Gazeta Shqiptare veteinskenon "bllokim te gazetes" per te krijuar sensacion

[INFINITY©]

ESHTE I QARTE TANI SKENARI. lUAJNE ME LEXUESIT SI MACJA ME MIUN. eDHE KETU U ZGJAT SHUME NUK KA ME INTERRES. lEXIMI I PASTIMEVE TE AULONES I NGJAN NJE TELEKOMEDIE TE MERZITSHME.......

Ke qe mbreme qe po ben gerr verr me keq se ato grate e liga. Mire qe ke mesuar shkruan nga 2 rreshta sa per te share Aulonen. O shkruaj ndonje gje qe ja vlen, o mos shkruaj fare. Do te ofendosh Aulonen, dergoji ndonje mp dhe jam e sigurte qe do ta marresh pergjigjen qe meriton.

[_AuLoNa_]

Ke qe mbreme qe po ben gerr verr me keq se ato grate e liga. Mire qe ke mesuar shkruan nga 2 rreshta sa per te share Aulonen. O shkruaj ndonje gje qe ja vlen, o mos shkruaj fare. Do te ofendosh Aulonen, dergoji ndonje mp dhe jam e sigurte qe do ta marresh pergjigjen qe meriton.

Lere se tregon burrerine dhe xhentilesen e teperme qe i ka ngelur.

Danicng with the Stars, Tony me Melisen moren vendin e trete.
E predikova qe dije, se ate vallezimin e lire, nuk e bene aq mire.

[DeuS]

Ishte ora 8 e mengjesit, nderkohe qe po degjoja ate emisionin e Bashkim Hoxhes, se kam kenaqesi kur degjoj njerezit te marrin ne telefon e te qajne hallet e tyre, te shprehin opinionet haptas, te kritikojne qeveri e opozite etj(sa per sqarim, ky eshte i vetmi emision i news24 qe ndjek, se te hidhet Brarua menjehere pastaj lol). Me duket si menyra me e mire per te perjetuar me afer, realitetin e Shqypnise. Ishte momenti kur Bashkimi po lexonte titujt kryesore te GSH-se dhe pasi u hapen telefonatat, menjehere mori njeri dhe tha qe GSH nuk kishte dal ne shitje. Bashkimi tere habi, shikonte pas kameras per informacion te metejshem, nderkohe qe u surprizua. Qe aty me dogji qe dicka kishte bere vaki..

Skenar i PS-se apo lesh me qime pasterma, nje Perendi e di..
Une di qe nje gazete, postoi tabulatet qe kishin te benin me familjen kryeministrore dhe me shkaktaret e Gerdecit..
Ajo gazete u zhduk menjehere nga qarkullimi..

Keto gjera vetem atje tek ne bejne vaki!
Personalisht jam pro Medias, as nuk e luan topi..
Nese Media shkel ligjin, mashtron popullin, atehere te merret ne ndjekje penale...
Nese nuk merret ne ndjekje penale, atehere aty ka dicka te vertete..
E verteta duhet te dale ne shesh sado e hidhur qofte ajo..
Nese Media censurohet, atehere miq te dashur, welcome te prison camp!

[_AuLoNa_]

"GSh” publikon sot një leter konfienciale që Ish-shefi i Shtabit të Përgjithshëm i ka dërguar Berishës në 12 nëntor të 2007 ku pasqyrohet gjëndja e rënduar në FA nga keqmenaxhimi i Mediut: "Ka diktaturë në Ushtri"

TIRANE- Ish-shefi i Shtabit të Përgjithshëm Luan Hoxha ka informuar ne detaje kryeministrin Berisha për mënyren se si keqmenaxhohej ministria e Mbrojtjes nga titullari i saj Fatmir Mediu . “Gazeta Shqiptare” publikon sot një leter konfienciale që Hoxha i ka dërguar Berishës në 12 nëntor të 2007 ku pasqyrohet gjëndja e rënduar në Forcat e Armatosura si pasojë e menaxhimit të keq nga ana e Mediut. Ish-shefi i Shtabit akuzon Mediun se kishte përqëndruar gjithë pushtetet në duart e veta.

“Kjo nuk kishte ndodhur që nga viti 2000, dhe për pasojë unë mund të them se sot, në drejtim të menaxhimit të personelit ushtarak e civil, ne ndodhemi në periudhën më të centralizuar historike të Forcës së Armatosur, (për hir të së vërtetës, as në kohën e diktaturës ky proces nuk ka qenë kaq i centralizuar nga Ministri).”
Informacioni daton 4 muaj para se të ndodhte tragjedia e rëndë e Gërdecit.Mes të tjerash Hoxha e informon Berishën se Mediu e kishte zhveshur atë nga shumë prej kompetencave që i jepte ligji.

Gjatë letrës së tij Hoxha informon Berishën se ka pasur raste kur ministri ka emëruar dhe kthyer në Forcat e Armatosura oficerë në kundërshtim me kriteret e përcaktuara me ligj, si dhe raste të tjera të dhënies së gradave e emërimeve për oficerë me vese, mashtrues me dokumente në procesin e dhënies së gradave. “Ministri vazhdon të mos e pyesë Shefin e Shtabit edhe për emërime shumë të rëndësishme, siç është rasti i emërimit të Komandantit të Brigadës së Reagimit të Shpejtë, në kundërshtim me kërkesën edhe këshillën time për të rishikuar këtë emërim që ka të bëjë me një pozicion funksional të gjeneralit më të rëndësishëm të Trupave të Luftimit të Forcave tona të Armatosura” shkruan ne letrën e tij drejtuar kryeministrit Berisha dhe që mban datën 12 nëntor 2007.

Hoxha denoncon më tej mosfunksionimin e disa strukturave të vetë Ministrisë së Mbrojtjes, që për pasojë sjellin çrregullime në realizimin e detyrave të përbashkëta Ministri-Shtab i Përgjithshëm dhe për të cilën Hoxha shkruan se kishte kontaktuar disa herë me ministrin.

“Qëllimi im nuk është që të “akuzoj” një palë e të “mbroj” tjetrën- shkruan Hoxha në letrën e tij - Qëllimi im është në radhë të parë të rregullohet sa më shpejt gjendja, sepse nga informacionet që kam nga një masë oficerësh në bazë, këto deformime mund të arrijnë në nivele të pariparueshme e me pasoja negative historike në jetën e Forcës së Në fund të letrës Hoxha shkruan se është I gatshëm të zhvillojë nje takim me kryeministrin Berisha për të diskutuar më thellë mbi këto probleme e shqetësime që kishin lindur në ministrinë e Mbrojtjes.

(s.g/ BalkanWeb)

[_AuLoNa_]

Ish-ministri i Mbrojtjes, Fatmir Mediu në dëshminë e dhënë përpara prokurorisë ka deklaruar se nuk e ka takuar asnjëherë Mihal Delijorgjin. “Nuk kam pasur asnjë dijeni si ministër për ‘Albademil’ dhe çdo marrëdhënie zyrtare që unë kam urdhëruar ka qenë vetëm me shoqërinë ‘SAC’, ka deklaruar ish-ministri para prokurorive.

