Arabia Saudite, një rezolutë për njohjen e Kosovës

[Llapi]

Kalon e redaktuar

Rezoluta ngarkon Sekretarin e Përgjithshëm të OIC’it që në sesionin e radhës të Ministrave të Jashtëm të raportojë mbi dinamikën e zhvillimeve në Kosovë. Ministri i jashtëm shqiptar, Lulzim Basha, pret një valë të madhe njohjesh të reja nga vendet anëtare të Organizatës së Konferencës Islamike.

Nga Bekim Greiçevci më 26.05.2009 në ora 8:02
Megjithë kundërshtimin e Serbisë dhe aleatëve të saj, Organizata e Konferencës Islamike (OIC) ka aprovuar të hënën një rezolutë për Kosovën me të cilën nuk bëhet thirrje për njohje të pavarësisë, por kërkohet nga Sekretari i Përgjithshëm Ekmeleddin Ihsanoglu që t’i mbajë të informuara vendet anëtare për situatën në Kosovë.

Teksti i rezolutës, i propozuar nga Republika e Shqipërisë, është mbështetur nga të gjitha vendet anëtare të organizatës islamike.

Ndonëse nuk ka pasur konsensus që të ftohen shtetet anëtare të OIC’it për njohje të shtetit të ri siç ishte menduar teksti fillimisht, rezoluta i referohet edhe deklaratës së pavarësisë, por kjo nuk është gjë e re. Organizata e Konferencës Islamike e ka përmendur deklaratën e pavarësisë së Kosovës edhe gjatë vitit të kaluar, në takimet ministrore në Kampala dhe në New York.

Në rezolutën për Kosovën, OIC ripërsërit se ka interes të fuqishëm lidhur me myslimanët në Ballkan si dhe për rëndësinë stabilitetit në këtë rajon.

Në këtë dokument përmendet progresi i arritur drejt forcimit të demokracisë në Kosovë, rikonfigurimi i UNMIK’ut, vendosja e EULEX’it në përputhje me udhëzimet e Sekretarit të Përgjithshëm të OKB’së dhe kornizën e tanishme ligjore dhe institucionale të Kosovës.

Organizata islamike ka përshëndetur bashkëpunimin e Kosovës me institucionet ekonomike dhe financiare të OIC’it, dhe i ka bërë thirrje bashkësisë ndërkombëtare që të vazhdojë të kontribuojë për forcimin e ekonomisë së Kosovës.

Rezoluta ngarkon Sekretarin e Përgjithshëm të OIC’it që në sesionin e radhës të Ministrave të Jashtëm të Organizatës të raportojë mbi dinamikën e zhvillimeve në Kosovë, duke e vendosur kështu Kosovën në agjendën e përhershme të Organizatës së Konferencës Islamike.

Për aprovimin e kësaj rezolute, Ministria e Jashtme e Shqipërisë, ka lobuar qe te tre muaj.

Diplomacia shqiptare është mbështetur nga Arabia Saudite, Turqia dhe vende tjera islamike që tashmë kanë njohur Kosovën.

Në një fjalim në Samitin e OIC’it në Damask, të hënën, Ministri i Jashtëm shqiptar, Lulzim Basha u ka bërë thirrje publike shteteve islamike që të njohin
Republikën e Kosovës. “Njohja e pavarësisë së Kosovës, përveç se një akt solidariteti me popullin e saj, do të jetë edhe një ndihmesë për forcimin e paqes dhe stabilitetit në rajon, çka do t’u ofrojë të gjithë vendeve të Ballkanit perspektiva të vërteta për zhvillimin dhe begatinë e tyre të mëtejshme”, ka thënë Basha.

Diplomati shqiptar e ka cilësuar si sukses të jashtëzakonshëm miratimin e rezolutës për Kosovën. “Pasi që për herë të parë, në mënyrë të tërthortë, por të qartë, dhe me unanimitet të plotë, Organizata e Konferencës Islamike mbështet Republikën e Kosovës, shtetin e pavarur të Kosovës, institucionet dhe

Kushtetutën e saj”, ka thënë Basha, në një intervistë për Radio Kosovën.
Bazuar në takimet që ka pasur në Damask me mbi 25 homologë të tij, Ministri Basha ka paralajmëruar se një valë të madhe njohjesh nga shtetet myslimane.

“Për herët të parë që nga pavarësia e Kosovës kalojmë këtë rezolutë unë mendoj se do të kemi të bëjmë së shpejti me një bum njohjesh të reja vendet anëtare të Organizatës së Konferencës Islamike”, ka thënë ai.

