Gazeta Shqiptare veteinskenon "bllokim te gazetes" per te krijuar sensacion

[_AuLoNa_]

Gazeta shqiptare shkruan sot se si Kompania Albademil” e Mihal Delijorgjit fitoi të drejtën për të demontuar municionet në Gërdec. Ja si u falsifikuan dokumentet për të favorizuar firmën e Mihal Delijorgjit Version multimedial i ketij lajmi

Kompania “Alba demil” e Mihal Delijorgjit fitoi të drejtën për të demontuar municion në Gërdec, sepse Uzina Mekanike e Gramshit dhe Kombinati Mekanik i Poliçanit, pretenduan se ishin të paafta për ta realizuar këtë proces. Gazeta Shqiptare boton sot ne nje ratikull te saj se në fakt të dyja këto ndërmarrje shtetërore i kanë pasur të gjitha kapacitetet e duhura për ta kryer demontimin e municioneve. Por, drejtuesit e tyre, të nxitur nga zyrtarët më të lartë të Ministrisë së Mbrojtjes, veçanërisht ish-ministri Fatmir Mediu dhe drejtori i MEICO-s, Ylli Pinari kanë përpiluar raporte të rreme në mënyrë që demontimin ta kryente kompania e Delijorgjit. Gjithashtu, drejtuesit e Uzinës Mekanike të Gramshit dhe Kombinatit Mekanik të Poliçanit nga ana tjetër kanë lidhur kontrata zyrtare dhe informale me “Albademil”, për ta ndihmuar këtë të fundit, qoftë për furnizimin me municion luftarak, qoftë për ta ndihmuar në procesin e demontimit. Vlen të theksohet se, qoftë drejtori i Uzinës Mekanike të Gramshit, Fiqiret Mato ashtu edhe ai i Kombinatit Mekanik të Poliçanit, Kasëm Mahmutaj, janë respektivisht kryetar i Partisë Republikane për Gramshin dhe tjetri për Beratit. Ky detaj e bën edhe më të thjeshtë arsyen pse këta zyrtarë kanë shkelur ligjet e shtetit, duke preferuar t’iu binden urdhrave të jashtëligjshëm që dilnin nga zyra e Fatmir Mediut, në Ministrinë e Mbrojtjes.
Gramshi
Konkretisht, të dhënat e siguruara nga Prokuroria e Përgjithshme nxjerrin në dritë faktin se ish-drejtori i Drejtorisë së Menaxhimit të Instalimeve dhe të Burimeve në Ministrinë e Mbrojtjes, Shkëlzen Madani i ka kërkuar drejtorit të Uzinës Mekanike të Gramshit, Fiqiret Mato, “që në përgjigje të shkresës së Komisionit të Miratimit të Çmimeve, të përpilojë një përgjigje aty për aty, në të cilën të shprehej për pamundësinë e Uzinës Mekanike Gramsh për demontimin e municioneve të kalibrave nga 20 mm deri në 152 mm. Fiqiri Mato ka përpiluar më datë 15.11.2007, në një nga zyrat e Ministrisë së Mbrojtjes, një shkresë ku paraqit të dhëna të rreme se Uzina Mekanike e Gramshit nuk mund të kryente demontimin e municioneve të kalibrave nga 20 mm deri 152 mm, ndonëse kjo uzinë kishte kapacitet, e me qëllim për krijimin e kushteve sa më favorizuese për shoqërinë ‘SAC’-‘Albademil’, në caktimin e çmimeve të këtyre municioneve”, - thuhet në konkluzionet e hetimit të Prokurorisë. Ndërkohë, në anën tjetër, Fiqiret Mato me ndërhyrjen e drejtpërdrejtë të ish-drejtorit të MEICO-s, Ylli Pinari është urdhëruar të lidhë një kontratë me kompaninë “ALBADEMIL”, për heqjen e lëndës plasëse dhe të unazave të bakrit, të predhave të kalibrit 100 mm, në sasinë prej 40.380 copë. Kontrata ka filluar më 25.02.2008 dhe gjatë muajit mars, kanë hyrë në uzinë nga firma e Delijorgjit, 14.100 copë predha 100 mm, të cilave ju është hequr lënda plasëse dhe unazat e bakrit deri më datë 27.03.2008.
Poliçani
Në dëshminë e dhënë në Prokurori, në lidhje me çështjen e Gërdecit, drejtori i Kombinatit Mekanik të Poliçanit, Kasem Mahmutaj, pretendon se, “dy javë përpara ngjarjes në fshatin Gërdec, kam biseduar gojarisht me ish-drejtorin e ndërmarrjes “MEICO”, ku ky i fundit duke u nisur nga kërkesat e vazhdueshme nga ana jonë për demontimin municioni, më ka thënë se ishte një sasi e konsiderueshme municioni dhe konkretisht predhash të kalibrit 152 mm, të cilave duhej t’u hiqej lënda plasëse”. Sipas Mahmutaj, “unë nuk kam pranuar, pasi praktikisht kam diskutuar me personelin e kombinatit dhe na rezultonte se si fillim ne nuk kishim pajisjet e nevojshme për nxjerrjen e lëndës plasëse, po ashtu ky proces ishte i vështirë dhe përveçse kërkonte financime të shumta, duke rritur koston e procesit, nuk kishte rendiment për kombinatin, kështu që unë e kam marrë përsëri në telefon ish-drejtorin, Ylli Pinari, duke i sqaruar se ky proces nuk mund të kryhej në ambientet e kombinatit të Poliçanit”. Por, në fakt rezulton krejt e kundërta, pasi kjo ndërmarrje shtetërore është vënë totalisht në shërbim të kompanisë “Albademil” të Mihal Delijorgjit. Prokuroria e Përgjithshme, gjatë hetimit të çështjes së ‘Gërdecit’ ka bërë hetime dhe ka këqyrur në datën 24 tetor 2008, të gjithë godinën e këtij kombinati, ku rezultoi se “në krahun e djathtë të kapanonit, në fund të tij ndodhen 30 arka me maja plumbi, të sjella nga Gërdeci. Këqyrja u shoqërua me fotografi dhe mbaroi në orën 15:30”.