REPUBLIKA E SHQIPËRISË
PROKURORIA E RRETHIT GJYQËSOR TIRANË
PROCESVERBAL
PËR DEKLARIMET NGA PERSONAT QË TREGOJNË RRETHANAT E HETIMIT
Në Tiranë, viti 2008, muaji mars, data 19.
Ne, Genci QANA dhe Arben DOLLAPI, me detyrë prokurorë në Prokurorinë e Rrethit Gjyqësor Tiranë, bazuar në nenet 312 dhe 315, pika 1, germa c të Kodit të Procedurës Penale, mbajmë këtë procesverbal me të dhëna përmbledhëse nga shtetasi Fatmir Mediu, i biri i Aliut dhe i Naxhies, i datëlindjes 21.01.1967, lindur në Durrës dhe banues në Tiranë, pall. pranë ‘Lion Park’, me kombësi dhe shtetësi shqiptare, me arsim të lartë, i padënuar, me gjendje civile i martuar, pasi është personi që ka dijeni për rrethana të dobishme për qëllimet e hetimit. Personi u paralajmërua për përgjegjësinë penale që ka në bazë të nenit 305/a të Kodit Penal, nëse bën deklarim të rremë përpara prokurorit, duke dhënë shpjegime që i di se janë tërësisht ose pjesërisht të rreme apo fsheh fakte ose prova.

PYETJE: A jeni takuar ndonjëherë personalisht me shtetasin Patrick Henry dhe nëse po, në çfarë rrethanash?

PËRGJIGJE: Me shtetasin Patrick Henry jam takuar vetëm njëherë në zyrën time, por saktësisht nuk e kujtoj datën. Në këtë takim ai më paraqiti interesin në fushën e demontimit të municionit. Kam dijeni që ai në ambientet e ministrisë ka bërë një paraqitje filmike të teknologjisë që dispononte shoqëria e tij, dhe kjo paraqitje është bërë në prani të autoriteteve civile dhe ushtarake të Ministrisë së Mbrojtjes.

PYETJE: A njihni shtetasin Mihal Delijorgji dhe a keni diskutuar ndonjëherë në lidhje me këto kontrata që janë lidhur për procesin e demontimit?

PËRGJIGJE: E njoh se cili është si person, por asnjëherë të vetme nuk jam takuar apo diskutuar me të për procesin në fjalë.

PYETJE: A keni qenë në dijeni të faktit se shoqëria amerikane ‘SAC’, mbas lidhjes së kontratës nuk ka vepruar vetë në terren, por ka lidhur kontratë me një shoqëri shqiptare të quajtur ‘ALBADEMIL’?

PËRGJIGJE: Jo, nuk kam qenë në dijeni të këtij fakti. Çdo kërkesë tek unë ka ardhur nga shoqëria ‘SAC’ dhe çdo urdhër i dalë nga unë ka pasur të bëjë vetëm me këtë kompani. Jam vënë në dijeni për ekzistencën e këtij fakti, mbasi ka ndodhur ngjarja. As nga vartësit e mi, në çdo mënyrë apo formë nuk më është bërë ndonjëherë i ditur fakti se shoqëria amerikane nuk po vepronte vetë në terren.

PYETJE: Si në rastin e kontratës së parë ashtu edhe asaj të dytë, a keni kërkuar ndonjëherë informacion se si po zhvillohej procesi i demontimit dhe demilitarizimit të municionit të përcaktuar për këtë qëllim në urdhrat tuaja?

PËRGJIGJE: Në çdo urdhër përcaktohen autoritetet civile dhe ushtarake që ndjekin zbatimin e urdhrit, të cilat janë të detyruara për të raportuar për çdo problem që lidhet me zbatimin ose moszbatimin e urdhrit, dhe unë nuk jam vënë në dijeni për ndonjë problem gjatë këtij procesi. Në veçanti, ndërmarrja MEICO e ka detyrë ligjore që të raportojë me shkrim për çështje të shitjes së municionit, autoritetet më të larta shtetërore.

PYETJE: A keni pasur ju dijeni në lidhje me faktin që shoqëria amerikane ‘SAC’, dispononte apo jo licencë për ushtrimin e aktivitetit për të cilin kishte paraqitur kërkesë në Ministrinë e Mbrojtjes?

PËRGJIGJE: Në lidhje me këtë moment, më është raportuar që gjithë dokumentacioni i firmës i përmbushte kushtet ligjore që ishin përcaktuar në vendimin e Këshillit të Ministrave. Procesverbali, mbasi lexohet dhe gjendet në rregull, nënshkruhet nga të pranishmit.
NË TIRANË, VITI 2008, MUAJI SHTATOR, DATA 10, ORA 10:00

PYETJE: Cili ka qenë angazhimi juaj në procesin administrativ të hartimit, miratimit dhe zbatimit të akteve nënligjore (VKM, urdhra, udhëzime), që lidhen me procesin e çmontim-çmilitarizimit të municioneve në Gërdec si dhe në mbikëqyrjen/kontrollin e këtij procesi?

