Cfare eshte "Trinia e Shenjte"?

[besnik29]

Do te kisha dashur te di nese ka dikush qe di te skjaroj trinie ne te cilen besojn te krishteret?
Te tregojn se kush eshte Ati,kush i biri e kush shpirti i shejt?

[islamway]

selamu alejkum besnik 29
kjo mor vella i dashur eshte nje pyetje prej 1 000 000$
meqe ra llafi kush i jep nje pergjigjje te kuptushme pa futur filozofine e fjales e ka hak 100 piket e mundeshme
sepse nuk kemi si tia japim $
konkursi eshte i hapur

[Shpresmiri]

Kur njeriu pyet me kulture, atehere nuk me vjen as edhe veshtire te shkruaj. Sa per fillim po them vetem me sa vijon:

Rrëfimi qendror i fesë së krishterë është: “Ne besojmë në një Zot të vetëm”. Ka rëndësi themelore të shquash unicitetin e Zotit në Kristianizëm, sepse çdo shpjegim ose teologji e natyrës trinore të Zotit, që do të tentonte të mohojë unicitetin e Tij, nuk mund të merret parasysh, si një shprehje e vërtetë e fesë së krishtere.
Në historinë e Krishtërimit, disa vetë ose grupe kanë mbajtur një qëndrim që e mohon unicitetin e Zotit dhe kanë mbritur deri tek pohimi i tre zotave. Në çdo rast këto mendime janë kritikuar nga kishat e krishtera si të papranueshme me mësimin e vërtetë të krishterë.
Në gjuhën e popullit, disa shprehje të të krishterëve, të bëjnë të mendosh për “triteizmin praktik”. Ka raste, personash të krishterë, që kur flasin ose shkruajnë, të japin përshtypjen se të krishterët adhurojnë tre zota. Sidoqoftë, këto shprehje janë kundërshtuar gjithmonë prej krerëve të kishës së krishtere dhe teologëve, si të gabuara.
Megjithëse në kohën e Muhametit, kishte shumë të krishterë në Arabinë e Madhe, në krahinën e Mekes (Hijaz) ishin të paktë. Meka, duke qenë faltorja e besimit pagan, në kohën e Jahiliyya-s, kundërshtoi përhapjen e mendimeve të Krishtërimit. Të krishterët dhe paganët që ndodheshin në Hijaz, duket se nuk kishin marrë mësime të rregullta për fenë e krishterë.
Në atë kohë s’kishte “shkolla” ose institute për mësimin e fesë së krishterë dhe Shkrimet e krishtera ende s’ishin përkthyer në arabisht. Kështu njohja e vërtetë e mësimit të krishterë, duket se ishte vetëm në hapat e para.
S’do të ishte keq të përmendim edhe një gjë. Megjithëse fiset e ndryshme arabe u jepnin emra të ndryshëm hyjnive të veta pagane, ata njësuan Allah-un, Zotin e Madh, me Atin, Marinë si Nëna e madhe dhe Krishtin si Zotin, bir i lindur fizikisht, prej Allahut dhe Marisë. (Duket se ky pranim për të vërtetën gojëdhanore pagane, u pranua me lehtësi prej Arabëve të krishterë të kthyer, që ishin mësuar, mos më keq, në fenë e krishtere). Ky është një shtrembërim i fesë së krishtere, dhe teologët e krishterë më me autoritet e dënuan. Edhe Kurani e dënon këtë besim, si të padenjë për natyrën hyjnore. Të krishterët janë dakort me mësimin e Kuranit, se Zoti qëndron shumë më lart se fakti që të lindë një djalë, apo Maria e Jezusi janë zota që i shtohen Allahut, ose Allahu është njëri prej tre zotave. Kurani, pra, e dënonte mësimn pagan, gjysëm të kristianizuar, që gjëndej atëherë në Hijaz, një besim që as kishat e krishtera nuk e pranojnë.