(d.b/GSH/BalkanWeb)

[_AuLoNa_]

Me Gramoz Rucin do ta freskosh ti Tv-ne? Me shoqen Arta?,me Namik Doklen,me Katriot Islamin? Me Erion Bracen? Me shoqen Mrika?Me Skender Gjinushin? Me Paskal Milon? Ja keta jne ata qe sipas mendjes tuaj do ta cojne Shqiperine perpara, ky eshte brezi i ri juaj.Ju po na "shisni" nje vere te thartuar, por te ambalazhuar bukur.Cilesia e veres eshte brenda shishes e nderuar dhe jo vete shishja.

Te them te drejten duke pare se c'na del perpara gjithmone, ata me duken sikur kane lidur dije. Apo c'eshte per cilesia e veres qe po na shet edhe ti, lexo me lart.
I kemi pare te rinjte e PD'se vetem si kukulla, duke lexuar ato zgaravinat pa pike llogjike qe u japin ti lexojne. Une as kisha marre mundimin fare ti lexoja, per arsye sepse me ulte nivelin intelektual.

Bel ami rri une nuk po i bej ata burra e gra me te mira, por nuk jam e verber si disa nga juve qe jeni verbuar me keq se ne kohen e komunizmit me Dullen qe vetem ate kishim zot.

E po nuk e kupton edhe kete me vjen keq pastaj qe po debatojme.