PËRGJIGJE: Së pari, dua të theksoj se demontimi i municioneve është një prioritet ligjor për Ministrinë e Mbrojtjes, që buron nga Marrëveshja e Stabilizim-Asociimit, e cila është miratuar në Kuvendin e Shqipërisë dhe parashikon eliminimin e municioneve të tepërta deri në vitin 2010. Një gjë e tillë është e parashikuar gjithashtu dhe në paktin e stabilitetit për Europën Juglindore dhe në mënyrë më të veçantë, në tryezën e tretë për sigurinë. Ky detyrim parashikohet gjithashtu në procesin e anëtarësimit në NATO, të cilat vlerësohen në mënyrë vjetore në strukturat përkatëse të NATO-s dhe dokumentin e PARPI-t, i NATO-s, që është specifik për problemet e forcave të armatosura. Po kështu, parashikohet në dokumentin “Strategjia e Sigurisë Kombëtare”, e miratuar në Kuvendin e Shqipërisë. Në të parashikohen gjithë aspektet e sigurisë kombëtare dhe në të parashikohet dhe fakti se problemi i municioneve përbën një nga elementët e cenimit të sigurisë kombëtare. Në këtë kuadër është zhvilluar dhe një seancë dëgjimore në nëntor 2007, në Komisionin e Sigurisë Kombëtare, pas një observimi të anëtarëve të Komisionit të të gjitha depove të armatim municionit në Shqipëri. Komisioni ka dalë në përfundime duke vlerësuar gjendjen shumë të keqe të ruajtjes së municioneve dhe rrezikshmërinë e tyre, duke bërë dhe sugjerime. Pas kësaj është bërë seanca dëgjimore, ku unë kam qenë bashkë me shefin e Shtabit të Përgjithshëm dhe përfaqësues të tjerë të Forcave të Armatosura. Aty kemi konsideruar si të drejta konstatimet e Komisionit. Kemi paraqitur aty punën që kemi bërë deri në atë kohë dhe planin e mëtejshëm për eliminimin e municioneve të tepërta. Gjithashtu, një dokument baze i Ministrisë së Mbrojtjes është Direktiva e Mbrojtjes, në të cilën ministri i Mbrojtjes parashtron prioritetet e punës. Kjo direktivë shoqërohet me plan konkret masash dhe veprimesh për implementimin e direktivës nga Shtabi i Përgjithshëm. Të gjitha këto parashikohen në një matricë analitike, ku ngarkohen strukturat civile dhe ushtarake me detyra konkrete dhe afate për realizimin e tyre. Këto janë dokumentet bazë që parashikojnë prioritetin e ministrisë në raport me demontimin e municioneve. Dua të shtoj se politika e demontimit është një politikë që ka kohë që ka filluar dhe nuk filloi kur unë u emërova ministër i Mbrojtjes dhe jemi përpjekur të tërheqim asistencën teknike, por dhe mbështetjen financiare nga vendet anëtare të NATO-s. Ne si ministri kemi pasur bashkëpunim me NAMSA-n, me SHBA-në, Departamentin e Shtetit dhe atë të Mbrojtjes. Projekti i NAMSA-së ka pasur si objekt shkatërrimin me djegie të municionit të lehtë, në Mjekës. Në këtë projekt ishin përfshirë si donatorë disa vende, ku rolin kryesor e luante Kanadaja. Kemi pasur disa projekte me SHBA-në, ku më domethënës ishte “Projekti i Qafmollës”, që synonte eliminimin e elementëve kimikë që kanë qenë me një rrezikshmëri shumë të lartë. Po kështu, kur kam qenë ministër kam mundur të tërheq fonde nga Departamenti i Shtetit për shkatërrimin e municioneve si bombave ajrore, minave detare dhe silureve. Gjithë vija jonë detare ka pasur një gjendje shumë të rënduar nga pikëpamja e sigurisë, pasi kishte shumë nga këto municione. Ky projekt është realizuar nga ‘SAC’ dhe asgjësim i tyre është bërë në disa vende. Procesi u realizua me djegie. Në këtë proces ka pasur vetëm një dëmtim të një personi i cili u dogj pjesërisht. Ka pasur një projekt tjetër që u realizua nga ‘EOD Solution‘, që u krye në Gramsh për kalibrat 82 mm. Procesi ishte me djegie me shpërthim dhe ka pasur një viktimë. Kemi pasur dhe demontime të realizuara nga njësia jonë AEM, që është njësia e specializuar pranë Komandës Mbështetëse. Me këto demontime kemi pasur incidente të rënda, sikurse ishte ajo e Dhëmblanit, ku kishte pasojë vdekje, plagosje, shkatërrim shtëpish. E njëjta situatë u krijua dhe në Korçë dhe Pukë, kur AEM realizonte proceset e demontimit. Këto janë ngjarje të njohura publikisht. Ka pasur dhe një kontratë tjetër me ‘ARMOR Group’ dhe ‘EOD Solution’ për shkatërrimin e municionit mbi 80 mm. Ajo që dua të theksoj, është se demontimet me djegie duhet të kryhen në poligone të posaçme. Në të gjitha rastet kur janë kryer këto demontime nuk janë kryer në poligone të miratuara nga ndonjë akt ligjor apo nënligjor. Ne kemi bërë përpjekje të ndryshme duke përcjellë projekte të ndryshme në qeveri, por janë kthyer mbrapsht. Deri më sot ne nuk kemi asnjë vend të licencuar për demontim. Për të kaluar në rastin konkret që po hetohet, kontratës me kompaninë ‘SAC’, dua të deklaroj në lidhje me ato që ju keni paraqitur në kërkesën për heqjen e imunitetit apo publikisht, se nuk kam asnjë lidhje apo marrëdhënie personale të çdo lloji as me Mihal Delijorgjin, dhe as me Patrick Henry. Nuk kam pasur asnjë dijeni si ministër për ‘Albademil’ dhe çdo marrëdhënie zyrtare që unë kam urdhëruar ka qenë vetëm me shoqërinë ‘SAC’. Për të qartësuar si proces, dua të them se kanë qenë dy kontrata bazuar në dy urdhra. Urdhri 550 për kontratën e parë, e cila është mbyllur si kontratë brenda normave të Kodit Civil me rakordim të dy palëve, si dhe kontrata që buroi nga urdhri nr. 2044, është ndërprerë nga shpërthimi i ndodhur më 15.3.2008. Deklaroj se çdo veprim i imi ka qenë në përputhje me detyrën time si ministër, respektimi i detyrës që më ngarkon Kushtetuta dhe Vendimet e Këshillit të Ministrave. Duke ju referuar analizës shkresore, jam vënë në dijeni për interesimin e kësaj kompanie, që interesohej për demontimin rreth muajit korrik 2006 nëpërmjet një MEMO-je të dërguar nga MEICO. Me vënien në dijeni kam bërë shënime për shefin e Shtabit të Përgjithshëm, i cili është autoriteti më i lartë i FA dhe këshilltari im, duke i kërkuar mendim për këtë çështje. Nuk kam ndonjë korrespodencë, përgjigje në lidhje me këto shënime mbi këtë MEMO nga Shtabi i Përgjithshëm. Në fund të dhjetorit 2006, kam marrë një kërkesë me shkrim nga kompania ‘SAC’, e cila kërkonte të vendoste një marrëdhënie me Ministrinë e Mbrojtjes për demontim. Nuk mbaj mend se si ka mbërritur tek unë kjo kërkesë, por ka tri rrugë për të ardhur një shkrese te zyra e ministrit; nëpërmjet sekretarit të përgjithshëm; Shtabi i Përgjithshëm; drejtorive të vartësisë së drejtpërdrejtë, si MEICO, drejtoria e inspektimit të përgjithshëm apo komandat. Kjo ishte një kërkesë që kishte hyrë zyrtarisht tek unë dhe u procedua zyrtarisht më tej. Unë kam herë shënimet përkatëse për autoritetin më të lartë civil, që është sekretari i përgjithshëm dhe autoritetin më të lartë ushtarak, që është shefi i Shtabit të Përgjithshëm. Kjo, për faktin se sekretari i përgjithshëm ka në vartësi të gjithë drejtoritë e strukturës civile, ndërsa shefi i Shtabit të Përgjithshëm ka në vartësi të gjitha drejtoritë dhe strukturat ushtarake si dhe komandat. Shënimi që unë kam bërë për këto dy struktura ka qenë që: “Kërkesa të konsiderohet sipas një praktikë konform ligjit”. Këto dy autoritete kanë kompetencë që të vënë në lëvizje strukturat e tyre të vartësisë. Duhet të keni parasysh se Ministria e Mbrojtjes ka dy linja strukturash; Drejtoritë e Ministrisë së Mbrojtjes dhe Drejtoritë e Shtabit të Përgjithshëm. Pas këtij shënimi, në zyrën time ka ardhur një MEMO e Shtabit të Përgjithshëm e datës 28.12.2006. Kjo nuk ka ardhur më datë 28, por me sa kujtoj rreth datës 10 janar 2007. E theksoj këtë, se kjo tregon se nuk kam pasur ndonjë zell të veçantë apo të diferencuar për këtë kërkesë. Në MEMO-n që ka paraqitur Shtabi pranë meje, Shtabi ka bërë një vlerësim e analizë të detajuar të kërkesës. Veç të tjerave, ajo thekson se shkresa e paraqitur nga kjo kompani është e njëjtë me atë të paraqitur nga ndërmarrja MEICO. Shtabi i Përgjithshëm ka bërë vlerësimin e kërkesës së ‘SAC’ dhe elementëve konkret të saj për mënyrën e realizimit të demontimit, vendit të demontimit si dhe sugjerime të tjera përkatëse. Unë kam bërë shënimin mbi këtë MEMO: “Shikoni konform rregullave dhe interesit dhe planit të demontimit, shikoni që në takim me kompaninë të negocioni për problemet”. Kjo i është drejtuar përsëri sekretarit të përgjithshëm dhe shefit të Shtabit të Përgjithshëm”. Kjo provon dhe njëherë që unë kam kërkuar që çdo gjë të bëhej konform rregullave. Dua të shtoj se në të njëjtën kohë, në proces ka qenë dhe projekti me ‘SAC’ dhe ‘ARMOR Group’. Rreth datës 18 janar 2007, shoqëria ‘SAC’ dhe më saktë Patric Henry, ka bërë prezantim filmik të teknologjisë së demontimit në ministri ku kanë qenë prezent strukturat civile dhe ushtarake. Di që ka bërë këtë prezantim në ministri dhe e kam pritur në zyrën time. Mbaj mend që kishte një lap-top me vete dhe kërkoi që të ma prezantonte dhe mua, gjë për të cilën nuk tregova interes.

