si kontingjent i rrezikshëm kriminal me tendenca të theksuara kriminale si: Vrasje, Drogë dhe Trafikim Prostitucioni.

D. Gjoka ka qenë dhe është një nga trafikantët më të mëdhenj të femrave, me qëllim prostitucioni, për në Itali. Shefi i vajzave në Itali, ka qenë një vajzë nga Vlora, me emrin Linda, tashmë gruaja e Dashit dhe ata kanë dy fëmijë. Vëllai i saj, Miri, punon te Supermarketi si shefi i llogarisë. D. Gjoka është regjistruar nga Policia e Shtetit për Trafikim Ndërkombëtar Droge dhe Femrash, me qëllim prostitucioni, vrasje, etj.

Supermarketi "Gjoka" është qendra kryesore e trafikimit të drogës që vjen nga Turqia dhe Maqedonia, dhe është baza e shpërndarjes për shumë grupe kriminale në Durrës dhe Tiranë, dhe është gjithashtu vendi ku furnizohen makinat që transportohen në Itali. Dashi është pronar i një mjeti të blinduar, me targë DR 51 90 C. Duhet të theksohet se Dash Gjoka është burimi kryesor për furnizuesit e drogës për të gjithë Shqipërinë, sepse është i njohur si një mik i ngushtë dhe mbështetës financiar i M.B. S. Olldashi. Ky i fundit, takohet me Gjokën gati çdo javë. Shpesh, deputetët e PD-së, Bamir Topi, Ridvan Bode dhe S. Olldashi, shkojnë të darkojnë ose të furnizohen pranë këtij Supermarketi, meqë janë miq të ngushtë të Dashit.

Ushtari kryesor dhe më besnik i tij është shoferi i tij, qytetari Artan Rami Bode, banor në Xhafzotaj, nipi i deputetit Ridvan Bode. Gjithashtu, duke qenë figurë kryesore ai kryen porosi të Olldashit, në lidhje me trafikun e drogës dhe femrave. Artani, bashkë me vëllanë më të madh të Dashit, Nazmiun (i quajtur Nexhi) bëjnë kontrabandë mallrash në Portin e Durrësit; të dy kanë qenë anëtarë të Komisionit të Qendrës së Votimit nr.1402 për z.Olldashi.

Gjoka, ka edhe disa lidhje të tjera miqësore, si Hekuran Hoxha (Roni) dhe Fundim Dedja, të dy të dënuar në Itali dhe në vende të tjera, për trafik droge, drejtuar për në territorin italian. Tani, Gjoka është kryetari i zonës Komunë Xhafzotaj-Shijak dhe më gjerë, ku të gjithë shpërndarësit e drogës furnizohen nga ai. Prova të shumta dëshmojnë për një arsenal armësh të sofistikuara të ndodhur në banesën e tij, si dhe për një kasafortë të sigurisë së lartë, që mban miliona euro në valutë. Duhet theksuar, se droga e Gjokës kalon përmes Portit të Durrësit dhe Vlorës, dhe gati çdo ngarkesë që ndalohet në Itali është e Gjokës, dhe të gjithë personat e arrestuar punojnë për të.

Vëllezërit Gëzim dhe Besnik Sijoni, banorë të fshatit Xhafzotaj, kanë një listë penale si më poshtë:

Në vitin 1994, G. Sijoni është përpjekur të vrasë qytetarin Pëllumb Hoxhaj, por arriti vetëm ta plagosë në këmbë. Ai nuk është arrestuar as sot; kjo çështje nuk është ngritur kurrë në familjen Pëllumbi, apo të afërmit e tyre.

Në vitin 1997, G. Sijoni bashkë me vëllanë e tij, Besnik, janë përpjekur të vrasin ish-kunatin e tyre (vëllanë e vogël të Arben Vorës, pasi ai kishte lënë motrën e tyre, pasi ishin fejuar) në mes të qytetit të Shijakut. Çështja u hap; dy personat në fjalë u identifikuan dhe u shpallën të kërkuar nga policia, por ata nuk u arrestuan kurrë. Zyra e Prokurorit të Përgjithshëm në Durrës, e mbylli çështjen.

Në 1997, vëllezërit Sijoni kanë marrë me armë "Filanton" dhe kanë fituar shuma të mëdha parash për ruajtjen e saj; ata e ruajnë edhe sot. Për këtë qëllim, Gëzim ka marrë lejen për krijuar Polici Private, me ndihmën e mikut të tij S. Olldashi.