[njemik]

o drenicak esht italiane e jo greke
greke eshte panorama

[_AuLoNa_]

Dëshmitë në prokurori rrisin numrin e njerëzve të rrethit të ngushtë të kryeministrit që gatuan tragjedinë e 15 marsit 2008. "Gazeta Shqiptare" boton dëshminë e Ish-drejtorit juridik në ministrinë e Mbrojtjes Ndue Marku ku provohet se ministri aktual i Drejtësisë, Enkelejd Alibeaj ka dhënë asistencë ligjore për VKM-në nr. 138 "Për trajtimin e armëve, të teknikës, pajisjeve dhe municioneve të Forcave të Armatosura, të hequra nga armatimi dhe përdorimi".

TIRANE- Me zbardhjen e dëshmive në prokurori të personave që kanë dijeni për mënyrën se si u ngjiz tragjedia e Gërdecit, rritet edhe numri i njerëzve të rrethit të ngushtë të kryeministrit që gatuan tragjedinë e 15 marsit 2008. Njëri prej tyre, ministri aktual i Drejtësisë, Enkelejd Alibeaj ka dhënë asistencë ligjore për VKM-në nr. 138 "Për trajtimin e armëve, të teknikës, pajisjeve dhe municioneve të Forcave të Armatosura, të hequra nga armatimi dhe përdorimi".

Ish drejtori juridik në ministrinë e Mbrojtjes Ndue Marku në një dëshmi të dhënë në prokurori më 8 korrik 2008, dhe botuar sot në "GSH" tregon se vendimi i qeverisë u propozua, pasi MEICO kërkote të lidhte kontratën e shitjes së armëve me kompaninë "SAC".

”Meqenëse kërkesa e SAC nuk ishte thjesht për blerjen e municionit dhe nxjerrjen jashtë shtetit, por për blerjen dhe përpunimin e tyre nëpërmjet demontimit dhe demilitarizimit, nevojitej që ky proces të rregullohej me VKM”- thotë gjatë dëshmisë së tij Ndue Marku.

Pr/vendimi ishte kthyer nga Këshilli i Ministrave dhe Marku dëshmon se ndryshe nga procedurat normale në rastet e kthimit të pr/vendimeve këtë herë pr/vendimi ishte kthyer nga ish-sekretari i Përgjithshëm, Ardian Mullahi dhe shkaqet e kthimit i ishin thënë gojarisht.

Sipas dëshmitarit kërkohej hartimi i një projekt-vendimi procedural, pra jo me një kompani konkrete, por një akt që rregullonte në mënyrë të përgjithshme procedurat.

Sipas Drejtori i atëhershëm i kontrollit të brendshëm në kryeministri, Enkelejd Alibeaj ka ndihmuar hartuesit e këtij projektvendimi duke i dhënë asistencë ligjore ku sugjeron një kompetencë të plotë për ministrinë e Mbrojtjes për shitjen e armëve.

Sipas tij ish-sekretari i Përgjithshëm, Ardian Mullahi dhe këshilltari juridik i ministrit të Mbrojtjes, Plarent Ruka janë këshilluar me ish-drejtorin e Shërbimit të Kontrollit të Brendshëm të Këshillit të Ministrave, z. Enkelejd Alibeaj për mënyrën e trajtimit dhe zgjidhjes së problemit.

Nëpërmjet një e-maili të dërguar më 22.1.2007 nga Enkelejd Alibeaj te Plarent Ruka, i Enkelejdi i sugjeron Plarentit, që në funksion të ofertës së SAC, ministri i Mbrojtjes të hartonte një udhëzim që të parashikonte të gjitha modalitetet për mbylljen e ciklit të shitjes së municioneve, realizimit të çmontim-çmilitarizimit dhe shitjes së produkteve të demontimit brenda Ministrisë së Mbrojtjes, duke përfshirë tre aktorë FA, MEICO dhe Departamentin Ekonomik të Ministrisë së Mbrojtjes. Kjo është kundërshtuar hapur nga ish-drejtori Juridik i ministrisë së Mbrojtjes, Ndue Marku. "Nuk mund të përdorë ministri kështu pasurinë publike", thotë ai në dëshminë që jep në prokurori. Por, ankesa e Markut ra në vesh të shurdhër. Vendimi u miratua sipas sugjerimeve të Alibeajt, MEICO nënshkroi kontratat me "SAC" dhe fabrika e demontimit në Gërdec u bë fakt.