Gazeta Shqiptare

[_AuLoNa_]

Ish-shefi i Shtabit të Përgjithshëm, Luan Hoxha ka informuar në detaje kryeministrin Sali Berisha për mënyrën se si keqmenaxhohej Ministria e Mbrojtjes, nga titullari i saj, Fatmir Mediu. Në një letër konfidenciale që Hoxha i ka dërguar Berishës në datën 12 nëntor 2007, pasqyrohet e plotë gjendja e rënduar në Forcat e Armatosura si pasojë e menaxhimit të keq nga ana e Mediut, i cili akuzohet nga ish-shefi i Shtabit, se kishte përqendruar të gjitha pushtetet në duart e veta. Informacioni daton 4 muaj para se të ndodhte shpërthimi tragjik në punishten e vdekjes në Gërdec. Hoxha e informon Berishën se, prej emërimit të tij në pozicionin e Shefit të Shtabit, ministri i Mbrojtjes, Fatmir Mediu e kishte zhveshur atë nga shumë prej kompetencave që i jepte ligji.

REPUBLIKA E SHQIPËRISË
MINISTRIA E MBROJTJES
SHTABI I PËRGJITHSHËM
KONFIDENCIALE, TIRANË MË 12.11.2007
LËNDA: Mbi disa shqetësime në Forcat e Armatosura
DREJTUAR: SH.T Zotit Sali Berisha, Kryeministër i Republikës së Shqipërisë

I nderuar zoti Kryeministër,

Në radhë të parë dëshiroj t’ju informoj se procesi i reformës në Forcat e Armatosura po shkon në drejtimin e duhur dhe se edhe kohët e fundit në të gjitha aktivitetet që ne kemi marrë pjesë, në stërvitjet e përbashkëta, rajonale qoftë në vendin tonë por edhe në vendet fqinje, kemi arritur rezultate të larta e të vlerësuara si më të mirat në radhët e vendeve aspirante për anëtarësim në NATO. Para pak ditësh, dhe në procesin e vlerësimit të kapaciteteve tona operacionale nga ekipi i NATO-s gjatë zhvillimit të stërvitjes “Longboë Lancer” kanë qenë pozitive, duke kaluar me sukses fazën e parë të vlerësimit sipas konceptit OCC të batalionit të dytë të Brigadës së Reagimit të Shpejtë. Ky objektiv ishte një nga objektivat vjetorë kryesorë, të deklaruara në Aleancë nga ana jonë dhe realizimi i tij me cilësi ka pasur një impakt edhe më pozitiv në vlerësimin që po bëhet për përgatitjen operacionale të kapaciteteve të planifikuara e të deklaruara për kontributin tonë të ardhshëm në Aleancë. Në të gjitha takimet e nivelit të lartë me Komandën e Transformimit të Aleancës Norfolk, me Komandën Amerikane në Europë, me Komandën e Komponentit Tokësor të NATO-s në Gjermani e me radhë, kemi marrë vlerësime nga më pozitivet për punën e bërë, për standardet e arritura dhe veçanërisht për kontributin e dhënë në operacionet në ruajtje të paqes, gjë kjo që në shumë raste, në raport me sasinë e forcës së armatosur që kemi, kalon edhe kontributin e disa vendeve që janë anëtare të Aleancës. Rezultatet e arritura në të vërtetë nuk janë një surprizë për ne, pasi ato janë frut i një pune të sistemuar e të vazhdueshme të bazuar në plane afatshkurtra, afatmesme e afatgjata, të hartuara në përputhje të plotë me dokumentet kryesore të Mbrojtjes. Duke pasur në konsideratë se periudha e mbetur deri në Samitin e Bukureshtit është një periudhë shumë e rëndësishme e shumë delikate, më lejoni t’ju parashtroj edhe disa shqetësime që unë, si Shefi i Shtabit të Përgjithshëm të Forcave të Armatosura, si drejtuesi më i lartë ushtarak, dhe si këshilltari më i lartë ushtarak i Juaji, mendoj se duhet të viheni në dijeni.


