Kori i bretkocave!!!...???

[Agim Doçi]

Bluani vetëvehten në mokrrat e ligësive
duke harruar se kush është Njeri!
Nënshtrohuni skllevër para fatkeqësive!
Që të vij ZOTI, e tu çliroj me DASHURI!.......
Agim Doçi

KËTO 4 VARGJE I SHKROVA 24 ORË PARA NDARJES PËRUNDIMTARE!
Këto 4 vargje nuk kanë të bëjnë me anëtarët e nderuar të forumit, por me të gjithë "ata" që fërkojnë barkun sa herë që kombit e Atdheut i sulen halle e brenga dhe mbetet në UDHËKRYQ, si edhe me "ata" që rrijnë të trembur, indiferentë dhe si klyshë servilë para tragjedisë shqiptare! "Ata" që kanë urrejtjen pathollogjike për TË VËRTETËN, që mbrojnë me çdo kusht të kaluarën, duke ulëritur : - SHIHNI PËRPARA(!!!!!) Demagogët e kombit që mbajnë duarkryq shqiptarët -derdimenët e Ballkanit që nuk kanë rrymë, nuk kanë punë, nuk kanë siguri, që vriten me njëri tjetrin në mes të ditës për hirë të PUSHTETIT!

[Agim Doçi]

Hajt të çmallemi me orët që na kanë ngelur!.......
Agim Doçi

Kori i Bretkosave

Kafshët e pyllit mblodhi
Mbreti një të djelë.
Me zë plotë u foli:
Një lajm u kam sjellë!

Do bëjmë Festival
me autorët tanë.
Ndaj nuk dua fjalë
Gati tekstet janë??

Dy fjalë tha Poeti!
Foli Lauresha:
- “Urdhrat që jep Mbreti
Dihet janë të shenjta.”

Një problem e kemi
Cila do jetë skena?
Pastaj ku do gjeni
Shqipen me dy krena?

Mbreti i nervozuar
E vështroi në sy:
- “Moj paske harruar?…
Nuk të pyesim ty!…”

Kafshët ulët kokën
Pastaj u shpërndanë
Dikush pyeti sqokën *
- “Morre vesht çfarë thanë?”…

Sqoka uli bishtin
Dhe iku e heshtur.
E pyetën urithin *
Që ish duke fjetur:

“O urith kumbara,
a morre gjë vesht?”
- Festival është gara
Shko këndo dhe hesht!

Nisën përgatitjet
Studiot gumëzhinin
Këngët si simitet
Nga “poetët” dilnin…

Njëri kish bërë këngë
Për forcën e mbretit
Tjetri për një Nënë
fishkur prej kurbetit!
Dy të tjerë solistë
Do k’ndonin duet.
Një muzikë të pistë
Kishte një kuartet…

Po më shumë çuditi
pyllin anë e mbanë
SHIK-u shpejt e ngriti
zërin si mënjanë:

“Kemi ca të dhëna!
Do ta kemi zor!
Se nja 10 bretkoca
Na kanë ngritur Kor(!)

Ky është Festival
Që nuk e ka hak!
Të këndojnë bretkocat
Me guak guak!…”

SHIK-u nisi punën
Gjëndjen e studjoj
Mbasi kruajti sumën
Mbretin informoj:

“do këndojnë hajdutat
cubat, djem e dhisë!
Pastaj prostitutat
Do të bëjnë striptisë.

Një këngë ka bilbili
Me një tekst të vjetër
Dy këngë ka trishtili *
Ujku ka një tjetër.

Një balladë ka miu
Një kantatë çakalli *
Do këndoj ariu
Si bass Festivali.

Dhelprat kanë korale
me temë nga mashtrimi.
Këngë piramidale
do këndoj hutini *

Pastaj ka një valle
sa për atmosferë.
Një duet për hallet
do këndoj një drerë…


Luani dëgjonte
Sytë përgjysëm mbylli
SHIK-u informonte
Se çfarë bënte pylli…

Kur papritmas Mbreti
ulërimën zuri:
“-këngë nga bregdeti
ku valon Flamuri

A do ketë koncerti?
Apo s’ësht’ menduar
Të këndojë dhe pleshti
Që s’na lë pa kruar?!…”

Kori i bretkosave
Bëri inçizimin
Ndërsa kori i pleshtave
Vuri lajmërimin:

“FESTIVAL i parë
që né marrim pjesë!
Sejcili këngtarë
pa kruar s’do mbesë!
Se kemi krijuar
një këngë kryevepër!!
Me muzikë huazuar
Dhe me tekst të vjetër!”

U bë kurioz mbreti
SHIK-i s’kish të dhëna
Se çfarë thonte teksti
Ç’muzikë kishte kënga.

Morra vesht nga macia
që s’kishte dyshim!
Kori me bretkoca
Kishte tekstin tim(!!!!!!!)

Unë s’ua kisha dhënë.
Nga e kishin marrë?
Ç’ishte ajo këngë
Në pyllin shqiptarë???!…

Erdhi natë e parë
Kënga s’u këndua
Bretku këngëtarë
Na kishte munguar(?)