(s.g/BalkanWeb)

[_AuLoNa_]

[_AuLoNa_]

Mirë ardhsh zoti Fazlliç në vendin tim, ku gjithçka shitet për 1 euro, ku askush nuk pyet për askënd dhe ku gjithkush di për çdo kënd. Ju jeni i nderuar në këtë vend, pasi Kryeministri ju hap derën e shtëpisë ndërsa populli ju hap zemrën, duke ju shitur tokat. Prokuroria ju ndjek nga pas, por ju as që e përfillni atë, aq sa vini në Tiranë vetëm për disa orë dhe më pas shoqëroheni për në aeroport sikur të ishit një kryetar shteti.

Ju jeni i nderuar në këtë vend pasi na ndihmuat në arenën ndërkombëtare, e më pas kërkuat si shpërblim sipërfaqe tokash, në të cilat ishe projektuar ndërtimi i një TEC-i. Ju i morët ato, ashtu siç dhe ne u anëtarësuam në NATO, fal ndihmës tuaj, prandaj çdo gjë është në vendin e vet dhe gjithkush është i kënaqur. Emri juaj u përfol gjatë në vendim tim, ku çdo i huaj shihet si një hero që do na sjelli shpëtimin. Por në rastin tuaj u fol e u fol gjatë lidhur me akuzat e ngritura nga ana e prokurorisë. Blerja e një sipërfaqe toke në Porto Romano, ishte strumbullari i gjithçkaje. Shuma prej 1.7 milionë eurosh që nuk dihej se nga vinte u përdor për të blerë tokën në Porto Romano, ku lekët ju dhanë në dorë pronarëve pa kryer asnjë transaksion bankar. Prokuroria ju akuzoi për këtë fakt, por nuk arriti të provoi asgjë, pasi nuk kishte asnjë provë në dorë. Edhe pse kërkoi ndihmë anë e mbanë botës për të verifikuar shkeljet, askush nuk i erdhi në ndihmë. Zvicra, Anglia e Qipro nuk ju përgjigjën në kohë thirrjes së prokurorisë për ndihmë, madje as “thirrjes” së Ministrisë së Drejtësisë, e cila mori rolin e ndërmjetësit për këtë fakt, por që më pas u pa që mbajti një qëndrim të caktuar. Ministria e Drejtësisë arriti të siguronte letër-porosisë e ardhur nga Zvicra, por nuk ja dorëzoi atë kurrë organit të akuzës, duke e çuar këtë institucion drejtë dështimit të turpshëm. Në momentin e mbërritjes, ministri Alibeaj u shpreh se nuk mund të jepte asnjë informacion lidhur me përmbajtjen e tyre, por ai nuk saktësoi periudhën kohore, duke lënë të kuptohet që nuk do jepte asnjë informacion as për prokurorinë. Ndoshta në këtë mes ka pasur një sërë ndërhyrjesh për mos ta çuar kurrë atë letër-porosi, por s’dua ta mendoj diçka të tillë. Ju jeni i mirëpritur zoti Fazlliç ne vendin tim, ku politika ndërhynë kudo, madje dhe në jetën private të individëve. Ku njerëzit janë thjeshtë “makina” që shërbejnë vetëm për të mbushur kutitë e votimit dhe sheshet e mitingjeve. Ku skandalet janë pjesë e jetës, pa të cilat ne nuk jetojmë dot. Ju jeni i mirëpritur, edhe pse ndokush mund t’ju ofendoj ose mund t’ju quaj “Sekser të Ballkanit” dhe mund të hedh baltë mbi figurën tuaj. Tashmë që gjithçka mori fund dhe prokuroria pranoi me turp dështimin e saj, ju mund të lëvizni më lirshëm rrugëve të vendit tim, pa pasur bezdinë e aparateve dhe të kamerave të fshehta që ju filmojnë në çdo vend dhe s’ju lënë rehat të vizitoni ndonjë mikun tuaj. Tashmë ju mund të viheni sërish në aktivitet për të blerë prona të tjera dhe për ta zhvilluar sa më shumë aktivitetin tuja. Kompanitë tuaja, edhe pse nuk kanë asnjë aktivitet të regjistruar, tashmë mund ta shtrinë sa më shumë aktivitetin e tyre, pasi sekuestro e vënë nga ana e prokurorisë, u ç’ekzekutua nga ana e gjykatave. Tashmë ju mund të kërkoni toka të tjera dhe pronarët do të jenë më të gatshëm për t’ju a dhënë, pasi ju jeni një figurë publike tashmë. Fytyra juaj ka qarkulluar në të gjitha mediat, si vizive ashtu dhe të shkruara në Shqipëri, aq shumë mandej se disa politikanë janë bërë xheloz, pasi u ke zënë hapësirën që u takonte atyre.

