Berisha: Qindra organizata kriminale u shkatërruan ne 4 vjet

[Duaje Siveten]

ky sikur-realisti dhe rilindja ZP-iste thone se jane shkaterruar qindra organizata kriminale ... po ku paskan qene ato qindra ... neqoftese qenkan shkatrruar qindra, sa qindra te tjera kane mbetur, pa folur per ato te rejat qe jane krijuar ...

sikur edhe individe kriminele te kene qene me qindra eshte alarmante, dhe jo me te flasesh per qindra organizata kriminale ...

hiqni dore nga rrenat e super-hiperbolizuara ...

[daniel00]

Mediu jo vetem s'po kalbet ne jashteqitjen e tij ne biruce , por edhe po ben fushate elektorale , ça bande qenka kapur atehere ?

Ketu del bande gjithe ministria e mbrojtjes ju thoni u kapen bandat .

[beni67]

Tani po ia fusni kot. Siguria ne Shqiperi eshte ne nivelin me te larte ne keto 15 vitet e fundit. Kete e pohojne shifrat qe dalin nga qeveria dhe nga nderkombetaret. Tani edhe ketu ne USA njeri nxorri pistoleten ne mes te dites ne mes te manhatenit. Por kjo nuk do te thote qe nuk ka siguri. Nuk po permend ato raste kur njerezit futen e qellojne ne shkolla apo zyra, bile edhe vrasin njerez. Nqs doni nje siguri absolute atehere ketu ne toke eshte veshtire ta gjeni duhet te shkoni ne hene. Por une e di qe keeto merren si shembuj per aresye politike dhe per te nxire cdo gje te mire qe eshte bere.
Hej Juan ajo qe na ke sjelle ti nuk perben nje burim te sigurte. Dhe me citon shekullin qe ne dy fjale nje e ka genjeshter. Po sikur une te them qe kam pare Juanin me Zanin duke pire bashke ne vitin 1997. A perben nje lajm te sigurte ky. Mos u merr pra me ato fletushka se vec genjeshtra thone.

[juanito02]

Ajo per Olldashin eshte super e konfirmuar.
Thuaj sa te duash ti se kam pire kafe me Caushin se nuk me behet vone.
Po jeni te mesuar me shpifjen dhe me zor e pranoni te verteten.

[beni67]

Ajo per Olldashin eshte super e konfirmuar.
Thuaj sa te duash ti se kam pire kafe me Caushin se nuk me behet vone.
Po jeni te mesuar me shpifjen dhe me zor e pranoni te verteten.

Kush e ka konfirmuar? Shekulli!? Per hir te zotit mos u tall kaq trashe. Une nuk e di a ke pi ti me zanin apo jo por e mora si shembull ashtu kot. Ashtu si nuk te behet vone ty ashtu nuk i behet vone edhe olldashit mer lal. Hajde shendet ....

[juanito02]

E ka konfirmuar CIA bile per dijenin tende Saliu ka dashur ta eliminoje poltikisht Olldashin po ky e ke kercenuar ne menyre konspirative per gjera kunder Berishes dhe ka rene detanta midis tyre.
Do jesh ndo nje i ri ti qe fluturon me pras qe si di hic keto gjera.
Aq me teper qe ne ate raport flitet per emra e persona qe ti qe je atje mund ti verifikosh.

[DEA27]

Qindra organizata kriminale u shkatërruan

Eshte mese e vertete deklarata e mesiperme ! Perse duheshin qindra kur mund te mblidhnin kokat dhe benin nje te vetme, keshtu dhe thelat binin me te medha dhe allishverishet beheshin brenda kupoles dhe mbeteshin po aty e gjona si keto!!!

[morrison]

Tani edhe ketu ne USA njeri nxorri pistoleten ne mes te dites ne mes te manhatenit. Por kjo nuk do te thote qe nuk ka siguri.

O miku im.... ne nuk po flasim per temperamentin e njerzve, por se si vepron shteti (pra policia) kur dikush nxjerr pistoleten ne mes te qytetit? Ne shqiperi te qeras policia me nje teke raki qe te te marri me te mira dhe mos ta shkrepesh armen.... Tani na thuaj c'far ndodhi ne Manhatan kur ai tipi nxorri pistoleten? Apo dhe ate e qerasi me wisky policia...?