Aprovimi i rezolutës është përshëndetur edhe nga liderë të lartë të Shqipërisë dhe Kosovës.

Kryeministri Sali Berisha ka shprehur të përzemërt për qeveritë e vendeve anëtare të Organizatës së Konferencës Islamike dhe drejtuesit e saj për votimin e rezolutës, “si një akt miqësor ndaj një populli mik, ndaj shqiptarëve të Kosovës dhe kombit shqiptar në tërësi”.

Në një kumtesë për media, presidenti Fatmir Sejdiu ka deklaruar se “miratimi i Rezolutës për njohjen e pavarësisë së Kosovës nga Organizata e Konferencës Islamike është një akt shumë i rëndësishëm për të ardhmen e vendit tonë dhe të gjithë rajonit”, tha Presidenti Sejdiu.

Votimin e kësaj rezolute ai e vlerëson si mbështetje për lirinë, demokracinë dhe të ardhmes më të ndritur për popullin e Kosovës dhe popujt e të gjithë rajonit.

“Republika e Kosovës angazhohet për marrëdhënie të mira në mes vendeve të pavarura e sovrane të të gjithë botës, ndërsa marrëdhëniet e mira me vendet e Organizatës së Konferencës Islamike i konsideron të rëndësisë së veçantë”, ka thënë presidenti Sejdiu.

[Harudi]

le ti shabanin e hasanin e hysenin qka thoin neper forume
por shif qfar thon miqt tan ne bot dhe Amerik
Ju habitët botën!
. Bajden vlerësoi se Qeveria e Kosovës ka bërë përparim të konsiderueshëm në vitin e parë, duke thënë se është e mrekullueshme që për një vit të arrihet ky përparim që është bërë.Por ai kërkoi që të vazhdohet me këtë sukses, duke thënë se "përderisa të ketë sukses dhe pandashmrëi ju mund të llogaritini në mbështetjen e SHBA ve".

Posa lexuan politikanët (miqt) danezë deklaratën e Bidenit,shpejt e shpejt u mblodh Kuvendi i Danimarkës dhe mori vendim që të nisin menjëherë për në Kosovë dhjetra ekspertë të fushave të ndryshme për të mësuar sistemin e suksesit që (pas) ka arritë Kosova!

[BESIIM]

Posa lexuan politikanët (miqt) danezë deklaratën e Bidenit,shpejt e shpejt u mblodh Kuvendi i Danimarkës dhe mori vendim që të nisin menjëherë për në Kosovë dhjetra ekspertë të fushave të ndryshme për të mësuar sistemin e suksesit që (pas) ka arritë Kosova!

Jo veq Danimarka po edhe shume shtete tjera

[Jonushi]

Ky llapi aiiiiii..
Shume i trent hahahahahhahaha..
Dikush shef vetem dy gisht para hune..

[skampin]

------------------------------------------------------------------

bashke me disa anetare te forumit ,,rrofshin arabet e turqit se bashku ,poshte serbia dhe greqia.


ej vertet desha te pyes disa anetare te forumit ,kur do e njohin pamvarsine e kosoves vellezerit e tyre serb e grek??

sa i trashe je ti o palle,pse nga te erdhi liria ty nga arabet dhe turqit???sa shtete e kane njohur Kosoven deri tashi dhe sa nga keta jane shtete muslimane???per disa si puna jote do doja qe kur iken serbet t"iu mernin me vete ne serbi ose t"iu çonin ne jevgistan.
pershendetje qeverise dhe ministrit te jashtem per punen e bere me jevgjit e gjithe shteteve myslimane qe nuk duan kurresesi te njifet shteti Kosoves dhe pershendetje SHBA per punen e bere me Arabine Saudite qe ky shtet njofti Rp Kosoves

[drenicaku]

Po hiq bre mos te njohin arabet,edhe pa ta ban .

[Llapi]

Sejdiu e Thaçi përshëndesin edhe një herë sot miratimin e rezolutës nga 57 vendet e Konferencës Islamike




Deri tani, Kosovën e kanë njohur 13 nga 57 vende anëtare të Konferencës Islamike, por që numri i tyre pritet të rritet.

Krerët shtetërorë, presidenti Sejdiu dhe kryeministri Thaçi, falënderuan sot edhe një herë Organizatën e Konferencës Islamike për miratimin njëzëri të Rezolutës për Kosovën. Në një konferencë të përbashkët për media, presidenti dhe kryeministri i vendit, këtë dokument e vlerësuan të rëndësishëm, duke shtuar se i referohet “Deklaratës së Pavarësisë dhe Kushtetutës së Republikës së Kosovës”.
Presidenti Sejdiu dhe kryeministri Thaçi në konferencën e sotme të përbashkët për media falënderuan vendet anëtare të Konferencës Islamike për miratimin e rezolutës për Kosovën. Sipas tyre miratimi i rezolutës do të thotë pranim i shtetit demokratik, të pavarur dhe sovran të Kosovës, ndërkohë që paralajmëruan njohje të reja gjatë ditëve të ardhshme.