Mirë ardhshi zoti Fazlliç në vendin tim, ku prokuroria nuk ka forcë për të çuar deri në fund një hetim dhe ku ministria punon kundra saj (a thua se janë armiq). Ndoshta ministria nuk ka arritur dot ta përkthej në kohë atë material dhe nuk ja ka dorëzuar prokurorisë, pasi ka pasur frikën se organi i akuzës nuk kishte persona të aftë për ta shqipëruar atë. Një sërë aludimesh mund të qarkullojnë në mendjet e çdo shqiptari lidhur me mos dërgimin në kohë të letër-porosisë, por askush nuk është i aftë të jap një përgjigje përfundimtare. Ajo i takon vetëm ministrisë, misteri i të cilës u gropos bashkë me dosjen e pezulluar. Zoti Fazlliç, ju jeni i mirëpritur në vendin tim, aty ku polici i aeroportit ju heq kapelën për shenjë mirësjellje dhe ku Kryeministri ju konsideron si mik të ngushtë. Nuk më mbetet gjë tjetër veç t’ju uroju rrugë të mbarë për në vendin tim.

[_AuLoNa_]

Gazeta Shqiptare” në vazhdën e publikimit të dokumenteve që denoncojnë skandalin e tragjedisë së 15 marsit 2008, publikon sot një nga dokumentet shkresore që ka sekuestruar Prokuroria e Përgjithshme në kompjuterin personal të Pinarit

TIRANE-Ish-drejtori i MEICO-s, Ylli Pinari ka sponsorizuar 25.375 euro për mobilimin e zyrës së ish-ministrit të Mbrojtjes, Fatmir Mediu. Gazeta Shqiptare ben te ditur se pagesa është bërë në datën 12 nëntor 2007 dhe i është dorëzuar në dorë, në formën “cash”, Drejtorit të Administrimit dhe Shërbimeve në Ministrinë e Mbrojtjes, Lirim Çuçit, një nga funksionet e të cilit është miradministrimi dhe mirëmbajtja e të gjitha pajisjeve të zyrave të kësaj ministrie, si edhe të Shtabit të Përgjithshëm. “Gazeta Shqiptare” në vazhdën e publikimit të dokumenteve që denoncojnë skandalin e tragjedisë së 15 marsit 2008, publikon sot një nga dokumentet shkresore që ka sekuestruar Prokuroria e Përgjithshme në kompjuterin personal të Pinarit, gjatë hetimeve për çështjen e Gërdecit.
Edhe vetë Çuçi e ka pohuar këtë në shpjegimet e dhëna para oficerit të policisë gjyqësore, në 4 qershor të vitit 2008. Por në deklarimin e tij, drejtori i Administrimit dhe Shërbimeve në Ministrinë e Mbrojtjes ka pretenduar se shuma e sponsorizuar nga Pinari ka qenë më e vogël se 25.375 euro. “Me sa më kujtohet, nga ana e ndërmarrjes MEICO, për rikonstruksionin e zyrës së ministrit të Mbrojtjes është sponsorizuar shuma prej rreth 17 mijë eurosh”, - ka pretenduar Çuçi.