Zoti Kryeministër,

Me propozimin tuaj kam diçka më tepër se një vit në krye të Shtabit të Përgjithshëm, me një situatë të vështirë në menaxhimin e personelit, detyrë që rrjedh nga ligji për pushtetet dhe autoritetet e Komandimit në Forcat e Armatosura. Një muaj pas ardhjes sime në detyrë, pa komunikuar me mua, dhe në kohën që ndodhesha në selinë e NATO-s, ministri i Mbrojtjes ka urdhëruar abrogimin e urdhrit të Ministrit të Mbrojtjes të vitit 2004, për delegimin e kompetencave Shefit të Shtabit në emërimin e personelit të Forcës së Armatosur, duke bërë kështu një hap prapa në anën konceptuale të menaxhimit të personelit. Kjo nuk kishte ndodhur që nga viti 2000, dhe për pasojë unë mund të them se sot, në drejtim të menaxhimit të personelit ushtarak e civil, ne ndodhemi në periudhën më të centralizuar historike të Forcës së Armatosur, (për hir të së vërtetës, as në kohën e diktaturës ky proces nuk ka qenë kaq i centralizuar nga Ministri). Një ndikim jo të vogël ka pasur ky centralizim edhe në fushën e respektit etik të Autoriteteve të Komandimit e të Drejtimit, kur ministri i Mbrojtjes, edhe pse Shefi i Shtabit është në zyrë, vazhdon t’i ngarkojë detyra direkte operacionale jo vetëm vartësit në Komandat Kryesore, por ndonjëherë edhe deri edhe në nivel batalioni. Edhe kjo mënyrë e të ushtruarit të autoritetit bie ndesh me parimet bazë të Komandim-Kontrollit në një Forcë të Armatosur të një vendi demokratik. Ky fakt vërtetohet edhe nga rekomandimet gojore e me shkrim të disa ekipeve të ardhura nga vende të Aleancës, por dhe nga Komanda e NATO-s JFC Napoli kanë deklaruar në nivelet më të larta, sikurse edhe në prezencën time, si një eksperiencë të praktikueshme në një strukturë ushtarake të një vendi demokratik. Ky centralizim dhe dobësim i funksionit të Shefit të Shtabit bën të mundur që të krijohet një perceptim që Ministri nuk ka besim tek Shefi i Shtabit për t’i deleguar kompetencat, që ligji ia shpreh si detyrë dhe përgjegjësi që duhet të bëjë. Kjo detyrë e vënë në ligj ka pasur parasysh se është e domosdoshme që duhet të ketë një ndarje të drejtë të raporteve të politikës me profesionalizmin. Në fakt, unë mendoj se kjo nuk është bërë nga moskuptimi i drejtë i raporteve, por më shumë nga pozicione personale. Megjithatë, kjo nuk është e mjaftueshme për të krijuar një përshtypje të plotë. Ka pasur raste edhe kur ministri ka emëruar dhe kthyer në Forcat e Armatosura oficerë në kundërshtim me kriteret e përcaktuara me ligj, si dhe raste të tjera të dhënies së gradave e emërimeve për oficerë me vese, mashtrues me dokumente në procesin e dhënies së gradave. Për këto të fundit është injoruar kërkesa e drejtpërdrejtë e Komisionit të Ankimimit të ngritur nga vetë Ministri para më shumë se një viti, si dhe letra sqaruese direkte e vetë Shefit të Shtabit, letër në të cilën janë sjellë prova shkresore të mashtrimit të dokumentuar në disa nivele të komandimit. Edhe kjo praktikë është hartuar në mënyrë ligjore nga Policia e Shtetit dhe nga Policia Ushtarake. Megjithëse kam insistuar duke i thënë të vërtetën, ministri, edhe pse ky problem është i njohur edhe në opinionin ushtarak, nuk më ka mbështetur. Kjo gjë nuk mendoj se mund të dojë shpjegime të mëtejshme nga ana ime. Megjithëse jam munduar të “mirëkuptoj”, gjë që gjykoj se më është marrë për “tërheqje”, akoma edhe tani Ministri vazhdon të mos e pyesë Shefin e Shtabit edhe për emërime shumë të rëndësishme, siç është rasti i emërimit të Komandantit të Brigadës së Reagimit të Shpejtë, në kundërshtim me kërkesën edhe këshillën time për të rishikuar këtë emërim që ka të bëjë me një pozicion funksional të gjeneralit më të rëndësishëm të Trupave të Luftimit të Forcave tona të Armatosura. Në fakt, unë mendoj se është pa kuptim që unë të pyetem e të propozoj tek Ministri edhe për emërimin e një nënoficeri, togeri ose kapiteni dhe të mos pyetem për një komandant brigade. Në eksperiencën time më se 12 vjeçare pune si gjeneral, nuk më ka takuar as ta dëgjoj një gjë të tillë. Krahas këtyre problemeve, ka edhe çështje të mosfunksionimit të disa strukturave të vetë Ministrisë së Mbrojtjes, që për pasojë sjellin çrregullime në realizimin e detyrave të përbashkëta Ministri-Shtab i Përgjithshëm, gjë për të cilën kemi biseduar disa herë me Ministrin. Edhe për këtë çështje ka më shumë se 6 muaj që ekipe të një prej institucioneve amerikane më serioze në fushën e marrëdhënieve civilo- ushtarake (Qendra për studimin e marrëdhënieve Civile Ushtarake në Kaliforni), të ftuara nga vetë Ministri, kanë bërë studimin për gjendjen tonë konkrete, por edhe rekomandimet e tyre nuk janë marrë akoma parasysh. Në këtë studim thuhet haptazi që disa struktura në Ministrinë e Mbrojtjes nuk plotësojnë misionin ose mungojnë fare, për pasojë shumë nga detyrat që duhet të kryejnë këto struktura bëhen nga Shtabi i Përgjithshëm. Në fakt, kjo praktikë dëmton edhe vetë Shtabin, që në shumë raste duke bërë gjëra që ndofta nuk i njeh sa duhet, ka dëmtuar cilësinë e punës (të tjerëve), duke mos realizuar në cilësi edhe ndonjë nga detyrat e veta funksionale. Problem tjetër shumë i rëndësishëm është dhe realizimi i buxhetit të këtij viti. Si pasojë e një procesi jo të mirorganizuar e të strukturave pa shumë përvojë në Planifikim Programim e Buxhetim, si dhe për pasojë të pengesave burokratike të tenderimeve, realizimi i buxhetit për këtë vit është në nivel të pakënaqshëm, rreth 65% kundrejt planit të 11- mujorit. Për të analizuar këtë çështje, i kam kërkuar ministrit takime e ballafaqime të strukturave planifikuese e programuese me ato të financës e të prokurimeve, në mënyrë që më pas të mbahet qëndrim ndaj personave përgjegjës, por deri tani akoma nuk po ndodh një gjë e tillë. Në fakt, unë nuk mund të zhvilloj vetëm me Shtabin këtë analizë, pasi një pjesë e rëndësishme e procesit sidomos tenderimet, janë në drejtoritë e Ministrisë dhe në komandat kryesore, duke mos më dhënë akses as për dhënie mendimi qoftë dhe formal se ku duhet të bëhen ato.