Presidenti Sejdiu, pret që pas miratimit të kësaj rezolute, të ketë njohje të reja nga vendet e Konferencës Islamike.

“Disa prej vendeve që ne kemi takuar edhe më herët me kryeministrin në Washington, konstatimi i këtyre vendeve është çështje ditësh dhe mbetet në iniciativën e tyre të drejtpërdrejtë të marrin vendimin. S’mund të themi se në këtë minutë, apo në këtë datë do ta njohë ky vend apo ai vend, pra duhet të jemi shumë të kujdesshëm”, ka thënë presidenti Sejdiu.
Në pyetjen e gazetarëve se “a i obligon vendet anëtare që të njohin Kosovën, miratimi i kësaj rezolute, presidenti Sejdiu dha këtë koment:

“Kjo rezolutë është shprehje e një qëndrimi dhe politikave të përbashkëta të vendeve anëtare dhe në këtë drejtim unë mendoj se pikërisht marrja e qëndrimit me unanimitet do të përcillet dhe përfillet me politikat e tyre”, tha Sejdiu.
Kryeministri Thaçi, duke vlerësuar se institucionet e vendit po punojnë në drejtim të rritjes së numrit të njohjeve, ka thënë se “ Secili është i obliguar për të ndihmuar dhe ka përgjegjësi për të ndihmuar për vendin e vet. Kjo Rezolutë ka referenca të qarta në Deklaratën e shpalljes së pavarësisë së Kosovës dhe në Kushtetutën moderne të shtetit tonë”, tha Thaçi.


Ata thanë se Kosova do të aplikojë për anëtarësim në Organizatën e Konferencës Islamike, menjëherë pasi të jetë pranuar në OKB. Sejdiu e Thaçi, nuk përjashtuan mundësinë që kryetari i AKR-së Behxhet Paciolli, i cili ka paralajmëruar njohjen e Kosovës nga El-Salvadori me 2 qershor, të përfshihet në proces të lobimit.

Miratimin e kësaj rezolute dje e ka përshëndetur edhe kryeministri i Shqipërisë Sali Berisha, i cili ka falënderuar të gjitha vendet e Konferencës Islamike për mbështetjen që po ia japin Kosovës.

Ndërkohë zyrtarë të Serbisë thonë se kjo rezolutë nuk përmban thirrje për njohje të pavarësisë së Kosovës, e as për mbështetje të pavarësisë. Drejtori politik i Ministrisë së jashtme të Serbisë, Borisllav Stefanoviq, tha se rezoluta përmban “ndryshime në amendamente”, në të cilat ka insistuar Serbia, nëpërmjet vendeve mike në kuadër të kësaj organizate dhe në këtë mënyrë, sipas tij, është penguar vala e re e njohjes së Kosovës.

Deri tani, Kosovën e kanë njohur 13 nga 57 vende anëtare të Konferencës Islamike, por që numri i tyre pritet të rritet. Parakusht që Kosova të jetë vend anëtar i kësaj organizate, është anëtarësimi i saj në Kombet e Bashkuara.



| s.b & RTK staff |

26 maj 2009 - 12:01:42

[BESIIM]

Shqipëria për Kosovën
Xhevdet MAZREKAJ
Rezoluta e Shqipërisë për Republikën e pavarur të Kosovës në OKI, e përfaqësuar nga Arabia Saudite, me angazhimin e pakursyer të ministrit Lulzim Basha, korri edhe një sukses të Qeverisë Berisha, sukses që quhet “miratim i Rezolutës së Shqipërisë në Konferencën Islamike”.

Në performancat diplomatike dhe mediale lidhur me këtë sukses diplomatik të Shqipërisë, ende asnjëherë nuk u përmend dhe nuk u tha se akti politik i miratimit të Rezolutës zbulon një kualitet të ri të diplomacisë së Shqipërisë, konkretisht në qëndrimin e saj ndaj Kosovës. Kur i njohim rrethanat politike ballkanike në 50 vjetët e kaluara, politikisht është produktive ta arsyetojmë indiferencën e Shqipërisë në forumet me rëndësi historike ndërkombëtare, heshtjen para botës, dhe zhurmën vokabulare propagandiste nëpër radiostacionet lokale (Radio Kukësi).