Ndërmarrja shtetërore MEICO, përveç veprimtarisë së eksport-importit të pajisjeve ushtarake, nuk e ka për detyrë të sponsorizojë veprimtari të ndryshme ekonomike në Ministrinë e Mbrojtjes. Një fakt i tillë është pohuar edhe nga Drejtori i Administrimit dhe Shërbimeve në Ministrinë e Mbrojtjes. “Për detyrë nuk e ka, por mendoj që është e ligjshme”, - është shprehur ai.
I pyetur nga oficeri i policisë gjyqësore mbi mënyrën se si janë kryer veprimet bankare në lidhje me firmat që kanë kryer punimet, Drejtori i Administrimit dhe Shërbimeve në Ministrinë e Mbrojtjes shprehet se “pagesa është bërë ‘cash’, në dorë”.
Sipas dokumenteve rikonstruksioni i zyrës së ministrit të Mbrojtjes ka filluar në nëntor të vitit 2007 dhe konsistonte një riparim total të zyrës së ministrit si, pajisje zyre, shtrim dyshemeje, rregullime të mureve të brendshme të zyrës.

(s.g/BalkanWeb)

[_AuLoNa_]

TIRANË- Fabrika e "ferrit" në Gërdec, u ngrit nga Ministria e Mbrojtjes me kërkesë të ndërmarrjes MEICO për llogari të kompanisë amerikane SAC, por, realisht kjo kompani që kishte fituar kontratën e demontimit dhe çmilitarizimit të municioneve të vogla nuk ka përfituar asgjë. Në këtë përfundim ka arritur grupi hetimor i Prokurorisë së Përgjithshme, të cilët duke u bazuar në dëshminë e presidentit të SAC-it, Patrik Henri (Patrick Corneilos Henry) dhe nga verifikimi i transaksioneve bankare, ka rezultuar se kompania amerikane SAC nga ngritja e kësaj punishteje dhe puna e kryer aty ka pasur vetëm humbje. Ndërsa, të ardhurat e fituara nga demontimi i municioneve të lehta nga muaji qershor deri më 30 tetor 2007, me ndihmën e teknologjisë së sjellë nga SAC-i amerikan, ka fituar vetëm firma "Albademil" e Mihal Delijorgjit nën direktivat e ish-drejtorit të MEICO-së Ylli Pinari. Sipas dëshmisë së dhënë para agjentëve të FBI-së, presidenti i SAC-it, ka saktësuar se ishte mashtruar nga Ylli Pinari dhe Mihal Delijorgji. Mashtrim ky, që konsiston, në sjelljen e tij në Shqipëri për të demontuar municione të vogla, kontratën e lidhur mes tij dhe MEICO-së dhe më pas mes SAC-it dhe "Albademilit", duke ia shitur dhe transferuar të drejtën e demontimit dhe çmilitarizimit të municioneve kompanisë së Delijorgjit, e cila nën emrin e SAC-it amerikan ka përfituar shuma të mëdha parash, duke mos ia kaluar SAC-it të ardhurat që i takonin sipas kontratës. "Kam shkuar në Shqipëri gjashtë herë duke qëndruar gati 20 ditë. Udhëtime këto që kanë konsistuar në takime me Ylli Pinarin dhe më pas me Mihal Delijorgjin e Dritan Minxhollin. Shumica e këtyre takimeve është kryer në Kafe dhe Restorante dhe pak takime në zyrat e MEICO-s. Pinari, më sugjeroi të kisha një ortak në Shqipëri pasi i vetëm do të cilësohej puna ime e paligjshme. Ai më prezantoi Mihal Delijorgjin, me të cilin, sipas direktivave dhe udhëzimeve të Pinarit, nënshkrova