Të dy vëllezërit Sijoni merren me trafikim droge për në Itali dhe mbajnë tre vajza që punojnë për ta si prostituta në Itali (një nga `to është nga Burreli). Ata gjithashtu janë furnizuesit më të mëdhenj të drogës në Tiranë, ku kanë lidhje të ngushta familjare. Të dy vëllezërit janë dënuar në Itali për trafikim droge, por urdhrat e Italisë nuk janë zbatuar, pasi ata janë miqtë e ngushtë të S. Olldashit, si dhe mbështetësit kryesorë të fushatës së tij. Ata gjithashtu janë vënë në dukje nga Policia e Shtetit, si kontingjent me tendenca të rrezikshme kriminale si: Vrasje, Trafik Droge dhe Prostitucioni.

Tani, bashkë me vëllezërit Tusha, ata lajnë para përmes projekteve të ndërtimit të zonën e Shkëmbit të Kavajës, në Durrës. VIJON NESER...

Kush eshte burimi i raportit "Olldashi"?

Ky qe po botojme sot, pa nderhyrje redaksionale, është një raport konfidencial, i cili ndodhet tashmë në zyrat e CIA dhe FBI Amerikane, si dhe në Ambasadën Amerikane në Tiranë, i dërguar gjithashtu për vetë Olldashin nga shqiptaro-amerikani i njohur, Geri Kokalari.

Zoti Kokalari, bashkëngjitur me këtë raport që kompromenton rëndë ministrin e Brendshëm të vendit dhe njëkohësisht kandidat për Bashkinë e Tiranës, Sokol Olldashin, ka dërguar një letër konfidenciale për Olldashin, pjesë nga e cila "Shekulli" botoi dje.

Kokakari thotë në letrën e tij, që ky raport shumë i hollësishëm për lidhjet mes klaneve të Shijakut dhe deputetit të zonës Olldashi, është i dyti në radhë. Një raport i mëparshëm (ku flitej për të dhëna korruptive të ish-kryeministrit Nano) i është dhënë z.Kokalari nga një këshilltar i Berishës dhe i eshte derguar gjithashtu prej Kokalarit, Olldashit.

Kokalari i shkruan Olldashit: "...Në 3 dhjetor 2006, në vijim të komenteve të tua publike në mbështetje të kandidaturës së F. Nanos për President, ju kam dërguar disa materiale të bashkëngjitura, të përgatitura nga një këshilltar i Berishës...". Dhe më tej në e-mailin e tij për Olldashin, Kokalari shkruan: "...kam mundur të siguroj një tjetër raport, i cili është i bashkëngjitur këtu, në mënyrë që ju të mund ta lexoni. Ky raport, i ngjashëm me atë që Këshilltari i Berishës kishte përgatitur, rendit gjithashtu një sërë akuzash...". Pra, autorësia e raportit të parë kompromentues, është e qartë: Një këshilltar i Berishës.

Po ky raport i dytë, që tashmë ndodhet në zyrat e amerikanëve, nga kush është përgatitur? Redaksia u lidh via email me z.Kokalari, për ta pyetur atë, se cili është burimi i raportit të dytë dhe si ka rënë ai në duar të tij. Përgjigja e shqiptaro-amerikanit të njohur edhe për mbështetjen e tij në fushatën opozitare te Berishës, u përgjigj: "..Raporti "Olldashi" më është dhënë në koenfidencë...". Më tej në pergjigje, duke cituar raportin e parë për Nanon, ai shton: "..Ndaj, pyetja që kam për Olldashin, është: E konsideron Saliun burim të sigurtë…?".

[B.C.B]

nuk di per qka po flitni veq para 4 dite nje person na nxorri pistoleten ne durres,mu ne qender.ishim disa Plisa nga Prishtina patem nje mosmarrveshje me te dhe e nxorri pistoleten thirrem policine,ofendoi edhe policine.per kte siguri flisni ju?siguri me sa pash un vetem ne Tirane ka,vendet tjera jane MOS VET.