Por edhe pas rënies së diktaturës “koncepti majtist” i elitës politike shqiptare, u shpreh me deklaratat e Nanos dhe gjithë ansamblit të tij socialist, se rruga e Kosovës për Evropë shpie nga Beogradi..

Nuk mund të mos kemi kujdes ndaj një higjiene të politikës nacionale, kështu që kërkohet “harruar” edhe qëndrimi i disa personaliteteve të rreshtuara kushtimisht djathtas, si ai i ish-ministrit të jashtëm Besnik Mustafaj, që deklaronte për Kosovën njësoj si Drashkoviqi, “më pak pavarësi, më shumë autonomi”. Prandaj Berisha u tregua burrështetas që ka strategji kombëtare, kur emëroi ministër të jashtëm Lulzim Bashën, i cili as nuk e fsheh se është prokosovar, që do të thotë politikën e ndërton mbi parimet e kombëtares.

Konferenca Islamike në Damask, me miratimin e Rezolutës për Kosovën, dëshmoi se Republika e Shqipërisë definitivisht hoqi dorë nga “parimet” dhe “marrëveshjet” e kohës së Internacionales Komuniste që krijonin konsensus mbi “mospërzierjen në çështjet e brendshme të shteteve tjera”.

Sot, si vërteton edhe Bajdeni, Kosova është shtet i pavarur definitivisht dhe pakthyeshëm në tërësinë e saj territoriale.

Republika e Shqipërisë me Rezolutën në OKI prezanton një kualitet të ri në diplomacinë e këtij shteti: Shqipëria përfaqësoi Kosovën për herë të parë, dhe ky është një kurs i ri politik që do të vazhdojë, sepse nuk ka logjikë të jetë ndryshe. .

Ta prezantosh Kosovën me Rezolutë speciale në një forum me autoritet politik ndërkombëtar, forum ku vihen kritere dhe merren vendime zyrtare, të cilat luajnë rol të madh në politikën botërore, është një e arritur e madhe politike dhe kjo i ndodhi Republikës së Shqipërisë për herë të parë në histori, (duke mos paragjykuar aktivitete prokosovare të shtetit të Shqipërisë në kanale diplomatike konfidenciale, por për opinionin të panjohura deri sot).

Kosova ka qenë politikisht një vend i vetmuar, hiç aleancën e madhe historike të shtetit të Vilsonit, qëndrimet e bashkësisë ndërkombëtare mbi Kosovën, 20 vjetëve të fundit, janë përkrahur nga Republika e Shqipërisë, madje edhe kur këto vendime janë arritur në bazë të konsensuseve që ka imponuar Rusia. .

Por, edhe kjo ka nevojë të arsyetohet, kur dihet nëpër çfarë fazash të “revolucioneve demokratike” ka kaluar Shqipëria gjatë 20 vjet tranzicioni..

Mbase agoi dita në maj të 2009-shit kur Shqipëria si shtet i NATO-s, e shporri përgjithmonë “inferioritetin politik” ndaj fuqive lindore. Kjo ndodhi pas 20 vjetësh pluralizmi, kaq kohë sa u desh që djathtistët të shërohen nga çdo “karizmë” e trashëguar e kohës diktatoriale..

Pse vetëm për shqiptarët e Ballkanit u imponua për konotacion shumë negativ fjala “piemont”? Pse nuk paska pasur të drejtë Shqipëria ta përfaqësonte Kosovën, kur Rusia përfaqëson Serbinë, kur Greqia përfaqëson edhe emrin gjeografik të një krahine të saj veriore dhe e përzien me një shtet që quhet ashtu? Pse qenkan demoduar politikat “nacionale” kur të gjitha shtetet ballkanike relativizojnë kufijtë aktualë të shteteve të tyre, përveç Shqipërisë, e cila nga komunistët, as nuk ka guxuar të bëjë qoftë aludime minimale mbi Kosovën dhe territoret tjera të Shqipërisë nëpër të gjitha vendet e Ballkanit Perëndimor?

Lulzim Basha i diplomacisë së kabinetit të Berishës, më në fund, e nxori Shqipërinë nga karantina e quajtur “inferioritet politik”, të cilin ia imponuan dhunshëm aleatët e Rusisë.