kontratën e parë. Më 6 qershor 2006 kam firmosur kontratën mes SAC-it dhe MEICO-së, më 7 qershor mes meje dhe "Albademil"-it e cila do të siguronte fonde për ndërtimin e fabrikës, ambiente dhe personel ndërsa unë do të siguroja makineritë dhe mbikëqyrësin e këtij operacioni për demontim. Për këto 9 makineritë dhe dyqanin e këtyre makinerive unë kam paguar në SHBA, rreth 860 mijë dollarë amerikane pa përfshirë këtu blerjen e çantave plastike anti-statik dhe materiale paketuese për barutin. Për të gjitha këto, unë do të kompensohesha me 33 % të të ardhurave të kontratës dhe nga materiali i mbetur i skrapit të kalibrave të vegjël. Deri më tani, nuk kam marrë asnjë qindarkë, as për makineritë që dërgova në Shqipëri, as nga të ardhurat e materialit të skrapit të mbetur dhe as nga përqindja e aksioneve që kisha me "Albademilin", e cila pas dy muaj punë, më uli aksionet nga 33 % në 25 %"-ka thënë ndër të tjera presidenti i SAC-it, Henri. Sipas tij, kjo metodë pune, u propozua dhe u realizua me kërkesë të ish-drejtorit të MEICO-s Pinari. "Për të gjithë punën që është bërë aty, në emrin tim, SAC-i ka marr vetëm 200 ton mbetje (skrap) tunxhi dhe bleva nga "Albademili" 240 ton mbetje barut për riciklim që e dërgova në Belgjikë dhe asnjë qindarkë tjetër, edhe pse më takonin. Ditën e shpërthimit, më 15 mars 20008 kishte rreth 520 ton barut të municioneve të kalibrave të vegjël, për të cilin SAC-i kishte rënë dakord me "Albademil"-in për t'ia blerë këtë barutin fijegjatë dhe kur ndodhi shpërthimi ne po merreshim me rregullimin e transportit",- ka thënë ndër tjera Henri para agjentëve të FBI-së, të cilët e kanë pyetur për llogari të hetimeve të prokurorisë shqiptare. Gjithashtu, në fund të pasqyrimit të konfliktit mes Delijorgjit e Henrit, ky i fundit dëshmon se "unë nuk isha një partner i informuar rreth shpenzimeve dhe të ardhurave të kompanisë. Sipas marrëveshjes gojore e me shkrim, mua duhet të më siguroheshin vazhdimisht gjithë të ardhurat dhe shpenzimet. Unë nuk mora ndonjë raport nga "Albademil" për gjithë projektin e municioneve të vogla. Vetëm më 14 mars 2008 unë u informova për shpenzimet dhe të ardhurat e veprimtarisë së kalibrit të vogël, edhe pse kontrata e parë kishte mbaruar 5 muaj më parë",-ka thënë Henri. Ndërsa, edhe prokuroria ka saktësuar se kompania "Albademil" nuk ka kryer asnjë transaksion bankar në llogari të presidentit të SCA-it Henri për kontratën e parë dhe të dytë.



Shekulli

[beni67]

ESHTE I QARTE TANI SKENARI. lUAJNE ME LEXUESIT SI MACJA ME MIUN. eDHE KETU U ZGJAT SHUME NUK KA ME INTERRES. lEXIMI I PASTIMEVE TE AULONES I NGJAN NJE TELEKOMEDIE TE MERZITSHME.......

[_AuLoNa_]

Ndaj po vjen ti se jan te merzitshme!

Po te ishin te merzitshme, nuk do merrje mundimin ti lexoje, apo edhe te ktheje nje pergjigje boshe si keto te tuat....