[KelMed]

Shpresmiri,

Me fal, por ti ne asnje pike nuk i je pergjigjur pyetjes se parashtruar. Ne vend te pergjigjes ti perpiqesh te thuash se ne muslimanet paskemi nje mendim te gabuar mbi doktrinen e krishtere si pasoje e besimit te shtremberuar te arabeve te krishtere te kohes se Muhamedit (saus). (me korrigjo nese te kam kuptuar gabim) Ketu flitet per ate qe shohim sot, dhe sot formula "ne emer te atit, te birit dhe te shpirtit te shenjte", me sa di une, perdoret ne te gjitha kishat. Te krishteret e cdo sekti e quajne Jezusin bir te Zotit (i paster eshte Ai nga kjo e mete); dhe ne te njejten kohe e quajne Zot. Katoliket the ortodokset i falen dhe i luten (pra e adhurojne) Marise, si nena e Zotit (i paster eshte Ai nga kjo e mete); per te mos folur pastaj per shenjtoret e panumert te cileve u luten dhe ikonat e te cileve vene e puthin ne kishe. Nuk e di si e quan ti kete, por per mua kjo eshte nje forme paganizmi qe ndodh sot ne 2003, dhe jo ne shekullin e 7te.



quote
Në gjuhën e popullit, disa shprehje të të krishterëve, të bëjnë të mendosh për “triteizmin praktik


Atehere, a mund te na e shpjegosh ti se c'eshte "triteizmi teorik", -ne mund ta quaj te tille- dhe cfare thone autoritetet kishtare per kuptimin e trinise? Dhe jo me dogma kishtare, por me fjale te qarta dhe te thjeshta n.q.se ke mundesi.



Me respekt

[AsgjëSikurDielli]

Islamway, pse te behet shaka per nje pyetje tejet serioze?

ASD

P.S. Une e citoj nje thenie te Mahatma Ghandi-te "God is One, but numerous are his aspects..."

"Zoti eshte Nje, por jane te numerte aspektet e tij..."

[islamway]

jam plotesisht dakort me mendimin e kelmendit

[islamway]

asgjesikur dielli
ja arsyja
sepse vete vjala monoteizem qe kristjanet e pohojne dhe predikojne eshte antiteze e fjales triniti qe po kristjanet e besojne
me fal seshte per te qeshur te besosh dy antiteza

[Shpresmiri]

KelMed, të falënderoj për interesimin tënd që orvatesh së paku të kuptosh diçka nga e vërteta e krishterë e Trinisë. Të kuptosh s`do të thotë të ndryshosh bindjet tua. Të interesohesh për diçka të huaj është shenjë e zemërgjerësisë së personit. Të dëshiroj që edhe në të ardhmën të jesh zemërgjer.

KelMed, thua që ta sqaroj me fjale te qarta dhe te thjeshta triteizmin dhe jo me dogma kishtare.

Unë po të pyes: çka domethënë "fjalë të qarta dhe të thjeshta" e çka domthënë "dogmë kishtare"? Diçka është për mua e qartë, për dikë është apsurde, apo jo? Nga tjetra anë shpresoj se jemi të një mendimi se siguri apsolute të njohjes nuk ka në këtë botë. Njohje të sigurtë apsolute ka vetëm Allahu (Zoti). Dhe ne kuptojmë aq sa jemi të kufizuar.

Mirë e ke vërejtur, se nuk të kam dhënë përgjigje direkte në pyetjen e parashtruar. Madje më vjen mirë se po e sheh se me çështjen e Trinisë kemi të bëjmë me diçka ose që është shumë naive dhe foshnjore ose me diçka shumë serioze madje të paarritshme, por shpëtimtare.

Lidhur me "triteizmin praktik" mund ta vëresh se ai term është i vërë në thonjëza, pra mirret ekskluzivisht domethënja e këtij termi. Me fjalë të tjera termi "triteizëm" domethënë besimi në tre zota, prandaj edhe është vërë në thonjëza (besimtarët sikur adhurojnë në praktikë tre zota). Trinia është tjetër!
Pra, teoretikisht po i bisedojmë gjërat - ashtu si do të duhej të besoheshin të vërtetat e fesë duke i dalluar prej praktikës së besimtarëve veç e veç (që gjithmonë mund të gabojnë, si te çdo fe tjetër).

Me kaq, me qëllim nuk po e vazhdoj më tutje, sepse kam dëshirë të shoh se sa kam qenë i qartë duke pritur reagimin tënd.

Sinqerisht!

[AsgjëSikurDielli]

islamway,

Monoteizmi dmth besimi ne nje Zot. E besimi ne nje Zot ne vete i ngerthen shume gjera.

Edhe hinduset besojne ne 337 milione zotera (mos u cudit), por kur i pyet thone se ekziston vetem nje Zot dhe quhet Brahman. Pse ndodh kjo?