Zoti Kryeministër,

Qëllimi im nuk është që të “akuzoj” një palë e të “mbroj” tjetrën. Qëllimi im është në radhë të parë të rregullohet sa më shpejt gjendja, sepse nga informacionet që kam nga një masë oficerësh në bazë, këto deformime mund të arrijnë në nivele të pariparueshme e me pasoja negative historike në jetën e Forcës së Armatosur. Ju siguroj gjithashtu se raportet e mia personale me Ministrin Mediu i konsideroj të mira, dhe dëshiroj që edhe në aspektin institucional të jenë po ashtu. Gjithashtu ju siguroj që këto probleme i kam trajtuar edhe me Ministrin, por edhe pse shpeshherë jemi mirëkuptuar dhe ka thënë se do t’i zgjidhim më së shumti, ato akoma nuk kanë gjetur zgjidhje. Për të arritur në një ndryshim të kësaj situate shumë rënduese, do të mirëprisja çfarëdolloj takimi me Ju, ose edhe për një thirrje në raport në prezencën e Ministrit për të ndihmuar e përmirësuar procesin. Jam si përherë i gatshëm të zbatoj detyrat e përgjegjësitë që ju zoti Kryeministër më keni ngarkuar.

Shpresoj e besoj shumë në mirëkuptimin Tuaj.
Me respekt
Gjeneral Lejtnant, Luan HOXHA
SHEFI I SHTABIT TË PËRGJITHSHËM TË FORCAVE TË ARMATOSURA


Gazeta Shqiptare

[_AuLoNa_]

Kolegji Penal i Gjykatës së Lartë vendosi të pranonte kërkesën e 19 prej të pandehurve të këtij procesi për vecimin e gjykimit. Në bazë të këtij vendimi dosja në ngarkim të ish- ministrit të Mbrotjes Mediu i cili akuzohet për “shpërdorim detyre” do të gjykohet në Gjykatën e Lartë.


TIRANE-
Ora 14:34 Ish-ministri i Mbrojtjes, Fatmir Mediu do të gjykohet i ndarë nga 28 të pandehurit e tjerë të akuzuar nga prokuroria shqiptare si persona që janë përgjegjës apo që kanë pasur lidhje me tragjedinë e 15 marsit 2008 në Gërdec të Vorës.

Kolegji Penal i Gjykatës së Lartë vendosi të pranonte kërkesën e 19 prej të pandehurve të këtij procesi për vecimin e gjykimit.
“Kërkesa e avokatëve është e bazuar në ligj”- mësohet të ketë qenë argumentimi që Kolegji Penal i ka bërë kërkesës së avokatëve, duke hedhur kështu poshtë akuzën e cila kërkoi mos pranimin e saj.

Në bazë të këtij vendimi dosja në ngarkim të ish- ministrit të Mbrotjes fatmir Mediu i cili akuzohet për “shpërdorim detyre” do të gjykohet në Gjykatën e Lartë, ndërsa dosja e 28 të pandehurve të tjerë do të gjykohet nga Gjykata e Tiranës.

Gjykata e Lartë gjithashtu nuk ka pranuar as kërkesën e avokates mbrojtëse të familjeve të viktimave për të ngritur padi civile për dëmshpërblim.
Sipas Kolegjit Penal të kësaj gjykate shqyrtimi i kësaj kërkese është kompetencë e gjykatës së shkallës së parë të Tiranës. Avokatja mbrojtëse kundërshtoi vendimin dhe deklaroi se do të ndiqte më tej procedurat ligjore për të kundërshtuar vendimin.

Ndërkohë po seancën e fundit Gjykata e lartë rrëzoi kërkesën e grupit të prokurorëve kryesuar nga Sokol Stojani për përjashtimin e tre gjyqtarëve përfshi ketu edhe kreun e trupit gjykues, Besnik Ymeraj. Prokuroria gjykoi se tre gjyqtarët nuk mund të shqyrtojnë dot dosjen pasi sipas saj këta kanë konflikt interesi me të pandehurit.
Gazëta Shqiptare ditët e fundit ka zbardhur pjesë nga dosja e Gërdecit ku përmenden emra shumë afër Berishës si të lidhur me aferën e trafikut të armëve, përfshi ketu dhe djalin e tij Shkelzenin.

Ora 11.21 "Gerdeci", Avokatët: Klientet tanë pa imunitet. Veconi dosjen

Avokatët mbrojtës të 19 të pandehurve nga 29 që janë gjithsej kërkojnë vecimin e dosjes për klientët e tyre. Sipas përfaqësuesve ligjorë, klientët që ato përfaqësojnë nuk kanë imunitet dhe për pasojë nuk është kompetencë e Gjykatës së Lartë gjykimi i tyre por është Gjykata e Tiranës.

Dosja “Gërdeci” për të cilën prokuroria ngriti akuzë për 29 persona, ndodhet për gjykim në Gjykatën e Lartë, pasi njëri nga të pandehurit është ish- ministri i Mbrotjes, kryetari i Partisë Republikane Fatmir Mediu, i cili ishte me imunitet.

Një kërkesë e tillë nuk është bërë nga avokati mbrojtës i administratorit të “Albademil”, Mihal Delijorgji i cili akuzohet si një ndër përgjegjësit e tragjedisë dhe që ndodhet në gjendje arresti. Ndërsa përfaqësuesi ligjor i ish ministrit Mediu i ka lënë në dorë Gjykatës të marrë një vendim, duke mos u shprehur në lidhje me këtë kërkesë.

Kërkesa për gjykim të vecuar është kundërshtuar nga përfaqësuesi i grupit të prokurorëve Sokol Stojani i cili i kërkon Kolegjit Penal të mos e marrë parasysh.

Nga ana e saj prokuroria i kërkon gjykatës që të marrë vendim që një avokat të mbrojë jo më shumë se një të pandehur.

Kolegji Penal i Gjykatës së Lartë është tërhequr për të vendosur mbi kërkesën e 19 të pandehurve të tragjedisë së Gërdecit, për gjykim të vecuar.

Nëse gjykata vecon cështjen atëherë i takon që dosja e Ish ministrit të Mbrojtjes të vecohet nga 28 të pandehurit e tjerë.

Nga 29 të pandehur të cilët prokuroria i ka ulur në bankën e të akuzuarve si përgjegjës për shpërthimin e fabrikës së demontimin “Albademil”, vetëm 4 janë të arrestuar. Ish-drejtori i kompanisë shtetërore MEICO, Ylli Pinari, administratori i kompanisë "Alba Demil", Mihal Delijorgji dhe ish-drejtorin teknik të fabrikës së çmontimit të municioneve, Dritan Minxolli, si dhe ish punonjësi i MEICO-s Sokol Gjeci.