[Duaje Siveten]

TemA

Dy mashtrues ballkanas dhe rezoluta për Kosovën
Nga Mero Baze

Ministri i Jashtëm i Shqipërisë, Lulzim Basha, dhe ministri i Jashtëm i Serbisë, Vuk Jeremiç, janë vënë në garë kush të lavdërohet më shumë me rezolutën e Konferencës Islamike për Kosovën. Ministri ynë, talenti i vetëm i të cilit deri më sot është patetizmi, gati sa na hutoi si magjistari Nadir, duke na thënë se vendet islamike votuan një rezolutë për njohjen e menjëhershme të Kosovës. Pas kësaj mendova se në Beograd do të kishte rënë vërtet zija. Po, ndërsa po lexoja lajmet e B92, agjencisë më serioze properëndimore serbe, pashë se njësoj si Lulzim Basha, ministri i Jashtëm serb, Vuk Jeremiç, e quante rezolutën një tjetër fitore historike për Serbinë. (Arabia Saudite dështon në propozimin për pavarësinë e Kosovës: Source: B92.http://www.b92.net/eng/news/politics...4&nav_id=59349)

Sigurisht që të dy gënjejnë, edhe Lulzim Basha, dhe Vuk Jeremiç. Konferenca Islamike natyrisht që ka lëvizur nga pozicioni gati armiqësor që kishte ndaj njohjes së shtetit të Kosovës, por është ende shumë larg njohjes së saj dhe ndoshta s’do arrihet kurrë njohja në bllok. Është i dhimbshëm fakti që Shqipëria ka paguar një taksë të rëndë duke qenë anëtare e kësaj organizate, me arsyetimin se do të na ndihmojë për pavarësinë e Kosovës dhe në të vërtetë ajo po bëhet pengesa e fundit për njohjen e pavarësisë së Kosovës.

Dhe Lulzim Basha me “suksesin” e Konferencës Islamike gënjeu si zakonisht, jo vetëm shqiptarët, por dhe Behxhet Pacollin, i cili, sa herë merr vesh ndonjë lajm se ndonjë vend do ta njohë Kosovën, hap fjalë se ka punuar më parë për këtë njohje. Dhe në këtë rast Azerbajxhani, tek i cili ai kishte shumë besim, ishte sërish kundër dhe pengesë kryesore e rezolutës së paraqitur.

Pak a shumë kështu i ndodhi dhe Lulzim Bashës. Pasi rezoluta nuk ishte ajo që u nis, dhe pasi thelbi inkurajues i saj u zbeh, ministri ynë doli para kamerave shend e verë dhe dha lajmin se pritet një valë e fortë njohjesh për Kosovën. Shpresa e tij e vetme është që ne t’i llogarisim si bilanc të tij shtetet myslimane që mund ta njohin në të ardhmen Kosovën. Ky banalitet i tij më kujtoi natën para shpalljes së pavarësisë së Kosovës, rreth orës 1 të natës duke u gdhirë 17 shkurti, kur Basha iu dërgonte sms gazetarëve të Tiranës në Prishtinë duke u thënë: “Po i jap dorën e fundit”.

Ky protagonizëm qesharak me një çështje shumë serioze, siç është pavarësia e Kosovës dhe njohja e saj nga Perëndimi dhe gjithë vendet e tjera, është thelbi i vërtetë i këtij manekini. Ata që kanë njohur Kosovën dhe ata që do ta njohin, do t’i marrin vendimet, jo duke pasur parasysh Lulzim Bashën, por Kosovën. Unë nuk di me çfarë modeli e inkurajon Lulzim Basha njohjen e Kosovës në botë, por deri më sot ai thjesht shpresojmë mos të ketë prishur punë me historitë e tij të korrupsionit dhe vesin për të gënjyer për çdo gjë.

I njëjtë si Basha dhe ministri serb, Jeremiç, mburret se ka arritur një fitore në Damask duke frenuar njohjen e Kosovës nga Konferenca Islamike. Njësoj si Basha dhe ky delirant mendon se Kosova mund të pengohet nga lobimi i tij personal. Për një koincidencë shumë private, të dy këta njerëz, si Lulzim Basha, dhe Vuk Jeremiç, kanë një shok të përbashkët serbo-boshnjak, Damir Fazlliçin. Jeremiç ka ndenjur me të në Londër në një dhomë, ndërsa Basha ka pasur deri biznese përmes kunatit të tij. S’di pse këta dy mashtrues më kujtojnë gjithmonë Fazlliçin, sidomos kur krekosen si gjelat mbi pleh.

[Brari]

le te merret me gjolek malo edvin ruco dade veli brace erionet.. merua ynë.. e atyre tu sherbeje me mish djallezi e shpirt.. e ata ti beje te njohur nderkombetarisht.. se per kosoven mendon lul basha.. mendon saliu e sejdiu..

keshtu thuaj meros o josif.. qe po kenaqesh bashk me meron nga lajmet e beligradit..