[Astrit Kosturi]

Falenderojmë ZOTIN, që na ka ruajtur deri tani!
Vetem nje gje eshte e sigurte, që në çdo moment na shoqeron pasiguria!
Gjithçka ecen per inerci, pa kurrefare rregulli, te fortet te marrin shtepine, te marrin punen, por te marrin edhe jeten dhe s'i japin kujt llogari...
Here pas here degjojme se goditen banda e banditë, si ato grupet antiparti të para '90-ës, sa per të ruajtur imazhin ky shtet i poshtersive dhe i puneve te pista.
Shqetesuese sot, problemi, halli i vertete dhe kriminelet dhe banda e vertete kriminale sot, që ka mbarsur me nje rrezik potencial gjithe shoqerine shqiptare, eshte shteti dhe pushteti i Sali Berishes. Arrij ne kete konkluzion, jo vetem nga njerezit e inkriminuar, te korruptuar dhe me precedente kriminale që perbejne kete zinxhir që nga qendra e deri ne baze, por nisur nga veprimet e tyre prej vitesh me radhe, që jane kriminale dhe suporti kryesor i krimit të organizuar.
Ja disa drejtime:
- Mbeshtetja e jashtzakonshme nga Berisha, e te kallezuarve penalë, e te akuzuerve per korrupsion dhe afera te pista. Ketyre u jepet pushtet, vihen te paret ne lista dhe mbeshteten per te qene te pathyeshem.
- Goditja e pameshirshme e te drejtes, e te vertetes dhe njerëzve qe luftojne per drejtesi.
- Mbajtja ne kembe e nje sistemi a instituti, ku perpunohen e prodhohen shpifje, mashtrime, intriga dhe djallezira per te çorroditur njerezit dhe per të mare serish pushtetin.
- Sponsorizim, dhurim, privilegje, perfitime te paligjshme dhe vjedhje me metoda shteterore, ne favor te njerezve te fuqishem te rajonit, Evropes dhe Sh.B.A, sa per te mbajtur ne syte e botes nje imazh fallso, apo per te shkruar ndonje rresht inkurajues në ato raportet e tyre, si te jene çelesi dhe magjia që ndryshojne jeten tone.
- Shpenzimet marramendese te kesaj fushate mashtruese, me veprime, fjale e fjalime mashtruese, me shirita që priten me dashje e qellim per te marrë voten e per te mbajtur pushtetin me metoda te kundraligjshme.
Montime kantieresh per pune te medha dhe pas prerjes se shiritave, çmontim per gjithe naten dhe transportim dhe venie ne dispozicion te ketyre mjeteve ne sherbim te mashtrimit te radhes. (Nga Gramshi në Banje, nga Banja ne Bratile e ne pika te tjera, thua se po behet nami, në nje kohe që eshte vetem nje mashtrim i paster)
- Shfrytezimi i mjeteve motorrike, financave dhe vlerave monetare, te ardhura nga informaliteti dhe aktivitete te dyshimta, jane suporti kriminal.
- Ndjekja e kundershtarve me bllok ne dore dhe syrgjynosja e tyre, apo largimi nga puna, jane metoda banditeske.
....Mund te rreshtosh skandale pafund, qe te bindin per kete te vertete te hidhur...!

Ajo qe duhet te theksoj eshte, se rreziku kryesor, eshte grupimi i S. Berishes, nje grupim jolegjitim, teresisht informal, thellesisht i paligjshem. Them keshtu, se me siguri maksimale asgje nuk bazohet ne statut, në marrveshje juridike apo për ligj, që nuk behet fjale fare. Atehere, çfar' pushteti dhe shteti, mund te sjelle ky zinxhir njerezish te inkriminuar? Kush po e godet kete bande te vertete? Perkundrazi, nuk duhet ta fuqizojme më!
Vetem populli, drejtesia popullore, duhet ta godase me 28 qershor, me te vetmin pushtet që ka, me VOTEN, që duhet ta kemi te lire, te garantuar e te fshehtë.

[flory80]

nuk di per qka po flitni veq para 4 dite nje person na nxorri pistoleten ne durres,mu ne qender.ishim disa Plisa nga Prishtina patem nje mosmarrveshje me te dhe e nxorri pistoleten thirrem policine,ofendoi edhe policine.per kte siguri flisni ju?siguri me sa pash un vetem ne Tirane ka,vendet tjera jane MOS VET.

Nuk krijohet siguria duke vezhur e çveshur forcat e rendit çdo 4 vjet sipas përkatësisë politike, ku në vënd që të ketë profesionalizëm, ndodh e kundërta.
Mjafton të ketë dialekt "Tropojan" dhe një hu gardhi në dorë edhe i plotëson të gjitha kriteret e tjera.
Kjo nuk e ndihmon sigurinë, por e bënë situatën shumë të rrezikshme dhe shpërthyese si në vitin famëkeq 1997.