[B.C.B]

Nuk krijohet siguria duke vezhur e çveshur forcat e rendit çdo 4 vjet sipas përkatësisë politike, ku në vënd që të ketë profesionalizëm, ndodh e kundërta.
Mjafton të ketë dialekt "Tropojan" dhe një hu gardhi në dorë edhe i plotëson të gjitha kriteret e tjera.
Kjo nuk e ndihmon sigurinë, por e bënë situatën shumë të rrezikshme dhe shpërthyese si në vitin famëkeq 1997.

Ishalla nuk ndodh 1997 kurr me,skem qef ne Kosovaret me ju pa keq.
Policia e Kosoves boll amatera jane,robt nuk guxon me jau sha nersy se t`mysin dajak,e n`Shqipni po jau shajshin si n`pazar,kshtu qe sja vlen me fol per siguri n`Shqipni,ka pune hala.qashtu po ma mer menja mu,.

[Duaje Siveten]

TemA

Kam gabuar

Nga Pëllumb Kulla

Replikë kundër vetvetes

Rrëfim i hapur, siç e duan dy të persekutuar te “55”, për letrën time për kryeministrin

Që në krye e pranoj se kisha qëllime djallëzore, kur bëra letrën kundër kryeministrit dhe u vura të anoj në favor të të burgosurve dhe pronarëve. I tërë synimi ishte që të gjendesha me ta, tani që ata janë në prag të marrjes së pronave dhe milionave. Materializmi të shtyn të mëkatosh. Më shtyu. Duhet të isha idealist si ju, të rreshtohesha me Berishën, me anën më të dobët në historinë e shqiptarëve të tranzicionit. Njëri nga ju më quan patericë e Edi Ramës, tjetri nxënës i Gramoz Ruçit.

I pranoj të dyja.

Kam zbatuar porositë e Gramoz Ruçit, i cili, siç mbase e keni vënë re në artikujt e shumtë dhe librat që kam botuar këto vite, ka qenë udhëheqësi im shpirtëror. Unë, rastësisht, Ruçit nuk ia kam parë bojën asnjëherë, por, kur gënjeshtrat po asfiksojnë botën e shqiptarëve, kam drojë, se nuk ma beson njeri e më duhet të nxitoj të them se këtë e bëj, jo që ta shaj e ta mallkoj atë, por të tregoj madhështinë e z. Gramoz, që rrezaton nga larg e të dikton me fushat magnetike që vetëm ministrat e Brendshëm dinë të të magnetizojnë.

Pranoj që letrën e para ca ditëve ma diktoi ai e unë bëra budallallëkun kriminal: e shkrova.

E ju bëtë mirë që me dy lartësitë tuaja kulturore e me dy devotshmëritë tuaja ndaj idealeve kombëtare, u ulët në gazetën “55” dhe ma treguat se sa më vlen lëkura. Do të më falni që nuk e kam gazetën afër e për këtë nuk jua mbaj mend emrat. Di vetëm që mbiemrat m’u dukën të njohur e të respektuar, por kjo nuk ndryshon asgjë.

Ju sot hani bukë me emrat.

Njëri nga ju, (ky i Edi Ramës!), kish vënë re se shqiptaro-amerikanët e vjetër antikomunistë deshën të ankoheshin te presidenti Berisha, se ai duke emëruar në Nju-Jork P. Kullën u paskej dërguar atyre “komunistin më të ndyrë që qe emëruar ndonjëherë në Amerikë”.

Është e vërtetë!

Unë kam qenë më komunist se Hysni Kapoja, se Halim Budo, se Nesti Nase dhe Abdi Baleta. Minusi im ishte se nuk isha me teserë, pa me shpirt e pranoj që kam qenë. Në fakt, në vitin ‘68, kur BS pushtoi Çekosllovakinë, unë e bëra një kërkesë për në parti. Ne atëherë për shkak të rrezikut nga Moska deshëm si e si ta mbronim atdheun dhe nuk dinim se si mbrohet më mirë. Ca nga ne qethën kokën që t’u nxinte helmetën, ca shkuan me femra të përdala, ca filluan alkoolin. Një numër i madh nga ne, ku bëja pjesë dhe unë, bëmë lutje për në parti, se mendonim se gishti i komunistit rri më mirë në këmbëzën e pushkës. Po ne na i hodhën poshtë lutjet dhe nga ne në atë parti pranuan vetëm Sali Berishën. (Ju kujtimet e z. Berisha që tregon këtë histori, duhet t’i keni lexuar).