Të pandehur që gjykohen në gjendje të lirë janë ish-ministri i Mbrojtjes, Fatmir Mediu; ish-shefi i Shtabit të Përgjithshëm të Ushtrisë, Luan Hoxha; zëvendësi Agim Lala, Shpëtim Spahiu, Zija Bahja, Ramadan Tartari, Ndue Marku, Sokol Gjeçi, Ardian Mullahi, Adriatik Mema, Shkëlzen Madani, Dashnor Çaushaj, Zenun Fero, Hysni Coçka, Hilmi Laçaj, Fari Toska, Rezart Tërshana, Besnik Dauti, Agim Babameto, Fiqiret Mato, Lavdi Shatro, Gëzim Oshafi, Denis Hajdari, Jorgo Mino dhe Fatbardh Kuçi.
(s.g/BalkanWeb)

[_AuLoNa_]

Anëtari i Gjykatës së Lartë, që po gjykon shpërthimin e 15 marsit 2008, e mohoi përfshirjen e së bijës. Mediu ndahet nga të akuzuarit e tjerë

Sokol Çobo

"Gërdeci", Mediu i vetëm në Gjykatën e Lartë

Ish-ministri i Mbrojtjes, Fatmir Mediu, do të gjykohet i ndarë nga 28 të pandehurit e tjerë të akuzuar nga prokuroria shqiptare si persona që janë përgjegjës për tragjedinë e 15 marsit 2008 në Gërdec të Vorës. Kolegji Penal i Gjykatës së Lartë vendosi të pranonte kërkesën e 16 prej të pandehurve të këtij procesi për veçimin e gjykimit. Drejtuesi i Kolegjit Penal, Besnik Imeraj, tha se kërkesa e avokatëve është e bazuar në ligj, duke rrëzuar për të dytën herë prokurorinë, e cila kërkoi që procesi të zhvillohej në Gjykatën e Lartë. Tashmë, në bazë të këtij vendimi, dosja në ngarkim të ish-ministrit të Mbrojtjes, Fatmir Mediu, i cili akuzohet për "shpërdorim detyre" do të gjykohet në Gjykatën e Lartë, ndërsa dosja e 28 të pandehurve të tjerë do të gjykohet nga Gjykata e Faktit, Tiranë. Gjykata Supreme gjithashtu nuk ka pranuar as kërkesën e avokates mbrojtëse të familjeve të viktimave për të ngritur padi civile për dëmshpërblim. Sipas Kolegjit Penal të kësaj gjykate, shqyrtimi i kësaj kërkese është kompetencë e Gjykatës së Shkallës së Parë të Tiranës.

Seanca gjyqësore
Në fillim të seancës, gjykata i dha fjalën avokatit Vladimir Bineri, i cili kërkoi që çështja të ndahet. Më pas fjalën e mori kryehetuesi i çështjes "Gërdeci", Sokol Stojani, aktualisht drejtor i Drejtorisë së Hetimit dhe Ndjekjes Penale në Prokurorinë e Përgjithshme. Prokurori i parashtroi trupit gjykues se avokatët kanë kërkuar ndarjen e çështjes, duke u bazuar te parimi kushtetues se nëse Gjykata e Lartë vendos që t‘i dënojë ata nuk kanë ku të ankohen. Një tjetër kërkesë e mbrojtësve ishte lidhja e të pandehurit Fatmir Mediu, i cili gëzonte atributet e ministrit të Mbrojtjes gjatë tragjedisë së Gërdecit dhe të pandehurve të tjerë, të cilët nuk gëzojnë asnjë imunitet. Për këtë arsye, ata kërkonin që çështja të ndahej. Një tjetër kërkesë e tyre ishte zvarritja e procesit. Prokuroria, pasi ka përmendur kërkesat e mbrojtjes, i kërkoi trupit gjykues mospranimin e tyre, pasi shkelin haptazi Kushtetutën dhe përkatësisht nenin 141 të saj. Sipas përfaqësuesve të prokurorisë, Kushtetuta lejonte një standard të lartë gjykimi, nëse gjykata do të rrëzonte kërkesën e mbrojtjes. "Nëse çështja do të shkojë në Gjykatën e Shkallës së Parë, atëherë ky proces ka nevojë për një vendim të Gjykatës Kushtetuese", deklaruan prokurorët, duke saktësuar se kërkesat janë në kundërshtim me dispozitat e Kodit të Procedurës Penale. Sipas akuzës, të pandehurit me veprimet dhe me mosveprimet e tyre kanë shkaktuar vdekjen e 26 personave dhe plagosjen e 300 të tjerëve dhe për këtë arsye duhet të gjykohen nga e njëjta gjykatë. "Nuk mund të ndahet çështja, pasi faktet janë të lidhura. Ndarja do të dëmtonte faktet. Shqyrtimi i dy gjykatave sjell barazvlefshmëri dhe kur këto gjykata nuk janë të të njëjtit nivel. Nëse vendosin ndryshe nga njëra-tjera, atëherë palët do të kërkonin një rishikim të vendimit", tha prokurori Sokol Stojani. Në fund përsëriti, se, duke u bazuar te faktet e sipërcituara, i kërkon Kolegjit Penal mospranimin e kërkesave të mbrojtjes të të pandehurve.

Gjyqi, pas tri orësh
Pas kërkesave të prokurorisë, trupi gjykues shtyu seancën në orën 14:00 të ditës së djeshme, me qëllim që të bëhej gati për analizimin e kërkesave të palëve në proces. Pas më shumë se tri orësh e gjysmë, trupi gjykues dha vendimin. Sipas tyre, në këtë proces avokatët e 16 të pandehurve kërkuan që çështja të ndahej, ndërsa organi i prokurorisë kërkoi që Gjykata e Lartë është kompetente për gjykimin e këtij procesi. Sipas pesëshes gjykuese, kërkesa e avokatëve është e bazuar në ligj, pasi klientët e tyre nuk gëzojnë asnjë imunitet. Gjykata tha se personat e akuzuar për ngjarjen e Gërdecit nuk kanë akuza të njëjta dhe se veprimet e disa prej tyre janë të ndryshme nga veprimet e disa të tjerëve. Më konkretisht, Kolegji Penal theksoi se kompetencë e Gjykatës së Lartë është vetëm gjykimi i të pandehurit Fatmir Mediu, i cili gëzon statusin e deputetit në Kuvendin e Shqipërisë. "Çdo person që merr një vendim ka të drejtë të ankohet ndaj këtij vendimi. Në rastin konkret, të pandehurit që nuk u atribuohet neni 141 i Kushtetutës nuk mund të gjykohen në Gjykatën e Lartë", tha trupi gjykues. Sipas tyre, në këtë rast mund të kemi një gjykim të ndarë, ku ish-ministri i Mbrojtjes do të gjykohet nga Gjykata e Lartë dhe të pandehurit e tjerë në Gjykatën e Tiranës.