Kërkova të dytën
Pastaj natën e tretë
Lotët seç më mbytën…
Fajin kisha vetë!

Se para shumë vitesh
Kisha hedhë në plehra
Tekst me temë rrospijesh
Dhe me fjalë të dhjera!…

Dikush nga kureshtja
Do kërkoj tâ dijë
Se çfarë kishte strofa
Dhe refreni i tij!

Nëse më besoni
Kush është e vërteta:
“çohu Enver Hoxha!
Hej ti, tungjatë jeta!”

……………………..
Pra ky popull dashka
Bukën me racion
Dhe të ikë përjashta
Me prostitucion!

Ta hedh votën dashka
Tek halé e kombit!
Gjysma veshur maska
prej kallashnikovit!…

Gjysma ka inatin
Me Demokracinë
Lë Sali Shalgjatin
Flë me arixhinë!….

 - të gjitha fjalët me yll janë shpezë e shtazë pylli (nuk kanë të bëjnë me pseudonime “VIP-ash” të politikës! Larg qoftë!)

Agimi

(edhe 16 orë na ndajnë sëbashku!)

Fluturo shqiptar drejt qiellit!
Galaktikave anë e mbanë
As planetet mbrapa Diellit
Me dy krena SHQIPE s’kanë!
(E kanë sllavët – fqinjët tanë)

[ben-shkodrani]

Agim Doçi

Burr zotni ti me shkru je krejt flori

po nje gje spo na difton

ti me zemer cilen parti po na don nje dit na shkru per Enverin
nje dit na shkru per Berishen nje dit na shkru per Tosin

me RRespekt Ben-Shkodrani

[macia_blu]

c'ma ke bere kete ndarjen me ore qe zvogelohen me ke futur tmerrin. Ka filluar edhe mua te me dhemb ajo dreq "E" qe po te mundon kaq shume. Mu be torture. Kam filluar te lutem per mbarimin e oreve aq shume me ke trembur. sikur do mbarohet bota o burre! Ti e di se te gjitha dashurite jane vuajtje, si per here te pare.
Megjitheate pse ta fsheh, te kam zili. Njerezit e rralle munden dhe guxojne te dashurojne.
-Jam duke fjetur me dhimbjen tende! Me merr malli per dhimbjet e mija!

[Agim Doçi]

Benshkodrani!!!!!
Po ta koregjoj vargun "Lë Sali Shalëgjatin" me vargun e sinqertë
"Lë Sali krahë thatin!"
Tekstin e kangës "E. Hoxha tungjatjeta" e ka shkruar Dedë Ndue Lazri!
kam qenë, jam dhe do të jemë me atë PARTI QË THEMELOJ AZEM SHPEND HAJDARI!!!!!!!!! Jo anëtar, por si e vetmja parti atdhetare shqiptare!!!!! OK miku jem shkodran??????
Qafime Agimi
JUM LUTEM BOLL ME PROVOKIME!!!!!!!!

[ben-shkodrani]

Zotni Agim Doçi

tani te kuptova me rresepekt

Ben-SHkodrani

[Agim Doçi]

E dashtuna Linda Marku!
Ti je brillante - ndriçuese, në mendim, në varg dhe në dashuri! Pasha bukën poooooooo!

MA JEP NJË DHIMBJE UHA!
TË TË JAP NESËR BORXHIN QË TË KAM!
MË JEP ATË, QË SHPIRTI YT KA!
E..h!...TË KAM XHAN! TË KAM XHAN! TË KAM XHAN!

ikin vrapojnë orët
dhe nuk kanë mëshirë!
po humbin malsorët!
Nuk janë më të lirë!

Ikin dhe nuk kthehen
bukuritë e jetës
vetëm dhimbjet mbeten
peng i së vërtetës!.....

Të puth për herë të parë në ballin tand të mrrolun.....
Agimi

[POETI_20]

ska parti qe e gezon shqiptarin
se shqiptari n'shqipni spo jeton
per Atdhe shum po e djeg malli
se jeten ne kurbet po e kalon

ju pershendes te gjithve

[lozonjare]

aman o Agim pash zotin na e trego dashurine tende se po na cmen, spo lejme varg pa aluduar pash zotin mos na lodh ma se na ke bo teper kurioz .Je fisnik ne dashurine tende kaq mirenjohese lum dashuria jote kaq fatlum madhe e kam ziliiiiiiiiiiii

[Agim Doçi]

Po ta nis pa asnjë koment një 3 strofësh!
Gimi
LAJTHITJE POETIKE……

Nëse një femër mrekullohet
Vetëm nga vargu im i thjeshtë
Unë jam Romeo që dashurohem
Sapo të bëhet ajo Zhulietë!…

Sepse e di se çfarë është endrra
Dhe dashurinë unë e kuptoj
Sa fantastike që ësht femra
E di veç ZOTI që e krijoi

Unë mirë e di çfarë do një grua!
Një fjalë të ngrohtë dhe çiltërsi
Brenda në shishe më futi mua……
Se isha djalli në dashuri!……