E megjithatë Saliu u bë, kurse unë mbeta komunist në shpirt dhe kisha rast ta tregoja poshtërsinë time, kur më dërguan këtu, në Nju-Jork. U mundova t’i dëmtoj interesat e kombit me të gjitha forcat, por nuk ia dola dot. Kurse ti, zotëri, që mbron figurën e patericës, duhet t’i kishe lënë këta antikomunistët, miq të babait tënd, t’i ankoheshin presidentit. Se në fakt Berishës i duhej vënë në dukje, që me gjithë madhështinë dhe punën heroike që ka bërë në favor të kombit, ka bërë edhe ca gabime. Emërimi im, për shembull, rëndon Berishën! Mua më lumtë, se unë komunist isha dhe ia doja të keqen vendit, po Berisha që i desh të mirën, pse nuk tregonte kujdes?! Se të emërosh qorrazi kryeministra, nënkryeministra, ministra, kryetarë partie, deputetë, ambasadorë, është mungesë thellësie dhe vigjilence! Të tërë ia kishim me hile atij: Meksi, Kopliku, Shehu, Malasi, Zhulali, hera herës dhe Hajdari, Selami, Shehi, Dosti, Arbnori, Kokalari, Ngjela, Mustafaj, Zogaj, Pollo, Vejsiu… Nuk di a keni vend në gazetë, se janë shumë?... Bëhemi nja 400 emërime të gabuara, në mos gabohem unë! E nuk janë pak! Dakord, në karrierën e tij ky është një gabim i vogël i zotit Berisha, në krahasim me punët e mira që ka bërë, por prapë, mirë ishte të mos emëronte aq shumë njerëz që e lanë vendin kaq prapa, në bisht të Evropës! Ama, - e kjo duhet pranuar nga ne tradhtarët, - ai nuk lëvizi qimen nga vija e tij e drejtë. Nuk e ndërroj kurrë kursin, as ndaj pronave, as ndaj drejtësisë, as ndaj Amerikës, as për ujërat territoriale me Greqinë, as për Rambujenë. Qëndroi kolonë, siç i ka hije atij dhe ju të dyve!

Ju, zotërinj fort të nderuar, më vutë në dukje të tërë gënjeshtrat që Ruçi m’i diktoi e unë i rreshtova në kurriz të idhullit dhe prijësit tuaj. Unë gënjeja që thosha se kryeministri ynë i nderuar nisi vetëm vitin e fundit burokracinë e fisme për shpërblimin e të persekutuarve me qëllimin djallëzor që t’u marrë edhe një herë, (për të njëzetën herë!) votën. Menduar mirë: në rast fitoreje, t’ua paguante krundet në fund të mandatit të dytë, për t’u vjelë edhe votën e ardhshme. Në rast humbjeje, të linte Ramën t’u dëftente bërrylin socialist të burgosurve.

Bëtë mirë, që të dy, që i emërtuat shkrimet tuaja të vyera “polemika” dhe polemizuat në të tëra. Siç u ka hije! Për shembull, bëtë mirë që ma hodhët poshtë atë gënjeshtrën e nusërimit të pikëlluar të Presidentit dhe Kryeministrit tek arkivoli i drejtorit famëkeq të TV shqiptar, Thanas Nanos! Mirë bëtë që nuk e zutë me gojë emërimin e Mehmet Elezit, se kjo mund të tingëllonte keq, paçka se kjo thellë-thellë tregon konsekuencën në rritje të Sali Berishës, që për ambasadorë e nisi me emërimet tona, të komunistëve “të ndyrë” dhe të thjeshtë pa grada, derisa u poqën kushtet për të emëruar anëtarë të pastër të Komitetit Qendror!