Sepse ne kohen kur ajo fe u krijua, para 6000 vjetesh sundonte besimi pagan ne shume zotera. Kur hinduset thane se ekziston vetem nje Zot, paganet pyeten "E c'ndodh me keta tjeret?". Pergjigja e tyre ishte kjo: "Keta tjeret jane vetem pjese te Zotit. Te derguar te tij per te na ndihmuar. Keta jane sikur nje pike shiu qe evaporon nga Oqeani. Ajo largohet perkohesisht, por perfundimisht ka per tu kthyer ne Oqean."

Dmth, ndarja e Zotit ne 3 pjese, ose ne Atin, Birin dhe Shpirtin e shenjte behet per shkaqe trashegimie kulturore. Ku Ati eshte Zoti, Biri Jezusi kurse Shpirti i Shenjte eshte shpirti i Jezusit qe eshte ne mes te njerezve dhe i mbron ata.

Tash ti mund ta krahasosh me Islamin, por nuk eshte e drejte. Sepse kane aspekte tjera dhe besojne ne gjera tjera. Nese do te besh krahasime mes Islamit dhe ndonje feje tjeter, mund ta marrresh Zoroastrianizmin (Zoro, krijuesi i kesaj feje thoshte se ekzistonte Nje dhe vetem Nje Zot).

Islamway, eshte mire kur pyetet e mesohet.

Te pershendes,

ASD

[islamway]

problemi eshte me i thjeshte sec e ben ti dhe hinduset

thote All llahu ne kuranin e shenjte
4:171.
O ithtarët e librit, mos teproni në fenë tuaj dhe mos thuani tjetër gjë për All-llahun, përveç asaj që është e vërtetë. Mesihu Isa, bir i Merjemes, ishte vetëm i dërguar i All-llahut. Ishte fjalë e Tij (bëhu) që ia drejtoi Merjemes dhe ishte frymë (shpirt) nga Ai. Besonie pra All-llahun dhe të dërguarin e Tij e mos thoni: "Tre" (trini). Pushoni (së thëni), se është më mirë për ju. All-llahu është vetëm një All-llah; larg qoftë asaj që Ai të ketë fëmijë. Ç'ka në qiej dhe çka në tokë është vetëm e Tij. Mjafton që All-llahu është planifikues i pavarur.

i larte eshte All llahu nga ato qe ju i shoqeroni
si mundet qe zoti te kete bir kur ne duart e tij eshte cka ne qiell dhe ne toke
po te qe jezusi biri i zotit normalisht do trashegonte cilesite e Atit
atehere do kishim dy zota
kjo rrjell nga llogjika si thoni Zoti eshte nje

17:42.
Thuaj: "Sikur të kishte zota të tjerë përveç Atij, sikundër thonë ata, atëherë ata (zotat) do të kërkonin rrugë për mbizotërim ndaj të Madhëruarit (për t'ia marrë pushtetin).

5:72.
Bënë kufr (mohuan të vërtetën) ata që thanë: "All-llah është ai, Mesihu, bir i Merjemes". E vetë Mesihu, (Isai) tha: "O beni israil, adhuronie All-llahun, Zotin tim dhe Zotin tuaj, sepse ai që i përshkruan Zotit shok, All-llahu ia ka ndaluar (ia ka bërë haram) atij xhennetin dhe vendi i tij është zjarri. Për mizorët nuk ka ndihmës.

5:73.
Gjithashtu bënë kufr (mosbesim) ata që thanë: " All-llahu është i treti i treve". S'ka në gjithësi tjetër pos një All-llahu, e nëse nuk pushojnë nga ajo që thanë (tre zotëra), do t'i kapë dënim i dhëmbshëm, ata që nuk besuan prej tyre.

5:116.
Dhe kur All-llahu tha: "O Isa, bir i Merjemes, a ti njerëzve u the: "Më besoni mua dhe nënës time dy zota pos All-llahut!?" (Isai) Tha: "Larg asaj të mete je Ti (o zoti im). Nuk më takon mua ta them atë që s'është e vërtetë. Ta kisha thënë unë atë, ti do ta dije. Ti e di ç'ka në mua, e unë nuk di ç'ka në Ty. Ti je më i dijshmi i të fshehtave!"

5:117.
Unë nuk u kam thënë tjetër atyre, pos asaj që Ti më urdhërove;ta adhuroni All-llahun, Zotin tim dhe Zotin tuaj,dhe sa isha ndër ta, kam qenë përcjellës i tyre, e pasi që më more mua, Ti ishe roje (dhe dëshmues) i tyre. Ti je dëshmitar për çdo send!"