Vendimet përfundimtare
Krahas shpalljes së moskompetencës për gjykimin e të pandehurve që nuk gëzojnë imunitet të dosjes "Gërdeci", trupi gjykues u shpreh edhe për kërkesat civile në procesin penal. Sipas gjykatës, nëse këto palë do të legjitimoheshin, atëherë kishte rrezik potencial që procesi penal të kthehej në një proces civil. "Nëse kërkesa e trashëgimtarëve të viktimave të tragjedisë së Gërdecit dhe avokaturës së shtetit do të pranohej në procesin penal, atëherë ky proces do të dëmtohej rëndë", tha kryesuesi i trupit gjykues, Besnik Imeraj. Në përfundim, Kolegji Penal i Gjykatës së Lartë vendosi: shpalljen e moskompetencës së Gjykatës së Lartë për gjykimin e akuzave penale në ngarkim të të pandehurve: Agim Lala, Ndue Marku, Ardian Mullai, Zija Bahja, Luan Hoxha, Zenun Ferro, Hysni Çoçka, Lavdi Shatro, Jorgo Mino, Fiqiret Mato, Armand Tartari, Fatbardh Kuci, Shpëtim Spahiu, Adriatik Mema, Rezart Tërshana, Denis Hajdari, Gëzim Hoshafi, Besnik Dauti, Agim Babameto, Fahri Toska, Mihal Delijorgji, Ylli pinari, Shkëlzen Madani, Ardian Mullai, Sokol Ngjeçi, Dritan Minxholli, Juliana Margariti, Dashnor Çaushi, Hilmi Lacaj, dhe Albademil sh.p.k., si dhe dërgimin e çështjes në ngarkim të tyre për kompetencë në Gjykatën e Shkallës së Parë Tiranë. Gjithashtu, Kolegji Penal vendosi: Veçimin e padisë civile nga procesi penal të paditësve Nazmije Hazizaj etj. përfaqësuar nga avokate Blerta Kraja të legjitimuar nga organi i prokurorisë në fazën e hetimeve paraprake dhe mospranimin për shqyrtim të kërkesë-padisë së Avokatit të Shtetit dhe padive të tjera civile duke i dërguar ato për shqyrtim nga një trup gjykues civil i Gjykatës së Shkallës së Parë Tiranë.


Kërkesa

Avokatët, dosja duhet të ndahet

Avokatët mbrojtës të të pandehurve kërkuan një seancë më parë veçimin e dosjes për klientët e tyre. Sipas tyre, personat që ata përfaqësojnë nuk kanë imunitet dhe për pasojë nuk është kompetencë e Gjykatës së Lartë gjykimi i tyre, por është vetëm Gjykata e Tiranës. Dosja "Gërdeci" për të cilën prokuroria ngriti akuzë për 29 persona dhe një firmë, u dërgua për gjykim në Gjykatën e Lartë, pasi njëri nga të pandehurit është ish- ministri i Mbrojtjes, kryetari i Partisë Republikane, Fatmir Mediu, kishte imunitet.



Reagimi pas seancës: Nuk po vendoset drejtësia. Familjarët paditën edhe Kryeministrin...

Trashëgimtarët e viktimave:
"Gërdeci", në Gjykatën Kushtetuese

Familjarët e viktimave të Gërdecit, të cilët kanë ndjekur nga afër të gjitha proceset gjyqësore, kanë reaguar ashpër ndaj vendimit të Gjykatës së Lartë, duke këmbëngulur se është antiligjor. Përfaqësuesja ligjore e tyre në gjykatë, Blerta Kraja, tha se ky Kolegj Penal ka shkelur haptazi ligjet e shtetit shqiptar, pasi tre prej tyre duhet të jepnin dorëheqjen, pasi kishin konflikte interesi me çështjen përkatëse. Ajo shtoi se do të verifikojë vendimin përfundimtar dhe nuk do të pranojë që Gjykata e Shkallës së Parë të verifikojë padinë për dëmshpërblim, por do t‘i drejtohet Gjykatës Kushtetuese për një unifikim të këtyre vendimeve. Në deklaratën pas seancës, avokatja tha se do të ndjekë të gjitha rrugët ligjore, madje për këto kërkesa do t‘i drejtohet edhe Gjykatës së Strasburgut.
Por reagimi i avokates Kraja nuk ka qenë i vetmi. Menjëherë pas vendimit të Kolegjit Penal, i cili vendosi delegimin e dosjes në Gjykatën e Tiranës, disa familjarë kanë lëshuar akuza ndaj këtij trupi gjykues, i cili, sipas tyre, po luante me gjakun e të afërmve të tyre. Është dashur ndërhyrja e disa punonjësve të Gjykatës së Lartë që situata të normalizohej, por menjëherë sapo kanë dalë nga salla dhe kanë shkuar në korridor ku sërish janë lëshuar akuza ndaj trupit gjykues, i cili sipas tyre nuk po vendoste drejtësi.
Gjykata e Lartë ka hedhur poshtë kërkesën e familjarëve të tragjedisë së Gërdecit në procesin civil, që kishin paditur edhe Kryeministrin. Ata shkruanin në padinë civile në procesin penal se me veprimet dhe mosveprimet e Kryeministrit Berisha, Këshilli i Ministrave i ka hapur rrugë procedurës së trajtimit të armëve, teknikës dhe pajisjeve të Forcave të Armatosura, nga ku zë fill gjithë kjo veprimtari demontimi, e cila ka sjellë këtë pasojë kriminale. "Kryeministria është person juridik, publik, që mbështet veprimtarinë e Këshillit të Ministrave, të Kryeministrit, të zëvendëskryeministrit dhe të ministrit të Shtetit", përgjigjet civilisht, me pasurinë e saj, për shkak të miratimit të vendimit nr.138, datë 14.03.2007, që nuk arrin të rregullojë të gjithë procedurën siç parashikohet në ligj, si dhe për shkak të mosveprimit të Kryeministrit, për të siguruar zbatimin e atij vendimi. "Siç del nga aktet e administruara në dosje, Këshilli i Ministrave ka miratuar me vendimin e tij nr.138, datë 14.03.2007, procedurën e trajtimit të armëve, teknikës dhe pajisjeve të Forcave të Armatosura, nga ku zë fill gjithë kjo veprimtari demontimi, e cila ka sjellë këtë pasojë kriminale", thuhej në padi. Më pas shtohej se "Nga tërësia e akteve të administruara në dosje rezulton se Kryeministri nuk ka ndërmarrë asnjë veprim që të përmbushë detyrimin e tij kushtetues, pra të siguronte zbatimin e legjislacionit dhe të politikave të miratuara nga Këshilli i Ministrave.
"Nëse ai (Sali Berisha) do të kishte vepruar në mënyrë aktive, siç Kushtetuta e ngarkon, do të kishte ndaluar një ministër të nxirrte akte të tilla të kundërligjshme, apo më tej do të kishte parandaluar një ngjarje të tillë kriminale, apo së paku për atë vetë do të arrinte të shkarkonte vetveten nga pas rrjedhja e një përgjegjësie të paktën civile. Në këto kushte, duke qenë se Kryeministria është personi juridik publik (pra subjekt në qarkullimin civil, me pasuri dhe buxhet), që përgjigjet dhe i mbështet institucione të tilla si Këshillin e Ministrave apo Kryeministrin etj., dhe duke qenë se Këshilli i Ministrave ka miratuar atë vendim, si dhe për shkak të mosveprimit të Kryeministrit gjatë ushtrimit të detyrës, ka ardhur dhe ky dëm civil, atëherë kërkojmë që ky person juridik, Kryeministria, të përgjigjet civilisht, solidarisht, me të paditurit e tjerë në pagimin e dëmshpërblimit për ne, paditësit", përfundonte padia e të dëmtuarve.