Por që të dy, dhe paterica, dhe ti i teorisë së Gramozit, bëtë mirë që ia çorët maskën rrenës time të poshtër, se Berisha ka pranuar që gjatë tetë vjetëve ka thënë për Fatos Nanon vetëm shpifje. Se vetëm qëndrimi juaj i patundur më ka mbajtur mua të vazhdoja me gënjeshtra të tjera, atë që vetëm kur ia nxori lakrat Bullatoviçi i Malit të Zi, prijësi ynë pranoi se e kish thyer embargon me Jugosllavinë duke i shitur naftë Serbisë. Në kushtet që i krijoi Bullatoviçi, Berisha deklaroi se kjo ishte e vërtetë, por shtoi, se ai pat qenë shprehur kundër embargos që impononte OKB për Jugosllavinë. Se ku qe shprehur kështu dhe ku e pat thënë…????? Nuk e dinte as kryeministri i tij, as ministrat e tij, as ambasadorët (me problemet e embargos në OKB merresha unë, por me mua ai kish rezerva për bindjet e mia tmerrësisht komuniste), e asnjë zyrtar tjetër. Këtë qëndrim patriotik kundër embargos e dinin vetëm presidenti ynë dhe kontrabandistët tanë patriotë.

Ja, edhe këtë gënjeshtër desha ta përsërisja në letër. Se e kam thënë njëherë. Por ju më shpëtuat e nuk e përmenda prapë. Kam frikë mos më qortojë Gramozi, por them se do ta hedh lumin me ndonjë ndëshkim të lehtë nga ai.

Kërkoj falje dhe që i kujtoja kryeministrit që shpall festat kombëtare sa herë zë vendin e fundit në arritjet evropiane. Këto janë të vërteta, edhe duket se edhe ju i pranoni, se nuk i zinit në gojë në polemikat tuaja dinjitoze.

Si përfundim, unë i pranoj tërë etiketat që më vini: dhe i pabesë, dhe komunist, dhe i shitur, dhe interesaxhi. Me një fjalë unë nuk vlej për asgjë e ju bëni mirë që më diskreditoni. Por ju harxhuat mundim kot, se unë nuk jam në asnjë listë për t’u votuar e nuk pretendoj as për deputet, as për kryeministër dhe as për ndonjë titull tjetër e as vendit e askujt nuk do t’i vijnë rreziqe nga unë. Lumturisht i kemi qelibar listat dhe kjo e garanton të ardhmen e vendit. Sado u përpoqa unë, përpjekjet ujë nuk më pinë. Ju të dyve ju këshilloj ta hidhni votën tuaj për Sali Berishën dhe listën e tij. Ai është i denjë për votat tuaja dhe ai i meriton ato.

Me mua mos harxhoni më letër e bojë, se unë nuk ju përgjigjem më në jetë të jetëve! Por mobilizohuni aty e kusur mos i lini Ramës, Ruçit, Gjinushit, Metës, Polit të Lirisë dhe Ballëve Kombëtarë dhe Legaliteteve të ndryshëm, që nuk janë me ju. Dhe sidomos Ngjelës. Votat e një populli si ju të dy, ai nuk i meriton. Kur partitë i quan lecka ku të vesh këmbët, siç i quan ai, kur kundërshton perënditë, siç bën ai, kur nuk gënjen, siç bëjnë shefat e kur do më shumë ligjet se prijësit, aty të rrijë, nuk është i denjë për votantë si ju të dy.

T’i rroni kombit, or ju dy trima të persekutuar!

Poshtë shënim: E pata të vështirë të ulem deri në nivelin tuaj e të shkruaj siç doni ju. E ja, tani po më dhëmbin kërbishtet, se ndenja gjatë ulur. E di që shumë miq do të më shajnë për këtë gjest, por sinqerisht, të mos ishit deklaruar të persekutuar, unë nuk do ta bëja këtë replikë. Nga ana tjetër, them, se nuk është shenjë e mirë, për Berishën, që asnjë nga pronarët e vjetër nuk rrëmbeu drunë kundër meje, e të më zbërthente brinjët, siç bëtë ju të dy.